GENERAL HRUAITUTE PROGRAMME:
General Sunday School Director Rev. Biaksangzuala chuan July 28, 2024 Pathian ni hian Bethlehem Vengthang Kohhran, Aizawl East District-ah, Sunday School Programme neiin hun a hmang ang.
———-
GENERAL SUNDAY SCHOOL MEET CHUNGCHANGA NGENNA LEH HRIATTIRNA
UPC (NEI) Sunday School Department chuan 2023-a thudah a lo neih tawh angin kumin 2024 November 22-24 hian North East India huap-in Meet ropui tak a buatsaih dawn a, He Meet-a tel theuh tur hian Kohhran tina Sunday School Department te kan ngen che u a, A hnuaia tarlan Items te pawh uluk leh taima taka zira stage-a perform thei ngei turin Pathian ropui nan in lo inbuatsaih dawn nia.. Lalpa’n malsawm che u rawh se.
Meet Items neih tur te:
1. Live Band
2. Worship Dance
3. Skit (Musical Drama, Short Play Drama, Action song etc)
4. Solo (Duet, Trio, Quarted)
5. Choir
6. Recitation (Single or Group)
Evan. MS Dawngliana
Secretary
SS Meet Organising Secretary
———-
SUMMER BIBLE CAMP NEI.
July ni 25 – 28, 2024 chhung hian Dimapur mission field, Chumukedima bial, Sunday school department chuan Summer Bible Camp, Dimapur Biak inah an nei.
Summer Bible Camp hmangtur hian Bial chhung atangin naupang thahnem tak an kal khawm a,Thupui ah “Pathian pakhat thu leh Baptisma pawimawhna” tih chu hmangin Resourse person ah Rev Lalsiemlien Zote, Field director leh Pastor TC Lalfakmawia, Field secretary te hman an ni. Camp chhung hian Naupang Sunday school zirtirtu ten riah pui in, fakna hla leh lam te an zirtir bawk a ni.
Naupangte chuan hlawk thlak an ti hle.
July ni 28 Pathian ni hian revival a hman chhun zawm tur niin, tlaiah ruai theh a ni bawk ang.
———-
KOHHRAN SUM AUDIT:
July ni 23 atanga ni 26, 2024 chhung khan General Headquarters Office, Mualpui Salem veng, Aizawl ah Kohhran sum kum chanve Audit-neih a ni.
General Hqrs. Account hrang hrang bakah General Administration hnuaia Department leh Committee peng hrang hrang te sum Audit niin, Auditors te hi Rev. H. Lalropuia, Rev. K. Vanlalhruaia, Rev. Lalsawmliana Sailo leh Rev. K. Lalduhsanga te an ni.
———-
———-
LUNGLEI DISTRICT
CAMPAIGN ON DRUGS AWARENESS AND NON-COMMUNICABLE DISEASE PROGRAMME HLAWHTLING TAKIN HMANG:
July ni 19 Zirtawpni chawhma dar 11 khan PYD Lunglei District buatsaih, Campaign on Drugs Awareness and Non-Communicable Disease programme chu UPC Lunglei District Conference Hall, Chanmari-ah hlawhtling taka hman a ni.
He Programme hi hun hnih ah then a ni a, First Session hi Evan.R.Lalsanglura, Finance Secretary, PYD Lunglei District chuan a kaihruai a, Rev.C.Lalrintluanga, Superintendent UPC Lunglei District chuan hunserh hmangin Pu James Miahlung, Addl.DC & Chairman Sub Committee on NCD Awareness leh Dr.Lalrinthangi, Dy.CMO te chuan thu tawi sawiin Campaign an nei a, Non-Communicable Disease (NCD) thupui hmangin Resource Person Dr.VL Hrechianga, Healthy Lunglei chuan first Session-ah hian zirtirna a pe.
Second Session-ah hian District PYD Vice President Upa C.Malsawmkima chuan hun a kaihruai a, Resource Person R.Lalropuii, Councellor, Grace Society chuan Drug Awareness Campaign a nei a ni.
He Programme-ah hian PYD Lunglei District hnuaia Town Area Local hrang hrang atangin PYD Member mi 60 chuang an kal khawm a ni. PYD Lunglei District hian Conference rorelna bawhzuiin Ruihhlo do kawngah nasa takin hma an la mek a ni.
———-
REVIVAL CRUSADE NEI MEK:
Revival Committee, Lunglei District-te buatsaih Town huap Revival Crusade chu July ni 25 Ninga zan atang khan Headquarters Local UPC Biak Inah neih tan a ni a, tan zan hian Revival Committee Secretary Upa C.Lalramhluna chuan inkhawm a kaihruai a, Haulawng bialtu Pastor Lallawmsanga chuan thu a sawi. Rahsiveng bial PYD Zaipawl leh Sist.Lalduhawmi Chawngthu ten zaiin rawngbawlna an nei a ni. Revival Crusade neih chhung hian Rev. C. Lalrintluanga District Superintendent, Sertlangpui bialtu Pastor Rev.R.Lalramhluna, Lungsen bialtu Pastor PC.Zionrammawia, Haulawng bialtu Pastor Lallawmsanga, Thingsai bialtu Pastor T.Zahmingliana, Chhipphir bialtu Pastor Lalengzauva leh S.Vanlaiphai bialtu Pastor K.Lalnunpuia te Speaker atan hman an ni ang. Tin, July ni 27 Inrinni chawhnu ah Ke sil rawngbawlna District Secretary Rev.PC.Lalfakawman a nei bawk ang.
———-
DISTRICT PCD BOARD NEIH A NI:
July ni 17 Nilaini khan PCD Lunglei District Board vawi 34-na chu District Secretary Room-ah President Rbt.C.Lalramluahpuia kaihhruainain neih a ni a, an thurel pawimawh zualte:
– District PCD Rally October ni 5-6 chhunga neih turah Headquarters Local Biak In bakah Conference Hall hman tel nise tha tih a ni.
– Kum tawp PCD Exam Question Set turin Treasurer Bro.PC.Vanlaltluanga chu ruat a ni a,September thla ral hmain Local ten Question mamawh tur zat Secretary hnenah Report nise tha tih a ni.
– Kum 2027-2029 chhunga PCD Zirlaibu atan a bu thar siam nise tha tih a ni a, Literature and Publication Board-ah thlen nise tha tih a ni.
– December ni 13 hi PCD Lunglei District Day a ni a, Local hrang hrangin an remchan dan ang theuhin hman nise, Day thuchah December ni 15 Pathianni a chhiar chhuah turin President-in lo ziak se tha tih a ni.
– Ruihhlo, zuk leh hmuam, Sex Education leh Mobile Phone hman khawlohna chungchanga inzirtirna Circular tihchhuah nise tha tih a ni.
———-
PSM COMMITTEE NEIH A NI:
July ni 23 Thawhlehni khan Pentecostal Social Ministry (PSM) chu District Secretary Room-ah Chairman Rev.PC.Lalfakawma kaihhruainain neih a ni a, an thurel pawimawh zualte:
– Rualbanlo Report lut mi 2 an awm belh a, thlir ho anih hnuah pawm nise tha tih a ni.
– Khuarel chhiatna tawk heng Local te hnenah hian tanpuina pek tha tih a ni. Haulawng Lalveng Local, Bungtlang Local leh Mualcheng S Local
– Kumin chhungin Farmers Training hmun 3 ah nei tura ruahmanna siam nise.
– Pa khawi Training hi Haulawng Lamthuamthum ah buatsaih nise
– Electric Wiring leh Plumbing te hi Training neih dan tur zir chian nise
– Ruihhlo do kawnga Awarness neih dan turah hetiang hian ruahmanna siam a ni.
– Kumina PMD Meet neihna ah Campaign na hun remchang dil nise.
– Local hrang hrang ah ruihhlo ngaite puala rawngbawlna nei tura ngenna siam
———-
———-
AIZAWL EAST DISTRICT
Live Crusade neih mek a ni:
Aizawl East District Kohhranpui buatsaihin Serchhip District, Serchhip Dinthar Biakinah Live Crusade neih mek a ni. Speaker-ah Rev. KVL. Hmangaihkima hman niin Crusade hi July 24, Nilai zan atang khan hman tan a ni a, Pathianni zan thleng a awh ang.
Crusade tan zan khan Dinthar Bialtu Pastor K. Lalhmingmawia chuan inkhawm kaihruaiin Rev. R. Laltlankima, District Superintendent chuan Crusade hlanna neiin District Kohhranpuiin hma a lak dan tlangpui report a pe bawk a ni.
Inkhawm hi Serchhip Bialtu Pastor C. Lalchhuanga bakah Dinthar Bialtu Pastor K. Lalhmingmawia leh Dinthar Bial bakah Serchhip Bial hruaituten kaihhruaina an in thawhchhawk thin a, Crusade neih chhung hian Zaia rawngbawlna, Sis. Laltleipuii leh Sis. Lalneihpuii ten an nei bawk a ni. Ruahmanna ang chuan Pathianni chawhnu hian Serchhip Chanmari Volley Ball Court-ah Mual inkhawm neih a ni ang.
District Kohhranpui buatsaih Live Crusade hi Serchhip-a Cable Network bakah Pennet AED Youtube channel-ah Live-a pekchhuah a ni bawk.
Kumin District Conference in Aizawl East District chhunga District Capital tinah Crusade lian tham tak buatsaih ni se tia alo passed tawh angin a hmasaber atan Champhai khawpui chhungah Live Crusade hi June 12 atanga 16 chhung khan neih alo ni tawh a, tuna Serchhip-a neih bakah hian hun remchang hmasa berah Aizawl khawpui-ah nei leh turin ruahmanna siam a ni bawk.
———-
Zokhawthiang Kohhran te Aizawl East District ah lawmlut:
Zokhawthiang Kohhran, Barak District a awm thin chu Aizawl East District a awm turin July 21, Pathianni khan Rev. R Laltlankima. District Superintendent chuan Aizawl east District-a awm turin lawmluhna a nei.
Lawmluhna Inkhawm hi Evan. Lalsanglura, Secretary Zohmun Bial in kaihhruai a, hun hlimawm tak an hmang a ni.
Zokhawthiang Kohhranah hian member 57 awm mekin he hun hmampui tur hian Zohmun Bial atangin Department hrang hrang leh Kohhran tin ai awh Pakhat theuh Zokhawthiang-ah hian an kal a ni.
Zokhawthiang Kohhran hi Barak District a awm thin niin Kumin General Executive Board khan Aizawl East District-ah awm tawh se a tih angin July 21, Pathianni khan lawmluhna neih a ni ta a ni.
———-
Thlarau Thianghlim dawng tura beihpui thlak a ni:
July 19, Zirtawp zan atanga 22, Thawhtan zan thleng khan Bazar Bial PYD buatsaihin Bial chhunga PYD member te tan Thlarau Thianghlim dawng tura beihpui thlak a ni. He hun hi District Hqrs. Biakinah hman niin Speaker-ah Bialtu Pastor, Rev. Rosanga Kawlni chu hman a ni. Speaker hi a dam sam loh avangin District Hruaitute Rev H. Lalropuia, District Secretary leh Rev. VL. Hnemtluanga, District Traesurer te Speaker-ah hman chhunzawm niin Pathian thlarau thianghlim awmpuina hnuaiah hlim taka hun hman a ni.
Bazar Bial PYD ten Thlarau Thianghlim dawnglo puala hun an hmanah hian PYD member zingah Thlarau Thianghlim dawng thar engemaw zat awmin siamtharlehna chang pawh engemaw zat an awm bawk a ni.
———-
Mithar leh Baptisma chang thar:
July 21, Pathianni khan Thuampui Kohhrana lawi turin member 7 chu Bialtu Pastor, Rev. C. Laldintluanga chuan sengluhna a nei.
Thuampui Kohhranah hian Gosen Revival Team, Evan Vanlalramnghahmawia ten rawngbawlna an nei mek a, Kohhran an hlim hle a ni.
Zuangtui Kohhranah pawh District Mission Evangelist Bro Lalrinnunga rawngbawlna atangin mi thar 2, Evan H Lalbiakliana, Kohhran Chairman in a senglut bawk a, Evan C Laltanpuia’n Baptisma rawngbawlna neiin mi 3 in Baptisma hi an chang a ni.
Zokhawtharah pawh member pakhat Kohhranah sengluh a ni bawk. Zokhawtharah hian, Evan H Laltlanzela, District Missions Evangelist in rawngbawlna a nei mek a ni.
CTI Kohhran, Thingsulthliah Bial a lawi turin member thar Pakhat chu sengluh a ni bawk. Member thar hi CTI Kohhran Chairman Evan R Lakfakzualan a sengluhna neiin Inkhawm ban Evan Rualthankhuma’n Baptisma Isua hmingin a chantir bawk.
———-
Hruaitute Programme:
Rev. R. Laltlankima, District Superintendent chuan Serchhip Dinthar Biakina Live Crusade hman mekah telpuiin Live Crusade Pathian hnena hlanna hun neiin Pathianni zan thleng hun hman a ni ang.
Rev. H. Lalropuia, District Secretary chu General Account Auditor a nih angin July 22 atanga 26 chhung khan General Kohhranpui bakah Department hrang hrangte sum Audit na neiin hun a hmang a ni.
Rev. VL. Hnemtluanga, District Treasurer chuan N. Vanlaiphai Bial, Rawlkhang Biakin hmun leh hma en fellin July 24 khan N. Vanlaiphai a pan a, Kohhran thil tul pawimawh a tih hnuah July 26 khan Aizawl a let leh a ni.
Rev. C. Lalmalsawma, District Missions Director chuan Sailulak hmuna Evan F. Vanlalruata te chhungkua in Pathian chawimawina an neihah Speaker-ah tangin rawngbawlna a nei a, ruahmanna ang chuan Thawhtanni-ah Aizawl a let leh ang.
———-
———-
NORTH MIZORAM DISTRICT
DISTRICT KOHHRANPUI NEWS:
UPC, NORTH EAST INDIA, NORTH MIZORAM DISTRICT HRUAITUTE PROGRAMME (OFFICE)
North Mizoram District hruaitu pathum Rev. K. Lalduhsanga,District Superintendent, Rev. C. Lalthantluanga, Dist. Secy leh Rev. C. Lalmuanpuia Dist. Treasurer te chuan North Mizoram District July thla Board July ni 23rd-25th (Thawhlehni – Ningani) chhung awhah telin hun an hmang.
Rev. K. Lalduhsanga, Dist. Supdt. hi UPC ( NEI) Auditor a nih angin, July ni 26 (Zirtawpni) khan Audit hna thawkin General Office-ah a kal.
———-
NORTH MIZORAM DISTRICT CHUAN JULY THLA BOARD NEI:
UPC (NEI) North Mizoram District chuan July ni 23-25 Thawhlehni atanga Ningani chhung khan District Board an nei.
District Board hi District Office Committee Room-ah neiin Rev. K. Lalduhsanga, Dist. Supdt. in Board meeting a kaihruai a, Board memberte thawh hona tha nei turin a sawm a, Board member te inpekna a zarah kohhran chak tak neih a beisei thu a sawi a, intawngtaipui tawn zel a pawimawh thu a sawi bawk.
Gen. Rev.Zohmingthanzama General Superintendent (Ex -Officio District Board Member) chu District Board Member te hmaah inhmelhriattirin, District Board Member thar Pastor C.Lalruatsanga Lal Isua hmingin a lawmlut a, District Board member te aiawhin Rev.C.Lalrammuana’n Lal Isua hmingin chibai a buk a ni.
Chairman Rev.K.Lalduhsangan Galatia 6:6-8 thu chhiari’n Lalpa rawngbawlna kawngah inthlahdah lovi’n Pathian thu hriatna kawngah pawh nasa zawka tan lak a pawimawh thu a sawi bawk.
General Superintendent Rev.Zohmingthanzama’n chuan thu sawi bawkin, kohhranhote duhsakna avanga Ex-Officio District Board member a lo nih ve tak chungchangah a lawmthu a sawi a. Kohhranin hmasawnna chungchangah lawmthu a sawi bakah ‘Rorel khawla kan awm chuan, rorelna kawngah diktaka ro kan rel thin a pawimawh’ a ti Hei bakah hian UPC NEI hmasawnna hrang hrangte hetiang report pein CBC -ah zirlai 54 an awm thu te, CBC chhuak mi thiam tak tak ten kohhran an tihhlut thinzia te, hmun hrang hranga Pathian thu an zir zawmna hmunah CBC chhuakte an chhuanawm zia te tarlangin, CBC hmun Shillong chhuahsan tak, Principal Quarters chu General LAD -in Guest Room atan an chei fel vek tawh thu te a tarlang a, Office-a hman thin chu Heritage Centre-a dah a nih thu te a tarlang tel bawk.
District Board rorel tlangpui te:
1.Kan Chowkidar hmasa Bro. C.Lalbiakmawia Zotlang chu Pensiona-a a chhuah tak avangin District Board chuan MR-in Bro F. Lalsangzuala, S/o Upa Lalsuaka Dinthar chu a la.
2.Aizawl Kulikawn East Chekbawk-ah Biak in hmun lei
3.Chawlhhmun Bial Govt Complex Local tih thin chu Sorkar-in Ainawn veng tia a thlak tawh avangin Ainawn Local tia thlak a ni
4.District Conference thlengtu tanpuina Rs. 300000-500000 ni thin chu Rs. 500000-700000-ah tihsan ani.
5.District Office hmun remchang-ah PenNet Studio siam ni se.
6.2024 Aug thla chu Rammut thla a nih angin Pastor te Rammut dan tur ruahman a ni
7.Biak in sak tanpuina tihsan nise tih a ni a, Ruahmanna Building Committee kutah dah a ni.
8.Statiscian Training neih ni se
9.Financial Campaign hruaitute ruahmannain neih ni se.
10.Hunthar Bialtu Rev.H.Zabiaka November ni 23, 2024-a pension-a a chhuah hnuah District Supdt. In lo hmui mai se tih a ni.
11.District in Evangelist-a rawih Transfer TADA senso zat ve District in a tum thin chu a vaia tum tawh ni se.
———-
Dinthar Bial PYD inkankual Programme hmang:
Dinthar Bial PYD te chuan inkankual vawi 2- na Dinthar UPC Biak Inah an hmang, He Programme hi July ni 22 Thawhtanzanah hmangin Evan. H. Lalbiakhluna, Dinthar Local PYD Vice President in hun a hmang a, Sist. Rosy K. Vanlalkimi, Fin Secretary Chawnpui PYD chuan tanna hun a hmang.
Tuikual Local PYD Zaipawl ten fak hla remin Evan. Vanlalzemawia Fanai chuan Pathian thu hrilh rawngbawlna a nei a, ani’n Pathian thu chang Johana 16:33 , Rom 8:14 leh Johana 21:18 thute hmangin Thlamuanna dik leh khawvel ngamna thu a sawi a, thalai te’n Lalpa thlir tlat a khawvelah Amah vanga hrehawm tuar ngam tura huaisenna nei turin min fuih a, vana ro kan chan ve theih nan kan sal tanna bawih ata theuh chhuah zalena kan awm theih nan Lalpa chauh vuan a thlarau hruai a awm turin tlawmna nun kan neih ve a ngaih thu nasa takin a sawi a ni.
Hemi zan hian PYD thiltum sawirual ni bawkin Dinthar Bial PYD Zaipawl ten hla an kaihruai thin bawk. Bial Secretary Report T. Upa C. Lalthazuala hnen atang ngaihthlak a nih bakah Kumpuan Sub Committee Secretary Bro. Lalthanpuia’n Slogan inziahsiak lawmman semin hetiang hi lawmman dawn dan te a ni:
1) Local ziak hnem ber lawmman: Chawnpui Local leh Dinthar Local.
2) Slogan ziak mawi ber: Bro. Remruatkima, Dawrpui Vengthar
3) Consolation Prize: Mi panga hnenah hlan a ni.
———-
N.MIZORAM DISTRICT MISSIONS DEPARTMENT HRUAITU TEN DISTRICT CONFERENCE NEIHNA HMUN TUR AIBAWK BIAL AN TLAWH:
July ni 21, 2024 (Pathianni) khan North Mizoram District Missions Department hruaitu ten kumin October thlaa District Conference dawngtu tur Aibawk Bial te hmalakna enpuiin hun an hmang. Hruaitute hian zing atanga zan thlengin local hrang hrangah hun an hmang kual a, tlaiah Dist. Conference Organising Committee-te nen Bial Hqtrs, Aibawk Biak inah an ṭhukhawm a, Conference hmanna tura ṭul leh pawimawh hrang hrangte sawi ho a ni.
Hetiang hian local hrang hrangah inkhawmin Pathian thuchah puanchhuahna an nei :
Chawhma : Aibawk, Evan. Lalthangchhuana, Secretary
Chawhnu : Sateek, Evan JH Malsawmdawngliana, Treasurer
Zan : Falkawn, Rev C.Lalramthanga, Director
District Missions Department puipate lo kal hi Bialtu Pastor leh Bial Missions Department hruaituten an ṭawiawm a, Conference hmanna tur en pui bakah Pathian thuchah ropui tak tak puan chhuah a ni a, hun hlimawm leh hlawk tak hman ho a ni.
Falkawn local Church Board member ten hruaitu te hi zanriah kilpuiin zanlamah Falkawn Biakin ah Thlarau lam hla te nen hlimtaka hun hman ani.
———-
TUAHZAWLAH LALPAN RAM AZAUH ZEL E:
Lengpui Bial Tuahzawl ah Rehobot Revival team te rawngbawlna chu Lalpan mal a sawm zela tun tun dinhmunah hian Pathian Chawimawina tum 6 lai a awm tawh a ni.
July mi 21 Pathianni zing khan Presbyterian atangin Lalthanmawia te chhung kua member 5 chu Isua hmingin lawmluh an ni. Pu Lalthanmawia hi Pavalai Sect ,SS puitling zirtirtu nilai leh YMA lam ah Branch Trea nilai mek ani bawk a, heti hian Lalpan mi 6 lai Tuahzawl Kohhranah member thar a pe a ni.
———-
DINTHAR BIAL PYD MEDIA CELL BUATSAIHIN PHOTO & VIDEOGRAPHY TRAINING NEIH A NI:
Dinthar Bial PYD Media Cell committee chuan Photo & Videography Training neih nise alo tih chu ni July ni 19, 2024 (Zirtawpzan) khan Dinthar NPSS Hall ah tluang taka neih a ni a.
Training Programme hi Bro. Vanlalremruata Sailo Secy. Bial media Cell –in a kaihruai a, Thufingte 14:23 thu chhiar in ṭawngṭaina hun ahmang a ni.
Bro. Lalawmpuia Asst. Secy. Bial PYD aṭangin thu tawi sawi ngaihthlak a ni a, Pathian thu I Korinth 6:12 thu chhiarin, Pathian rawngbawlna kawng a Social Media hmang ṭangkai thiam tur te in kalkhawm te uar tak a fuih.
Trainer Bro. Ms Dawngzela Chaltlang atangin Media kohhranin a ṭangkai pui tur zirtirna hrang hrang zirtirin, Thupui hrang hrang ah rawn ṭhen in zirtirna a pe a ni.
Videography Trainer Bro. Johny Lallawmkima hnen atangin Practical a tih chhin na te neih a ni a, a hlawk thlak kan ti hle. Video Camera hman dan leh, a buaipui dan hrang hrang te Practical a zirtirna a pe bawk a ni.
Sist. Lalthazuali, Treasurer Dinthar Bial Media Cell chuan lawmthu a sawi a,
Training nei tura member lokal zawng zawng te chung ah lawmthu sawina leh Kan Trainer te chungah Lawmthu sawina te Sis. Lalthazuali Treasurer Bial Media Cell in a rawn nei a ni.
Bro. H. Lalmalsawma, President Bial PYD in tawngtaiin Training hun a titawp a ni.
———-
———-
Facebook