———-
Thuchhuah siam :
Tunlai hrileng mek avanga tlang hrang hranga Kohhran hote hnenah United Pentecostal Church of North East India General Superintendent Rev. Lalmalsawma Sailo chuan thuchhuah a siam a, Youtube-a Kohhran official channel-ah tihchhuah a ni.
He thuchhuahah hian Kohhran hote chu sawrkar thupek zawmna kawnga thuawih a pawimawh zia te, in renchem a tul dan te leh thahnemngai taka chhung inkhawm nei a, Pathian Kohhran ti puitling tura thawhlawm peng hrang hrang kan thawh thinte pawh ti thuan awp lova kalpui zel turin min ngen bawk.
———-
Lawmthusawina :
General Missions Director Rev. R. Lalhawia chuan hrileng avanga Missions Field hrang hranga harsatna tawk te chhawmdawl tura mi thilphal te luanchhuahna leh inpekna zawng zawngah thinlung takin lawmthu a sawi a, Field-a Kohhran hoten an hlimin an thla a muang em em a ni ti.
Tanpuina pe duh tan General hruaitute hnenah engtik lai pawhin pek theih reng a ni.
————
Hlawhtlinna chang :
Mizoram Board of School Education (MBSE) in May 13 nilainia High School Leaving Certificate (HSLC) Examination 2020 Result chu a tihchhuahah UPC North East India Kohhran enkawl, Compassion Center Project Committee (CCPC) hnuaia awm Susanne Downs Boarding School (SDBS) atanga Candidate Appear mi 28 zingah mi 27 in hlawhtlinna an chang.
Hlawhtlinna chang te hi First Division ah – 2, Second Division – 19, Third Division – 6 an ni a, Principal Evan. V.L Zarzoliana Sailo chuan hlawhtlinna changte zawng zawng chungah thinlung taka lawmthu sawiin an kal lehzelna turah duhsakna a hlan a, CCPC Project Director Rev. Jh Zahluna pawhin Principal, zirtirtute leh zirlai hlawhtlinna changtu te hnenah lawmthu sawiin, hlawhtlinna chang zo ta lo zirlai pawhin bansan mai lova theih tawp chhuah lehzual turin a ngen bawk.
——
District hrang hrang rawngbawlna chanchin :
Result chhuak :
May 13 nilainia Mizoram Board of School Education (MBSE) High School Leaving Certificate (HSLC) Examination 2020 Result chu a tihchhuahah Lunglei District UPC-in a enkawl Christian Education Centre (CEC) School atanga mi 33 exam zingah mi 28 in hlawhtlinna an chang a, pass percentage hi 85% a ni.
Mi 28 hlawhtlinna chang zingah hian Distinction – 1, 1st Div.-12, 2nd Div.-12 leh 3rd Div.- 3 te an awm a, mi 5 in letter an Hmu a, Mizo Subject-ah hian mi 5 in letter hmuin, Science Subject-ah mi 2 in letter an hmu a, SS Subject ah hian mi 1 in letter a hmu bawk.
———-
Live Sermon :
Pennet Lunglei in Live Sermon a pek chhuah chu May 23-24 chhung hian chhunzawm a ni dawn a, heng mite hian thusawi rawngbawlna an nei ang.
– May 23 inrinni zanah Rev.K.Lalchhuansanga, Theiriat bialtu Pastor
– May 24 Pathianni chawhma ah Rev.R.Lalrosanga
– May 24 Pathianni chawhnu ah Rev.PC.Nghakliana Pukpui bialtu Pastor
– May 24 Pathianni zanah Rev.C.Lalhriatpuia, Rahsiveng bialtu Pastor.
He live Sermon hi Youtube leh LDF Cable Network-a Pennet channel ah te pek chhuah a ni.
———-
Aizawl East District :
Charge in hlan :
Aizawl East District Board kumin March 9 atanga 12 chhunga neihin District hnuaia Department hrang hrang leh Sub-Committee peng hrang hrang Kum 2020-2021 chhunga hruaitu tura a ruatte chuan a thawhnihna atan May 8, Zirtawpni khan Charge an inhlan.
He hun hi District Committee room-ah hman niin Rev Biaksangzuala, District Superintendent chuan a kaihruai a ni. He huna kalkhawm te hnenah Rev Biaksangzuala chuan thahnemngai taka mawhphurhna hlenchhuaka, Lalpa leh a Kohhran tana thawk turin fuihna thu a sawi a ni. Charge inhlanna-ah hian District LAD hnuaia Charge la inhlan ve lo te bakah Sub-Committee peng hrang hrang: Theological Education Board, Literature & Publication Committee, District Thianghlimna Committee, Media Cell Committee bakah Committee peng dang ten Charge inhlanna hun an hmang a ni. April 17, Zirtawpni khan District hnuaia Department dangte hian Charge inhlanna hun an lo hmang tawh a ni.
———
Executive Meeting :
May 8, Zirtawpni khan District Superintendent Quarter-ah District LAD te chuan Executive meeting an nei a, Sis Zionparmawii, B/W, President chuan meeting a kaihruai.
July 1, Nilaini-ah District LAD Board neih tura ruahman niin agenda nei tur ten June 20 aia tlai lovah District LAD Secretary emaw Asst. Secretary hnenah Whatsapp hmanga thehluh ni se ti a, hetiang hian OB ten Bial an insem nghal bawk a ni.
1. President, Sis Zionparmawii B/W- N.Vanlaiphai bial, Rabung bial, Suangpuilawn bial, Khawhai bial, Thuampui bial, Zemabawk North bial.
2. V.President, Sis F.Lalawmpuii B/W- Zohmun bial, Hnahlan bial, Upper Republic bial, Thingsulthliah bial, Khawzawl bial
3. Secretary, Sis Rodingliani B/W- Serchhip Dinthar bial, Khawruhlian bial, Khawbung bial, Saitual bial, Bawngkawn bial
4. Asst. Secretary, Sis R.Lalramsiami B/W- Bethlehem bial, Champhai Bethel bial, Kawlkulh bial, Sakawrdai bial, Chhingchhip bial
5. Treasurer, Sis Lalramliani Sailo- Bazar bial, Serchhip bial, Champhai bial, Keifang bial, Darlawn bial
6. Fin. Secretary, Sis Laldinpuii- Khawlian bial, Ngopa bial, Zemabawk bial, Mualpui bial, E.Lungdar bial.
——–
District PYD :
May 8, Zirtawpni khan District Superintendent Office-ah District PYD Executive meeting, Rev C.Lalmalsawma, President kaihhruaiin an nei. An rorel tlangpuite:
1. PYD member ten zuk leh hmuam an nghei theih nana hmalak dan tur ngaihtuah niin Bial leh Tualchhung ten an hmalakna tur atan Term of Reference siam niin report form pawh District PYD in siam ni se .
2. PYD Member thuthlunga an ngheh leh zual theih nan Bial hruaitute chu an theih ang anga bial chhunga hma la tura ngen phawt ni se, heng bakah hian Bial leh Tualchhung chanchinbu nei ten a theih ang angin thuthlung lam hawi an chhuah theih nan ngen ni se.
3. Covid-19 hri leng mek avanga hna thawh theih a nih loh avangin Zokhawthara District PYD Jubilee Building luahtute chu April leh May thla luahman chawitir loh ni se.
4. Sub-Committee hruaitu hetiang hian siamrem a ni:
Music & Sound Committee:
Chairman: Rev C.Lalmalsawma, District PYD President
V. Chairman: Bro Lawmsangkima, District PYD Asst. Secretary
Environment Prorection Committee Secretary: Bro.Thlamuanmawia Palian, Bethlehem bial
Fund Raising Committee Treasurer: Bro Zosangliana, Thuampui bial
Kumpuan Committee OB incharge-ah Bro K.Lalbiaknunga, Treasurer District PYD
Environment Committee OB incharge-ah Bro Zothansiama, Fin. Secretary, District PYD te chu ruat an ni bawk.
5. Hetiang hian OB bial then a ni:
Rev C.Lalmalsawma, President- Bazar bial, Upper Republic bial, Khawhai bial, Rabung bial, Suangpuilawn bial
Upa F.Lalthlangliana, V.President- Mualpui bial, Khawruhlian bial, Khawlian bial, Serchhip Dinthar bial, Champhai Bethel bial
Bro R.Vanlalpeka, Secretary- Bawngkawn bial, Kawlkulh bial, Darlawn bial, Ngopa bial, Hnahlan bial, Bethlehem bial
Bro.Lawmsangkima, Asst. Secretary- Zemabawk North bial, N.Vanlaiphai bial, Zohmun bial, Khawzawl bial, Saitual bial
Bro K.Lalbiaknunga, Treasurer- Thuampui bial, Keifang bial, E.Lungdar bial, Serchhip bial, Khawbung bial
Bro Zothansiama, Fin. Secretary- Zemabawk bial, Thingsulthliah bial, Sakawrdai bial, Champhai bial, Chhingchhip Bial
———
Member thar :
May 10, Pathianni khan Mualpui bial, Salem Kohhranah Kohhran member sual ngaihdamna baptisma la changlo mi 13 ten Bialtu Pastor, Rev H.Lalropuia kutah baptisma an chang. An zinga 4 hi mithar an ni.
——–
Theological Education Board :
May 13, Nilaini khan District Superintendent Office-ah Theological Education Board Committee Rev Biaksangzuala, Chairman kaihhruaiin neih a ni.
He hunah hian Kum 2020 chhunga Oneness Theological Seminary kalpui dan tur tlangpui ngaihtuah a ni. An rorel langsar zualte:
1. Kum 2020-a Zirtirtu tur leh an subject lak turte hetiang hian ruahman a ni:
1. Rev Biaksangzuala- Life of Work of Christian Minister
2. Rev Vanlalfela Ramtiam- Pneumatology
3. Rev VL Hnemtluanga- Epistles
4. Rev H Lalropuia- Bible Doctrine
5. Rev C Lalengliana- Church History
6. Rev VL Dika Sailo- Minor Prophets
7. Rev Ellic Hnehzova- Tabernacle
2. Class kal hun atan kum danga tih thin angin June thla ruahmanna phawt ni se, amaherawh chu kan tunlai boruak avanga Lock Down leh harsatna dang a awm chuan hruaituten hma la mai se tih a ni.
3. Kum 2020 atan heng mite hi 1st year zir tura lak an ni:
1. JS Zaisangzela, N.Lungpher
2. Vanlalmawia, Bungtlang
3. Lalmuanpuia Varte, Armed Veng S
4. Ephraim Lalthangliana, Serchhip P& E
5. Lalnundanga, Vankal
6. Lalrammawia, Zemabawk
7. Lalremsiama, Sailulak
8. Joseph VLH Zuala, N.Vanlaiphai
9. Lalzuisanga, Riangtlei
10. R Chalthangmawia, Ramhlun VT
11. Zorampari, Thuampui
12. Pastor F.Malsawmtluanga
———–
District Media Cell :
May 13, Nilaini chawhnu khan District Treasurer room-ah Aizawl East District Media Cell Committee neih Rev H.Lalropuia, Chairman kaihhruaiin neih a ni. An rorel langsar zualte:
1. Bial leh Tualchhung chanchinthar neih ang angte Pennet Chanchinthar-ah puan chhuah a, tihlan a nih theih nan Bial hrang hrangah Correspondence ruat tha tih a ni a, Bialtu Pastor te Adviser-ah awmin Bial PYD President leh Secretary te chu tlawmngai tura ngen ni se tih a ni.
2. Media hmalaknaa chak zawka kal a nih theih nan Media Crew din tha tih niin member turte pawh ruat nghal an ni.
3. Kum 2020 chhungin tuna kalpui mek bakah a theih ang anga hma la in District chhunga Biakin leh Pastor Qrts. te chu an thla lak neih vek tura hmalak ni se tih a ni.
———-
North Mizoram District :
Emergency board :
North Mizoram District Board chuan May ni 13 Nilaini khan Emergency Board neiin; District Missions Department Secretary thar atan Evan. JH Malsawmdawngliana an ruat. Evan JH Malsawmdawngliana hian kar thar Thawhtanni May ni 18 khian Secretary Charge hi a la dawn a ni.
District Emergency Board hian kumtir Board-a a lo rel tawh Office-a thawktu thar LDC lak tura hmachhawp a lo neih tawh chu, Covid 19 hrilengin ziaawm lam a pana, boruak eng zawk te neih a nih hunah beng thara ngaihtuah nawn leh atan a dah bawk. (Pic. District Board)
————–
Literature & Publication Board :
May ni 8, Zirtawpni khan North Mizoram District Literature & Publication Board chuan Meeting neiin; kum 2021-a Nilai Zan Thupui zir tur chungchang an ngaihtuah. Meeting hian kum 2021-a Nilaizan Thupui zir paruk (6) thlang chhuakin hetiang hian thupui leh a ziaktu tur ruahman a ni bawk.
1. Chhandamna Kailawn – Ziaktu Rev. C. Lalmuanpuia
2. Kohhran ni pawimawh te – Ziaktu Rev. C. Lalthantluanga
3. Thianghlimna – Ziaktu Rev. K. Darsailova
4. Bible Dispensation – Ziaktu Evan. Lalchhuanmawia Sailo
5. Kohhran leh Khawtlang inlaichinna – Ziaktu Upa K. Hranglawta
6. Thlamuanna – Evan. Lalduhsaka Saza
Hei bakah hian Literature Board Committee in a ruat angin- Inkhawm Kaihhruaina Bu Pastor Lalruatkima Fanai ziak chu en ho a ni a, Literature Board ten lo thlir zuiin; a tul anga hmalak chhunzawm atan an dah a ni.
Kohhranin a hun tawn a zira mamawh leh tul nia a hriat Lehkhabua chhuah Committee hmasain a lo passed tawh chu- a bu hming atan ‘’Kawng Entu’’ tih nise an ti a, Thupui atan a hnuaia tarlante hi remtih a ni bawk.
1. Kohhran leh a nihna
2. Sawma pakhat leh thilpek
3. Zirtirna dik lo
4. Pentecost Zeizia
Kawng Entu Booklet hi kumin September thlaah published hman nise tih a ni bawk.
Literature committee chuan Evan. Lalchhuanmawia Sailo vin Rev. Dr. K. Bernard-a lehkhabu ziah Mizo tawnga a lehlin “The New Birth’’ tih chu published ni bawk se an ti.
———-
PG Result :
Kum 2019-2020 HSLC Academic session result MBSE-in a tihchhuah a, North Mizoram District enkawl Pentecostal Gateway Higher Seconday School-a naupang exam 22 awmin naupang 13 in an passed a, za zela 60 in HSLC hi an passed a ni.
PG School atang hian Ist Division-a pass 4 awmin Second-ah mi 5 an passed a, Third Devision-ah hian mi 4 in an passed bawk.
———
Member thar :
1. May ni 5 Pathianni khan Bro. R. L. Lianchia Maubawk veng chuan Pathian thuthlung ropui tak hmuin Sual ngaihdamna Baptisma a chang. Baptisma rawngbawlna Bialtu Pastor Rev. R. Lalhmangaiha’n neiin; hetianga thutak hmua mitvarna chang thar an awm avang hian Kohhranhote pawh an lawm hle a ni.
2. April ni 28 thawhlehni khan North Mizoram District Home Missions Field thar Tumpanglui khuaah mi thar 4 sengluh a ni. Heng mithar te hi Tumpanglui Missionary Sist. C. Lalhriatkimi chuan a lawmlut a, Kohhranhote an lawm hle.
———
Thilpek :
Kolasib Venglai Pentecostal Mens Fellowship te chuan District in rawngbawltu a rawihna hmun Bukvannei tirhkoh Evan. Lalchhanchhuaha hman atan Solar Inverter tha tak an pe a, Bukvannei kohhranhote an lawm hle.
——-
Pastor Qtrs :
District Sum sanction hmanga sak kawnpui Bial Pastor Quarters chu kum 2019 kum chawhnu lam khan a sak hna tan a ni a; tunah hian Quarters sak hna 80% chu zawh fel tawh a ni a, Quarters sak hna hi chak taka kalpui mek zel niin; kumin chhung chuan luah luh hman beisei a ni.
Facebook