Aizawl East District PYD OB te chuan ruahmanna an lo siam tawh angin November 12 leh 13 hmang khan Bial fan programme an hmang. November 12, Pathianni Zan khan Mualpui Bial-ah hun hmangin Bial Hqrs. Mualpui Biak In-ah Inkhawm Programme hman a ni a, hetah hian Bro R. Vanlalropeka, Mualpui Bial PYD President chuan Inkhawm kaihruaiin Evan. F. Malsawmtluanga, District PUD Secretary hnen atangin thuchah ngaihthlak a ni. He hun hmanna-ah hian Mualpui Bial PYD atang leh District PYD atangin report tawi ngaihthlak a ni bawk.
Tin, November 13, Thawhtan Zan vek khan District PYD Hruaitute hian Upper Republic Bial tlawh lehin Upper Republic Biak In-ah hun hman a ni a, Bro H. Lalnuntluanga, Bial PYD President chuan inkhawm kaihruaiin Bial PYD Secretary leh District PYD Secretary te hnen atangin report ngaihthlak a ni. He hunah hian Evan Lalchhuanmawia Zote, District PYD Vice President hnen atangin thusawi ngaihthlak a nih bakah Sis Vanlalnghaki, College Veng, Sis Lalthlafamkimi, Ramhlun Vengthar leh Pentecostal Choir te hnen atangin fak hla ngaihthlak a ni a, Bro CS Lalrothuama, Upper Republic Bial PYD Vice President hnen atangin thusawi tawi ngaihthlak a ni bawk.
District PYD OB te hian an rorel bawhzuiin Aizawl Khawpui chhunga Bial hrang hrang tlawhchhuah hun an hmang mek zel a, tunah hian Bial 5-ah rawngbawlna an nei tawh a, hengah te hian thuchah insawi chhawk thinin Pentecostal Choir te pawhin zaia rawngbawlna an nei thin bawk a ni. Tun dinhmunah Aizawl East District chhunga Aizawl Khawpui chhungah hian Bial 7 awm mekin Bazar Bial leh Bethlehem Bial-ah rawngbawlna hi nei turin ruahmanna an siam mek a ni. November 21, Thawhlehni hian Champhai Bethel Bial, Zokhawthar hmuna District PYD ram-ah In sak hna bul tan turin District PYD OB te hi kal turin ruahmanna an siam mek bawk a ni.
Facebook