Aizawl East District Revival Committee hmalakna-in Suangpuilawn ah August 6 – 21 thlengin Revival Crusade neih a ni. Crusade Speaker atan Evan H. Lalhlimpuia, District Revival Speaker chu hman a ni a, team member 4 ten an tawiawm reng bawk. Crusade neih chhung hian Kohhran In tinah tawngtai rawngbawlna neiin August 13, Inrinni khan Lang Camp neih a ni a, puitling mi 30 chuang he Camp ah hian an tel thei a, Kohhran hoten Thlarau Thianghlim pawl tharna changin hlim takin hun an hmang. August 15, Thawhtanni khan Kohhranin Pathian chawimawina neiin August 20 leh 22 khan mimal-in chawimawina hi neih leh a ni bawk. Revival Crusade neih chhung hian mi 10 in sual ngaihdamna baptisma an chang a mithar 3 Kohhran-ah sengluh an ni. Tualchhung Kohhran hrang hrang leh Bial pawn atangin chhim tu an awm reng a, District Revival Committee Chairman, Upper Republic Bialtu ni bawk Rev H.Vanlalchhana’n August 21, Pathianni hmang khan he Crusade hi a hmanpui a, tihdam rawngbawlna neiin chawplehchilha damna chang te pawh an awm bawk a ni. Revival Crusade hi Pathian Thlarau Thianghlimin nasa taka awmpuiin Suangpuilawn Kohhran member Inkhawm ngailo te Inkhawmin lam ngailo te pawhin lam in Lalpa an fak mek zel bawk.
Facebook