Graduation Day :
Kohhran Pathian thu zirna Calvary Bible College, Shillong chuan Oct ni 20 atanga ni 21 chhung khan CBC Chapel Shillong- ah Graduation Day Vawi 44-na an hmang.
Oct. ni 20, Inrinni zanah programme tan a ni a, CBC Chaplain Pastor BD Kowarson chuan inkhawm a kaihruai a, Principal Rev. Lalpeklien Sungte chuan zirlai Graduate tur zinga mi Bro.Vanrammawia lehkhabu ziah “ Kawng Dik “ tih chu release-in Pathian hnenah a hlan. CBC Male Voice ten fakna hla mawi takin an rem a, Aizawl East District Suptd Rev.Rosanga Kawlni hnena atangin Pathian thuchah ngaihthlak a ni.
Oct ni 21, Pathianni zingah Principal Rev.Lalpeklien Sungte chuan inkhawm a kaihruai a, Central District Suptd Rev. Lalromawia Ralte chuan inkhawm hlan tawngtaina neiin CBC Choir ten fak hla an rem. Degree Conferring Rev. Lalmalsawma Sailo General Suptd chuan neiin kumin hian mi 3 : Bro. Lalhriatmawia, Buapui ‘H’, Lunglei District, Bro. Vanlalhluta, Chawnpui, Aizawl,North Mizoram District, Bro. Vanrammawia Dinthar, Aizawl,North Mizoram District
ten an Graduate a, Graduate thar te hi General Secretary Rev.R.Lalrinsanga’n tawngtai sakna a nei a ni. General LAD Secretary Sis. Lalramthangin College Award semna a nei bawk. Graduate tharte hi College atang leh General LAD, Shillong Local church leh Shillong Local PYD leh mimal atang te in thilpek hlanna neih a ni bawk. General Treasurer Rev.Zohmingthanzama’n kum 2019 CBC calendar a released a, Commencement Address Rev.Lalmalsawma Sailo chuan sawiin Rev.R.Lalhawia’n malsawmna inkhawm a tin a ni.
Oct ni 21, Pathianni zan khan Revival Programme in hun hman chhunzawm a ni a, Pastor C.Malsawmzela’n inkhawm a kaihruai a, Rev.Lalpeklien Sungte hnen atangin Pathian thuchah ngaihthlak a ni. CBC Student te Music Video siam chu Rev.R.Lalhawia’n release in; ngaithla tu apiangte tana malsawmna thlentu a nih theihnan Pathian hnenah a hlan a ni.
—————-
General LAD Board :
Oct ni 22, Thawhtanni khan Shillong ah General LAD kum tawp Board neih a ni a, Board hi Sis Lalchangliani Sailo chuan a kaihruai. An rorel tlangpui te :
Kum 2019 General LAD Conference hi Golden Jubilee Conference a nih avangin hetiang hian a hman dan tur ruahman a ni :
A hun Oct ni 10th – 13th
Ni 12th October, Inrinni hi Jubilee lawmna pual atana hman a ni ang.
A hmun Kolasib Diakkawn.
Jubilee ni hian Conf hmangtu LAD member zawng zawng ten kawrvar hain, mahni hnam puan bih theuh emaw a var suit hak vek tur a ni.
Zaipawl nei thei turte chuan kum 2019 August thla chhungin a hla copy nen Gen. Secretary hnenah thehluh tur a ni.
General LAD Conference a hrana neih apiangin hetiang hian Flag zar dan tur zawng duan a ni:
1.General LAD Flag chu feet 12 a sangah zar thin tur a ni.
2.District LAD Flag chu feet 10 a sangah zar thin tur a ni.
Kum 2019 General LAD BUDGET atana Rs.23,41,000 ( Nuai sawmhnih pathum singli leh sangkhat) pawm a ni a, Executive Board ah thlen a ni ang.
PENTECOSTAL LADY chanchinbu puala Campaign neih nise. Tin, Chanchin bu Copy 50 la chin Agent-te free tawh nise, kum 2019 atanga hman tan tur a ni.
—————-
Theological Education Board :
Oct ni 22, Thawhtanni khan CBC Hall, Shillong ah Theological Education Board neih a ni a, Board hi Chairman Rev. Lalmalsawma Sailo chuan a kaihruai. An rorel tlangpui te :
1. Kum 2019 CBC budget atan cheng 61,10,000 (Nuai 61 leh sing khat) ruahman niin, Executive Board-a
thlen tur a ni.
2. Oneness Theological Journal (OTJ) Kum khata vawi li chhuah thin hi kum khata vawi hnih (bi-annual)-a chhuah tawh tur a ni.
3. Librarian training turin LDC-a thawklai Bro. Lalhmingsanga Khiangte tirh ni se.
4. District Bible School-te exam hun inang tlanga neih a nih theihnan ruahmanna siam a ni a, June chawlhkar tawp leh July chawlhkar tir inkara buatsaih nise tih niin Exam tur ni bik ruat chu CBC Faculty kuta dah a ni.
5. Calvary Bible College, Shillong-a B.D. Programme hawn tura ruahmanna rorelna hmasain a lo pass tawh bawhzui a nih dan leh zir chiang tura CBC Faculty-te report hrang hrang zir ho a ni a. A tul anga la ennawna hmalak kalzel tura dah a ni.
6. Kohhran rorelna sang Executive Board-in Kolkata-a Bengali Bible School hawn a remtihsak tawh kalpui dan tur ruahmanna siam chu thlir hovin Executive Board-a thlen tura dah a ni.
——————–
Hruaitute Programme :
General Superintendent Rev. Lalmalsawma Sailo leh General Missions Director Rev. R. Lalhawia te chuan Aizawl East District Missions Conference, Khawhaia neih mekah telpuiin rawngbawlna an nei.
General Sunday School Director Rev. R. Laichhingpuia leh General Missions Secretary Rev. V.L Tluanga Sinate te chuan North Mizoram District Missions Conference, Ramhlun Sports Complex a hman mekah an telpui.
———–
District Missions Conference :
North Mizoram District chuan District Mission Conference vawi- 48-na Chaltlang Bial chhung Ramhlun Indoor Stadium-ah hman mek a ni.
Conference-ah hian thupui “I Rawngbawlna kha hlen rawh” tih hman niin; thupui hlawm hi then hrang 5 : Ramthin rawngbawlnaah, Thianghlimnaah, Thlarau bo chhandamnaah, Thilpek rawngbawlnaah tih leh I rawngbawlna kha hlen rawh tihah thenin; heng rawngbawltute hian Pathian thuchah an sawi thin ang :-
1) Zirtawp zanah : Sist. Esther Lalrawngbawli B/w Bajirung Field Missionary
2) Inrinni zanah : Pastor Lalpianthanga, Bilkhawthlir Bial Pastor
3) Pathianni zingah: Rev. V.L Tluanga Sinate, Gen. Missions Secretary
4) Pathianni chhunah: Rev. C. Lalthantluanga, Dist. missions Director
5) Pathianni zanah: Rev. Laltluanga, Dist. Supdt
Oct. ni 27 dar 10:30 atanga chawhnu dar 3:00pm thleng rorel inkhawm neiin; hemi hun chhung hian Secretary Report bakah Financial report leh Missions Field-a thawktu 9 atangin report ngaihthlak a ni bawk ang.
North Mizoram Ditrict Conference report kimchang hi karleh PenNet chanchin tharah puanchhuah a ni ang.
———–
District Building Committee :
Oct. ni 18 ningani khan North Mizoram Dist. Building Comt. chu Chairman Rev. Laltluanga kaihhruaiin neih a ni a, Meetingah hian North mizoram District huam chhunga Biak in leh Pastor Quarters District enkawlna hnuaia sak mek leh thawmthat ngai chungchang te sawiin hmalak zel dan tur an sawi ho.
———–
Thianghlimna Committee :
Oct. ni 17 Nilaini khan North Mizoram District Thianghlimna Comittee chu District Committee Room-ah District Supdt. Rev. Laltluanga kaihhruaiin an thukhawm.
Meetingah hian North Mizoram District huam chhungah kum 2015 atanga zuk leh hmuam kawnga Thianghlimna kohhranin uar taka a kalpui atanga kohhran member tam takin zuk leh hmuam an sim dan te leh, Bial hrang hranga uar taka hma lak a nih thu te ngaihthlak niin; District huapa hma lak zel dan tur an sawi ho.
——–
Biak In hawng :
North Mizoram District, Hunthar Bial chhunga Phungchawng Biak in sak thar chu Oct. ni 20 Inrinni chawhma dar 11:00 khan, North Mizoram District secretary Rev. Chhiarpuia’n a hawng.
Phungchawng Biak in hi Phunchawng Bazar bul maia sak niin; Biak in hmun hi Pu Lalthara IAS(Rtd) pek a ni a, an Biak in hmasa hi kum kalta kum 2017 khan Sabereka khuangkaihin hnawlin Biak in sakna mai tur hmun hma an neih loh laiin Pu Lalthara hian phal takin alo pe a ni.
Biak in sak lungphum hi kumin March ni 24 khan Hunthar Bialtu Pastor Rev. C. Lalhmunliana’n a lo phum tawh a, Biak in hi Skirting thleng RCC-a sak niin a dung ft 32 leh avang ft 18-a liana sak a ni a, Biak in sak nan hian tha 740 sengin, sum leh pai Rs. 4,42,675 an seng baw. Hunthar Bial te hmalaknain Inrinni kalta Oct. ni 20 khan hawngin, Biak in thar lawmna ruai an theh bawk.
Hun thar Bialah hian Local church 7 awm mekin, heng Local church hrang hrang te hian Phunchawng Biak in tun din a nih theih nan target insiamin an thawk khawm bawk a, Biak in sak nan hian Bial chhung Kohhran hrang hrang te a chhawka hnatlang neih thin a ni bawk a ni.
Tun dinhmunah Phungchawng-ah hian Kohhran in 15 awmin member 57 an awm mekin Evan. F. Lalchhanhima chuan Hunthar Bial rawihin rawngbawlna a nei mek bawk. (Pic. Phunchawng Biak in hawng)
—————
Bial PYD Revival Crusade :
North Mizoram District Headquarters Bial PYD te chuan Oct. ni 18-21 Ningani zan atanga Pathianni zan thleng Bial huap Revival Crusade an buatsaih.
Crusade hi Mission Vengthlang Biak inah neiin; Evan. T. Vanlalruata chu Speaker-a hman a ni a, Crusade neih chhung hian Thusawi ropui tak tak ngaihthlak thin a ni. Speaker chuan ‘Aigupta lal Pharoa’n Israel mi te Aigupta ram ri pel lova inthawina leh An Pathian Biak a phal ang khan, Setana pawh hian kohhranhote hi a ramri pel lo inthawina hlan te, tawngtai te a phal ve vek a. Setana ram ri pel lo rawngbawltu kan nih a hlauh thu leh Setana Ram ri pel ngeia Lalpa rawngbawl turin mipuite a sawm a ni”
Crusade neih chhuna hqrs. Bial PYD Zaipawl, District PYD Choir bakah mal zai thiam tak tak ngaihthak niin; Inkhawm kaihhruai hna hi Bial PYD President Bro. K. Rotluanga, Bial PYD Secy. Bro. R. Lalvensanga leh Bial PYD Treasurer Bro. B. Lalremruata ten an kaihruai thin a ni.
———–
Tlangsang Seminar :
Oct. ni 19-21 chhung khan Tlangsang Bial chuan Seminar Cum revival Programme an buatsaih.
He hunah hian District Treasurer Rev K. Lalduhsanga Resource Person cum Speaker atan hmangin, Seminar-ah thupui pahnih Administration leh Financial tih hman a ni.
Seminar hi Bial chhung mipuite’n an hlutin chhim pawh a tha hle, Tlangsang Biala Rawngbawla kal hi zaia rawngbawlna nei thin Sis Lalhlupuii, Bawngkawn leh Sis Lalngaihawmi, Lengpui ten an tawiawm bawk.
Tlangsang Bial buatsaih Seminar Cum Revival-ah hian Pathian hnathawh ropui thlengin thlarau boruak kal zelah Oct. Ni.22 (Thawhtan) ni khan Bro Lalnunmawia chuan Kohhranhote kaltlangin Pathian chawimawina neiin, a tuk Oct. ni 23.10.18 (Thawhlehni) ah Tual Upa Vanlalruala te chhungkuain Pathian chawimawina an nei ve leh bawk.
——–
Jubilee hnatlang :
Oct. ni 19 zirtawpni kalta khan Reiek bial PYD te chuan nakkum kum 2019-a Bial PYD ten Kum 50 an tlinna tur Golden Jubilee hriatrengna turin Reiek bial Pastor quarters kawt chu cement in an chhung a, zingkar hnaah neiin an chhung zo vek a ni.
————–
P.C.D. MEET :
Oct.19 zirtawpni khan Headquarters Local UPC Biak inah Pentecostal Children Department (PCD), Lunglei District buatsaih P.C.D. MEET chu hlawhtling taka hman a ni.
Meet-ah hian Solo leh Worship Dance hmangin intihsiakna neih a ni a, Solo-ah hian Local 19 atangin mi 19 ten hla thlan sa ‘Aw thlarau thianghlim’ tih leh mahni duh hla pakhat hmangin intihsiakna hi an nei a, a pumpuiah PC.Lalrengpuii, Zobawk Local chu pakhatna niin, pawisa fai Rs.3000 leh Citation a dawng a, pahnihna hi PC.Lalramzauvi, Zotlang Local a ni a, Rs.2000 leh Citation a dawng a, Pathumna hi Laldinsangi Ngente, Zion Local,Venghlun niin ani hian Rs.1000 leh Citation a dawng bawk. Pakhatna PC.Lalrengpuii hian All India Radio Lunglei ah hla pali (4) a thun dawn a ni.
Worship Dance-ah hian Local 15 ten, hla thlansa ADONAI tih leh mahni duh hla pakhat hmangin intihsiakna hi an nei a, Bazar Local chu pakhatna niin, Rs.5000 leh Citation an dawng a, pahnihna chu Zotlang Local niin an ni hian Rs.3000 leh Citation dawngin, pathumna chu College veng Local niin Rs.2000 leh Citation an dawng bawk.
He PCD meet hi Lunglei District Superintendent Rev.R.Lalrosanga chuan a hawng a, District Secretary leh PCD Adviser ni bawk Rev.C.Vanlalena chuan thusawiin, District Child Protection Unit (DCPU) lam ten Awarness Campaign an nei bawk. He meet-ah hian Zion Local, Venghlun ten Music Video an siam ‘Isua Lalber’ tih chu District PCD President K.Lalrintluanga chuan a tlangzarh a, nikum lama PCD Meet Solo Competition-a pakhatna Lalhlimpuia Sailo leh CV.Remsangzuali te an zai bawk.
P.C.D. MEET Main Sponsored hi DUDO, UD&PA Department Lunglei, Under NEDP (Climate change Mitigation and Adoptation Strategy Component) te an ni a, Lunglei District UPC District Board leh District Child Protection Unit (DCPU) ten an sponsored bawk. He PCD Meet-ah hian PCD Member 800 chuang kal khawmin, intihsiakna hi CR.Lalnunpuii chuan a kaihruai a ni. Lunglei District-ah hian PCD hi Local 70 chuangah din a ni a, member hi 3000 vel an awm mek a ni.
———
Kohhran thar din :
Oct.18, Ningani khan Lunglei Sethlun vengah United Pentecostal Church of North East India kohhran thar din a ni.
He kohhran thar hi Lunglei District Secretary Rev C. Vanlalena’n hawngin, Local Chairman tura ruat Bro. R. Lalhnehzova leh Treasurer thar Lalhminghlua Sailo ten thu tawi an sawi a, Theiriat bialtu Pastor leh Luangmual bialtu Pastor bakah, mi engngemawzatin thu tawi an sawi bawk. Thu leh awm hma chuan Luangmual bialah Sethlun Local hi a awm rih dawn a ni.
Local Church Board hruaitu tharte tan leh kohhran thar tan tawngtai sakna neih a ni a, Rev B. Kamliana’n tawngtainain hun a khar a ni. Kohhran thar din a nih zan hian Luangmual bial, Theiriat bial leh Headquarters bial atangin mi 40 chuang an kal khawm a ni.
Sethlunah hian Pentecost kohhran nisa, kohhran lawina tur mumal nei lo chhungkua an awm nual a. Hun engngemaw atang khan kohhran din a nih theih nan Theiriat lam leh Luangmual lam ten beng an chhiin hma an la reng a, chumi kal zelah chuan mi thahnemngaite hmalaknain Kohhran din a lo ni ta a ni. Bial pahnih Pastor-ten ruahmanna siamin, District hruaitute hnenah thlenin, Local thar a lo ding ta a ni. Local thar form a nih angin, heng mite hi hruaitu atan ruat an ni.
Chairman: R. Lalhnehzova
Secretary: C. Lalnunpuia
Treasurer: Lalhminghlua Sailo
Sethlun Local-ah hian member 50 chuang awm nghalin, kohhran member ni thin, mahse biak in awm loh vanga kohhran danga lawi ta te pawh kohhranah hian an let leh thuai tura beisei a ni bawk.
——–
Biak In hawng :
Oct.20 inrinni khan kum 10 an sak hnuah, Mualcheng S Local Biak in chu Lunglei District UPC Treasurer Rev.C.Lalrintluanga chuan Pathian hnenah hlanin a hawng.
Biak in hawn inkhawm hi Upa C.Zosangliana, Chairman, Mualcheng S Local chuan a kaihruai a, ZD.Nghaklianthanga, Asst.Secretary, Mualcheng S Local chuan technical report pein, District Treasurer Rev.C.Lalrintluanga chuan Pathian thuchah puan chhuahna a nei a, Lunglei District PYD Choir, Mualcheng S Local PYD leh LAD bakah F.Lalhriatchhungi leh Lalnunpuii ten zaiin rawngbawlna an nei bawk, tlai lamah biak in thar lawmna ruai kilho a ni.
Biak in hawn programme hi Oct.19 -21 chhung khan hman a ni a, Inkhawm programme-ah hian Lunglei District UPC Treasurer Rev.C.Lalrintluanga, Tawipui bialtu Pastor Rev.H.Rothuama, Chhimtuipui District Superintendent Rev.Thanchunga Sailo, Luangmual bialtu Pastor Rev.B.Kamliana, Lunglei District Missions Director Rev.VL. Hmuaka ten thusawi rawngbawlna an nei thin a ni.
Mualcheng S Local biak in hi a dung 70ft. (Varenda nen 80 ft.) a vang 38 ft. a ni a, Oct.20, 2008 khan biak in lungphum hi Rev.VL Hmuaka chuan a lo phum tawh a, a lungphum atanga kum 10 na Oct.20.2018-ah hawn a ni ta a ni. Mualcheng S ah hian tun dinhmunah Member 500 chuang an lawi mek.
————
Missions Field tlawh dawn :
Oct.28 Pathianni hmang hian Lunglei District Missions Director Rev.VL Hmuaka chuan Vaisam Missions Field a tlawh dawn a, Luangmual bial PYD Zaipawl ten an tawiawm ang.
Vaisam Missions Field-ah hian Evan.Lalengzauva chu Home Missionary-in a awm mek a, tunah hian biak in an sak chu luah mai theih turin an peih thawkhat tawh a ni.
———–
Lunglei District chhung heng hmunah te hian Bial Missions Conference hman mek a ni :
1. Oct.26 zan atang khan Rahsiveng bial Missions Conference chu Hauruang Local-ah neih tan a ni a, Speaker atan bialtu Pastor Rev.C.Lalhriatpuia chu hman a ni a, thupui atan Luka 19:10 ‘Boralte zawng a chhandam’ tih hman a ni.
2. Oct.26 zan atang khan Theiriat bial Missions Conference chu Lungpuizawl biak inah neih tan a ni a, Speaker atan bialtu Pastor Rev.R.Vanlalenga chu hman niin, thupui atan ‘I Pathian tawk turin inpeih rawh’ Amosa 4:12 chu hman a ni a, zaithiam Lalduhawmi, Zion Local Venghlun chuan zaiin rawngbawlna a nei bawk.
3. Oct.26 zan atang khan Zawlpui bial PYD leh LAD Joint Conference chu Putlungasih Local-ah hman a ni a, Speaker atan bialtu Pastor Evan.Muanpuia Colney leh Putlungasih Home Missionary Evan.Simona Hmar te chu hman an ni. Oct.27 inrinni khan rorel a ni a, Oct.28 Pathianni zan thleng he Conference hi hman a ni ang.
———
Mi thar seng :
Oct.21 zan khan Lunglei District, Pangzawl bialtu Pastor R.Lalramhluna chuan Pangzawl Khawngbawk Local-ah mi thar pakhat a lawmlut. Mi thar hi bial Missions Department in Crusade a buatsaih rahchhuah a ni.
———
Joint Revival :
Oct.19-21 chhung khan Cherhlun bial leh Thingsai bialte chuan Cherhlun biak inah Join Revival hlim takin an hmang.
He Joint revival-ah hian bial pahniha hruaitu ten thu an insawi chhawk thin a, Oct.22 thawhtanni khan Upa C..Lalchangliana, Cherhlun Local chuan Pathian hnena lawmthu sawi chawimawina nei chhunzawmin hlim takin hun an hmang a ni. Cherhlun leh Thingsai bial te hi tun hmaa bial khata lo awm thin an ni a, bial then a nih hnu pawhin inkhawmpui te inchhim tawnin, intawhkhawm programme hi an lo siam fo tawh bawk a ni. kum 2019 November thla hian Joint revival hi S.Chawngtui Local-ah hman leh a ni ang.
———–
Crusade buatsaih :
Bunghmun Bial Missions Department-te buatsaih Crusade chu Bunghmun Local-ah Oct.12-22 chhung khan neih a ni a, Speaker atana hman Rev.Lalhmingthanga chu hman niin, ani hian tihdam rawngbawlna a nei a, mipuiten he rawngbawlna hi an hlut hle, chhinchhiah danin he rawngbawlna ah hian mi 304 in hming ziakin, mi 283 in tawngtaina an dawng a, damna chang hi mi 253 an ni.
——-
Mi thar seng :
Tunhnai a kohhran dinna Riasika hmunah Chhimtuipui District Evangelist N.Thanghnuna leh Team te chuan salvation camping an neih zawh hnuin, Oct ni 15, Thawhtanni atang khan home crusade an buatsaih chhunzawm a. An rawngbawlnakal zelah Oct ni 20, Inrinni khan member 4 Kohhranah senglutin; he rawngbawlna hi Evan.N.Thanghnuna chuan a nei nghal a ni.
Oct ni 21, Pathianni khan mi-7 in Lalpa Isua hmingin sual ngaihdamna baptisma an chang a, Oct ni 22, Thawhtanni khan Kohhran ten Pathian hnena lawmthuswi chawimawina buatsaihin hlim takin hun an hmang.
————
Open Air Service :
Lawngtlai North bial hmalakna in Oct ni 19 atanga ni 21 chhung khan an bial chhung veng hrang hrangah open air service an buatsaih.
He crusade ah hian Rev.R.Sangthanga chu speaker atan hman niin, Thuthlung lam hawi zirtirna ape thin a, Sis.Zampuiin zaia rawngbawlna a nei thin bawk.
Oct ni 19, Zirtawp zanah AOC veng atang hun hmang tan in, Inrinnizanah Bial Head Qrtrs Vengpui ah hun an hmang leh a, Oct ni 21, Pathianni zing ah Bazar localah bial huap inkhawmna neiin, chawhnu dar 1:00 ah Lawngtlai hmun lun lai Areopagi atangin Thuthlung puanchhuahna hi an chhunzawm leh a ni. Oct ni 21, Pathiannii zanah ah council vengah a kharna hun hmangin an rawngbawlna Lalpan mal a sawm hle a ni.
———-
Baptisma chang :
Pastor Lalsawmliana Sailo Chhimtuipui District, Diltlang Bial Pastor chuan Oct ni 21, Pathianni hmang khan Khawmawi Kohhran ah rawngbawlin mi 8 in sual ngaihdam nan Isua hmingin Baptisma an chang.
District LAD rorel bawhzuiin Chhungkaw maicham leh Thianghlimna thupui hmangin LAD te seminar a neih pui bawk. Pathianni chawhnu lam khan Diltlang Bial Bial Missions board thu nghalin Nov ni 8 atanga ni 11 chhung hian Mualbu L ah crusade nei turin an rel a, he crusade ah hian Speaker atan Pastor Lalsawmliana Sailo hi an ruai ang.
———–
Joint Conference :
Oct ni 18 atanga ni 21 chhung khan Lawngtlai South bial chuan bial LAD & PYD chuan Joint Conference an hmang.
He conference ah hian District Evangelist Robert B.Lalnunsiama T chu speaker atan an ruai a, hlim takin hun an hmang.
————-
PCD Meet hmang :
Oct ni 27 atanga ni 28 chhung hian Niawhtlang bial PCD chuan MEET Vawi-1 na Ainak Kohhranah hman mek a ni.
Thu leh hla bakah items hrang hrang hmangin intihsiakna leh intihhlimna programme an buatsaih a, Bial chhunga PCD member ten an hlut hle.
————-
Bial LAD Conference :
Siaha Bial LAD Conference vawi 36 na chu Oct ni 19 atanga ni 21 chhung khan Colege veng II Local ah hman a ni.
Bial LAD Conference ah hian former Dist LAD President Sis H. Zoramthangi, B\w chu Speaker atan hman niin Nute rawngbawlna tih thupuiah hman a ni a, Speaker rawngbawlna Lalpan malasawm hle.
Inkhawmpui chhung hian local 6 atang LAD zaipawl ten zaia rawngbawlna an nei thin a. Dist. PYD Choir ten Pathianni zing inkhawm leh zan ah zaia rawngbawlna an nei bawk. Inrinni chhunah rorel inkhawm an nei a, an rorel langsar zual te :
(1) Kum 2019 Conf neihna tur College veng Local.
(2) Kum 2019 January chawlhkar hnihna Pathianniah chawnghei tawngtai buatsaih.
(3) Bial huapin Riasikah Kohhran tlawh nise, Inkhawm thutthleng 10 present nghal nise.
(4) Bible ralchhan buatsaih leh nise.
(5) Local inkalthelh programme hman leh.
(6) ASC Home ah Siaha Bial LAD hminga present pek
(7) Bial O.B ten Local tin tlawhchhuak se.
(8) Buhfaitham Campaign neih.
(9) Bial huapin Seminar neih leh nise.
Buhfaitham tham tha top 3 te:-
1st N. Lalmuani, College veng No 7200
2nd T. Lallianmawii, College veng No 6038
3rd L. Nango, College veng No 4425
Ramthim Buhfaitham tham tha top 3 te:-
1st Elizabethi, Meisatla No 3000
2nd L. Zatiali, Siahatla No 1907
3rd N. Lalmuani, College veng No 1725.
LAD hruaitu hna chawl lova kum 10 thawk Sist Maradeiva, Council veng hnenah Citation hlan a ni.
—————-
District Missions Conf inbuatsaihna :
Nov ni 23 atanga ni 25 chhunga Chhimtuipui District Missions Conference thlengtu tur Headquarters Kohhran ten hlim tak leh hlawhtling a hman anih theih nan inbuatsaihna an kalpui mup mup a, hnatlang nitin thawkin zan lamah pawh awl lovin tleivar zakin Biak In rawng te an hnawih tha a, Kohhran te an tang rualin an phur hle ani.
———-
Nupa tuak 47 innei tha :
Oct ni 19, Zirtawpni khan Chhimtuipui District chhung Sangau I Biak In ah Nupa tuak 47 ten inneih thatna hun an hmang a, Pastor K.Kawngkharmawia Sangau Bialtu Pastor chuan a invawn that tir a ni.
————
Hla kutpui hmang :
Aizawl East District PYD te chuan October 20 atanga 21 chhung khan Zemabawk Vengpui Biakin-ah Hla kutpui hlawhtling takin an hmang.
Inkhawm hi Organising Committee hruaitute chuan inthawh chhawkin Inrinni zan khan Evan C.Lalchhuanga, Chairman chuan inkhawm kaihruaiin Pastor Laltlanhlua Hnamte, Ex-District PYD President chuan hawnna a nei a, Pentecostal Choir ten opening song an sa bawk.
Aizawl East District PYD ten hla kutpui an hmanah hian inkhawm apiang thusawi tawi Minute 20 chhung ngaihthlak thin a ni a, Inrinni zan khan Evan F.Lalsangliana hnen atangin Music lama hmasawnna tih thupui hmangin thusawi ngaihthlak a ni a, Pathianni Chawhma-ah Bro.Lalthansanga Colney chuan Solfa lama hmasawnna tih thupui hmangin thusawina a nei leh a, Pathianni Chawhnu-ah Evan H Lalrinawma’n Hla phuah leh zai lama hmasawnna tih hmangin thusawina a nei a, Pathianni zan-ah Rev R.Laltlankima, District PYD chuan thusawina hun a nei bawk a ni.
He hunah hian Aizawl khawpui chhunga Bial hrang hrang zaipawl, mimal zai leh band bakah Aizawl khawpui chhung atangin mimal zai ngaihthlak thin a ni a, Pentecost hranghlui zaithiam Sis Laltanpuii, Serchhip; Sis JH Lalchhanhimi, Sesawng, Sis Lalhmunmawii Parte, Mualpui, Sis Lalchhanhimi Ralte, Lungpher, Bro H Lalrinmawia Varte, Armed Veng, Bro C.Vansanga, Upper Republic Bial leh Evan F.Zirliana, Champhai te hnen atangin zai ngaihthlak thin a ni bawk a, heng hranghlui zaithiamte hi Pathianni zan khan Chawimawina hlan an nih bakah he huna Item nei zawng zawngte chu memento hlan vek an ni a, Inkhawm zawng zawngte hnenah Bookmark sem a ni bawk. Aizawl East District PYD ten hla kutpui an hmanah hian Organising Committee ten Hla inphuahsiak an buatsaih chu Pathianni zan khan result puanna leh lawmman semna neih a ni a, Solo-a hian hla 20 lutin Zaipawl-ah hian hla 8 a lut a, heng mite hian lawmman an dawng a ni:
Solo-ah-
Pakhatna- Sis Lalhmingmawii Rawite, Bazar Bial- “Lawmthu ka rawn sawi e”
Pahnihna- Bro Lalremruata (Maremruata)- Kawlkulh Bial- “Belhtlak Pathian”
Pathumna- Evan H Lalrinawma, Upper Republic Bial- “Ka lungkham ram”
Zaipawl-ah
Pakhatna- Bro Lalremruata (Maremruata), Kawlkulh Bial- “Tui nunglui”
Pahnihna- Bro HV Lalrinmawia, Bazar Bial- “Mesia Lal Isua”
Pathumna- Bro B Lalnghakmawia, E.Lungdar Bial- “Thuthlung fate”
————-
District Missions Conference :
Aizawl East District Missions Department District Conference vawi 25-na chu Khawhaiah October 26, Zirtawp zan atang khan hman tan a ni.
Inkhawmpui hi Rev Vanlalfela Ramtiam, District Treasurer chuan Pathian hnenah hlanin a hawng a. Kumin District Missions Inkhawmpui-ah hian Thupui-ah “I rawngbawlna kha hlen rawh” II Timo. 4:5 thu hman niin Thupui thensawm hmangin heng mite hnen atang hian thusawi ngaihthlak thin a ni:
Zirtawp zanah- Evan H Malsawmthanga- “Sengkhawmnaah”
Inrinni zanah- Rev Lalrema “Thlarauvah”
Pathianni Chawhma- Rev R.Lalhawia “Thilpek-ah”
Pathianni Chawhnu- Rev Lalmalsawma Sailo”Mawhphurhna-ah”
Pathianni zan- Rev Rosanga Kawlni “Thianghlimna-ah”
Inrinni nileng khan Khawhai Biakin-ah rorelna neih a ni a, rorel ve lo tan Inkhawmpui neihna hmunah vantlang inkhawm neih a ni a, Evan H Lalbiakzauva chuan inkhawm kaihruaiin Evan H.Lalhlimpuia hnen atangin thusawi ngaihthlak a ni.
Aizawl East District Missions Inkhawmpui-ah hian inkhawm apiangin mal zai bakah zaipawl hnen atangin fak hla ngaihthlak thin a ni bawk.
———
Mi thar seng :
Evan Thangneihsanga rawngbawlna kal zelah Zemabawk Bial-ah October 21, Pathianni khan chhungkaw khat member 4 te chuan Kohhranah sengluh an ni.
October 14, Pathianni vek khan Khawzawl Vengpui Kohhranah mithar 4 sengluh niin Thuampui-ah pawh mithar 2 sengluh an ni bawk. October 21, Pathianni vek Bazar bial, Ramthar Kohhranah Bialtu Pastor Rev HL Thakunga kutah mi 3 in sual nghaihdamna baptisma changin an zinga pakhat hi mithar a ni a, Kohhranah sengluh a ni. Bazar bialte hian November 10 leh 11 hian Bazar Biakin-ah Bial Kum 25-na, Silver Jubilee lawm turin an inbuatsaih mek zel a, he hunah hian Bazar bialtu Pastor lo ni tawhte chu sawm vek niin November 10, Inrinni hian Jubilee ruai kil turin inbuatsaihna an kalpui mek a ni.
———–
Mual inkhawm :
Bawngkawn bial PYD Conference in alo rel tawh angin October 23, Thawhleh zan khan Ramhlun Vengthar Sport Complex khawthar hmunah Thuthlung puanchhuahna Mual Inkhawm neih a ni. He hun hi Bro HK Lalneihsanga, Bial PYD Secretary chuan kaihruaiin Speaker-ah District Missions Department ten rawngbawltu an rawih mek Evan Joseph Lalremruata chu an hmang a ni. He hunah hian Bial chhung atangin PYD member engemaw zat telin kalkhawmte hian hlawk takin hun an hmang a ni.
———–
PYD Kumpuan Campaign :
October 22, Thawhtan zan khan Serchhip bial PYD Kumpuan Committee te chuan Kumpuan campaign neiin Chanmari Biakin-ah hlawk takin hun an hmang.
He hunah hian Bro CVL Rinhlua hnen atangin thuchah ngaihthlak a ni a, kalkhawm ten hlawkthlak an ti hle a ni. Serchhip bial PYD Kumpuan Committee te hian bial chhung-ah PYD Kumpuan Campaign neiin hun an lo hmang tawh thin a ni.
———-
Advertisement :
1. Lunglei District Missions Department hnuaia kan Home Missions Field thawktute term chu 31st December 2018-ah hian a lo tawp leh dawn ta a. Kum 2019-2020 chhung atan Home Missionary pasarih lak thar a lo ngai leh dawn ta a, Pathian kohna dawng, zuk leh hmuam tilo te tan he hna hi dil theih a ni e.
Hriattur pawimawhte:
1. Diltu chu a lawina Local-ah tualchhung rawngbawltu a ni tur a ni.
2. Dilna chu blank paper ah ziakin, District Missions Director hnenah ziaka thehluh tur a ni.
3. Diltu chuan a lawina Local Church Board lehkha thil tel tur a ni.
4. Dilna hi 2nd Dec.2018 thlengin thehluh theih a ni ang a, diltu chu 3rd December 2018, dar 10:30 A.M ah District Missions Board hmaah interview tur a ni ang.
5. He hna diltu, Interview-a lo kal te tan, TA/DA a awm lovang.
Evan.F.Lalhmangaiha
Secretary
Lunglei District Missions Department
——–
2. United Pentecostal Church, Lunglei District hnuaia thawk turin Driver pakhat Master Roll (MR) a lak a ni dawn a, dil duh chuan 30.11.2018 ral hmain District Secretary, Rev.C.Vanlalena hnenah dilna Plain paper-a ziakin thehluh tur a ni
Diltute tana hriat turte :
1. Hming :
2. Pa Hming :
3. Kum zat :
4. Address :
5. Education Qualification : Class-VIII chin chung lam
6. Interview hun : Dt.4.12.2018 Dar 10:00 AM
7. Interview-na hmun : Dist.UPC Conference Hall
8. Local Church Board recommend-na telh tur.
9. Zuk leh hmuam ti mi tan dil theih a ni lo.
10. Interview-naah hian mahni document/Driving Licence ken tur
Sd/- (REV.C.VANLALENA)
Secretary
Lunglei District U.P.C.
Facebook