Chandel District Conference Golden Jubilee hmang

Chandel District Conference vawi 50-na chu Rungchang District Hqrs Biak Inah March 23, Ninga zan khan tan a ni. General Superintendent Rev. Lalmalsawma Sailo, Former Gen. Suptd Rev. Dr. K. Satinvela te bakah Imphal, Churachandpur leh Tripura District hruaituten an hmanpui.

District Conference Golden Jubilee hi Rev. Tourngam,  Former District Superintendent chuan a hawng a, Golden Jubilee hmang theia kohhran hote malsawmna tam taka vurtu Pathian hnenah lawmthu sawiin, Amah fak leh chawimawi turin kohhran mipui, Conference hmangtu zawng zawng te a sawm. Rev. V.L Tluanga Sinate, Tripura Distirct Secretary hnen atangin Pathian thuchah ngaihthlak a ni.

March 24, Zirtawpni hian Conference rorel inkhawm neih a ni a, zanah revival inkhawm service pangngai a chhunzawmin Rev. Dr. K. Satinvela, Former General Superintendent chuan Pathian thuchah a sawi ang.

March 25, Inrinni nilengin Golden Jubilee lawmna hun hman tur a ni a, Rev. Bd Kailun, Chandel District  Superintrendent chuan inkhawm a kaihruai ang a. Rev. Lalmalsawma Sailo, General Superintendent in Jubilee lungphun hawngin Jubilee souvenir a tlangzarh ang. Rev. Lalzawm, Churachandpur District Superintendent leh Rev. Thangtinlien Singson, Imphal District Superintendent  te hnen atangin thusawingaihthlak a ni bawk anga, tlaiah Jubilee lawmna ruai khawtlang huapin an kil ho a ni ang.

March 25 zanah Rev. R. Laichhingpuia, General Sunday School Director in Pathian thuchah a sawi anga, March 26, Pathianni chhun leh zanah Rev. Lalmalsawma Sailo, General Superintendnet chuan rawngbawlna a neih chhunzawm ang.

Tuna District hruaitute :

  • Rev. Bd Kailun – District Superintendent
  • Rev. Rt Immanuel – District Secretary
  • Rev. Sng. Bethung – District Treasurer