February 2, Ningani khan Aizawl East District Secretary Room-ah Aizawl East District hnuaia Theological Education Board thutkhawm meeting a ni. He hunah hian Kum 2017 chhunga Short Term Bible zir leh dan turte an ngaihtuah a ni. An thu ngaihtuah langsar te:
1. Kum 2017 chhung atan CBC inkaihhruaina angin seat 30 hnawhkhat tura lak ni se, dilna hi March 8, 2017 thleng thehluh theih tura tih niin District Conference hun remchangah Interview hmanga lak tura tih a ni.
2. A hnuaia tarlan ang hian Zirlaibu man leh fee pawimawh dangte ruahmanna an siam bawk a ni.
- 1. Zirlaibu man Rs 500
- 2. CBC Affiliation fee Rs 100
- 3. Exam Fee Rs 100
- 4. Admission fee Rs 300
- Total Rs 1000
3. Kum 2017 Session atan May 30.2017-ah Registration tiin April 1.2017 atangin Class tan ni se an ti bawk.
Tin, OTS a kal tum te tan hetiang hian ruahmanna siam a ni. Kum 2017 session chhunzawm a hun leh dawn ta a, a kal mek te leh lut thar tur te pawhin dilna hi a thara tih vek tur a ni a, dilna thehlut tute tan March 10-12th District Conference, Chhingchhip Biala neih turah interview koh a ni.
Hriattur pawimawh dangte:
- 1. Dilna hi plain paper a ziah tur a ni
- 2. Dilna hi Dt. 8.3.2017 aia tlai lovah thehluh vek tur a ni
- 3. Local Church Board leh Bialtu pastor recommend-na lak tur
- 4. Zuk leh hmuam, ruihtheihthil ti lo tan chauh dil theih a ni
- 5. Admission fee Rs. 300/-, CBC Affiliation fee Rs. 100/-, Zirlaibu man Rs. 500/- leh Exzam fee Rs. 100/-, a zavaiin Rs. 1000/- ken tur a ni ang.
- 6. Dilnaah hian passport size copy 1 leh telephone number dah tel tur
- 7. Zir mek te leh zir thar tur te tan a thara dilna ziah vek tur a ni
- 8. Thla khat atan zirlaite hnenah chhun thingpui a thlawna pek an ni ang
- 9. Aizawl pawn atanga zirlai lo kal te tan tan thlenin te Rs. 1500/- a tanpui an ni ang
Facebook