GENERAL
HRUAITUTE PROGRAMME:
General Superintendent Rev. R. Lalrinsanga chuan Nov ni 14 a Lawngtlai West District Superentendent kal chhuak ta Rev. R. Ramthatzawla thlahna ah te hun a hmang ang.
General Secretary Rev. Zohmingthanzama chuan Nov ni 14 hian N. Bengal and Sikkim Missions Field, Siliguri hmun ah Biak In hawnna a nei ang, Tin, N. Bengal and Sikkim Missions Field chhunga Kohhran hmalakna hrang hrang te en fel in Nov. ni 18 ah Aizawl a let leh ang.
General Treasurer Rev. Lalmalsawma Sailo chuan November ni 13 hian Reiek Bial, Kanghmun kohhran ah Rawngbawltu te Seminar neih puiin resource person-ah a tang ang.
———-
Literature and publication Board:
November ni 11 Ninga ni khan UPC North East India Literature and Publication Board chu General Headquarters Committee room, Mualpui salem vengah thu khawmin Rawngbawltu Kaihhruaina Edit na an nei.
———-
———-
CHHIMTUIPUI DISTRICT
DISTRICT MISSION CONFERENCE HMANG TURIN INBUATSAIH
November ni 19-21.2021 hmang khian Chhimtuipui District Mission Conference Vawi 44 na chu Sangau II local ah neih a ni dawn a, inbuatsaihna pawh chak tak a kal pui mek a ni.
———-
RAWNGBAWLTU NI HLIM TAKA HMAN ANI
General Superintendent Rev. R. Lalrinsanga leh General LAD hruaitute te chuan Chhimtuipui District chhung Siaha bialah rawngbawlna an nei.
November ni 6 2021 khan Siaha bial Rawngbawltu Ni hlim taka hman niin, Rawngbawltute nupui leh LAD hruaitute seminar pawh hlim taka hman a ni.
———-
———-
LAWNGTLAI WEST DISTRICT
November ni 14 Pathian ni chhun 1:00 pm hian Rev. R. Ramthatzawla, Lawngtlai West District Superintendent kal chhuakta chu thlahna hun District Headquaters Local; Lawngtlai-I ah hman a ni ang.
Programmg:
Chairman :- Rev.Lalsawmliana Sailo Dist.Secy&Treasurer
Hunserh :- Revd. TV. Mawngchina (Sr. Pastor)
Solo :- Sist. Edensiamvuli Bethel veng
Thusawi :- Rev. R. Lalrinsanga General Supt.
Solo :- Sist. V. Lalawmpuii College veng
Thusawi (10 Mins) :- Rev.F.Lalbiakthuama Dist. Miss. Director
Thusawi (10 Mins) :- Revd. S. Ngunchunga (Sr. Pastor)
Solo :- Sister Lalhmingtanzuali AOC Local
Thusawi :- Rev. R. Ramthatzawla Outgoing Districr Superintendent
Thusawi tawi (5Mins) :- A duh a piang tan.
Vote of thanks :- Chairman
Benediction :- Pastor S. Vanlallunghnema Lawngtlai North Section.
———-
———-
LUNGLEI DISTRICT
P.B.S. IN GRADUATION DAY HMANG:
Nov.ni 7 Pathianni khan Lunglei District UPC in thla khat awh Pathian thu zirna a neih Pentecostal Bible School (PBS) chuan Headquarters biak in, Chanmari ah Graduation Day an hmang.
Graduation day programme hi PBS Secretary leh Dean ni bawk Rev.PC.Lalfakawma chuan a kaihruaia, District Sunday School Director Evan.F.Lalhmangaiha chuan hunserh hmangin, Sist.Amber Lalmuanpuii, Headquarters Local chuan zaiin rawngbawlna a nei.
PBS Principal Rev.C.Vanlalena chuan fuihna thuchah a sawi a, PBS zirlaite chu kan tum (goal) ah kan chian a ṭul thu te, kan zirtirna ah kan tak a ṭul thu te, kohhran inenkawlna kan ngaipawimawh ṭul a tih bakah engkimah fimkhur a, lungawi thiam turin a fuih a ni.
PBS Registrar Pastor K.Vanlalhruaia chuan result puangin District Treasurer leh PBS Teacher ni bawk Rev.C.Lalrintluanga chuan Graduate Student-te Degree hlanna a nei zui a, Graduate Student aiawhin Bro.MC.Lalmuanawma chuan thusawina neiin, PBS Teacher-te hnenah Graduate Student te hian thilpek an hlan bawk.
PBS Teacher Pastor K.Lalnunpuia chuan lawmthu sawina a neih hnuin Headquarters bialtu Pastor Rev.C.Hmingthanfala chuan tawngtainain he Graduation day inkhawm hi a titawp a ni.
Lawmman chi hrang hrang sem a ni a, heng mite hi lawmman dawngtute an ni.
1. Topper, .(Graduate Student zinga pakhatna) – MC.Lalmuanawma Hnahthial venglai, 3rd Year.
2. Gold Medalist,(Kumin student zinga ti tha ber) – Angelly C.Lalthlamuanpuii Pukpui, 2nd Year.
3. Best Character – Lalthianghlima, Cherhlun, 3rd Year.
4. Most Promising : Lalduhkima, Lawngtlai, Chanmari, 1st Year.
5. Student of the Year – Lalthianghlima, Cherhlun, 3rd Year.
Kumin hian Graduate hi mi 4 an ni a, chungte chu:
1. C.Lalremruata, Chhipphir
2. Lalthianghlima, Cherhlun
3. R.Vanlalhmuaki, Pukpui
4. MC.Lalmuanawma, Hnahthial venglai
Kumin hian PBS ah hian zirlai 17 an awm a, an zingah hian Lawngtlai West District atangin Student 3 an tel bawk.
———-
Chawngte Bial LAD leh PYD Bial inkhawmpui neih a ni:
Chawngte Bial LAD leh PYD inkhawmpui vawi – 40-na chu Nov.ni 7 Pathianni khan Lalnutui Local- ah neih a ni a bial rorel niin tlai lamah mikhual leh tualchhung tan ruai buatsaih a ni.
Zan lam inkhawm buatsaih a ni a, Bialtu Pastor Jerry Lalmuanawma’n thusawina a nei a ni. An rorel tlangpuite
PYD
– Bial chhung PYD dinlohna hmunah din tura hmalak nise.
– Zehtet Missions field tanpui nise.
– Bial huap crusade neih nise.
– Pastor Quarters budget neih nise.
– Bible ralchhan neih nise tih te a ni.
LAD
– Pastor quarters target neih leh.
– Tu leh fate pual a, bial huap Chawnghei tawngtai neih.
– Zehtet field tanpui nise.
– Zehtet Missions field quarters ah mikhual mutbu dah nise.
– Bial hmingin ASC home tanpui nise tha tih a ni.
– Kum 70 rorel palai te lawmman pek nise tha tih a ni.
2022 inkhawmpuina hmun atan, Chawngte Local a ni anga, speaker ah bialtu Pastor a ni ang.
———-
———-
AIZAWL EAST DISTRICT
Missions Executive meeting:
November 9, Thawhlehni khan District Missions Executive meeting, Director room-ah neih a ni. Rev KVL Hmangaihkima, Director chuan kaihruaiin District Kohhranpui hruaitute pawh an telkim thei a ni. He hunah hian thu pawimawh tak tak ngaihtuah niin an thu passed langsar zualte:
1. Kum 2022 chhunga District Missions Evangelist dil duh tan Advertisement chhuah tura tih a ni.
2. District Missions Evangelist lak tharte tan December 2 leh 3. 2021 hian Training neih ni se tih niin Resource person atan Rev Biaksangzuala, Rev Vanlalfela Ramtiam, Rev VL Hnemtluanga bakah Rev KVL Hmangaihkima leh Evan Lalramzauva te ruat an ni a, an subject tur pawh thlan fel nghal a ni.
3. District Missions Evangelist thawk laite December thla chhung thawk chhunzawm turin appointment pek tura tih a ni.
4. Kum 2022 atana District Missions/ Evangelist Support zawn hi March 2022 ral hmain Bial tinah neih tura tih niin Support zawng tur hian District Kohhranpui hruaitute, District Missions hruaitute bakah Bialtu Pastor leh Bial thenkhat Director te ruat an ni.
———-
Zirlai titha chawimawi:
November 7, Pathianni chawhnu khan District PYD, Education Sub-Committee buatsaihin Zemabawk Biakin, Zemabawk North Bial-ah zirlai titha chawimawina hun hman a ni.
He hun hi Bro JH.Biakdiktluanga’n kaihruaiin Rev.H.Lalropuia, Gen.PYD President leh Upa Lalvenhima, MCS te hnen atangin fuihna thu tha tak tak ngaihthlak a ni. Chawimawina Bro. Vanlalrinchhana kaihhruaiin neih a ni a, report ngaihthlak a ni bawk. Rev.Rosanga Kawlni, Bialtu Pastor chuan malsawm tawngtaiin inkhawm a titawp a ni.
Aizawl East District PYD, Education Sub-Committee ten zirlai titha chawimawina an buatsaihah hian D.Th., MD (Pharmacology) Graduate, Post Graduate-a Rank holder te bakah BD, BTh-a 1st Div.a passed mi 19 te hnenah chawimawina hi an hlan a ni. AED PYD, Education Sub-Committee te hian kumdangah pawh zirlai titha chawimawina hun hi an lo buatsaih tawh thin a, tunah hian zirlai harsate hnenah mobile sem turin ruahmanna an kalpui mek bawk a ni.
———-
Silver Jubilee lawm
November 7, Pathianni khan Peniel Kohhran, Bawngkawn Chhim Veng te chuan an Kum 25 tlin, Silver Jubilee an lawm.
November 3, Nilaini kha Kum 25 an tlin champha ni mahse remchan zawkna avangin Pathianni hian lawmna hun an hmang ta zawk a ni.
Peniel Kohhran Jubilee lawmnaah hian Biakin kawtah Jubilee lungphun hawnna Rev.C.Mawizuala, Bialtu Pastor chuan neiin biakin chhunga inkhawm Upa Lalringngheta chuan a kaihruai a ni. Secretary report ngaihthlak niin Evan K.Thanchhunga, Rev K.Satinvela leh Rev.C.Mawizuala, Bialtu Pastor te hnen atangin thusawi tawi ngaihthlak a ni a, Souvenir tlangzarhna Bialtu Pastor hian neiin Sis. Laltlanhlui, Sis. Sairengpuii Sailo leh Sis.Lalhmangaihzuali (Zualbawihi) ten fak hla an sa bawk. Evan H.Lalsiamliana, Church Board Treasurer chuan sawmbikte hnenah Souvenir hlanin in inkhawm banah inkhawmte hnenah Souvenir hi pek vek an ni bawk. Inkhawm hi Rev K.Hrangvunga chuan malsawm tawngtaiin a titawp a ni.
Zan lamah hun hman chhunzawm niin Evan H.Lalsiamliana’n thusawina a nei a, Bro.Lalchhuansanga leh Bro.Imanuel Lalnunsanga ten fak hla an sa a ni.
Peniel Kohhran hi Nov.3.1996 khan din niin Kohhran din a nih hian member 79 an awm a, tunah hian member hi 200 chuang an lawi mek tawh a ni. Peniel Kohhran din a nih rual hian Department hrang hrang pawh din ve nghal a ni.
Jubilee lawmnaah hian Peniel Kohhrana lo lawi tawh leh a dintu te zinga mi, mi tlemte sawm niin hlim takin hun an hmang a ni.
———-
Baptisma chang thar:
November 7, Pathianni zan khan Thuampui Kohhranah mi 2 in Bialtu Pastor Rev KVL Hmangaihkima kutah sual ngaihdamna baptisma an chang thar.
Khawzawl Bial-ah pawh Bialtu Pastor Rev C.Lalmalsawma kutah November 7, Pathianni khan mi 6 in sual ngaihdamna baptisma an chang a, Venglai Kohhranah nau 3 hlanin, Hmuncheng Kohhranah nau 1 a hlan bawk a ni.
Zemabawk bial, Lungbial Kohhranah November 6, Inrinni khan mithar 2 Bialtu Pastor, Rev R.Laltlankima chuan sengluhna a nei bawk.
———-
ADVERTISEMENT
Aizawl East District Missions Department chuan a hnuai a tarlan ang hian District Missions Evangelist a la dawn a, plain paper-ah ziakin dilna hi thehluh tur a ni ang.
Hna hming : District Missions Evangelist
Thawh hun tur : January – December 2022
Hlawh : Rs 15,000.00 pm + gratuity 5% of pay + Quarters
Dil thei chin : Licence nei chin
Dil theih hun : 28.11.2021 thleng
Interview hun : 1.12.2021 10:30 am
Interview-na hmun : District Committee Room
Thil tel ngaite : 1) Tualchhung Kohhran recommend-na
2) Bialtu Pastor Recommend-na
Personal information :
Diltu hming :
Pa/Nu hming :
Pianni/thla/kum :
Address :
* Dilna hi Director (Rev KVL Hmangaihkima – 9612248569) hnenah thawn tur a ni a, Whatsapp a thawn pawh pawm a ni ang.
* Interview a kal te hi TA/DA pek an ni dawn lova, mahni in tum tur a ni.
———-
Literature Committee:
November 4, Ningani khan District Superintendent room-ah District Literature Committee thutkhawm neih a ni. He hun hi Rev Vanlalfela Ramtiam, Chairman chuan kaihruaiin an thu passed langsar zualte:
1. Kumin 2021 atana Nilai zan zirbu tur hi hripui (Covid-19) leng avangin zir mumal theih a nih loh avangin kum 2022-ah chuan Kumina 2021 zirbu tur hi zir leh mai ni se tih a ni.
2. Kum 2023 atana Nilai zan thupui zir tur ngaihtuah nghal niin thupui hlawm hnih, Ringtute pawimawhna leh Rinna thute ni se tih niin Ringtute pawimawhna tih ziak turin Rev VL Hnemtluanga ni se, Rinna thute ziak turin Rev R.Laltlankima ni se tih a ni. Zirlai 40 ni se, Zirtur 20 ve ve buatsaih se an ti bawk a ni.
Literature Committee-ah hian Aizawl khawpui pawn tih loh memberte an telkim thei a ni.
———-
Hruaitute programme:
Rev Biaksangzuala, District Superintendent chuan Pathianni hian Sumsuih hmunah hun a hmang ang.
Rev Vanlalfela Ramtiam, District Secretary chuan November 7, Pathianni hmang khan a Bial vawn mek, Khawlian bial fangin rawngbawlna a nei a ni.
Rev VL.Hnemtluanga, District Treasurer chuan Pathianni hmang hian Zohmun bial tlawhin Zohmun Biakin sak mek leh 2022-ah District LAD Conference Zohmun Bial ten an thlen tur inbuatsaihna a enpui nghal a ni.
Facebook