GENERAL
———-
EXECUTIVE MEETING
UPC North East India rorelna sang General Executive Board chu October ni 19 Thawhleh ni khan General Headquarters Committee room, Mualpui salem veng ah neih a ni a , District hrang hrang atangin Executive member te pawh an kal tha hle a ni. Executive Board hi General Superintendent Rev. R. Lalrinsanga kaihhruaina hnuaiah neih ni a, Kum 2021 General Conference Aizawla neih tur chungchang leh tul pawimawh dangte ngaihtuah a ni.
———-
HRUAITUTE PROGRAMME:
General Superintendent Rev. Lalrinsanga leh General Secretary Rev. Zohmingthanzama te chuan Oct. ni 21 leh ni 22 a General Missions Board, Imphal, Manipur a neih chu an hmanpui a, October ni 24 atanga ni 27 chhung hian Kohhran thil pawimawh tiin Shillong an tlang nghal ang, October ni 28 Ninga ni ah Aizawl an let leh ang.
General Treasurer Rev. Lalmalsawma Sailo chu October ni 24 Pathianni hian Bethlehem Kohhran Diamon Jubilee lawmna ah rawngbawlna neiin hun a hman pui anga, October ni 25 Thawhtan ni ah Kohhran Duty-in Chhimtuipui District ah a zin ang.
———-
GENERAL MISSIONS BOARD
October ni 20 -21 hmang khan General Missions Board chu Imphal District, Manipur ah General Missions Director Rev. R. Lalhawia kaihhruaina hnuai ah neih a ni a, Kum 2022 General Missions Budget leh tul dangte ngaihtuah niin, General Office a tangin General Missions Official-te bakah General Superintendent leh General Secretary te an tel thei a ni.
General Missions Hruaitu-te hian October ni 23 a Imphal District Missions Conference, Khosabung Section a neih tur chu hman pui nghalin, Oct. Ni 25 Thawhtanni a Churachandpur District Missions Board an hman pui bawk ang.
———-
———-
CALVARY BIBLE COLLEGE
ADVERTISEMENT (Mizo)
Calvary Bible College, Shillong, Meghalaya a thawk turin Lecturer pakhat lak thar a ni dawn a, probatory period hi kum hnih tur a ni ang. Hemi chungchang hre chiang duh tan College website www.cbc-upc.com ah lutin Career Options hnuaiah qualifications leh hriattur pawimawh hrang hrang a awm a ni.
Dilna hi 10 January, 2022 ral hma ngeiin a hnuaia hming ziak hnenah hian thehluh tur a ni ang.
Sd/-
(REV. K. MALSAWMTLUANGA)
Principal,
Calvary Bible College
Shillong, Meghalaya
———-
ADVERTISEMENT (English)
Applications are invited from the prospective and eligible candidates for the post of one Lecturer at Calvary Bible College, Shillong, Meghalaya for a probatory period of two year. Please visit the College website www.cbc-upc.com ( under Career Options) for qualifications, general instructions, eligibility criteria, application form and other details.
Last date for submission of application (hard copy): 10 January 2022 (office hours).
Sd/-
(REV. K. MALSAWMTLUANGA)
Principal,
Calvary Bible College
Shillong, Meghalaya
———-
CBC 2022 ADMISSION NOTICE
Applications are invited from eligible candidates for filling up the BTh and the BD seats at CBC under the administrative control of the United Pentecostal Church of North East India.
Interested persons can obtain the Application Form from the College website – www.cbc-upc.com ( under New Admission )
Please visit the College website www.cbc-upc.com ( under New Admission ) for qualifications, general instructions, eligibility criteria, and other details.
Sd/-
(REV. K. MALSAWMTLUANGA)
Principal,
Calvary Bible College
Shillong, Meghalaya
———-
AIZAWL CITY PYD BLOOD DONATION CAMP
Aizawl City PYD Co-ordination Committee chuan Aizawl Civil Hospital a damlo thisen mamawh te tana thisen pekna hun November ni 3 2021 a buatsaih turah Bial tin ten thahnemngai taka mahni Bial chhung theuh ah tan lo la turin a ngen a, thisen pek dan tur ruahmanna a siam te ngai pawimawh theuh turin Aizawl City PYD member-te a hriattir a ni.
A hun : Dt. 3rd November, 2021(Nilaini) Dar 10:00 a.m
A hmun : Bethlehem Kohhran Hall.
Chairman : Evan C Lalruatsanga, Chairman Aizawl City PYD
Hunserh : Rev Rohmingliana, Bethlehem Bialtu Pastor
Report : Bro Lawmsangkima, Secretary Aizawl City PYD
THISEN PEK DAN TUR
1st Session : 10:00 a.m – 1:00 p.m
1. Bazar Bial
2. Dinthar Bial
3. Mualpui Bial
4. Bawngkawn Bial
5. Hunthar Bial
6. Upper Republic Bial
7. Chaltlang Bial
8. Tlangnuam Bial
2nd Session : 1:30 p.m – 4:00 p.m
1. Headquarters Bial
2. Thuampui Bial
3. Chawlhhmun Bial
4. Zemabawk North Bial
5. Durtlang Bial
6. Zemabawk Bial
7. Maubawk Bial
8. Bethlehem Bial
———-
———-
GENERAL MISSIONS FIELD RAWNGBAWLNA:
DIMAPUR FIELD
Dimapur local :
Ni17/10/21 khan bialtu Pastor. TC Lalfakmawia chuan nau 1 hlanin mi thar 1 Isua hmingin baptisma a chantir.
———-
BIHAR FIELD
Katihar local:
Ni 18 October 2021 Monday khan mi thar pathum chu bialtu Evan. KVL. Ruatmawian Isua hmingin sual ngaihdamna baptisma a chantir.
———-
N.Bengal and Sikkim Mission Field-ah Biakin hawng:
N.Bengal and Sikkim Mission Field chhung a Barahatta Biak in chu Dt 17/10/2021(Sunday) khan Field Director In-charge Pastor FK Lalchawiliana’n Lal Isua hming in hawn na a nei. Biak in hawn programme hi Rimbik Constituency a MLA chuan hman puiin, Kohhran tan Chair 50 pcs a pe a ni. Barahatta biak in sak nan hian Elder Jemes Sherpa chuan ram tha tak a pe a, Tin, Evan. Lalchhuanmawia Sailo leh Upa Zopara te chuan sum leh pai thahnem tak cheng nuai Thum (Rs.300000) Biak In sak nan hian an thawh bawk a ni.
———-
RELIEF NA HLAN
General Missions Dept. Bul tum in Nepalpara a Naupang, Nu leh Pa ten an boral san tak te hnenah Ralna leh tanpuina hlan a ni a, General Missions aiawhin Goosaigaon Bialtu Pastor H.Israela ‘an hlanna a nei a ni.
1. Rice – 1quintal
2. Dal – 10 kgs
3. Tel – 2Littres
4. Ata – 8kgs
5. Salt – 2kgs
6. Chini – 2kgs
7. Sahbon ball – 2 pices
8. Tea – 1 kg
———-
———-
AIZAWL EAST DISTRICT
District Missions Executive meeting neih a ni:
October 18, Thawhtanni khan Director room-ah District Missions Executive meeting neih a ni. Rev KVL Hmangaihkima, Director chuan kaihhruaiin October 31, Pathianni hmanga District Missions Conference, Kahrawt bial, Champhai hmuna hman tur chungchang an ngaihtuah a, hetiang hian Programme siam a ni.
October 30, Inrinni, Chawhma Dar 10-ah rorel-in Conference tan a ni anga, Rev H.Lalropuia, General PYD President chuan Conference hawnna a nei ang. Doctrine sawirualna, Upa Lalzarzoliana, Sakawrdai Bial Director kaihhruaiin neih a ni anga, chumi hnuah rorel tan a ni ang. Mizoram Sawrkarin Pathianni chhunah inkhawm a phal angin Pathianni Chawhma leh Chawhnu-ah inkhawm neih a ni anga, Pathianni chawhmaah Rev R.Lalhawia, General Missions Director chuan thuchah sawiin Pathianni chawhnu-ah Rev Biaksangzuala, District Superintendent leh Rev VL Hnemtluanga, District Treasurer ten thusawina an nei bawk ang.
Hrileng avangin kum danga Conference hman anga hman theih a nih dawn loh avangin District Missions Conference-ah hian Executive meeting chuan hetiang hian conference palai tur alo ruat tawh a ni. Bial aiawh 3, Bialtu Pastorte, District Kohhranpui OB bakah District Department Ob te.
———-
Baptisma chang thar:
October 17, Pathianni khan Khawhai Bialtu Pastor E.Vanlalpeka Zote chuan Chalrang hmungah bial fan programme hmangin Kohhran mi baptisma la chang lo mi 5 ten sual ngaihdamna baptisma an chang a, thlarau lam malsawmna nen hun an hmang a ni. October 13 zan khan mithar 1 in sual ngaihdamna baptisma alo chang tawh bawk a ni.
———-
Hruaitute Programme:
Rev Biaksangzuala, District Superintendent chuan October 15, Zirtawpni khan Barak District chhung ami Zoar Biakin sak thatna tur lungphum phumna a nei. Biakin lungphum phumnaah hian District Hruaitute leh KOhhran hruaitute telin Kohhran member 50 an awm mek a ni.
Rev KVL Hmangaihkima, District Missions Director chuan Imphal District-a General Missions Board neihah telin October 23, Inrinni khan Aizawl a rawn let leh a ni.
———-
DIAMOND JUBILEE LAWM
October ni 22 2021 Zirtawpni Zing Dar 7:00 khan Bethlehem Kohhran te chuan an Kohhran Diamond Jubilee hawnna an nei.
Diamond Jubilee hawnna inkhawm hi Upa R. Lalfakzuala, Jubilee Committee Chairman chuan kaihruaiin, Rev. Rohmingliana Bialtu Pastor chuan Lungphum hawnna hi a nei a, Sr. Upa Khuangchhinga’n Jubilee meidet in Sis. F. Lalhriatchhungi hnen atangin Pathian fakna hla ngaihthlak a ni bawk.
Bethlehem Kohhran Diamond Jubilee lawmnan hian Kohhran puipa ten Jubilee dar vuakna an nei bawk a ni.
Jubilee lawmna hi October ni 24 Pathianni ah hman chhunzawm leh tur niin he tiang hian hun hman a ni ang.
DT. 24.10.2021 PATHIANNI CHAWHMA
Chairman: Upa Vanlalbela
Solo: Sis. Lalramliani Sailo
Kohhran chanchin report: Church Board Secretary
Kum 80 chunglam chawimawina hun
Thusawi: Rev. Lalmalsawma Sailo, General Treasurer
CHAWHNU
Chairman: Upa Ngurthanzuala
Solo: T. Upa Lalthansanga Colney
Thusawi tawi (10 mins.) : Sr. Upa C. Taisena
Thusawi: Rev. Rohmingliana
Lawmthusawi: Jubilee Committee aṭangin
———-
———-
NORTH MIZORAM DISTRICT
REV. C. LIANCHAMA ZAHAWM TAKIN FULL PENSION-IN A CHHUAK TA
Oct. ni 17 Pathianni chawhmadar 10:30 Am khan North Mizoram District Hruaina hna hun rei tak lo chelh tawh leh tuna Hqrs. Bial vawng mek tu Rev. C. Lianchama chu Full Pension (1986-2021)-a thlah a ni.
Pension thlahna inkhawm hi Hqrs. Kohhran Biak in, Tuikhuahtlangah neiin; Dist. Supdt. Rev. Laltluanga’n inkhawm a kaihruai a, Hunserh Rev. C. Lalthantluanga, Director, North Mizoram District Missions Dept chuan hmangin District aiawhin Rev. K.Lalduhsanga’n thlahna thilpek ngaihhruina thuziak bakah sum fai Rs. 50000 a hlan.
Rev. Chhiarpuia Dist. Secretary in heti hian Pension-a thlah tak Rev. C. Lianchama chanchin a sawi: – ‘Kum 1956 Oct. ni 17-ah Khawri hnim khuaah a piang a, Bible School Shillong-ah kalin kum 1979-ah Bible a graduate a ni. Kum 1979-ah Local Licence dilin kum 1980-ah Dist. Board in a reccommend a,. Gen. Licence hi 1986 a dil leh, Rawngbawlnaah Kum 1984-ah Phuldungsei-ah Evangelist hnathawkin Kum 1985-ah Mamit ah a thawk leh a, Pastor hna a thawk tan hi March ni 10 1986- Gen Lincence a lak kumah a thawk tan a ni.
Rev. C. Lianchama’n a service a rawngbawlnate:-
1)Rabungbial (1986- 1991) 2) Thenzawl Bial (1991-1996) 3) Dist Missions Director (1996 – 2000) NM District Treasurer (2000-2004) 4) NM District Secretary (2004-2006) 5) DistSupdt. (2006-2010) thleng. Hemi hnuhianBialahchhuaklehin 6) Chaltlang Bial (2010-2015) 7) Diakkawn Bial (2015-2020) 8) Headquarters Bial (2020 – 2021 Oct. ni 17)
Rev. C. Lianchama hi thlahna inkhawmah hian Aizawl khawchhung Bial hrang hrang bakah Aizawl khaw pawn Kol Venglai Bial, Kol Diakkawn Bial, Sihphir Bial, Reiek Bial leh Aibawk Bial atangin Pastor ten an rawn tawiawm a, District Level Department hruaitute bakah General lam atangin Secretary Rev. C. Zohmingthanzama’n inkhawm a rawn ho bawk.
Rev. C. Liamchama hi General aiawhin Gen Secy Rev. Zohmingthanzama’n thilpek pein, District Department hrang hrang, Bial chhung Local hrang hrang leh Mimal atangin thilpek an pe a,
Rev. C. Lianchama’n thusawina neiin; lawmthu a sawi a, Rev. C. Lalmuanpuia leh Rev. C. Lalrammuana ten thu tha tak an sawi bawk.
Thlahna inkhawmah hian Sist. Lalfakzuali Tlangnuam chuan tum hnih fak hla mawi tak a sa a, Rev. C. Lalramthanga, Director, North North Mizoram District Sunday School chuan Malsawm tawngtaina in inkhawm a tin a ni.
Pension a thlah Rev. C. Lianchama te chhung hian District Office tan ngaih hruaina thilpek an pek bakah, Hqrs. Bial leh Hqrs. Kohhrante tan thilpek a hlan let bawk.
———-
Bairabi Quarters Hawn a ni:
Oct. ni 16 Inrinni khan North Mizoram Dist. Supdt. Rev. Laltluanga Chuan Bairabi Bial Pastor Quarters sak thar a hawng.
Quarters hawn inkhawm hi Bairabi Bial Treasurer Evan. Vanhlunkima’n kaihruaiin, Bial Secretary Evan Thangsavunga’n hunserh a hmang a, Dist. Supdt. Rev. Laltluanga’n Quarters hawngin thu a sawi a, Bial mipuite chungah lawmthu a sawi. Bialtu Pastor Lalhmuakliana Hnamte chuan Technical Report ngaihnawm tak pein lawm thu sawina a nei bawk. Sist. Brenda Lalrindiki’n fakhla mawi tak a sa b awk a ni.
Techni Report- ngaihthlak atangin Quarter lenzawng hi 49” x 40” niin, in chhungawh chin hi 42” x 26” a ni thung.
Quatters sak hna hi Sept ni 21, 2019 khan tan a ni a, Pandemic avangin hun rei tak khaihlak a ni. Quatters sak nan hian tha 272 bawr sengin, quarters sak nan hian District leh Bial atanga sum hmuh Rs. 19,94,700 a ni a, hman zawh deuh vek a ni.
Quarters sak nan hian mithahnemngai te hnen atangin hmanraw tangkai tak tak JCB, Motor, Teak bakah Balu leh thil dang dangte a thlawnin dawn thin a ni a, Bial hruaitute an lawm hle.
Quarter pual hian Bial LAD ten carpet roll 2 leh sofa set 2 an pe a, Bial SS in Digital Sana pe bawkin , Bial PYD in khum 4×6 an dah bawk. Quarters tan hian Bairabi Bial kohhranpui atangin Rs. 1,54,450 hmuh niinin Dist. Atangin Rs. 18,50,000 dawn a ni bawk a ni.
———-
District Emergency Board nei:
Oct. ni 13 Nilaini khan North Mizoram Districtchuan Dist. Emergency Board, Hqrs. Kohhran Biak in, Tuikhuahtlangah an nei.
District Board hi Supdt. Rev. Laltluanga’nkaihruaiin Board uaptu Rev. R. Lalrinsanga, Gen Supdt. Chuan thutawiinsawiin; Pastor kalkhawmte tan fuihnathu a sawibawk.
North Mizoram District Emergency Board -ah hian Senior Pastor leh North Mizoram District hruainahna lo thawktawhtu. Rev. C. Lianchama, tuna District Bial Hqrs. Vawngmektu Full Pension-a thlah dan tur ruahmannasiamin; Oct. ni 17 Pathianni ah District buatsaihinthlahnainkhawmneih an rel.
Dist. Board hian Rev. C. Lianchama’n a enkawlmek Headquarters Bial chu Pastor thar neihhmaa lo hmuituatan District Secretary Rev. Chhiarpuiaruatnghal a nibawk.
District Board hian Rev. HF Malsawma chu General Exe Board member atan a ruat thar bawk.
Emergency Dist. Board-ah hiankohhranmipuiinneihthatdil mi 20 awmin, phalsak an nibawk a ni. (Dist. Board 2021)
———-
Editing Board thukhawm:
North Mizoram District Literature Board te chuan ruahman angin Oct. ni 15 Zirtawp khan District Committee Room-ah Kum 2022 Nilai Thupui tur Edit hna nilengin an thawk.
New Eden-ah mithar neih a ni: Rengdil Bial New Eden-ah Oct. Ni Pathianni khan Bro. John Gabriela rawngbawltu rawngbawlna kaltlangin mi thar -2 Pentecost kohhranah lawmluh an ni.
———-
———-
LAWNGTLAI WEST DISTRICT
DISTRICT PUIPA TE PROGRAMME
Secretary&Treasurer Rev.Lalsawmliana Sailo chuan Oct. 24 Pathianni hian Bethel local-ah hun hmangin Lalpa zanriah sacrament a buatsaih ang.
Mission Director Rev.F. Lalbiakthuama chu General Mission Board nei turin Imphal ah a thang meka Oct. 23 Inrinni ah a let leh ang.
———-
DISTRICT OFFICE TAN THILPEK PE
Dt.18.10.2021 (Monday) khan Lawngtlai North Section Sunday school Department chuan District office-a hman atan Steel bookshelf an hlan a, Thilpek hi Rev. Lalsawmliana Sailo District Secretary&Treasurer-chuan a lo dawng in, Hlanna ah hian section Sunday school O.B te an kim hle a ni.
———-
KMMTTP ROAD AH DISTRICT RAM LEI A NI.
Kum 2021 Lawngtlai West District Conference, Diltlang hmuna neihin alo passed tawh angin, District Board leh Building Board te hmalakna in ram zawn a ni a, Pathian remruat na zarah ram ṭha tak AOC Petrol pump piah lawk KMMTTP road Pu K. Hrangchhunga ram chu cheng nuai sawmparuk(₹.16,00,000/-) in lei fel a ni a, a man pawh pek fel nghal a ni.
———-
BIAL MISSION HNATLANG
Dt.16.Oct.2021 khan Lawngtlai North bial Mossions Dept.chuan Thingkah Biakin thawm that hnatlang an thawk a, Hnatlang thawk chhuak pawh an tha in Biakin kawng leh a bul vel thenfai hna an thawka biakin repair ngai ang ang te an repair bawk a ni.
———-
HRIATTIRNA
Licence Holder zawng zawng ten kan licence kawl mek renew a hun leh tawh a, October thla ral hma in renewal fee District office ah pek ṭheuh tur a ni ang.
Local & Bible women -₹.10/-
General – ₹.20/-
Ordination – ₹.30/-
2022 Kohhran Diary chah a ni dawn a, a duh tur chuan District Secretary hnenah in report tur a ni. Bu khat hi Rs.200/- a ni.
Rev. Lalsawmliana Sailo
District Secretary
Ph – 9862943412
———-
———-
CHHIMTUIPUI DISTRICT
BAPTISMA CHANG
1. October ni 17 2021 Pathianni khan Siahatla localah baptisma khur hawn niin, mi 20 ten Bialtu Pastor C. Lalchhuanthanga kaltlangin Isua hmingin sual ngaihdamna Tui Baptisma chang.
2. October ni 17 2021 Pathianni khan Riasika local ah Baptisma khur hawn niin, mi-2 in Evan L Khailawng (Home missionary) kutah Isua hmingin baptisma chang.
3. Siaha bial chhung Ephatha local church/Non Mizo Kohhran ah Dt.17.10 chawhnu khan, Bialtu Pastor C Lalchhuanthanga kutah ah mi panga in tui baptisma an chang.
Facebook