UPCNEINEWSSERVICE MAY 5-12.2019
———
LAD Day :
May ni 10, Zirtawpni kha NEI UPC Kohhran ni pawimawh LAD Day leh Nute ni Mothers Day a ni a, India hmarchhak pum huapa hman niin niin Kohhran Office, Bookstall, zirna in leh Kohhran hmun pawimawh dangte khar a ni.
LAD Day hi kum tin May ni 10, ah hman thin a ni a, LAD te chuan he ni hi intihhlimna leh infuihtharna bakah vantlang tana hna tha thawhna ni atan an hmang thin a, kumin pawh hian chutiang lam hawi zawng chuan hman a ni.
Day hmangtu Local tamzawk chuan zingkarah vantlang tana hna tha thawkin chhun lamah nilengin intihhlimna leh infuihtharnan an hmang a. Zan lam thlenga variety Programme hrang hrang hmanga intihhlimna huna hmang an awm nual a. Hospital leh Vantlang hmun pawimawh tana thilpek pe a luangchhuak te awmin; Seminar leh Revival Programme atana hmang a, Pathianni thlenga Programme siam an awm nual bawk.
Kohhran dan buin a sawi angin he ni hi Nute hriatrengna ni-Mother’s Day a ni nghal bawk. General LAD Hruaitute President Sis. Lalchanglian Sailo B/W, Secretary Sis. Lalramthangi B/W, Treasurer Sis. F. Rohlupuii B/W te chuan LAD Day hlim taka hmang theuh turin LAD member zawng zawng te duhsakna an hlan a, General Suptd Rev. Lalmalsawma Sailo pawhin LAD member zawng zawngte duhsakna chibai bukin, he ni hi LAD Day bakah Nu te ni- Mother’s Day a nih tel avangin Nute chawimawina ni atana hmang turin Kohhran hote a chah bawk a ni.
General LAD Hruaitute chuan heng hmunah te hian an hmanpui :
General LAD President Sis. Lalchangliani Sailo B/W chuan Aizawl East District Conference neih meka LAD te puala hun pekah hmanpuiin rawngbawlna a nei.
General LAD Secretary Sis. Lalramthangi B/W leh General LAD Treasurer Sis. F. Rohlupuii B/W te chuan LAD Day hi Central District Hqrs Kohhran,Shillong-ah hmanpuiin; Day chhun lam Session-ah General Secretary Sis. Lalramthangi hian rawngbawlna a nei a, zan lamah General Treasurer Sis. F. Rohlupuii chuan hun hmang ve lehin; Chhungkaw maicham, LAD te mawhphurhna leh pawimawh na, buhfaitham chungchang tihte thupuiah hmangin rawngbawlna an nei a ni.
General LAD Secretary leh Treasurer te hian May ni 11 leh 12 chhung hian Central District chhung Tura ah LAD puala rawngbawlna neih chhunzawmin hun an hmang leh dawn a, May ni 13, Thawhtan niah Aizawl panin an kir ang.
LAD hi kum 1969 April 17 khan Shillong Peak Hotelah Executive Board in a din a ni a, Kum 1988 atang khan LAD Day hi hman tan a ni. Hruaitu hmasa ber turin President atan Audrine Scism leh Secretary /Treasurer atan Thangziki, Hmarkholien chu an ruat.
Kumin 2018 LAD General Conference Report atanga a lan danin North East India huamchhungah LAD member 17,766 an awm mek a, Bial 114 ah LAD dingin, Rawngbawlna Licence- Bible Women (BW) kawl mi 119 an awm mek a ni.
———
CBC result chhuak :
May ni 1, 2019 Nilainia Calvary Bible College, Shillong a B.th zir tur Entrance exam leh Personal Interview result chu May ni 7, Thawhlehni khan tihchhuah a ni a, heng a hnuaia mite hi Session thara CBC lut tura thlanchhuahte an ni.
1. Andy Lalthanpuia, Maubawk, North Mizoram District
2. K. Vanlalremruatfela, P&E Veng, Serchhip, Aizawl East District
3. TL Daniel, Lake View Colony, Dimapur Missions Field
4. Lalrindika, Nagathol, Assam, Barak District
5. David Lalnunsanga Saihriem. Noksatilla, Barak District
6. R. Lalhriatpuia Khawmawi, Chhimtuipui District
7. SngAngjoyla, Chakpikarong, Chandel District
8. Pentecost Thangrimawia Kanghmun, North Mizoram District
9. Haokin, Akhen, S.E. Nagaland District
10. Yikhufi, Molen, S.E. Nagaland District
11. Mangminthang, Kangpokpi, Imphal District
12. Satkholen Kipgen, Peniel, Imphal District
13. T. Lalrinawma, Tipa ‘B’, Chhimtuipui District
14. Lunminlal Gangte, K. Laitu, Imphal District
—-
Condensed Course zir turte :
1. Joliantluanga Tlau, Venglai, Lunglei District
2. Sehminthang, New Lambulane, Imphal District
3. Beningam Hulang Akaphe, Chandel District
—–
Panel List
1. T. Laltlawmlova, Tawipui N-II, Lunglei District – Condensed course
2. PC Lalhmingthanga, Vaisam, Lunglei District – Regular
—–
Engedi Ministry Album thar tlangzarh :
May ni 7, Thawhleh zan khan Chanmari YMA Hall ah NEI UPC Kohhran zai mite inhlawmkhawm pawl Engedi Ministry te chuan Home Coming Album an tlangzarh.
He Album tlangzarh inkhawm hi Engedi Ministry Vice Chairman Bro. H. Lalthazela’n a kaihruai a, General Missions Director Rev. R. Lalhawia’n hunserh a hmang.
Album Preview Evan PC Lalrokima, General Missions Treasurer chuan neiin; NEI UPC General Suptd Rev. Lalmalsawma Sailo chuan Album tlangzarhin hlanna a nei a, a ngaithla tu apiangte tana thlarau lam tuihna thar leh malsawmna thlentu ni ngei beiseiin duhsakna a hlan.
Sis. Mary. Lalparmawii, Duet-T.upa Lalthansanga colney leh Sis F. Lalhriatchhungi, Bawngkawn Bial Zaipawl
, Dinthar Bial PYD zaipawl
, Headquarters Bial PYD ten zaia rawngbawlna an nei a. Ministry Chairman T.Upa Lalthansanga Colney chuan Ministry member tharte lawmluhna hun hmangin; Lalruattluangi khiangte
chu Compere atana hman a ni.
General SS Director Rev. R. Laichhingpuia’n malsawm tawngtaiin he inkhawm hi a tin.
———
Thilpek hlan :
May ni 7, Thawhlehni khan NEI-UPC Driver Welfare te chuan an Welfare kum 10-tlin lawmnan General Hqrs Office ah Long chair pakhat an hlan.
General Hqrs Office ah hian Aizawl khawpui chhunga Driver Welfare member awm ang angte kalkhawmin; Welfare kum 10 tlin lawmnana an thilpek hi Welfare Chairman T.Upa KC.Lalremruata’n General Suptd Rev. Lalmalsawma Sailo hnenah a hlan a, lawmthusawina leh tawngtaina General Secretary Rev. R. Lalrinsanga’n neiin thingpui in hona neih zui a ni.
Driver Welfare te hi April ni 9, 2009 khan din tan a ni a, tunah hian welfare member hi 30 vel an awm mek a ni.
———
General Hruaitute Programme :
General Suptd Rev. Lalmalsawma Sailo leh N.Mizoram District hruaitu thenkhat te chuan May ni 8, Nilaini khan Aizawl chhuahsanin Delhi an pan a, Delhi ah hian Kohhran hnatul hrang hrang an thawk a. May ni 11, Inrinniah Aizawl letin General Suptd hian Aizawl East District Confernce hman mekah a telpui nghal a, Pathianni zan hian thusawi rawngbawlna a nei ang.
General Secretary Rev. R. Lalrinsanga chuan Aizawl East District Conference, Bethlehem Kohhran Biak ina hman mekah telpuin May ni 12, Pathianni chawhma hian thusawi rawngbawlna a nei ang.
General Missions Director Rev. R. Lalhawia chuan Aizawl East District Conference hi telpuiin May ni 11, Inrinni zan khan thusawi rawngbawlna a nei.
General Treasurer Rev. Zohmingthanzama leh General Sunday School Director Rev. R. Laichhingpuia te pawhin Aizawl East District Conference hi an telpui bawk.
———
Pension in chhuak dawn :
Lunglei District Superintendent mawhphurhna chelh mek tu Rev.R.Lalrosanga chuan May 12 hian kum 65 a tlin dawn tak avangin Superannuation Pension-in a chhuak dawn ta a, amah thlahna inkhawm hi May 12 Pathianniah Headquarters biak inah hman a ni ang.
Thlahna inkhawm hi Rev.C.Lalrintluanga, Treasurer, Lunglei District-in a kaihruai ang a, Rev.PC.Nghakliana, Pukpui bialtu Pastor chuan hunserh hmangin; Thlahna thu District Secretary Rev.C.Vanlalena’n a sawi ang a, Headquarters bial PYD zaipawlte’n thlahna hla an rem bawk ang. He hunah hian District Department hrang hrangten thlahna thilpek hlanin, Rev.R.Lalrosanga chuan thusawina a nei ang a, Rev.C.Hmingthanfala chuan he thlahna inkhawm hi malsawm tawngtaiin a tin ang.
May 9 ningani khan Rev.R.Lalrosanga hi UPC office Staff-te chuan thlahna programme office-ah hlim takin an hmang tawh bawk a ni.
Rev.R.Lalrosanga hian April 16, 1985 khan Pastor hna hi thawk tanin Pangzawl bialah a awm hmasa ber a, Pastor hna a thawh chhung hian nihna pawimawh tak tak District Missions Director, District Treasurer, District Superintendent leh District Superintendent Barak District hna te a thawk hman a, General PYD Secretary leh Treasurer hna pawh thawk tawhin bial pasarih ah a awm hman bawk.
Rev. R. Lalrosanga hi Pangzawl bial, Theiriat bial, Chawngte bial, Haulawng bial, Rahsiveng bial, Hnahthial bial, Luangmual bial ah te lo awm tawhin District Levelah- District Superintendent bakah hian District Missions Director, District Treasurer mawhphurhna te a lo chelh tawh a, kum 2012 atanga 2014 chhung khan Barak District Superintendent mawhphurhna pawh a lo chelh tawh nghe nghe.
General level-ah General PYD General Secretary leh General Treasurer mawhphurhna te pawh a lo chelh tawh bawk.
———–
CEC Result tha :
Mizoram Board of School Education (MBSE) chuan vawiin May 2 ningani khan High School Leaving Certificate (HSLC) Examination 2019 Result chu a tichhuak a, Lunglei District UPC-in a enkawl Christian Education Centre (CEC) School atanga mi 18 exam zingah mi 17 in hlawhtlinna an chang a, pass percentage hi 94.4% a ni.
Mi 17 hlawhtlinna chang zingah hian Distinction – 3, 1st Div.-7, 2nd Div.-6 leh 3rd Div.- 1 te an awm a, mi 8 in letter an hmu bawk.
———
District Board :
May 13 thawhtanni hian District Board Committee neih a ni dawn a, hetah hian General Executive Board-in District Superintendent-atan District Secretary nilai Rev.C.Vanlalena chu a ruat tak avangin a aiawh tur an ruat ang a, Pastor thar an la bawk ang.
——
Pastor la thar dawn :
Lunglei District Conference vawi 53-na in Pastor thar lak anih dawnin written test leh interview kaltlangin lak ni tawh se tia a lo rel angin, a vawikhatna atan May 9 ningani khan Pastor diltu ten Subject thlan chhuah pali hmangin nilengin written test an nei a, written test result atang hian Personal interview neihpui tur koh leh a ni ang a, Interview hi May 13-ah District Board hmaah neih a ni ang.
——
PCD :
May 11-12 chhung hian District P.C.D. hruaitute chuan Rangte N leh Rangte S Local-ah Campaign an nei dawn. May 11 inrinni zan, May 12 pathianni chawhma leh zan lamah te PCD hruaitute hian biak inah Campaign hi an nei ang a, May 12 pathianni chawhnuah District PCD hruaitute leh Rangte N leh S-a PCD ten join fellowship an nei bawk ang.
———
Jubilee lawm turin inbuatsaih :
North Mizoram District in kum 2020-a Platinum Jubilee a lawmna tura inbuatsaihna pengkhat Souvenir Committee te chu May ni 6 Thawhtanni khan an thukhawm.
Souvenir Committee hi Chairman Evan. Lalruatkima Fanai kaihhruaiin North Mizoram District Office, Mission Department Director Room-ah thukhawmin; Platinum Jubilee Souvenir-a awm tur thu leh hla ruangam an din bakah, Souvenir rintlak leh changtlung siam a nih theihnan Committee member te mawhphurhna hrang hrang an inpe bawk.
——-
District Ss Board :
May ni 3, Zirtawpni khan North Mizoram District Sunday School Board Dist. Headqaurters Kohhran Biak in, Tuikhuahtlangah neih a ni.
Board meeting hi Dist. SS Director Rev. K. Malsawmtluanga’n kaihruaiin rorel Agenda 7 neiin a vaiin an passed a, an rorel pawimawh zual te:-
1) Naupang Sunday School-ah thlakhata vawi 2 tal Zuk leh hmuam that loh zia inzirtir nise
2) District Sunday School-in Manual a siam chu ennawna siamrem ngai leh siam that ngai te siam ni se.
3) Sunday School zirlai kum 10 chhung a zawna kai kim te District level atanga lawmman pek nise tih chu tha tih tlan a ni bawk.
—–
Ruby Jubilee :
Mission Vengthlang PYD te chuan May ni 5 Pathianni khan Kum 40 an tlinna Ruby Jubilee an lawm.
Jubilee lawmna hi Celebration Committee in kutkenin May ni 3 Zirtawp zanah Jubilee meidet leh Programme hlannain bul tan a ni a, Jubilee Mei hi Upa R. Rothangpuia PYD Adviser in detin Jubilee hlanna Upa F. Lalhmingliana Kohhran Treasurer in a nei thung a ni.
Zirtawp zan hian Thalai puala hun hman niin Mission Vengthlanga PYD din kum 1979 atanga 2019 chhunga PYD hruaitu hlui te hlim thla hrang hrang bakah an hnathawh dan te Big Screen-a en a ni a, thalaite’n an hlimpui hle.
May ni 4 Inrinni zanah Revival Programme hman niin; Mission Vengthlang PYD hun rei tak lo kaihhruai tawhtu Rev. H.L Dawngliana’n rawngbawlna neiin Jubilee pualin thalai mi 16 a baptist bawk.
Jubilee lawmna pui ber May ni 5 Pathianni-ah neiin; Biak in kawtah Jubilee lungphum hawnna Upa Lalkamlova Rokhum, Mission Vengthlang Church Board Chairman in nein; Jubilee dar vuak chhunzawm a ni a, Bialtu Pastor Rev. C. Lianchama’n vaw hmasa berin, Mission Vengthlang PYD President hmasa ber upa PC Chhiarkima’n a dawt a ni. Jubilee baloon chhuah a nih hnuah Biak in chhung Programme hman zawm nghal a ni.
Jubilee lawmna inkhawm hi Evan. M.S Dawngliana Ruby Jubilee Celebration Chairman in kaihruaiin; Jubilee thuchah Rev. C. Lianchama’n a sawi a, Mission Vengthlang Jubilee Zaipawl leh Hqrs. Bial Zaipawl ten fakna hla an rem bakah Mal zai ngaihthlak a ni bawk.
Mission vengthlang PYD tena Ruby Jubilee an lawmnaah hian Souvenir buatsaih niin; Church Board Secretary Upa Vanlalruat’an tlangzarhna a nei bawk.
Jubilee thuchah Rev. C. Lianchama Bialtu Pastor in sawiin; ani hnen atang hian PYD motto Krista tana sengkhawm hna thawhna kawnga rilru thar put te, Thianghlimna kawnga tan lak thar te, Unau Inhmangaihna uar deuh deuh tur te, Thlarau humhalh kawnga theihtawp chhuah te leh Khua leh tui tha ni tura tan la deuh deuh turtein thalaite hnena Jubilee thuchah a sawi a ni.
Inkhawmah hian PYD hruaitu kohhrana la awm 1979-2019 thleng chawimawina thilpek pein tlaiah Jubilee lawmna ruai theh a ni bawk.
Jubilee lawmna hi May ni 6 Thawhtan zan thleng awhin Revival Programme-a hun khar a ni.
——-
LAD Day hmang :
North Mizoram District chhunga Kohhran hrang hrang te chuan May ni 10 zirtawpni khan LAD DAY hlim takin an hmang.
LAD DAY hi Bial thenkhat te chuan Bial huapa hmangin Nu mawhphurhna zir tharna atan te, midang tana malsawmna ni tura luanchhuahna atan te leh thlarau lama thuk zawka rawngbawl tura intuaitharna atan te an hmang hlawm a ni.
North Mizoram District LAD hruaitu pahnih Sist. Laldawngliani Dist LAD Secy. leh Sist. K. Lalrokimi Dist. LAD Treasurer te chuan May ni 10 zirtawpni a, LAD day lo thleng tur West Phaileng bial hmanpui turin an fehchhuak.
West Phaileng Bialte hian LAD Day hi Bial huapa hmangin Bial Hqrs. West Phailengah an hmang a, LAD Day hi Revival Programme-a hmangin Dist. hruaitute hian rawngbawlna an nei ang.
——-
Revival Crusade :
1. April ni 29 atanga May ni 5 chhung khan Chaltlang PYD hmalaknain Revival Crusade hlim taka hman niin he Crusade ah hian Evan H. Lalbiaktluanga, Darlung Missionary chu Speaker atan hman a ni.
Crusade hi tisa leh thlarau lama saltangte an chhuah theih beiseinaa buatsaih a ni a, zu, drugs leh ruihtheih thil chi hrang hrang avanga harsatna tawkte hemi denchhen hian inlamah te kawmin, an harsatna tawhte Pathian hnenah thlenpui an ni.
Thlarau lama khup zawi tawh leh ban uaithla tawhten he crusade atang hian chak thar lehna hmuin thalai tam tak, lamtual thleng theilote hruai thlen niin thlarau lam hla la sa ngai reng renglo ten he Crusade atang hian malsawmna an dawng bawk.
Crusade chhung hian siamthar leh chang mi 17 lai an awm bawk a ni.
Crusade Speaker Evan. H. Lalbiaktluanga hi Chaltlang PYD ten a Quarter-a hman atan Pedestal Fan pein Chaltlang kohhran chuan Biak ina hman tur Ceiling Fan an pe bawk.
2. Kawnpui Bial LAD te chuan “THIANGHLIMNA LEH CHHUNGKAW MAICHAM” tih thupui a hmangin, Revival Crusade May ni 4 leh ni 5 khan Bualpui North, Hmar vengah an nei.
Crusade ah hian Pentecost Revival Team te ruaiin Speaker Evan. C. Lalruatsanga’n rawngbawlna a nei a, Bial LAD ten an hlawkpui hle.
—-
Thilpek pe :
May ni 4, Inrinni khan Sist. Dr. Lalmalsawmi Khawlhring chuan Luangpawl Sunday School Hall sakna turin, Evan. H. Lalrindika Luangpawla rawngbawl mek hnenah tanpuina Rs 10000/- a pe a. He thilpek avang hian Luangpawl kohhranhote an lawm hle a ni.
—–
Bru Revival Team :
Bru Revival Team te chuan May ni 1 Nilaini khan Rasdali Missions field-ah rawngbawla lutin an rawngbawlna Pathianin mal a sawm hle a, May ni 4 Inrinni zanah mithar pakhatin Pathian thuthlung hmuin Pentecost kohhranah lawmluh a ni.
Bru Revival Team-ah hian hi Evan. Lalthianghlima Sidon chu Speaker niin; mithar neih pawh hi Speaker hian a lawmlut a ni.
Bru Revival Team te hi Pathianin a hmang hle a, anmahni kaltlang hian mithar engemaw zat neih a ni tawh bawk.
Evan Lalthianghlima kaihhruai Bru Revival Team te hi North Mizoram District Missions department in Bru mite hnena rawngbawl tura a din te an ni a, home missions field ni lo, kohhranpui awp bru khuaah pawh sawm theih reng an ni.
——-
Lang Camp :
Thenzawl bial Sunday school Dept buatsaihin May ni 4 Inrinni khan naupang lang camp neih a ni.
Naupang lang camp-ah hian Jehova Rafa team Evan. Lalduhsaka Saza leh a thiante rawngbawltua hmangin Naupang 132 campers an nei a, zirtirtu leh a tawiawm tu pawh mi 20 chuang awmin, May ni 5 Sunday zan thleng Khan follow up programme an hmang a ni.
Chaltlang Bial Sunday school hmalaknain May ni 10 Zirtawp zan dar 7-ah Junior atanga Doctrinal Dept. thlengin Camp an buatsaih bawk a, Speaker atan Evan PC Lalrokima an hmang.
Mission Vengthlang Sunday School Department pawhin May ni 10 -12 chhung Naupang lâng camp buatsaihin, Speaker atan District Ramtlan Speaker Evan. Zoramthara an hmang. He Lang camp-ah hian Junior atanga Doctrinal Department thleng lutin campers 60 chuang zet an awm a, Naupang hote’n an hlawk pui hle a ni.
——
Missionary lawmlut :
North Mizoram District Missions Board hnuhnung ber Missionary a lak thar Evan. Vanlalawia chu May ni 4 (2019) Inrinni zan khan Marpara Mission Field-a Missionary hna thawk turin lawmluh a ni.
Missionary lawmluhna hun hi District Secretary Evan.RK Vanlalngaia’n neiin; hun hlimawm tak an hmang.
Missionary Induction neia fehchhuakte hian Marpara Biak in ami tur Celing fan pahnih district Missions-in a leisak chu an rawn vuahsak nghal a, West Phulpui Missions Field-ah Ceiling fan pakhat an pe bawk.
—–
Kolalian Qtrs :
N. Mizoram District Missions Department hmalaknain May ni 6 Thawhtanni khan Kolalian Quarters zauhna tur cheng Rs. 20,000 sanction niin; Kolalian Kohhran Biak in tan Ceiling fan 2 pek an ni bawk. Hei bakah hian Damdiai Mission Field quarters tihzauh nan May ni 6 (2019) vek khan cheng 10,000 pek niin, biak ina hman tur ceiling fan 2 pek an ni bawk.
—–
Chawimawina nei :
May ni 6 Thawhtan zan khan Tlangsang Bial kohhranpui ruahmanna in Tlangsang biak in ah Bro Benjamin Lalremtlinga, Calvary Bible College, Shillong-a Bible zir chu Chawimawina neih a ni.
Bro. Lalremtlinga hi CBC-ah 2016-2019 Batch niin; B. Th, A+ first class-ah passed in zirlaite zingah Topper anih piah lamah Award 12 lai a dawng a, BD zir leh tura inbuatsaih mek niin; amah thlahna ni pahin inkhawmna hi buatsaih ani.
Inkhawm hi Upa Lalfakawma, bial Secy in a kaihruai a, Bial aiawha lawmpuina thu leh hriak thih tawngtaisakna Pastor K. Ainawna’n a nei bawk. Bro. Remtlinga hi Kohhranpui, bial PYD, Vanghmun Preaching Point, Tlangsang kohhran leh mimal ten citation leh lawmpuina thilpek an pe hlawm a ni.
Hemi zan vek hian bialtu pastor chuan Evan C. Lalnunhlua, Aizawl Hunthar chu Tlangsang bial area, kohhran la din lohna khuaah missionary hna thawk turin induction neiin hriak thih tawngtaisakna a neih nghal bawk. Evan C. Lalnunhlua hi Bro Lalvenhima, MCS, Maubawk kohhran a lawi, tuna Dy Director, L.A.D, Govt of Mizoram hna chelh mek in thlaruk chhung a lawmman leh in luahman a tum dawn a ni.
——-
Lawmthusawi chawimawina :
May ni 4 Inrinni khan Reiek Bial Ailawng Kohhran Bro.Kapchhunga te chhung kaltlangin Pathian hnena lawmthusawi Chawimawina buatsaih a ni.
Chawimawinaah hian Bialtu Pastor Rev.P.Vanlalfela chu Speaker-a hman niin; Thlarau lam boruak tha tak nen hun an hmang a, Reiek Bial chhung bakah Aizawl lam atang te pawhin chhimtu engmaw zat an awm.
——-
Mi thar :
May ni 5 Pathianni khan Vawngawnzo Home Missions Field ah kohhran pawn lam atangin mi thar chhungkaw khat member 3 awmna chu Vawngawnzo Missionary Evan RS Lalnunmawian a senglut a ni.
———
Hruaitute Programme :
N. Mizoram Dist. Supdt. Rev. Laltluanga chuan Kohhran pawimawh thilah Delhi panin May ni 8 Nilaini khan Aizawl a chhuahsan a, May ni 11 Inrinnni khan Aizawl a let.
—————
Silver Jubilee lawm :
Aizawl East District ten District an nih atanga a Kum 25-na, Silver Jubilee chu May 8, Nilaini khan an lawm.
District Silver Jubilee lawmna hi District Building chunga Pandal sakah lawm niin Pandal chhunga inkhawm neih a nih hmain Rev Biaksangzuala, District Secretary kaihruaiin Jubilee lungphun hawn prog neih hmasak a ni a, Rev Rosanga Kawlni, District Superintendent chuan Jubilee lungphun hawnna a nei a, hemi zawh hian ruat bik mi 25 ten Jubilee dar vuakna a nei leh a ni.
Pandal chhungah inkhawm hman chhunzawm niin Rev Rosanga Kawlni, District Superintendent chuan a kaihruai a, District Chanchin lehkhabu tlangzarhna Rev P.Chunga, Former General Superintendent chuan neiin Rev Biaksangzuala, District Secretary hnen atangin report tawi ngaihthlak a ni. Jubilee lawmnaah hian Rev K.Satinvela, Rev Pc.Lalnghakliana leh Rev C.Vala te hnen atangin thutawi ngaihthlak a ni. Evan H. Lalrinawma, Sis. F. Lalhriatchhungpui, Bro. Lalthansanga Colney leh Jubilee Choir ten zaia rawngbawlna an nei.
Chawhnu-ah Rev Vanlalfela Ramtiam, District Treasurer chuan inkhawm kaihruaiin Evan Lalramzauva’n Souvenir Preview-na a nei a, Rev Chhiarpuia, Rev HL Thakunga bakah mi engemaw zat hnen atangin thusawi ngaihthlak a ni bawk. Tlaiah Jubilee ruai hlim takin an kilho a ni. Jubilee lawmna hi zan lamah pawh chhunzawm niin Rev Biaksangzuala, District Secretary chuan inkhawm a kaihruai a, Evan VL Nghaka, Jubilee Committee Secretary hnen atangin report ngaihthlak a nih bakah Video Clip tlangzarhna a nei a, Rev R.Lalthanzuala leh Rev Zohmingthanzama hnen atangin thusawi ngaihthlak a ni bawk. Distirct PYD Choir bakah Sis. Laltleipuii, Sis. Laldinpari leh Sis Laldinthari ten zaia rawngbawlna an nei bawk.
Aizawl East District ten an Kum 25-na tlin, Silver Jubilee an lawmnaah hian Aizawl khawpui chhung mai bakah Aizawl khawpui pawn atangin Kohhran member engemaw zatin an telpui a, hlim takin Pathian thlarau thianghlim awmpuina hnuaiah an hmang a ni.
Aizawl East District hi Kum 1994 May 8 khan Bethlehem Biakin-ah khatihlaia General Superintendent, Rev K.Satinvela chuan District 10-na ni turin Pathian hnenah hlanin a hawng a. May 9, khan District thar din lawmna hlim takin hman a ni.
District thar din a nih tak avangin General Executive Board chuan District thar hruaitu atan Superintendent-ah Rev R.Lalrinsanga, Secretary ah Rev R.Hrangvunga leh Treasurer-ah Rev C.Vala te chu ruatin May 10.1994 khan heng hruaitute kaihhruaina hnuaiah hian District Board hmasaber chu neih niin District Board hian Pastor 6 la tharin Department hrang hrangte a siam fel nghal bawk.
Aizawl East District-ah hian a tirah chuan Bial 22-ah then niin member 16,000 vel an ni a, Bialtu Pastor 22 awmin Fulltime Workers 39 vel an awm bawk a ni. District a din tirh phat atang hian chak taka hma la in hmasawnna pawh chak takin a kal chho a, tunah hian Pastor Bial 30-ah member singhnih sangnga chuang an awm mek a, Fulltime Workers pawh sawmnga chuang an awm mek a ni.
——-
District Conference :
May 9 atanga 12 chhung hian Bethlehem Biakinah Aizawl East District te chuan Inkhawmpui vawi 25-na, Silver Jubilee Inkhawmpui an hmang mek.
Inkhawmpui hi Rev K.Satinvela chuan hlanna neiin Rev Lalrema, Bialtu Pastor hnen atangin palai lawmna thu ngaihthlak a ni.
Ninga zan khan Upa Lalhlunchhunga hnen atangin thuchah ngaihthlak a ni a, Zirtawp zanah Evan H.Lalrinliana’n thusawina nei lehin Inrinni zan khan General Missions Director Rev R.Lalhawia hnen atangin thuchah ngaihthlak leh a ni bawk. Pathianni chawhma-ah Rev R.Lalrinsanga, General Secretary chuan thusawina a nei anga, Chawhnu-ah Rev Rothlamuana, Secretary, Kalay 1 District, Myanmar leh Rev Ralkapliana, Superintendent, Kalay 1 District, Myanmar te chuan thusawina an nei anga Pathianni zanah Rev Lalmalsawma Sailo, General Superintendent hnen atangin thuchah ngaihthlak a ni ang.
Kumin Inkhawmpui-ah hian District hawn tirh hun laia zaia rawngbawlna nei thin, Sis Lalhmunmawii Parte, Bro Lalkima Zote, Sis Lalchhanhimi Ralte, Bro F.Hmingthanmawia bakah Evan CS Lallawmzuala, Sis Laltanpuii, Upa Rodailova Zote leh Sis Lalchhanhimi Khiangte te hnen atangin fak hla ngaihthlak thin a ni.
Kuminah hian District LAD leh Sunday School ten a hrana inkhawmpui an neih loh avangin Zirtawpni khan rorelna hun an hmang a, Bethlehem YMA Hall-ah Sunday School ten rorelin Bethlehem Biakinah LAD ten rorelna hun an nei thung a, Inrinni nileng khan Kohhranpui chuan Bethlehem Biakinah hian rorelna an nei bawk a ni. Pathianni chawhma inkhawmah member boral sunna hun hman tur niin inkhawm apiangin mimal zai leh zaipawl te hnen atangin fak thlak thin a ni bawk. Kumin Inkhawmpui hi a vawi 25-na, Silver Jubilee a nih angin a lawm nan Pathianni tlai hian Jubilee lawmna ruai kilho tur a ni bawk a ni.
Facebook