HRUAITUTE PROGRAMME
October ni 14 Ninga ni khan General Superintendent Rev. R. Lalrinsanga leh General Missions Director Rev. R. Lalhawia te chu Andaman and Nicobar islands Mission Field ah Kohhran thil pawimawh tiin an zin chhuak a, October ni 18 ah Aizawl an let leh ang.
———-
GENERAL EXECUTIVE BOARD EMERGENCY MEETING
October ni 19 Thawhlehni hian UPC North East India Executive Emergengy Board chu General Office, Mualpui Salem veng Aizawlah neih a ni ang.
———-
GENERAL MISSIONS BOARD
October ni 20 -21 hmang hian General Missions Board chu Imphal District ah neih a ni dawn a, Kum 2022 General Missions Budget leh tul dangte an ngaihtuah ang.
———-
AIZAWL CITY PYD LIVE CRUSADE
October ni 15 -17 hmang hian Aizawl City PYD Co-ordination Committee chuan, Pennet You Tube kal tlangin Live Crusade a nei a, Speaker ah General PYD President, Rev. H. Lalropuia niin, Zaithiam tak tak ten zaia rawngbawlna an nei bawk. He hun hi lo chhima lo en vek turin Aizawl City PYD Co-ordination Committee chuan Kohhran mipui te a ngen a ni.
Live Crusade Programme:
Dt. 15th October, 2021(Fri) Zan @ 7:30 Pm
Chairman : Evan C Lalruatsanga, Chairman Aizawl City PYD
Tantu : Bro Vanlalhruaia, President Thuampui Bial PYD
Solo : Bro Lalruatdika Fanai, Dinthar Bial
Sis Ruthi Lalhriatrengi, Bazar Bial
Speaker : Rev H Lalropuia, President General PYD
Tawngtaina : Evan Jeno Vanlalruata, President NMD PYD
Dt. 16th October, 2021(Sat) Zan @ 7:30 Pm
Chairman : Evan Zothansiama, Asst. Secretary Aizawl City PYD
Tantu : Bro Lalchhanhima, President Chawlhhmun Bial PYD
Solo : Sis Lalengzuali, Durtlang Bial
Bro Imanuel Lalnunsanga, Bawngkawn Bial
Sis Lalhlupuii, Bawngkawn Bial
Speaker : Rev H Lalropuia, President General PYD
Tawngtaina : Upa F Lalthlangliana, Vice-President AED PYD
Dt. 17th October, 2021(Sun) Zan @ 7:30 Pm
Chairman : Evan Dr R Vanlalpeka, Vice Chairman Aizawl City PYD
Tantu : T.Upa R Lawmsanga, President Dinthar Bial PYD
Solo : Sis Laltleipuii, Mualpui Bial
Sis Lalfakzuali, Tlangnuam Bial
Sis F Lalhriatchhungi, Bethlehem Bial
Speaker : Rev H Lalropuia, President General PYD
Tawngtaina : Evan JH Malsawmdawngliana, Secretary General PYD
———-
———-
CHHIMTUIPUI DISTRICT
TANPUINA HLAN
October ni 12 2021 khan Siaha Council Vaih local LAD te chuan Zawngling a awm mek Myanmar raltlan te tanpuina an hlan. Tuipang Bialtu Pastor in he hun hi a hman pui ani.
———-
HOME MISSIONARY HNENAH SUM HLAN A NI
October ni 12 (Tuesday) khan Chhimtuipui Dist.Hqrs Local te chuan Missionary Day den chhenin Sangau Bial, Pangkhua a awm mek Home Missionary Evan.Larry Lalliandinga puala Kohhranten sum an thawhkhawm chu Evan.Larry Lalliandinga hnenah hlan a ni. Sum hlan zawng hi Rs.15200 niin Missionary tan a sum thawhtute chungah Dist.Hqrs Local Church chuan thinlung takin lawmthu a sawi a ni.
———-
———-
LUNGLEI DISTRICT
THISEN PE :
Oct.ni 8 zirtawpni khan Lunglei District PYD (NEI) Conference in Blood Donation neih nise tia a lo rel bawhzui nan Headquarters bial PYD-te chuan thisen Unit 24 Lunglei Civil Hospital tan an pe.
Headquarters bial PYD (NEI) te hian thisen an pek hma hian hunserh tawi an hmang hmasa a, he hun hi bial PYD President Rbt.R.Lalsanglura’n a kaihruai a, Dist.PYD Asst.Secretary Upa C.Malsawmkima chuan hunserh a hmang.
Headquarters bial PYD (NEI) te hian Thisen hi Civil Hospital ah kal chilhin an pe a, thisen Unit 24 petu te hi mipa vek an ni.
Lunglei District PYD (NEI) Conference rorel bawhzui hian bial pali ten thisen hi an pe ta a, an thisen pek tlingkhawm hi Unit 110 a tling tawh a, bial 16 ten thisen hi a remchan dan angin an la pe dawn a ni.
Tin, October ni 11 Thawhtanni khan Haulawng Bial PYD te chuan Lunglei Civil Hospital tan thisen unit 60 an pe.
Haulawng bial PYD te hian Lunglei District PYD Conference in Blood Donation neih nise tia a lo rel bawhzui nan Haulawng Lamthuamthum biak in ah thisen hi an pe a, hunserh tawi an hman naah Bial PYD President Rbt.R.Lalhmangaihzualan hun a kaihruai a, bialtu Pastor Rev.R.Lalsangzuala chuan hunserh a hmang. Dr. Lalremmuana Ralte Medical Officer chuan, tunah hian Civil Hospital Lunglei Blood bank ah hian thisen kawl lai kan nei tlem hle a, hripui leng nen thisen mamawhtu kan pung reng mai bawk si a, thisen kawl lai 30 unit pawh kan nei tling loh lai a, hri leng laka inven dan ngai pawimawh chunga hetiang Blood Donation Camp PYD Haulawng bial ten an buatsaih chu lawmawm a tih thu a sawi bawk.
Thisen pek hma hian bial chhunga zirlai ti tha mi 6 hnenah lawmpuina Citation pek a ni a, Haulawng bial chanchinbu ‘Nunna Thing’ Silver jubilee lawmna neih pah a ni a, editor lo ni tawh mi 14 hnenah chawimawina thuziak hlan nghal a ni bawk.
Haulawng bial PYD thisen pek hi Lunglei Civil Hospital Blood Bank-a thawktu ten an kal chilh a, Thisen unit 60 petu te hi mipa 53 leh hmeichhia 7 an ni. Haulawng bial PYD te hian nikum khan Civil Hospital Blood Bank tan hian Thisen Unit 91 an lo pe tawh bawk.
———-
LIVE CRUSADE NEIH ZAWH A NI TA:
Pentecostal Network, Lunglei District leh Kumpuan Committee, PYD Lunglei District ten an buatsaih ‘THUTHLUNG PUAN UAR’ bawhzuina LIVE CRUSADE chu Oct.ni 10 Pathianni zan khan neih zawh a ni ta.
Live Crusade chhung hian thupui hrang hrang pariat thlan chhuahte Speaker ṭha tak tak mi pariat ten an insawi chhawk a, hun hman apiangin zai thiam tak tak mi pahnih zelin zaiin rawngbawlna an nei ṭhin bawk.
He Crusade hi LDF leh Zonet Jb-a Pennet Lunglei Youtube channel bakah Pennet Lunglei Youtube channel-ah te pek chhuah ṭhin a ni a, mipuite ngaih hlut a hlawh hle a, TV leh Youtube lamah mi ṭhahnem takin an thlir ṭhin a, hlawkpui tak tak mi engemawzat an awm bawk.
Live Crusade neih anih chhunga lo thlir ṭhin tu zawng zawngte chungah Pennet Lunglei leh Kumpuan Committee, PYD Lunglei District hruaitute chuan lawmthu an sawi mawlh mawlh a ni.
———-
RALTLANTE TAN THILPEK HLAN
October ni 9 inrinni khan Lunglei Town chhunga UPC (NEI) Local hrang hrang ten Myanmar raltlante tana bungrua an pek khawm Truck Trip 2 lai mai chu Cherhlun khua-ah, Tuiphai Group YMA hruaitute hnenah an hlan. Bungrua bakah hian Sum fai Rs. 40,000/- hlan tel a ni bawk.
Heng thil pek te hi Rev.C. Lalrintluanga, Pentecostal Social Ministry (PSM) Chairman in Cherhlun khua ah hian Tuiphai Group YMA hruaitute hnenah hian hlan na a nei a ni.
Pentecostal Social Ministry (PSM) te hian September ni 22 khan raltlante tan hian sumfai Rs.155000 an lo sem ral tawh bawk a ni.
———-
———-
NORTH MIZORAM DISTRICT
District Emergency Board nei:
Oct. ni 13 Nilaini khan North Mizoram District chuan Dist. Emergency Board, Hqrs. Kohhran Biak in, Tuikhuahtlangah an nei.
District Board hi Supdt. Rev. Laltluanga’n kaihruaiin Board uaptu Rev. R. Lalrinsanga, Gen Supdt. Chuan thu tawiin sawiin; Pastor kalkhawmte tan fuihna thu a sawi bawk.
North Mizoram District Emergency Board -ah hian Senior Pastor leh North Mizoram District hruaina hna lo thawk tawh tu. Rev. C. Lianchama, tuna District Bial Hqrs. Vawng mektu Full Pension-a thlah dan tur ruahmanna siamin; Oct. ni 17 Pathianni ah District buatsaihin thlahna inkhawm neih an rel.
Dist. Board hian Rev. C. Lianchama’n a enkawl mek Headquarters Bial chu Pastor thar neih hmaa lo hmuitu atan District Secretary Rev. Chhiarpuia ruat nghal a ni bawk.
District Board hian Rev. HF Malsawma chu General Exe Board member atan a ruat thar bawk.
Emergency Dist. Board-ah hian kohhran mipui inneihthat dil mi 20 awmin, phalsak an ni bawk a ni.
———-
Editing Board thukhawm dawn:
North Mizoram District Literature Board te chuan an ruahman angin Oct. ni 15 Zirtawpni nileng hian District Committee Room-ah Kum 2022 Nilai Thupui tur Edit hna an thawk dawn. Dist. Literature Board te hian 2022 Nilai thupui zirtur te hi, chan insemin hemi ni hian siam that ngai lait e siamthat hna an thawk dawn a ni.
———-
Bairabi Quarters Hawng Dawn:
Oct. ni 16 Inrinni khan North Mizoram Dist. Supdt. Rev. Laltluanga Chuan Bairabi Bial Pastor Quarters sak thar a hawng.
Quarters hawn inkhawm hi Bairabi Bial Treasurer Evan. Vanhlunkima’n kaihruaiin, Bial Secretary Evan Thangsavunga’n hunserh a hmang a, Dist. Supdt. Rev. Laltluanga’n Quarters hawngin thu a sawi a, Bial mipuite chungah lawmthu a sawi. Bialtu Pastor Lalhmuakliana Hnamte chuan Technical Report ngaihnawm tak pein lawmthu sawina a nei bawk. Sist. Brenda Lalrindiki’n fak hla mawi tak a sab awk a ni.
Techni Report- ngaihthlak atangin Quarter len zawng hi 49” x 40” niin, in chhung awh chin hi 42” x 26” a ni thung.
Quatters sak hna hi Sept ni 21, 2019 khan tan a ni a, Pandemic avangin hun rei tak khaihlak a ni. Quatters sak nan hian tha 272 bawr sengin, quarters sak nan hian District leh Bial atanga sum hmuh Rs. 19,94,700 a ni a, hmanzawh deuh vek a ni.
Quarters sak nan hian mithahnem ngaite hnen atangin hmanraw tangkai tak tak JCB, Motor, Teak bakah Balu leh thil dang dang te a thlawnin dawn thin a ni a, Bial hruaitute an lawm hle.
Quarter pual hian Bial LAD ten carpet roll 2 leh sofa set 2 an pe a, Bial SS in Digital Sana pe bawkin , Bial PYD in khum 4×6 an dah bawk. Quarters nan hian Bairabi Bial kohhranpui atangin Rs. 1,54,450 hmuhin Dist. Atangin Rs. 18,50,000 dawn a nib awk a ni.
Quarters thar lawmnan hian mipuite’n thingpui leh a hmeh tui tak ei leh inin, Bial hruaitu, Church Board leh Tirhkohte’n Dist. Supdt. hi chawhlui an kilpui bawk a ni.
———-
Rev. C. Lianchama Pension thlahna hun hmang:
Oct. ni 17 Pathianni chawhma dar 10:30 Am khan Rev. C. Lianchama chu Pensiona thlah a ni.
Thlahna inkhawm hi Hqrs. Kohhran Biak in, tuikhuahtlangah neiin; Dist. Supdt. Rev. Laltluanga’n inkhawm a kaihruai a, Hunserh Rev. C. Lalthantluanga, Director, North Mizoram District Missions Dept chuan a hmang a, Rev. C. Lianchama rawngbawl dan chanchin chu District Secy Rev. Chhiarpuia’n a sawi a, Dist. Treasurer Rev. K. Lalduhsanga’n thlahna thilpek a hlan bawk a ni.
Rev. C. Lianchama hi District Department, Hqrs. Bial Kohhranpui, Bial Department leh Hqrs. Bial chhunga Local 5 Headquarters Local, Mission Vengthlang, Nursery, Tuikual S leh Khatla S Kohhran ten thlahna thil pek an hlan a, Sist. Lalfakzuali, Tlangnuamin zai rawngbawlna neiin; Thusawi ngaihnawm tak Pensiona thlah mek Rev. C. Lianchama’n sawiin, hei bakah hian Hqrs. Bial Dept hruaitu leh Local hrang aiawh te hnen atangin thusawi ngaihnawm tak ngaihthlak a nib awk.
District LAD Executive meeting nei: North Mizoram District LAD te chuan Oct. ni 12 thawhlehni khan District Office Supdt. Chamber-ah Executive Meeting neiin; ….
———-
Bial Report:
Chaltlang Bial:
Chaltlang Bialte chuan Oct. ni 09 Inrinni khan Bial Sunday School Department Conference rorel inkhawm Ramhlun Biak inah an nei. Bial Confe rorel hi Bial Director, Rev. PC Rosanga’n a kaihruai a. North Mizoram District Sunday School Director, Rev. C. Lalramthanga’n Conference hi a hmanpui a ni.
An rorel pawimawh zingah Kum 2022 Chaltlang Bial Sunday School Conference Vawi 50-na Chanmari Biak inah neih tur te, Bial huap NPSS Camping, Inter – Doctrinal Department tan neih nise. Beginners – Junior tan tualchhung tinah Lang Camp buatsaih ni bawk se tih te, Bial huap zirtirtu Seminar buatsaih te, Bial chhunga Naupang Sunday School (Intermidiate – Doctrinal) pualin thianghlimna Seminar neih te, Chaltlang Bial Sunday School Department Conference Vawi 50-na (Golden Jubilee) a nih angin Jubilee pual Programme danglam buatsaiha phak tawka lawm te, a ni a. He hun hi Conference hlawhtling tak a nih theih nan a bik takin Programme danglam taka a lawmna siam te an rel a ni.
Bial Sunday School Programme hi a tuk Oct. ni 10 Pathianni ah Sermon inkhawma chhungzawm niin; Dist. Sundsay Director leh Bialtu Pastor ni bawk Rev. C. Lalramthanga chuan rawngbawlna nung tak a nei a ni.
Rengdil Bial:
Rengdil Bialte chuan Oct. ni 10 Pathianni khan Rengdil bial kohhranpui conference rorel bawhzuiin, Zamuang local Church board chin pualin; Serh leh sang chungchangah Seminar neih a ni. Zamuang Local Church Board member ten Seminar hi an hlawkpui hle.
Zamuang kohhrante hian Bial kohhranpui budget an neih ₹8,500 an lo tlak nghal bakah Tlai lamah Church board chin ten kohhran In tlawh nghalin, Ṭawngṭaina hun an hmang nghal zel bawk.
Zawlnuam Bial:
Oct ni 10 Pathianni khan Bawrai kohhranah mi 10 in, Bialtu Pastor K.Malsawmkima kutah baptisma an chang. Baptisma chang zingah hian mithar 2 telin Presbyterian pakhat leh Baptist Kohhran pakhat te an ni.
Phainuam Bial:
Phainuam Bial, Saiphai khuaah UPC of Mizoram atangin Pu.Laltanpuia te chhungkua chuan UPC of North East India kohhran an zawm, an ni hi chhungkaw member Member 5 niin; Saphai UPC (NEI) Kohhranah an lawi ang.
———-
THILPEK PE:
Evan. K. Zadawla of Dinthar H/o Sist. Rohlupuii Gen LAD Secretary te chhung chuan Oct. ni 11 thawhtanni khan Sihphir Bial a awm Nisapui Kohhran tan Khuangpui leh Khuang te mawi leh tha tak an pe a, Nisapui Kohhranhote an lawm hle.
Evan. Zadawla te chhungkua hian District huam chhung bakah General Missions Field lam thlengin thilpek rawngbawlna an kalpui nasain; kohhran harsate chhawmdawl an nghah hle tawh a ni.
———-
———-
AIZAWL EAST DISTRICT
BIAK IN SAKNA TUR LUNGPHUM PHUM
Octtober 12, Thawhlehni khan Khawhai Bial Vangtlang biakin sakna tur lungphum phumna Rev.VL.Hnemtlunga, District Treasurer chuan a nei a, Pathian hnenah hlanna a nei nghal a ni. Vangtlang biakin hi Ft 40×21 aliana sak tura ruahman niin tunah a sakna tur hian District atangin Biakin sak tanpuina an dawng a ni. Vangtlangah hian member 40 vel an awm mekin biakin sakna tur lungphum phumnaah hian Bialtu Pastor, Bial hruaitute, Tualchhung hruatute bakah Rev.H.Lalropuia, Mualpui bialtu Pastor te an tel a ni.
Rev VL Hnemtluanga, District Treasurer leh Rev H.Lalropuia, Mualpui bialtu Pastor te hian Khawhai bial chhung tho New Chalrang biakin sak mek leh Sialhawk hmuna Biakin sak mek te an enpui nghal a, Kohhran hoten lo dawngsawngin Sialhawk Biakin sak mek an enna-ah hian Rev VL Hnemtluanga hian tawngtaina hmangin Thlarau lam hla te nen hun an hmang a ni.
———-
DISTRICT PYD OB MEETING
October 14, Ningani khan District Office-ah District PYD OB meeting neih a ni. He hun hi Rev C.Lalmalsawma, President chuan kaihruaiin thu pawimawh tak tak an ngaihtuah a, an thu ngaihtuah langsar zual zingah ram leina pek chungchangte, Tripura Dist atanga lehkha lo kal chungchang bakah Mission Field Quarter/ Biakin sak dan tur chungchang leh 2022 Gen PYD Conf chungchangte a tel a ni. He hunah hian District PYD OB te an telkim thei a ni.
———-
MITHAR
October 10, Pathianni khan, Thingsulthliah bial, Tuirini Preaching Point ah Evan. Rualthankhuma leh Bro. Rosanga Mualmam ten rawngbawlna an nei a, an rawngbawlna kaltlang hian mi pahnih, mithar ten sual ngaihdamna Baptisma an chang. Zan lamah lnkhawm chhunzawm niin pawl dang atang pawhin chhimtu engemaw zat awmin hlim takin hun an hmang a ni.
———-
HRUAITUTE PROGRAMME
Rev Biaksangzuala, District Superintendent chuan Barak District Conference hmanpui tur leh Biakin lungphum phum turin October 14, Ningani khan Aizawl a chhuahsan a, October 15 atanga 17 chhung hian Hmarkhawlian-ah hun hmangin ruahmanna ang chuanm October 18, Thawhtanni-ah Aizawl a rawn leh ang ang.
Rev Vanlalfela Ramtiam, District Secretary chuan October 15, Zirtawpni khan a bial hmui mek, Khawlian bial, Phuaibuang hmuna rawngbawltu tur Evan V.Kamneihthanga dah in a kal a, Inrinni khan dam takin Aizawl a rawn let leh a ni.
Facebook