October 29-30 chhung hian North East India UPC Kohhran Pathian thu zirna Calvary Bible College (CBC), Shillong chuan Graduation Day vawi 41-na an hmang dawn.
Graduation Day hi CBC Chapel, Shillong ah hman a ni dawn a, Inrinni zanah Opening funtion neiin sermon inkhawma hun hman tur a ni. Rev. Zohmingthanzama, General Treasurer in Pathian thuchah a sawiin zirlai leh thawktute puala buatsaih Award hrang hrang semna hun Rev. C. Lalrammuana, North Mizoram District Superintendent leh Sis. Lalramthangi B/W, General LAD Secretary ten an hmang ang. Pathian fakna hla CBC Choir ten an present ang a, Inkhawm thawhlawm Sis. Lalchangliani Sailo B/w, General LAD President chuan hlanin, Inkhawm hun tawp tawngtai Rev. Lalzawm Gangte, Churachandpur District Superintendent chuan a hmang bawk ang.
October 30, Pathianni zing inkhawm Rev. Lalpeklien Sungte, CBC Principal in a kaihruai ang a, Rev. Lalmalsawma Sailo, General Superintendent chuan Graduates thar te B.Th Degree hlanin fuihna thuchah a sawi ang. Rev. Rosanga Kawlni, Aizawl East Disrtict Superintendent chuan tawngtaisakna hun a hmang ang a, Rev. Lalramliana, Barak District Superintendent chuan CBC Magazine (Leucos) a Released ang. Rev. R. Laichhingpuia, General Sunday School Director; Rev. R. Lalrosanga, Lunglei District Superintendent; Rev. Thangtinlien Singson, Imphal District Superintendent te bakah Rev. VL Dika Sailo leh Rev. K. Satinvela, Former General Superintendent ten tawngtaina leh fuihna thuchah an sawi ang. Tin, Rev. L. John Gangte, Registrar chuan thilpek hlanna bakah thawktute aiawh thusawina hun a hmang ang.
Pathianni zanah Rev. R. Lalrinsanga, General Secretary chuan Pathian thuchah sawiin CBC Choir & Central District PYD Choir ten Special items an present ang a. Rev. Lalpeklien Sungte, CBC Principal/ Central District Superintendent; Rev. Lalromawia Ralte, Central District Secretary leh Rev. BD Kailun, Chandel District Superintendent ten lawmthusawina, thilpek hlan leh tawngtaisakna neiin hun an hmang ang. Kum tinin Calvary Bible College atang hian thalai engemawzatin Graduates in B.Th Degree hlan thin an ni.
Kumin a Graduate te :
1. C. Lalropuia, Aizawl East District
2. Lalhunthara Khawbung, Aizawl East District
3. K. Lalhlupuia, Lunglei District
4. Kaplalthuam Vaiphei, Imphal District
5. Lucien K. Lengen, Imphal District
6. Lalrinchhana, Aizawl East District
7. Lalzoliana, Aizawl East District
8. T. Dosuanthang Simte, Churachandpur District
9. Vanlalrosiama, Aizawl East District
10. C. Lalnunhlua, North Mizoram District
11. Samuel Laldinsanga, Aizawl East District
12. Vanlalramnghahmawia, Aizawl East District
13. H. Vanlalhruaizela, Aizawl East District
Facebook