District Level Committee neih a ni

  1. July Ni 14 khan North Mizoram District LAD Board Meeting Dist. Hqrs. Biak In Tuikhuahtlangah neiha ni a, meeting hi Dist. LAD President Sist. C. Lalthangpui’n  a kaihruai a, Board member Bial 30 aiawh atangin Bial tin President 29 District board-ah hian an tel thei bawk.

Board Chairman chuan fuihna thu sawiin “Tui chu a luanna a hniam poh leh fintu a ngah thin angin; Bial hruaitute pawh member te chim phakin tlawmnaa rawng kan bawl a pawimawh a ni” a ti.

Meeting hi Dist Kohhranpui hruaitu 3 ten an telpuiin fuihna thu a sawi bakah Dist. LAD hnathawh hrang hrang tarlangin “L.A.D te District in beihpui thlak lai kan neih angin Thianghlimna leh Ram lakah nasa takin hna kan thawk zel tur a ni” a ti. Board Meeting-ah hian thu ngaihtuah tur 8 neiin hetiang hian rel a ni-

District LAD Confe. Vawi 48-na in hmeichhiate dinhmun tihhmasawn nana eizawnna tling thil inzirtir chungchangah Puanthui zirna hawn tha tiin tul leh pawimawh leh bawhzui ngai thilte bawhzui turin District hruaitute kutah dah a ni.

District LAD conference vawi 48-na in alo pass District Camping Centre Sakawrtuichhuna Thuthleng leh Chawei dawnkan siam nan Rs. 50,000 sanction a ni.

North Mizoram District chhunga Bial LAD Conference hun sawn alo passed tawh chu kum 2018 atang chuan March Pathianni vawi 3 naah neih tawh tur a ni ang.

District LAD Conference kum 2018-a chu Golden Jubilee Conference a nih dawn avangin a lawmna Programme siam leh Golden Jubilee Souvenir siam ngei tha tih a ni a, hetiang hian Committee siam a ni:-

Chairman: Sist. F. Rohlupuii B/w

Secretary: Sist. Lalawmpuii Sailo

Treasurer: Sist. K. Lalrokimi bakah, District LAD Hruaitute leh  District pui OB te ex-officio member an ni anga, Board member atan Aizawl khawchhunga LAD President theuh te an ni bawk ang.

Kumin Orphanage Sunday November Pathianni vawikhatna hman turah Bialtinte’n Fahrah chanhaite pualin thawhlawm uar taka thawhkhawm nise tih a ni.

Mizorama Aids darhzau zel tur venna atana MSACS a thawktute Rs. 10000/- a tanpui nise an ti.

Saihapui ‘K’ Home Mission Field-a kohhran hote’n  rawngbawl nana Combo leisak tura an ngen angin Rs. 12,000/- man leisak tha an ti.

 

  1. July ni 18 Thawhlehni khan North Mizoram District Missions Executive Committee chu North Mizoram District UPC Office Superintendent Room-ah an thukhawm. Director Rev. K. Lalduhsanga’n meeting kaihruaiin District hruaitu 3 ten an tawiawm bawk.

Meeting-ah hian District Mission Treasurer Evan. J.H Malsawmdawngliana’n Financial Report a pe a, Chaltlang Bial LAD ten Marpara Mission Field Biak in sakna atana sumfai Rs. 20,000/- an pek chungchang sawi hovin District Missions hruaitute’n a tul anga hma an lo lak atan dah a ni.

October ni 6 zirtawp zan atanga ni 8 Pathianni zan thleng hmanga North Mizoram District huam chhung Bial 30 ten Bial Missions Conference an hman turah hruaituten hetiang hian an hmanpui ang:

1) Rev. C. Lalrammuana, Dist. Supdt. Rengdil Bialah

2) Rev. Laltluanga, Dist. Secy. Phainuam Bialah

3) Rev. Chhiarpuia, Dist. Treasurer Thenzawl Bialah

4) Rev. K. Lalduhsanga, Dist. Missions Director, Headquarter Bialah

5) Evan. Thangropuia, Dist. Missions Secretary, Sumsuih Bialah leh

6) Evan. J.H Malsawmdawngliana Dist. Mission Treasurer Sialsuk Bialah.

District Mission Department Biak In sak lai Nepalpara Biak in chu chhunzawm tha an tih bakah Pastor Titus Munda, Siliguri West Bengal Field-a thawk mek chu a bial fanna tur Bike lei sak an rem ti bawk.

Vawngawnzo Home Mission Field-a Persang a rawngbawl turin Casual Worker dah tha tih a ni a, rawngbawltu tur chu District hruaitute’n lo ngaihtuah se. Tin, rawngbawltu rawih hun chhung tur hi August atanga December thla thleng nise tih a ni.

 

  1. July 5 (Nilaini) khan Lawngtlai Bazar Biak Inah Chhimtuipui District LAD board neih a ni. Board hi President Sist. H. Zoramthangi’n a kaihruai a, District Superintendent Rev. Wl Thanghre leh District Secretary Pastor Joseph L. Thlauhthang ten an hmanpui a, sawm an nih angin Rev. F. Lalbiakthuama Lawngtlai North Bialtu leh Pastor Lalsawmliana Sailo Lawngtlai South Bialtu ten an tawiawm bawk. Rorel tlangpui :
  2. 2017 General LAD Conference hi Chhimtuipui District in Lawngtlai khawpui ah kan thlen dawn avangin hlawhtling taka hman a nih theih nan District chhung members a tam thei ang bera kal tura in sawm nise. Bial tin ten an mahni kal dan tur chu lo in ngaihtuah mai se.
  3. Saiha leh Lawngtlai  kawtchhuah tawngtaina hmunah “Nang malsawmna ni ang che” Genesis 12:2 tih thu hmanga signboard tar nise.
  4. District atanga Calvary Bible College ( CBC) a B.Th zirte kum tin Rs.1000/- a tanpui thin nise.
  5. District Bible zirna Apostolic Bible School (ABS) atanga Graduate te present pek thin nise. Present tur erawh chu OB ten lo rel thin se.
  6. Home Missionary te hnenah Christmas present atan Rs.1000/- pek thin nise tih te an rel a ni.