General Conference Chanchin leh Rorelna

April 6-9 chhung khan North East India UPC inkhawmpui lian ber General Conference vawi 49-na chu Lunglei Chanmari Biak Inah neih a ni.
Inkhawmpuiah hian thupui atan Inthawina nung (Living Sacrifice) tih hman a ni a, Rev. H. L. Dawngliana, Rev. Ralkapkunga Khiangte, Rev. W.L.Thanghre, Rev. R. Lalhawia leh Rev. Lalmalsawma Sailo te hnen atangin Pathian thuchah ngaihthlak thin a ni. Lunglei District PYD Choir, Pentecostal Choir Aizawl East District, North Mizoram District PYD Choir leh General Choir ten zaia rawngbawlna an nei thin.atang ten ngaihthlak thin a ni.
Inkhawmpui chhungin North Bengal /Sikkim Missions Field a thalai hruaitu George Routia Pathian fakna hla cassette tlangzarh a ni a, a cassette siam hi North Bengal /Sikkim Missions Field chhunga Biak In leh mamawh hrang hrang tanpuina atana buatsaih a ni. Tin, Rev. H. Lalngailiana buatsaih ‘Hun bik nei sermon’ tih lehkhabu tha tak release a ni bawk.
Inkhawmpui tan zan April 3 ningani zanah Rev. H. Chalchhunga Former Lunglei District Superintendent chuan Conference hawngin, Rev. HL Dawngliana’n Pathian Thuchah a sawi.
April 7 zirtawpniah Department hrang hrang – Sunday School, Missions leh PYD ten rorel inkhawm an nei bawk.
April 8 Inrinni zan inkhawm Rev. Zohmingthanzama, General Treasurer chuan a kaihruai a, Rev. W.L. Thanghre, Chhimtuipui District Superintendent in Pathian thuchah a sawi.
April 9 Pathianni zing inkhawm dar 11 ah tan a ni a, hetah hian rawngbawltu 4- Pastor Lalhmingmawia (Aizawl East District), Pastor C. Vanlalruata (Delhi), Pastor B. Lalhmingliana  (Aizawl East District) leh Pastor K. Vanlalhruaia (Lunglei District) te chu Rev. Lalmalsawma Sailo, General Superintendent chuan a Ordained a, Speaker Rev. R. Lalhawia, General Missions Director hnen atangin Pathian thuchah ngaihthlak a ni. A hun hman chhungin mi engemawzah ten Missionary chawm turin an intiam.
April 9 Pathianni zanah Rev. R. Lalrinsanga, General Secretary chuan inkhawm a kaihruaia, Rev. Lalmalsawma Sailo, General Superintendent in Pathian thuchah a sawi.
General Conference ah hian North East India UPC huamchhunga District 11- South East Nagaland, Chandel, Imphal, Churachandpur, Central, Tripura, Barak, Chhimtuipui, North Mizoram, Aizawl East leh Lunglei District bakah Missions Field hrang hrang atangin palai an telkim thei a ni.
General Conference rorel :
  April 8 inrinni chawhma dar 10 atangin rorelna sang ber General Conference rorel inkhawm  neih a ni a, Report atanga a landan in North East India UPC huamchhungah hian kohhran member Nuai khat sanghnih za leh sawm pakhat  (102111) an awm mek a, kum hmasa aiin member sanghnih leh sawmli pariat (2048) in an pung. North East India chhungah hian District 11 leh Missions Field pakua (9) a awm mek a, Conference rorel tlangpui-
  1. Kum 2018 General Conference Aizawl East District ah neih tur niin kum 2019 ah Churachandpur District ah neih a ni bawk ang.te chu ruat a ni.
  2. Delhi khawpuia kohhran tana ram lei tha tih a ni.
  3. Kolkata khawpuia Bengali Bible School din nise
  4. Ramlak beihpui thlak chhunzawm
  5. Chawnghei tawngtai beihpui September 11-17 chhung tlai tin a neih nise.
  6. Financial Year atana April – March hman ni se,
  7. Bial Inkhawmpui palai atana tualchhunga rawngbawltu chin palai tura ruat
  8. Upa neih theih zat tur siam that.
  9. Kohhran Statistician te dinhmun leh mawhphurhna siam fel.