Aizawl East District chuan a din tirh Kum 1994 atangin hmasawnna hrang hrang a hmu chho zel a, a dintirh atangin Office hmun nghet nei lo mahse tunah chuan Ramhlun South, Aizawl-ah Office hmun nghet a nei ta a, thawktu pawh mi engemaw zat an awm tawh a ni. Aizawl East District-ah Pastor Bial 30 awm mekin Kum 2017 District Conference report book atanga a lan danin Kohhran member 25,103 kan awm mek a, chhungkua 5,370 leh License Holder 206 awmin Kohhran Upa 528 kan awm mek a ni.
Kumtinin Financial-ah leh member-ah hmasawnna hmuh tur a awm zel a, Kum 2016 chhung khan Biak In sak tanpuina Kohhran 14-ah pe in, chungte chu: Chhinga Veng, Bazar Bial; Lungkawlh, North Vanlaiphai Bial; Khawzawl Kawnzar, Khawzawl Bial; Zion Local Church, Champhai Bethel Bial; Sailulak Vengthar, E.Lungdar Bial; Lamherh, Suangpuilawn Bial; Pamchung, Rabung Bial bakah Hualtu, Chhingchhip Bial; Sakawrdai Vengpui, Sakawrdai Bial leh Champhai Venglai, Champhai Bial te; Lailak, Khawruhlian Bial; Chalrang, Khawhai Bial; Chiahpui, Khawlian Bial leh Bungtlang Bazar, Serchhip Dinthar Bial te pe in Pastor Quarter Sanction, Serchhip Dinthar Bial hnenah a pe bawk a ni.
District Sunday School Department pawhin Kum 2016 chhungin Tualchhung Kohhran 11 hnenah Sunday School Hall sak tanpuina – Bungtlang, Serchhip Dinthar Bial; Lenchim, Keifang Bial; Buang, Khawbung Bial; Ngur, Champhai Bethel Bial te; Khualen, Rabung Bial; Mauchar, Zohmun Bial bakah Republic Vengthlang, Upper Republic Bial te; Keifang, Keifang Bial leh Tlangnuam, Thingsulthliah Bial te; Vankal, Kawlkulh Bial leh Muthi, Thuampui Bial hnenah a pe a, District Missions Department pawhin hmasawn zelin hmun hrang hrangah Home Missionary a ruai mek a, Missionary te rawngbawlna atang hian Kum 2016 chhungin member thar 146 lai lawmluh an ni. Kum 2019 hi Aizawl East District Kum 25, Silver Jubillee a nih angin hemi lawm tur hian Kohhranpui pawh a inbuatsaih chhoh tan a ni.
Facebook