UPCNEINEWSSERVICE FEB 24-MAR 3.2019
——–
Kohhran Office tlawh :
February 22, Zirtawpni khan North Mizoram District, Kanghmun bial chhunga Kohhran Upa leh Bial hruaituten General Hqrs Office tlawhin hun an hmang.
Kanghmun Bial Upa te hi Bialtu Pastor Lalruatkima Fanai chuan hovin General Hqrs Office thawktute nen hun hman ho a ni a. General Suptd Rev. Lalmalsawma Sailo, General Secy Rev. R. Lalrinsanga leh General Treasurer Rev. Zohmingthanzama ten General huapa Kohhran rawngbawlna leh hmalakna report hrang hrang pein, kanghmun bial pastor leh Bial hruaitute pawhin Kohhran hmun pawimawh an tlawh chhan leh Bial chhunga rawngbawlna hna an thawh dan report an pe a, General Hqrs Office tan Hmunphiah thahnem tak an pek bawk.
General Suptd Rev. Lalmalsawma Sailo chuan Kanghmun bialten a neitu chan changa Kohhran Office tlawhna chang an rawn hria chu lawmawm a tih thu sawiin; General hi hruaitu bawr leh office a thawktute ta chauh a ni lova, India hmarchhak Kohhran hote ta a ni tih hriat thar a tulzia sawiin, General hruaitute, Office thawktute pawh hi Tualchhung Kohhran ta vek kan ni a, Kohhrana kan activities hrang hrang te, kan thilpek zawng zawng pawh kan lawina tualchhung Kohhranah theuh a lut vek a, chuvang chuan Tualchhung Kohhran ta kan ni. General hi tu ta bik mah ni lovin, kan zavaia ta a ni tih kan hriat thar leh a tul a ni a ti. General Hqrs hi inti neitu taka Tualchhung leh Bial hrang hrangte pawhin rawn tlawh zel turin a sawm a, hruaitu leh thawktute pawh nasa zawka tawngtaipui thin turin a sawm nghal bawk.
Kanghmun Bial Kohhran Upate hian General Hqrs Office bakah North Mizoram District Office leh Aizawl East District Office te, Aizawl khawpui leh a chhehvela hmun pawimawh hrang hrang an tlawhkual nghal bawk.
———
General Conf Inbuatsaihna :
April ni 11 atanga ni 14 chhung hian North East India UPC kohhran inkhamwpui lian, General Conference vawi 51-na, Churachandpur-ah neih a ni dawn a, Conference na tur atan hian Churachandpur District pawh a inbuatsaih nasa tawh hle. Conference thupui atan hian “Thianghlimna” tih hman tur niin Conference programme tlangpui pawh duan lawk a ni tawh a, Tlangtin leh mual tina Kohhran hote a tam thei ang ber kal turin i inbuatsaih ang u.
———
General Hruaitute Programme :
General Superintendent Rev. Lalmalsawma Sailo chuan Feb 28 atanga March ni 3 chhunga N. Mizoram District Conference Durtlang MC Hall- a neih mek chu telpuiin Thusawi rawngbawlna a nei ang.
General Secretary Rev. R. Lalrinsanga chuan Feb 28 atanga March ni 3 chhunga Chandel District Conference, Rungchang hmuna neih mek hmanpuiin rawngbawlna a nei.
General Treasurer Rev. Zohmingthanzama chuan Feb ni 28 atanga March ni 3 chhunga Lunglei District Conference, Lunglei Rahsivenga neih mek hmanpuiin rawngbawlna a nei.
General Missions Director Rev. R. Lalhawia chuan March ni 3, Pathianni zan hian Zemabawk vengpui Kohhranah hun hmangin thusawi rawngbawlna a nei ang.
General Sunday School Director Rev. R. Laichhingpuia chuan North Mizoram District Conference Feb 28 atanga March ni 3 chhunga N. Mizoram District Conference Durtlang MC Hall- a neih mek chu a hmanpui.
——–
North Mizoram District Conference :
North Mizoram District Conference vawi 69-na chu Feb ni 28 Ninga zan khan Durtlang Multipurpose Community Hall-ah tan a ni.
Conference-ah hian Thupui atan “Nang Malsawmna ni ang che” Gen. 12:2 hman niin; thupui then hrang hrang 1) Thenawm khawveng tan leh khawtlangah 2) Boralte chhan chhuak turin 3) Thianghlimnaah 4) Zirtirna dikah 5) Thlarau rawngbawlnaah tih leh 6) Kohhran tan tih te chu rawngbawl tura ruat General Suptd Rev. Lalmalsawma Sailo, Dist Suptd Rev. Lalluanga, Kawnpui Bial Pastor Rev. C. Lalramthanga, Evan. Lalramthara Sailo, Thenzawl leh Upa R. Lalhmangaihzuala Bawngkawn ten an sawi a ni.
North Mizoram District Conference vawi 69-na hi a tan zan Feb ni 28, Ninga zan khan Gen. Supdt. Rev. Lalmalsawma Sailo chuan Pathian hnenah hlanin, N. Mizoram District Supdt. Rev. Laltluanga’n inkhawm a kaihruai.
Conference rorel inkhawm hi March ni 1 Zirtawpniah tanin chawhma lamah District kohhranpui leh Department bakah Committee pawimawh atang tein report ngaihthak a ni a, Chawhnu lamah District Sunday school Department leh Dist. LAD ten rorelna an nei bawk.
Conference Report bu atanga a lan danin hetiang hi North Mizoram District dinhmun tlangpui a ni:-
1. Kohhran dinna zat 168
2. Kohhran in awm zat 5894
3. Biak in ding zat 169
4. Kum 2018 kohhran member zawng zawng 26415
5. Pawl dang a tang a lo lut zat 617
6. Member boral zat 197
7. Kum 2018 a thlarau thianghlim dawng thar zat 455
8. Thlarau dawng tawh zawng zawng zat 11459
9. Kum 2018 chhunga Isua hminga innei thar zat 157
10. Kohhran ding thar zat 7
11. Preaching point neih thar zat 8
12. Preaching point neih zat 28
13. Licence nei zawng zawng zat 210
14. Deacon upa zawng zawng zat 550
March ni 2 Inrinniah rorel neih chhunzawm niin; District Confe. Agenda 14 neih zingah Rawngbawlna beihpui thlak te, Thianghlimna beihpui thlak kal lai chhawmzawm zelte leh Constitution khawih ngai thilte relin report kimchang karleh lamah tihchhuah tum a ni.
North Mizoram District hi North East India Unit chhunga District Upa ber niin; Bial 30 a awm a, Bial vawng Pastor 29 awmin, District Puipa pathum Suprintendent, Secretary leh Treasurer bakah Dist. Missions Director leh Delhi Chaplain Delhi-a Deputationa awm nen North Mizoram District chhungah hian Pastor 34 rawngbawl lai an awm a ni. Conference hi Pathianni zan hian a tiak ang.
——
Work Camp :
Bairabi Bial ten an Bial chhunga kohhran ding thar Kananthar-ah Biak in sain Work camp an nei. Biak in sak hna hi kumin Februray thla laihawl atanga tanin thlahar March thlaah hi chuan zawh an inbeisei.
Kanantharah hian North Mizoram District chuan rawngbawltu Evan. Ramnunsanga Aizawl Chaltlang veng chu ruaiin rawngbawltu rawngbawlna kaltlang hian Lalpan mithar thahnem tak kohhranhote a pe a, tun dinhmunah member 113 an awm mek a ni.
North Mizoram District in Kananthar Biak in sak nana a sum ruahman Rs. 150000 hmangin tunah hian Bairabi Bial kohhranhote’n theihtawp chhuahin Biak in sak hna an thawk mek a, March thla hian sak zawh theih an inbeisei a ni.
——-
Intuaitharna :
Feb ni 10 Pathianni chawhnu inkhawmban khan Rengdil bial chhunga department hrang hrang hruaitu chuan Hriphaw Biak inah intuaitharna (Retreat ) an nei.
Retreate-ah hian resource person ah Bialtu Pastor C.Lalthlengliana an hmang a, Bial OB intuaitharna huna kal ten an hlawkpui hle a ni.
—–
Lawmthusawi chawimawina :
Feb ni 23 Inrinni khan Bro Labiaknunga te chhung Sumsuih Chuan Pathian hnenah lawmthu sawiin; Speaker-ah Evan Zoramthara Dist ramtlan an ruai. Pathian hnena lawmthu sawi Programme hi Feb ni 22 zirtawp zan atanga tanin Kohhran te an hlim hle. Sumsuih kohhrante’n rawngbawltute rawngbawlna an hlawkpuiiin kohhran inpumkhatna a thain rawngbawlna kawngah nasa takin chakna thar an nei.
——-
Golden Jubilee :
Sialsuk Bial LAD te chuan Bial Conference kum 50-na Golden Jubilee Conference an lawm.
Conference Golden Jubilee hi Feb ni 22 atanga 24 Feb. khan Bial Headquarters Sialsuk Biak inah hmangin, Bialtu Pastor Lalramthanga Kawlni chuan Jubilee Lungphun a hawng a, Golden Jubilee Confe. District aiawha hmanpuitu Dist. Secretary Rev. Chhiarpuia’n Souvenir tlangzarhna a nei bawk.
Conference Golden Jubilee hi North Mizoram District LAD hruaitu pahnih Dist. LAD President Sis. P.C. Lalromawii, B/W, leh LAD Treasurer Sist. K. Lalrokimi ten an hman pui bawk.
Conference thupuiah “Nute mawhphurhna” tih hmangin speaker atan Rev. Chhiarpuia Dist. Secy. Sialsuk Bialtu Pastor Lalramthanga Kawlni leh Dist. LAD President Sis. P.C. Lalromawii te hman an ni.
Sialsuk Bial Lad Confe. Jubilee hi ruai nena hman niin; Feb ni 23 inrinniah ruai theh a ni.
Conference neih chhung hian lengkhawm zai intihsiakna te neiih a nih bakah Kohhran tinin LAD zaipawl an neib bawk a.
Nakkum conference hi Chamringah neih leh tur a ni. Bialtu pastor Lalramthanga Kawlniin Jubilee lungphun hawnna a nei a, Jubilee Souvenir tlangzarhna Rev. Chhiarpuian a nei bawk (Video: Sial Golden Jubilee)
———–
District Hruaitute Programme:
Feb ni 27 Nilaini khan District hruaitute Pathum Dist. Superintendent Rev. Laltluanga, District Secretary Rev. Chhiarpuia leh Treasurer Rev.K. Lalduhsanga te chuan Kolasib Diakkawn Bial Pastor Quarters sak thar hawnna Programme ah an kal.
Feb ni 28th atanga March ni 3 thleng awha North Mizoram District Conference vawi 69-na Durtlang MC hall-a neihah hun an hmang bawk.
———-
Lunglei District Conference :
February 28 ninga zan atang khan Lunglei District Conference vawi 54-na chu Rahsiveng Local UPC biak inah tan a ni.
Conference thupui atan hian ‘Pathian hna thawhpuite kan ni’ (I Kor.3:9)chu hman a ni a, District Superintendent Rev.R.Lalrosanga chuan Pathian hnenah hlanin a hawng. Conference hi General Treasurer Rev.Zohmingthanzama leh Aizawl East District Superintendent Rev.Rosanga Colney te chuan an hmanpui bawk.
Feb.28 ninga zan khan Sist.Lalramlawmi Sailo B.W. District LAD President chuan inkhawm a kaihruaia, District Sunday School Director Evan.F.Lalhmangaiha chuan ‘Zirtirnaah’ tih thupui hmangin thusawi rawngbawlna a nei a, Headquarters bial PYD zaipawl, Pukpui bial PYD zaipawl leh District PYD Choir-te an zai bawk. March 1 zirtawpni chawhma dar 10 khan District Sunday School leh L.A.D.te chuan tluang takin rorelna an nei a ni.
March 1 zirtawp zan inkhawm chu District Superintendent Rev.R.Lalrosangan a kaihruai a, Pukpui bialtu Pastor Rev.PC.Nghakliana chuan ‘Thlarau rawngbawlnaah’ tih thupui hmangin thuchah puanchhuahna a nei ve leh a, Bazar Local PYD zaipawl, Venghlun Local PYD zaipawl leh Rahsiveng bial PYD zaipawl ten zaiin rawngbawlna an nei leh bawk. March 2 inrinni khan kohhranpui rorel inkhawm neih a ni.
March 2 inrinni zan khan Rev.C.Lalrintluanga District Treasurer-in inkhawm a kaihruai a, General Treasurer, Rev.Zohmingthanzama chuan ‘kohhran enkawlnaah’ tih thupui hmangin thuchah a sawi a. Kikawn Local PYD Zaipawl leh College veng Local PYD zaipawl ten zaiin rawngbawlna an nei.
March 3 Pathianni inkhawm programme hetiang hi a ni.
Chairman : Rev.R.Lalrosanga
Speaker : Rev.Zohmingthanzama Gen.Treasurer
Thupui : ‘Thilpek rawngbawlnaah’
Zaipawl : 1)Pukpui bial 2)Luangmual bial 3)District PYD Choir
Dt.3.3.2019 (Pathianni)chawhnu inkhawm
Chairman : Rev.C.Lalhriatpuia
Speaker : Rev.Rosanga Colney Aizawl East District Superintendent
Zaipawl : 1)Bazar Local 2)Luangmual bial 3)College veng Local
Dt.3.3.2019 (Pathianni)zan inkhawm
Chairman : Rev.C.Vanlalena
Speaker : Rev.R.Lalrosanga Lunglei District Superintendent
Thupui : ‘Kohhran siamtha turin’
Zaipawl : 1)Rahsiveng Local 2)Rahsiveng bial 3)District PYD Choir
———
Bial PYD Conference :
Feb.22-24 chhung khan Pukpui bial PYD leh Luangmual bial PYD te chuan bial Conference hlim takin an hmang.
Pukpui bialte hian Conference vawi 34-na hi College veng biak inah an hmang a, Speaker atan Chengpui Home Missionary Evan.Simona Hmar chu hmangin, zaithiam F.Lalhriatchhungi chuan zaiin rawngbawlna a nei bawk.
Feb.23 inrinni khan rorelna an nei a, an rorel langsar zingah Missionary pahnih chawm te, kumin chhunga bial Sport meet neih te, 2019 Dist.PYD Conf.dawltu Mualthuam Rs.5000-a tanpui te, kumin chhunga Bible chhiarchhuakte lawmman pek bakah nakum 2020 bial PYD Conference-na hmun atan Venglai Local nise tih te an rel a ni.
Luangmual bialte hian Vaisam biak inah bial Conference vawi 20-na hi an hmang a, Speaker atan Bualpui V Home Missionary Evan.Lalrokhawma chu hmangin an rorel langsar zingah Missionary pakhat chawm te, Sport meet cum Crusade Sethlun Local-a neih bakah kum 1 danah bial Conference a hranga neih tawh nise tih te an rel a ni.
—————-
Member thar :
“Krista Thawhpuitu Team” te chu, January 17 atang khan Lunglei District, Lungpuizawl khuaah “rammut” rawngbawlna neiin hun an hmang tan a, Rawngbawlna ki hrang hrang an neih hnuin, February 17 khan team deputy speaker Evan.C.Remruatkima chuan mithar pakhat Kohhranah a senglut a.
February 20 ah Lungpuizawl kohhranin Pathian hnena lawmthusawi chawimawina hun an buatsaih a, Thlarau lam Revival nasa takin a thleng a, Rawngbawlna neih chhunzawm zel niin, February 23 zanah Bialtu pastor Rev.Pc.Lalfakawma chuan mithar chhungkaw 1, members 6 senglut lehin, team Speaker. Evan.F.Lalsanglura’n mi 7 Sual ngaihdamna baptisma a chantir.
————
District Sunday School Executive meeting :
February 21, Thawhlehni khan Aizawl East District Sunday School Executive meeting vawi 67-na Director Rev C.Mawizuala kaihhruaiin neih a ni.
District Board vawi 32-na, rorel 1-na in Sunday School Chawhnu zirlaibu a thara siam ni se a tih, Executive board kuta a dah angin Zirlaibu ziak turin Rev C.Mawizuala, Director chu a ruat a ni. Heng bakah District Board-in District huapin Sunday School Sam inphuahsiak buatsaih ni se a tih angin hetiang hian ruahmann an siam:
1. Sam hi thumal (word) 200 aia tlem lo ni se
2. Lawmman 1-na atanga 3-a siam ni se
3. Thehluh hun atan September 2019 ral hma ni se tih a ni.
Kum 2019 Aizawl East District in Kum 25 a tlinaa Silver Jubilee denchhenin District Sunday School pawhin hetiang hian thilthawnpek hlan ve ni se tih a ni.
1. District Sunday School hruaitu lo ni tawhte hnenah memento/ trophy
2. Rorel palai zawng zawng hnenah Jubilee pen leh note book
3. District Kohhran hruaitu ni laite hnenah memento/ trophy pek ni an ti bawk a ni.
——-
District PYD OB mmeting :
February 21, Ninga zan khan Zemabawk Bial Pastor Quarters-ah Aizawl East District PYD OB mmeting neih a ni. He hun hi Rev R.Laltlankima, President chuan a kaihruai. An rorel langsar zualte:
1. Sub-Committee Charge inhlan hun atan March 8, Zirtawp zan Dar 7:15 ni se tih niin a hmunah District Office ni se tih a ni. Hemi zan hian Sub-Committee te sum chu Audit neih nghal ni se, committee member tur ruatna neih nghal ni se tha tih a ni bawk.
2. Sub-Committee OB Incharge hetiang hian siam a ni:
Kumpuan-ah Evan C.Lalremruata, Asst.Secretary
Fund raising-ah Bro K.Lalbiaknunga, Fin.Secretary
Environment Protection-ah Evan F.Malsawmtluanga, Secretary
3. Kum 2019 atan hian hian OB te bial in sem a ni:
President- Rev R.Laltlankima- Bazar bial, Upper Republic bial, Khawhai bial bakah Rabung Bial leh Suangpuilawn bial
Vice President- Evan C.Lalchhuanga- Mualpui bial, Khawruhlian bial, Khawlian bial, Serchhip Dinthar bial leh Champhai Bethel bial
Secretary- Evan F.Malsawmtluanga- Bawngkawn bial, Kawlkulh bial, Darlawn bial, Ngopa bial bakah Hnahlan bial
Asst.Secretary- Evan C.Lalremruata- Bethlehem bial, N.Vanlaiphai bial, Zohmun bial, Khawzawl bial leh Saitual bial
Treasurer – Bro R.Vanlalpeka- Thuampui bial, Keifang bial, E.Lungdar bial, Serchhip bial leh Khawbung bial
Fin.Secretary- Bro K.Lalbiaknunga- Zemabawk bial, Thingsulthliah bial, Sakawrdai bial, Champhai bial leh Chhingchhip bial
Heng bakah hian District Conference hman zawh tak chu thlir letna neih niin Bial hrang hrang ten theihtawp an chhuahna-ah lawmawm an tiin Champhai Bethel bial Kohhran mipui bakah Bethel Khawtlang mipuite chungah District PYD chuan lawmthu a sawi tak meuh meuh a ni. May 16 atanga 19 chhunga Chennai hmuna Joshua Youth Camp hman turah General PYD ten Pentecostal Choir leh OB te kal tura an tih angin a kal dan tur leh tul dangte enpuiin February 26, Thawhleh zan khan Pentecostal Choir hla zirna hmunah District PYD OB te hian meeting an neipui bawk a ni.
———
District Office tlawh :
February 22, Zirtawpni khan Kanghmun bial, North Mizoram District te chuan Aizawl East District Office tlawhin hun hlimawm tak hman a ni.
Kanghmun bial te hi Rev Rosanga Kawlni, District Superintendent chuan lo dawng sawngin an pualin hun tawi hman a ni. He hunah hian Office staff inhmelhriattirna leh Office kalphung leh tul dangte Upa Rodailova Zote Office Head Assistant hnen atangin ngaihthlak a ni. Kanghmun Bialtu Pastor hnen atangin Office an tlawh chhan leh inhmelhriattirna ngaihthlak a nih bakah Office-a hman atan Hmunphiah an hlan nghal bawk a ni. Rev Biaksangzuala, District Secretary chuan Kanghmun bial ten Aizawl East District Office an tlawhna-ah lawmthu sawiin thahnemngai taka rawngbawlna kalpui zel turin fuihna thu a sawi a, hun tawp tawngtaina a hmang a, thingpui leh a hmeh tuihnai tak kilho nghal a ni.
——-
Bial Conference :
February 22 atanga 24 chhung khan Khawbung bial te chuan Bial Inkhawmpui vawi 57-na Bial Hqrs. Khawbungah hlimtakin an hmang.
Inkhawmpui hi Zirtawp zan khan tan niin Inrinni nileng khan rorel inkhawm an nei a ni. Khawbung bial ten inkhawmpui an hmanah hian Kohhranpui chauh ni lovin Bial chhunga Department hrang hrangte pawhin inkhawmpui hi an hmang nghal a, Bial hruaituten inkhawm kaihhruaina thawkin Pathianni Chawhma Inkhawm-ah khan Sunday School Department te chuan Item chi hrang hrang hmangin intihsiakna an neih bakah Evan Lalbiakmuana hnen atangin Pathian thuchah ngaihthlak a ni. Pathianni Chawhnu-ah khan Bialtu Pastor HP Ramfangzauva kaihhruaiin Lalpa Zanriah Sacrament Kohhran hoten kilhona neiin Pathian thlarau thianghlim awmpuina hnuaiah hlim takin hun an hmang a ni. Pathianni zan Inkhawm-ah khan Rev Vanlalfela Ramtiam, District Treasurer chuan thuchah sawina neiin lawmman chi hrang hrang an sem bawk a ni.
Khawbung bial te hian Bial Hqrs. Biakin sak hna an thawh mek chu tunah hian zawh thawkhat a ni tawh a, hun remchang hmasa berah hawn tura ruahmanna siam niin Kum 2018 District Kohhranpui Conference report atanga a lan danin Bial chhungah hian 6, Buang, Khuangleng, Leithum, Dungtlang, Samthang leh Khawbung te an awm mek a ni.
—–
Member thar :
February 24, Pathianni zan khan Champhai Bial, Kahrawt Kohhranah mithar pakhat Kohhran-ah sengluh a ni.
Champhai bial N.Khawbungah pawh February 14 khan mithar pahnih Kohhranah sengluh an lo ni tawh bawk a ni. Champhai Bethel Bial, Zokhawtharah pawh chhungkaw khat, member 6 awmna chu sengluh an ni bawk. Zokhawtharah hian Evan Lalamena, Full Time Evangelist chuan rawngbawlna a nei mek a ni.
——-
District Hruaitute Programme:
Rev Rosanga Kawlni, District Superintendent chuan Lunglei District ten Inkhawmpui an hman mekah telpuiin Pathianni chawhnu hian thusawi rawngbawlna a nei dawn a ni.
Rev Biaksangzuala, District Secretary chuan Champhai Bethel Bial ten rawngbawltute pual Seminar, March 3, Pathianni-a Zion Local-a an hman turah Resource person-ah tangin rawngbawlna a nei mek a ni.
Rev Vanlalfela Ramtiam, District Treasurer chuan Pathianni hian District Missions tirhin Bawngkawn bial, Ramhlun Vengtharah Missionary Support zawngin rawngbawlna a nei ang.
Rev R.Lianzama, District Missions Director chuan Kawlkulh bial-ah Pathianni hmang hian Missionary support zawngin rawngbawlna a nei anga, Missions Secretary Evan Lalramzauva’n Rabung bial-ah Support zawngin rawngbawlna a nei bawk ang.
Facebook