District Board nei

  1. North Mizoram District Kum chanve Board chu July ni 19 leh 20 (Nilaini leh Ningani) khan District Headquarters Biak In Tuikhuahtlang-ah neih a ni.

Meeting hi District Superintendent Rev. C. Lalrammuana’n a kaihruai a, “District Board member te Pathian kohhran enkawltu kan nih avangin kan rorel leh thutlukna kan siamah Lalpa duhzawng enge ni tih kan ngaihtuah fo a tul a ni” tiin fuihna thu a sawi.

Meeting hi General Superintenent Rev. Lalmalsawma Sailo chuan a hova, ram lak rawngbawlnaah nasa taka hma an sawn avanga a fakna thute a sawi bawk a  ni.

Meeting hian Conduct Rules siam thar District Board Approve tura thehluh chungchang te, Revival Conference Bial Group Siksawi te leh North Mizoram District Office Staff  Post siksawi dan tur te an sawi ho bawk.

Tin, July ni 18 Nilaini dar 2:00 vek khan North Mizoram District Former Superintendent Rev. R. Thangliana, June ni 3 Inrinni chawhnu dar 1:00-a chatuan ram pan  ta chu North Mizoram District  Board chuan ralna neiin Ralna inkhawm District Secretary Rev. Laltluanga’n a kaihruai a, Thuchah District Superintendent  Rev. C. Lalrammuana’n sawiin, Ralna thilpek Rev. Chhiarpuia, North Mizoram District Treasurer a hlan a ni.

 

  1. July 12 (Nilaini) khan Chhimtuipui District Committee room-ah District Board vawi 176-na chu tluang taka neih a ni. District board hi Rev. Wl Thanghre District Superintendent chuan a kaihruai a, General Superintendent Rev. Lalmalsawma Sailo chuan he Board hi a hmanpui thei a ni. Bial hrang hrang atangin Bialtu Pastor te pawh an tel kim vek a ni. An rorel pawimawh zingah-
  2. Emergency District board vawi 28 na leh vawi 29 na rorel te approve a ni.
  3. Kum 2014-2016 March chhung a District Treasurer account (Sawmapakhat leh Buhfaitham account) Re-Audit fel taka neih pawh thlir ho a ni a, Kum chanve Audit report thlirhona neih anih hnuin pawm a ni.
  4. Sum indaih lohna chin fel nan leh inrenchem nan thawktute nikhat hlawh December 2017 thleng cut nise December thla Board ah ennawn nise. Tin, hei hian Home Missionary te erawh a huam lo vang.
  5. Hmunnuam Biak In sakna tur thawhlawm khawn phalsak an ni.
  6. Quarters Rent official ten an zirchianna leh an ruahmanna chu thlirho niin pawm a ni.
  7. Ramlak beihpui bawhzui chhunzawm nan District hmalak na in Crusade neih nise, a hun leh hmun tur erawh official ten lo ngaihtuah se. Bial tinah member thar target kum chanve hnu lam atan 20 theuh neih ni bawk se tih te an rel a ni.