UPCNEINEWSSERVICE NOV 25- DEC 2.2018
——-
Dec. 3 Thawhtan ni hian Gen. Hqrs Office, Mualpui, Salem veng, Aziawl ah Kum 2019 Sunday School zirlai bu Release Function neih a ni dawn.
Sunday school zirlai bu Release Function hi Gen. SS Director Rev. R. Laichhingpuia’n kaihruaiin General Superintendent Rev. Lalmalsawma sailo chuan a release ang a, General SS Secretary Rev. Vanlalawia hnen atangin Report ngaih thlak a ni bawk ang.
Lehkhabu Release tur te:
Zawlnei te te – Ziaktu – pastor C. Mangthangvunga
Senior Zirlai bu Kum 2 na –Ziaktu : Evan. F. Lalsangliana
Junior Kum 2 na – Ziaktu : Rev. R. Vanlalawia
Intermediate Kum 2 na – Ziaktu : Rev. RC. Puia (Reprint)
Primari Kum 2 na – Ziaktu : Evan. R. Ropianga (Reprint)
Beginners Kum 2 na – Ziaktu : Sis. Vanlalruati (Reprint)
——
General Hruaitute Programme:
General Superintendent Rev. Lalmalsawma sailo, Gen. Secretary Rev. R. Lalrinsanga leh Gen. Treasurer Rev. Zohmingthanzama, General Sunday School Director Rev. R. Laichhingpuia te chuan hmun dangah chhuak lovin an lawina kohhranah hun an hmang dawn.
General Missions Director Rev. R. Lalhawia Chuan Nov 30 zirtawpni khan Aizawl chhuahsan in Lunglei District Missions Department ten Conference an neih mek chu a hman pui a, Dec. 3 hian Mission Board thutpui leh in Dec 4 ah Aizawl a let ang.
——
November 30 zirtawp zan atang khan Lunglei District Missions Conference vawi 44-na chu Ramthar Local UPC Biak inah tan a ni a, Conference hi District Superintendent Rev. R. Lalrosanga chuan Pathian hnenah hlanin a hawng.
Conference-ah hian Thupui atan, “Chanchin tha famkim, khawvel pumpuiah” tih chu hman a ni a, Dec.1 inrinni khan District Missions Director Rev. VL Hmuaka kaihhruainain rorel neih a ni.
Conference chhung hian Evan. R. Lalengzauva, Vaisam Home Missionary, Evan. Simona Hmar, Putlungasih Home Missionary, Evan. F. Lalsanglura, Chengpui Home Missionary bakah General Missions Director Rev. R. Lalhawia ten thusawi rawngbawlna an nei ang a, Lunglei District PYD Choir, Pukpui bial PYD zaipawl, Headquarters bial PYD Zaipawl, Rahsiveng bial PYD Zaipawl leh Luangmual bial PYD Zaipawl ten zaiin rawngbawlna an nei thin a ni.
Dec. 2 Pathianni zing inkhawmah Rinna thutiam neih tur a ni ang a, Missions Field-a biak in sakna tur appeal-a ni bawk ang. Lunglei District Missions Department hnuaiah hian Missions Field pasarih a awm mek a ni. (Pic.Ramthar biak in)
——————-
Tlabung bial PCD te chuan bial chhungah PCD tunaia chak a a kal theih nan PCD pual Campaign an nei kal zel a, Nov.25 Pathianni khan Tlabung Local-ah bialtu Pastor R. Lalremsiama chu Speaker ah hmangin Campaign hi neih a ni tawh bawk.
——————-
Nov.25 Pathianni khan Theiriat Local-ah member thar pasarih (7) kohhranah sengluh an ni a, Vanhne Local-ah pawh member 3 kohhranah seng luh an ni bawk.
——————-
Nov.25 Pathianni chawhnu khan Luangmual bial PYD hmalaknain Lunglawn Zaia veng Local biak in ah Leadership Training neih a ni a, Lunglei Dist PYD Treasurer Evan. Laldinpuia Sailo chu Resource Person atan an ruai.
Training hi bial PYD President K. Lalrintluanga’n a kaihruai a, Bro. H.Lalkungpuia bial PYD V.President chuan hunserh hmangin, Nov.20 thawhlehni a boralta Luangmual bial chhunga Vaisam Local PYD President C.Laltlanzova sunna hun hman a ni bawk. B.Vanlalropeki’n zaia rawngbawlna a nei a, Resource person hnen atangin hruaitute mawhphurhna leh member te mawhphurhna hrang hrang thu pawimawh tak tak ngaihthlak a ni a, kalkawm ten hlawkthlak an ti hle.
Luangmual bial PYD hian kumin hian Lunglei dist PYD in Missionary a chawmna atana target anneih Rs.5500 bakah Rs.12000 in Missionary 1 an chawm bawk. (Pic.Leadership Training)
——————-
Nov.25 Pathianni zan khan Rahsiveng Local LAD te chuan Oct.18-a kohhran ding thar Sethlun Local hnenah Krismas ruai an ei na tur atan thleng 60 an pe.
Sethlun kohhrante hian thilpek an dawng nasa hle a, Luangmual bial LAD chuan Rs.5000 hlanin, Luangmual bial PYD leh Luangmual Local LAD te chuan Rs.3000 ve ve an hlan bakah Thuampui Local te chuan Pulpit an hlan bawk. Upa R.Lalrumliana Luangmual chuan Khuangpui leh khuangte a pe a, Luangmual Local kohhranpui chuan sound system, Kohhran hla bu, lecturn, dawhkan, thutthleng, no leh an mamawh tur thil engngemawzat an pe a, Luangmual Local PMD te chuan Dekchi lian tha tawk tak an pe tawh bawk. (Pic. Thilpek hlan)
——————-
Aizawl East District PYD-in Champhai Bethel Bial, Zokhawthar hmuna building an sak chu November 25, Pathianni khan hawnna leh hlanna hun buatsaih a ni.
Building pawnah inkhawm tawi neih niin Evan C.Lalchhuanga, District PYD Vice President chuan a kaihruai a, Rev R.Laltlankima, District PYD President chuan Building thar hi Pathian hnenah hlanin a hawng. Building hawnna-ah hian AED PYD OB te leh Champhai bethel bial PYD member engemaw zat bakah Zokhawthar PYD leh Kohhran nu leh pa te an tel bawk.
Building chhungah inkhawm tawi buatsaih leh niin, hetah hian building hlana zavai tawngtai rualna neih a ni a, Champhai bethel bialtu Pastor Lalhmangaihawma Parte, Rev R.Laltlankima leh Zokhawthar Church Board Chairman te hnen atangin thusawi ngaihthlak a ni bawk. District PYD Treasurer Bro R.Vanlalpeka chuan Technical report a pe a, report atanga a lan danin Zokhawthar building hi Kum 2017, November 24 khan Rev R.Laltlankima kaihhruaiin Champhai bethel bial PYD te nen Work Camp-a sak tan a ni a, a dung ft 32 leh a vang ft 22-a liana sak niin Champhai bethel bial PYD te kuta dah a nih angin Bialtu Pastor te nen tang hovin a sak hna an thawh chhunzawm a, tunah hawn alo ni ta a ni. He building sak nan hian cheng nuai li dawn sen a ni. Building hi District PYD OB meeting chuan Kum 2019-a District PYD Conference vawi 25-na lo thleng tur den chhenin Jubilee building tih ni se alo ti tawh a ni.
District PYD OB te hian November 25, Pathianni zingkar khan nakum 2019-a Champhai bethel bial ten District PYD Conference an thlenna hmun tur Bethel Field-ah Organising Committee te nen pandal sak dan tur leh thil tul te an en ho nghal a ni.
——–
November 24, Inrinni khan Khawruhlian bial, Pehlawn biakin chu Rev. Rosanga Kawlni, AED Superintendent chuan UPC North East India biakin pakhat ni turin Pathian hnenah hlanin a hawng.
Biakin pawna biakin hawnna hun hman a nih zawh hian Biakin chhungah biakin thar lawmna hman chhunzawm a ni a, bialtu Pastor K.Lalawmpuia chuan kaihruaiin Upa R.Lalthakima hnen atangin technical report ngaihthlak a ni a, Rev Rosanga Kawlni, District Superintendent hnen atangin thuchah ngaihthlak a ni bawk.
Biakin hawnna programme hi November 23, Zirtawp zan atang khan hman tan niin, Rev R.Lalthanzuala, Rev T.Lalbiakliana, Darlawn bialtu Pastor, Rev K.Thanchungnunga leh Rev Rosanga Kawlni, District Superintendent-te hnen atangin Pathian thuchah ngaihthlak thin a ni. Pehlawn biakin thar hawnna-ah hian bial chhung atang leh bial pawn atangin member engemaw zat an kal khawm a, Kohhran hoten hlim takin hun an hmang a ni.
———
November 22, Ningani khan Aizawl East District Missions Executive board vawi 208-na, Director Rev R.Lianzama kaihhruaiin neih a ni.
Board-ah hian Evan Lalthuthlunga, Treasurer chuan hunserh hmangin District Kohhranpui hruaitute pawhin an telpui.
Board hian October 26 atanga 28 chhunga Khawhaia District Missions Inkhawmpui hman thlir letna an nei a, a thlengtu Khawhai bial leh Khawhai khawtlang ten hneh taka an thlenna-ah lawmthu an sawi a, Conference hlimawm tak an hmanna-ah lawmthu an sawi bawk a ni. Heng bakah hian Kum 2019 January leh February thla chhungin Missionary support zawn chhuah vek hman ni se tiin an kalna tur bial pawh ruahman fel nghal a ni.
March 3. 2019-ah District Board neih ni se, agenda nei tur ten February 19.2019 ral hmain thehluh ni se an ti a.
Hruaikawn hmuna Missionary awm mek Sis. Lalthanpari B/W chu December thla thleng Hruaikawn hmunah hian awm tlang se tih a ni bawk.
District Missions Department hruaitute hian Sis Lalmani, Muanna Veng, Khawhai hmuna District Missions Inkhawmpui laia boral chu November 22, Ningani tlai khan Rev Biaksangzuala, District Secretary te nen ralna hun an hmang bawk a ni.
———-
November 30, Zirtawpni khan Aizawl East District PYD board neih a ni.
Board hi District Committee room-ah neih niin District PYD President Rev R.Laltlankima’n a kaihruai. Chanchin buatsaih lai hian chanchin kimchang tihchhuah theih ala nih loh avangin karleh Pennet news ah a kimchangin tihchhuah tum a ni.
An thu ngaihtuah langsar zingah Kum 2019 District PYD Budget thlir hoin Kum 2019 February 14 atanga 17 chhunga Champhai Bethel bial ten District PYD Inkhawmpui an thlen tura Programme tlangpuite duan nghal a ni. District PYD Board-ah hian bial atangin rorel palai an telkim thawhkhata District Kohhranpui hruaitute pawhin an telpui bawk a ni.
Aizawl East District Kohhranpui board pawh kar leh December 4 atanga 6 chhung hian Aizawl East District Committee room, Ramhlun South-ah neih a ni dawn a ni.
——-
November 23, Zirtawpni khan Thingsulthliah bial, Tualchhung Kohhran hrang hranga Church Board member te chuan District Office tlawhin hun an hmang.
Thingsulthliah bial te hi District Secretary Rev Biaksangzuala chuan lo dawngsawngin a kaihhruaina hnuaiah inkhawm tawi hman a ni a. Rev Biaksangzuala chuan Office Staff te inhmelhriattirna an neih bakah District Office kalphungte leh building sak mek chungchang report a pe a, District Treasurer Rev Vanlalfela Ramtiam, chuan lawmthu a sawi bawk.
Thingsulthliah bialte hi Bialtu Pastor, Rev Rohmingliana chuan hovin member kalte inhmelhriattirna a nei a, Office Staff, Kohhran member leh District Hruaitute tan tawngsakna an nei a ni. Thingsulthliah bial atang hian Church Board member 21 an kal thei a ni.
——-
November 24, Inrinni nileng khan District Hqrs. biakin, Ramhlun South-ah District Hqrs. Sunday School Department hmalakna in Naupang pual lang camp neih a ni.
Speaker-ah Evan H.Lalhmangaiha hman niin General Sunday School kumpuan “kan fate i chhanhim ang u” tih thupui hmangin nilengin hun hman a ni a, member 45 vel kalin hlawk takin hun an hmang a ni.
Aizawl East District Headquarters Local Kohhran, Ramhlun South Missions Department te chuan Nov 23 Pathianni zan khan Aizawl East District Superintendent leh Secrectary Quarters a dah tur in Blanket an hlan. He thilpek hi Dist. Hqrs Local Missions Director Evan Lalhmangaiha leh Fin. Secretary Bro. Vanlalpeka te chuan Local Missions Department aiawh in hlanna an nei a ni.
——–
October 29 atanga November 18 chhung khan Apostolic Herald Team Speaker Evan Vanlalruatsaka leh Team member te chuan Saitual bial Tualbungah Revival Crusade an nei.
November 17, Inrinni khan Lang Camp neih a ni a Campers 70 vel an awm a ni. Revival Crusade neih chhung hian Thlarau thianghlim dawng thar engemaw zat awmin mithar pakhat Kohhranah sengluh a ni bawk. November 19, Thawhtan zan atang hian Evan Vanlalruatsaka leh a Team te hian N.Lungpher hmunah Revival Crusade hi an nei leh mek bawk a ni.
November 25, Pathianni pawh khan Rabung bial, Rabung hmunah mithar 7 Kohhranah sengluh an ni bawk.
November 25, Pathianni hmang khan North Vanlaiphai bial PYD Inkhawmpuiin alo rel tawh angin bial chhung Local tinten intlawhtawn hlawhtling takin an hmang. N.Vanlaiphai Rawlkhang PYD te chuan Khawlailung Dinthar te tlawhin hun hlimawm tak an hmang a,. He hunah hian Speaker bik nei lovin member ten thusawi rawngbawlna an inhman chhawk thin a, Thlarau lam hla nen hun hlimawm tak hmangin he hun hmang tute hian hlawkthlak an ti hle a ni.
——–
Aizawl East District Hruaitute Programme:
District Secretary Rev Biaksangzuala chuan Pathianni hian an lawina District Hqrs. Kohhran-ah hun a hmang anga, Pathianni zanah thusawi rawngbawlna a nei ang.
District Missions Director Rev R.Lianzama chuan Pathianni hmang hian Keifang bial Maite leh Keifang hmunah Missionary support buaipuiin rawngbawlna a nei ang.
——-
Nov 23-25 chhung khan Chhimtuipui District HQRS local, New Siaha ah Dist Mission Conference neih a ni.
He Conference ah hian Rev. R. Lalhawia General Director chu speaker niin, General mission Secretary Rev. VL Tluanga Sinate chuan a tawiawm a, an ni hnen a tang hian Pathianthu Tha tak tak ngaih thlak thin a ni. He Conference ah hian District Mission Missions Director Rev. Ramthatzawla, Dist Missions secretary Upa. John VT.Hniehu leh Rev.Joseph.L.Thlauhthang ten inkhawm an kaihruai thin a, District PYD Choir, Lawngtlai South, South Lungpher local PYD Choir ten zaia rawngbawlna an nei thin a, District chhunga Home Missionary ten an rawngbawlna report an pe thin bawk. General Mission hnuai a Biak In hmun hnih a sakna tur khawmpui palai te hian an tuak bawk.
Chhimtuipui District Missions Conference ah hian palai riaklut mi 200 vel an awm a ni.
District Missions report tlangpui :
# Home Mission Field zat-12
# Home Missionary awm zat – 12
# Evangelist Teacher leh an thawhna:-
1) Bro.J.Lalsawma – Lunghauka Primary school niin Naupang 41 enkawl mek.
2) Bro.Rang Badhu Primary Sabualtlang niin Naupang thahnem tak a enkawl mek bawk.
# 2018 chhunga Mission field, worker leh mithar sengluh Dan:-
1) Evan.K.Lalzawmsanga- Chawngte C – 3
2) Evan.LC.Khailawng – Vahia – 5
3) Evan.T.Lalhmingthanga – Vartekkai – 5
4)Evan.T.Ngurchhuana – Hmawngbu & Brung – 44
5) Evan.B.Biakchhunga – Pangkhua -13
6) Evan.Larry.Lalliandinga – Ephatha – 3
7) Evan.RVL.Hriatpuia – Vaseikai -6
8) Evan.N.Thanghnuna – Riasika – 4
9) Evan.C.Lengkhara – Sihtlangpui -01
10) Evan.Robert.B.Lalnunsiama T – Amobyu Vaithie
11) Hmunnuam – Evan.C.Lalhmangaiha
12) Damdep II – Evan.Lalmawithanga
Kum 2018 chhun hian Field chhungah member 84 kohhranah sengluh tawh niin, Tun dinhmuna Field chhung a kohhran member awm zat chu 782 an tling tawh a ni.
# District Evangelist te member lakluh dan :-
1) Evan.N.Thanghnuna- member 21
2)Evan. Robert B.Lalnunsiama T – member 32
# Chhimtuipui Missions Dept. te rawngbawlna kaltlang hian tun kum chhungin mithar Field ah 84 leh Evangelist te rawngbawlna atang 53 sengluh tawh a ni a, 2018 chhunga Dist. Mission Dept. puala mithar neih zat hi mi-137 an tling tawh a ni.
# Chhimtuipui District Missions Dept. hmalakna Lang sar zualte :-
1. Vaseikai Quarters sak chhunzawm a ni.
2) Evangelist teacher pahnih rawih an ni.
3) Home tlawh thin a ni
4) Missionary support zawn niin, sum thahnem Tak Rs. Nuai 669,790 hmuh a ni.
Nov.24 (inrinni) chhunah conference Rorel na neih a niin Rev.Lalhawia Gen.Mission Director, Rev. VL. Tluanga Sinate Gen. Mission Secretary leh Rev.Thanchunga sailo, Adviser ten an tel pui bawk. An rorel langsar zualte:
1. 2019 chhung hian Niawhtlang Bialah Conference hi neih leh tur a tih a ni.
2) 2019 chhung hian district chhung hmun hrang hrangah crusade neih nise.
3) Missionary month September hi hlawk zawka hman nise.
4) Missionary pakhat thlakhat chawm Nan Rs. 500 Ni tawhse.
5) Amobyu Vaithie biak In sak Nan project siam tur a ni.
——-
Nov.24 (inrinni) zan khan District Committee room, New Siaha ah Chhimtuipui District PYD Board pawimawh tak neih ani.
He meeting hi Evan.K. Rinthara President in a kaihruai. An thurel pawimawh Zualte:-
District PYD Conference 42-na chgung chang hetiang hian rel a ni.
1) District PYD Conference 42-na ah General PYD hruaitute hun siamsak tur ani.
2) District PYD Conference ah hian Lunglei District PYD nen inpalai tur niin, hun siam sak tur an ni.
3) District PYD Conference ah General Kumpuan Committee tan hun siam sak anni.
4) District PYD Conference ah hian Bible character study neih tur niin, resources person leh thupui thlan fel nghal ani.
5) Dist PYD Conference ah hian “Nang MalsaWmna ni ang che” tih chu thupui tur niin Evan.K.Rinthara chu speaker ani ang.
6) He Conference ah hian Evan.Robert.B.Lalnunsia T chu Recording secretary ani ang.
7) He Conference ah hian Solfa leh lengkhawm zai a intihsiak a ni anga, judges tur hian Lunglei Dist PYD lam beisei an ni.
8) Conference Theme song music video siam tur niin Dist. PYD Choir ten hma an la anga, fund raise tûrin Upa. Israela leh Upa. B. Sangtlunga Lawngtlai North-te chu ruat an ni.
9) Dist PYD Zaipawl te form leina ngaihtuah pui nise.
10)Budget pharh niin, Rs. (Nuai) 357000 chu pawm a ni.
12) Dist PYD member zînga MPSC exam te chu duhsakna thil pek hlân tûr ani.
———-
District LAD Board :
Nov. 24 (inrinni) zing khan Dist Committee room ah Dist LAD Board tluang taka neih niin, District official-ten he hun hi an hmanpui. An thurel langsar zualte :
1) P.Lady tam zawk a subscribe anih theih nân nasa zawka tanlak nise.
2) 2019 Budget estimate siam a ni.
3) District LAD OB tih len rawtna chu District kohhranpui a thlen tur a tih a ni.
——-
North Mizoram District Hruaitute Programme:
District Mission Director Rev. C. Lalthantluanga chuan tun Pathianni hmang hian Vairengte Chhim venga Kohhran chhungkuate’n Pathian chawimawina neihah kalin rawngbawlna a nei ang.
North Mizoram Disrtict kum tawp Board chu Dec. ni 5 -7 chhung hian District Hqrs. Biak in Tuikhuahtlangah neih tur a ni a; Dist. Supdt. Rev. Laltluanga’n a ho ang.
Nov. ni 12 thawhtanni khan Tlangnuam local Missions Department te chuan mamit Biala awm Damdiai Home Missions Field Sunday School Hall tur an sak sak.
He Work camp neia fehchhuakte hi Bialtu Pastor Rev. K. Vanlaldika’n ho thin a, Damdiai kohhrante an lawm hle.
———
Nov. ni 14 Nilaini atang khan Kanghmun Bial Khawrihnim kohhranah Sis Lalremruati Vairengte chuan rawngbawlna neiin; ram beih hna an thawk a, chhungkaw khat Pentecost kohhranah seng luh an ni.
————
NEI UPC enkawlna hnuaia awm mek Audrine Scicm Children Home, Kolasib Khuangpuilam ami chu Pu Lalthlanga chuan kum 10 liam ta atang khan kumtinin tanpuina thilpek a hlan thin.
Pu Lalthlanga hi Pentecost kohhrana lawi a ni lova, tanpuina a pek hi sum leh pai a nih chang te a awm a, Naupang hak tur thawm hnaw thar leia a pek chang te pawh a awm bawk. Hetianga Fahrah leh chanhai te hmangaiha thilpek pe thintu Pu Lalthlanga chungah hian District hruaitute pawh an lawm hle a ni.
——–
Chaltlang Bial, Bro. KL Remsanga Chanmari local PYD President leh a chhung te chuan kumin 2018-a West Phulpui kohhranin Krismas leh kumthar hlim taka an lo hman theih nan tangka fai tanpuina thilpek atan Rs 5000 District Missions Deptt. kaltlangin a pe a, Dist. Missions hruaitute an lawm hle.
——
Chaltlang Bialte chuan Nov. ni 12-17 chhung khan District Camping Centre Sakawrtuichhunah Camping hlawhtling tak an nei.
Camping-ah hian Evan. Zoramthara District tirhkoh ramtlan chu hman niin; Campers mi 51 lut zingah mi 46 an awm tluan a, Nov. ni 17 zing dar kua khan campers ho zingah Isua hminga sual ngaihdamna Baptisma channa buatsaihin he rawngbawl hna hi Camping Speaker Evan Zoramthar-a chuan a nei a, Baptisma chang mi 19 awmin an zingah mi 3 chu Pentecost kohhran la ni ngai lo te an ni. Kohhran dang baptisma chang zingah pahnihte chuan Pentecost kohhrana awm nghal an duh avangin Camping Director Upa R. Lalhmangaihzuala chuan kohhran lawmluhna a nei nghal bawk. Thlarau Thianghlim dawng thar pawh mi thahnem tak an awm bawk a ni.
Camping hi Nov. ni 17 Inrinni khan tihtawp niin; Follow up Programme hman chhunzawm a ni a, Nov. ni 19 Thawhtanni tukah camping chu a tiak ta a ni. Camping boaruak atangin Baptisma chang tur hi an awm belh zel bawk a ni.
———
Sairang kohhran te chuan kum 2019 January ni 26-a Golden Jubilee lawm tura an inbuatsaihna chu tluang taka kal zelin; Nov. ni 18 Pathianni khan Golden Jubilee lawmna hun hawn a ni.
Jubilee hman hun hawn ni hian mi 1 in baptisma changin, inkutsuih runpui Prog neih ni bawkin nupa tuak 5 an inkutsuih tha bawk.
Maubawk Local Missions Dept. te chuan Nov. Ni 18, Pathianni khan, Dapchhuah khua, Lengpui bial chhunga awm chu tlawhin member 53 an thawk chhuak a, Lawipu local Mission Dept. atangin member 14 in an tawiawm bakah Lengpui bial atangin Bialtu Pastor leh midang 3 in an tawiawm bawk a, an vaiin mi 71 an kal ni.
He Intlawhnaah hian mithar 1 lawmluh a ni a, nau 5 hlan a ni bawk. Maubawk Bial Missions Dept. te hian Dapchhuah rawngbawlnaa hman turin combo tha tak mai an pe a, Lawipu local MD in Dekchi lian an pe bawk.
Maubawk local MD in Krismas hmanna tur Rs. 2000/- pein; Bro. Daniala te chhungkua in Rs. 1000/ an pe bawk a, heng bakah hian inkhawm thawhlawm Rs. 3270/- an pe vek bawk a ni.
Dapchhuahah hian kum 2018 April thla atangin Maubawk bial Mission Dept.in Tirhkoh ruaiin rawngbawlna an tan a, Bro. Vanlalawia Thingdawl local a mi chu tun thlengin la rawih a ni. Kum 2019 kumtharah pawh rawih chhunzawm zel an tum bawk. Dapchhuahah hian kohhran member 13 neih mek niin; Dapchhuah kohhran te chuan kohhran hote mamawh pe a tlawhtu zawng zawngte chungah lawmthu an sawi a ni. ———
Nov. ni 20. Thawhtanni khan RENGDIL Local PMF te chuan Kanhmun kohhran tlawhin, Kanhmun kohhrante’n Biakin an sak mek chu puiin inchhun siamin lehlangin hna an thawhpui, Rengdil PMF Member te hi 17 lai thawk chhuakin hnathawh tura an ruahman te mawi leh tha takin an zo thei a ni.
Kanhmun Local te hi RENGDIL Biala awm reng tawh thin niin; Bial in dan avangin kum 2016 atang khan Zawlnuam Bialah an awm ta a, Rengdil local PYD te pawh hian an Biak in Chhuat (Slap) chhûnah pawh nasa takin an lo pui tawh bawk.
Kanhmun local ah hian member Sawmnga (50) vel chauh awm in, tuna an Biak in sak mek hi RCC in a dung ft 43 leh a vang ft.24 a ni.
———
Rev. C Lalbiakzuala, Chaltlang bialtu Pastor chu kum 65 a tlin avangin pension-in a chhuak a, Nov. ni 21 khan North Mizoram District hruaitu leh Office staff ten Chaltlang Biak In ah an thlah.
Rev Chhiarpuia, District Secretary chuan Thlahna thuchah sawiin ‘Rawngbawltu thlemna leh harsatna tawh avanga an rawngbawl hna thawk zîktluak thei lo tam tak an awm laia, Rev. C. Lalbiakzuala chu pension thlenga rawngbawl hna a thawk thei chu lawmawm a tih thu a sawi.
Rev. C Lalbiakzuala hian kohhranin harsatna a tawh lai 1995 October ni 1 ah khan kohhrante ngenna avangin a sawrkar hna kalsana Pastor-a lut a ni a, kum 23 a thawk hman a a ni.
Chaltlang Bial atanga Pension-a chhuak ta Rev C Lalbiakzuala hi mi entawntlak tak niin; rawngbawlna kawngah engah mah tlai ngai lo leh serh leh sang rawngbawlna uluk em em thin a ni a, Incheina leh thusawiah pawh mi fimkhur, thlarau mi tak, dan leh hrai pal ngai lo a ni.
Pastor anih chhungin Bilkhawthlir bial, Aibawk bial, Kanghmun bial, West Phaileng bial, Sihphir bial leh Chaltlang bial te lo bial tawhin, hei bakah hian Tripura District Superintendent hna a lo thawk tawh bawk.
District office in thlahna a neihah hian District Treasurer Rev K. Lalduhsanga’n Thlahna thuziak leh tangka fai Rs (sing) 10000 a hlan a. District Department zawng zawngin ngaihhruina an hlan bawk. Thlahna inkhawm hi District Superintendent Rev Laltluangan a kaihruai a ni.
——
Nov. ni 22, 2018 khan North Mizoram District PYD chuan Headquarters Commitee Room ah Board meeting an nei.
District Board hi Evan.F.Lalngaihawma President-in a kaihruai a, North Mizoram District hruaitu pathum ten an ho bawk.
District PYD Board rorel langsar zual te :
1. North Mizoram Dist. PYD din hun kohhranin harsatna a tawh avanga tih chian hleih theih loh chu, Kum 1961 March ni 4 a nih chu Document hlui PYD chanchin inziahna hmasa bera hmuh a nih avangin kum 1961 March ni 4 chu North Mizoram District PYD din kum leh a hun atan pawm a ni.
2. Dist. PYD Choir Inenkawlna dan Dist. Music Commt in an duan chu enho va, siam rem ngaite siam remin pawm a ni.
3. Kum 2019 Dist. PYD Budget atan Rs. (Nuai)11,58,000 pawm a ni.
———
Nov. ni 24 zing khan kumin 2019 August thlaa New Eden khuaa Kohhran dingah kohhran Biak In sakna tur lei a ni.
New Eden pan hian Dist. Superintendent Rev.Laltluanga chuan Nov. ni 23 khan Aizawl chhuahsanin Tuidamah an riak thla a, 24 Nov. 2018 zing karah New Eden-ah kal in, Biak In hmun tur hi lei fel a ni ta a ni. New Eden-ah hian rawngbawltu Sist. Lalhriatkimi chuan a awm chilh meka ni.
Dist. Suptt. hian Khawthlang tlang dung fangin Biak in hmun hma lei tur te en pahin, Zawlnuam bial kohhran hrang hrang te a tlawh bawk. (New Eden Biak in hmun lei)
Thenzawl Bial Mission Dept. te ramthim field Chrismas hmanna atan fehchhuak:
Thenzawl Bial Missions Department te chuan District Home Missions Field hrang hrangah Christmas hmang tur te’n hlim taka an hman theih nan Christmas senso phuhruk nan tanpuina hetiang hian an pe 1. Kolalian 4,000 2. Bajirung 4,000 3. Damdiai 4,000 4. Marpara 4,000
Tin, Pukzing Vengthar tan Rs 2,500 an pe dawn bawk a ni
———
Kawnpui Bial P.Y.D. te bultuma Kawnpui Kanaan venga rawngbawlna Pathianin a thawhpui a, Preaching point a ding.
Kawnpui Kanaan vengah hian October ni 1 atang khan Kawnpui Bial PYD te hmalaknain Evan P.CLalianmawia ruaiin rawngbawlna neih a ni a, rawngbawltu leh Bial kohhranhote hmalakna avangin Preaching Point hi a lo ding ta a ni.
Preaching Point hawn inkhawm hi Nov. ni 25 Pathianni khan neiin; Bialtu Pastor Rev. C.Lalramthanga chuan Preaching point atan apuang a, Kanan Preaching Point kohhran hruaina hna lo thawk lailawk turin heng mite hi a ruat nghal bawk.
Chairman Bro Lalianzuala Sailo, Secretary. Bro Lalawmpuia leh Treasurer atan Bro. Lalrinzova te a ruat a, Comt Member atan Bro. C.Lalthuthlungliana te a ruat nghal a ni.
Preching Point hawn inkhawmah hian Bialtu Pastor Rev. C. Lalramthanga chuan Pathian Thuthlung sawiin; inkhawm banah Baptisma khur hawn a ni bawk. Hemi ni hian mithar member 5 in sual ngaihdamna Baptisma an chang nghal a ni.
Kanaan veng Preaching Point tan hian Dawrpui Vengthar Kohhran chuan Thleng 40 leh No 29 an pe a. Kawnpui Bangla veng Kohhran pawhin Khuangpui leh khuangte an lo pe tawh bawk a ni.
Facebook