UPCNEINEWSSERVICE FEB 17-24.2019
———–
Missionary Arrival Day :
February 18, Thawhtanni hi North East India UPC kohhran Missionary hmasa ber Rev. Ellis Luther Scism a’n Mizoram a lo luh ni a ni a, he ni hi kohhran chuan ni pawimawhah a puangin UPC General headquarters office, District office, kohhran zirna in, Book store, Bible Collge leh kohhran hmun pawimawh dangte khar vek a ni.
He ni hi Tualchhung kohhran ten mahni remchan dan angin an hmang mai thin a, kumin hian Tualchhung Kohhran tam zawk chuan zan lamah hlim takin hun an hmang a ni.
Rev. Ellis Luther Scism-hian Pathian hnen atangin, India rama Missionary tura kohna dawng in kum 1948 khan India ram a rawn lut a, Adoor, Kerela-ah Bible School- dinin bul a tan a. Mizorama mi hlim hote nena rawngbawlmek R.A Dover-i-te nen , inbe chhovin Dt.18.2.1950 (Inrinni)-ah khan Mizoram a rawn thleng a, hmun hrang hranga thlarau thianghlim hnathawh avanga tihduhdah leh nekchepna tuar te chu , ho khawmin Dt. 19.2.1950 (Pathianni) ah UPC kohhranah hi an din ta a ni. He kohhrana Baptisma chang hmasa ber leh Pastor atana lak hmasa ber chu Pu Zakamlova a ni.
Kohhran din tirha member record hmasa ber kum 1950 ah member 3,000 niin tun dinhmunah, North East India huamchhungah hian member Nuai khat chuang an awm tawh a ni. Report bu thar bera a lan danin N.E India UPC huamchhungah hian District 11 ah Kohhran member 1,04,889 (Nuai khat sangli za riat 89)an awm mek a. Chhungkaw 25,527 (Sing 2 sang 5 za 527) awmin, Tualchhung Kohhran 747 leh Kohhran puitlinga la hlankai loh Preaching Point 122 a awm mek bawk.
India hmarchhak State hrang hrang bakah Odisha, Delhi, Kolkata, Andaman & Nicobar Island, , Bhutan leh Bangladesh ramah Missionary tirin rawngbawlna hna a thawk kalmek a ni.
———
General Hruaitute Programme :
General Missions Director Rev. R. Lalhawia chuan Feb ni 20 atanga ni 24 chhunga Churachandpur District Missions Conference, Rengkai venga neih mek chu hmanpuiin Pathianni zing leh zanah thusawi rawngbawlna a nei ang.
General Sunday School Director Rev. R. Laichhingpuia chuan Feb ni 23 leh ni 24 chhunga Bairabi Bialin Bial huap Sunday School Seminar an buatsaihah Resources person-ah tangin Pathianni zan thleng hian rawngbawlna a nei ang.
———
Bial Conference :
Feb.15-17 chhung khan Lunglei District-a bial pariat te chuan Conference an hmang a, Feb.16 inrinni khan rorelna an nei a, chungte chu.
1. PANGZAWL BIAL : Pangzawl bial Conference vawi 34-na Khuanghlum Local-a neih chu District Superintendent Rev.R.Lalrosanga chuan a hmanpui a, an rorel zingah rammut beihpui thlak nise tha tih a ni a, rammut neihna tur hi appeal-a tuak niin Rs.27300 hmuh a ni a, Treasurer te puala Accountancy training neih nise tha an ti bawk.
2. THEIRIAT BIAL: Dawn Local-ah Theiriat bialte hian Conference vawi 29-na hi hmangin Luangmual bialtu Pastor Rev.B.Kamliana chuan District Superintendent Represent-in a hmanpui a, an rorel langsar zingah kohhranpui chuan Bial chhunga Rawngbawltu boral an awmin Rs.5000 a inral thin nise an ti a, Theiriat Section chhunga Local tinah kohhran hruaitute an nihna ngaiah term 2 bak nih theih ni tawhlo se tha an tih bakah District-a thlen tur thu pawimawh tak tak an ngaihtuah a ni.
Theiriat bial LAD te chuan bialtu Pastor Quarters-ah Carpet phan nise an tih bakah Hrangchalkawn Urban Health Centre-ah Bench dahve nise an ti a, bial huapin General Conference kal nise an tih bakah PIM Support ve nise an ti bawk.
Theiriat bial Sunday School Department-te chuan Kumin 2019 chhung hian bial hruaituten kumpuan (Kan fate i chanhim ang u) tih chu Local tinah Awarness Campaign neih nise an ti a, Chhungkua a Sunday school kaikim te hnenah bialin lawmman siam leh nise an tih bakah Local tinah Seminar neih nise an ti bawk.
3.THINGSAI BIAL : Tarpho Local-a neih Thingsai bial Conference vawi 20-na chu Lungsen bialtu Pastor K.Vanlalhruaia chuan a hmanpui a, bial kohhranpui chuan bial chhung Local tinah, Leadership Training/Seminar neih nise an ti a, Pastor Quarters chei that nan Rs 30000 ruahman a ni bawk.
Thingsai bial PYD te chuan CBC Library ah lehkhabu donate nise an tih bakah zirlai titha te chawimawi nise an ti bawk. Bial LAD te pawhin Bible ralchhan siam nise an tih bakah Pastor Quarters-a dah turin Sofa set chu plan atan neih nise an ti.
Bial Sunday School Department-te chuan District-a thlen tur thu pawimawh tak tak an ngaihtuah bawk.
4. TAWIPUI BIAL : Pukpui bialtu Pastor Rev.PC.Nghakliana chuan District Superintendent Represent-in Tawipui bial Conference vawi 61-na Thualthu Local-a neih a hmanpui a, bial kohhranpuite chuan kum 2019 chhungin Seminar buatsaih nise an ti a, kum 2019 chhungin bial chhung Local hrang hrangah Kristian chhungkua tih thupuia hmanga Campaign neih nise an tih bakah nakum 2020 bial Conference-na hmun atan Mualcheng S Local nise an ti bawk.
5. SERTLANGPUI BIAL : Rahsiveng bialtu Pastor Rev.C.Lalhriatpuia chuan District Superintendent Represent-in Sertlangpui bial Conference vawi 42-na Thuampui Local-a neih hi a hmanpui a, bial kohhranpui chuan bial chhung Local tinah Account vawn dan inzirtir nise an ti a, bial hruaituten an term chhungin Pastor hoin Financial Campaign Local tin ah neih nise an tih bakah nakum 2020 bial Conference chu Sertlangpui ah neih nise an ti bawk.
Bial Sunday School Department-te chuan bial chhung Local tin ten kum 2019 chhungin mahni Local theuh ah seminar neih nise an ti a, 2019 chhungin bial S.S rally neih nise an tih bakah, 2019 -2020 term chhungin bial S.S. hruaituten Local tinah S.S. Awareness Campaign neih nise an ti bawk.
Bial Missions Department-te chuan kum chanve chhunga target pe theilo/tlak theilo Local-te hnen ah financial campaign neih nise an tih bakah District-a thlen tur thu pawimawh tak tak an ngaihtuah bawk.
6. ZAWLPUI BIAL : Zawlpui bialte hian Belthei Local-ah Conference vawi 5-na hi hmangin District Missions Director Rev.R.Vanlalenga chuan a hmanpui a, bial kohhranpui chuan kumin chhungin bial hruaituten bial chhung Local tinah Financial Campaign and Accountancy Training neihpui se an ti a, Pastor Quarters-a Sofa set dah chu project atan neih nise an tih bakah nakum 2020 bial Conference na hmun atan Tuisenchhuah Local nise an ti bawk.
7. HNAHTHIAL BIAL : Hnahthial bialte hian Hnahthial Electric Local-ah he bial Conference hi an hmang a, District Secretary Rev.C.Vanlalena chuan hmanpui.
8. HAULAWNG BIAL : District Treasurer Rev.C.Lalrintluanga chuan Haulawng bial Conference Zotuitlang Local-a neih a hmanpui a, hlim takin hun an hmang.
9. Feb ni 22 atanga ni 24 chhung hian Pukpui bial PYD leh Luangmual bial PYD te chuan bial Conference an hmang mek a, Feb.23 inrinni ah rorelna an nei ang.
Pukpui bialte hian Speaker atan Chengpui Home Missionary Evan.Simona Hmar chu Speaker atan an hmang ang a, Luangmual bialte hian Bualpui V Home Missionary Evan.Lalrokhawma chu Speaker atan an hmang bawk ang.
————–
District Conference vawi 54na :
Feb ni 28 atanga March ni 3, chhung hian United Pentecostal Church Lunglei District Conference vawi 54-na chu Rahsiveng Local UPC Biakin ah neih a ni dawn a, General Treasurer Rev.Zohmingthanzama chuan a hmanpui ang.
Feb.28 (Thur.)zanah he inkhawmpui hi District Superintendent Rev.R.Lalrosanga chuan hawnna a nei ang a, March 1 (Fri) ah Sunday School Department leh Ladies Auxiliary Department ten rorelna an nei ang a, March 2 (Sat) ah kohhranpuiin rorelna hi an nei ve leh ang.
Conference thupui atan hian ‘Pathian hna thawhpuite kan ni’ I Kor.3:9 chu hman a ni dawn a, heng mite hian Conference chhung hian thu an sawi ang. General Treasurer Rev.Zohmingthanzama, Aizawl East District Superintendent Rev.Rosanga Colney, Lunglei District Superintendent Rev.R.Lalrosanga, Lunglei District Sunday School Department Director Evan.F.Lalhmangaiha leh Pukpui bialtu Pastor Rev.PC.Nghakliana.
———
Seminar buatsaih :
Feb.23 inrinni hian Lunglei District, Sertlangpui kohhranpui buatsaihin, church Board member zawng zawng leh department O.B zawng zawngte tan Leadership & Account vawn dan tih thupuia hmangin Seminar an buatsaih a, Resource person atan bialtu Pastor T.Zahmingliana an hmang.
—————-
District PYD Conference :
Aizawl East District PYD Conference vawi 25-na, Silver Jubilee chu February 14 atanga 17 chhung khan Champhai Bethel Bial-ah hlim taka hman a ni.
He Inkhawmpui hi Bethel Feild-a Pandal Ft 130X80-a lianah hman niin Thupui-ah “Pathian beisei rawh” Sam 42:5 thu hman a ni. February 14, Ninga zan khan Rev Biaksangzuala, District Secretary chuan Pathian hnenah hlanna neiin Bialtu Pastor Lalhmangaihawma Parte hnen atangin Palai lawmna thu ngaihthlak a ni bawk. Inkhawmpui tan zan khan Jubilee meidetna Evan F.Malsawmtluanga, District PYD Secretary chuan neiin Evan JH Malsawmdawngliana, General PYD Secretary in Souvenir tlangzarhna a nei thung.
February 15, Zirtawpni nileng khan Paris Hall-ah Rev R.Laltlankima, President kaihhruaiin palai mi 200 chuang ten rorel inkhawm an nei a, hetah hian Secretary report leh Financial report ngaihthlak a ni. Report atanga a lan danin tun dihmunah Aizawl East District chhunga Bial 30 awmah PYD member 6754 awmin, PYD hi khaw 132-ah din a ni a, PYD rawngbawlna atangin member 12 Kohhranah sengluh an ni. Member boral 24 awmin rawngbawlna License mi 74 ten an kawl mek bawk a, Theological Certificate kawl mi 89 an awm a, Thlamuantu(Thalai chanchinbu) hi member 1414 ten an la bawk a ni. District PYD hnuaiah hian Sub-Committee 6- Kumpuan, Fund Raising, Education, Music & Sound bakah Environment Protection leh Hla kutpui te awmin an ni hmalak na atang hian Bial leh Tualchhung PYD ten nasa takin hma an sawn mek zel a ni.
Rorel Inkhawmah hian Bial atang leh Official atangin agenda engemaw zat lutin Kum 2023 Inkhawmpui chu Thingsulthliah bial-ah nghah a ni a, ruatsa angin Kum 2021-ah Sakawrdai bial-ah hman a ni ang. Heng bakah hian Inkhawmpui thlengtu tanpui na tihpun niin Pandal sakah 300,000/- leh pandal sak loh-ah Rs 200,000/- ni tawh se tih a ni a, District chhungah zirna In din ni se tih niin General PYD hmalakna atan Maternity Hospital din tura tih a ni a, Conference fund Rs 300 ni mek chu Rs 500-ah tihpun ni bawkin Aizawl khawpui area-ah ram lei ni se an ti bawk a ni.
Rorel inkhawm zawh hian District Board neih nghal a ni a, hetah hian District Conference-in Zirna In din ni se a tih chu bawhzui nghalin School Establishment Committee din nghal a ni a, District PYD Education Sub-Committee ten zirchiang hmasain chu an zirchianna chu Establishment Committee-ah thlenin an nin zirchian leh ni se tih a nih bakah Kum 2019 chhunga Sub-Committee hrang hrang hruaitu tur ruat tharna hetiang hian an nei bawk.
Sub-Committee hruaitute
Kumpuan
Chairman: Bro.H.Vanlalhruaia, Thuampui bial
Secretary: Bro.HK.Lalneihsanga, Bawngkawn bial
Treasurer: Bro CS.Lalrothuama, Upper Republic bial
Environment protection:
Chairman: T.Upa R.Vanlalropeka, Mualpui bial
Secretary: Bro.Lalnunhlima, Thuampui bial
Treasurer: Bro Lalengmawia Ralte, Zemabawk bial
Education Committee
Chairman: Bro R.Vanlalpeka, District PYD Treasurer
Secretary: Bro JH Biakdiktluanga, Upper Republic bial
Treasurer: Bro C.Lalrammawia, Bethlehem bial
Fund RaisingCommittee
Chairman: Upa F.Lalthlangliana, Bazar bial
Secretary: Bro Lalrammawia, Bazar bial
Treasurer: Bro Zosangliana, Thuampui bial
Music & Sound Committee
Chairman: Evan C.Lalchhuanga, District PYD V.President
V.Chairman: Evan C.Lalremruata, District PYD Asst.Secretary
Secretary: Bro Lalchhanhima, Pentecostal Choir Conductor
Treasurer: Sis Lalthlangliani, Bawngkawn bial
Rorel Inkhawm neih chhung hian pandal-ah vantlang inkhawm neih a ni a, hetah hian Evan H.Lalbiakzauva’n inkhawm kaihruaiin Evan HMS Dawngkima hnen atangin thuchah ngaihthlak a nih bakah zaipawl leh mal zai ngaihthlak a ni bawk.
Zirtawp zan inkhawm-ah Sub-Committee Kumpuan leh Education ten lawmman semna an nei a, lawmman dawng tute an ni.
Kumpuan:
District Kumpuan sub Committee in tehna hrang hrang a siam atanga hma la tha ber lawmman Upper Republic Bial ten an dawng a, pahnihna Bawngkawn bial leh pathumna Serchhip bial ten dawngin
Tualchhungah Pakhatna Peniel, Bawngkawn bial niin pahnihna Armed Veng South leh pathumna Bethlehem Vengthlang ten an dawng bawk a ni.
Education:
District Education Sub Committee-in tehna hrang hrang a siam atanga hma la tha ber lawmman Bawngkawn bial ten dawngin pahnihna Khawzawl bial, pathumnaSerchhip bial ten an dawng bawk.
Tualchhungah Pakhatna Zemabawk Vengpui, pahnihna Armed Veng South niin pathumna Ratu Vengpui ten an dawng a, Chhingchhip bial ten Consolation prize an dawng bawk.
February 16, Inrinni nileng khan pandal-ah Fellowship hlimawm tak neih a ni a, hetah hian mal zai bakah Zaipawl leh Bethlehem bial PYD te hnen atangin Drama hmuhnawm tak thlir ho a ni. Inrinni zan khan Upa K.Lalhmunsanga kaihhruaiin PYD thiltum sawirualna neih niin District PYD ten Budget tlak hmasa lawmman semna an nei a, Champhai Bethel bial, Zemabawk bial leh Khawruhlian bial te dawngin Environment Sub-Committee ten Essay inziahsiak lawmman an sem bawk a ni. Inrinni zan inkhawm-ah hian PYD hruaina hna lo thawk tawh leh thawk mekte hnenah chawimawina citation hlan an ni bawk. Pathianni chawhma inkhawm-ah khan Rev Vanlalfela Ramtiam, District Treasurer kaihhruaiin member boral sunna neih a ni a, hetah hian mi 24 te sun an ni. Pathianni chawhnu-ah Upa Lalfelkima kaihhruaiin Doctrine sawi rualna neih a ni bawk.
Tarlan tawh angin Aizawl East District PYD Inkhawmpui-ah hian thupui-ah “Pathian beisei rawh” Sam 42: 5 thu hman niin thupui hi thensawm lovin mi hrang hrang hnen atangin hetiang hian ngaihthlak a ni.
Ninga zanah- Evan C.Lalnunsanga, Serchhip bial
Zirtawp zanah- Evan Lalramzauva leh Evan C.Lalchhuanga
Inrinni zanah- Pastor H.Lalropuia leh Upa R.Lalhmangaihzuala
Pathianni chawhma-ah Rev Rosanga Kawlni, District Superintendent
Pathianni chawhnu-ah Evan R.Vanchhunga
Pathianni zanah- Rev R.Laltlankima, District PYD President
Aizawl East District PYD Inkhawmpui hi a Kum 25-na, Silver Jubilee a nih angin bial hrang hrang atangin palai engemaw zat an kal a, palai kal zat hi chiang fak hriattheih loh mahse 1500 vel an nih beisei a ni a, District PYD atangin Jubilee hriatrengna atan Bookmark palai te hnenah hian sem vek an ni bawk. He inkhawmpui hi General PYD Hruaitute bakah North Mizoram District PYD Hruaitute leh General PYD Choir leh North Mizoram District PYD Choir ten telpui bawkin Pathianni Chawhnu inkhawm ban khan ruah sur avangin Pandal-ah harsatna tawh a ni a, inkhawm nan a remchan tak loh avangin Bethel Community Hall, Chhura hmunah Pathianni zan khan inkhawmna neih a ni thung a ni.
————
Revival Speaker la thar :
Aizawl East District Revival Committee ten Advertisement an chhuah angin diltu engemaw zat awm zingah Kum 2019 chhung atan heng mite Interview kaltlangin Revival Speaker atan lak an ni.
1. Evan Lalhmachhuana Varte, Mualpui – Peniel Revival Team
2. Evan.H.Lalhlimpuia, Bethlehem Vengthlang-Crusaders for Christ Team
3. Evan K.Vanlaldika, Zemabawk Vengpui-Krista aia palai Team
4. Evan.Lalbiakmuana,Zemabawk-
5. Evan Vanlalruatsaka,Suangpuilawn-
6. Evan HMS Dawngkima,Mualpui-Ebenezer Revival Team
Heng Revival Team te hi Tualchhung leh Bial ten rawngbawl turin District Revival Committee kaltlangin 1st.March.2019 atangin sawm theih a ni.
———–
Home Missionary la thar :
Aizawl East District Missions Department Executive Committee chuan March atanga April.2019 chhung atan heng mite hi Home Missionary atan ala thar a, an awmna hmun tur pawh siamfel nghal niin District Missions Secretary hnenah Joining report pe in Monthly report thehlut thin tura tih a ni. Home Missionary lak thar leh an awmna hmun turte:
1. Sis Sangkhumi B/W, Khawlian bial, Daido-ah
2. Sis K.Lalthanpari B/W, Khawlian bial Phuaibuangah
3. Evan Lalduhawmsanga, Thingsulthliah bial, Tuirini-ah
4. Evan Lalrinfela, Khawbung bial, Leisenzo-ah
5. Evan H.Lalbiakzauva, Serchhip bial, Lungpho-ah
6. Evan Joseph Lalremruata, Rabung bial, Saichal-ah
7. Evan H.Malsawmthanga, Thuampui bial, Thuampui Vengtharah
8. Evan V.Kamneihthanga, Khawhai bial, Sialhawkah
9. Evan TC Kapzathanga, Bethel bial, Zokhawtharah
10. Evan HK Lalhmangaiha, Hnahlan bial, Tualchengah
11. Evan Lalthlamuanpuia, Suangpuilawn bial, Lamherh-ah
12. Evan Vanlalrosiama, N.Vanlaiphai bial, Lungchhuan-ah
13. Evan Vanlalnghaka, Khawzawl bial Tualte-ah.
Heng Missionary te hi biala an rawngbawl dan tur chu Bialtu Pastor leh Bial Missions Director te nen ruahmanna siam se tih a ni bawk.
———-
Biak in sak lungphum :
February 18, Thawhtanni khan Khawzawl khuaa UPC- North East India Biakin upa ber, Khawzawl Vengpui Biakin sakthatna tur lungphum chu District Superintendent, Rev Roasanga Kawlni in a phum. Lungphum phumna hun tawi hman niin Rev Rosanga Kawlni chuan Leilung leh a chhunga thil awm zawng zawng hi Lalpa ta a ni a, kan Pathian hian a Biakbuk sak hi remtiin mal a sawm thin a, biakbuk hi amah nena kan inpawlna te, mi lungngai leh harsatna tawk ten malsawmna an dawn theihna atan a pawimawh em em a ni a ti bawk.
Khawzawl Vengpui Kohhran hian Kum 1973 atanga an luah tawh Biakin hmunah hian Biakin thar sak an tum a ni.
———-
Aizawl East District Hruaitute Programme:
Rev Rosanga Kawlni, District Superintendent chuan Chhingchhip Bial-ah hun hmangin Inrinni zan khan Chhingchhip Mualpui Kohhranah rawngbawlna a nei a, Pathianni nileng hian Chhiahtlang-a Kohhran pathum-ah rawngbawlna a nei leh ang.
Rev Biaksangzuala, District Secretary chuan Bro Lalthankima te chhungkua District Hqrs. Kohhrana lawi ten Pathian chawimawina an neih-ah Inrinni zan atang khan Speaker-ah tangin rawngbawlna a nei a, Pathianni zan thleng hun hman a ni ang.
Rev Vanlalfela Ramtiam, District Treasurer chuan Khawbung bial ten Bial Inkhawmpui an hman mekah hmanpuiin Pathianni zanah thusawi rawngbawlna a nei ang. Rev Vanlalfela Rantiam hian Khawbung bial-ah Missionary support zawngin hun a hmang nghal dawn a ni.
—————-
Sunday School pual Seminar :
February 20, Nilaini khan Bethlehem bial Sunday School Department buatsaihin Hermon biakin-ah Sunday School Zirtirtute pualin bial huap Training/Seminar hlawhtling takin an hmang.
He Seminar/ training hi Rev. R.Laichhingpuia, Gen. SS Director leh Rev. C. Mawizuala, Director, Aizawl East District Sunday School Department ten an hmanpui a ni.
He hun hi Evan Lalchhuanmawia Zote, Bethlehem Bial S,S Director chuan kaihruaiin Chawhma-ah Rev. C.Mawizuala’n “Zirtirtute pawimawhna leh mawhphurhna” tih thupui hmangin Zirtirna a pe a. Chawhnu-ah Rev. R.Laichhingpuia’n “Zirtir dan tur” tih thupui hmangin Training a pe bawk a ni. He hunah hian Bial chhung atangin Zirtirtu mi 50 vel kalin Sis. Lianthangpuii hnen atangin fakhla ngaihthlak a ni a, Training/Seminar a kal ten hlawkthlak an ti hle a ni.
——————
District Officer Meeting :
North Mizoram District Officer meeting Feb ni 13th Nilaini khan Dist. Supdt. chamber-ah neih a ni.
Officer meeting-ah hian North Mizoram District Conference vawi 69-na Durtlang MC Hall-a Feb ni 28- March ni 3 thleng awh tur Programme duangin Conference thupui atan Gen. 12:2 thu “Nang Malsawmna ni ang che” tih hman a ni. Conference neih chhung hian Speaker atan Rev. Lalmalsawma Sailo Gen. Supdt.., Rev. Laltluanga NMD Supdt., Rev. Chhiarpuia Dist. Secretary, Rev. Lalramthanga Kawnpui, Evan. Lalramthara Sailo, Upa R. Lalhmangaiha Bawngkawn Kohhran, te hman a ni dawn a ni.
———
District Conference inbuatsaihna :
North Mizoram District Conference vawi 69-na chu Durtlang MC Hall-a Feb ni 28 Ningazan atanga March ni 3 Pathianni zan thleng hmang a ni dawn. Conference thlengtu tur Durtlang Bialte pawh an inbuatsaihnain a vawrtawp a thleng mek a ni.
Durtlang Bialte hian District Conference vawi-69-na thleng tur hian Committee peng pawimawh hrang hrang 1) Refrehment Committee, Water & Sanitation, Information & Publicity, Receiption, Uhering, Decotion, Security and Trafic, Medical bakah Ligh and Sound te dinin Committee pengtinte pawhin conference thleng turin an inbuatsaih fel thawkhat tawh a ni.
Feb ni 26 hian Bial pum huap hnatlang nei lehin Feb ni 23 hian Light sound leh decoration ten hnatlang an nei ang.
———-
Field Conference :
North Mizoram District Missions Director Rev. C. Lalthantluanga chuan General Missions hruaitute ruahman angin Assam Mission Field-a Nepalpara Field Conference a hmanpui a; Conference-ah hian Speaker niin; a rawngbawlna Missions Field member ten an hlawk pui hle a, Revival ropui tak a thleng a ni. Field Conference Feb ni 8-10 chhung neih a ni.
———
Bial Conference :
North Mizoram Distric chhunga Pastor Bial 30 te chuan Feb ni 8-10 hmang khan Bial conference a rualin an hmang a, Feb. ni 10 Pathianni zan khan tluang takin an zo.
Bial Conference aruala neihah hian District Puipate pawhin Bial hrang hrang hmanpuiin Dist. Supdt. Rev. Laltluanga’n Zawlnuam Bial hmanpuiin; Dist. Secretary Rev. Chhiarpuia’n Sumsuih Bial, Dist. Treasurer Rev. K. Lalduhsanga’n Chaltlang Bial a hmanpui bawk.
Dist. Sunday School Director Rev. K. Malsawmtluanga’n Tlangnuam Bial Conference Saikhamakawnah a hmanpui bawk.
Bial conference neih chhung hian kumin 2019- chhunga Bial hrang hrangte hmalak dan tur relin Feb ni 9 inrinniah conference rorel neiin, Bialtinte’n kum 2019 chhunga rawngbawlna kawnga Bial hmalak dan tur hrang hrang te relin Pentecost Kohhrante’n thupuia an neih anga chak leh uar zawka Missionary hna thawh kawnga hmalak dan tur an rel a, District Conference-a chhawp chhuah tur agenda tur te an rel bawk. Bial Conference nei Bial 30 te hian zirtawp zan atangin revival Programme hmangin Thupui bik neia Speaker ruaite awmin Bial hruaitu leh Bialtu Pastor te speaker atana hmang te pawh an awm bawk. (Pic. Bial Conference)
————-
District LAD Conference Resolution Committee :
Feb ni 12 Thawhlehni khan North Mizoram District LAD Conference Resolution Committee chu District LAD President Sist. P.C Lalromawii B/w kaihhruaiin Dist. LAD Conference Resolution Committee an thukhawm.
Resolution Committee-ah hian District LAD hruaitu pathum bakah Dist. Puipa pathum Rev. Laltluanga Dist. Supdt., Rev. Chhiarpuia Dist. Secretary, Rev. K. Lalduhsanga Dist. Treasurer te an tel a, hei bakah hian kumin atana ruat Dinthar Bial LAD President Sist. Thanchungnungi leh Chaltlang Bial LAD President Sist. Vanlalveni te an tel bawk.
Resolution Committee hian kumin Oct. ni 10-13 chhunga LAD Conference-a roreltur Agenda thlirlawkna leh thlitfimna neiin; Conference Agenda 5 an chhawp chhuak ang.
———-
Missionary Arrival Day lawm :
February ni 18 Thawhtanni khan United Pentecotal church Mizoramah a dinni a nih angin, North Mizoram District, Headquarters Kohhran te chuan inkhawm urhsun tak an buatsaiha. maicham buatsaihah Thlarau boruak a thain inkhawm pawh an tha hle a ni.
Feb ni 17 Pathianni zana Thlarau atanga hriattirna dawn angin UPC dinni feb ni 18 zan inkhawm ban hian Baptisma khur hawn a ni a, hetah hian Rev.Zohmingthanzama, Gen. Treasurer UPC NEI chuan rawngbawlna a nei a, Rev. Lalmalsawma Sailo, Gen. Superintendent-in tui hlanna a nei bawk a, mi -5 in Lalpa Isua hmingin sual ngaihdam nan baptisma an chang a, Thlarau lam hla nen hlim takin hun an hmang a ni.
——-
Missionary Support :
North Mizoram District, Missions Dept. Executive rorel angin kummin 2019 puala Missionary chawmna leh Missionary Support zawnga fehchhuah chu North Mizoram District huam chhunga khawpui bialte fan chhuah tawh niin; Thingtlang lam suar mek a ni a, Dist. Mission hruaitute leh fehchhuah tura ruatte atangin Missionary chawmtu mi 500 dawn hmuh tawh niin; Missionary Support tu tur mi thahnem tak an hmu tawh bawk.
——-
Hriakthih rawngbawlna nei :
Feb ni 17 Pathianni zan khan NMD District Headquarters Kohhran-ah Kohhran mipui zawng zawng tan hriak thih rawngbawlna neih a ni.
He hriakthih inkhawm neih hi Sis. Lalzikpuii B/W kaltlanga Pathianin a thu a puan niin; chu chu Church Board Committee -in a bawhzui a, NEI UPC Gen Supdt. Rev.Lalmalsawma Sailo chuan rawngbawlna neiin; Kohhran mipuiten an hlut hle.
Hriakthih rawngbawlna neih zan hian kohhran mipuite an kal tha hle a, Thlarau lam malsawmna pawh an dawng bawk. rawngbawltu Rev. Lalmalsawma Sailo hi Rev. Zohmingthanzama, General Treasurer, leh Rev.Laltluanga, District Suoerintendent, North Mizoram District ten an pui a, Thlarau lam hla te sain Pathian fakin an chawimawi a ni.
He hun hman atang hian Thlarauva khup zawi tawh te leh ban uai thla tawh ten Thlarau Thianghlim awmpuina leh pawlna thar dawngin kohhranhote an hlim hle.
——–
Biak in sa :
Inrinni kalta Feb ni 14-16 chhung khan North Mizoram District Missions Field sawm zinga Field pakhat Kawnpui Bial chhunga awm Rashdali Field-ah kawnpui Bialte’n workcamp neiin; Biak in tur an sa.
Workcamp-ah hian mi thahnem tak thawkchhuakin Bialtu Pastor Rev. C. Lalramthanga’n a hova, Biak in ban tur phun kim vek hmanin a thawhkhatna Feb ni 16 Inrinni khan an zo a ni.
——–
SS Hall sak hnatlang :
Feb ni 16 Inrinni khan Aibawk Bial chhung Muallungthu kohhran Sande School Hall sain hnatlang neih tan a ni.
Aibawk Bialte hian Muallungthu SS Hall sak hnatlang neih dan tur hi Kohhran inkawp hnatlang nei turin ruahmanna an siam a, group hnihah inthenin group khatnaah Falkawn.Kelsih.Hualngohmun te thawkin Inrinni khan mi 38 lai member hnatlang thawk chhuak an awm. Hnatlang thawhhnihna hi Feb ni 23 Inrinni hian neih leh tur niin group hnihna Aibawk kohhran te leh Sateek kohhran ten an thawk chhuak leh ang.
———-
Work Camp :
Lengpui Bial chhunga awm Dilzawl Missions Field-a Missionary Quarters sak hna chu a bial neitu Lengpui bial ten Feb ni 12 – 17 chhung khan member 11 ten tlawhin work-camp in hna an chhunzawm.
Quarters sak hna hi hun engemaw chen atanga tan tawh niin; hmanraw khaihlak avanga chawlh lailawk chu Bialtu Pastor Rev. Lalchuailova ho workcamp te hian an sa zo va, rawnghnawih chauh hmabak a ni ta. Hun remchang hmasa berah a hawnna neih tur a ni ang. Quarters sakna tur atana thilpek petute chungah Dilzawl kohhran chuan lawmthu an sawi a ni.
———
Member thar seng :
Feb ni 17, Pathianni khan North Mizoram District in Sihthianga rawngbawl tura a dah Evan.C.Lalruatsanga rawngbawlna kaltlangin member thar pakhat kohran ah sengluh a ni.
Feb ni 13 Nilaizan inkhawm khan Rengdil kohhranah mithar paruk (6) chhungkaw khat Bialtu Pastor C.Lalthlengliana’n lawmluhna a nei a, Nau -4 hlan nghal a ni bawk. Mithar lawmluh zingah 2 te chuan sualngaihdamna baptisma Lalpa Isua hmingin an chang nghal a ni.
———-
N. Mizoram Hruaitute Programme:
NMD Supdt. Rev.Laltluanga chuan Feb ni 21 zirtawpni hian Chhimtuipui Dist. Niawhtlang-ah Pastor Biakhuama te chhungin Pathian chawimawina an buatsaihah rawngbawlna neiin a fehchhuak a, Kar thar thawhtanni Feb ni 25-ah Aizawl a let leh ang.
District Secretary Rev. Chhiarpuia chuan Feb ni 24, Pathianni hian Sialsuk Bial LAD Conf leh Golden Jubilee hmanpui turin a zinchhuak a. District LAD hruaitu pathum President Sis. PC Lalromawii, Secretary Sis. Laldawngliani leh Treasurer Sis K. Lalrokimi te an kal bawk.
District Missions Director Rev. C. Lalthantluanga chuan Feb ni 20, Nilaini khan Rashdali Missions Field tlawhin a zin chhuak a, Feb ni 22, Inrinni khan Missionary Support buaipuiin Thenzawlah hun a hmang leh bawk.
——-
Conference sawmna :
North Mizoram District Conference Vawi – 69-na chu Aizawl, Durltang MC Hall-ah (Em Cee hall tia lam tur) -ah February ni 28 atang March ni 3 chhung hian neih tur a ni a.
He Conference-ah hian “Nang malsawmna ni ang che” tih thupuia neiin; Thuhriltu Pathian mi hman tak tak ten thu an sawi ang.
Conference kal tur hian tlangtin leh mualtina rinnaa unaute bakah Thlarau lam tuihna thar duhtu apiangte kal vek turin kan insawm a ni.
Durtlang hi hmun vawt a nih avangin Conference kal turte’n thawmhnaw lum lam ken tur a ni.
Facebook