Pennet News Service : Nov 4 – Nov 11

Pennet News Service : Nov 4 – Nov 11

————

Executive Board member-te Bangkok-ah :

November ni 8 atanga ni 11 chhung hian North East India UPC kohhran hruaitu Executive Board member te chuan Thailand khawpui, Bangkok-ah Seminar leh Board pawimawh an nei mek.

Bangkok ah hian November ni 7 leh ni 8 chhung khan UPCI Asia Cultural Experience Seminar- neih a ni a, he meeting pawimawhah hian North East India UPC aiawhin General Supreintendent Rev. Lalmalsawmna Sailo chu telin Asia khawmualpui chhunga ram hrang hrang aiawh UPC Kohhran hruaitu liante inhmuhkhawmna  a ni a, inpawhna thazawk leh zau zawka rawngbawl theih dan tur ruahmanna hrang hrang siam chu he meeting neih chhan lian ber a ni.

Executive Board member te hian ni Nov ni 8, Ningani zing lam khan Bangkok hi tluang takin an thleng a, Zirtawpni atangin Seminar hi an nei tan ang a, Nov ni 11, Pathianni thlenga hun hmangin seminar karawl hun remchang laiah Board meeting pawh neih thin a ni ang. He Seminar-ah hian Asia Regional Director Rev. Lynden G. Shalm chu Resources person-ah a tang a ni.

—————

Reduction Sale :

North Mizoram District Book stall-a lehkhabu awm te chu  tunlai hian reduction sale nei mekin, Lehkhabu tha tak tak te chu man tlawm te tea zawrh mek a ni.

Pathian thua hriatna tizauva thlarau nun chawm tak tak lehkhabute chu a duh apiang lei turin an sawm a ni.

————-

Joint Revival :

Hun engemaw chen atanga North Mizoram District board in ruahmanna a siam anga Bial thum atanga Bial 5 thlenga bial inkawpa Joint revival a buatsaih saih runpui chu Oct. ni 10 Inrinni zan atanga pathianni zan thleng hian Bial hrang hrang ten revival thlenna tura an ruahmanah an Bial Joint revival an nei hlawm ang.

He Bial Jt revival Bial inkawp tura ruat ten a kum leha an thlenna tur hmun ruat chawpin he hun hi thlarau lama tui hna thar lak nan an hmang tangkai thin hle a, Thlarau Thianghlim dawng thar leh siamtharna chang pawh an tha hnem thei hle a ni.

————

Dist Suptd fehchhuak :

Nov. ni 1 Ningani khan North Mizoram District Supdt. Rev.Laltluanga chuan  Aibawk Bial, Kelsih kohhran tlawhin rawngbawlna a nei a,  Evan.R.Vanlalchhanchhuaha leh Farnu JH.Lalzikpuii B W. ten an tawiawm a ni.

Rev.Laltluanga Dist.Suptt. chuan thuhril rawngbawlna neiin “Ka thlarau zawkin le” tih thupuia hmangin thu a sawi a, Kelsih khohran hote hian Biak In sak that an tum  mek a,  RCC-in Biak in ban leh bim an zo khat tawh a, chak takin hma an la chho mek a ni.

Dist.Supt. Rev. Laltluanga hian Kelsih-ah hian Nov. ni 4  Pathian ni zan thleng hun a hmang anga, Thusawi rawngbawlna erawh chu  Chhunah Evan.R.Vanlalchhanchhuahan a neia zanah unaunu JH.Lalzikpuii BW in a sawi thung a ni.

———–

Revival Crusade :

Oct. 30 atanga Nov, 4 hmang khan Rengdil kohhran te chuan Revival Crusade an buatsaih.

Revival Crusade-ah hian Evan T.Vanlalruata Tuikual ‘S’ chu Speaker-ah hman niin; Lalpa’n a rawngbawlna mal a sawm hle. Nov 3 Inrinni khan Naupang lang camp neih nghal niin; Evan T.Vanlalruata vek Speaker atan hman chhunzawm a ni a, campers  mi -51 lai awm in, Naupangte tan thlarauthianghlim dilsak an ni a, mi -5 in thlarau thianghlim baptisma an chang bawk.

Nov. ni 4 Pathianni zan inkhawm banah baptisma khur hawn a ni a, kohhran member sa Mi -7 in Sual ngaihdamna baptisma Lalpa Isua hmingin Evan T.Vanlalruata kutah an chang a, Nov.  5  Thawhtanni  ah Upa C.Lalhmuchhuaka te chhungkuain Pathian chawimawina neiin Speaker hian rawngbawlna a neih chhunzawm zel a ni.

Rengdil kohhran te hian Kohhran bungraw dahna leh committee rom  tur  an sak thar chu, Nov ni.4 Pathianni khan Bial tu Pastor C.Lalthlengliana’n Hlanna neiin, hetah hian Rawngbawltu, kohhran upa te, dept.hrang hrang hruaitu, Member thahnem tak an kal

————

Lawmthusawi Chawimawina :

Nov,. 2 zirtawpni khan Sis.Zirtluangi te chhungkua khawrihnim te chuan Pathian hnena lawmthusawi chawimawina an buatsaih.

Lawmthusawi Chawimawina Programme hi Oct. ni 31 Nilai zan a tanga hman tan niin; speaker a tan  Sit. Lalremruati Vairengte hman a ni, speaker hian tawiawm tu mi 2 neiin; kohhranho ten harhtharna an chang nasa hle a, thlarau lam hla te nen hun hlimawm taka hman thin a ni, zantin zaikhawm thin niin; Nov. ni 5 thawhtanni khan tihdam rawngbawlna, lal Isua hmingin neih mek a ni a, damlo ten damna an chang nasa hle bawk.

———–

Thianghlimna Campaign :

Kar kalta Nov ni 4 atanga ni 10 chhung khan Zawlnuam Bial chhungah Bial hmalaknain Thianghlimna campaign ngawrh taka kalpui niin; kohhran mipuite pawhin an hlawk pui hle. He Thianghlimna campaign ah hian Bialtu Pastor K. Malsawmkima hovin rawngbawltu hrang hrang ten an nei a, chanchin hriat thei chinah Local thumah campaign hi neih tawh niin; remchang anga hmalak chhunzawm zel a ni.

———-

Project tipuitling :

Kumin 2018 atana Sialsuk Kohhran ten Project atan BiakIn thlang zauh nan Ban phun leh Sound System neih chu Pathian tanpuina leh Kohhran te tanrualna avangin tihpuitlin a ni. Sound system hi Active Sound tha tak Rs 140000 sengin lei fel a ni a. hemi kawnga lo buaipuitu Tual UpaR. Lalthanpuia chungah pawh an lawm hle.

Sialsuk kohhran te hian Nov 10-11 hmanga Pastor Bial  4 Joint Rivival Sialsuk Biak In ah neih tur ah nasa taka inbuatsaihna kalpuiin; Kohhran te phur hle a ni.

Sialsuk Bial chhunga Lungsei kohhran te hi Oct ni 19 leh 21 hmang khan Lunglei District  Sekhum Missions Deptt ten  tlawhin kohhran pahnih ten hun hlimawm tak an hmang.

——

North Mizoram District Hruaitute Programme:

North Mizorram Disrict hruaitu pathum te bakah Executive Board member te chuan General Executive Committee Thailand khawpui Bangkok-a neih turah Nov. ni 7 Nilaini khan Aizawl an chhuah san a, Nov. ni 7 zan vekah Kolkotta atangin Bangkok an pan ang.

Bangkok khawpuiah hian Executive Board cum Seminar neiin; Regional Director Rev. Lynden shalm for Asia chuan seminar a neih pui ang.

 North Mizoram District Sunday school Department chuan Nov 15 Ningani hian District Sunday School Board a nei dawn a, Dist. Board ah hian kum 2019 District Sunday School Budget sawihona neih a nih bakah District Sunday School Mannual hruaitute’na an ruahman te an thlirho nghal ang.

————

Thlarau Thianghlim dawng lo puala hmalakna :

Lunglei District, Pangzawl bial Conference-in a lo rel tawh, Thlarau Thianghlim la dawnglo ten an dawn theihna tura hmalak nise tih chu bawhzuiin an fehchhuah mek.

Nov.4-6 chhung khan Bungtlang Local-ah bialtu Pastor R.Lalramhluna chuan rawngbawlna hi a nei a, Nov 6 thawtan zan khan mi thar pakhat kohhranah a lawmlut bawk. Hetiang hian bial chhung Local hrang hrangah Thlarau thianghlim la dawnglo tan hian fehchhuahna neih chhunzawm a ni bawk ang.

– Dt.17-18.11 ah Ramrikawn Local-ah

– Dt.24-25.11 ah Rawpui Local-ah

– Dt.15-16.12 ah Pangzawl Local-ah

– Dt.22-23.12 ah Khuanghlum Local-ah

———–

 Joint Conference :

1. Nov. 9 zirtawp zan atang khan Lunglei District,  Lungsen bial LAD & PYD Joint Conference Lungsen ‘N’ Local ah hman mek a ni a, Thupuiah ‘Thuthlung kha rawn pawisa ang che’ tih hmangin, Speaker atan bialtu Pastor  K. Vanlalhruaia an ruai. He Joint Conference hi Nov.11 Pathianni thleng hman a ni ang.

2. Nov.9 zirtawp zan atang khan Cherhlun bial PYD leh LAD Joint Conference chu S.Chawngtui biak in ah hman mek a ni a, Speaker atan pangzawl bialtu Pastor R.Lalramhluna an ruai a, Nov.10 inrinni khan rorelna inkhawm an nei.

———-

Bial Missions Conference :

Nov.9 zirtawp zan atang khan Bunghmun bial  Missions Dept. Conference vawi  40-na chu Bunghmun  Local ah neih tan a ni a, Thupui atan ‘Thuthlung kha rawn pawisa ang che’  tih chu hman niin,  Speaker  atan hian bialtu Pastor LH Lalchhandama, bial hruaitute leh Laisawral  Home Missionary  Evan K Lalhlupuia te an hmang.

————

Fehchhuak :

Nov.11 Pathianni hmang hian Farm veng Local PYD te chu Hnahthial venglai Local-ah rawngbawlna nei turin an fehchhuak ang.

———–

 Lawmthusawi chawimawina :

Nov.10 Inrinni khan Thenhlum Local-ah lawmthusawi chawimawina buatsaih a ni  a, Speaker atan Bialtu Pastor Pc.Zion Rammawia an hmang.

             Tunlai hian Thenhlum Local-ah hian Thlarau malsawmna a thleng mek a, kohhran hote pawh an hlim hle, tun lawmthusawi chawimawi an buatsaih hi tun hnaia a tum 5na a ni.

—————-

Kumpuan bawhzuina :

Theiriat bial Sunday School Board rorel bawhzuiin bial chhunga Local hrang hranga rawngbawltute chuan November thla chhung hian Sunday School kumpuan ‘Kan fate I chhanhim angu’ tih thupuia hmangin rawngbawlna an nei mek a. Sermon thupui tur hi topic hrang hrang hetiang hian an siam :

i) Nilai zan inkhawm apiangin – Kan fate I chhanhim ang u (Thianghlim turin)

ii) Inrinni zan inkhawm apiangin – Kan fate I chhanhim ang u (Social Media, Information technology lakah)

iii) Pathianni zing inkhawm apiangin – Kan fate I chhanhim ang u ( Thlarauah)

iv) Pathianni zan inkhawm apaingin – Kan fate I chhanhim ang u (Thuthlungah)

———

Tihdam rawngbawlna :

Oct 29 – 6 Nov. chhung khan Pukpui Local-ah Rev.C.Lalhmingthanga chuan tihdam rawngbawlna neiin hun a hmang a,  Nov.11 nilai zan atang khan Crusade a chhunzawm a ni.

            Tihdam rawngbawlna a neih chhung hian pantu an thahnem thei hle a, mi tam takin tawngtai sakna an dawng a, damna chang pawh tam tak an awm a ni.

            Crusade-a rawngbawlna neih chhunzawm a nih hnu hian Tui damdawi sem thin a ni bawk. He Crusade hi ruahman lawk ang chuan Nov.11 Pathianni thleng neih a ni ang.

———-

Intlawhtawn Programme :

Nov ni 4, Pathianni hmang khan Siaha bial chhunga home mission field Non Mizo(Ephatha) local leh Amobyu Vaithie(Zero) ah kohhran ten intlawhtawn an hmang.

Non-Mizo (Ephatha) Local ah hian Niawhtlang III (10-Km) Kohhran ten hun an hmang a. Zero(Amobyu Vaithie) local hi Siahatla LAD ten an tlawhve bawk a, Biak In sakna tur Rs.14,500 leh Belpui Khap 10 an hlan bawk.

He hunah hian palai lam ten hun pumhlum an hmang a, home missionary ten report anpe bawk. Ephatha local ah hian zan thleng hun hman niin, Kohhran ten mikhual pualin ruai anbuatsaih sak a ni.

———

ASC Home naupang leh thawktute Chhimtuipui District ah :

Nov ni 4, Orphanage Sunday pualin ASC Home, Kolasib – Khuangpuilam a kohhran hnuchham inpui atangin hnuchham 30 chuang leh thawktu engemaw zatte chuan Lawngtlai Town leh Siaha Bialah rawngbawlna an kalpui.

Nov ni 3, Inrinni khan Team I ten hian Chanmary local, Lawngtlai South leh Lawngtlai North ah rawngbawlna an neia, Team-2 lamte hian Dist Hqrs local, New Siaha, Siahatla local leh College Veng ah te rawngbawlna an nei thung.

Lawngtlai town ah hian Compassion Center Project Director Rev. Jh Zahluna  leh Naupang thenkhat ten hun an hmang a, Siaha khawpui chhunah hian Home Superintendent Evan C. Vanlalruata leh Home Naupang thenkhat ten hun an hmang thung a, inkhawm service apiangin naupang ten zai a rawngbawlna an nei thin a ni.

District chhunga khual duhawmte hi district puipa Rev.Thanchunga, Rev.WL.Thanghre, Rev.Ramthatzawla te leh Rev.Kholy Hlychho Siaha sectional Pastor ten Siaha khawpui chhungah an tawiawm a, Rev.Dr.C.Sihmo leh Pastor.S.Vanlallunghnema ten Lawngtlai Town an vil ve bawk.

Hetiang hian thilthlawn pek an dawng:-

Siaha bialchhung

Siahatla – Rs.29410

Hqrs   -Rs.27140

Coll. vaih-Rs.38350

Meisatla –  Rs.4000

Council veng -Rs.3000

Bial LAD – Rs.12000

Bial PYD – Rs. 2000

TOTAL -1,15,900

Lawngtlai town chhungah Chandmary local ten ASC Home pualin Pay-ment Appeal leh thawhlawm khawn sak a ni a. Tin, hemi bakah hian  bial PYD LAD, leh local dept te nen a vaiin Rs. 60,000 a tling khawm thei a, Home thawktu leh Naupang te an lawm hle.

———

Lawmthusawi Chawimawina :

Chhimtuipui District, Tuipang Lal Veng Local ah Nov ni 03, inrinni khan Pathian hnena lawmthusawi chawimawina programme buatsaih a ni a, Rev.C.Satinkapa leh Pastor.Robin MH.Lalthanmawia sectional pastor techu speaker anni a, kohhrante an hlim hle.

———-

Revival Crusade :

Nov 8-11 chhung hian Bungtlang South pastor bial chuan Hmawngbu local ah revival crusade an buatsaih mek a. He hunah hian  chhimtuipui Dist Dist evangelist Robert.B. Lalnunsiama T chu speaker atan an ruai.

———-

Sacrament rawngbawlna :

Tunlai hian Pastor Lalsawmliana Sailo sectional pastor Diltlang South chuan, bial chhung local hrang hrangah sacrement rawngbawlna a buatsaih thin a. Chawngte leh achheh velah hun hmangin seminar leh councelling hun ahmang thin a. Bialchhung kohhrante malsawmna dawngin sorkar chawlh apiangin local tinten hnatlang anko thin a ni.

——-

Buh thar kut :

 Nov 3, Inrinni khan S.Lungpher local chuan Buh thar kut an hmang a. chhungkaw tin ten Buh an thar te thawhlawm a hlan in, hengte hi sumah an chan tir a, Kohhran sumah an chhunglut thin a ni.

———

Camping buatsaih :

Oct ni 30 atanga Nov ni 3 chhung khan Lawngtlai North bial Vengpui kohhranah Salvation Camping, Ruihhlo ngaite puala buatsaih niin Mi 25 camping ah hian an lut.

   Speaker atan Rev VL Hnemtluanga Champhai bialtu, Aizawl East District hman niin, Councellor atan Upa Roreltluanga  N Khawbung leh Unaupa Isaak Lalnunfelate  an ni.

   Camping a lut te hian rawngbawltute rawngbawlna an hlawkpui hle a, Thlarau Thianghlim baptisma la changloten Thlarau Thianghlim baptisma an chang hlawm a, mi 13 in Lalpa Isua hmingin sual ngaihdamna baptisma an chang thar a ni.

Nov. ni 5, Thawhtanni khan  Tual Upa Lalchhanzova te chhungkuain an vawk an thawh a, mi thahnemngaiten sum thawh belhin Pathian hnena lawmthsuawi chawihawimawina programme an buatsaih a, Kohhran hoten hlim takin hun an hmang a ni.

———-

Section PYD Conference :

Barak District Headquarter Section PYD Conference vawi 34na  chu Nov ni 1 atanga ni 4 chhung khan Tlangmawi Local ah tluang taka hman zawh a ni.

Bial chhung Local hrang hrang atangin palai mi 70 chuang an kalkhawm a, Nov. ni 1, Ninga zanah Bro V. Gospel, Section PYD President chuan inkhawm a kaihruai a, Bro.Michael Neitham, District PYD Tresaurer chuan ‘Nova Hnena Pathian thuthlung pek’ tih  thupui a hmangin thuchah ngaihthlak a ni.

Nov ni 2, Zirtawpni  Chhun lamah Sports items hrang hrang hmangin hlim takin inelna an nei a, zan lamah Fellowship programme siamin hun an hman chhunzawm.

Nov. ni 3, Inrinni chhunah Section PYD Conference Rorelna inkhawm neih a ni a, Rorel inkhawm zawh 2nd Session ah

Bible Quiz hmanga inelna buatsaih chhunzawm a ni. Zan lam inkhawm service pangaia chhunzawm niin Bro Abraham Neitham, Section PYD Secratary chuan inkhawm a kaihruai a, Upa L.T.Muona Section Mission Director hnen atangin “Thuthlung thehdarhtu leh Chanchin?ha hril darhtu”  tih thupui hmangin Pathian thu ?ha tak ngaithlak a ni.

Nov ni 4, Pathianni zingah Sis B. Elizabeth, Section PYD Treasurer chuan inkhawm a kaihruai a, Pastor L. Kapma, Sectional Pastor hnen atangin “Thupek Ropui”  tih thupuia hmangin Pathian thu chah ngaithlak a ni.

 Pathianni Zan inkhawmah  Bro V Gospel, Section PYD President chuan inkhawm  a kaihruai a,

  Rev. Lallawmthang, Jiribam Section Pastor hnen atangin “Thuthlung Pawisak”  tih thupui hmangin Pathian thu ?ha tak ngaihthlak a ni.

Conference chhung hian : Bro. Lalvenghim, Sis. Rody, Sis Lalruotdik, Sis Laldinpui, Sis. Omeg Lalumpui, Sis. Laltanpui, Sis. Japeth Lalnunmawi, Bro Lalsiemthar, Sis Lalparmawi leh Gilgal PYD Choir ten zaia rawngbawlna an nei thin a ni.

——-

District Missions Board :

November 2, Zirtawpni khan Barak District Hrs. Hmarkhawlianah Dist Missions Director Rev. Lalthanmawia kaihhruaina hnuaiah Barak Dist Missions Department Board neih a ni a. General Missions Department aiawhin General Missions Director – Rev. R. Lalhawian a telpui a ni.

An rorel tlangpui te:

1. 2019 Budget siam a ni.

2. Karimganj Missions field tirkoh tur lakdan tur ngaihtuah a ni.

3. Tirhkoh lak hma zawng Tirkoh Lalropuia Joute, Silchar City Evangelist in lo hmui se, Allowance thla tin pek nise.

4. Karimganj Home Missions Tirhkoh lakna tur Advertisment chhuah nise, a lawmman tur thlatin Cheng Singkhat (Rs 10,000)  nise.

——–

Revival Crusade :

Nov ni 9 atanga ni 11  chhung hian Vangai Bial, Khangbor Kohhranah “Thuthlung kha rawn pawisa rawh” (Sam 74:20) tih thupuia hmangin Barak Dist Revival hman a ni dawn a. Speaker ah Evan. V. Lalduhawma, Lunglei Dist PYD president hman a ni ang.

———–

Zirlai ti tha chawimawina :

November 4, Pathianni zan khan Aizawl East District PYD Education Sub-Committee te buatsaihin  Zemabawk vengpui Biak Inah Aizawl East District chhunga Zirlai ti thate chawimawina hun hlawhtling taka hman a ni a, he hunah hian kum 2018 chhunga zirna kawnga hlawhlting tak tak mi 13 leh Special Award mi 1; avaiin mi 14 te hnenah chawimawina an hlan.

Zirlai chawimawina inkhawm buatsaihah hian Education Committee Chairman Evan Albert Chanchinmawia’n inkhawm a kaihruai a, Bro. Lalhriatpuia’n hunserh hmangin Aizawl East District Treasurer Rev. Vanlalfela Ramtiam chuan inkhawm Pathian hnenah a hlan a ni. Bro. Jh Biakdiktluanga, Secretary chuan  District Education hmalakna hrang hrang report-pe a chawimawi turte hming puang chhuakin Upa Dr. R. Lalfakzuala’n chawimawina thuziak a hlan bawk a ni.

He hun hmanna-ah hian Upa Lalnunmawia Chuaungo, IAS chuan thusawina hun hmangin chawimawina dawngtute leh he huna kal khawm PYD Member te hnenah fuihna thu sawiin rim taka thawk tute chuan hlawhtlinna an hmuh thin thute, Civil Service bei mektute chu hlawhtling ngei tura nasa taka tan lak a tul thute sawiin kalkhawm ten hlawkthlak an ti hle a ni.

He hunah hian Zemabawk Bial, Pentecostal Choir, Bethlehem Bial leh General PYD Choir ten zaia rawngbawlna an nei a, Bro Johny Lalthafamkima’n lawmthu sawiin Zemabawk bialtu Pastor leh District PYD President ni bawk Rev. R. Laltlankima’n malsawm tawngtaiin inkhawm a tin a. Inkhawm banah chawimawite puala buatsaih thingpui inhona hun an hmang a ni.

Chawimawina dawngtute hi a then Engineer, Doctor, Ph.D, M.A, B.A, Nursing, HSSLC, HSLC zirlai mi chhuanawm tak takte an ni nuk hlawm a, Kohhran hote hmasawnna a lawmawmin a thlamuan thlak hle.

Zirlai ti tha chawimawina hlan te :

1. Sis. Angela Vanlalhmangaihi, D/o Upa Lalneihthanga Kawlni, Tlangnuam, Upper Republic Bial- HSSLC Science, Distinction – 1st Position

2.Bro. R. Vanlalthlamuana,S/o Upa R.Vanlalawmpuia, Salem veng, – HSSLC Commerce, Distinction “- 10th Position

3. Sis. Lalhluzuali D/o Rinzauva, Bethlehem vengthlang. – B.A Economics,First Class- 6th Position

4. Sis Lalhmingchawii D/o Upa Ramhlunsiama, Hliappui,- B.A Public Administration, First – 3rd Position

5. Sis Zoduhsangi D/o K Neihkhuma, Dungtlang- B.A Mizo, First – 2nd Position

6. Sis. Thangchhuahmawii D/o Lalhmangaihi, Hnahlan Ramthar- B.Sc Zoology Distinction- 4th Position

7. Sis. Lalvenhimi D/o Pc Lalthangliana, College veng Aizawl- GNM Nursing First – 6th Position

8. Bro K.Vanlalthabera S/o K Vanlalvulmawia, Champhai Bethel.- M.A English First Class – 3rd Position

9. Sis. Dr. Grace Lalruatfeli D/o Evan H Lalhmangaiha, Chawnpui- MBBS

10. Bro. Lalnuntluanga S/o Lallungawia, Tlungvel-B.Tech Petroleum Engineering- First Class

11. Bro. C. Vanlalrindika S/o Evan C.Lalnunsanga,Serchhip – M.E.Structure- First Class

12. Bro. Dr. Lalruatfela Renthlei S/o Upa Jimmy L.Renthlei, Thuampui- Ph.D

13. Sis. Vanlalduhawmi, N. Vanlaiphai- B.Sc Biotechnology- 2nd Position

Heng bakah hian Kum danga an lo tih thin angin Special Award Upa K.Zakhuma, Champhai Bethel hnenah hlan niin ani hi Zirtirtu hna thawk thin niin Kum 1996 khan Pension-in a chhuak a, Pension-a a chhuah hnuah pawh Thalai zawkte fuih phur nan IGNOU atangin MA History Second Class-ah a pass chhuak leh a ni.

———-

Kumpuan pual Seminar :

November 4, Pathianni Chawhnu khan District Hqrs. Biak In, Ramhlun South-ah Aizawl East District PYD Kumpuan Sub-Committee te buatsaihin Aizawl khawpui chhung Local tin PYD OB leh Bial Kumpuan Sub-Committee Board Members te pualin Seminar buatsaih a ni.

Seminar thupui ah hian “INTODELH:ZIRNA LEH EIZAWNNA AH” tih hman niin Resource Person-ah Upa Dr.R.Lalfakzuala,Asst Professor,MZU chu hman a ni. He hunah hian member kal an tha in hlawk taka hun hman a ni a,Pentecostal Choir leh Bawngkawn Bial Zaipawl ten Pathian fakna hla an sa bawk a ni.

Aizawl East District PYD Kumpuan Sub-Committee te hian chak taka hma la mek zelin Bial hrang hrangah Kumpuan Campaign te an lo nei tawh a, tunah hian PYD Member kuthnathawka eizawng hlawhtling te kawmna hun hman tumin ruahmanna an siam leh mek bawk a ni.

———–

Thianghlimna Campaign :

November 4, Pathianni hmang khan Khawzawl Bial-ah Aizawl East District Secretary, Rev Biaksangzuala leh District Thianghlimna Committee Chairman, Rev C.Lalengliana te chuan Thianghlimna Campaign an buatsaih.

 November 5, Thawhtanni pawh khan Serchhip Dinthar Bial, Bungtlang Bazar Kohhranah Thianghlimna Campaign hlawhtling taka neih a ni bawk. He hunah hian Bialtu Pastor, Rev C.Laldintluanga leh Tobacco & Health lam atangin Bro.Lalramnghaka Kawlni te hnen atangin thusawi ngaihthlak niin rawngbawltu kalkhawmte hian hlawkthlak an tiin zuk leh hmuam nghei tum engemaw zat an awm nia hriat a ni.

————-

Revival Crusade :

Evan HK Lalhmangaiha leh a Team te chuan Sailulak hmunah rawngbawlna nei chho mek zelin November 4, Pathianni tlai khan Mual Inkhawm neih a ni a, hetah hian Pathian Pakhat thu, Thuthlung puanchhuahna neih a ni.

Thlarau lam boruak pawh nasa takin a thleng a ni. Crusade hi tih tawp tawh tura ruahmanna siam ni mahse Thlarau lam tulna avangin tunkar chhung khan chhunzawm leh a ni a, November 10, Inrinni khan Crusade denchhen hian Bro.Nghaktea te chhungkua chuan Pathian chawimawina an nei a, Kohhran hoten hlim takin hun an hmang a ni. Ruahman lawk ang chuan November 16 atangin Evan HK Lalhmangaiha te hian E.Lungdar ah rawngbawlna an nei chhunzawm leh dawn a ni.

Thuampui Bial, Thuampui-ah pawh November 4, Pathianni khan Bro Chhandama te chhungkua chuan Pathian chawimawina neiin Kohhran hoten hlim takin hun an hmang a, Falkland-ah mithar 1 Kohhranah sengluh niin Evan C.Lalchhuanga kutah sual ngaihdamna baptisma a chang nghal a, Nau pakhat a hlan nghal bawk.

——–

Joint Meet :

Serchhip Bial, Serchhip Dinthar Bial leh Chhingchhip Bial PYD te chuan ruahmanna an lo siam tawh angin November 10, Inrinni zan atang khan Serchhip Biakinpui-ah Joint meet an hmang mek.

Pathianni zan thleng a awh ang. Joint meet tan zan khan T.Upa C.Malsawmsanga, Serchhip Bial PYD President chuan thuchah sawiin Pathianni chawhma-ah T.Upa H.Vanlalsanglura, Chhingchhip Bial PYD President hnen atangin thusawi ngaihthlak leh niin Pathianni zanah Bro.Thangluaia, Serchhip Dinthar Bial PYD Vice.President-in thuchah sawina a nei leh dawn a ni. Pathianni Chawhnu hian Biakin tualah Fellowship hun   hman tur niin Item chi hrang hrang hmangin intihhlimna hun an hmang ang.  Joint meet hi Bial pathum te-ah inpawhna tha leh thawhhona tha zawk a awm zel theih nana buatsaih a ni.