UPCNEINEWSSERVICE SEPT 27-OCT 4.2020
—————
Reverend Title hlan :
UPC-North East India, General Aministrative Committee chuan General Missions Department Executive Board in a recommend angin Pastor Lalmuanpuia, North Bengal & Sikkim Missions Field Director chu kum 10 chuang Pastor rawngbawl hna rinawm taka a lo thawh tak avangin Sept ni 29, 2020 Thawhlehni khan Reverend title an hlan a, tun hnuah chuan Rev. Lalmuanpuia tia lam leh ziah tawh tur a ni.
Rev. Lalmuanpuia hi May 1, 2007 khan General Missions Deparment-chuan Full time worker atana la nghetin, Ordination Licence nei tawh a ni a. A rawngbawlna peng hrang hrang te thlirin General Missions Executive Board chuan Reverend title pek tlakah ngaiin a recommend-a, General Adminitrative Committee pawhin he title hi pek tlakah ngaiin a hlan ta a ni.
———–
Missionary kal tur thlah :
Sept ni 30, Nilaini khan Bihar Missions Field a Missionary a kal tur Bro. David Lalhmingliana thlahna leh hriak thihna General Hqrs Office Committee room-ah neih a ni.
Missionary thlahna inkhawm tawi buatsaih hi General Missions Director Rev. R. Lalhawia chuan a kaihruai a, Rev. R. Vanlalawia, General Sunday School Secretary chuan hunserh a hmang.
UPC North East India General Treasurer Rev. Zohmingthanzama chuan hriakthihna neih sakin tawngtai sakna neih chhunzawm a ni a, General Secretary Rev. R. Lalrinsanga leh Rev. R. Lalhawia’n fuihna thu chah tawi an sawi bawk. He inkhawm tawi hi Rev. R. Laichhingpuia, General Sunday School Director chuan malsawm tawngtaiin a tin a ni.
———–
Pennet Programme chhuah hun sawn :
Thla a lo thar leh tak avangin LPS 12 leh Zonet Rinna channel-a Pennet programme chhuah hun chu darkar khatin sawn danglam a ni.
LPS 12 channel ah hian October atanga kum thar 2021 January inkar chhungin zan dar 6:00pm atangin programme thar a chhuak ang a, zan lai dar 12, zing dar 6, chhun dar 12 ah te a chhuak nawn thin ang. Zonet Rinna channel ah hian October thla chhungin zan dar 7 ah a thar a chhuak tan ang a, zan lai dar 12, zing dar 5, chhun dar 10 leh tlai dar 3 ah te a chhuak nawn thung dawn a ni.
———–
Social Work Day :
Oct 2, Zirtawpni kha North East India UPC Kohhran thalai pawl Pentecostal Youth Department (PYD) Social Work Day a ni a, India hmarchhak pum huapa hman a ni.
Kumin hian kum dang anga hman theih ni lo mahse sawrkar dan siam leh hri leng a darh lohna tura in veng chungin a theih ang anga vantlang tana hna thawk turin thalai te an pen chhuak.
Social Work Day hmanna pui ber, Aizawl khawpuiah chuan Aizawl City PYD Co Ordination Committee huaihawtin Sept ni 28 atanga October ni 1 inkarah Blood Donation Week buatsaih a ni a, Aizawl khawpui chhunga Pastor bial 17 ten avaiin thisen unit313 Aizawl Civil Hospital tan an pe.
Hri pui len avangin social distancing kalpui a nih theihna tur hmun General Hqrs Building ah Blood donation week hi buatsaih a ni a, Week hawnna pual inkhawm tawi buatsaihah City PYD Chairman Upa F. Lalthlangliana chuan hun a kaihruai a, General PYD President Rev. H. Lalropuia’n Week hawnna leh Pathian hnena hlanna a nei a, thisen pe tura Kohhran thalai te inpekna hi hman atang tawhin a la pangai reng. Phur na leh chakna nen inhuam takin thalai kan pung khawm thin hi a lawmawmin a ropui tak zet a ni a ti.
City PYD Secretary Evan. C. Lalruatsanga hnen atangin report ngaihthlak a ni a, Association for Volunatary Blood Donation (AVBD) atangin information Secretary K. Zothanpara hnen atangin thu tawi ngaithlak a ni bawk.
Week ni khatna Sept ni 28, Thawhtan ni ah Zemabawk North, Hunthar, Mualpui leh Dinthar Bial PYD ten thisen Unit 72 an pe a, thisen petute hi Mipa 65 leh hmeichhia 7 an ni.
Ni hnihna Sept ni 29, Thawhleh niah Zemabawk Bialtu Pastor Rev. R. Laltlankima chuan telpuiin, Zemabawk, Chawlhhmun, Durtlang, Upper Republic leh Sihphir PYD ten thisen unit 68 pe in thisen pe tute hi mipa 53 leh hmeichhia 15 an ni.
Week ni thumna, Sept ni 30 Nilaini ah General Sunday School Director Rev. R. Laichhingpuia chuan telpuiin huserh hmanah tawngtaina a nei a, North Mizoram District Hqrs Bial, Bazar bial, Bawngkawn Bial leh Chaltlang bial ten thisen unit 71 an pe a, thisen pe tute hi mipa 60 leh hmeichhia 11 an ni.
Blood Donation Week tawp kharni hian UPC North East India General Superitendent Rev. Lalmalsawma Sailo chuan telpuiin hunserh a hmang a, Tita 3:8 ‘Pathian ring tawh te chuan thil tha ti zel turin ngaihtuah rawh se’ tih thu la chhuakin fuihna thu tawi a sawi a, tawngtaina a nei.
Oct ni 1, Ningan hi khan Bethlehem bial, Tlangnuam bial, Maubawk bial leh Thuampui bial ten thisen unit 102 an pe a. Thisen pe tute hi mipa 88 leh hmeichhia 14 an ni.
Social Work Day denchhena Blood Donation Week-buatsaih hi UPC North East India General Hqrs Office building ah Aizawl Civil Hospital Blood Bank a thawk tuten kal chilhin thisen hi an la a. Week neih chhunga Aizawl City PYD te thisen pek tlingkhawm hi avaiin unit 313 niin thisen pe tute hi mipa 266 leh hmeichhia 47 an ni.
Thisen pek zawhah Week kharna programme hman chhunzawm nghal a ni a, City PYD Vice Chairman Evan K. Rotluanga’n hun a kaihruai a, Secretary Evan C. Lalruatsanga hnen atangin report ngaihthlak a ni. Week hman chhunga Thisen pe tam ber lawmman dawngtu Mualpui bial PYD hnenah City PYD Chairman Upa F. Lalthlangliana’n lawmman a hlan a, Mualpui bial PYD te hian thisen unit 38 an pe thei a ni. Bethlehem Bial PYD ten dawtin unit 37 an pe a, District Hqrs bial te pathumna niin unit 31 an pe bawk.
General PYD Secretary Evan. Jh Malsawmdawngliana chuan thu tawi sawiin Aizawl khawpui chhunga PYD member te in pekna chuan thinlung a ti lawm takzet tih a sawi a. General PYD President Rev. H. Lalropuia’n malsawm tawngtaiin he inkhawm hi a tin a ni.
Lunglei khawpui chhunga Social Work day hmang tu, Town Area PYD te chuan Social work day pual hian September ni 29 zing karah khan Sazaikawn bula PYD ten zun in an siam chu a bul vel an sam fai bakah chei tha in rawng an hnawih thar a, Town Area PYD te hian Bethel Centre, Vanhne ah thilpek an hlan bawk.
Siaha khawpui chhungah chuan thalai ten Blood Donation camp an buatsaih a, Kolasib, Serchhip leh hmun dang dangah pawh a khawpui huapa hman engemaw zat an awm bawk. Thingtlang lam bial tamzawk chuan khawchhung thenfai, vantlang hmun hma chei that leh tihfai hna an thawk a ni.
General PYD Presiden Rev. H. Lalropuia chuan he ni hmang tu Indiar hmarchhak huam chhunga PYD Member zawng zawng te hnenah lawmthu a sawi a, khua leh tui tana mi tangkai leh chhenfakawm ni zel turin PYD te duhsakna chibai a hlan a ni.
————
Executive Board :
Oct ni 6, Thawhlehni hian UPC North East India Kohhran rorelna sang, Executive Board chuan General Hqrs Office ah Executive Board Emergency meeting a kova, he meeting hian Kohhran inkhawmpui lian, General Conference November Pathianni tawp bera neih tur chungchang a ngaihtuah dawn a ni.
————–
District hrang hrang rawngbawlna chanchin :
Thisen pe :
September ni 29 thawhlehni khan UPC North East India Kohhran thalai pawl, Lunglei District Haulawng Bial PYD te chuan Lunglei Civil Hospital tan thisen unit 91 an pe.
Haulawng bial PYD te hian Lunglei District PYD Conference in Blood Donation neih nise tia a lo rel bawhzui nan thinsen hi an pe a, Hausiampa Hall, Haulawng Lamthuamthum a hunserh tawi an hman naah Bial PYD President Rbt.R.Lalhmingthanga chuan hun a kaihruai a, bialtu Pastor Rev.R.Lalsangzuala chuan hunserh hmangin Tobacco Control Society atangin Dr.Lalnunsiama Renthlei, Consultant District Tobacco Control Cell chuan Awraness Campaign a nei a, Dr.Lucy Ramhmingliani Renthlei Blood Bank Officer chuan thisen pe turte tana hriat tur tul leh pawimawh sawina a nei bawk.
Haulawng Lamthuamthum, Haulawng lalveng, Mualthuam N, Venglai, S.Phaileng, New Haulawng, Mausen, Chengpui leh Zotuitlang atangin thisen pe tur hian an kalkhawm a, Hausiampa Hall, Haulawng Lamthuamthum ah Lunglei Civil Hospital Blood Bank-a thawktu ten an kal chilh a ni. Thisen unit 91 petu te hi mipa 88 leh hmeichhia 3 an ni.
——————
October ni 2 zirtawpni hi Social work day anih angin Lunglei District huam chhunga PYD dinna Local hrang hrangte chuan mahni remchan dan ang theuhin he ni hi vantlang tana thiltha tih nan an hmang .
Town Area PYD te chuan Social work day pual hian September ni 29 zing karah khan Sazaikawn bula PYD ten zun in an siam chu a bul vel an sam fai bakah chei tha in rawng an hnawih thar bawk. Tin, Town Area PYD te hian Social Work day ah hian Bethel Centre, Vanhne ah thilpek an hlan dawn bawk a ni.
————–
Joint Meeting :
September ni 26 inrinni khan S.Vanlaiphai bial PYD leh LAD te chuan Rorel inkhawm S.Vanlaiphai hmunah an nei a, an rorel tlangpui te:
PYD – 1) Pastor quarters compound thir len ( net ) a hung nise.
2) Local intlawh tawn .
3) Bible ralchhan
LAD rorel -1) Pastor quarters -ah Dining table thar dah .
2) kum 2022 LAD dist conf kalna tur budget dah
3) Bible ralchhan neih
——————
Member thar :
September ni 27 Pathianni khan New Ngarchhip ah mi thar pahnih bialtu Pastor K.Lalnunpuia chuan Baptisma chan tirin a lawm lut. Cherhlun bial Missions Department hmalaknain tunah hian New Ngharchhip ah hian Bro. Lalrokima Chhangte chuan rawngbawlna neiin a awm chilh mek a ni.
—————
Aizawl East District :
September 29, Thawhlehni khan District Office-a District Sunday School Director room-ah District Sunday School Executive meeting neih a ni.
He hun hi Rev HL.Thakunga, Director chuan kaihruaiin District Kohhranpui Treasurer, Rev VL.Hnemtluanga’n tawngtaina a hmang a ni. District Sunday School Executive meeting-ah hian District Kohhranpui hruaitute pawh an telkim thei a ni. An rorel tlangpuite:
1. District Sunday School Board neih hun tura ruahmanna hmasa chu Covid-19 hrileng avanga neih theih a nih tak loh avangin November 12, Ningani, Chawhma Dar 10:30-ah District Committee room-ah neih tura ruahmanna thar siam a ni.
2. Kum 2020 Sunday School Exam Question General atanga kal tur chu Soft Copy-in Bial tinah thawn mai ni se, Bial ten tha an tih angin hma lo la mai se tih a ni.
3. General atanga Kumpuan pual thupui Circular, bawhzui tura an siam chu a copy siama bial tinah thawn chhuah ni se tih a ni.
Heng bakah hian Rabung bial, Rabung Vengchhak Kohhran ten Sunday School hall sak tanpuina an dilna chu pek ni se an ti bawk a ni.
———
District LAD :
September 24, Ningani khan District LAD chuan District Superintendent Quarters-ah Executive meeting an nei.
He hunah hian thu pawimawh tak tak ngaihtuah niin October 8, Ningani-a District LAD Conference rorel inkhawm neih tur atan Official Agenda turte an ngaihtuah bakah District Superintendent Quarters-ah Sofa set dah ni se an ti. Covid-19 hri leng mek avangin kum dang angin District LAD Conference hman theih a ni dawn lova, rorel inkhawm chauh neih tura tih niin hetiang hian ruahmanna siam a ni.
Conference thlengtu tur: Mualpui Bial
Conference rorel hun: October 8, Ningani, Chawhma Dar 10:30
Rorel palai turte: Bial tin atangin mi 3 zel.
Conference rorel neih turah hian hengte hi sawm ni se an ti bawk:
General Kohhranpui OB, General LAD OB, N.Mizoram District LAD OB, Aizawl East District Department hrang hrang OB bakah Aizawl East District Bialtu Pastor zawng zawngte.
———-
Tawngtai inkhawm :
Hrileng mek avangin hun engemaw chen inkhawm thei lova kan awm laiin Serchhip Biakinpui PYD OB te chuan ruahmanna siamin PYD member te tan Pathianni tlaiah tawngtai inkhawm Biakinpui PYD te chuan Biak in-ah an neih chho mek zel.
May 17, Pathianni tlai khan Biakinpui PYD OB te hian a hmasaber atan tawngtai inkhawm hi neiin July 12, Pathianni tlai atang khan member pum huapin chawl lovin vawiin thleng hian tawngtai inkhawm hi Pathianni tlai tin an la neih ziah a ni. Member ten ngaihluin tawngtai tura kal pawh an tha thei hle a ni. He an hun hmanah hian thusawi tawi bakah tantu leh thawhlawm khawnna te pawh an nei thin a ni. Thlarau lam hla nena hun hman chang awmin hlawkthlak an ti hle a ni.
Serchhip Biakinpui Kohhran te hian Pathianni zing tin tawngtai inkhawm hi an nei thin bawk a, September 27, Pathianni zing tawngtai inkhawmah khan chawl lova Kum 25 chhung Kohhran Upa lo ni tawhte hnenah chawimawina Citation leh Holy Bible hlan an ni bawk.
———
Bial Missions :
Aizawl East District chhunga Bial hrang hrangte chuan September 26, Inrinni leh 27, Pathianni khan Bial Missions Inkhawmpui rorel tluang takin an hmang.
Kum dangah chuan Revival inkhawma hun hman thin ni mahse kuminah erawh hri leng mek avangin Revival Inkhawma hun hmang lovin rorel inkhawm chauh bialte hian an nei thei a ni. Bial engemaw zatin Bial Missions Inkhawmpui rorel hi hmang thei mahse Bial thenkhat chuan hrileng mek avangin an la hmang thei lo a ni. Bial Missions inkhawmpui hi hri leng mek avangin District Missions Department Hruaitute pawhin hmun dangah hmang lovin an awmna Bial theuh-ah an hmanpui a, Rev R.Lianzama, Director chuan Zemabawk Bial-ah hmangin leh Evan C.Lalchhuanga Treasurer te chuan Thuamui bial-ah a hmang a, Evan Lalramzauva, Secretary chuan Bethlehem bial-ah a hmang thung a ni. Bial hrang hrangte hman dan tlangpui lo tarlang ila:
1. Bazar Bial te chuan September 26, Inrinni khan Ramthar Kohhranah Bial Missions Inkhawmpui vawi 27-na rorel inkhawm hi an hmang a, Evan R.Vanchhunga, Bial Director in rorel inkhawm a kaihruai a ni. Bazar bialte hian Kum 2021-ah Armed Veng Kohhranah Inkhawmpui hman ni se an ti a, Kum 2021-ah Home Missionary support neih leh tura tih niin Local tin intlawh tawnna neih ni se an tih bakah Revival Crusade buatsaih ni se an ti a, General-ah Missionary Support tura tih ni bawkin District Superintendent relief fund atan Budget dah ni se an ti bawk a ni. Bazar Bial Missions Department inkhawmpui rorel inkhawmah hian palai kalte hnenah Ngopa Bial, Kawlbem Biak in chhuat pual appeal neih niin sum engemaw zat hmuh a ni.
2. Upper Republic Bial te chuan Upper Republic Biak inah Bial Missions Inkhawmpui vawi 25-na rorel inkhawm tluang takin an nei a, Kum 2021 chhungin North East India Missions Field-ah Biak in emaw Quarters emaw saa, work camp neih ni se an ti a, Kum 2021-ah Bial pawn fehchhuah neih tura tih niin Bial chhungah Home Missionary thla 2/1 emaw rawih ni se an ti bawk a ni. Kum 2021 inkhawmpui neihna tur chu Bialpui Board kutah an dah a ni.
3. N.Vanlaiphai Bial te pawhin Rawlkhang Local-ah Bial Missions Inkhawmpui vawi 20-na rorel inkhawm tluang takin an nei a, rorel palai 40 vel an kal thei a ni. Kum 2021-ah Khawlailung Dintharah Inkhawmpui neih ni se an ti a, Bial chhunga financial campaign neih tura tih a ni bawk.
4. Serchhip Dinthar bial te chuan Bial Missions Inkhawmpui vawi 19-na, rorel inkhawm Bial Hqrs. Dinthar Local-ah tluang takin an nei a, palai 40 vel an kal thei a ni. Kum 2021-ah Keitum Local-ah Inkhawmpui neih leh tura tih niin ramlak beihpui thlak ni se Budget-ah dah ni se an ti a, Bial chhungah Revival Crusade neih tura tih niin Local intlawh tawn neih ni se an tih bakah Pastor Quarters budget siam ni se an ti a, Bial Missions Inkhawmpui leh Missionary Day inang hi siam rem tura District-ah thlen ni se an ti bawk a ni.
5. Khawruhlian Bial te chuan Khawruhlian Local-ah Bial Missions Inkhawmpui vawi 35-na rorel inkhawm tluang takin an nei a, kum 2021-ah Khanpui Local-ah inkhawmpui nghatin Thupui-ah Dak ulang, lote en rawh u (John 4:35) hman ni se an tih bakah Kum 2021-ah Bial chhungah mithar 10 aia tlem lo lak tum ni se an ti bawk a ni.
6. Serchhip Bial te pawhin Bial Missions Inkhawmpui vawi 43-na, rorel inkhawm Electrict Local-ah tluang takin an nei a, palai 50 vel an kal thei a ni. Kum 2021-ah Biakinpuiah Inkhamwpui nghatin Bial Missions hmingin CBC-ah tanpuina Rs 10,000/- pek ni se an ti a, Tualchhung tin Committee member te tan retreat neih tura tih niin Kum 2021 chhungin General-ah Missions Support ni se an ti bawk a ni.
7. Champhai Bethel Bial te chuan Zion Local-ah Bial Missions Inkhawmpui vawi 13-na, rorel inkhawm an nei a, palai 30 vel an kal a ni. Kum 2021-ah pawh Zion Local-ah bawk Inkhamwpui neih leh ni se, Speaker-ah Bialtu Pastor Lalhmangaihawma Parte hman ni se an ti a, Kum 2021 chhungin Hruaikawna dah turin thla khat tal Missionary rawih tura tih niin Kum 2021 District Missions Conference thlengtu tur Champhai Bialte hnenah tanpuina pek ni se an tih bakah Pastor Quarters tih changtlun nan Budget-ah Rs 15,000 dah ni se an ti bawk.
8. Khawzawl Bial te pawhin Khawzawl Venglai Kohhranah Bial Missions Inkhawmpui vawi 49-na, rorel inkhawm tluang taka neiin palai mi 40 vel an kal a ni. Kum 2021-ah Khawzawl Vengthar-ah inkhawmpui neih leh tura tih niin Kum 2021-ah Crusade neih ni se an ti bawk.
9. Thuampui Bial te chuan Muanna Veng-ah Inkhawmpui vawi 12-na, rorel inkhawm tluang takin an nei a, palai mi 30 vel an kal a ni. Kum 2021-ah Zuangtui Local-ah Inkhawmpui neih tura tih niin Kolkatta Field-ah Missionary an rawih lai Pastor Isaia chu rawih chhunzawm ni se, Kum 2021-ah Missionary 2 chawm leh tura tih niin Kum 2021-ah Bial hruaituten Local tin tlawhchhuak se an ti bawk. Thuampui Bial te hian Kumin 2020 hian Missions Field-ah Biak in pahnih an lo sak sak tawh a, hemi-a an sum hman bang bakah Work Camp neihna turin Rs 20,000 dah leh ni se an ti a ni.
10. Zemabawk North Bial te chuan a vawi khatna atan Bial Missions Inkhawmpui, rorel hi Falkland East-ah tluang takin September 26, Inrinni khan an nei a ni. Kum 2021-ah Zemabawk West Kohhranah Inkhawmpui neih leh tura tih niin Kum 2021 atang chuan rotation in inkhawmpui thlengtu tur siam tawh ni se an ti a, Bial chhunga thla hnih chhung Missionary rawih tura tih niin Pastor Quarters-ah fan dah ni se an ti bawk.
11. Champhai Bial te pawhin Kahrawt Local-ah Bial Inkhawmpui vawi 44-na, rorel inkhawm palai mi 28 ten tluang takin an nei a, kum 2021-ah Venglai Kohhranah Inkhawmpui neih leh tra tih niin Champhai Dinthar Preaching point Biak in sak mekah Bial Missions in a theih ang anga hmalak ni se an tih bakah Kum 2021 District Missions Conference pualin Budget-ah sum engemaw zat an dah bawk a ni.
12. Suangpuilawn Bial te chuan Vanbawng hmunah Bial Missions inkhawmpui vawi 23-na, rorel inkhawm neiin palai 20 chuang an kal thei a ni. Kum 2021-ah Suangpuilawn Local-ah inkhawmpui hi neih ani anga Kohhranpui-ah an bet leh dawn a ni. Kum 2021 District Conference chu Bial huapa kal ni se, Local tin ten Budget-ah dah ni se an ti a ni.
13. Rabung Bial te pawhin Bial Missions inkhawmpui vawi 38-na, rorel inkhawm Hliappui hmunah palai mi 40 chuang ten an nei a, Bial chhunga Chhungkaw tinte Thuthlungah an ngheh leh zual nan Tualchhung tinah Thuthlung lam hawi Home Crusade neih tura tih niin Rabung Vengchhak Preaching point hawn thar chu Bial Missions hminga tanpuina pek ve ni se an tih bakah District Missions Conference chu kumkhat danah neih tawh ni se tih chu District-ah thlen tura tih a ni. Rabung bial te hian Kum 2021-ah Hliappui Local-ah inkhawmpui hi an nei leh dawn a ni.
14. Bethlehem bial te chuan Hermon Local-ah Inkhawmpui vawi 38-na, rorel inkhawm hi tluang takin an nei a, palai 20 chuang an kal thei a ni. Kum 2021-ah Bethlehem Vengthlang-ah inkhawmpui hi an nei leh anga, Kum 2021-ah bial chhungah Home Missionary rawh ni se an tih bakah District hnuaia Missionary te hi kum khat atan lak ni se tih leh District Conference neih thinah Home Missionary rawih mekte hian an rawngbawl dan reportna hun tawi siam sak ni se tih chu District-ah thlen tura tih a ni.
15. Hnahlan Bial te pawhin Bial Missions inkhawmpui hi September 26, Inrinni khan Hnahlan Venglai Biakin-ah tluang takin an nei a, palai 25 an kal thei a ni. Kum 2021-ah Khuangphah Local-ah inkhawmpui neih leh tura tih niin Speaker mal neih ni se an ti a, Bial hruaitute Local tin te vawi khat tal tlawhchhuak se an tih bakah Bial chhunga Kohhran din lohnaa rawngbawltu rawih nan Budget-ah sum dah ni se an ti a, Kum 2021 February 18-ah Missions Department pualin chhungkaw zan hman ni se, hemi zan hian Missions pual thawhlawm thawh theuh ni se an ti bawk a ni.
16. Zemabawk Bial te chuan Tuirial hmunah Bial Missions Inkhawmpui vawi 32-na, rorel inkhawm hi tluang takin an nei a, Kum 2021 atang chuan Bial Missions inkhawmpui hi rotation anga kalpui tawh ni se an ti a, Kum 2021-ah bial huapa fehchhuah ni se an tih bakah Bial chhungah thla hnih chhung rawngbawltu rawih ni se an ti a ni. Zemabawk bial Missions inkhawmpui rorelnaah hian Rabung bial, Aiduzawl Kohhran Sunday School Hall sak tanpuina atan Bial Missions atangin sum pek ni se an ti bawk a ni.
——–
Baptisma chang :
September 27, Pathianni khan Bethlehem Vengthlang Kohhranah Bialtu Pastor, Rev. Rohmingliana kutah mi 4 in sual ngaihdamna baptisma an chang a, nau 3 hlanna a nei bawk.
September 27, Pathianni vek khan Darlawn Kohhranah chhungkaw khat member 7 te chu Kohhranah sengluh an ni bawk.
September 27, Pathianni vek khan Thingsulthliah bial Sesawng hmunah mi pahnih in sual ngaihdamna baptisma, Bialtu Pastor V.Lalnienga kutah an chang a, Bialtu Pastor hian Darlawng-ah nausen pakhat Pathian hnenah hlanin, Sesawng Vengtharah nausen pahnih Pathian hnenah hlanna a nei bawk.
————–
Churachandpur District :
Revival Meet :
Sept 25 atanga ni 27 chhung khan Thanlon Section chuan Joutung Local ah Revival intawhkhawm an buatsaih a, Bialtu Pastor Jehova Lalnunsanga leh Home Missionary Evan. Kamkholuna te speaker atana rawih an ni. Thlarau lam boruak a tla ṭha hle a, thlarau baptisma dawng thar pawh an awm nual a ni.
————
Member thar :
Sept.29 atanga ni 30 chhung khan Pangzawl bialtu Rev. K. Lalramdina’n mi thar 2 Isua hmingin sual ngaihdamna baptisma a chan tir.
———–
Calendar :
(3) Ccpur Dist.chuan kum 2021 Kohhran Calender tura an buatsaih chu peih felin Oct.1, Ningani khan Dist. Office ah hlanna neih a ni a, chumi zawh bial Pastor te kaltlangin bial tinah sem darh nghal a ni.
————–
Chhimtuipui District :
Chhimtuipui Dist chhung Bial leh local PYD in social work day an hman dan report tlangpui :
1. Siaha Bial: Bial huapin Dist Hqrs local SS Hall ah blood donation Camp an buatsaih a, Bible ralchhan lawmman semna annei nghal. He hun ah hian Bialtu Pastor C Lalchhuanthang’n hunserh a hmang a, Bial chhung PYD member thahnemtak an pungkhawm.
2. Sangau Bial chuan bial huap ahmang lovin local hrang hrangin an remchan dan angin an hmang a, Sangau-II chuan Sangau Kawtchhuah(Aizawl lam) Ṭawngṭaina hmun tih fai hna an thawk. Bethel local pawhin Sangau Khawchhung tihfai hnatlang an thawk bawk.
3. South Lungpher Bial pawhin bial huapa hmang lovin, Cheural local, South Lungpher local te chuan vantlang tuikhur tihfai hna an thawk.
4. Tuipang Bial: Tuipang L local Khawchhung kawng dung tihfai nan hun an hmang a, zunin an siamte thawm ṭhat leh thenfai hna an thawk bawk. Bial PYD President Bro Lalrindik’n thing ṭiak hmahruai a phun a, member ten thing ṭiak thahnem tak an phun bawk.
5. Niawhtlang Bial:- Niawhtlang local executive meeting rorel angin Sih tuikhur kawng an ti fai a, khawchhung tih fai hna an thawk bawk. Siata I, Bethlehem local leh Ainak local PYD tepawhin aremchan angin khaw chhung leh vantlang hmun tihfai hnatlang an thawk.
———
Chhimtuipui District hruaitute fehchhuah report :
Sept ni 24, Ninga ni khan Tuipang L Local tlawh hmasa berin Bialtu Pastor, Pastor MH. Robin Lalthanmawia’n a tawiawm a, Kohhran hote inkawmna an nei pui a, ni 25, Zirtawpni khan Tuipang V Local tlawh leh in zan lamah Missionary Day lawmna inkhawm an hmang. Rev. Dr. C. Sihmo, District Missions Director chuan thuchah tawi a sawi a, kohhran ten an hlawkpui hle a ni. Pastor Quarters ah kohhran kalphung sawihona leh thu leh hla a inkawmhona hun hman chhunzawm a ni.
Sept ni 26 Inrinni khan Laki kohhrante tlawh in Laki local Secretary inah thu leh hla a inpawlhona an buatsaih a, Rev. WL Thanghre’n thuchah tawi a sawi. Chawlhni chhun lamah thu leh hla a inkawmhona neih chhunzawm lehin Rev. Dr. C. Sihmo a’n thuchah tawi a sawi bawk.
———–
Baptisma chang :
Sept ni 30, Nilaini khan Chhimtuipui Dist hqrs Local New Siaha ah Kohhran Committe rorel bawhzuiin Baptisma rawngbawlna buatsaih niin, mi 12 ten Sual ngaihdam nan Isua hmingin Baptisma hi an chang a ni.
Hunserh hi Biakin ah neih a ni a, Baptisma chan a pawimawhna Rev Thangchunga Sailo hnen atangin ngaihthlak ani. Sist H.Zoramthangi B/w in tawngtaina a nei a biakin lam hun tih tawp a ni.
Upa C.Raltawna’n Baptisma tui hlanna neiin tawngtaina a nei a Rev Thanchunga Sailo in Baptisma rawngbawlna a nei nghal a Mi 12 in Isua hmingin sual ngaihdamna Baptisma hi an chang a ni.
Sept ni 27, Pathianni khan Riasika local ah Baptisma khur hawn niin, mi-4 chuan Pastor C Lalchhuanthanga kutah Isua hmingin sual ngaihdam na Baptisma an chang.
Siaha sectional pastor C Lalchhuanthanga hian tunlai hian abial chhung local hrang hrang fangin, a remchan angin rawngbawlna a nei ṭhin. Riasika home mission field ah hian worker Evan L Khailawng te chhungkua chuan rawngbawlin an awm a ni.
———–
Pentecostal family Day :
Chhimtuipui District in October Pathianni hmasa bera a hman thin, Pentecostal Family Day hman dan tur chungchangah District Secretary Rev. WL Thanghre chuan hriattirna ti chhuakin, Kum dang anga hman theih a nih loh avangin chhung tin ten Chhungkaw intihhlim nan te, in duhsak tawn nan te leh chhungkaw maicham te siamin mahni remchan dan ang anga hlawk taka hmang theuh turin a ngen a ni.
————–
Lawngtlai West District :
Lawngtlai West District Conference hmasa ber in a lo rel tawh angin Oct 4, Pathianni hian District Superintendent in Chawngte Bial thar a hawng dawn a, Chawngte Bial Kohhran ho an inbuatsaih nasa hle.
Bial hawn Programme tlangpui :
Chairman : Rev. Lalsawmliana Sailo District Secretary &Treasurer
Hunserh leh Bial thar hawnna : Rev. R.Ramthatzawla District Superintendent
District Dept. Aiawh Thusawi :
1. Mission Department
2. Sunday School Department
3. LAD
4. PYD
Bial aiawh thusawi :
1. Pastor S. Vanlallunghnema Sectional Pastor
2. T/Upa Thangpuia Chawngte Bial Organizing Board Chairman
3. Upa Semliansanga Chairman Chawngte P Local
Tawpna ṭawngṭai : Pastor K. Lalzawmsanga Bungtlang S Bial
Chawhnu lamah Bial hruaitu thar tur ruat nghal a ni ang
——————
North Mizoram District :
Hruaitute Programme:
District Puipa pathum Rev. Laltluanga, Supdt., Rev. Chhiarpuia, Dist. Secy leh Rev. K. Lalduhsanga Dist, Trea te chuan Oct. Ni 2 Zirtawpni hian Kolasib Venglai Biala awm Tuitha veng Kohhran Biak in sak thar tur, ruahmanna kal lai mek chu a hmunah enin an fehchhuak a, hetih rual hian Dist Office Staff Bro. Andy Lalramnghaka Nupui neih inkhawm Kol. Vengthar Biak inah an hmanpui nghal.
————-
District LAD :
Setp ni 29 thawhlhenni khan North Mizoram District LAD te chuan Executive Board neiin District LAD Conference Vawi 52-nei turah ruahmanna an siam.
Dist. LAD Exe Meeting hi President Sist. K. Lalhmachhuani B/W in a kaihruai a, District Puipate’n an ho thei bawk.
Meeting-ah hian October ni 9-a Dist. LAD Confe. Vawi – 52na Rorel tur thlirlawkna neiin; ruahmanna awmsa angin hrileng avanga kum dang anga Revival Programme hman a remchan loh avangin Confe rorel chauh neih nise an ti a, District LAD Conference in kumin 2020 hi Kolasib Venglai Bialte thlen tur ni mahse, District huapa pankhawm remchang District Headquarters Biak in, Tuikhuahtlangah rorel inkhawm hi neih mai nise an ti bawk. Conference tan hun hi Zirtawpni zing lam dar 10:00 a ni dawn a ni.
———–
Kawng en tu :
Sept ni 24 Ningani Chhun dar 12:00 khan Zirtirna diklo laka Kohhrante venhimna tur Lehkhabu Kawng Entu chhuahkhatna chu UPC-NEI, North Mizoram District Office-ah Rev. Laltluanga Dist. Supdt. in a tlangzarh.
Lehkhabu Tlangzarhna inkhawm hi L & Pb Chairman Rev. Chhiarpuia’n kaihruaiin; Gen. Supdt. Rev. Lalmalsawma Sailovin thutawi sawiin tawngtaina a nei. Gen. Supdt. hian ‘Lehkhabu ziaktute hian History-a thil thleng an ziahin anmahni ngaihdan leh àwn zawngin thu thleng te an ziak thin a, Pathian thu lama inzirtirna thu ziah kawngah Pentecost irawm chhuak lehkhabu chhiar tur a tam lohva, thurin dang pawmtute thuziakin min tam hneh chuan Pathian thuin min zirtir a tum tak thelh hian mihring te an kal thei a ni’ tiin Lehkhabu ziah kawnga Pentecost mite tan la zual turin kalkhawmte a fuih.
Literature Committee Secretary Pastor Lalruatkima’n Lehkhabu chhuah a nih dan report tlangpui pein; thuziaktu Rev. Lalmalsawma Sailo, Rev. Laltluanga leh Evan. Lalchhuanmawia Sailo te chungah lawmthu a sawi a, Kawng Entu lehkhabu chu kohhranin a mamawh hun apianga chhuah tur a nih thu a sawi.
Kawng Entu Lehkhabu Tlangzarhtu District Supdt. Rev. Laltluanga chuan Lehkhabu chhuah a nih chhan sawi hmasain; ‘Khawvel finna thang chho zelah Kohhran tana pawi thei zirtirnate a lo chhuak thin a, zirtirna dik lo leh him lo laka kohhranhote’n him taka hmalam an pen zel theihna KAWNG ENTU lehkhabu hi buatsaih a ni tiin, Kohhran venhimna tur leh Lal Isua a ropui zual zelna turin Lehkhabu chu a tlangzarh ta a ni.
Lehkhabu Tlangzarh inkhawm hi L & Pb Committee member Evan. Lalchhuanmawia Sailo chuan tawngtaina in hun tawp a khar.
————
Tanpuina :
Sept ni 24 Ningani chawhnu khan Missionary Day Pualin Evan. K. Laldawla H/o Sist F. Rohlupuii B/w, Gen LAD Treasurer hnen atangin Rs 60000 North Mizoram District Missions Dept chuan a dawng.
Evan. K. Laldawla leh a chhungte Thilpek North Mizoram District Mission Director Rev. C. Lalthantluanga leh Dist. Missions Treasurer Evan. MS Dawngliana ten an dawng a ni.
NMD Missions Dept. in Sum a dawn Rs 50000 hi Arunachal Missionary hmasa ber Sist Kenterdoje te khua, Jelly kohhran Biak in chung khuhna tur niin, Rs 10000 hi Gen Missions Field, Bihar kohhranhote hman tur Rimawi hmanrua Harmonia lei nana tih a ni.
Evan K. Laldawla leh a chhungte chungah NMD Missions Dept chuan Lalpa Isua hmingin lawmthu a sawi an sawi a ni.
———–
Bial Sunday School :
North Mizoram District huam chhungah Bial Sunday School Confe hman hunlai Sept. Ni 11-13 chhung chu AMC huam chhungah Partial Lockdwon puan a nih avangin Sunday School Confe. Hi neih theih a ni lova, remchang angin Aizawl area chhunga awm Bial hrang hrangte chuan tun Pathianni kalta Sept ni 27 khan Bial Conference hi rorelna neiin an hmang hlawm a ni.
————
Bial Missions :
North Mizoram District huam chhunga Pastor Bial 30 te chuan Oct. Ni 3 Inrinni hmang hian Bial Missions Department Confe an hmang dawn.
Bial Missions Confe hi hun pangngaiah chuan Oct. Ni 2-4 chhunga hman thin niin; North District Board rorelin Confe. Kalpui dan tur chungchang Bial kuta thuneihna a dah angin, Bialtinte chuan Hripui lengin ziaawm lam ala pan meuh loh avangin fimkhur thuah kumin 2020 Bial Mission Confe chu Rorel inkhawm chauh neih nise tha ti tlangin, Bial Missions Confenre ce chu rorel inkhawm chauh neih an tum hlawm a ni. Confe. Rorelni atan hian Oct. Ni 3 Inrinni hi hman a ni dawn a ni.
———–
Lungphum phum :
Inriini kal ta Sept ni 26 khan Kolasib Diakkawn Bial, Thingdawl Venglai Kohhran Biak in thar sakna tur lungphum chu Rev. C. Lalmuanpuia Bialtu Pastor chuan a phum.
Biak in sa tur hian kohhranhote an phur hle a, hrileng karah vawi engemaw zat leilaih hnatlang pawh neih tawh niin; Kohhran Hnatlang pawh an tha thei hle a ni.
———–
Member thar :
Sept ni 27 Pathianni khan Mamit Biala awm Vawngawnzo Missions Field-ah Missionary, Evan RS Lalnunmawia chuan mithar Chhungkaw khat, Member 5 awmna, Pentecost Kohhranah lawmlutin sual ngaihdamna Baptisma an chang nghal. Pathianni vek khan Field member zingah mi 9 in Sualngaihdamna baptisma changin, Nau 3 hlan nghal a ni bawk.
Setp ni 27 Pathianni khan District kohhranpui hmalaknaa rawngbawlna hmun Bukvanneiah Sual ngaihdamna baptisma chang mi 6 awmin, heng member te hi rawngbawltu Tirhkoh Evan. R. Lalchhanchhuaha’n baptisma a chantir a ni.
Bukvannei Kohhrante hi rawngbawltu kaihhruainain Pathianni zingah Zing tawngtai inkhawm neihpui thinin, Kohhranhote infuihna thu sawi thin ani bawk, Pathianni zingkar inkhawmah thawhlawmte lakkhawmin kohhranhote pawh an phur hle.
Sept. Ni 20 Pathianni khan Hunthar bial Sairang Kohhranah Pathian thuthlung hmu tharin Sist. Lalhriatpuii chu kohhranah lawmluh niin; Evan. R. Lalrinchhana’n Sual ngaihdamna Baptisma a chantir a ni.
Sept ni 27 Pathianni khan Mamit Bial chhunga awm, District Kohhranpuiin rawngbawlna a nei mekna hmun Phaizau khuaah UPC-NEI Kohhrana lawi turin chhungkaw khat, member 7 lawmluh an ni.
Phaizau ah hian Bro. K. Pazawna’n rawngbawlna nei mekin, a rawngbawlna Lalpan mal a sawm hle bawk. Pathianni kalta Sept ni 27 khan Mamit Bialtu pastor Vanlalruata chuan Phaizau kohhran tlawhin mithar Membar 7 te hi kohhranah lawmluhna neiin; Nau 3 Lal Isua hnenah hlanna a neih bakah Kohhranhote Sacrament buatsaih sakin Kesil rawngbawlna a neihsak nghal bawk a ni.
———-
Tlangsang Bial Sailut khuaa mahni inpeknaa rawngbawla fehchhuak Sist. Vanlalpek tanah kohhran ram hmangaihtute an fehchhuak mek zel a, sept ni 25 zan hian Missionary Day thilpek Rs.5000/- lai mai chu Bro Jacob Ngursangkhuma leh Sis Lalhmangaihi te nupa Durtlang Mual Veng a lawi te chuan pein, Tlangsang Bial Pastor Qtrs-ah Bro Laltlingzova, Bial Treasurer in a hlan nghal ani.
Hei bakah hian Upa Rinkima te chhungin chawhmeh tuihnai tak tak an pek bawk. Hei bakah hian Dist Missions Department kaltlanga Sis Kraws Chhuanawmi, Sihphir Bial LAD President t chhungin an rawih mek Bro C. Sangliana, Zomuantlang khua, tuna Vitor Kalagang leh Lungthir a rawngbawlna nei mek tan heng mite hian thilpek Missionary Day pualin an pe khawm bawk.
1.Sis F. Lalsiamliani, Zomuantlang in Buhfai Kg 20
2. T. Upa Vanlalruala, Tlangsang, Buhfai kg 50
3. Hming thup in, Chini kg 4, Thingpui fe, Tel 2Litrs
Thilpek petute chungah Tlangsang Bial hruaitute chuan lawmthu an sawi a ni.
————-
North Mizoram District Tlangsang Bial chhungah a tul anga rawngbawlna nei turin Bro Lalṭhapuia s/o Upa Kapliana, Darchawi khua chuan Tlangsang a luh chilh. Bro. Lalthapuia hi UPC-NEI in Bible zirna a neih, Calvary Bible College- Shillong-a B.th zirlai a ni a. Lockdown avanga Graduation Day hman theih anih loh avangin remchang ang anga rawngbawl hna thawk turin Tlangsang Bialah hian a lut a ni. Tlangsang Bialtu Pastor K. Ainawna hnen atanga PenNet North Mizoram District in thu a dawn danin, Volunteer Missionary hi Tlangsang Bial hruaitute’n a awmna tur hi an ngaihtuah dawn a ni.
————
Missionary chawmna pe :
North Mizoram District, Chawlhmun Kohhran Missions Department chuan Sept ni 29, Thawhlehni khan General Missions Director Rev. R. Lalhawia kutah Missionary chawmna (PIM) an pe a, Kumin hian Missionary 12 an chawm dawn a ni.
Chawlhmun Missions Deptt hruaitu te hian Bialtu Pastor Rev. Lalramthanga hovin General Missios Director room-ah len chilhin Missionary chawmna hi an hlan a, General Missions Director Rev. R. Lalhawia chuan tun ang boruaka Chawlhhmun Kohhran Missions Deptt te luanchhuahna chu ropui a tih thu sawiin; Ram thim rawngbawlna kawnga tha thlah hauh lo tur leh midang te entawn tlaka rawngbawl zel turin a ngen nghawl bawk
Facebook