November 6, Thawhtan Zan khan Aizawl East District PYD hnuaia Education Sub-Committee te buatsaihin zirlai titha te chawimawina leh lehkhabu tlangzarhna neih a ni.
He hun hi Bethlehem Biak In-ah hman niin Bro Lalrammawia, Education Sub-Committee Chairman chuan inkhawm kaihruaiin hunserh Sis Ramengmawii’n a hmang a ni. Bro R.Vanlalpeka, Secretary hnen atangin report ngaihthlak niin report atanga a lan danin District Education Sub-Committee te hian Aizawl East District chhunga Bial leh Local hrang hrangah Education Campaign an nei thin a, Road Map te siamin hma nasa takin an la a, May 2016 khan Bawngkawn Bial-ah hun an hmang a, September 2016 khan Thuampui Bial, Zuangtui hmunah hun hmang lehin April 2017 khan Bethlehem Bial-ah, May 2017-ah Bazar Bial, Armed Veng-ah, June 2017-ah Zemabawk Bial leh July 2017-ah Upper Republic bial bakah August 2017 khan Mualpui Bial-ah hun an hmang a, Aizawl khawpui pawn-ah Khawruhlian Bial, Khanpui, Hnahlan Bial leh Chhingchhip Bial-ah te hun an lo hmang tawh a, tunah hian Khawzawl Bial-ah Campaign nei turin ruahmanna an siam mek bawk a ni. August 2016 khan District Committee Room-ah Trainers Training hlawhtling taka lo nei tawhin Serchhip Bial te hnenah Kum chanve chhunga hma la tha lawmman an lo hlan tawh bawk a ni.
Zirlai titha chawimawina hun-ah hmanna-ah hian Education Sub-Committee te buatsaih “Education Compendium” tih chu Rev R.Laltlankima, District PYD President chuan tlangzarhna nei bawkin Bro JH Biakdiktluanga’n thiam takin preview na a nei bawk a ni. He lehkhabu-ah hian mithiam hrang hrangte thuziak dahkhawm niin thupui 6 chhiar tur a awm a ni.
Zirlai titha te chawimawina, Bro R.Vanlalpeka kaihhruaiin neih a, Sis Dr.Lalhmasai B/W in chawimawina hlanna a nei thung a ni. He hunah hian HSLC, HSSLC, Graduate leh Master Degree level a Top 10 a lang pha chinte bakah Professional Course la chinah mi hmingtha leh Ph.D Degree hmutharte chawimawi tura tih angin mi 7 hnenah chawimawina hlan an ni a, hei bakah hian Evan H.Lalrinliana, District PYD President hmasaber leh tun hnaia Ph.D hmu thar hnenah chawimawina Upa Dr.R. Lalfakzuala’n a hlan bawk a ni. He hun hmanna-ah hian Rev R.Laltlankima chuan thuchah tawi sawiin zirlai chawimawina dawngte hnenah lawmpuina hlan in, tuna an chawimawina dawn hi duhtawk mai lova, Kohhran tana an thiamna hmang tangkai turin a fuih a ni. Pentecostal Choir, General PYD Choir, Bazar Bial leh Zemabawk Bial zaipawl bakah Bethlehem PYD Live Band te hnen atangin fak hla ngaihthlak niin Rev H.Vanlalchhana, Upper Republic Bialtu Pastor in malsawm tawngtaiin inkhawm a titawp a ni. He hun hi District PYD Hruaitute, District PYD hnuaia Sub-Committee hrang hrang hruaitute bakah Bial Education Sub-Committee hruaitute leh bial hrang hrang atangin PYD Member engemawzatin an telpui a ni.
Zirlai titha chawimawina dawngte lo tarlang ila:
1.Dr. Lalhmingmawii , Khawzawl Vengthar
MBBS, NEIGHRIMS, Shillong
2.Dr.Lawrence Lalfelfamkima, Bethlehem Veng
BHMS (Bachelor of Homeopathic Medicine and Surgery)
PCM Homeopathic Hospital and College, West Bengal University of Health Sciences
3.Bro. Emmanuel Vanlalhriata , Zemabawk Vengpui
BE (Computer Science), Anna University, Tamil Nadu
4.Bro. V. Vanliantluanga, Zemabawk
BE (Civil), Distn
PES College of Engineering, Mandhya Karnataka
5.Bro. Lalbiakdika, Zemabawk
M.Sc( Botany), 7th Position. MZU
6.Sis Remnalali, Armed veng
BA (Political Science), 7th Position, MZU
7.Bro Andrew Hmingsangbera, Bethlehem
B.Tech( Agriculture engineering)
CAEPHT, Sikkim
SPECIAL AWARD
Evan Dr. H.Lalrinliana, Upper Republic
PhD, Department of Education, MZU
Title: Training of Elementary School Teachers in Mizoram in the context of Sarva Shiksha Abhiyan: An Evaluative Study
A chanchin: 1987-1993: North Mizoram Dist PYD President
1994—1997: AED PYD President. Kum 11 chhung teh meuh thalai hruaina hna alo thawk
GAC a Education department ah Associate Prof ni in 2011 ah a pension a, 2009 ah PhD ah course work kal zo in 2010 ah registration ahmu a ni.
Facebook