———
Bangladesh Crusade report :
January ni 16 tlai dar 3 aṭanga ni 18 zan thlenga Bangladesh ram Khulna khawpuia Crusade neih zawh takah ropuiin Lalpa a inpuang a, He Revival Crusade ah hian US leh Spain atangin palai 45 an kal a, North East India atangin Kolkata Field Director Rev. V. Biaksangliana a kal bawk.
Speaker te :
1) Rev.Charlos Robinet
2) Rev.James N Corbin
3) Rev. Nathaniel Herrod
4) Rev. Ellen Shalm
5) Rev. Peter R Biwas.
Crusade report tlangpui :
Mipui pungkhawm/chhimtu – mi 12,000 chuang.
Mi 7000 velin Thlarau an dawng thar
Damna chang mi 7000 vel awmin heng zingah hian –
Mitdel- mi 75 vel
Bengngawng – mi 100 vel
Taksaa báwk (tumor) – mi 53
Zeng – mi 63
Taksa pum zeng – mi 1
Ruhseh/ruh ná – mi 60 vel
Taksa ná – mi 50 vel
Ṭawngthei lo – mi 1 ten Pathian tihdamna ropui tak chawp leh chilhin an chang nghal a ni.
———
General hruaitute Programme :
General Suptd Rev. Lalmalsawma Sailo leh General Treasurer Rev. Zohmingthanzama te chuan tun Pathianni hian zin chhuak lovin District Hqrs Kohhran, Tuikhuahtlangah hun an hmang ang.
General Secretary Rev. R. Lalrinsanga Australia zin chuan Jan ni 23, Ningani khan dam takin Aizawl a thleng.
Kan tarlan tawh angin Rev. R. Lalrinsanga, Rev. R. Lalhawia leh Rev. R. Laichhingpuia te hian Australia General Conference hmanpuiin Jan ni 2 atanga ni 4 chhung khan hun an hmang tlang a. Rev. R. Lalrinsanga hian Canberra leh Melbourne ah te Revival Crusade neiin rawngbawlna a neih chhunzawm a ni.
General Missions Director Rev. R. Lalhawia chuan Jan ni 24 atanga ni 26 chhunga Dimapur Field Conference hmanpuiin rawngbawlna a nei.
General Sunday School Director Rev. R. Laichhingpuia chuan Tripura khawpui Agartala-ah rawngbawlna neiin Sunday School pualin Traners Trainning an nei.
———-
District hrang hrang rawngbawlna chanchin
Lunglei District :
January 24 zirtawp zan atang khan Lunglei District chhunga bial pathum, Thenhlum bial, Chawngte bial leh Tlabung bialte chuan bial Conference an hmang a, District hruaituten heng Conference hi an hmanpui a ni.
Tlabung bial Conference vawi 15-na hi Chawnpui Local biak inah neih a ni a, District Superintendent Rev.C.Vanlalena chuan he bial inkhawpui hi Speaker niin a hmanpui a, inkhawmpui thupuiah hian ‘Isua Krista lo kal lehna’ tih chu hman a ni. January 24 zirtawpniah PYD leh LAD ten rorelna neiin, January 25 inrinniah Sunday School Department leh Kohhranpuite chuan rorelna an nei ve leh a ni.
Thenhlum bialte hian Changpui Local-ah an bial Conference vawi 27-na hi hmangin District Treasuser Rev.C.Lalrintluanga chuan Speaker niin a hmanpui a, inkhawmpui thupui atan ‘Mi zui rawh u, tichuan mihring mantuah ka siam ang che u’ Matthaia 4:19 chu hman a ni. January 24 zirtawpni khan PYD, LAD leh Missions Department ten rorelna an nei a, January 25 inrinniahah kohhranpui leh Sunday School Department ten rorelna an nei a, January 26 Pathianni chawhnuah bial Secretary Evan. P. Lalhunthanga chuan Sacrament a buatsaih bawk ang. Thenhlum bial inkhawmpui neih chhung hian Lalrampari Lungmawi Local chuan zaiin rawngbawlna a nei bawk.
Chawngte bial te pawhin an bial Conference vawi 41-na hi Lungrang S Local-ah neih a ni a, thupuiah ‘Babulon thuruk’ tih chu an hmang a, District Missions Director Rev.R.Vanlalenga chuan a hmanpui a, January 25 inrinni khan bial Missions Department, kohhranpui leh Sunday School Department ten rorelin January 27 thawhtanni hian bial inkhawmpui dawltu Lungrang S Local-ten Pathian chawimawina an nei ang.
————
Thianghlimna Committee :
January 18-19 chhung khan Sertlangpui bial Thianghlimna Committee hmalaknain bial chhung Local hrang hrangah Campaign hetiang hian neih a ni.
– S.Lungdai Local-ah Upa Lalbiakmawia leh Evan.C.Lalhmingchhuanga
– Sertlangpui Local-ah Upa C.Hmingmawia leh Upa PC.Lalramthanga
– Buarpui Local-ah Upa C.Lallawmthanga leh Rbt.Saizamliana Sailo
– Dengsur Local-ah Pastor T.Zahmingliana leh Upa C.Hmingthansanga
Lunglei District Thianghlimna Committee hmalaknain Local hrang hrangah Campaign hi neih mek zel a ni a, hei bakah hian bial hrang hrang Thianghlimna Committee hmalaknain mahni bial chhungah theuh Campaign hi neih a ni bawk. Thianghlimna Committee hmalakna avang hian zuk leh hmuam nghei engemawzat an awm tawh a, hei bakah hian kawng hrang hrangin hlawkna hmuh tur a awm tawh a ni.
————–
Aizawl East District :
District Board :
Aizawl East District hnuaia rorelna sang, District Board Budget Session chu January 21 leh 22 chhung khan District Committee Room ah neih a ni.
District Board hi District Committee room-ah neih niin Rev Rosanga Kawlni, District Superintendent chuan a kaihruai a, rorel palai kalkhawmte chu Bialtu Pastor an nih anga Bial tana thahnemngai taka hna thawk turin fuihna thu a sawi a ni. Aizawl East District Board-ah hian Kum 2020 chhunga Kohhranpui leh District Department hrang hrangte, Missions Department, Sunday School, LAD bakah PYD ten 2020 chhung atana Budget Estimate an siam chu thlir hona neih a ni a, siamthat ngaite siamtha in Approve a ni.
Heng bakah hian Biak In Sanction dilna te, Pastor Quarters sakna tur sanction dilna leh Biak In hmun lei dilna te chu a langsar zualte a ni. District Board hi Rev Lalmalsawma Sailo, General Superintendent chuan telpui bawkin General in hmasawnna a neih hrang hrangte bakah hmachhawp te tarlanna neiin palai lawmna a sawi a ni.
———-
Bial inkhawmpui hmang mek :
Aizawl East District chhunga Bial hrang hrangte chuan January 24, Zirtawp Zan atang khan Bial PYD Inkhawmpui a rualin an hmang mek a, Pathianni Zan hian a tiak ang.
Bial PYD Inkhawmpui-ah hian Zirtawp Zan atang khan Bial thenkhat chuan Revival Inkhawma hun hmang nghalin Bial thenkhat chuan Variety Programme-in hun an hmang thung a, Tualchhung report ngaihthlak na hun atana hmang an awm bawk.
January 25, Inrinni nileng khan Bial chhung in awpna leh District-a lut tur bakah Kum 2020 chhunga Bial kalphung turte ngaihtuahin rorel Inkhawm an nei hlawm a ni. Khawmpui-ah hian Speaker hranpa leh Thupui nei an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung a, Bialtu Pastor Speaker-a hmang an awm bawk a ni.
Bial PYD Inkhawmpui hi District PYD hruaitute chuan hmun hrang hrang-ah hetiang hian hmun hrang hrangah an hmang a ni.
District PYD Treasurer, Bro R.Vanlalpeka chuan Sakawrdai Bial-ah a hmanpui a, Bro K.Lalbiaknunga, Fin. Secretary chuan Chhingchhip bial hmanpuiin Evan C.Lalremruata, Asst. Secretary chuan Bawngkawn Bial hmanpuiin Evan C.Lalchhuanga, Vice President, EvanF.Malsawmtluanga, Secretary leh Rev R.Laltlankima, President te chuan Aizawl khawpui chhung bial hrang hrangah an hmanpui.
Tun dinhmunah Aizawl East District chhungah hian Bial 30 awm mekin PYD Member Kum 2019 report atanga a lan danin sangruk zaruk chuang an awm mek a, District PYD te hian Zokhawthar hmuna Building an sak chu Kum 2018 December thla khan hawn alo ni tawh a, Khawlian Bial, Daido hmunah rawngbawlna Missions Department te nen tangkawpin an nei mek bawk a ni.
———
Home Missionary :
January 16, Ningani khan Aizawl East District Missions Department hnuaia rawngbawlna nei turin heng mite hi Home Missionary atan Interview kaltlanga lak a ni a, diltu engmaw zat awmin District Missions Department chuan an awmna hmun tur pawh hetiang hian a siam fel nghal a ni.
1. Sis Sangkhumi B/W- Khawlian bial, Daido
2. Evan Vanlalrosiama, N.Vanlaiphai Bial, Lungchhuan
3. Evan H.Lalhmingmawia, Khawbung bial
4. Evan HK Lalhmangaiha, Champhai Bial, Champhai Dinthar
5. Evan Vanlalnghaka, Bawngkawn bial, Ramhlun Sport Complex
6. Evan H.Lalbiakzauva, Khawhai bial, Sialhawk
7. Evan H.Malsawmthanga, Champhai Bethel bial, Zote
8. Evan K.Vanlaldika, Thuampui Bial, Thuampui Vengthar
9. Bro H.Lalfakzuala, Thingsulthliah bial, Khumtung
10. Bro Ramhuapliana, Kawlkulh bial, Dulte
Heng Missionary lak tharte hi ruahmanna ang chuan January 31, Zirtawpni Chawhma 11-ah District Committee room-ah induction training neih tura tih niin January 2, Pathianni zanah tirhchhuahna nei tura ruahmanna siam a ni bawk. Kumin 2020 hian hriattheih chinah District PYD, Mualpui Bial, Bazar Bial, Champhai Bethel Local bakah Bro Lalthianghlima, Zemabawk te hian Home Missionary an chawm dawn a ni.
————
Seminar :
January 18, Inrinni nileng khan Thingsulthliah Bial Sunday School Department buatsaihin bial chhunga Zirtirtute pualin Seminar buatsaih a ni.
He hunah hian Resource person-ah Evan Hr.Lalrindika, District Sunday School Secretary chu hman niin resource person hnen atang hian zirtirtute mawhphurhna hrang hrangte, zirtirtute tih tur leh tih loh tur hrang hrangte ngaihthlak niin kalkhawm ten hlawkthlak an ti hle a ni. Sunday School Seminar-ah hian Bial chhung atangin zirtirtu mi 50 vel an kalkhawm thei a ni.
Serchhip Bial Sunday School Department buatsaihin bawkin January 19, Pathianni chawhnu khan Serchhip Biakinpui-ah Bial chhunga Sunday School Zirtirtute puala Seminar hlawhtling taka neih a ni bawk a, resource person-ah Bro Lalhmingmawia Kawlni an hmang a ni. He hunah hian Teaching Technique tih hmangin resource person hnen atang hian thusawi tha tak ngaihthlak a ni a, Bial chhung atangin mi 60 chuang an kalkhawm thei a, hlawkthlak an ti hle a ni.
——–
Member thar :
January 19, Pathianni khan Khawbung Bial, Khawbung hmunah mithar pakhat Kohhranah sengluh a ni.
Zemabawk Bial, Bungbangla hmunah pawh January 19, Pathianni khan member thar 4 sengluh niin nau pahnih hlan an ni a, Zemabawk Lungbial Kohhranah pawh member 5 Kohhranah sengluh an ni bawk.
Thuampui Bial, Thuampui Vengthar Kohhranah pawh January 19, Pathianni zan vek khan mi 2 in sual ngaihdamna baptisma changin an zinga pakhat hi mithar niin Kohhranah sengluh nghal a ni.
January 19, Pathianni zan vek khan Keifang Bial, Maite hmuna rawngbawlna nei mek, H.Lalrinfela te rawngbawlna kaltlangin mi 15 in sual ngaihdamna baptisma Bialtu Pastor V.Lalnienga kutah an chang thar bawk.
Kawlkulh Bial, Vankal hmuna rawngbawlna nei Evan HMS Dawngkima te rawngbawlna kaltlangin January 19, Pathianni vek khan mi 6 in sual ngaihdamna baptisma an chang thar a, nau pakhat hlan a nih bakah Nupa tuak 2 in kutsuih that neih tir an ni bawk.
——–
District Hruaitute Programme:
Rev Rosanga Kawlni, District Superintendent chuan North Mizoram District Hqrs. Bial PYD ten Bial Inkhawmpui an hman mekah Speaker-ah tangin rawngbawlna a nei a, Mualpui Bial PYD Inkhawmpui rorel-ah a telpui bawk.
Rev Biaksangzuala, District Secretary chuan Ngopa Bial ten Bial PYD Inkhawmpui Selam hmuna an hman mekah rawngbawlna neiin Inkhawmpui a hmanpui.
Rev R.Lianzama, Missions Director chuan Zemabawk Bial PYD Inkhawmpui hman mekah Thusawi rawngbawlna Inrinni hian neiin Bial PYD Inkhawmpui a hmanpui.
————
Churachandpur District
District PYD Conference :
January ni 24-26 chhung hian Churadhandpur Dist.PYD Conference Vawi 45na, Parbung Kohhran ah hman a ni dawn a, Pangzawl Sectional Pastor Speaker ah Pastor B.Lalzamluaia an ruai. Conference thupui atan Chanchintha ka zah pui lovang Rom 1:16 tih an hmang a ni.
—–
Machine thar lei :
January ni 20, Thawhtanni khan Churachandpur Dist.Office a hmantur xerox Machine leh Money Counting Machine lei thar chu hlanna neih a ni.
——–
District hruaitute programme :
District Suptd Rev.Lalzawm leh District Treasurer Rev.Haungama te chuan tun Pathianni hmanga Dist.PYD Conf. Parbung a neih chu an hmanpui, District Suptd hian chawlhkar thar hian Executive Board meeting turin Aizawl a pan ang.
Rev.Paoseia erawh chu an Office alonghak ve thungang.
——-
Audit :
January 21 atang khan Churachandpur District Level sum leh pai Audit hna thawh a ni a, Auditors te hi Evan S. Rothangpuia leh Upa Pautinlal te an ni.
——-
Lawngtlai West District
District hruaitute programme :
January ni 24-26 chhung hian Lawngtlai North bial chuan Sectional Coference vawi 44-na, Lawngtlai Bazar Kohhran Biak inah an hmang mek a, Conference speaker atan Thingsai Bialtu Pastor Lawmsangzuala an ruai dawn a ni.
District hruaitu, District Suptd Rev. R. Ramthatzawla, District Secretary/Treasurer Pastor Lalsawmliana Sailo leh Distirct Missions Director Rev. F. Lalbiakthuama te chuan Conference hi an hmanpui a, Sis. C. Lalengzami’n Conference chhungin zaia rawngbawlna a nei thin bawk.
——–
North Mizoram District :
Hruaitute Programme:
District Supdt. Rev. Laltluanga chuan tun Pathianni lo awm tur Jan ni 26 hian Tlangsang Bial-ah rawngbawlna neiin a fehchhuak a, Tlangsang Bial hmalakna hrang hrang bakah kohhran ram lei tur a thlithlai bawk ang.
——-
Bial PYD Conference :
North Mizoram Districrt chhunga Pastor Bial 29 te chuan Jan ni 24-26 hmang hian Bial PYD Conference a rualin an hmang mek.
Bial PYD Confe. Jan ni 24 Zirtawp zanah tanin a tuk Jan ni 25 nilengin Kum 2020 chhung Bial hmalak dan tur ro an rel a, Inrinni zan atangin Revival Programme in hun hman chhunzawm a ni ang.
District PYD Hruaitu, District Kohhranpui hruaitu te bakah Department hruaitu dangten hetiang hian Bial PYD Conference hun an hman pui:
1. District PYD President, Evan. F. Lalngaihawma – West Phaileng Bial
2. District Secreatry Evan. K. Rotluanga – Zawlnuam Bial
3. District Treasurer Evan. Vanlalpeka Fanai – Phainuam Bial
4. District Supdt. Rev. Laltluanga – Thenzawl Bialah
5. Dist. Secretary Rev. Chhiarpuia – Durtlang Bialah
6. Dist. Treasurer Rev. K. Lalduhsanga – Sumsuih Bialah
7. Dist. Missions Director Rev. C. Lalthantluanga – Reiek Bial
———
Sunday School Day :
Jan ni 19, pathianni kha Sunday Day School Day a nih angin; North Mizoram Disrtict Sunday School Hruaitute, District hruaitute bakah Department dang hruaitute’n hetiang hian Kohhran an hmanpui:-
1. Rev. K. Malsawmtlaunga Dist. Sunday School Director – Vairengte Headquarters Kohhran
2. Evan. H. Lalrinngheta, Dist. Sunday School Secy. – Chaltlang Bial bawngkawn Kohhran
3. Dist. Supdt. Rev. Laltluanga, Headquarters Bial, Hqrs Kohhran, Tuikhuahtlangah
. Dist. Secretary Rev. Chhiarpuia – Tlangnuam Bial, Tlangnuam Kohhranah
5. Dist. Treasurer Rev. K. Lalduhsanga – Maubawk Bial, Maubawk Kohhran
6. Dist Missions Director, Chanmari West Kohhran, Chaltlang Bialah
——–
PMF :
N. Mizoram dist. Conference kum 2015 rorelah North Mizoram District chhunga kohhran a theihna apiangah Pentecostal Mens Fellowship ( PMF) din nise tia a lo passed tawh angin North Mizoram District kohhran a theihna a piangah PMF hi din chhoh zel a ni a. Kohhran tichaktu an ni chho mêk zel bawk a ni.
January 17 (zirtawp zan) Khan Headquarters Bial chhunga awm Mission Vengthlang kohhranah, a vawi khatna atan PMF ten Pathian Biak inkhawm huaihawtin member 80% lai inkhawm in bul an tán a. An sawmna angin kohhran nu leh pa leh thalai thahnem takin an tawiawm bawk. PMF Inkhawm hmasa ber hi PMF Leader kalchhuak ta Bro V. Lalchhanchhuaha’n kaihruaiin Bro. CVL Remruatpuia’n thuhril rawngbawlna a nei a, Zairawngbawlna Bro. Vanengzauva’n a nei bawk a ni.
Inkhawm bânah Mission Vengthlang Kohhrana PMF inkhawm vawikhatna hriatrengna leh a lawmna thingpui ruai an kilho bawk a ni.
Tuna Mission Vengthlang UPC kohhrana Pentecostal Mens Fellowship hruaitute
Leader : Bro. Lallawmzuala, Secy. : Bro. K. Lalhmunsanga leh Treasurer atan Pastor Lerthansunga tupa Bro. Albert L. Tryte te an ni.
———-
Crusade :
Maubawk Kohhrana lawi Upa Zopara sum thawh Rs. 40000 hmanga N Bengol & Assam Missions Field Bedguri kohhran Crusade neih chu tluang taka neih niin; Crusade ni hnih naah Mi 21 Kumarpara atang mi 10 leh Damdim atang mi 11 ten sual ngaihdamna baptisma an Chang. Damdim hi Kohhran Thar niin an Pastor hovin Baptisma an Chang a, an Vaiin mi 40 bawr an ni.
———-
Chawimawina :
Reiek Bial chhunga Krismas leh Kumthar hmanna thlarau thianghlim boruak kal zelah Pathian Chawimawina chhungkaw hrang hrang atangin tum 6 lai neih a ni tawh.
Tun hnai January ni 18 Inrinni Upa Remsiama te chhungkuain Pathian chawimawina neiin District Tirhkoh Ramtlan Evan C, Zoramthara chu Speaker ah hman a ni a, Jan ni 19 Pathianni zan thleng Revival Programme hman a ni.
Jan ni 21 Thawhlehni khan Bro. Zothanmawia te chhungkuain Pathian chawimawina neih leh niin; Jan ni 22 Nilainiah T.Upa Hmangaihzuala te chhungkua in chawimawina an nei chhunzawm bawk Feb ni 10 ah T.Upa Rongura Reiek ten Pathian chawimawina an nei leh ang a, Speaker ah Evan. C Zoramthara leh a rawngbawlpuite hman a ni leh dawn a ni.
Reiek Kohhran te Lalpa Thlarau thianghlimin a awmpui a, kohhran hote pawh an phur hle a ni.
Jan ni 19 Pathianni chawhma inkhawm banah khan baptisma khur hawn a ni a, Reiek bialtu pastor Rev P Vanlalfela Kohhran Pentecost mi la ni ngai lo mi 1 chu Sual ngaihdamna Baptisma chantir a ni.
——-
Member thar :
Dinthar Bialtu pastor Rev. C. Laltlanchhuaha chuan Jan ni 19, Pathianni khan Chawnpui kohhrana lawi turin mi thar 6 Kohhranah a sengluh. Chawnpui hi kum 2019 atanga indang thar an ni a, tunah hian member 131 an ni mek a ni.
Jan ni 19 Pathianni khan Saihapui ‘K’ kohhranah member 3, Upa Ramnghaka’n a senglut a. Jan ni 18, Pathiannni zan khan Dampa Tlangnuamah member thar 1 Rawngbawltu Evan. Rinmawia’n Kohhranah a senglut bawk.
——–
Thilpek pe :
Ramhlun kohhrana lawi Upa J. Lalthuammawia te chhung chuan Persang Missions Field ten Rawngbawlna tura Combo leina tur budget belh nan Rs. 3000 Missionary Evan Isak Lalrohlua hnenah hlanin, Persang Kohhranhote an lawm hle.
——-
Revival Team Report:
Pentecost Revival Team Speaker Evan. C. Lalruatsanga leh a rawngbawlpui te chuan kum kal ta Dec. ni 18th (2019) atang khan Hunthar Bial, Sairang Kohhranah Crusade neiin rawngbawlna an nei a, an rawngbawlna Pathianin mal a sawm a, Jan ni 22th ah pawh an la chhunzawm zel a ni.
Crusade neih chhung hian mithar chhungkaw hnih Member pa 6 lawmluh tawh niin. Pathian Chawimawina tum 4 lai a awm tawh a. Jan ni 22 (2020) Nilaini khan pathian chawimawina a tum 5-na turin Sist. Siampuii te chhungkua kaltlangin Pathian Chawimawina neih leh a ni bawk.
Apostolic Revival Team Evan. T. Vanlalruata leh a ho te chuan Jan ni 22 (2020) nilaini khan Buhchangphai kohhran Bilkhawthlir bialah Bro. Halleluia te chhungkuain Pathian chawimawina an neihah Speker-ah tangin hun an hmang.
He chawimawina Programme hi Jan ni 21 thawhleh zan atanga hman niin; Thlarau lam boruak duhawm tak nen Pathian chawimawina hun hman a ni.
Evan. T. Vanlalruata leh a rawngbawlpuite hian Jan ni 24 – 26-a Bial PYD Conference Sialsuk Bialte’n an neihna turah Speaker-ah tangin Conference an hman pui anga, Galatia 6:15 thu “Siamtharlehna” tih thupuiin Conference an hmang dawn a ni.
——–
HRIATTIRNA LEH SAWMNA
United Pentecostal Church of North East India, North Mizoram District chuan February ni 18 – 25 leh March ni 1 khian District kum 70 tlin lawmna hun buatsaih a ni dawn a, Platinum Jubilee lawmnaah hian North Mizoram District chhuna member lo awm tawh zawng zawng leh Pastor lo ni tawh zawng zawng te Lalpa Isua hmingin lo tel vek turin kan inngen a, Lalpa min kaihhruaina avanga kum 70 kan thlenna Jubilee ah hian a duh apiang min tawiawm turin Lalpa Isua hmingin kan sawm a che u.
Facebook