UPCNEINEWSSERVICE JAN 26- FEB 2. 2020
———-
UPC-North East India Kohhran rorelna sang, Executive Board, Budget Session Ni hnih awh chu January ni 29 leh 30 chhung khan General Hqrs Office Committee Room, Mualpui Salem veng Aizawlah neih a ni.
Executive Board Budget Session ah hian kum 2020 chhung atana General Kohhranpui Budget leh General Headquarters Administration hnuaia Department – General Missions, Sunday School, PYD, LAD, Offset Press, Media Cell, Bible College, Compassion Center, District hrang hrang budget, Mizoram chhung leh pawna zirna in leh Committee peng hrang hrang budget thlir ho a ni a, chanchin kimchang erawh karleh lamah tihchhuah a ni ang.
Budget bakah hian General Hqrs Adminstration leh District hrang hrang thawktu hlawh, Pay Commission-in a ruahman chu pawm a ni a, January 2020 atanga hman tan a ni ang. Tin, General Hqrs ah Motor park na tur Building ruahman nise tih te, Philipines thalai inkhawmpuia kalna tura General PYD in a dilna chu an approve bawk.
———–
Jan ni 28, Thawhlehni khan General Hqrs Office, Mualpui Salem veng Aizawlah Theological Education Board meeting neih a ni.
Meeting hi Rev. Lalmalsawma Sailo, General suptd chuan a kaihruai. An thurel tlangpui te :
Kum 2020 Calvary Bible College, Shillong Budget atan cheng Nuai 73 ruahman a ni.
Calvary Bible College Lecturer M.Th zir zo tur leh la zir turte avangin Lecturer Qtrs luah dan ruahmanna thar siam a ni. Hei hi, General Administrative Comtt ah thlen a ni ang.
Kumin 2020 September ni 8, hi Calvary Bible College kum 50-na a ni dawn a, Golden Jubilee a nih angin a lawman programme buatsaih nise tih a ni.
(PIC: CBC Meeting)
———
February ni 4 atanga ni 7 chhung hian General Hqrs Office, Mualpui Salem veng Aizawlah Kohhran sum Audit a ni dawn.
General Hqrs Account hrang hrang bakah General Administration hnuaia Department, Field leh Committee peng hrang hrang te sum Audit a ni ang. Auditors te hi Rev. C. Lalrammuana, Rev. Biaksangzuala,Rev. C. Lalrintluanga leh Rev. Joseph L. Thlauhthang te an ni.
————
Member thar :
January 27, Thawhtanni khan Bihar Missions Field, Bodhgaya section ah mem ber thar 20, Pentecost Kohhranah sengluh niin sual ngaihdamna Baptisma chantir nghal an ni.
Tuna member thar sengluhna, Aurangabad district ah hian Pentecost member an la awm lova, tunah hian bul tan thar a ni a. Bihar ram chhung District 9 : Patna, Vaishali, Chhapra, Katihar, Khagaria, Araria, Nalanda, Gaya, Aurangabad ah te Pentecost Kohhran din a ni ta a ni.
————
General hruaitute Programme :
General Suptd Rev. Lalmalsawma Sailo chuan Tripura District Conference vawi 10-na, Balaram Kohhrana neih hmanpuiin speaker-ah a tang ang.
————
District hrang hrang rawngbawlna chanchin :
Lunglei District :
January 24 zirtawp zan atanga 26 Pathianni chhung khan Lunglei District chhunga bial pathum, Thenhlum bial, Chawngte bial leh Tlabung bialte chuan bial Conference an hmang a, District hruaituten heng Conference hi an hmanpui.
1. TLABUNG BIAL : Tlabung bialte chuan an bial Conference vawi 15-na hi Chawnpui Local biak inah an hmang a, District Superintendent Rev.C.Vanlalena chuan Speaker niin a hmanpui. Inkhawmpui thupuiah hian ‘Isua Krista lo kal lehna’ tih chu hman a ni a, January 24 zirtawpniah PYD leh LAD ten rorelna neiin, January 25 inrinniah Sunday School Department leh Kohhranpuite chuan rorelna an nei bawk. An rorel langsar zualte:
A. KOHHRANPUI :
– Bial huap Seminar neih
– Buhfaitham tham tha lawmman siam
– Pastor Quarters chung sak chhunzawm
– Pastor Quarters Inverter leh battery ngaihtuah.
B. L.A.D. :
– Pastor Quarters tan budget Rs 12000 siam a ni.
– ASC home tanpui nan Rs 3000 pek nise.
C. P.Y.D. :
– Bial huap Crusade neih nise.
– Pastor Quarters-ah SemiSofa dah tura hma lak.
– Education Committee tana budget dah.
2. THENHLUM BIAL : Thenhlum bialte hian Changpui Local-ah an bial Conference vawi 27-na hi an hmang a, District Treasuser Rev.C.Lalrintluanga chuan Speaker niin a hmanpui. Inkhawmpui thupui atan ‘Mi zui rawh u, tichuan mihring mantuah ka siam ang che u’ Matthaia 4:19 chu hman a ni a, January 24 zirtawpni khan PYD, LAD leh Missions Department ten rorelna an nei a, January 25 inrinniah kohhranpui leh Sunday School Department ten rorelna an nei bawk. January 26 Pathianni chawhnuah Sacrament inkhawm neih a ni a, bial Secretary Evan. P. Lalhunthanga chuan a buatsaih a ni. Thenhlum bial inkhawmpui neih chhung hian Lalrampari Lungmawi Local chuan zaiin rawngbawlna a nei bawk. An rorel langsar zualte :
A. KOHHRANPUI :
– 2020 hian Bial huap Crusade Thenhlum Local-ah neih nise.
– Bial hruaitu atan Zuk leh hmuam nghei ngei nise tih chu kalpui zel nise.
– 2021 Conference chu Thenhlum Local-ah nghah a ni.
B. L.A.D. :
– District LAD Conference 2020 hi Bial huapa Motor hmana kal nise.
– Pastor Qtrs. ah Bed Sheet leh Lukham 3 dah nise.
– Bial LAD Bible ralchhan siam leh nise.
– Conference to Conference inkar a LAD Member kum 80 tling tharte hnenah Chawimawina thuziak hlan thin nise.
C. P.Y.D. :
– Dt.21-23.2.2020 chhung hian Thenhlum Local-ah Bial Meet neih nise. Speaker atan bialtu Pastor Pc.Zion Rammawia chu ruat a ni.
– Pastor Qtrs. Electric wiring a thar a thlak nise. A hma thei ang ber a hmalak nghal tur a ni.
D. MISSIONS DEPARTMENT :
– October thla chhung zawng hian Bial huapa Crusade neih nise. Crusade na hmun atan Changpui Local nise.
– District a thlen tur thu pawimawh tak tak an ngaihtuah bawk.
3. CHAWNGTE BIAL : Chawngte bial te pawhin an bial Conference vawi 41-na hi Lungrang S Local-ah an hmang a, thupuiah ‘Babulon thuruk’ tih chu hmangin District Missions Director Rev.R.Vanlalenga chuan hmanpuiin, January 25 inrinniah bial Missions Department, kohhranpui leh Sunday School Department ten rorelin January 27 thawhtanni hian bial inkhawmpui dawltu Lungrang S Local-ten Pathian chawimawina an nei a, hlim takin hun an hmang a ni. Rorel langsar zualte:
A. KOHHRANPUI :
– Dt.10.2.2020 hian Mautlang biak in sak Work Camp neih nise.
– Bial huap Upa leh rawngbawltu Retreat neih nise.
B. S.S.DEPT :
– Awarness Campaign neih nise
– Bial chhunga Local S.S. kai tha te lawmman pek nise tih te an rel a ni.
————-
Bial Conference :
January 31 zirtawp zan atang khan Pukpui bial, Zawlpui bial leh S.Vanlaiphai bialte chuan bial Conference an hmang.
Pukpui bial inkhawmpui vawi 35-na hi Zohnuai Local biak inah neih a ni a, District Treasurer Rev.C. Lalrintluanga chuan a hmanpui. January 31 zirtawpni khan Kohhranpui leh S.S. Department-te chuan rorelna an nei a, Feb.1 inrinni khan L.A.D. leh Missions Department-te chuan rorelna an nei bawk.
He bial inkhawmpuiah hian District Treasurer Rev.C. Lalrintluanga bialtu Pastor Rev.PC.Nghakliana leh Rev.T. Aichhunga ten thusawi rawngbawlna an nei dawn a ni.
Zawlpui bial inkhawmpui pawh Tuisenchhuah biak inah neih mek a ni a, Kohhranpui, Mission Department leh S.S. Department ten bial Conference-ah hian rorelna an nei a, Speaker atan Rev C. Vanlalena District Superintendent chu hman a ni.
S.Vanlaiphai bial Conference vawi 5-na pawh Darzo Local-ah hman mek a ni a, District Secretary Rev.PC.Lalfakawma chuan a hmanpui. February 1 inrinni khan bial kohhranpui, Missions Department leh S.S Department-ten rorelna an nei a ni.
——–
Rawngbawlin chhuak :
Feb.2 Pathianni hmang hian District Missions Director Rev.R.Vanlalenga chuan Laisawral Missions Field-ah rawngbawlna a nei ang. Laisawral-ah hian District Missions Department chuan Home Missionary atan Evan.Rohlupuia Thahlun chu a dah mek a ni.
———-
Member thar :
Kumin 2020 chhungin Chengpui Local-ah Baptisma khur vawi hnih hawn tawh a ni a, hetah hian mi pariat in Baptisma changin an zinga mi pathum hi mi thar an ni a, hei bakah hian chhungkaw khat member pasarih chu kohhranah sengluh an ni bawk.
Kumin chhungin Chengpui Missions Field-ah hian Member thar sawm an awm tawh a ni.
——-
Seminar :
Feb.1 inrinni khan Tawipui bial L.A.D.te buatsaihin Tawipui N-II biak inah Seminar neih a ni a, Resource Person atan Dist.P.Y.D. President Evan.V.Lalduhawma chu an hmanga, he hunah hian L.A.D. hruaitute bakah rawngbawltu nupuite an tel a ni.
——–
Lawngtlai West District :
District Supdt Rev.R.Ramthatzawla chuan Aizawl ah Executive board neiin Jan 29 atanga 30 chhung khan hun a hmang a, Aizawl atang hian Jan 31, Zirtawpni khan Tripura Dist Conferece hmanpuiin Tripura a pan.
District Mission Director Rev.F Lalbiakthuama chuan Jan ni 31 atanga Feb ni 2 chhunga neih Diltlang bial Conference a hmanpui mek. Director hi a nupui Sister B Lalsangremi. Evan.Henry H.Ramthianghlima, Sist.Zualboih, Rbt.Thangruala, Rbt JH Hmangaihzuala, Sis.Muani, Rbt.Lalduhkima, Rbt.PC Rokhuma, T.upa MC Rohmuaka, Dist LAD President Sis.J.Lalnuntluangi, Sis. Sangthluaii leh Sis. Jeneti ten an tawiawm a ni.
——-
January ni 24 atanga ni 26 chhunga Lawngtlai North Section Confernece vawi 44-na thurel tlangpui te :
1. Kum 2021 ah Council vengah conference Dt.29-31 January,2021 ah neih tur a ni.
2. Speaker neih leh thupui neih tha tih a ni a, Section board kutah dah a ni.
3. Thingkah hmunah Home Missionary rawih chhunzawm leh tha tih a ni.
4. Section department head ruatthar tur chu zuk leh hmuam ti lo ngei ruat tha tih a ni.
5. Chhotaguisuri -II Biak in sak tanpuina pek tha tih a ni a, section board kutah dah a ni.
Conference rorel hi Pastor Lalsawmliana Sailo Diatrict Secretary (District Re-present), Rev.F.Lalbiakthuama (District mission director) leh Pastor Lallawmsanga (Speaker) ten an ho a ni.
——–
Tripura District :
District Conference :
January ni 31 atanga Feb ni 2 chhung hian Tripura District Conference vawi 10-na, Ambassa Section Balaram-ah hman mek a ni.
Conference thupui atan hian Joshua 13:1 There remains very much land yet to be possessed tih hmangin; Jan 31, Zirtawp zan khan Tripura District Secretary Rev. R. Lalrinmawia chuan inkhawm kaihruaiin General Suptd Rev. Lalmalsawma Sailo chuan Conference hlanna a nei a. Conference chhungin Sis.Genevi Lalfakzeli Darlong, Sis.Lalnuntluangi(Nupuii), Kolasib ten zaia rawngbawlna an nei thin a ni.
Conference chhunga speaker te :
Zirtawp zanah : Rev. C. Lalthantluanga, N.Mizoram Dist. Mission Director,
Inrinni zanah : Rev. R. Ramthatzawla, Lawngtlai ‘W’ Dist. Supdt.,
Pathianni zingah : Rev. Lalmalsawma Sailo, Gen. Suptd
Pathianni zanah : Rev. WL Thanghre, Chhimtuipui Dist. Supdt.,
Kolkata Field Field Director Rev. V. Biaksangliana tawng lettu atana hman a ni bawk.
————-
Aizawl East District :
Training :
January 31, Zirtawpni khan District Missions Department hnuaia Home Missionary lak tharte tan Induction Training buatsaih a ni.
He hun hi District Committee room-ah neih niin Rev R.Lianzama, Missions Director hnen atangin Evangelism chungchang ngaihthlak niin Rev Rosanga Kawlni, District Superintendent hnen atangin Administration leh Rev Biaksangzuala, District Secretary hnen atangin Leadership chungchang ngaihthlak a ni bawk.
———-
Home Missionary tirhchhuahna :
February 2, Pathianni zan hian Zemabawk Vengpui Biakin-ah District Missions Department hnuaia Home Missionary lak tharte tirhchhuahna hun hman a ni dawn.
He hun hi Rev R.Lianzama, Director chuan kaihruaiin tirhchhuahna leh hlanna Rev Rosanga Kawlni, District Superintendent chuan a nei anga, Rev Biaksangzuala, District Secretary hnen atangin fuihna thu ngaihthlak a ni ang. Heng Home Missionary te hi January 16, Ningani khan Interview hmangin lak an lo ni tawh a, chungte chu:
1. Sis Sangkhumi B/W
2. Evan Vanlalrosiama
3. Evan H.Lalhmingmawia
4. Evan HK Lalhmangaiha
5. Evan Vanlalnghaka
6. Evan H.Lalbiakzauva
7. Evan H.Malsawmthanga
8. Evan K.Vanlaldika
9. Bro H.Lalfakzuala
10. Bro Ramhuapliana
———–
Bial PYD Inkhawmpui :
Aizawl East District chhunga bial hrang hrangte chuan January 24 atanga 26 chhung khan Bial PYD Inkhawmpui hlawhtling takin an hmang.
Bial PYD Inkhawmpui-ah hian Zirtawp Zan atang khan Bial thenkhat chuan Revival Inkhawma hun hmang nghalin Bial thenkhat chuan Variety Programme-in hun an hmang a, Bible Quiz, zaipawl leh lengkhawm zai hmanga intihsiak an awm bawk. January 25, Inrinni nileng khan Bial chhung in awpna leh District-a lut tur bakah Kum 2020 chhunga Bial kalphung turte ngaihtuahin rorel Inkhawm an nei hlawm a, hetah hian Bial thenkhat chuan Missionary rawngbawlna bakah North East India UPC ten fahrah chawmna kan neih, ASC Home Sponsor chungchangte an rel bawk a ni. Bial PYD Inkhawmpui hi hetiang hian District PYD hruaitute chuan an hmanpui a ni.
District PYD Treasurer, Bro R.Vanlalpeka chuan Sakawrdai Bial-ah a hmanpui a, Bro K.Lalbiaknunga, Fin. Secretary chuan Chhingchhip bial hmanpuiin Evan C.Lalremruata, Asst. Secretary chuan Bawngkawn Bial a hmanpui a, Evan C.Lalchhuanga, Vice President, Evan F.Malsawmtluanga, Secretary leh Rev R.Laltlankima, President te chuan Aizawl khawpui chhung bial hrang hrangah an hmanpui bawk a ni. Tun dinhmunah Aizawl East District chhungah hian Bial 30 awm mekin PYD Member Kum 2019 report atanga a lan danin sangruk zaruk chuang an awm mek a, District PYD te hian Zokhawthar hmuna Building an sak chu Kum 2018 December thla khan hawn alo ni tawh a, Khawlian Bial, Daido hmunah rawngbawlna Missions Department te nen tangkawpin an nei mek bawk a ni.
Bial hrang hrang hman dan kan hriattheihte report tawi ngaihthla ila:
Bawngkawn bial chuan Ramhlun Vengthar biakin-ah Inkhawmpui vawi 25-na, Silver Jubilee Conference ni bawk chu hlawhtling takin an hmang a, Thupui-ah “Lalpa chuan thil ropui takte min tihsaka, kan lawm hle a ni” Sam 126:2 thu hmangin Speaker-ah Evan C.Lalremruata, District PYD Asst. Secretary an hmang a ni. Silver Jubilee Conference a nih angin Bial PYD Hruaina hna lo thawk tawhte hnenah chawimawina hlan niin Souveir buatsaih a ni bawk a, Bial PYD President lo ni tawh thenkhatte hnen atangin thusawi tawi an ngaithla bawk a ni. Bawngkawn Bial te hian thu leh awm hma chu District Missions Department-ah Missionary pahnih chawm turin rorelna chuan an passed a ni.
Bazar bial te chuan District Hqrs. Kohhran-ah Bial PYD Inkhawmpui vawi 27-na hlim takin an hmang a, Thupui hranpa nei lovin Speaker-ah Evan T.Biaklala an hmang a ni.
Keifang bial te chuan Bial Hqrs. Keifang hmunah Bial PYD Inkhawmpui vawi 4-na hlim takin an hmang a, Thupui-ah “I rawngbawlna kha hlen rawh” II Timo. 4:5 thu hmangin Speaker-ah Evan H.Lalrinliana an hmang a ni.
Champhai Bial te chuan Jail Veng Kohhran Bial PYD Inkhawmpui vawi 44-na hlim takin an hmang a, Thupui hranpa nei lovin, Speaker-ah Bialtu Pastor, Rev VL Hnemtluanga an hmang a ni.
Saitual Bial te chuan Tualbung Kohhranah Bial PYD Inkhawmpui vawi 32-na hmangin Thupui hranpa nei lovin Speaker-ah Rev R.Sangthanga an hmang a ni.
N.Vanlaiphai Bial PYD te chuan Khawlailung Bunghmun Kohhranah Bial PYD Inkhawmpui vawi 55-na hi an hmang a, Thupui-ah “Nang malsawmna ni ang che” Gen. 12:2 thu hmangin Speaker-ah Bialtu Pastor H.Lalropuia an hmang a ni. N.Vanlaiphai Bial te hian Lengkhawm zai leh PYD thiltum hmangin Local intihsiakna an nei a, Kum 2019 Conf.leh 2020 Conf. inkara Bible chhiarchhuak mi 6 te hnenah lawmman an hlan bawk. Kum 2021-ah Headquarters Kohhranah Inkhawmpui hi an hmang leh ang.
Khawruhlian Bial te chuan Kepran hmunah Bial PYD Inkhawmpui vawi 48-na hlim takin an hmang a, Thupui hranpa nei lovin Speaker-ah Evan HMS Dawngkima an hmang a ni. Inkhawmpui tan zan khan Lengkhawm zai leh Bible Quiz hmangin intihsiakna an nei a ni. Inkhawmpui chhung hian thlarau thianghlim dawngthar mi 3 awmin siamtharlehna chang mi engemaw zat an awm bawk a ni.
Chhingchhip bial te chuan Bial Hqrs. Chhingchhip Kohhranah Bial PYD Inkhawmpui vawi 34 leh meet vawi 17 hlim takin January 23, Ningani atang khan an hmang tan a, Ningani chawhnu khan Account Training a bul tanin Evan Hr. Lalrindika, District Office Casheir leh Dist. S.S Secretary ni bawk chu Resource person-ah an hmang a ni. Meet hi January 25, Zirtawp zan thleng khan hmangin Item chi hrang hrang hmangin intihsiakna an nei a ni. Chhingchhip Bial te hian Inkhawmpui thupui-ah “I dinthar leh ang u” Nehemia 2:17 thu hmangin Speaker-ah Bialtu Pastor, Rev PB.Chawngtinliana an hmang a ni. Chhingchhip Bial te hian Bial chhungah Sheaves for Christ tihhlawhtlin nan rawngbawltu rawih ni se an ti a ni. Chhingchhip Bial-ah hian Bro K.Lalbiaknunga, District PYD Fin. Secretary chuan hmanpuii Pathianni chawhnu khan thusawi rawngbawlna a nei a ni.
Khawhai Bial te chuan Vangtlang Kohhranah Bial PYD Inkhawmpui vawi 48-na hlim takin an hmang a, Thupui hranpa nei lovin Speaker-ah Rev JH Zahluna, an hmang a ni.
Champhai Bethel Bial te chuan Zion Local-ah Bial PYD Inkhawmpui vawi 13-na hlim takin an hmang a, Speaker-ah Evan K.Vanlaldika an hmang a ni.
E.Lungdar Bial te chuan N.Mualcheng hmunah Bial PYD Inkhawmpui vawi 36-na hlim takin an hmang a, Speaker-ah Evan H.Remhlua an hmang a ni. E.Lungdar Bial te hian Bible Quiz leh Lengkhawm hla hmanga intihsiakna neiin Kum 2021-ah E.Lungdar Kohhranah Inkhawmpui hi an nei leh ang.
Khawzawl Bial te chuan Evan V.Lalduhawma, Lunglei District PYD President Speaker-a hmangin Bial PYD Inkhawmpui hi Bial Hqrs. Khawzawl Vengthar Kohhranah an hmang a, Thupui-ah “Nang malsawmna ni ang che” Gen. 12:2 thu an hmang a ni.
Zemabawk Bial te chuan Bial Hqrs. Zemabawk Vengpui Kohhranah Inkhawmpui vawi 32-na hlim takin an hmang a, Thupui hranpa nei lovin mi hrang hrang hnen atangin thusawi an ngaithla thin a ni. Inkhamwpui tan zan khan Variety programme a hun hmangin Zaipawl, Quiz leh Worship dance te entir a ni.
Thuampui Bial te chuan Thuampui Kohhranah Bial PYD Inkhawmpui vawi 12 na hlim takin an hmang a, Thupui hranpa nei lovin mi hrang hrangte hnen atangin thusawi ngaihthlak a ni.
Sakawrdai Bial te pawhin New Vervek Kohhranah Bial PYD Inkhawmpui vawi 45 na hlim takin an hmang a, Thupui hranpa nei lovin Sis Lalvohbiki, C Lalrammawia bakah Bro R.Vanlalpeka, district PYD Treasurer leh Bialtu Pastor K.Lalmuanpuia te hnen atangin thuchah an ngaithla thin a ni.
Thingsulthliah Bial te chuan CTI Kohhranah Bial PYD Inkhawmpui vawi 48-na hlim takin an hmang a, Thupui hranpa nei lovin Bialtu Pastor Rev Rohmingliana Speaker-ah an hmang a ni.
Serchhip Dinthar Bial te chuan Pastor K.Vanlalhruaia Speaker-a hmangin Hriangtlang Kohhranah Bial PYD Inkhawmpui vawi 19-na an hmang a, Thupui-ah “I ram lo thleng rawh se” Luka 11:2 thu an hmang a ni.
Serchhip Bial te pawhin Bial PYD Inkhawmpui vawi 44-na hlim takin Ngentiang Kohhranah an hmang a, Speaker-ah Bialtu Pastor B.Lalengzauva an hmang a ni. Inkhawmpui boruak kal zelah January 27, Thawhtanni khan Pathian chawimawina neih a ni a, hlim takin hun an hmang a ni. Serchhip Bial PYD Inkhawmpuiah hian palai mi 90 chuang kalin Kum 2021-ah Bial Hqrs. Biakinpui-ah inkhawmpui an hmang leh ang.
Darlawn Bial te chuan Ratu Melkawn Kohhranah Bial PYD Inkhawmpui vawi 35-na hlim takin an hmang a, Thupui-ah “I vanglai hian i siamtu hre reng rawh” Thuhriltu 12:1 thu an hmang a ni.
Rabung Bial te chuan Evan JH Malsawmdawngliana, Gen. PYD Secretary Speaker-a hmangin Aiduzawl Kohhranah Bial PYD Inkhawmpui vawi 52-na hlim takin an hmang a ni. Rabung Bial te hian 2020 chhunga ASC Home tanpuina pek te, Thlarau Thianghlim harhna a thlen theih nan beihpui thlak te bakah Thianghlimna Seminar, Bial PYD Inkhawmpui 2021-ah neih te an passed bakah 2021-ah Hliappui-ah Inkhawmpui hi an hmang leh dawn a ni.
Mualpui Bial te chuan ITI Kohhranah Bial PYD Inkhawmpui vawi 6-na hlim takin an hmang a, Speaker-ah Evan HK Lalhmangaiha an hmang a ni. Zirtawp zan khan Variety Programme-a hun hmangin Bible Quiz hmanga inelna neiin Bial chhunga veng tinin items zirtir nei tha tak tak an entir bawk.
Mualpui Bialte hian 2020 chhunga Bial huapa thisen pek te, zuk leh hmuam, ruihhlo lam hawi seminar buatsaih te, General leh District PYD hnuaia Missionary chawm te bakah Bial huapa ASC Home tanpui leh Revival Crusade neih te an thu passed langsar a ni.
Ngopa Bial te chuan Selam Vengthar Kohhranah Bial PYD Inkhawmpui vawi 29-na hlim takin an hmang a, Thupui-ah “Krista tana sengkhawm” tih hmangin Rev Biaksangzuala, District Secretary Speaker-ah an hmang a ni.
Bethlehem Bial te chuan Bethlehem Vengthlang Kohhranah Bial PYD Inkhawmpui vawi 38 na hlim takin an hmang a, inkhawmpui tan zan khan lengkhawm zai leh quiz hmanga intihsiakna neiin Thupui hranpa nei lovin mi hrang hrang hnen atangin thusawi an ngaithla thin a ni.
Zohmun Bial te chuan Bial PYD Inkhawmpui vawi 11-na Mauchar hmunah hlim takin an hmang a, Thupui-ah “Isua lokal lehna” Thupuan 22:12 thu hmangin Bialtu Pastor B.Lalhmingliana Speaker-ah an hmang a ni. Zohmun Bial chhungah hian PYD member zuk leh hmuam nghei thar mi 5 an awm a ni. Kum 2021-ah N.Tinghmunah Inkhawmpui hi an hmang leh anga, 2020 PYD Day bialin a huhova hman ni se an ti bawk.
Upper Republic Bial te chuan Bial Hqrs. Upper Republic Kohhranah Bial PYD Inkhawmpui vawi 25-na, Silver Jubilee ropui takin an hmang a, Zirtawp zan khan Silver Jubilee lawmna hmangin Variety Programme in hun an hmang a, Jubilee hawnna Bialtu Pastor, Rev C.Lalengliana chuan neiin Upa Rodailova Zote, Bial PYD President hmasa berin Jubilee meidetna a nei bawk. He hunah hian Upper Republic Bial Hruaina hna lo thawkte bakah Sport leh Education lama ti thate hnenah chawimawina an hlan bawk a ni. Upper Republic Bial PYD Inkhawmpui-ah hian thupui hranpa nei lovin Bialtu Pastor, Rev C.Lalengliana bakah Bial PYD President lo ni tawh thenkhatte hnen atangin thusawi an ngaithla thin a ni.
Hnahlan Bial te chuan January 10-12 chhung khan Khuangphah Kohhranah Bial PYD Inkhawmpui hi remchan zawkna avangin an lo hmang tawh a, Thupui-ah “Mite awmna tura kawngte siamthatu ni ang che” Isaia 58:12 thu hmangin Speaker-ah Khawruhlian Bialtu Pastor Hmingchungnunga Ralte an hmang a ni. Inkhawmpui-ah hian palai 100 chuang kalin Kum 2021 Inkhawmpui Vapar an hmang leh dawn a ni. Inkhawmpui neih chhung hian thlarau lam siam tharna chang mi engemaw zat awm in, thlarau baptisma la chang lo mi pathum in thlarau baptisma an chang thar bawk a ni.
———-
Audit :
Aizawl East District hnuaia Kohhranpui leh Department hrang hrangte sum chu February 11 atanga 14 hian Audit a ni dawn. Auditor atan Pastor H.Lalropuia, Pastor Lalhmangaihawma Parte bakah Pastor B.Lalengzauva leh Upa Joseph Lalhruaitluanga te chu District Board chuan alo ruat tawh a ni.
———-
Bial Kohhranpui inkhawmpui :
Aizawl East District chhunga Bial hrang hrangte chuan karleh February 7 atanga 9 chhung hian Bial Kohhranpui Inkhawmpui an hmang dawn.
Inrinni nilengin Bial chhung inawpna leh District-a lut tur ngaihtuahin rorelna hun neih a ni ang. Inrinni zan atangin Revival Inkhawm a hun hman nghal a ni ang. He hunah hian Bial chhunga Member boral sunna hun hman nghal a ni bawk ang.
Aizawl East District chhungah hian Bial 30 awm mek in Bial Inhawmpui hi District Hruaitute’n hmun hrang hrang-ah an hmanpui dawn a ni.
———-
Member thar :
January 26, Pathianni khan Zemabawk Kohhrana lawi turin mithar 3 Kohhranah sengluh an ni. Zemabawk Kohhranah vek hian January 19, Pathianni khan mithar 5 sengluh an lo ni tawh bawk.
January 25 khan Thuampui Bial, Falland Kohhranah mithar 1 in sual ngaihdamna baptisma Bialtu Pastor, Rev KVL Hmangaihkima kuta a chang bawk.
———-
District hruaitute Programme :
District Kohhranpui hruaitute chuan Pathianni zana Zemabawk Vengpui Biakina Missionary tirhchhuahna neih-ah an tel anga, Rev Rosanga Kawlni, District Superintendent chuan tirhchhuahna leh hlanna neiin Rev Biaksangzuala, District Secretary hnen atangin fuihna thu ngaihthlak a ni anga, Rev Vanlalfela Ramtiam, District Treasurer in Benediction hun a hmang thung dawn a ni.
————
Churachandpur District :
Sectional Conference :
Jan ni 31, Zirtawp zan atanga feb ni 2, Pathianni thleng hianThangting Section leh Lentlang Section te chuan Sectional Conference an hmang dawn.
Thangting Section hian S.Molhoi ah Conference hi an hmang dawn a, District Secretary Rev. Paosei leh Rev.Haungama Dist. Treaurer te chuan Conference hi an hmanpui a.
Lentlang section ten Rengkai ah Sectional Conference hi hmangin Dist Suptd Rev.Lalzawm leh Pastor. K.Lalramdina Tuibong Section Pastor ten Confernece hi a hmanpui.
————
Chhimtuipui District rawngbawlna chanchin :
Member thar :
Jan ni 26, Pathianni khan Riasikah Kohhran a lawi turin chhungkaw 2 member 7 techu Sectional Pastor Kholy Hlychho chuan Pentecost Kohhranah a senglut a. Pangkhua Kohhran ah pawh chhungkaw khat member 3 chu Pentecost Kohhrana lawi turin Home Missionary Evan Larry Lalliandingan a senglut bawk.
———
Bial Inkhawmpui :
Chhimtuipui Dist chhung Bial hrang hrangte chuan Jan 31 atanga Feb ni 2 chhung hian Bial inkhawmpui an hmang mek.
1. Siaha Bial te chuan Dist Hqrs local New Siaha ah inkhawmpui an hmang a, Evan Robert B Lalnunsiama T Home missionary rawngbawltura ruaiin “Nang malsawmna ni ang che” “Gen 22:2” tih thupuiah an hmang.
2. Niawhtlang Bial techuan Siata I local ah khawmpui an hmang thung anga, Evan K Rinthara Dist PYD President chu speaker atan an ruai.
3. Tuipang bial te chuan Tuipang V local ah Conferrnce an hmang a, Rev C Valy pensioner chu speaker atan a ruai.
4. Sangau Bial techuan Sangau II localah khawmpui an hmang a, Evan V John, Dist SS Director chu speaker atana ruaiin, Thianghlimna tih thupui atan an hmang.
——–
No Tobacco & Prevention of TB :
Siaha Bial PYD hmalaknain Jan ni 25, Inrinni khan Chhimtuipui Dist Hqrs local Sunday school Hall ah workshop on No tobacco & Prevention Of TB neih a ni.
He hunah hian sawrkar lam heng mite hnen aṭang hian zirtirna ngaihthlak niin zawhna leh chhanna hun hlawkthlak tak an hmang bawk. Resources person te :
1. J. Lalthanzuali ( Tobacco)
2. CH. Beikhochhi (TB)
———
Lawmthusawi chawimawina report :
1. Rbt.C.Vanlalpeka Sangau II chuan Jan ni 23, Ninga ni khan Bawng leh Vawkin Chawimawina a nei a, Kohhran ten Pathian malsawmna tam tak an dawng a.He Chawimawina ah hian Pastor C.Lalchhuanthanga leh Evan.Larry Lalliandinga ten rawngbawlna an nei.
2. Jan ni 25, Ninga ni vek khan Siaha Council Veng Kohhran ten chawimawina an nei a, thlarau malsawmna hnuai ah hun hlimawm tak an hmang a. Tualchhung Kohhran Upa ten rawngbawlna an nei.
3. Jan ni 28, Thawhlehni khan Pu.H.Hengnawna Sangau I ten Pathian chawimawina neiin thlarau malsawmna nasa tak dawngin Bialtu Pastor Pastor K.Kawngkharmawian rawngbawlna a nei.
———–
N. Mizoram District :
District hruaitute Programme :
Feb. ni 3 Inrinni khan Dist. Supdt. Rev. Laltluanga, Dist. Secy. Rev. Chhiarpuia leh Dist. Treasurer Rev. K. Lalduhsanga te chuan Hunthar Bial Sairang Kohhran Golden Jubilee lawmnaah hun an hmang.
Rev. Laltluanga Dist. Supdt. hian Sairang kohhran Golden Jubilee Lungphun hawnna neiin; Rev. Chhiarpuia Dist. Secy. chuan Souvenir tlangzarhna a nei a, Rev. K. Lalduhsanga Dist. Treasurer chuan Thusawina hun neiin, Rev. Laltluanga’n chawhnu lam inkhawmah thurhil rawngbawlna a nei bawk.
——–
Bial PYD Conference :
North Mizoram District chhunga pastor Bial 30 te chuan Conference hlim leh hlawhtling takin an hmang, Conference neih chhung hian Bial hrang hrang thalaite’n Pathian Thlarau thianghlim siamtharna leh khawihnawnna changin hlawhtling takin an hmang hlawm a ni.
Bial PYD Conference hi District PYD hruaitute pawhin anmahni sawmtute sawmna tihlawhtlingin:-
i) District PYD President Evan. F. Lalngaihawma’n Thenzawl Bial PYD Confe. hmanpuiin; Dist. PYD Secretary Bro. K. Rotluanga’n Reiek Bial PYD Confe. a hmanpui thung a, District PYD Treasurer Evan. Vanlalpeka Fanai chuan Lengpui Bial PYD Confe. a hmanpui bawk a ni.
Hei bakah hian District leh Deparrtment hruaitute pawhin hetiang hian Bial PYD Confe. an hmanpui bawk:-
Dist. Supdt. Rev. Laltluanga, Dist. Secretary Rev. Chhiarpuia leh Gen. PYD Secy. Evan. J.H Malsawmdawngliana te chuan Reiek Bial PYD tena Conference vawi 50-na an hman Golden Jubilee an hmanpui a, District Treasurer Rev. K. Lalduhsanga’n Rengdil Bial PYD Confe. hmanpuiin; Dist. Mission Director Rev. C. Lalthantluanga chuan Sumsuih Bial PYD Conference a hmanpui bawk a, hei bakah hian Dist. Sunday Director Rev. K. Malsawmtluanga chuan Tlangnuam Bial PYD Confe. Samtlangah a hmanpui bawk a ni.
North Mizoram District chhunga Thalai Bial 30 Conference nei te hian Jan ni 26 Inrinnni nileng khan, kumin 2019 chhunga Bial tinte’n an hmalak dan turte relin hun an hmang a, an rorel tlangpuiah kum 2020 Confe. thlenna hmun tur te, Missions rawngbawlna kawnga ke an pen dan tur te, Ram, khawtlang leh Vantlang tana malsawmna an nih theih dan tur kawng te bakah Dist. PYD Confe Agenda tur te an rel tel bawk a ni.
Reiek Bial PYD te chuan kumin Confernce an hman hi Golden Jubilee Conference a nih angin; Golden Jubilee Conference Programme an duang a, Zirtawp chhunah Conference rorel neiin; Jan ni 26 Inrinni chu Golden Jubilee puala programme siamin Souvenir Tlangzarhna te, Golden Jubilee lungphum hawnna te neiin; Tlaiah Golden Jubilee lawmna ruai tuihnai tak an kilho bawk a ni.
Chaltlang Bial PYD ten Jan ni 24-26 chhung khan Bawngkawn Kohhran Biak inah Khawmpui vawi 49-na an hmang a, Speaker atan Rev C Lalramthanga, Bialtu Pastor an ruai.
Conf. hi a tan zan Zirtawp zan, atangin Inkhawm an thahnem thei hle. Zirtawp zan hi ‘NEI MANUA BYE LAW’ leh ‘Isua thisen hlu luangah khan’ KHB 148 hmangin local hrang hrang ten intihsiakna an nei a ni. member ten an hlutin hlawkthlak an ti hle.
Inrinni nileng khan rorel inkhawm an hmang a, General Missions field tlawh, General leh District Missionary chawm chhumzawm zel, Kum 2020 Conf Golden Jubillee lawm dan turte leh Bial huapa hmalak tur hrang hrangte bakah District-a lut chho tur leh Bial Kohhranpuia lut chho tur an rel bawk a ni.
Conference chhung hian Thlarau Baptisma dawng thar pasarih lai awmin siamtharna chang engemaw zat an awm bawk. Bial chhunga zaithiam tak takte bakah Chaltlang Bial PYD Zaipawl ten zai rawngbawlna an nei a, Thlarau lam boruak a thain, inkhawm apiangin hlapui an rem a ni.
Chaltlang Bial PYD te hian kum kal ta chhung khan Bial huapa thisen pek, Bial chhunga zirlai hlawhtlingte chawimawi, skill development training(Electric wiring & Fitting etc), Kawrthah Biak In sak tanpuina pek bakah Kawrthah pual appeal, General leh District Missionary chawm bakah bial chungah kawng hrang hrang hmangn rawngbawlna an nei a ni.
Kum 2020 hian PYD member 360 an awm a, rawngbawlna atangin member thar 6 an senglut a, zuk leh hmuama fihlim 131 an awm a, nghei thar 12 an awm bawk a ni.
——–
Audit :
North Mizoram District hnuaia kohhhran sumpui leh Department leh Committee peng hrang hrang kum 2018 thla chhawhnu lam sum hman dan endik hna chu Jan ni 28 Thawhtanni atang khan thawk tanin Jan 29 thawhlehni khan an zo.
Kohhranpui sum leh Department hrang hrang sum hman dan endik hna hi Rev. C. Lalrammuana Sihphir, Evan. Lalngaihawma Fanai leh Tual Upa C. Lalnunmawia ten endikin; Headquarters kohhran Biak in hnuaia District Committee room-ah endik hna hi an thawk a ni.
———
District LAD Executive committee :
Jan ni 29 Thawhlehni chawhma dar 10:30 khan North Mizoram District LAD Executive committee District Office Supdt. Chamber-ah neih a ni.
Meeting hi LAD President Sist. P.C Lalromawii’n kaihruaiin General LAD conference North Mizoram District in kumin Oct. ni 10-13 chhunga Kolasib Diakkawn Biala an thlen tur chungchang thlirhona an nei a. Gen. LAD conference thlengtu tur Kolasib Diakkawn Bialte pawhin Committee peng pawimawh hrang hrangte indinin Gen. LAD Conference thleng tur hian nasa takin inbuatsaihna an kalpui tawh tih report ngaihthlak a ni.
District LAD Executive Meeting hian Financial Campaign relin hetiang hian Financial Campaign neia fehchhuah dan tur an rel:-
i) Kanghmun Bialah Dist. LAD President Sist. P.C Lalromawii a kal ang.
ii) Bukpui Bialah Dist. LAD Secretary Sist. Laldawngliani leh Chaltlang Bial LAD President te an kal ang.
iii) West Phaileng Bialah Dist. LAD Treasurer Sist. K. Lalrokimi a kal ang.
iv) Damparengpui bialah Sist. Lalzuiliani Chawlhhmun Bial LAD President a kal ang.
———–
Member thar :
Rengdil bial P.Y.D conference hman kal zelah Jan ni 27, Thawhtan zan khan Rengdil kohhran ah Evan Lalramhluna hmar speaker in rawngbawlna a neih chhunzawm a, mithar -6 ( chhungkaw -2) Pentecost Kohhrana lawi turin sengluh an ni a, nau -3 hlan nghal a ni bakw.
Member thar sengluhna ni Bialtu pastor C.Lalthlengliana’n a nei a, inkhawm banah mi -3 in sual ngaihdamna baptisma Lalpa Isua hmingin an chang nghal a ni.
Facebook