———-
———-
GENERAL NEWS
ORPHANAGE SUNDAY
Nov 7, Pathianni hi UPC North East India Kohhran ni pawimawh Orphanage Sunday a ni a, India hmarchhak pum huapa hman a ni ang.
November Pathianni hmasa ber hi kum tin Orphanage Sunday atana a hman thin a ni a, hemi nia thawhlawm lakkhawmte hi Kohhran enkawl fahrah chawmna in Audrine Scism Children Home, Kolasib-pual a ni ang. Tin, hemi nia chhiarchhuah tur Orphanage Sunday thuchah pawh Tualchhung Kohhran tinah thawnchhuah vek a ni bawk.
Audrine Scism Children Home hi Kum 1985 December 30 khan Executive Board chuan din nise tia pass-in kum 1992 january 15, khan Khuangpuilam Kolasib ah din a ni a. Rev. Stanley Scism an building sak bultanna tur lungphum a phum a ni.
UPC-NEI Kohhran rorelna sang Executive Board chuan Home naupang ten awlsam leh tha zawka zirna kawng an zawh theihnan tiin kum 2002, May 2 khan Home complex chhungah School din a ni a, a hming atan Susane Downs Boarding School tih a ni. Tichuan Home leh School hi Project khatah chhun finin Compassion Center Project tih a ni.
Hetianga hmalak chhoh tak a nih vang hian kohhran rorelna sang Executive Board April 16, 2004 a neih chuan; November Pathianni hmasa berah Orphanage Sunday hman thin nise tiin a ruahman a, kumtin hman thin a ni ta a ni.
Kumin Orphanage Sunday hian ASC Home thawktu leh Naupang te chuan Home chapel ah an mahni puala programme siamin an hmang dawn a ni.
Tun dinhmunah Audrine Scism Children Home ah hian Mipa 8 Hmeichhia 19 avaiin Naupang 27 an awm mek a, Home Superintendent Evan. C. Vanlalruata hnuaiah thawktu 13 an awm mek. Susane Downs Boarding School-ah Principal Evan. Zarzoliana enkawlna hnuaiah hian zirtiru leh staff dang 22 awmin, zirlai naupang 450 vel an awm mek bawk a ni.
———-
HRUAITUTE PROGRAMME
General Superintendent Rev. R. Lalrinsanga chuan November ni 6 a Chhimtuipui District-a Siaha Bial ten rawngbawltu Ni an hman tur chu tel puiin, Leadership Trainning an neih tur ah resource personah tangin rawngbawlna a nei ang.
General LAD hruaitu-te chuan November ni 6, 2021 Inrinnia Chhimtuipui District, Siaha Bial ten Rawngbawltute Nupui leh LAD hruaitute pual seminar an neih tur chu an hmanpui ang. Tin, November ni 7 Pathianni hian Siaha Bial chhung Local hrang hrang ah rawngbawlna an nei bawk ang.
———-
General Missions Director Rev. R. Lalhawia, General Headquarters Office Staff ten thlahna hun an hmang.
November ni 2, 2021 (Tuesday) khan General Missions Director Rev. R. Lalhawia chu General Headquarters Office Staff ten, General Hqrs. Committee Room ah thlahna hun an hmang a, General Superintendent Rev. R. Lalrinsanga chuan hun kaihruaiin, General Missions Secretary Rev. VL. Tluanga Sinate chuan hun serh a hmang a, Staff Welfare aiawhin Rev. JH. Zahluna’n thlahna thilpek hlanna a nei a ni.
He thlahna hun serhah hian General Official-te leh General Department hruaitute bakah Staff-te atanagin thlahna thusawi ngaih thlak a ni a, Bro. C. Vanramtluanga, Bro. H. Lalrinmawia Varte leh Bro. R. Vanengzauva ten thlahna hla sain, Rev. H. Lalngailiana’n Malsawm tawngtaina hun a hmang bawk a ni.
Rev. R. Lalhawia hian July ni 15, 2015 ah khan General Missions Director rawngbawlna hi thawk tan in General Headquarters Office ah athu a, October ni 29, 2021 khan Superanuation-a pension-in a chawlh thlengin he hna hi a chelh a ni.
———-
GENERAL SUNDAY SCHOOL EXAM BOARD
General Sunday School Exam Board chuan November ni 4 khan, General Headquarters Committee Room ah meeting an nei.
Sunday School Exam Board hi General Sunday School Director Rev. R. Laichhingpuia’n kai hruaiin, kum 2021 a North East India UPC Sunday School Exam Question tur Edit-na an nei a ni.
———-
AIZAWL CITY PYD CO ORDINATION COMMITTEE BUATSAIHIN BLOOD DONATION CAMP NEIH A NI
November ni 3, 2021 Nilaini chawhma Dar 10:00 am khan Aizawl City PYD Co ordination Committee buaisaihin AIzawl Civil Hospital-a Damlo Thisen mamawhte hman atan Blood Donation Camp Bethlehem Kohhran Hall ah neih a ni a, Aizawl khawpui chhung Bial 16 a PYD member ten thisen hi an pe a ni.
Thisen pek hma hian hunserh hman niin Aizawl City PYD President Evan. C. Lalruatsanga’n hun kaihruaiin Secretary hnen atangin report ngaihthlakna leh General PYD President hnen atangin thusawi ngaih thlakna neih a ni a, Rev. Rohmingliana, Bethlehem Bialtu Pastorin Pathianthu chhiarna leh tawngtaina hun a hman zawh ah thisen hi pekn chhunzawm nghal a ni.
Thisen pek hun hi hlawm hnih ah then niin, 1st Session ah Bazar Bial, Dinthar Bial, Mualpui Bial, Bawngkawn Bial, Hunthar Bial, Upper Republic Bial, Chaltlang Bial leh Tlangnuam Bial ten Thisen an pe a, Chawhnulam (2nd Session) ah Headquarters Bial, Thuampui Bial, Chawlhhmun Bial, Zemabawk North Bial, Durtlang Bial, Zemabawk Bial, Maubawk Bial leh Bethlehem Bial ten an pe ve leh bawk. Thisen hi Mipa 183 leh hmeichhia 41 ten pein, a vaiin Unit 224 hemi ni hian pek a ni.
Aizawl City PYD Co ordination Committee hian kum dangah pawh Blood Donation Camp hi buatsaih thin in, October ni 2, UPC North East India PYD Social Workday denchhen a thisen hi pek thin a ni a, Kummin hian Hripui leng a vanga harsatna a awm avangin Thisen pek hun hi November ni 3 hian neih a nita zawk a ni.
Tun dinhmunah Aizawl City PYD Co ordination Committee hnuaiah hian member 5000 vel an awm mek a ni.
———-
———-
CHHIMTUIPUI DISTRICT
DIST OFFICIAL TEN RAWNGBAWLNA NEI
October ni 30 leh 31, 2021 hmang khan Chhimtuipui District puipa te chuan South Lungpher Bial, South Lungpher Kohhran-ah rawngbawlna an nei a, October ni 30 Inrinni zan ah Rev. Kholy Hlychho Dist. Treasurer chuan maicham rawngbawlna neiin Pathianni zing inkhawm ah Dist Superintendent Rev. Joseph L. Thlauhthang chuan rawngbawlna a nei a, Chawhnu ah Kohhran hruaitute nen inkawm hona neiin, zan lamah Rev. WL. Thanghre Dist. Secretary chuan rawngbawlna a nei bawk.
———-
RAWNGBAWLTU NI HMANG DAWNG/SIAHA BIAL CHHUNG A GENERAL HRUAITUTE HUN HMAN DAN TUR
Kum khat dana hman ṭhin Siaha Bial Rawngbawltu Ni chu November ni 6, 2021 hian Dist Hqrs local, New Siaha ah hman a ni ang.
Hemi ni hian rawngbawltute pualin Leadership training neih tur a ni a, General superintendent Rev R Lalrinsanga chu resources person a ni ang. Tin, hemi ni vek hian Bial rorel bawhzuiin Rawngbawltute Nupui leh LAD hruaitute pual seminar neih bawk tur a ni a, General LAD hruaitu ten zirtirna annei ang.
General hruaitute hian Siaha bial chhung local hrang hrangah November ni 7 Pathianni zing hian hun an hmang ang:-
1. Dist Hqrs Local : Lalchangliani Sailo Gen LAD President in rawngbawlna anei ang.
2. Siahatla local : Rev R Lalrinsanga Gen Superintendent in rawngbawlna anei ang.
3. College Vaih: Lalramthangi BW Gen LAD Secretary in rawngbawlna anei ang.
4.Council vaih: F Rohlupuii BW Gen LAD Treasurer in rawngbawlna anei ang.
———-
DISTRICT PCD TEN LAWMMAN HLAN
District PCD buatsaih Bible ralchhan, lawmman hlan mai tura peih fel tawh chu covid natna avangin hun rei tak hlan theih a ni lova, boruak azia awm deuh hnu in Dt.1.11.21 (Monday) zan khan hlan a ni.
LAWMMAN LA TUTE :
Pakhatna : Lalsalemmawii (Siahatla Local)
Pahnihna : Lawmnaparmawii (Tuipang L Local)
Pathumna : C.Lalmuankimi (Siata Local)
BIBLE RALCHHAN LAWMMAN MIN TUM (Sponsor) SAK TUTE:
First Prize : T/Upa FC. Ismael (Vice President)
Second Prize : Sis. Lalzawmpuii (Fin. Secy)
Third Prize : Bro. J. Malsawmsanga (Asst Secy)
Judy Hatvanlalmalsawmkimi ,Siaha District Child Protection te buatsaih Solo Competition a First position nih Lawmpuina Citation hi Bro. T. Hmangaihmawia College Veng in a sponsore bawk.
———-
NIAWHTLANG LOCAL DIAMOND JUBILEE LAWM TURIN INBUATSAIH
Chhimtuipui District chhung a Kohhran dinna hmasa leh Thlarau mite inpui Niawhtlang local chuan November ni 12-14, 2021 chhung khian Diamond Jubille hmang in, a lawmna hunan hmang ang. He Jubilee ah hian, “Nang malsawmna ni ang che” tih chu thupui atan hman ani ang a, revival programme a hman tur ani ang.
Jubilee lungphun hawnna hi Dist Superintendent Rev Joseph L Thlauhthang chuan anei ang. Dist chhung leh pawn Pathian mihman tehnen aṭang thusawi ngaihthlak ṭhin ani ang.
———-
———-
LAWNGTLAI WEST DISTRICT
District Hruaitute programme
District Secretary&Treasurer Rev.Lalsawmliana Sailo chuan College veng Local ah Lalpa zanriah sacrament rawngbawlna a nei ang.
District Missions Director Rev.F.Lalbiakthuama chuan Tual chhung a lawina ah hun a hmang ang.
———-
JOINT CONFERANCE HMANG
Dt.30-31.Oct.2021 a hmangin Lawngtlai North Bial LAD&PYD te chuan Bazar Biakin ah joint conference neiin rorel pawimawh tak² an neia a hnuaia mi hi Department pahnih rorel tlangpui a ni.
LAD ROREL TLANGPUI
1.Kohhranpui building fund atan Rs.30000/- an dah a ni.
2.Rorel palai upa ber hnenah lawmman siam ve nise.
3.Civil Hospital Lawngtlai ah LAD day hriat reng nan Poor fund Rs.5000/- chhun luh ve nise.
4.Pastor Quarter ah Gas Connection single dah nise.
5.Buhfaitham tham tam pakhatna atanga pathumna(1-3) na thleng lawm man ve nise.
6.Bible ralchhan buatsaih ve ni rawhse.
7.Tu leh fate leh ruihhlo ngai te puala thlakhatah vawi khat(1) chawnghei tawngtai neih nise.
8.Bial hruaitu ten kum khatah vawikhat theuh Local tin tlawh chhuah nise an ti bawk.
PYD ROREL TLANGPUI
1. Bial huapa Bible Quiz Competition chu
neih ngei ni se tha tih tlan a ni.
2.Bial huapa Tawngtai Bethel chu lungrual taka tha tih tlan a ni.
3. Local-tin in tlawhchhuah ni rawh se tih chu Local-tin
intlawhtawn/intlawhchhuah chu neih ngei ni se an ti.
4. Lawngtlai North Bial PYD-te hian Thingkah hmunah Sunday vawikhat tal a
inkhawm puina neih ni rawhse an ti bawk.
5. PYD Day-hi Bial huapa hmang tawh lovin mahni Local theuhvah hman ni tawh se
General/District PYD thuchhuak a awm loh chuan Bial PYD-in remchang a tih dan
anga hman mai ni se tha tih tlan a ni.
7. Bial Sport neih ni rawh se tih chu lungrual takin an pass a ni.
8.Bial pawn tlawh chu neih ngei ni se an ti bawk.
10.North Bial PYD-te hian Pennet Lawngtlai District(Media) hi tanpui ve nise an ti tul leh pawimawh chu Bial Board-ah dah a
ni.
———-
MITHAR PAHNIH(2) LAWMLUT
Dt.31.10.2021 sunday hian Saizawh East hmunah Bialtu Pastor Rev. Lalsawmliana Sailo chuan Mithar 2 lawmlut in, Baptistma chantir nghal an ni.
———-
———-
LUNGLEI DISTRICT
P.B.S. IN GRADUATION DAY HMANG DAWN
Lunglei District UPC-in thla khat awh Pathian thu zirna a neih Pentecostal Bible School (PBS) chuan November ni 7 Pathianni hian Headquarters biak inah Graduation Day an hmang dawn. He Graduation day ah hian PBS Principal Rev.C.Vanlalena chu Speaker a ni ang a, District Treasurer Rev.C.Lalrintluanga chuan Graduate thar te Degree hlanna a nei ang. Kumin hian PBS ah hian mi 17 kal in an zing atang hian Student 4 an Graduate dawn a ni. (PBS Logo)
———-
JOIN MEETING NEI :
Education Committee PYD Lunglei District leh Pentecostal Children Department, Lunglei District hruaitute chu Oct.ni 31 Pathianni tlai dar 3:00 khan Conference Hall-ah hmalak ho dan tur ngaihtuahin an thu khawm a, he hun hi Education Committee PYD Lunglei District Chairman Upa C.Malsawmkima chuan a kaihruai a, an thurel pawimawh zualte:
– District PCD Youtube channel-a upload turin Video Clip tawi siam nise, District PCD OB ten hma lo la se tha tih a ni.
– District PYD Education Committee te District PCD hruaitute Programme-ah a remchan dan anga telpui thin nise
– School kal rual tawh engemaw rokhawlna avanga kal thei lote dapchhuah a hmalak ho nise.(PCD & PYD Log0)
———-
———-
NORTH MIZORAM DISTRICT
Hruaitute Programme:
1. November ni 1 Thawhtanni khan N.Mizoram District hruaitu Pathum Supdt., Secretary Leh Treasure te chuan Kolasib-a Kohhran ram leh, Bial thenkhat te tlawhin Tuitha veng local biak in sak hmalakna te an thlir hova, Kol Diakkawn Vengthar Biak in hmuna, thil buaipui ngai te an en ho bawk.
2. District Supd. Rev. Laltluanga chuan Nov. ni 7 Pathianni hian Tlangsangah Pathian Chawimawina neih Programme Sepaker niin; rawngbawlna a nei ang.
.
3, District Missions Director Rev. C. Lalthantluanga chuan Nov. ni 5 Zirtawpni hian, Missions Field pahnih Rajtali Missions Field leh S. Chhimluang Missions Field te a tlawh turin a zin chhuak ang.
———-
District Missions Conference nei:
North Mizoram Distrit missions Dept chuan confe vawi 41-na chu kar kal ta, Oct Ni 29 Zirtawpni khan, Hqrs. Kohhran Biak in, Tuikhuahtlangah neih a ni.
District Mission Confe-ah hian Bial tin atangin Palai 4 kal tura ruahman niin; Rev. Laltluanga NMD Supdt. chuan Confe hawngin, Rev. C. Lalthantluanga Director, NMD Missions Dept chuan Confe rorel a kaihruai a, Evan. JH Malsawmdawngliana, Dist. Missions Secretary hnen atang NMD Mission Deptt report bakah Missions Field report te ngaihthlak niin; Evan. MS Dawngliana, Dist. Missions Treasurer hnen atangin Financial report ngaihthlak a ni bawk.
Secretary Report atanga a lan danin NMD Missions dinhmun tlangpui chu hetiang hi a ni
Missions Field neih zat 12 niin Casual worker ruaia rawngbawlna khaw 4-ah neiin, Bru Revival team Evan. Lalthianghlima kaihhruaiin ram tulna hmun hmunah rawngbawlna neih thin a ni bawk.
North Mizoram District Missions Deptt hnuaia Missionary (regularised) leh an thawhna te
1) Sist. Khawlliani (Tumpanglui Missions Field)
2) Evan. Hrangchhankhuma (Kolalian Missions Field)
3) Evan. RS Lalnunmawia (Vawngawnzo Missions Field)
4) Sist. Esther Lalrawngbawli (Bajerung Missions Field)
5) Evan. C. Lalrampana (Damdiai Missions Field)
6) Sist. F. Lalsiamliani (Zomuantlang Missions Field)
7) Evan. H. Lalnunzira (Dilzawl Missions Field)
8) Evan. Isak Lalrohlua (Persang Missions Field)
9) Sist. Lalbiakzuali (West Phulpui Missions Field)
10) Evan Vanlalawia (Marpara Missions Field)
11) Evan. E. Lalrawngbawlzela (Rajtali Missions Field)
12) Sist. Lalhriatkimi (S. Chhimluang Missions Field) bakah Casual worker 4 Evan. Lalthianghlima, Upa C.
Sangliana, Sist. Vanlalpeki leh Bro. Vanlalruata te rawih an ni.
Conference Report bu atanga a lan danin kumin Bial 30 ten target an neih atangin District Missions Dept-ah 85.5% target hi a lut a, Missionary chawmna leh Support atangin Rs. 4300000 (Nuai sawmli pathum) a lut bawk a, Dist. Missions atanga kumina sum hmuh zawng zawng hi 100,11,730.00 hmuh chhuah a ni bawk.
Report bu atanga a lan danin kumin chhunga Missionary te ram lak zat mi 210 niin, Misions Field-ah hian member 1639 an awm mek a ni.
District Mission Conference Vawi 41-na rorel pawimawh zual te:
1.Kum 2022 – Maubawk Bial-ah Conference nei lehin Kum 2023 – sumsuih bial (Lamchhipah) Confe nghah a ni.
2.District Mission Conference chuan Field thar 5 1) K. Sarali (Rengdil Bial) 2). Sihthiang (Rengdil Bial) 3) Kananthar (Bairabi Bial) 4) N. Thinglian (Bilkhawthlir Bial leh 5) Vitor Kalagang (Tlangsang Bial)
te chu Missions Field atan hawn thar nise tih passed a ni.
3. Missions Field a Chairman apiangte Kohhranpui Bial Board Committee Member ni nghal zel rawh se tih Agenda chu ngun taka ngaihtuahin passed a ni a, District Kohhranpui Board-a thlen tura tih a ni.
5. Home Missions Field Satistics felfai tak kalpui a nih theih nana hmalak rel a ni bawk
Conference rorel inkhawm hi General lam atangin hruaitu Rev. Laltluangliana Sinate in hovin; North Mizoram District hruaitu puipa pathum Rev. Laltluanga, Dist. Supdt., Rev. Chhiarpuia, Secy leh Rev. K. lalduhsanga Treasurer ten an ho bakah, Dept. hrang hrang, Dist. LAD, Dist. PYD leh Dist SS lam hruaitute’n an ho bawk. (Video hlui rin mai ni se)
———-
District LAD Board nei:
North Mizoram District LAD te chuan kar kalta October ni 28 Ningani khan, District LAD Board, Headquarters Kohhran Biak in, Tuikhuahtlangah an nei.
Board Meeting hi District LAD President Sist K. Lalhmachhuani’n kaihruaiin, Agenda 10 an neihah 9 an passed a, Rorel pawimawh te:
1) Kum 2021-ah District home mission field 16 te hnenah krismas hmanna atan tanpui Rs. 4000 theuhva pek
2) Tripura Dist Headquater building sak tanpui nan,Cheng 50000 pek te
3) Mamit bial Darlak Biak in thuthleng siamna tur atan Cheng 40000 pek ni se.
4) District LAD inenkawlna Dan ennawn chu passed a ni
5) Kum 2022 atan District LAD budget estimate pharh a ni a, Rs, 24,86,400.00 passed a ni.
6) North Mizoram dist chhung a, Dam lo cancer natna tuar an awmin, Kum 2022 atang chuan, District LAD hmingin Cheng -5000 -a kan passed a ni. (District LAD Board)
———-
Reso Committee nei:
North Mizoram District Sunday School Department chuan Conference December thlaa an neih turah Nov. ni 3 Nilaini khan Resolution Committee an nei (D. SS Reso Meeting)
———-
Seminar nei:
Chaltlang Bial LAD te chuan Kumin 2021 Chaltlang bial LAD Conference-in a lo rel tawh angin Oct ni 31 chawhnu dar 1 khan chaltlang Bial LAD OB leh local OB zawng zawngte pualin Chaltlang Biak Inah Hruaitute mawhphurhna tih thupui hmangin seminar neih a ni. Bial LAD seminar hi President Sis. Vanlalveni’n kaihruaiin, Sis. R. Lalpianfeli, (w/o Rev. C. Lalramthanga), Chaltlang chuan seminar paper present in member an kal thain an hlawkpui hle, he seminar hi Gen. LAD President, Sis. Lalchangliani Sailo, BW chuan a uap bawk. (Chaltlang Bial LAD seminar)
———-
MEMBER THAR LAWM LUT:
Nov. ni 3 Nilaini zan khan Mamit High School Veng kohhranah mi thar, chhungkaw pakhat member paruk chu Baptist kohhran atangin bialtu Pastor Vanlalruata’n a lawm lut a, Nau hlan rawngbawlna neih nghal a ni bawk. (Mamit H/s Mithar)
Oct ni 31 Pathian ni zing inkhawm khan Meidum mithar 3 lawmluh an ni. Heng mithar 3 te hi, Meiduma rawngbawla awm Evan. H. Lalbiaktluanga’n lumlutin remchang hmasa berah sual ngaihdamna Baptisma chang tura tih a ni. (Meidum mithar)
Oct. ni 31 Pathianni khan Reiek bial Rulpuihlim kohhranah bialtu Pastor Rev. P Vanlalfela’n Isua hmingin sual ngaihdamna baptisma mi 5 a chantir a, nau pakhat hlan a ni bawk a, Baptisma chang zingah hian mithar 3 an tel a ni. (Rulpuihlim mithar)
———-
Thilpek pe:
Sist. Lalramnghaki chuan N.Mizoram District Dilzawl Missions Field kohhrante tan Pulpit leh Maicham tha tak a pe a, Dilzawl Field member te an lawm hle.
———-
Tirhkoh Quarters sa:
Rengdil Biala, NMD in Tirhkoh ruaia rawngbawlna a neih mekna hmun New Edenah Nov ni 2 thawhlehni khan Bialtu Pastor C. Lalthlengliana hovin Rengdil Kohhran mithahnem ngai engemaw zat te chuan Quarters sak hna thawkin an fehchhuak a, an ni hian chhuat rem, kawkapui leh tukverh vuah bakah electric wiring hna te an thawk a a ni. (New eden hnatlang)
———-
———-
AIZAWL EAST DISTRICT
District Missions Conference:
Aizawl East District Missions Department Conference vawi 28-na chu Kahrawt Biakin, Champhai hmuna October 29 atanga 31 chhung khan tluang taka hman zawh a ni.
Conference hi October 30, Inrinni khan rorel inkhawmin neih tan a ni a, Rev KVL Hmangaihkima, Director chuan kaihruaiin Rev H.Lalropuia, Mualpui Bialtu Pastor chuan hawnna a nei a, Pastor F.Malsawmtluanga, Kahrawt bialtu Pastor hnen atangin palai lawmna thu ngaihthlak a ni. Evan Lalthankima kaihhruaiin Doctrine sawirualna neih a ni bawk. Rorel inkhawmah hian Bial atang leh Official atangin agenda lut engemaw zat awmin Missions rawngbawlna kawnga chak zawka ke penna tur an ngaihtuah a, Kum 2023 Inkhawmpui chu Sakawrdai bial-ah nghah a ni, ruatsa angin kum 2022-ah Zemabawk bial-ah inkhawmpui hman a ni ang. Aizawl leh District Capital bakah thingtlang khaw lian deuh deuhah nasa zawka hmalak ni se tih niin District Missions Evangelist te lawmman tihpun niin an term hi kum khat ni tawh se tih a nih bakah District in a rawih chhunzawm tur chuan Bialin mahni thuin Evangelist rawih loh ni se an ti bawk.
October 31, Pathianni chawhma leh chawhnu khan inkhawm buatsaih niin Rev KVL Hmangaihkima, Director chuan inkhawm a kaihruaia, Pathianni chawhma khan Rev R.Lalhawia, General Missions Director chuan Pathian thuchah sawiin lawmman semna leh General Director Rev R.Lalhawia pension thlahna thilpek Evan C.Lalchhuanga, District Missions Treasurer chuan a nei bawk a ni. Pathianni chawhnu-ah Rev Biaksangzuala, District Superintendent leh Rev VL. Hnemtluanga, District Treasurer ten thusawina an nei bawk a ni.
Hrileng avangin kum danga Conference hman anga hman theih a nih loh avangin Aizawl East District Missions Conference-ah hian palai pawh tih tlem a ni a, Bial aiawh 3, Bialtu Pastorte, District Kohhranpui OB bakah District Department Ob te ruat an ni.
———-
Peniel Kohhran, Bawngkawn Chhim Veng in Kum 25 a tling ta:
November 3, Nilaini khan Peniel Kohhran, Bawngkawn South chuan kum 25 a tling ta. Peniel Kohhran hi UPC(NEI) Aizawl East District hnuaia kohhran pakhat ni turin Dt.3.11.1996 khan Rev K.Ropara, Bialtu Pastor/ District Sunday School Superintendent chuan UPC Bawngkawn Chhim Veng tih hmingpu turin a din a. Dt.3.11.1996 atang hian Pu Lalbiakthanga In Bawngkawn Chhim Veng a mi chu Biakin atan thla khatah Rs 2,500/- (Sanghnih zanga) a luah hawh in inkhawmna neih tan nghal a ni a. Kohhran thar dinna hmun hi Bawngkawn huam chhung a ni a. Bawngkawn huam chhung a zauh em vang leh kohhran thar din a tul zia hriain Bawngkawn Local Church Board Committee, Dt.5.11.1996 a neih Rorel No 1 na chuan lungrual takin kohhran din hi a remtihpui bawk a ni. Dt.7.2.1997 Bial Conference Report-a a lan danin Kohhran din anih tirh hian kohhran member hi mi 79 an ni.
Church Board Committee Vawi – 40 na ( 3rd of 2001) Dt.25.2.2001 chhun dar 12 a neih Rorel No 3 na chuan UPC Bawngkawn South tih chu ‘PENIEL’ tiin a thlak ta a ni.
Pathian kaihhruaina hnuaiah kohhran pawhin hmasawn chho ve zelin kum 25 a tlin meuh chuan hmun hrang hranga inkhawm thin kha Biakin pawh tha tak an nei taa, tuna Biakin hi Kum 2017 khan hawn a ni a, tunah hian member zahnih chuang an lawi mek a ni.
Peniel Kohhran atang hian Pastor V.Lalnienga, Thingsulthliah Bialtu Pastor ni mek leh Pastor FK.Lalchawiliana, Director I/C, North Bengal and Sikkim Missions Field te an chhuak tawh a ni. Tuna Church Board hruaitu ni mek te:
Chairman: Upa Lalringngheta
Secretary: Upa Joseph Lalhruaitluanga
Treasurer: Evan H.Lalsiamliana
November 3 hi an kum 25 tlin ni mahse November 7, Pathianni chawhma leh zanah a lawmna hun an buatsaih thung dawn a, lungphun hawnna Rev C.Mawizuala, Bialtu Pastor chuan neiin Secretary report ngaihthlak a ni anga, Evan K.Thanchhunga, Rev Dr.K.Satinvela leh Rev C.Mawizuala, Bialtu Pastor te hnen atangin thusawi tawi ngaihthlak a ni ang. Zanah inkhawm neih leh tur niin Evan H.Lalsiamliana hnen atangin thusawi ngaihthlak a ni bawk ang.
———-
Kang tuar tanpuina hlan:
October 28, Ningani khan Hmuncheng khua a kan member Bro. Biakchungnunga te In, October 27 dar 3 vel a kang chu Bialtu Pastor. Rev. C. Lalmalsawma hovin bial hruaituten Hmunchengah kalchilhin tanpuina District Superintendent Relief Fund leh Khawzawl Bial Relief fund atangin avaiin Rs 7000/- an hlan. Bro Biakchungnunga te chhungkua hi Buh sengin ram an riak vek a, an riah hlanin an In hi a lo kang ta a ni. an bungrua leh thawmhnaw leh pawisa te a kang ral vek a, Buh tin 30 vel erawh an hum thei hram a ni.
———-
Mithar:
October 29, Zirtawp zan khan Mualpui Bial, ITI Kohhranah mithar pathum sengluh niin an zinga pakhatin Rev Lalmalsawma Sailo, General Treasurer kutah sual ngaihdamna baptisma a chang.
October 31, Pathianni khan Mualpui bial, Mualpui Kohhranah chhungkaw khat, member 4 te chu Kohhranah sengluh an ni bawk a, Rabung Bial, Hliappui Kohhranah pawh mi 2 in sual ngaihdamna baptisma changin an zinga pakhat hi mithar a ni. Hliappui leh a chhehvelah hian District Kohhran kaltlangin Evan HMS Dawngkima chuan rawngbawlna a nei mek a ni.
———-
Pension:
AED hnuaia Pastor thawk lai Rev.Lalrema chu November 1, Thawhtanni khan Pension-in a chhuak ta.
Rev.Lalrema hi Kum 1991 khan Bialtu Pastor atan lak niin a pension thleng hian Kum 30 a service hman a ni. Local Licence hi kum 1985-ah la in kum 1989 khan General Licence ala leh a, Kum 1992 khan Ordination Licence a nei leh ta a ni.
Pastor hna a thawh chhunga a Bial vawn tawhte:— 1.Rabung 2.Ruantlang 3.Thingsulthliah 4.N.Vanlaiphai 5.Chhingchhip 6.Upper Republic 7. Bazar bial Incharge 8.Bethlehem 9.Keifang
General Executive board member lo ni tawhin District hnuaiah Building Committee member, Revival Committee Chairman, Motor Board Chairman leh Thianghlimna Committee member te alo ni tawh bawk.
Rev Lalrema hi Keifang bial a enkawl mek laiin a taksa hrisel lohna avangin Retirement leave a dil a, chumi hnuah pension-a chhuah mai a dil chu District Board chuan remtihsakin November 1.2021 hian Pension-in a chhuak ta a ni.
Tunah hian Rev.Lalrema hi a nupui, a tu leh fate nen Mualpui-a anmahni In-ah an cheng mek a ni
Facebook