UPCNEINEWSSERVICE Nov 22-29.2020
———-
PenNet Meeting :
Nov ni 24, Thawhlehni khan General Hqrs Office, Mualpui Salem veng Aizawlah PenNet committee chuan meeting an nei.
Meeting ah hian kum thar budget tur pharhin, kum 2021 PenNet budget atan cheng Nuai 13, leh sang 6 an pawm a, kum thar atana hmalakna tur ruahmanna hrang hrang an siam bawk.
PenNet Treasurer Bro. C. Lalrammawia report atanga a lan danin, kumin kum kal laia PenNet budget-a lut tur sum zaa 65 vel sum a lut tawh a, North Mizoram, Lungleh, Chandel leh Imphal District ten an target an tlak tawh a ni.
Meeting hi Rev. R. Lalhawia, PenNet chairman chuan a kaihruai a, UPC-NEI General Suptd Rev. Lalmalsawma Sailo leh General Secretary Rev. R. Lalrinsanga ten an ho a ni.
———-
CBC session thar :
UPC-North East India Kohhran enkawl Pathian thu zirna, Calvary Bible College chuan kum 2021-2022 session atan admission a hawng tan leh ta.
Kum thar session-atang hian a vawi khatna atan Bachelor of Divinity (B.D) zirna a buatsaih dawn ta a, he mi rual hian B.Th admission pawh hawn nghal a ni.
Application form hi March ni 31, 2021 aia tlai lovah thehluh tur a ni. Application form leh tul dang hi CBC website http://cbc-upc.com ah download theih a ni.
———
General Sunday School Board :
Nov ni 20, Zirtawpni khan General Sunday School Board chuan General Hqrs Office Mualpui Salem Vengah meeting an nei a, hripui len vangin North East state dang leh Mizoram chhim lama member te an kal thei lova, rorel tur pawh a tul zual chauh rel a ni.
1. Board hian Kum 2021 budget tur a ruahman a, Hri pui len avangin tul zual atan Rs 32,00, 000 (nuai 32) ruahman a ni.
2. Missions field a member te tan Hindi, Assamese, Bengali, Karbi tawngte a Naupang zirlaibu lehlin tawh niin kum thar atangin Nepali leh Meitei tawnga lehlin tura hmalak nise.
3. Kum 20 kal taa Puitling Sunday School in Holy Bible bu pum hrilh fiahna zir zawh tura ruahmanna a lo siam tawh chu bu 4 hmabak a la awm a. Hmabak la awm zinga bu hnih I & II Chronicle chu Pastor C Malsawmzela M.Th, Lecturer CBC Shillong in lo ziak in, Thuhriltu leh Hla thlan khawm bu te Rev. K Malsawmtluanga M. Th Vairengte bial Pastor ten lo ziak se an ti a, kum 2024 ah chuan zir zo hman tura ruahmanna siam a ni bawk.
———
Arvice Cell hmalakna kalzel :
Nov ni 19, Ningani khan UPC-North East India; Archive Cell Committee-in hma la tura a ruat chhuah te chuan Kohhran din tan tirh a nih laia North Lungleng khuaa Baptisma channa hmun pui pawimawh tak, Lungsum lui hmun hma tlawhin an fehchhuak.
Lungsum lui hi North Lungleng khua atanga kilometer 1 vela hlaa awm a ni a, he lui luanna hmun rem lai tak maiah hian lungsum, a dung ft 8 leh a vang ft 4 vela zau, ft 2 aia thuk mah turin rualrem takin a khuar a, Baptisma channa atana pawh a remchang hle a ni.
He lai Lungsumah hian kum 1949 March ni 1 khan Pu Zakamlova kutah Upa Laltanga leh Pu Zazawna ten Isua hmingin sual ngaihdamna Baptisma an lo chang a, he hmuna Baptisma chang hmasa ber an ni. Hemi hnu hian Pu Zakamlova kutah tho March 14, 1949 ah Pi Sangaii’n a chang ve leh a, March 17, 1949 khan mi thahem takin a huho in Baptisma chan runpui an nei leh bawk.
North Lungleng khuaah hian Committee in a ruat chhuah- Rev. Zohmingthanzama , Rev. R. Vanlalawia, Rev. H. Lalngailiana leh Bro. R. Lalbiakfela te an feh chhuak a, North Lungleng Kohhran Upa Lalthawmliana’n Lungsum luiah hian hruaiin a tul dan ang angin a lo buaipui a ni.
He hmalakna kalzelah hian Nov ni 26, Ningani khan General Suptd Rev. Lalmalsawma Sailo hovin, Archive Cell Committee in mawh la tura a ruat, Chairman Rev. R. Vanlalawia, Secretary Rev. H. Lalngailiana leh Bro. R. Lalbiakfela te Lungleng hi an kal leh a, Lungsum lui hi an tlawh bakah Kohhran din tirh a ni laia helai hmunhma chanchin pawimawh leh a hre tur mi pawimawh tak tak te an kawm kual a ni.
———–
Aizawl East District :
November 22, Pathianni khan Champhia Bial, Champhai Dinthar Kohhran Biak In sakna tur lungphum chu Rev. VL. Hnemtluanga, District Treasurer chuan a phum.
He hun hi Bialtu Pastor F.Malsawmtluanga chuan kaihruaiin bial hruaitute leh tualchhung kohhrante nen hun an hmang a ni. He hunah hian Evan F. Zirliana’n Chanchin tha famkim tih hla thiam taka sain hun a hmang bawk. Champhai Dinthar hi Preaching Point a enkawl mek niin member pawh an pung ve mek zel a ni.
Rev VL Hnemtluanga, District Treasurer hian lungphum phumna a neih pah hian Champhai Bial leh Champhai Bethel bial bakah N.Vanlaiphai bial chhunga Kohhran hmunhma en thli thlaina a nei pah a, Zirtawpni khan Zote Biak In sak lai mek chu Bialtu Pastor Lalhmangaihawma Parte leh Champhai Bialtu Pastor F.Malsawmtluanga te nen hmalak zel dan tur an enho bawk. Chhungte Kohhran ram teh fel tawh, a pass chhuak mai lo chungchangah Revenue Office dawr niin a bawhzui dan turte ruahmanna neih a ni. Champhai District a SDO (SADAR) ni mek T.Upa Lalnunfela Chawngthu pawh a chennaah hmuin, Chhungte kohhran ram leh a pass chungchanga hma laksak tura ngen a ni bawk.
Inrinni khan Zokhawthar hmuna District Building sak mek chu Bialtu Pastor leh Champhai Bialtu Pastor te nen enho niin hmalak zel dan tur thlirho a ni bawk. Zokhawthar atang hian Tiau khuaa Kohhrante hnenah Kalay District 1 (Tahan District tia kan lo hriat thinte) a Pastorte leh kohhrana thawktute tanpuina sum hlan a ni bawk.
Aizawl East District hian Foreign lama unaute hi kum rei tak thawhpuiin tanpuina kumtin an lo hlan tawh thin a ni. Thawhtanni khan Champhai atangin N.Vanlaiphai Bial, Leilet Kohhran ram, khawchhung kawng zauh meka Bialtu Pastor leh Kohhranho lo ruahmanna enpui niin, an lo ruahmanna chu a tha tawka ngaih a ni. Tlaiah Lungkawlh kohhran Biak In sak mek enho niin hmalak zel dan turte Bialtu Pastor B Lalhmingliana leh Tualchhung kohhran hruaitute nen thlirho lehin Thawhlehni khan tluang takin Aizawl a rawn thleng leh a ni.
———
District PYD Board :
November 27, Zirtawpni khan Aizawl East District Committee room-ah District PYD Kumtawp Board neih a ni. He hun hi Rev C. Lalmalsawma, District PYD President chuan kaihruaiin Bial atang leh Official atanga agenda lutte an ngaihtuah bakah Kum 2021 District PYD Budget thlirhona an nei bawk a ni. District PYD Board-ah hian hri leng mek avangin Bial atangin board member duh angin kal tha lo mahse tluang takin neih a ni a, he thu buatsaih lai hian an thu passed kan hre hman lova, karlehah tihchhuah tum a ni ang. District PYD Board hi Kohhranpui hruaitute pawhin an telpui a ni.
——–
Fehchhuak :
November 24, Thawhlehni khan Rev Biaksangzuala, District Superintendent leh District PYD Hruaitute chuan District PYD in Missions Department kaltlanga rawngbawlna a neih mekna, Khawlian Bial, Daido hmunah an fehchhuak a, Nilaini khan tluang takin Aizawl an rawn thleng leh a ni.
District Hruaitute hian Daido hmuna rawngbawlna kalpui mek chu en thli thlaiin rawngbawlna kalpui zel dan tur an enfiah a ni. Daido hmunah hian hun engemaw chen atang tawh khan District PYD hian rawngbawlna alo kalpui tawh a, rawngbawlna kalpuina tur atan hian Bial hrang hrang te pawhin Bial Inkhawmpui-ah appeal te neiin Faith Promise hmang te in sum leh pai thawhchhuah a ni thin a, rawngbawltu pawh mi hrang hrang dah tawh niin mithar pawh neih belh mek zel a ni. Tunah hian Daido hmunah hian Sis Sangkhumi B/W chuan rawngbawlna a nei mek a ni.
District PYD Hruaitute hian Daido-a rawngbawl mektu Sis Sangkhumi B/W pasal, Bro.F.Zoramchhana damlo kannan sum fai an hlan bawk a ni.
——–
member thar :
November 22, Pathianni khan Bawngkawn Bial, Bawngkawn Kohhranah mi thar pakhatin sual ngaihdamna Baptisma, Bialtu Pastor, Rev C.Mawizuala kutah a chang.
Bazar bialtu Pastor, Rev. HL Thakunga pawhin Pathianni vek khan Bazar Kohhranah leh Armed Veng Kohhranah nau pali Pathian hnenah hlanna a nei bawk.
———
Hruaitute Programme:
Rev. Vanlalfela Ramtiam, District Secretary chuan November 26, Ningani khan Ngopa Bial lamah Kohhran hmun hma enfelin a kal a, Ningani vek khan NE. Khawdungsei Biakin sak mek en in Zirtawpni khan Kawlbem Kohhran te a tlawh leh a, Inrinni khan dam takin Aizawl a rawn thleng leh a ni.
———
Churachandpur District :
Nov. 24 2020 khan Churachandpur Dist. Board meeting neih a ni a, an thurel tlangpuite:
(a) Rev. Haungama, Lentlang bialtu chu Dec. ni 28th 2020 ah a pension tawh dawn a, a pension thlahna tur hi Christmas chawlhlai a nih avangin Dec. ni 21, 2020 Thawhtanni ah thlahna Programme hman nise.
(b) 2021 Budget session hi kumthar Jan. 14 &15 ah neih nise, chutah chuan Pastor post pakhat ruak hnawhkhah nan Interview koh nise, Advertisment chhuah nghal ni se tih a ni.
(c) Diphu Bial Pastor i/c Evan. John L. Pulamte an rawngbawlnaa a hman atan Rev.Lalzawma te chhungkua in Two wheeler leina turin Rs.30,000/- an thawh bakah midang thawhbelh thei zawn nise, Dec. 2020 thla chhunga leisak tum ni se.
(d) Nov. ni 29 2020 Pathianni Chawhnuah Dist. LAD hotute hmalaknain Tuibong Section Hqtrs. Tuibong ah Section huapin Seminar an neih turah Dist. Supt. in ho se tih ani.
—————-
Nov.26,2020 khan CCpur Dist. S.S. Board chuan kumtawp thutkhawm an nei a, 2021 budget leh 2020 S.S. exam neih dan tur te an sawiho a ni.
—————–
Churachandpur District, Thingkangphai Local PYD Sis. Euniky Kimneithem D/o Bro.T. Lamkholal, chu Nov. ni 25 2020 khan Imphal Porompat JNIMS Auditorium ah MBBS zir tura thlan chhuah a ni a, kohhran ten an lawmpui hle.
Thingkangphai Local ah hian Nov ni 23, khan mi pakhat in bialtu pastor Rev. K.Lalramdina kutah Isua hmingin baptisma a chang bawk.
————-
Nov.21, 2020 khan Pangzawl Section huam chhunga Singngat vengnuam Local a Dist. Term Evangelist quarter sak thar chu Unaunu Kimcha in luah lut in, bialtu Pastor Rev. K. Lalramdina’n tawngtaina nen hlanna hun a hmang, Sis. Kimcha rawngbawlna hi Pathianin malasawmin, mithar tha hnem tak kohhran ah a seng lut tawh bawk. (Pic.)
————–
E.L. Scism H/S CCpur chuan kumin a an zirlai Cl-IX leh X a duh apiangte tan Study Camp a buatsaih a, Zirlai naupang 45 te chu Zirtirtu hovin E.L. Scism H/S ah hian an camp mek a ni. (Pic.)
———–
Chhimtuipui District :
Chhimtuipui District Mission Conference hun tur sawn a ni.
Chhimtuipui District Mission Conference Vawi-38 na Dt.6/11/20 a Siaha Council Veng Local a neih tura ruahmanna siam tawh chu, hri leng in zual lam apan zel avang leh sawrkar in inkaihhruaina hrang hrang asiam bawk avangin a hun hi sawn a ni a, kum 2021 March thla a Dist Conference hunah Dist Mission Conference rorel hi neih ani ang.
Siaha Council veng local te inbuatsaihna leh ruahmanna hrang hrang an lo kalpui tawhna ah Dist Mission Dept chuan lawmthu a sawi a ni.
———–
Nov. ni 16 Thawhtan ni khan Chhimtuipui Dist. Sunday School Dept. chuan executive meeting pawimawh tak an nei a, an thu rel pawimawh zualte:
1. Hri leng avangin Inkhawm/Sunday school kal/kai theih a ni lova. General SS Dept. in Exam chung chang chu Dist SS thuneihna adah bawk avangin Naupang SS Beginner Dept atang a Doctrinal Dept. te chuan kum 2020 exam hi neihloh tur ani.
Nakum 2021 hian Beginner to Doctrinal dept te hian kum in zirlai bu(text book) ngai hi zir nawn/hman nawn leh tur anih avang in he thu tlukna hi siam ani.
2. Puitling SS erawh Exam neih tur ani. Nakum 2021 hian Rom hrilhfiahna Rev R Lalrinsanga ziak chu Puitling zirlai bu ah hman anih dawn avangin Puitling bik hi exam huai hawt tur a tih ani.
3. Puitling zirlai exam tur question paper chu Dt.06.12.20 hian Dist Mission Conference palai lokal te hnen ah local tin leh bial chan tur sem chhuah ani ang.
4. Dt.13.12.20 khi Puitling zirlai exam ni atan hman tur ani.
5. Dt.16.12.20 ral hmain Bial SS dept hruaitu te hnen ah exam chhanna paper zawng zawng theh luh tur ani.
6. Exam na paper endik chu Bial SS Dept ten ?ha antih angin ruahmanna ansiam ang.
7. Puitling result puan pawh Bial SS Dept ten ?ha antih angin an ruahman ang.
8. Local tin/ Bial tin ten Dist SS a sum chhun luh tur zawng zawng chhung lut zel turin an ngen tak meuh ani.
9. Local/Bial tin ten Dist SS Dept a sum an chhun luh ang ang te report tih chhuah ani.
———-
Dist PYD Enlarge & Editing Board vawi-3 na neih a ni
Chhimtuipui Dist PYD ten Inkaihhruaina dan bu amend tur a committee peng adin Enlarge & Editing Board te chuan Dt.26.11.20 @ zan 6:00 pm khan T. Upa N. Lalchhuanmawia In ah meeting vawi-3 na hi an nei. He meeting ah hian; Dan bu khawr pum dan tur, approval chung chang leh thil pawimawh tak tak an sawi ho. He meeting hi Editing board chairman Evan. Robert B. Lalnunsiama T chuan akaihruai a ni.
———————-
Chhimtuipui District Conference Vawi 44 na March 2021 a Siaha College Veng local a neih tur ah, a thlengtu tur local techuan hetiang hian organizing board an din:
Chairman : Upa John VT Hniehu
Secretary : Rbt. L Khaiu
Treasurer : Sist. N Lalmuani
Organizing Board te hian Biak In panna kawng te siam tha in, kohhran chhungkua tinah Ar vulh te kalpuiin, ruahmanna hrang hrang an siam mek ani.
———–
Siaha Bial chhung a local hrang hrang, Siahatla local, Dist Hqrs local, College Veng local, Meisatla local, Council veng local leh Ephatha local-te chuan Zero Home Mission field Biak In sak nan a an sum thawhkhawm te chu Upa John VT. Hniehu Siaha, Bial Treasurer hnen ah an hlan. Siaha bial atang a sum an thawhkhawm hi Rs.93,000/-(sing kua Sangthum) chuang a ni.
Zero home mission field ah hian Biak In RCC a sak mek niin field missionary Evan. Robert B. Lalnunsiama te chhungkua leh Kohhran te chuan, sum thawhtu zawng zawng te chungah lawmthu an sawi.
——
Dt.19/11/20 khan Tuipang Bial chhung Phura local ah Bialtu Pastor MH Robin Lalthanmawia kutah puitling 2 chuan sual ngaihdam nan Isua hmingin tui baptisma an chang.
Dt 22/11/20 khan South Lungpher Bial chhung Lungtian local ah mi 16 in Bialtu Pastor L. Nghakliana kutah Sual Ngaihdam nan Isua hmingin tui baptisma an chang bawk.
——
South Lungpher Bial te chuan an bial Head quarter’s, South Lungpher khua ah Pastor quarter’s tur feet 36×44 a lian an sa mek.
Chhimtuipui Dist PYD member ten missionary rawihna pual a sum an intiam te chu an pe tha hle. Chhimtuipui Dist PYD tehian kum 10 liam ta atang khan an mahni pual hian missionary an lo ruai tawh ani.
——-
North Mizoram District:
Hruaitute Programme:
Nov. ni 25 khan North Mizoram District Treasurer Rev. K. Lalduhsanga chuan West Phaileng-a Pastor Quarters sak mek leh Kohhran Dawr tura ruahman, hmalakna te a hmunah a enpui a, Thawhlehni vek khan Aizawl ah a rawn kir leh.
——–
North Mizoram District chuan kum Tawp District Board chu Dec. ni 1-3 chhung hian, Distict Hqrs. Kohhran Biak In, Tuikhuahtlangah an nei dawn a, District Board-ah hian Official Agenda bakah Local leh Bial atanga Agenda lutte an ngaihtuah bawk ang.
——-
Pentecostal School of Ministry (PSM) zirna chu Online/Correspondence-a neiin, tluang takin zirnakalchhohpuimek a ni.
Zirtirtute’n mahni subject theuhah Watsapp Group siamin; zirlai Aizawl leh thingtlanga awmte ban phak tur zelin zirna an kal chhohpui a, Hun karlakah Test exam nei chhovin; test exam hian Final exam- atan mark a khawlchhoh zel avangin zirlai tan ngawrh taka zirlaite kalpui a tul a ni, tarlan tawh angin; PSM zirna hi Nov. ni 16 atang khan kalpui tawh niin; Exam hi December ni 7 atanga neih chhoh tur a ni a, December ni 14-ah Result puan a ni ang,
Kum 2020 PSM academic session-ah hian PSM zirlai 38 awmin 1st year 12 niin; 2nd years 12 an awm a, Graduate tur 17 zirlai an awm bawk a ni.
———
North Mizoram District LAD chuan Nov. 24 thawhlehni khan North Mizoram District, UPC Office-ah LAD Exectuve Meeting an nei.
Meeting hi District LAD President Sist. K. Lalhmachhuani Bible Women in a kaihruaia, North Mizoram District Missions Field 12-a mutbu dah tur chungchang an rel. Quarters-a Mut bu dah tur hi District LAD OB ten a theih anga ngaihtuahin, District Missions hruaitute kutah an hlan anga, Missions Field-ah hian District Missions hruaitute hian remchang angin an lo hlan leh dawn a ni.
——-
North Mizoram District ten an District huam chhunga kum 2021 Nilai Zan Thupui zirtur chu peih tawhin, Phek 217-a chhah a ni a, North Mizoram District Office-ah Rs. 70-a lei theih a ni.
North Mizoram District in Nilai Thupui an zirtur ah hianThupui 43 awmin, zan 43 zir tura ruahman a ni a, thupui hlawm hrang hrang
1) Kohhran Ni pawimawhte – Rev. C. Lalthantluanga ziak
2) Thlamuanna – Evan. Lalduhsaka Saza ziakte,
3) Thianghlimna – Rev. K. Darsailova ziakte,
4) Kohhran leh khawtlang inlaichinna – Upa K. Hranglawta ziakte
5) Bible Dispensation – Evan. Lalchhuanmawia Sailo ziakte leh
6) Chhandamna kailawn – Rev. C. Lalmuanpuia ziakte zir tura chhawp chhuah a ni dawn a ni.
———-
North Mizoram District, Hqrs. Bial Mission Deptt. Chuan Nov. ni 25 Nilaini zing dar 6:30 -ah Bialtu Pastor Qtrs.-ah Bial Baord Meeting neiin; kum 2019 Bial Missions conference-in Home Missions Field member-te tan anmahni tawng Bible lei sak ni setih an pass a, hei bakah hian Home Missions Field a miten Krismas hlim taka an hman theih nan tanpuina pek tha an ti bawk, Field 12 bakah Volunteer Missionary Sist. Vanlalpeki telin Rs. 5000 theuh pek nise an ti a ni.
———–
North Mizoram District, Hqrs Local Missions Dept ten Assam Missions Field, Pechadapri Kohhranho te inkhawmna tur Biak in sak nan Rs 2,00,000 an lo pek tawh bak chu thawhtan kal ta Nov. 23 khan Hqrs. Local Missions Treasurer Sist. Lalramnghaki (Ramtei) chuan NMD Missions Dept Treasurer Evan. MS. Dawngliana kutah Rs. 100000 a hlan leh. Hqrs. Local MSD vek hian NMD Home Missionary ten kum 2020 Krismas a theih anga hlim taka an hman theih nan thilpek District Missions Dept. kaltlangin Rs. 20000 Dist. Mission Treasurer kutah an hlan tel bawk.
—————-
TlangsangBialchhungaawm, Sailut II khuaa Crusade rawngbawlna chuan rah duhawm tak tak a chhuah chho zel.
Sailutkhua Crusade-ah hian Tlangsang Bialtu Pastor K. Ainawna chu Speaker-ah tangin, Nov. ni 17 thawhlehni khan Member thar 11 neiin, Sual ngaihdamna Baptisma chang mi 7 an awm bakah, Lalpa tihdamna chang mi 8 an awm bawk. Damna chang zingah Bengchhet dam leh Ramhuai man kum thum vel buai tawh pawh an tel a ni. Nau piang 4 Pathian hnenah hlan niin; rawngbawlna hi Bialtu Pastor K. Ainawna’n a nei a ni. Sailut khuaah hian Pentecost kohhrana member thar Bro. George-a te chhung chuan Biak in hmun tur ram tha leh rem tak tin 3 leh a chanve bawr zet a zau kohhranho tan an pe a, kohhranho te leh Tlangsang Bial hruaitute an lawm hle a ni.
Sailut-a Crusade neih chhung hian ei leh in T.Upa Lalvenhima Maubawk chuan a tum sak vek bawk a ni.
Sailut II khuaa Crusade neih thawhkhatna zawh hnu hian Missionary Volunteer Sist. Vanlalpeki leh Sist. Duhite chuan rawngbawl hna chhun zawmin Nov ni 25 Nilaini zan khan member thar 21 lai kohhranah sengluh an ni. Heng mitharte nen hian Sailut II khuaah hian Pentecostal Kohhran member 42 zet awm tawhin; Sailut I nena belh chuan Sist. Vanlalpeki awm hnu hian member 71 lai an tling tawh bawk.
Facebook