March 21 thawhlehni kha North East India UPC Thalai pawl, PYD din champha a ni a, kum dang ang bawkin thlalai member ten hetiang hian hun an hmang- Hospital-ah Bial huapa thisen pek, Thianghlimna campaign neih leh PHC Centre tihfai leh sawrkar hmun pawimawh leh vantlang inthiarna leh tuiluankawr tihfai bakah bawlhhlawh bawm dah leh sorkar office hrang hrang tifaia Hmunphiah dah, a duh apiang in tura thei tui sem, fahrah in a awm te tanpui, Kohhran chhunga mi harsa te tanpui, Kohhran mamawh thawh leh intih hlimna hrang hrang buatsaih bakah chawnghei tawngtai neih leh Pathian hming faka chawimawi nan PYD Day hi an hmang.
General Superintendent Rev. Lalmalsawma Sailo chuan PYD te hnenah PYD Motto ‘ Krista tana Sengkhawm’ tih ang taka nek chepna leh sawichhiatna karah pawh Krista tana sengkhawmna hna theih tawpa thawk turin a chah a, Lalpa ram tana bei zel turin duhsakna a hlan nghal bawk a ni. Tin, General PYD President Pastor H. Lalropuia’n PYD Day thuchah a ziah chu chhiarchhuah a ni bawk.
Facebook