UPCNEINEWSSERVICE July 26-Aug 2.2020
——-
Online Class kalpui dawn :
UPC-Nort East India Kohhran Pathian thu zirna Calvary Bible College (CBC), Faculty Meeting chuan tunlai Meghalaya leh Shillong khawpui boruak thlirin hostel a hawn theih dawn lova an hriat avangin, CBC 2020 Academic Session, First Semester chu online class hmanga neih nise tiin an rel a, online class hi whatsapp group hmangin August ni 17 ațanga December ni 11 chhunga zawh tur a ni.
Online hmangin class test leh end-semester exam pawh neih țhin tur a ni dawn a, Semester fee pawh 25% chauh lak a ni ang.
Hemi chungchanga hriatchian duh/zawhna na nei tan Principal leh staff te zawhfiah theih reng a ni.
—–
Kohhran dan bu chhut thar tlangzarh :
July ni 31, Zirtawpni khan Kohhran Dan Bu (Manual) 7th edition hlanna leh tlangzarhna, General Hqrs Comtt Room, Mualpui Salem veng Aizawlah neih a ni.
General Suptd Rev. Lalmalsawma Sailo chuan Dan bu tlangzarhna leh tawngtaia Pathian hnena hlanna a nei a, UPC North East India Manual hi Mizorama Kohhran hrang hrang te Dan bu aia chipchiar leh famkim zawk a nih thu sawiin, Kohhran hote min phuar khawm tura zawm that a pawimawh thu a sawi bawk. Dan bu chhut thar berah hian General Conference leh Executive Board in a pass tawhsa te dah luh belh a ni a, Kumin 2020 April thlaa General Conference-ah hlanna leh tlangzarhna hun buatsaih tura ruahman fel tawh ni mahse, hri leng boruak avangin tih theih a ni ta lova, offset press lamin an peih fel veleh he programme hi buatsaih a ni ta a ni.
Rs. 100/-man tur niin, Kohhran bookstore leh District hrang hrangah lei theih tura semchhuah nghal a ni ang. Kohhran dan bu chhut tawh dan :
First Edition : 1969
Second Edition : 1982
Third Edition : 1991
Fourth Edition : 2000
Fifth Edition : 2007
Sixth Edition /Revised : 2013
Seventh Edition/Revised : 2020
——
Audit :
July ni 28 atanga ni 31 chhung khan General Hqrs Office, Mualpui Salem veng Aizawlah Kohhran sum Audit a ni.
General Hqrs Account hrang hrang bakah General Administration hnuaia Department, Field leh Committee peng hrang hrang te sum Audit a ni. Auditors te : Rev. C. Lalrammuana, Rev. Biaksangzuala, Rev. C. Lalrintluanga leh Rev. Joseph L. Thlauhthang.
Tunlai hripui leng avanga inkal pawh a harsat avangin Calvary Bible College (CBC) Account chu Shillong-a lo audit turin Rev. Lalromawia Ralte leh Pastor T. Vanlalhruaia te ruat an ni.
——–
City PYD :
July ni 25, Zirtawpni khan Aizawl City PYD Co-Ordination Committee chuan Aizawl East District Hqrs ah kumin atan Meeting vawi 1 na an nei a, Chairman Upa F Lalthlangliana’n meeting a kaihruai a, General PYD aṭangin Gen. Secretary Evan Jh Malsawmdawngliana’n a ho bawk. An Rorel langsar zual te :
1. Kulikawn Ngaizela Road a City PYD hminga zun in siam chu a lo upat deuh tawh avang leh a chhak atanga lung tlain a tihchhiat chu thiah a a thar siam nise.
2. Kum 2020 chhunga City PYD hmingin thisen pek runpui neih tura ruahman a ni a, OB ten AVBD thuneitute lo be rawnin ruahmanna lo siam se.
3. Social Work Day hman dan tur ngaihtuah a ni a, hrileng boruak ngaichang chungin meeting lehah ngaihtuah that ni se.
4. Bial thar, Zemabawk North Bial kumin 2020 target atan Rs. 1000/- ruahman a ni.
5. General Headquarters Office ah City PYD hminga thil dah ni se.
———
District hrang hrang rawngbawlna chanchin :
Lunglei District :
Lunglei District in thla khat awh Pathian thu zirna a neih Pentecostal Bible School (PBS) chu August ni 4 thawhlehni atang hian kal tan a ni leh dawn.
PBS hi ruahman lawk ang chuan June ni 9 atanga July ni 12 chhunga kal tura ruahman a ni a, Covid 19 avangin a hun hi siam danglam a ni ta a ni. Kumin hian zirlai 24 an awm dawn a, 1st Year ah Student 8, 2nd Year ah Student 4 leh 3rd Year ah Student 12 te an awm ang. Subject 7 an zir dawn a, hengte hi an zir tur Subject leh zirtirtu turte an ni.
– Church Historty – Bro. Joliantluanga
– Epistle – Pastor K.Vanlalhruaia
– Pneumtology – Rev.PC.Lalfakawma
– Minor Prophets – Pastor K.Vanlalhruaia
– Bible Doctrine I – Bro.Joliantluanga
– Tabernacles – Rev.PC.Lalfakawma
– Life and Work of Christian Minister – Rev.C.Lalrintluanga
PBS hian August ni 30 Pathianni hian Graduation day an hmang ang.
—–
North Mizoram District :
District Superintendent Rev. Laltluanga chuan Thawhlehni kal ta July ni 27 zan khan, North Mizoram District PYD choir kum 2020 – 2021 atana Zaipawl member thar te, lawmluhna inkhawm District Hqrs. Biak In Tuikhuahtlangah a hmanpui.
Treasurer: Rev. K. Lalduhsanga chuan kar kalta July ni 24 zirtawpni khan West Phaileng-a Pastor Quarters sak mek chu an thlen chin en leh tul pawimawh tiin, West Phailengah a zin.
—-
Dan ennawn :
July ni 28 Nilaini chawhma dar 11:00 khan North Mizoram District inenkawlna hnuaia rules hrang hrang te District Board in zirchiang tura committee a ruahman angin dan hrang hrang te ennawn a ni.
Dan zirchianna leh ennawn thutkhawm hi Dist. Supdt. Rev. Laltluanga’n kaihruaiin NMD-in District inenkawlna dan a neih te uluk taka zirho a ni a, hetah hian Disrict Board in dan a siam thar engemaw zat belh a nih bakah siamrem ngaite siam rem hna an thawk bawk.
——
Charge in hlan :
July ni 25 inrinni khan North Mizoram Dist. PYD hnuaia Sub-Committee hruaitute chuan Hruaitu thar tura Dist. PYD Board in a ruatte hnenah Charge an hlan. Charge inhlanna inkhawm hi District PYD President Evan J Vanlalruata’n a kaihruai a, Hetiang charch inhlan a ni:-
EDUCATION COMMITTEE
Chairman : Evan. K.Rotluanga, Dist. Secretary
Secretary : Bro. Lalmuanawma, Tlangnuam Bial
Treasurer : Bro. Lalramthanga, Durtlang Bial
KUMPUAN COMMITTEE
Chairman : Evan. R.Vanlalchhanchhuaha, Hqrs Bial
Secretary : Bro. V.Lalneihkima, Hqrs Bial
Treasurer : Treasurer atana ruat hian Rokhawlhna a neih avangin charge a la thei dawn lo a, Midang ruat hma chu Dist. Treasurer in charge a la rih.
MUSIC COMMITTEE
Chairman : Evan. C.Lalruatsanga, Dist. Treasurer
Secretary : Bro. Zairemmawia, Hqrs Bial
Treasurer : Bro. Albert C.Lalfakawma, Tlangnuam Bial
ENVIRONMENT PROTECTION COMMITTEE
Chairman : Upa Robert Lalnunmawia Hmar, Chaltlang Bial
Secretary : T.Upa C.Lalnunpuia, Durtlang Bial
Treasurer : Sis. Zarzoliani, Maubawk Bial
PROJECT COMMITTEE
Chairman : Evan J.Vanlalruata, Dist. President
Secretary : Bro. R.Lalnunmawia, Durtlang Bial
Treasurer : District PYD Treasurer
——-
Jubilee :
North Mizoram District PYD te chuan kum 2021-a kum 60 an tlinna Diamond jubilee chu lawm tura ruahmanna siamin July ni 25 Inrinni khan Jubilee Celebration Committee an thukhawm.
Meeting hi North Mizoram District. Committee Room-ah neiin; Evan. C. Lalruatsanga Dist. PYD Treasurer in a kaihruai a, an rorel tlangpui te: Jubilee lawmna hi kum 2021 chhung neih ni se, Jubilee Lungphum siam, Jubilee thupui atan “Nang malsawmna ni ang che” tih Gen 12:12 hman te, Jubilee lawmnaah hian intihsiakna hrang hrang hetiangin:-
@ Jubilee logo in siam siak.
@ Jubilee hla inphuah siak
@ Jubilee pual program siam tha bial thlan
@ Article inziahsiak “Nang malsawmna ni ang che” Gen 12:12
Diamond Jubilee Concert neih tum a ni bawk.
Jibilee lawmna turah hian committee peng din a ni a.
1. Fund raising committee
2. Souvenir Committee
3. Media & Info. Comt.
4. Monument & Memento Comt.
——
Tanpuina hlan :
North Mizoram District LAD te July ni 27 chawhma dar 11:00 khan kum 2020 kum chanve District LAD Board rorel bawhzuiin Distrct Home Missions tan leh Dist Camping centre pualin an feh chhuak. Hetih rual hian North East India UPC enkawl Shillong CBC hmuna Guest House tan Dunlop 4 Nos an lei sak bawk.
Dist LAD te hian thilpek hunserh tawi hmangin NMD Dist. Office ah hun hman a ni a, Camping Centre puala thilpek hi Dist aiawhin Dist Treasurer Rev. K. Lalduhsanga’n dawngin, Missions puala thilpekte Dist Missions Dept aiawhin Dist Missions Secy Evan JH Malsawmdawnglianan a lo dawng thung. LAD te luanchhuah hunserh tawi hmanah Dist Supt chuan thusawiin, LAD te tanpuitu pawl an nih anga an tihtur an hlen thin chungchangah fakin, lawm thu a sawi bawk.
NM District LAD ten thilpek Home Missions leh District a an pek hi Platinum Jubileee puala luanchhuahna niin; District hruaitute leh Dist Missions Deptt te an lawm hle a ni. Dist Missions puala thilpekte hi Missionary Aizawla awm remchangten an pual an la nghal bawk a ni. Dist. LAD in NMD enkawl Camping centre-a speaker rooma dah tur thosilên leh dawhkan chu Sist. Lalramtiami Sailo, Tlangnuam bial LAD President chuan a pasal Evan Vanlalliana hriatrengnan a sponsor dawn bakah Chaltlang kohhran a lawi bro. C. Lalngura’n a nupui Sist. K. Lalzamliani hriatrengna turin Dawhkan tha tak Camping Centre pualin a donate bawk dawn a ni.
——
Infuih tharna hun :
Sihphir Bial, Sihphir Kohhrante chuan July ni 27 Thawhtan khan Sihphir Biak inah, Sihphir kohhran Dept hrang leh Naupang SS zirtirtute Pathian hnena inhlan tharna leh infuih tharna hun hman a ni a, Kohhranhote’n Pathian hnena inhlanna an neih inkhawmah hian Department hrang hrangte hmalak tawh dan leh hmalak leh zel dan turte report ngaihthlak a nih bakah Bialtu Pastor Rev C.Lalrammuana’n hruaitute fuihna thuchah a sawi bawk.
——
Bial Board ;
1. Lengpui Bialte chuan Pathianni kal ta July Ni 26 khan Lengte Biak inah, Lengpui bial board Meeting Bialtu Pastor Rev. Lalchuailova kaihhruaiin an nei.
An rorelah hian an Bial chhunga kohhran dingthar Dapchhuah Biak in work campa sak mek thlirletna neih a ni a, theih ang anga chhunzawm zel an rel. District Board rorelin Bial chhunga Dept. Confe neih hmabak Bial Board kuta a dah chu relin, Sunday School leh Mission Dept. Conf.rorel chu a hun leh hmun pangngaiah neih ve ve tha an ti bawk. Bial Joint thlen neih leh huna a thlengtu tur relin, Revival thlen leh hmasak ber tur chu Rawpuichhipah an nghat a, rorel bakah hian Lengpui Bial chhunga Kohhranpui leh Dept sum Audit an nei bawk a ni.
2. July ni 26, Pathianni khan Sialsuk Bial te chuan Bial board Meeting Bialtu Pastor Qtrs.-ah an nei. Board meeting hi Bialtu Pastor Rev. K. Vanlaldika’n kaihruaiin; an rorel pawimawh zingah- kum 2020 Chhunga Bial Khawmpui an la neih Sunday School Khawmpui leh Bial Missions Dept Khawmpui chu hringleng boruak kal mekah fimkhur ngaia hriatna awmin Rorelna neiin; Revival Programme erawh buatsaih hrilh loh nise an ti. Hei bakah hian Sorkar thuneitu lamin a phal chin angin Pathianni apiangin tualchhung tinah Local Church Board ruahmannain TAWNGTAI INKHAWM neih thin an rel bawk.
3. Sumsuib Bial Rev. HF Malsawma awmnaah July ni 26 khan Kohhranpui Bial board neih a ni.
Bial Board hi Rev. HF Malsawma’n kaihhruaiin kumin chhunga Bial Confe. Neih hmabak Sunday School leh Missions Deppt. COnfe. Te chu rorel inkhawm neih ni se. Revival inkhawm erawh hrileng boruakin kiam lam a pan meuh loh avangin fimkhur thuhlaah neih loh ni mai se an ti. Hei bakah hian an Bial chhunga Chawilung Kohhran Biak in sak mek chu bial huapa puih an rel bawk. (Sumsuih Bial)
—-
Nau hlan leh Baptisma rawngbawlna :
July ni 26 Pathianni khan Rengdil Bial Tuidam kohhran ah nau piangthar-1 Bialtu Pastor C. Lalthlengliana’n a hlan a, he naute pa hi tunhnaia Pathian thuthlung hmua sual ngaihdamna Baptisma chang niin; Kohhranah pawh an tui hle.
Tuidam khuaah hian Kohhran tha tak neiin; Kohhranhote inkhawmna tur biak In sak mek a ni a, hun remchang hmasa berah Rengdil Pentecostal Mens Fellowship (PMF) ten an sak pui dawn a ni. Tuidam kohhran te, Pathian ram tana thilpek kawngah pawh hma nasa taka sawnin Pathian pawhin mal a sawm e mem a ni.
—–
Tanpuina :
1. Durtlang Bial Missions Deptt ten July ni 25 khan dam lo Sist. Sunari, Kawnpui Bial, Rajtali Home Missions field-a awm chu tanpuinan Rs. 5000 an pe. Sist Sunari hi Missionary Evan. Hrangchhankhuma’n rawn hruai chhovin, Bial, Local leh mimal tlawmngaite’n sum leh paia tanpuina pein, mangang taka an awm laia sum lei pai bakah zawn ngaia an awma kohhran leh mimal anmahni tanpuitute leh tawngtaisaktute chungah Lalpa Isua hmingin lawmthu a sawi a ni.
Sist Sunari hi Zemabawk Cancer hospital-a hun engemaw chen awmin; chemo te khai a ni a, tunah hian an khua Rajtali lamah an hawng thla rih a ni.
2. Sihphir Bial chhunga awm Serkhan kohhran te chuan hunrei tawh taka tanga an Biak in mamawh phak tawka an lo tuak thin Biak in thutthleng tha tak mai chu Kohhran mi mitlawmngai leh inpete inpekna azarah an nei ve ta a, hemi chungchangah hian Serkhana rawngbawla awm Evan. VMS Dawngkima chuan Biak in mamawh an neih theihna tura Sumpai thawh tu Sist. Marengi, Sihphir ami in Rs. 5000 a thawh te, Chanmari Local Missions Dept in Rs. 20000 an thawh bakah Sihphir kohhran atanga mimal thahnemngaite sum thawhkhawm Rs. 5400 an dawn bakah thutthleng tlawm taka siamsak tu Bro. Thara leh Biak in thlenga phurhsaktu Pu Vawra Sihphir te chungah lawmthu a sawi.
Serkhana Pentecost kohhran awm te kohhran lian lo te nimahse Kohhranhote inhmangaihna leh thawhhona fakin kohhranhote thawhrimna avanga hmasawnna kawng tam taka an neih thuah lawmthu a sawi bawk.
—-
Member thar :
North Mizoram District enkawl Mamit Bial chhunga awm, Damdiai Home Missions Field-ah Thawhtanni Zan kal ta July ni 27 Missionary Evan. Lalrampana’n mi thar chhungkaw khat member 5 chu Pentecost Kohhrana awm turin Lalpa Isua hmingin a seng lut.
—–
Induction service :
July ni 27, Thawhthan zan khan North Mizoram District PYD Choir 2020 – 2022 member thar te lawmluhna Induction Service chu Headquarters Biak inah neih a ni.
Induction Service Programme hi Evan C. Lalruatsanga, District PYD Music Committee Chairman in a kaihruai a, North Mizoram District Superintendent, Rev Laltluanga’n Lal Isua hminga lawm lut in fuihna thuchah a sawi bawk. District PYD Board chuan Conductor atan Bro Zairemmawia, Khatla South Kohhran chu ruatin member thar lawmluh te hi mipa 12 leh hmeichhia 12 an ni.
North Mizoram District PYD Choir te hi District PYD hnuaia Music Committee ten inkaihhruaina felfai tak hnuaia an enkawl niin kum 2 chhung atan ruat thin an ni a, District chhung leh pawnah hmun hrang hrangah theihtawp chhuahin rawngbawlin an penchhuak thin a, North East India Unit pawn thlengin rawngbawlin an fehchhuak thin a ni.
Induction Programme ah hian Zaipawl member kalchhuak tur mi 11 thlahna hun hman nghal a ni a, tin, North Mizoram District PYD Choir 2018 – 2020 Music Video pahnih – Lal fa ka ni tih hla leh Hrehawmna leh buaina piah saw tih hla, Covid 19 avanga hun eng emaw chen tlangzarh theihloh a awm chu Evan F. Lalngaihawma’n Lal Isua hmingin a tlangzarh nghal bawk a, Music Committee Official YouTube Channel – ah ngaihthlak theih tur a dah chhuah nghal a ni bawk. Induction Service Programme ah hian District PYD President, Evan J Vanlalruata hnen atangin member thar te fuihna thuchah ngaihthlak niin Evan K. Rotluanga, District PYD Secretary in member kalchhuakte fuihna thu sawiin ngaihhruina thilpek a hlan bawk a ni.
——–
Rev. C. Damchungnunga a chawl ta :
Pentecost meichher nung tak te zinga mi Rev. C. Damchungnunga chu July ni 30, Ninga ni chawhma dar 10:30 khan a rawngbawl sak thin Lalpa hnenah a chawl ta.
Rev. C. Damchungnunga hi Kum 1939 March ni 17 khan Lianpui khuaah a piang a, pianpui unau 6 a nei a ni. Thiamna lamah pawl ruk thleng zirin, kum 1972 khan Landour Missourie, Uttar Pradesh ah Bible zirin 1975 ah a Graduate a, hemi kum hian North Mizoram District chuan Pastor atan a la nghal a ni.
Pastor rawngbawlna a thawh chhungin bial 5 : Zohmun, Lengpui, Khawbung, Reiek leh Tlangnuam bial ah te a awm hman a, kum 2004 March ni 17 khan pension-in Tlangnuamaha in bengbel zui a ni.
Mi taima, themthiam leh rawngbawlna kawnga thahnemngai thei tak a ni a, Bible a mihring hming 1300 chuang en lovin Genesis atangin a dawt danin a sawi chhuak thei a. Mizo leh Indian History te hi a tuipui em em a, lehkha ziah leh chhiar nuamti mi a ni. Diary pawh June ni 26, 2020 thleng khan a ziak nghe nghe.
Pa taima tak a nih avangin a hrisel tha hle a, a pension hnuah pawh natna neuh neuhin han tlakbuak mahse, a zia ve leh mai zel a, June ni 27, khan a mita lungte awm avangin a khua te sikin a biak mumal theih lova, in lamah theih tawp chhuaha enkawl a nih hnuin July ni 30 khan a lei thuam hlimin a rawnbawlsak thin Lalpa hnenah a chawl ta a ni.
——
Churachandpur District :
July ni 26, Pathianni chhun khan Churachandpur Dist. level-a Auditors hlui leh a thar te, Dist. Level Deptt. O.B.te leh Dist. Board members ten Account maintenance leh Banking system tih thupui hmangin Hq. Biak in Salemveng ah Seminar an nei a, Bial Pastor pakhat tih loh chu palai an kalkim vek a, Seminar hi hlawk thlak an ti hle. Tlai lamah chawhlui an kilho nghal bawk.
Resources person te :
(1) Upa V.L.Mawia
(2) T.Upa Mangkholal (Lalboi)
(2) Ccpur Dist. Hly.board meeting chu July 29-30, 2020 chhung an nei dawn.
(Rorel pawimawh zual chu ka thawn leh dawn che nia)
——
Chhimtuipui District :
July ni 26, Pathianni khan 𝖯𝖾𝗇𝗍𝖾𝖼𝗈𝗌𝗍𝖺𝗅 𝖸𝗈𝗎𝗍𝗁 𝖣𝖾𝗉𝖺𝗋𝗍𝗆𝖾𝗇𝗍 𝖲𝖺𝗇𝗀𝖺𝗎 𝖲𝖾𝖼𝗍𝗂𝗈𝗇 chuan 𝖺𝗇 𝖻𝗂𝖺𝗅 𝖼𝗁𝗁𝗎𝗇𝗀𝖺 𝖧𝖲𝖫𝖢 𝗅𝖾𝗁 𝖧𝖲𝖲𝖫𝖢 𝗓𝗂𝗋𝗅𝖺𝗂 𝖿𝗂𝗋𝗌𝗍 𝖽𝗂𝗏𝗂𝗌𝗂𝗈𝗇 𝗅𝖾𝗁 𝖺 𝖼𝗁𝗎𝗇𝗀𝗅𝖺𝗆 𝗉𝖺𝗌𝗌 𝗍𝗁𝖺𝗍𝖾 𝗉𝗎𝖺𝗅𝗂𝗇 𝗅𝖺𝗐𝗆𝗉𝗎𝗂𝗇𝖺 𝗁𝗎𝗇 𝖺𝗇 𝗁𝗆𝖺𝗇𝗀.
𝖧𝖾 𝗅𝖺𝗐𝗆𝗉𝗎𝗂𝗇𝖺 𝗁𝗎𝗇 𝗁𝗂 𝖱𝖻𝗍 𝖧𝖢.𝖱𝖺𝗆𝗍𝗂𝗇𝗎𝗄𝖺 Bial 𝖯𝗋𝖾𝗌𝗂𝖽𝖾𝗇𝗍 chuan 𝖺 𝗄𝖺𝗂𝗁𝗁𝗋𝗎𝖺𝗂 𝖺, Bialtu Pastor 𝖱𝖾𝗏. 𝖪.𝖪𝖺𝗐𝗇𝗀𝗄𝗁𝖺𝗋𝗆𝖺𝗐𝗂𝖺 chuan 𝗁𝗎𝗇𝗌𝖾𝗋𝗁 𝗁𝗆𝖺𝗇𝗀𝗂𝗇 𝗋𝖾𝗌𝗈𝗎𝗋𝖼𝖾 𝗉𝖾𝗋𝗌𝗈𝗇 𝖺𝗍𝖺𝗇 𝖣𝗋.𝖭𝗈𝖾𝗅 𝖫𝖺𝗅𝗋𝖾𝗆𝗋𝗎𝖺𝗍𝖺 𝖲𝖺𝗂𝗅𝗈 𝖬𝖮 𝖯𝖧𝖢 𝖲𝖺𝗇𝗀𝖺𝗎 𝗁𝗆𝖺𝗇 𝖺 𝗇𝗂. He Programme ah hian 𝖼𝗁𝗁𝗂𝗆𝗍𝗎𝗂𝗉𝗎𝗂 Dist 𝖯𝖸𝖣 𝖾𝖽𝗎𝖼𝖺𝗍𝗂𝗈𝗇 𝖼𝗈𝗆𝗆𝗂𝗍𝗍𝖾𝖾 𝗁𝗋𝗎𝖺𝗂𝗍𝗎𝗍𝖾 𝗉𝖺𝗐𝗁𝗂𝗇 𝗁𝖾 𝗁𝗎𝗇 𝗁𝗂 𝗁𝗆𝖺𝗇𝗉𝗎𝗂𝗂𝗇 𝗂𝗇𝗓𝗂𝗋𝗍𝗂𝗋𝗇𝖺 𝗅𝖾𝗁 𝖿𝗎𝗂𝗁𝗇𝖺 𝗍𝗁𝗎 𝗍𝗁𝖺 𝗍𝖺𝗄 t𝖺𝗄 𝖺𝗇 𝗁𝗇𝖾𝗇 𝖺𝗍𝖺𝗇𝗀𝗂𝗇 𝗇𝗀𝖺𝗂𝗁𝗍𝗁𝗅𝖺𝗄 𝖺 𝗇𝗂. 𝖧𝖾 𝗁𝗎𝗇𝖺𝗁 𝗁𝗂𝖺𝗇 𝖲𝖺𝗇𝗀𝖺𝗎 𝖻𝗂𝖺𝗅 𝖼𝗁𝗁𝗎𝗇𝗀 𝗅𝗈𝖼𝖺𝗅 𝗁𝗋𝖺𝗇𝗀 𝗁𝗋𝖺𝗇𝗀𝖺 𝗁𝗋𝗎𝖺𝗂𝗍𝗎𝗍𝖾 𝗅𝖾𝗁 𝗄𝗁𝖺𝗐𝗍𝗅𝖺𝗇𝗀 𝗁𝗋𝗎𝖺𝗂𝗍𝗎 𝗌𝖺𝗐𝗆 𝖻𝗂𝗄 𝗍𝖾 𝗉𝖺𝗐𝗁 𝖺𝗇 𝗍𝖾𝗅 𝗄𝗂𝗆 𝗁𝗅𝖾. 𝖹𝗂𝗋𝗅𝖺𝗂 𝗍𝗂𝗍𝗁𝖺 𝗍𝖾 𝗁𝗂 𝖼𝗁𝖺𝗐𝗂𝗆𝖺𝗐𝗂𝗇𝖺 𝗍𝗁𝗎𝗓𝗂𝖺𝗄 𝗁𝗅𝖺𝗇 𝖺𝗇 𝗇𝗂 𝖺, 𝖺𝗇 𝗓𝗂𝗇𝗀𝖺𝗁 𝗁𝗂𝖺𝗇 𝖡𝗋𝗈.𝖫𝖺𝗅𝗋𝖾𝗆𝗋𝗎𝖺𝗍𝗆𝖺𝗐𝗂𝖺 𝖲/𝗈 𝖫.𝖫𝖺𝗅𝗍𝗁𝖺𝗇𝗀𝗓𝖺𝗎𝖺 𝖲𝖺𝗇𝗀𝖺𝗎-𝖨 𝗅𝗈𝖼𝖺𝗅 𝗆𝗂𝗓𝗈𝗋𝖺𝗆 𝗁𝗎𝖺𝗉𝖺 𝗍𝗈𝗉-5(𝖢𝗈𝗆𝗆𝖾𝗋𝖼𝖾 𝖲𝗍𝗋𝖾𝖺𝗆)𝖺 𝗅𝖺𝗇𝗀 𝗉𝖺𝗐𝗁 𝖺 𝗍𝖾𝗅 𝖺 𝗇𝗂.
——-
Ram lei :
Chhimtuipui Dist a Bualpui NG bial chhung Ṭialdawnglung hmun a biak in leh an ram zau ṭha tak leifel a ni.
Ram leina atan hian Dist MS Dept ten ₹ 30,000/- thawhin, kohhranpui in ₹ 50,000/- an thawh a ₹ 80000/- in he ram hi lei a ni.
He hmunah hian Evan G Lalnunzira chu Home missionary niin rawngbawlna anei mek a ni.
——–
Seminar :
July ni 30, Ningani khan Chhimtuipui Dist chhung sectional LAD hruaitu te chuan District Comtt Room-ah seminar an buatsaih.
First Session
Chairman: Sist. T.Lallianmawii b/w Pre Dist LAD
Devotion: Rev.Joseph L.Thlauhthang Dist Supt
Paper Present: Rev. WL.Thanghre Dist secy
Topic-‘Church Administration.
2nd SESSION
Chairman:Sist L.Nitei b/w
Devotion : Rev.Kholy Hlychho
District Treasurer
Paper Present: Rev. Dr.C.Sihmo Dir Mission dept.
Topic- ‘LEADERSHIP’
——
Lawmpuina :
July ni 25, Inrinni khan Council Veng Local PYD te chuan an veng atanga HSSLC pass te lawmpuina hun an hmang.
—–
District LAD Board :
July ni 29, Nilaini khan Chhimtuipui District LAD kum chanve Board an nei a, an rorel tlangpui te :
1. Dist Conference rorel te thlirletna leh hmalak ngaite enzui a ni.
a) Dist conf rorel bawhzuina atan Aug ni 16, Pathianni khian awm ni kham in, “Tu leh Fa tetan” ṭawngṭai rualna neih tur a ni.
b) Aug 22, Inrinni hian Dist chhung bial leh local ah aremchan angin khawtlang/vantlang hmun tihfai hnatlang thawh nise.
2. Aug ni 16, Pathianni hian tunlai natna hrileng COVID19 Hripui laka kan him theih nan leh hripui alo bo theih nan chawnghei ṭawngṭaina neih nise.
3. Tunhnai ruahsur avanga leiminin In sak lai ahnawl tak neitu Bro.N.T.Pawtha H/o T.Lallianmawii DIST LAD President te chhungkua chu Dist LAD chuan a tawrhpuiin, Rs.5000/- in ṭanpui ve nise.
4. Dist LAD Treasurer L Nitei BW hnen aṭang financial report ngaihthlak ani a. Hripui leng karah pawh Dist LAD ten hma ansawnin bial leh local a memberte inpekna leh hruaitute ṭhahnemngaihna ah dist board chuan lawmthu asawi tak zet a. Thathlah lova kepen zel turin dist chhung LAD techu an beiseiin an sawm a ni.
Heng bakah hian infuih tharnate neiin Hripui leng kara hmalak dan tur hrang hrang te an sawi hova, Rev W.L.Thanghre Dist secretary leh Rev.Kholy Hlychho ten Dist treasurer Board hi an telpui.
——-
Aizawl East District :
July 29, Nilaini khan District Committee room-ah Aizawl East District PYD hnuaia rorelna sang, kum chanve District Board chu tluang taka neih a ni.
Board hi Rev C.Lalmalsawma, President chuan kaihruaiin District Superintendent, Rev Biaksangzuala chuan rorel palai kalkhawmte lawmna thu sawiin District PYD-in hma a laknaah lawmthu a sawi a, PYD te chu Kohhran ti mawi a, tichaktu an nih thute Kohhran chu hmangaih taka enkawl turin a chah a, tawngtaina a nei nghal a ni. He hunah hian Rev H.Lalropuia, General PYD President pawhin thutawi sawiin General PYD hmalakna hrang hrangte ngaihthlak a ni. Aizawl East District PYD Board-ah hian thu ngaihtuah tur engemaw zat lutin an thu passed langsar zualte:
1. District PYD-in Missions Department kaltlanga Daido-a rawngbawlna a kpui mek chu kumin atan chhunzawm zel tha tih niin hun remchang hmasaberah hruaituten rawngbawlna kalpui zel dan tur enin Daido hmunah hian kal se tha tih a ni.
2. Kum 2021-a Sakawrdai Bial ten District PYD Conference an thlen tur chungchang ngaihtuah niin District PYD Hruaitu ten hun remchang hmasa berah Orgainising Committee te hmalakna lo enpui se tih a ni.
3. Hrileng avanga April 2020 atanga PYD thupui zirbu, zir tura ruahmanna lo siam tawh chu zir theih a nih loh avangin kum 2021 April atanga zir tan mai ni se tih a ni.
4. PYD Member Civil Service leh Exam danga tling an tam theih nan hmalak ni se tih chu District Education Committee ten hmalakna an neih tho avangin an hmalakna hi support mai ni se tih a ni.
5. Environment Sub-Committee Secretary tang lai chuan remchan lohna a neih avangin Treasurer ni lai Bro Lalengmawia Ralte, Zemabawk North bial chu Secretary atan ruat niin Treasurer-ah Sis Lalhunlawmawmi, Upper Republic Bial chu ruat thar a ni bawk.
Aizawl East District PYD Board hi District Kohhranpui hruaitute Dist Suptd Rev. Biaksangzuala, Secretary Rev. Vanlalfela Ramtiam, Treasurer Rev. V.L Hnemtluanga ten an telpui a ni.
——-
OTS Faculty Meeting :
July 27, Thawhtanni khan District Superintendent room-ah Aizawl East District hnuaia Short Term Course Pathian thu zirna, Oneness Theological Seminary (OTS) Faculty meeting neih a ni.
He hun hi Rev Biaksangzuala, Chairman Theological Education Board chuan kaihruaiin Kum 2020 atana Faculty tura ruat an telkim thei a ni. He hunah hian thu pawimawh tak tak ngaihtuah niin kum danga neih thin Mid-Term Test chu kuminah chuan hun a tlem deuh avangin neih loh mai ni se an ti a, kum danga CBC atangin Question an set thin chu General Executive Board in District kuta a dah angin Zirtirtuten mahni Subject theuh Question set ni se tih niin August 31 atanga September 3 chhungin Exam in September 6-ah Graduation Day hman tum ni se, TEB Meeting-ah Programme kimchang chu ruahman tura thlen ni se an ti a ni. Kumin 2020 Session-ah hian OTS-ah hian 1st Year-ah zirlai 12 an awm anga, 2nd year-ah 10 leh 3rd year-ah zirlai 9 an awm dawn a ni. Zirtirtu leh a n subject turte: Rev Biaksangzuala- Life & Work of Christian Minister, Rev Vanlalfela Ramtiam- Pneumatology, Rev VL Hnemtluanga- Epistles, Rev H Lalropuia- Bible Doctrine, Rev C Lalengliana- Church history, Rev VL Dika Sailo- Minor Prophets, Rev Ellic Hnehzova- Tabernacle te a ni. OTS hian kumin session atan hian August 3, Thawhtanni hian Registration Day, District Committee room-ah hmangin zirlai an tan nghal dawn a ni.
——–
Music and Sound Comtt :
Aizawl East District PYD hnuaia Music & Sound Committee chuan July 28, Thawhtanni khan Bro.Joel Lalhriatpuia te In, Upper Republic-ah Committee an nei.
He hun hi Rev C.Lalmalsawma, Chairman chuan kaihruaiin Project atan Music Video siam leh intuaitharna neih ni se tih niin intuaitharna hi August 22 atanga 24 chhungin Zemabawk vengpui Sunday School Hall dil ni se tih a ni a, Speaker-ah Rev H Lalropuia, General PYD President leh Rev C.Lalmalsawma, District PYD President te ni se tih a ni. Heng bakah hian Zaipawl form lei thar, District PYD in Mixer a neih mek Full Servicing tir ni se, lo buaipui turin Bro Laltanpuia Khiangte chu ruat a ni.
——–
Kum chanve Board :
August 6, Ningani hian District LAD te chuan kum chanve Board, District Committee room-ah an nei dawn. Sis.Zionparmawii B/W, President chuan a kaihruai anga Bial atang leh Official atanga agenda lutte an ngaihtuah dawn bakah Kumin October thlaa Mualpui Bial-a District LAD Conference neih tur chungchang ngaihtuah tura beisei a ni. District LAD Board hi District Kohhranpui hruaitute pawhin an telpui ang.
——–
Member thar :
July 26, Pathianni khan District Hqrs. Kohhranah Bialtu Pastor kutah mi pakhatin sual ngaihdamna baptisma a chang thar. A ni hi mithar niin Kohhranah sengluh nghal a ni.
Facebook