August 30, Thawhlehni khan Aizawl East District Superintendent Room-ah Rev Rosanga Kawlni, District Superintendent kaihhruaina-in District-in Dan a neih hrang hrangte ennawnna leh siam rem ngai awmte bakah dah luh belh tur awm ang angte siamrema, ennawn a ni.
District in Dan a neih hrang hrang Danpui: District Manual bakah Dan tesep Financial Service & Leave Rules tih te bakah Services Rules te ennawn an ni a, hetah hian District Board-in alo passed tawh hrang hrangte dah luh belh leh siam rem ngai awm ang angte siamin District Board a ngaihtuah tura thlen a ni ang. August 15, Thawhtanni leh August 31, Nilaini an thukhawm tawh a, remchang hmasa berah an thukhawm chhunzawm leh dawn a ni.
Kum 1994-a Aizawl East District alo din khan District inkaihhruaina atan Dan hi siam ve nghal a ni a, chumi-ah chuan District Kohhranpui-in a hman turte, Bial leh Tualchhung hrang hrang te hman turte bakah District Office-a thawkte tana hman tur chi hrang hrang siam ve nghal niin vawi engemaw zat siamrem alo ni tawh thin a, amaherawhchu kan hun tawn ang zela siam rem tur te a awm ve zel bawk avangin tunah hian District-in Dan a neih te hi ennawnna neih a ni leh ta a ni.
Facebook