Aizawl East District chhung-a Zohmun Bial-a Kohhran hrang hrang te chuan August Thla, Rammut thla an hmang mek a, Bial chhung-a Preaching Point, Pathianpa kawnah Bial huap Rammut Programme hmangin August 7, Pathianni khan Zohmun Local atangin motor 2 hmangin an kal a, Upper Sakawrdai Local atang pawhin member engemawzah kalin Revival Inkhawm hun hman a ni. Bialtu Pastor B.Lalhmingliana’n chhungkaw khat member 4 chu Kohhran-ah a lawmlut.
Pathian Pa kawnah hian Zohmun Bial te hian Biak In sak na tur atan ram, cheng singthum man chu an lo lei tawh a, tunah hian Biak In sak na tur atan hian a hmun laizawl a ni tawh bawk. Zohmun Bial chhungah hian Tualchhung Kohhran 5 leh member 600 chuang an awm mek a ni.
Sakawrdai Bial Tualchhung Kohhran hrang hrang ten Rammut thla an hmang mek zel a, August 13 atanga 15 chhung khan Damdiai-ah Kohhran ten hun an hmang a, August 10, Nilaini khan Lungsum khuaah member thar 1-in Isua hmingin sual ngaihdamna Baptisma a chang. Sakawrdai Bial hian August 23 – 28 chhung hian Bial huapin Sakawrdai Chhim Vengah Rammut Programme hi an hmang dawn a, he hunah hian Speaker atan District Treasurer, Rev Vanlalfela Ramtiam chu an hmang dawn a ni.
Kawlkulh Bial ten Rammut Programme hi Bial Board-in Local tinten tha an tih anga hmang tura thuneihna a pek angin Tualchhung Kohhran ten an bawhzui a, Kohhran In leh Kohhran pawn lam In-ah leh a tulna hmun dangah fehchhuakin Pathian thua inpawl hona leh tawngtaina neiin hun an hmang mek a ni. Rammut thla hman zawh hma atang in Biak In thleng pha tawh lo ten an thleng tan leh mek bawk a, Rammut chhung hian Mike Service neiin Pathian pakhat thu leh Baptisma pawimawh puangchhuak turin tunah hian ruahmanna an siam mek bawk a ni.
North Vanlaiphai Bial Tualchhung Kohhran hrang hrang pawhin Rammut Programme hi an hmang chho mek a, Hqrs. Kohhran ten In tinah tawngtaina hun an hmang a, Rawlkhang Local pawhin In tin tlawhchhuaha tawngtaina hun hmangin August 31 Zan hian zo hman turin ruahmanna an siam a ni. Bunghmun Local pawhin Kohhran In tinah an Inkhawm kual thin a, tunah hian Khawlailung Bunghmun Local-ah hian Evan K. Vanlaldika chuan rawngbawl mekin August 13, Inrinni zan khan Chhungkaw khat member 5 awmna chu Kohhran-ah lawmluh an ni.
Facebook