North Mizoram District chhunga bial hrang hrang inkhawm Bial Joint Revival chu kar kalta November ni 10 -12 chhung khan tluang taka hman a ni.
Bial Joint Revival Conference-ah hian North Mizoram District chhunga Bial 30 te chu hlawm 5-ah inthenin Aibawk Bial Aibawk Kohhran, Rengdil Bial Hriphaw kohhran, Bukpui Bial Hmarchaltlang Kohhran, Kol Venglai Bial Venglai kohhran leh Dinthar Bial Dinthar-kohhrante’n an thleng a, Revival Conference neite’n hlim taka hun hmangin Thlarau Thianghlim Baptisma chang thar leh Tui Baptisma chang te pawh an awm. Report dawn atanga Bial hrang hrangte hun hman dan report hetiang hi a ni:-
1. Kolasib Venglai Bial ten Venglai Biakinah hun hmangin Bial 5, Vairengte Bial, Bilkhawthlir bial, Phainuam Bial, Bairabi Bial leh Kolasib Venglai Bialte an inkawp. Inrinni zanah bul tanin Venglai Bial Pastor B. Vanlalruata Revival Comt. Chairman kaihhruaiin Speaker hrang hrangte’n hetiang hian thusawi hun an nei 1)Inrinni zanah Evan. H. Chhuana, Vairengte Bial Secy. chaun hun hmangin 2) Pathianni Zing Inkhawmah Rev. R. Lalnithanga, Phainuam Bial Pastor in hun a hmang a 3)Pathianni Chawhnuah Upa R. Vanlalrawna, Bilkhawthlir Bial Secretary leh 4)Pathianni zanah Pastor Lalhmuakliana Hnamte, Bairabi Bialtu Pastor ten hun an hmang a ni.
Pathianni zing inkhawmah Meidum Biak in sak mek pualin thawhlawm an khawn a, Rs. 10000 khawn chhuah a ni bawk. Joint Revival-ah hian Palai 250 chuang an kal thei a ni.
Revival Meet neih chhung hian Thlarau Thianghlim hriakthihna nen hun hmangin; a tuk Nov. ni 13 thawhtanniah Pathian Chawimawina neih nghal a ni a, hetah hian Bro. Vanlalruata Tlau, Hqrs. Bial, Tuikual South chu Speaker atan hman a ni.
2. Rengdil Bial Hriphawah hian Bial 9 Hunthar bial, Chaltlang bial, Mamit bial, Lengpui bial, W.Phaileng bial, Damparengpui bial, Tlangsang bial leh Zawlnuam-Bawrai bial te an inkawp in Palai riak lut mi 250 an awm a, vengleng te nen mi 300 bawr an ni. November ni 10 Zirtawp zanah Revival hi hman tan a ni a, Zirtawp zanah Evan Lalliansawta K.Sarali, Rengdil bial, Inrinni zanah Evan. K. Malsawmkima Zawlnuam bial Pastor incharge, Pathianni chawhmaah Rev. C. Lalbiakzuala Chaltlang bialtu Pastor, Pathianni chawhnuah Evan. Pc. Lazuiliana Hunthar bial leh Pathianni zanah Evan. H. Lalrinpuia Damparengpui bial Pastor Incharge ten rawngbawlna an nei a. Nov. ni 10 Inrinni chawhnu mual Inkhawmah Pastor K. Ainawna Tlangsang bialtu Pastor-in thuchah a sawi bawk.
Bial Joint revival-ah hian committee thuchhuak angin heng hmun ah te hian tanpuina pek ani- Zawlpui Tirhkoh Quarter, Zomuantlang tirhkoh quarter leh Naupang Sunday School Hall, heng bakah hian a thlengtu bial, Dampa zodin biak in repair nan leh Kawnmawi Kohhran Sintex lei nan te tanpuina an pe a ni.
Conference neih chhung hian hun remchang dapa Kolalian Missions field tlawhtuten, Kolalian Missionary quarter ceiling siamna atan sumfai an hlan bawk a ni.
Nov. ni 12 Pathianniah baptisma khur hawn niin; mi -5 in Sual ngaihdamna baptisma an chang a, Rengdil bialtu Pastor C. Lalthlengliana kutah Baptisma hi an chang a, Baptisma chang zing a Pakhat hi Pentecost mithar a ni nghe nghe.
3. Aibawk Bial, Aibawkah hian Bial 6, Thenzawl Bial, Sumsuih Bial, Sialsuk bial, Tlangnuam Bial te leh Headquarters Bialte an inkawp a, Upa Lalkamlova Rokhum Hqrs. Bial Secretary, Rev. K. Malsawmtluanga , Pastor Lalramthanga Kawlni leh Evan. K. Roliana ten Pathian thuchah an sawi a. Boruak nuam leh hlimawm tak an hmang a ni.
4. Bukpui Bial, Hmar chaltlangah hian Bial 5, Kolasib Diakkawn Bial, Kawnpui Bial, Sihphir Bial, Durtlang Bial te an inkawp a, Revival neih chhung hian Speaker hrang hrang Evan. C. Zonunmawia Durtlang Bial Treasurer, Rev. C. Lianchama Kol. Diakkawn Bial Pastor, Rev. HF Malsawma Sihphir Bialtu Pastor leh Rev. C. Lalramthanga Kawnpui Bialtu Pastor ten thuchah an sawi a ni.
Inrinni zan atangin inkhawm banah Zaikhawm nei nghalin Revival conference an hmang hlawhtling hle. He Revival-ah hian Palai 300 chuang fuankhawmin, Revival thlengtu Hmar Chaltlang kohhrante an phurin mikhual an dawnsawn danah palaite’n lungawithlak an ti hle.
Hmar Chaltlang Kohhrante hian revival neih chhung zawngin khawtual leh mikhualte zanriah leh tukthuan ei tur hmunkhatah ei siamin conference chhung hian vawk 3 an talh bawk.
5. Dinthar bial, Dintharah hian Bial 5, Chawlhhmun bial, Maubawk bial, Reiek bial leh Kanghmun bialte an inkawp a; Dist. Supt. Rev. C. Lalrammuana pawhin hovin; kohhranhote fuihna thuchah tawi a sawi bawk.
Facebook