United Pentecostal Church of NEI General Conference vawi 53 na chu November ni 26 atanga ni 28 chhung hian General Headquarters Mualpui, Salem veng Aizawlah neih a ni dawn.
General Conference vawi 53 Chandel District a neih tur a ruahman a ni a, a maherawh chu Hripui vangin a hmun sawn a ni a, General Headquarters Mualpui, Salem veng Aizawlah neih a ni dawn ta a ni.
Conference hi tum dang anga Programme siam a rem loh avangin Rorel Inkhawm, Ordination Service leh Farewell Service-te neih a ni ang.
Conference Programme chu he tiang hi a ni:
November ni 26, 2021 Zirtawp ni ah Dept. Business & Board Meetings he tiang hian neih a ni ang.
General LAD – Bethlehem Biak In, Aizawl East Dist.
General PYD – N. Mizoram Dist. Hqrs. Biak In
General Sunday School – Gen. Hqrs. Committee Room
General Missions – Mualpui UPC Biak In
November ni 27, 2021 Inrinni zing 10:30 ah General Kohhranpui rorel Inkhawm, Mualpui UPC Biak In ah neih tur niin, Zan Dar 6:00 ah Ordination Interview General Hqrs. Committee Room-ah neih a ni bawk ang.
November ni 28 Pathianni zing 11:00 ah Ordination Service, N. Mizoram Dist. Hqrs. Biak In, Tuikhuahtlangah neih a ni anga, Zan lam ah General Missions Director kal chhuak ta Rev. R. Lalhawia thlahna Farewell Service N. Mizoram Dist. Hqrs. Biak In, Tuikhuahtlangah bawk hian hman a ni ang.
———-
GENERAL ARCHIVE COMMITTEE:
November ni 18 Ninga ni khan UPC North East India General Archive Committee chu General Headquarters Committee room, Mualpui salem vengah General Archivist Rev. JH Zahluna kaihhruaina hnuaiah neih a ni.
An rorel langzar zualte:
Mizorama Isua hminga Baptisma chan hmasak berna hmun Varak Dil chu a hmunah monument siam a rem chan tawhloh avangin Kohhran Archive hall ah achanchin leh a thlalakte vawn that ni se.
Mizorama UPC Kohhran dinna hmasa ber chungchanga inrawn khawmna leh sawi hona Workshop neih ni se, tul leh pawimawh chu Hruaitute bawh zui tur a tih a ni.
Kohhran Certificate chi hrang hrang, Inneih, Nauhlan, Baptisma leh Licence Certificate-te Automated serial no. General Hqrst. atanga Monitor ni se, Naupiang leh Mithi Register General Hqrst. atanga Monitor ni bawk se, a kalphung tur hruaituten ruahmanna lo siam se, thlirho leh tur a tih a ni.
———-
HRUAITUTE PROGRAMME:
General Sunday School Director, Rev. R. Laichhingpuia chuan November ni 19 zirtawp ni khan North Mizoram District Sunday School Conference a hmanpui.
———-
———-
CHHIMTUIPUI DISTRICT
DISTRICT MISSION CONFERENCE HMANG DAWN
November ni 19 – 21 chhung hian Chhimtuipui District Mission Conference Vawi 44 na chu Sangau II local ah neih a ni.
Thupui a tan Juda Bung 23 “Chhandam rawh u” tih chu hman niin, Rev. VL Tluanga Sinate, General Missions Secretary chuan he Conference hi a hman pui a, Rev Joseph L Thlauhthang Dist. Superintendent chuan khawmpui hawnna leh hlanna a nei a ni.
Hetiang hian Conference thupui hmang in Pathian thu ngaihthlak ṭhin a ni:-
1. Evan N Thanghnuna Dist Evangelist – Zirhtawp zan
2. Evan Robert B Lalnunsiama T Home missionry – Inrinni zan
3. Rev Joseph L Thlauhthang Superintendent – Pathianni zing
4. Evan Larry Lalliandinga home missionary – Pathianni chawhnu
5. Rev VL Tluanga Sinate Gen MS Secretary – Sunday zan
Tin, Dist chhung a Home Missionary te chuan inkhawm apiang in Field report (10mnts) anpe ṭhin ang. Dist chhung zaimi Lalngilneii, VT Hmangaihsangi, Zionpari leh Helen Lalkrawsparmawii ten zai rawngbawlna annei ṭhin ang. T Upa H Lalrotlinga Secretary Tuipang bial MS Secretary chu conference recording secretary ani ang.
———-
DIAMOND JUBILEE HLIM TAK A LAWM ANI
Niawhtlang Local chuan an kohhran kum 60-na Diamond Jubilee lawmna Nov. ni 12-14 chhung khan hmin takin an hmang.
He jubilee lawmna hi Niawhtlang local Biak In ah hman niin, Jubilee lungphun chu Rev Joseph L Thlauhthang Dist Superintendent chuan a hawng a. District chhung hmun hrang hranga Kohhran member ten he hun hi hmanpuiin a lawmna ruai pawh ropui tak a buatsaih a ni.
———-
———-
LAWNGTLAI WEST DISTRICT
District Hruaitute Programme.
Dist. Secretary & Treasurer Rev. Lalsawmliana Sailo chuan November ni 15 khan Evan K.Thangchunga lehkhabu ziah tlangzarhna a nei a, Kar tawp hian Kohhran thil pawimawh tiin Aizawl ah a kal ang.
District Mission Director, Rev.F.Lalbiakthuama chuan Kartawp hian Lunghauka ah rawngbawlna neiin member thar lawm luhna a nei nghal ang.
———-
District Superintendent Pension thlahna ropui taka hman a ni.
November ni 14 2021 Pathianni khan Rev. R. Ramthatzawla Lawngtlai West District Supdt pension thlahna, District Hqrst. Local Lawngtlai-1(Vengpui) ah hman a ni.
Pension thlahna inkhawm hi Rev.Lalsawmliana Sailo Dist.Secretary chuan kai hruaiin he hun ah hian General Supdt. Rev.R. Lalrinsanga chuan hmanpuia pension thlahna thuchah a sawi a, Dist. Mision Director Rev. F. Lalbiakthuama lèh Sr.Pastor Rev.S. Ngunchunga te hnen atangin thlahna thuchah ngaihthlak a ni bawk.
Department hrang hrang Bial, Local leh mimal atangin ngaihhruina thilpek hlanna neih a ni bawk a ni.
REV. R. RAMTHATZAWLA CHANCHIN TAWI
Rev. R. Ramthatzawla hi Pu Laltuahkhama leh Pi Tialthangi te fa upa ber niin Dt:23.9.1956 khan Saibual khua-ah a lo piang a, Dt: 15.4.1976 ah Pi K. Laidingi nen Kohhran dan thianghlima in neiin fapa 4 an nei a ni.
Dt:27.9.1981 ah khan Isua hmingin Baptisma a chang a, rawngbawltu upa niin bial leh local-ah te nihna pawimawh tak tak a chelh thin a ni.
Dt: 10.3.1982 ah Local Licence la in Tirhkoh ah District-in an ruai nghal a, Ni 23.5.1984 ah General Licence la leh in Ni 5.1.1994 ah Pastor atan lak a ni a, bial hrang hrangah te awm kualin Chhimtuipui District a a awm lai hian District Missions Director leh Treasurer mawhphurna te pawh a lo chelh tawh bawk a ni.
Dt: 19.5.2019 ah Lawngtlai West District Superintendent atan ruat niin a pension thleng hian he rawngbawlna pawimawh tak hi a thawk a ni.
———-
MITHAR LAWMLUT
November ni 13.2021(Inrinni) kian Saikhawthlir Local-ah Pastor K Lalzawmsanga Bungtlang South bialtu chuan mithar pahnih(2) Kohhranah lawmlutin ,sual ngaihdamna Baptisma mi pasarih(7) in an chang bawk a ni.
———-
———-
LUNGLEI DISTRICT
LUNGLEI DISTRICT MISSIONS CONFERENCE NEI DAWN:
November ni 21 Pathianni hian Zobawk Local UPC Biak inah Lunglei District Missions Conference vawi 47-na rorel inkhawm chu neih a ni dawn.
Ruahmanna hmasa ah chuan he Conference hi November ni 19-21 chhunga neih tur a ni a, hripui leng avangin rorel inkhawm chiah neih a ni dawn ta a ni. Tin, rorel inkhawmah hian rorel palai kal thei tur hetiang hian ruahmanna siam a ni bawk.
– District Missions Board Member
– Bial Missions Board Member
– Section Pastor
– Home Missionary
———-
INDUCTION SERVICE NEI :
November ni 14 Pathianni chawhnu dar 1:30 khan Headquarters biak inah Lunglei District UPC Choir Members tur te lak luhna inkhawm (Induction Service) neih a ni.
He inkhawm hi Music Committee Chairman Rev.PC.Nghakliana’n a kaihruai a, Music Committee hmalakna leh inhmelhriat tirna Music Committee Secretary Evan.R.Lalnunthara’n a nei bawk. Rev.C.Vanlalena, Superintendent, Lunglei District UPC chuan zaipawl Members-te lakluhna leh thusawina neiin, Sist.PC.Lallawmsangi leh Sist.Amber Lalmuanpuii ten zaiin rawngbawlna an nei a, Rev.PC.Lalfakawma Secretary, Lunglei District UPC chuan tawngtainain he inkhawm hi a khar.
Lunglei District UPC Choir-ah hian Members 25 (Mipa 13 leh Hmeichhia 12) an awm a, an ni bakah hian Conductor atan Bro.PC.Lalchhanchhuaha, Venghlun Local leh Asst.Conductor atan Evan.Lalrinmawia, Rahsiveng te ruat an ni.
Lunglei District UPC Choir Members thar te::
MIPA :
1) Bro.Lalrindika, Lunglawn Zaia Veng
2) Bro. C. Lalnunpuia, Lunglawn Zaia Veng
3) Bro. CV. Lalrinchhana, Venglai
4) Bro. Lalfamkima, Electric Veng
5) Bro. Lalvenhima, Bazar
6) Bro. Lalnunfela, Venghlun
7) Bro. PC. Lalrintluanga, College Veng
8) Bro. Lalrinfela, Rahsiveng
9) Bro. A. Lalmuanpuia, Headquarters
10) Bro. Phillip Malsawmkima, Headquarters
11) Bro. C. Lalmuanpuia, Pukpui
12) Bro. C. Ramdinthara, Farm Veng
13) Bro. C. Lalhruaizela, AOC
HMEICHHIA :
1) Sist. Jennet Lalruatsangi Chawngthu, Rahsiveng
2) Sist. K. Lalrinkimi, Ramthar AOC
3) Sist. Angela Lalnunhlimi, College Veng
4) Sist. C. Hmingthanmawii, Venghlun
5) Sist. LP. Lalrempuii, Rahsiveng
6) Sist. Amber Lalmuanpuii, Headquarters
7) Sist. K. Laldinpuii, Pukpui
8) Sist. K. Lalrinsangi, Bazar
9) Sist. Zohlupuii Ralte, Venglai
10) Sist. C. Lalchhanhimi, Electric Veng
11) Sist. Lalmuanzuali, Electric Veng
12) Sist. Vanlalhmangaihkimi Sailo, Ramthar
———-
LUNGSEN BIAL LAD & PYD JOIN DEPARTMENT CONFERENCE VAWI 49-NA NEIH A NI:
November ni 13 inrinni khan Lungsen bial PYD leh LAD Join Conference vawi 49-na chu Lungsen N Local UPC biak inah neih a ni a, an rorel tlangpuite:
PYD Thurel tlangpui:
1. Pastor quarter’s -a kut thlak na atan ₹, 6,000/- dah nise.
2. PIM ₹, 12,000/- a support leh nise.
3. Lungsen PHC -ah poor fund pek ve nise.
4. Kum 2022 budget estimate siam ani.
LAD Thurel tlangpui:
1. ASC Home sponsore ve nise.
2. CEC -ah tanpuina pek nise.
3. Pastor quarter’s- sofa set leina atan project siam a ni.
4. Target tlak hmasa lawmman siam leh nise.
Join department rorel:
1. Nakum 2022 Join department conference hun atan Dt. 12-13, Nov, 2022 ruat a ni.
2. Bible ralchhan buatsaih nise
3. Join department budget estimate siam a ni bawk.
———-
HNAHTHIAL BIAL PYD LEH LAD TEN JOIN CONFERENCE NEI
November ni 13 inrinni khan Hnahthial bial PYD leh LAD join Conference vawi 29-na chu Hnahthial Venglai Local-ah neih a ni a, bial PYD rorel langsar zualte:
1.Target tlak hmasa lawmman siam leh nise
2.Bial PYD chanchinbu Ephatha (thlakhata vawikhat chhuak) Editorial board din that ni in heng te hi editorial board an ni.
Editor:- Rbt.Mc.Lalmuanawma venglai
A.Editor:- Rbt T.Lalthantluanga Elect
Cir.Manger:- Sis.C.Lalfakzuali venglai Local
3.Kumpuan Sub Committee hruaitu atan
Chairman:- Evan.Lalhriatmawia
Secretary:- Rbt.Mc.Lalmuanawma
Treasurer:- Upa.C.Laldinliana te ruat an ni.
4.Kumin 2021 chhung ngei in Dist rorel bawhzuiin Thisen pek tum nise tih a ni.
5.Bial PYD in inhmun lei tum nise tih chu a hma lama lei nise.Bial OB ten inhmun lei tur te lo zawngin lo bawhzui se tih a ni.
———-
———-
NORTH MIZORAM DISTRICT
District Sunday School Confe inbuatsaihna kal mek:
UPC, North Mizoram District Sunday School Conference vawi 40th-na inbuatsaihna chu tluang taka kal mekin; Report bu leh inbuatsaihna tur thil dang te pawh peih thawhkhat a ni.
North Mizoram Distrrict Sunday School Conference vawi 40th-na hi Nov. ni 19th -ah Headquaters Kohhran Biak in Tuikhuahtlang-ah neih tur a ni a, Rorel inkhawm bakah lawman semna hun te neih a ni ang.
Confe. Rorel hi District SS Director Rev. C. Lalramthanga’n a kaihruai anga, District Supdt. Rev. Laltluanga’n Confe Hlanna hun neiin Dar 10:30AM-ah rorel inkhawm hi tan tur a ni dawn a ni. Confe ah hian Mal zai Sist.Lalrinsangi, Tlangnuam leh Lalruatpuii, Maubawk te chu beisei niin; Lehkhabu Tlangzarh hun Gen. SS Director Rev.R.Laichhingpuia’n a nei bawk ang. Confe-ah hian Secretary leh Financial Report ngaihthlak a ni bawk dawn a ni. SS Conference rorel hi Rev. R. Vanlalawia, Gen. SS Secretary in malsawm tawngtaiin a tin dawn a ni.
———-
Rawngbawlna Licence Renew runpui neih mek a ni:
UPC, NEI hnuaia District tin ten mahni area chhunga rawngbawlna license kawlte Licence renew hun nei mekin; District Office-ah Bro. Andy Lalramnghaka (Ph.8459771983) chu a buakpuitu atan ruat a ni. Licence renew hi a tam zawkin zo tawhin; Licence renew hun atan hian November thla chhung hun hawn a ni.
———-
Dist. Supdt. Rev. Laltluanga Tlangsang Bialah fehchhuak:
District Supdt. Rev. Laltluanga chuan Nov. ni 5 leh ni 6 Inrinni leh Pathian hmang khan Tlangsang Bial, Tlangsang Local-ah Pathian Chawimawinaa Speaker-a tangin a fehchhuak.
Pathian Chawimawina hi Tlangsang Bialtu Pastor C. Zoramthara’n neiin; Tlangsang hi Manipur ram chhunga awm niin; he Bialah hian inkhawma Zai pawh phal tawh a nih avangin; Chawimawina hmang kohhran hote Pathian awmpuinain hlim takin hun an hmang a. Rev. Laltluanga Dist. Supdt. Chuan rawngbawlna neiin; Pathian thuchah nung tak a sawi thin a ni.
———-
Mission Field fang:
North Mizoram District Missions Director Rev. C. Lalthantluanga chuan North Mizoram District chhunga Mission Field thenkhat bakah District Missions Confe vawi 41-na in Field atana a puan thar District Board Approved a nghah mek Field 5 zingah K. Sarali, Sihthiang, Kananthar leh N. Thianglian te a tlawh a, hei bakah hian Mission Field 12 neih mek zinga a tam zawk tlawhin Biak in, Quarters leh SS Hall te a enpui a, Mission Field ten hmachhawp an neih mek te en in an mamawh te a tul angin tihsak an ni bawk.
———-
West Phaileng Biak in sa mek:
West Phaileng bial, Hqrs Local church-ah Pathian hnathawh thlengin an biak in sak mek chhunzawm nan bricks 3000 leina tur Rs.48000/-(Singli sangriat) lai chu an tualchhung member hming tarlan duh lo chuan, a rilru a awm angin a Lalpa Biak buk sak na atan a pe.
He thilpek hmang hian W. Phaileng biak in bang hi a rem phui thei tawh dawn a. Kohhrante Pathian leh Pathian hnathawh avanga Biak in tana thilpek petu unaute chungah an lawm hle a ni. Tunah hian Biak in chung neih theih dan tur Pathian rawn chungin kohhranhote’n. An ngaihtuah leh mek a, Rs.350000/-(Nuai thum singnga) bawr a chung khuah nan mamawh a ni.
———-
Hqrs. Bial Zaipawl ten kum 10 an tlinna lawm dawn:
NMD Hqrs. Bial Zaipawl te chuan an din champhaphak vawi 10na Nov. ni 14 (Pathianni) chawhnu dar 1:00 PM hian Hqrs. Kohhran Biak inah an lawman hun an hmang ang. Hetah hian a hun laia Bial lo hruai tawhtu te bakah Zaipawl lo kaihruai tawhtute leh Zaipawl member ni mek te fuankhawmin Pathian hnena lawmthu sawina inkhawm an nei ang a, hei bakah hian Bial Zaipawl rawngbawlna leh hnathawh hrang hrang te Power Point Presentation neih a ni bawk dawn a ni.
———-
———-
AIZAWL EAST DISTRICT
LAD Executive meeting:
November 10, Nilaini khan District LAD Executive meeting, District Superintendent room-ah neih a ni. He hun hi Sis. Zionparmawii B/W, President chuan kaihruaiin District Kohhranpui hruaituten an telpui a ni. An thu passed langsar zualte:
1. Cancer vei pual tana thawhlawm lut chungchang ngaihtuah niin Bial hrang hrang atanga Cancer vei report mi 26 an dawn te hnenah tanpuina pek ni se tih a ni. District LAD te hian Kum 2018 atang khan Cancer vei pual thawhlawm hi lo khawn tawhin kuminah hian tanpuina sem dan hi hetiang hian an tidanglam a ni. Serious-ah Rs 7000, ziaawm deuh-ah Rs 5000 leh ziaawm leh zualah Rs 3000 ni se an ti a ni. Heng mi 26 te hnenah hian Rs 150,000/- sem ral turin ruahmanna an siam a ni.
2. Kumin 2021-a LAD Day thawhlawm, Bial atanga an dawn tlingkhawm chu General Missions-ah Rs 56,750 pek ni se tih niin Tripura District Hqrs. building sak tanpuina atan Rs 30,000 pek ni se an ti bawk.
3. District Treasurer Qrts-a Sofa set leina atan Rs 30,000 pek tur tih a ni.
4. District LAD Kum tawp Board, December 15, Nilaini-ah neih tura tih niin Budget Estimate thlir hona an nei bawk a ni.
———-
District Board:
November 19, Zirtawpni khan District PYD, Kum tawp Board chu tluang takin District Committee room-ah neih a ni. He hun hi Rev C.Lalmalsawma, President chuan kaihruaiin Bial atangin rorel palai an telkim thawkhata, District Kohhranpui hruaitute pawhin an telpui a ni. District PYD Board-ah hian Kum 2022 Budget bakah Bial atang leh Official atanga agenda lut te an ngaihtuah a, he thu buatsaih lai hian an thu pass kan hre hman ta lo a ni.
District Sunday School Department pawhin November 23, Thawhlehni hian Kumtawp District Board District Committee room-ah nei turin ruahmanna an siam. He hun hi Rev Rohmingliana, Director chuan a kaihruai dawn a ni.
———-
Silver Jubilee lawm:
November 12, Zirtawpni kha N.Vanlaiphai Bial Rawlkhang Local kum 25-na, Silver Jubilee a ni a, he nî hi Kohhran ho ten lawmin, hlim takin hun an hmang a ni. Chhun leh zanah inkhawmna neiin Speaker-ah Bialtu Pastor B.Lalhmingliana hman a ni. Bialtu Pastor hian Kum 25 chhunga Kohhran member boral te sunna hun a hmang bawk a ni. LAD ten sunna hla sa in naupang Sunday School Dept ten hla an rem bakah mimal zai te ngaihthlak a ni bawk. Church Board Secretary hnen a?angin Kohhran chanchin leh Dept. in hma an lo lak tawhna te ngaihthlak a ni bawk a ni. N.Vanlaiphai Rawlkhang Local-ah hian tun dinhmunah Kohhran member hi 96 an awm mek a ni.
———-
Thianghlimna Campaign nei:
November 14, Pathianni khan E.Lungdar Bialtu Pastor K Lalhmingmawia chuan Sailulak-ah bial fan programme hmangin rawngbawlna a nei a, chawhma lamah NPSS ah Thianghlimna Campaign neih a ni. Bialtu Pastor hi Bial kumpuan Chairman Upa Lalchhawrthanga leh Treasurer Upa S Lalrinthanga bakah Sis. B Zonunmawii, Sis. Vanlalrinpuii E Lungdar ami ten an tawiawm bawk a ni.
Naupang Sunday School-a Thianghlimna Campaign-hi a hlawkthlak hle a, Júnior atanga Senior Department ah Zuk leh hmuam laka fihlim lo ten in thiar fihlim turin an intiam leh vek thei a ni. November 21, Pathianni hian Leng Kohhranah Campaign nei chhunzawm turin ruahmanna an siam a ni.
———-
S.S Hall hawng:
November 14, Pathianni chawhma inkhawm ban khan Bazar Kohhran SS Hall hawnna leh Baptisma khur hlanna Rev.R.Pahlira’n a nei. He hunah hian Evan. R.Vanchhunga kutah mi 6 in sual ngaihdamna baptisma an chang nghal a ni.
———-
Rawngbawlpui pual Seminar:
November 13, Inrinni khan Thingsulthliah Bial chuan rawngbawltute Seminar hlawhtling takin Thingsulthliah Biakinah an nei. He hunah hian Bial chhung atangin mi 60 vel kalkhawmin hlawk takin hun an hmang a ni. Resource persom-ah Bialtu Pastor V.Lalnienga chu hman niin Chawhma lamah Rawngbawltu leh a hnate bakah Leadership chungchang zirhona neiin chawhnu lamah Administration chungchang zir hona an nei leh bawk a ni.
———-
Mithar leh baptisma chang thar:
November 13 leh 14 khan Mualpui Bialtu Pastor, Rev H Lalropuia chuan bial fan programme Mualpui Kohhranah hmangin rawngbawlna hlawhtling takin a nei a, Thlarau Thianghlim dawngte awmin Pathian thu tha tak tak te ngaihthlak a ni. Pathianni chawhma inkhawmah nau pahnih hlan niin inkhawm banah Baptisma khur hawn a ni a, mi 11(sawmpakhat) in Isua hmingin Baptisma an chang a ni.
Thingsulthliah Bial, Sesawngah November 11 khan mi pakhatin sual ngaihdamna baptisma changin Pathianni zan khan Kohhranah nufa sengluhna neih a ni a, an fa hlanna neih nghal a ni bawk. Rawngbawlna hi Bialtu Pastor V.Lalnienga chuan a nei a ni.
Khawhai bial, Khawhai hmunah pawh November 10, Nilai zan khan Kohhran pawl dang atangin member pakhatin Bialtu Pastor E.Vanlalpeka Zote kutah sual ngaihdamna baptisma a chang bawk.
Keifang bial, Keifang hmunah pawh Evan. HK Lalhmangaiha rawngbawlna kaltlangin mithar 4 Kohhranah sengluh an ni a, heng bakah hian November 16, Thawhlehni khan Keifang hmunah tho hian member 5 chu Kohhranah sengluh an ni bawk. Keifang bial-ah hian Evan HK Lalhmangaiha hian District Missions tirhin rawngbawlna a nei mek a ni.
———-
Zirlai harsa te tan mobile phone sem:
November 16, Thawhleh zan khan Bethlehem Kohhranah District PYD Education Sub-Committee te chuan District chhunga Zirlai harsa, online class kalna tur neilo tan an zirlai-a tangkai tur Mobile phone an sem. He hun hi Bro JH Biakdiktluanga chuan kaihruaiin General PYD President, Rev H.Lalropuia chuan telpuiin hlanna a nei nghal a, Rev Rohmingliana, Bethlehem Bialtu Pastor chuan tawngtaiin inkhawm a titawp a ni. District PYD Education Sub-Committee te hian Bial hrang hrangah zirlai harsa an awm leh awm loh zawtin Bial atangin report engemaw zat an dawn atangin Bial 12-a zirlai mi 12 te hnenah Mobile phone hi an sem ta a ni.
———-
Hruaitute Programme:
Rev VL Hnemtluanga, District Treasurer chuan Suangpuilawn Bial-ah hun hmangin Vanbawng Biakin sak lai enpui bakah Lamherh Kohhran hmunhma enpuiin hun a hmang ang.
Facebook