Chhimtuipui District News

On:
April 23, Pathianni khan Saihatlangkawn Local PYD te leh Meisatla Local PYD ten District Jail Saiha ah rawngbawlna an nei.
Member 60 chuang kalin Bro.S.Vabeima Treasurer PYD Saihatlangkawn Local in inkhawm a kaihruai a, Jail Kohhran aiawh in an Chairman in thusawina leh testimony sawina a nei bawk. Pathian thuchah  Rbt.N.Lalchhuanmawia Adviser PYD Saihatlangkawn Local hnen atangin ngaih thlak niin Sist.Ellisi leh Sist.Hnemtluangi ten zaia rawngbawlna an nei a ni.
—————
April 21-23 chhung khan Diltlang South Bial PYD hmalakna in Diltlang South Local Church ah Seminar leh Crusade hlawhtling taka neih a ni.
 He Seminar leh Crusade hi Bialtu Pastor Mh Robin Lalthanmawia leh Bial Secretary Upa S.Lianthangmawia ten hun bul atangin a tawp thleng in an ho va. District lam atangin :
  • 1. Evan.T.Vanlaltana (Chairman, Music & Sound Committe)
  • 2. Upa B.Sangtlunga (Vice President)
  • 3. Evan.Robert B.Lalnunsiama T. (Secretary)
  • 4. Evan.Larry Lalliandinga (Treasurer)
  • 5. Rbt H.Lalduhsanga (Asst Secretary)
  • 6. Sist.Saithangpuii Sailo (Soloist) ten an tel bawk.
Zan lamah crusade neih thin niin District PYD hruaitu ten rawngbawlna an nei a. Inrinni chhun leh Sunday chhun ah Seminar an neihpui. Resource person a hman ten hetiang hian zirtirna an pe.
  • 1. Pastor Robin Lalthanmawia – ‘Christian Leadership’
  • 2. Evan.T.Vanlaltana – ‘Music hmang a rawngbawlna’
  • 3. Upa B.Sangtlunga – ‘Intodelh’
  • 4. Rbt.H.Lalduhsanga – ‘Intodelh tura sum khawlkhawm’
Tin,District PYD hruaitu te  – Financial, PCD leh Thlamuantu chanchinbu lam hawiin Campaign an nei bawk.
—————-
April 25, Thawhlehni khan Lawngtlai North Bial hmalakna in Lawngtlai Bazar Biak In ah Seminar hlawhtling taka neih a ni. He seminar hi Upa B.Sangtlunga Bial Secretary in a kaihruai a, heng mite hian zirtirna an pe:
1. Rev.Dr.T.Tumsanga – Leadership
2. Rev.F.Lalbiakthuama – Thianghlimna
3. Rev.R.Sangthanga – UID/Sakawlh/WCC
Nilengin Seminar hi neih a ni a, tlai lamah Bazar Kohhran te buatsaih ruai tui hnai tak kilhoa. Zan lamah ‘Thlaler Biakbuk’ chungchangah  Rev.R.Sangthanga’n zirtirna pein hlim taka hun hman chhunzawm a ni.
—————-
April 28-30 chhung hian Lawngtlai North Bial Sunday School Department Conference vawi 25 na (Silver Jubilee) chu Lawngtlai Council Veng Biak In ah neih mek a ni.
April 28, Zirtawpni zan khan tanin Rev.F.Lalbiakthuama’n Conference hi a hawng a, Thuchah Tawi  Rbt.LH Ramengmawia hnen atangin ngaihthlak a ni a, Changvawn sawi ruala Intihsiakna neih chhunzawm a ni.
Vawiin April 29, Inrinni chhunah inkhawm chhunzawm tur niin Thuchah Tawi  Upa MC Dothuama’n a sawi ang a, Thu in chhang hmanga Intihsiakna neiin Chawhnu lamah rorel inkhawm neih chhunzawm a ni ang.
April 29, Inrinni inkhawmahThuchah tawi  T/Upa T.Lallungmuana’n sawiin Intihsiakna :
Action Recitation leh Chhandamna famkim tih thupuia  hmangin Senior & Doctrinal Department sermon an insawi siak ang.
Pathianni Zing inkhawmah thuchah Tawi Rev.F.Lalbiakthuama’n sawiin Solo , Bible Quiz, Worship Dance hmangin intihsiakna an nei dawn a, Puitling Sunday School ten Lengkhawm Zaiin intihsiakna an nei bawk ang. Pathianni Zanah Thuchah Tawi Upa T.Chanchinmawia’n sawiin  Group Zai Intihsiakna neih a ni ang a, Result puan leh Lawmman semna neih chhunzawm a ni ang.
——————-
RAWNGBAWLTU CAMPAIGN :
April 28-30 hian Sangau II Local Biak In ah Rawngbawltu camping neih a ni dawn a. He rawngbawltu camping ah hian Pastor L.Nghakliana Bialtu Pastor chu speaker a hman ani ang.
——————-
District hruaitute Programme :
1. DISTRICT SUPERINTENDENT – REV.WL THANGHRE : naktuk April 30, Pathianni hian Bualpui Local Church  ah rawngbawlna a nei ang.
2. DISTRICT SECRETARY – PASTOR JOSEPH L.THLAUHTHANG :  April 29-30 chhung hian Sangau Bial Local hrang hrang a tlawh kualin rawngbawlna a nei.
3. DISTRICT TREASURER – REV.THANCHUNGA SAILO : April 30, Pathianni hian South Lungpher Kohhran ah rawngbawlna a nei ang.