District PYD Executive Board nei

January ni 10 Nilaini khan North Mizoram District PYD Executive meeting District Superintendent chamber-ah PYD President Evan. F. Lalngaihawma kaihhruaiin an nei. Meeting-ah hian Agenda 7 neiin, an rorel pawimawh zingah District PYD ten Kawrthah khuaa rawngbawltu an rawih mek Evan. K. Lalthazuala January ni 20 thleng rawih chhunzawm bakah, Kum 2018 District PYD Budget ruahman Rs. 10,73,500 (Nuaisawm sing sarih sangthum leh zanga) chu an passed bawk.

2018 District PYD Conference chungchang ngaihtuah in  NEI PYD General Conference thlen  kum a nih avangin March Ni  4  Pathianni hmanga Maubawka District Conference-a beh tur leh, District Agenda Resolution Committee hi February ni 19 chawhnu dar 2:00 ah neih tur a ni bawk.

Tin, January ni 26 zirtawp atanga ni 28 Pathianni zan thlenga District Huam chhung Bial 30 a Bial PYD Khawmpuiah chuan Evan. F. Lalngaihawma Dist. PYD President in Rengdil Bial, Evan. Dr. Lalmuanpuia’n  Kolasib Diakkawn Bial leh Evan. Alan Laldawngliana’n  Zawlnuam Bial te an hmanpui dawn a  ni.