1. September 23-25 hmang hian Chhimtuipui District, Lawngtlai Council Veng Biak Inah Lawngtlai North Bial Missions Conference hman mek a ni a, Speaker atan Evan. Joseph Lalremruata chu hman mek a ni.
2. September 16-18 hmang khan Lunglei District, Chhipphir Bial Missions Department leh Haulawng Bial Missions Department te chuan Conference an nei. Chhipphir bial Missions Conference chu Mualthuam Electric local ah neih a ni a, Speaker atan District Superintendent Rev. R. Lalrosanga chu hman a ni a, thupui atan ‘Kei heta hi ka awm min tir ta che’ tih thu chu hman a ni. An rorel zingah Bualpui V Biakin ah thuthleng dah nise tih an rel.
Tin, Haulawng bial Missions Conference chu Mualthuam Vengchhak local ah neih a ni a, Speaker atan Lunglei District Missions Director Rev. PC. Lalrosanga chu hman a ni. Conference hian Chengpui Home Missionary Quarter tih changtlun bakah nakum 2017 Conference-na tur atan Phaileng South ruat a ni bawk.
3. Vawiin September 23 atanga September 25 thleng awh tur Lunglei District, Tlabung bial Missions Conference chu Tlabung Zodin Local-ah neih mek a ni a, Speaker atan Laisawral Home Missionary Evan. R. Lalremsiama chu hman a ni.
4. Aizawl East District hnuaia Bial hrang hrang te chuan vawiin September 23, Zirtawp Zan atang khan Bial Missions Department Inkhawmpui an hmang tan a, Conference hian Pathianni Zan thleng a awh ang.
Bial thenkhat chuan naktuk Inrinni atang hian rorel inkhawmin an hmang tan dawn a, rorel inkhawmah hian Bial chhung inawpna leh District-a lut tur hrang hrangte ngaihtuahin rorel inkhawm an nei hlawm.
District Missions hruaitute leh Kohhranpui hruaituten Bial Missions Inkhawmpui hi hmun hrang hrangah an hmanpui dawn a:
Rev Darchhawna, District Missions Director chuan Ngopa Bial a hmanpui anga, October thlaa District Missions Inkhawmpui Ngopa Bial ten an thlen tura inbuatsaihna a enpui nghal bawk ang, District Missions Secretary Pastor C. Lalmalsawma chuan Khawzawl Bial a hmanpui ang.
District Missions Treasurer Evan Lalthuthlunga chuan Bawngkawn Bial leh Bazar Bial a hmanpui a.
Rev. JH Zahluna, General Headquarters Administrative Assistant chuan Hnahlan Bial a hmanpui bawk ang.
Aizawl East District chhungah hian Bial 30 a awm mek a, District Missions Department hian tun dinhmunah Home Missionary Kum khat atan mi 5 leh Short Term atan mi 9 a ruai mek. Missionary te rawngbawlna atang hian member thar 40 vel chu kohhranah lawmluh an ni tawh. Aizawl East District Missions Department te hian kumin October 28 – 30 chhung hian Ngopa Bial-ah District khawmpui an hmang dawn a, Pandal sak hna pawh tan tawhin Bial chhung mipui te nasa takin an inbuatsaih mek zel a ni.
Facebook