N. Mizoram District a Bial 29 leh Aizawl East District a Bial 30 te chuan Bial Sunday School Conference September 11 pathainni hmang hian an nei dawn a. Bial thenkhat chuan Zirtawp Zan atangin an tan anga, Inrinni ah rorel inkhawm an nei ang.
Bial Sunday School Khawmpui-ah hian Naupang lamin mal zai, thu inchhang, Recitation leh Group zai te a intihsiakna neiin Bial thenkhat-ah chuan Puitling lamin Lengkhawm zai leh Puitling Zirlaibu atangin Quiz intihsiakna an nei bawk ang.
N. Mizoram District chhungah hian Sunday School hming ziak 14,374 an awm mek a, Aizawl East District chhungah hian hming ziak 18,000 vel an awm mek bawk a ni. N. Mizoram Disrtict Sunday School Director Rev. Lalramzauva Sailo chuan
Kolasib Venglai Bial a hmanpui anga, N. Mizoram Disrtict Sunday School Secretary Evan. H. Lalrinngheta chuan Maubawk Bial a hmanpui dawn bawk. Tin, Aizawl East District Sunday Schgool Director Rev. F. Lalchhanhima chuan Sakawrdai Bial Vervek a Bial Conferene neih tur a hmanpui anga, Aizawl East District Sunday School Secretary Evan Hr. Lalrindika leh District Sunday School Treasurer Upa Rodailova Zote ten Kawlkulh Bialin Kawlkulh khuaa neih an hmanpui bawk ang.
Facebook