Aizawl East District Board vawi 109-na chu District Committee Room, Ramhlun South-ah Rev Rosanga Kawlni kaihhruaiin neih a ni a, March 16, Ningani khan tluang taka zawhfel a ni. Rev Lalmalsawma Sailo, General Superintendent chuan telpuiin rorel palai kalkhawm te hnenah fuihna thu leh Kohhran hmasawnna hrang hrang leh hmachhawp a neih mek te a sawi bawk. An thu passed langsar zingah:
- 1. District Office-ah Statistics Record fel taka enkawl a nih theih nan hma la tur hotuten ruahman se, Statistics dik leh fel a awm theih nan Bialtu Pastor ten Census nei leh vek se, March thla chhungin thehlut leh vek se tih a ni.
- 2. Bialtu Pastor 2- Robert Lalrinsanga leh K. Lalmuanpuia te chu Probation Period an hman zawh tawh avangin Bialtu Pastor atan dah ngheh an ni.
- 3. Bible Tract/ Booklet chhuah tur reng rengin District Literature Editing Board Approved kaltlang lo chuan chhuah tawh loh tura tih a ni.
- 4. Family Guidance and Councelling Cell din rawtna awm zirchiang hmasa tur ruat.
- 5. Chhungkaw maicham hlawhtlin zawkna tura LAD te ngenna hruaituten lo ruahman tura dah.
- 6. General Conference, April 6 – 9 a Lunglei-a kal nana District in Bus hman chungchang.
- 7. District chhungah a ruala chawnghei tawngtai nei tura ruahmanna siam, tawngtai thupui atan
- Kohhran inpumkhatna leh thawhhona tha zawk a awm zel theih nan
- Kohhran-ah Thlarau Thianghlim a harhna a thlen theih nan
- Kum 2018 Election-ah felfai leh Thianghlim taka inthlanna a awm theih nan leh Pathian mi ruat thlan chhuah a nih theih nan.
- 8. Kum 2017-2018 chhung atan Rev R.Laltlankima chu Executive Board member atana ruat chungchang.
Facebook