UPC NORTH EAST INDIA GENERAL MISSIONS DIRECTOR CHARGE INHLAN
United Pentecostal Church of NEI Executive Board in a lo pass tawh ang in December ni 15, 2021 khan General Missions Director a tan a ruat thar Rev. Biaksangzuala chuan charge ala a ni.
Charge hlan inkhawm hi General Headquarters Committee room, Mualpui Salem vengah neih niin, General Secretary Rev Zohmingthanzama’n inkhawm a kaihruai a, General Superintendent & General MIssions Director incharge Rev. R. Lalrinsanga chuan charge hlanna neiin fuihna thu a sawi bawk.
General Treasurer Rev. Lalmalsawma Sailo leh General Sunday School Director Rev. R. Laichhingpuia te bakah District Official ten he hun hi an hmanpui a, an hnen atangin thusawi pawimawh tak tak ngaihthlak a ni bawk.
———-
PENNET ADVANCE CHRISTMAS
December ni 16 Ningani zan khan General Headquarters Office tual ah UPC North East India Media cell PENNET buatsaihin TV Programme a chhuah tur Advance Christmas hman a ni a, He hun hmang tur hian Bial hrang hrang a zaimi te leh zaipawl te sawm niin Programme hi Pennet Youtube Chanel ah Live a pek chhuah a ni bawk.
———-
GENERAL ARCHIVE
December ni 17 Zirtawp ni khan UPC North East India General Archive Committee buatsaihin Symposium on The History of UPC in Mizoram tih chu General Headquarters Committee room, Mualpui salem veng, Aizawl-ah General Archivist, Rev. Jh. Za Hluna kaihhruaiin neih a ni.
He inkhawm ah hian UPC North East India Pensioner-te, General Department hrang hrang leh Distric hruaitu te, bakah Lunglen 1 leh North Lungleng kohhran hruaitute kal khawmin Mizorama UPC Kohhran din dan zir chianna leh sawihona te neih a ni.
———-
———-
CHHIMTUIPUI DISTRICT
DISTRICT BOARD TLUANG TAKA NEIH ANI :
Dt 7th December 2021 @ 11:00am khan Dist Coommitte room ah Chhimtuipui Dist PYD Board vawi-79na chu tluang taka neih a ni. Dist Superintendent Rev Joseph L Thlauhthang leh Dist Secretary Rev WL Thanghre ten board hi an telpui a ni.
Thurel pawimawh zual te:
1. 2022 Dist PYD Budget atan Rs.3,13,000.00 chu pawm ani. Kum 2021 aia apunna hi 15.92 percent a ni. Dist Kohhranpui Board hmasa berah approval siam tur a ni.
2. 2021 Bial hrang hrang PYD activities report tlangpui ngaihthlak a ni a, hripui in nasa takin nunphung tibuai mahse Dist chhung Bial tin PYD teleh Local hrang hrang PYD ten phak tawk a rawngbawlna kalpui a, ruahmanna kan siam theuh thei chu lawmawm kan ti hle.Tuipang Bial PYD leh Niawhtlang Bial PYD techuan an target tlak tawh in Bial dang zawng zawng tepawhin 2021 chhung ngei a tlak an tum.
3. Dt.18-20.02.2022 khian Tuipang L Local, Tuipang Bial ah 45th Dist PYD Conference chu hman tum niin, Tuipang L local teleh Bial te inbuatsaihna atha in Pandal lian tha tak sak mek niin, lamtual pawh 40×40 square ruahman anih thu te, Fianrial tawngtaina atan Kohhran ten Bethel hmun tha tak anneih thute ngaihthlak ani.
4. “Isua Krista lokal lehna” Thupuan 22:12 chu Conference thupui atan tlan niin. Rev H Lalropuia General PYD President chu Speaker atan beisei ani (Tun dinhmun ah aremchang thu hriat ani).
5. 45th Dist PYD Conference ah hian Mizoram Youth Commission lam chu motational speech nei tur a beisei nii, MYC Secretary Pu Donny Lalruatsanga MCS (Former Dist PYD Vice President) chu sawm ani (Tun dinhmun ah aremchang thu hriat ani).
6. Motivational speech nei a, zai rawngbawlna nei turin NEI a Pathian mi hman Lalthansangi Dr chu sawm ani (Tun dinhmun ah aremchang thu hriat ani).
7. Dist chhung Bial hrang hrang a zai mi te rawngbawlna nei tura ruat anni a, Dist PYD Choir, Niawhtlang bial PYD Zaipawl, South Lungpher local Zaipawl te chu rawngbawlna nei tura ruat anni.
8. Bro. C Lalnghakliana Niawhtlang Bial leh Khambawiha South Lungpher Bial techu resources person aruat niin, Life of Timothy & Job hmangin Bible character study min neih pui ang.
9. Bial PYD report, Dist PCD & Dist Sub Committee report chu December 2021 chhungin thehluh tur ani, Tin Bial tin te Conference Agenda theh luh hun atan 15th January (ai a tlai lovah) Dist ah submitted tur ani.
10. 45th Dist PYD Conference min hmanpui turin Lawngtlai West Dist PYD hruaitute sawm nise.
11. January 2022 chhung khian Dist Board member ten alangin Conference na hmun turah hnatlang thawh nise.
12. 45th Dist PYD Conference ah hian Thlarau lamah nasa zawk a malsawmna kan dawn theih nan Dist PYD member tinte inbuatsaih nise, tawngtaina ah mahni theuh in hlan thar nise.
13. Dist chhung bial PYD, Local PYD leh mimal athei apiang ten Conference thlengtu te tanpui nise.
———-
SIAHA BIAL BOARD NEI
Siaha Bial Kohhranpui, Kumtawp Board chu Dt. 11.12.2021 (Inrinni) khan Siahatla Local ah neih a ni. Zing dar 11:00 ah hun tan niin Pastor C. Lalchhuanthanga, Bialtu Pastor in a kaihruai a, Evan John VT Hniehu, Bial Treasurer in kum 2022 Bial Kohhranpui Budget pharhin sawiho hnuah lungrual taka pawm a ni a, Bial chhung Department hrang hrang atang a Budget pawmpui tura lutte pawh siamrem ngaite siamrem a nih hnuah lungrual taka pawm a ni bawk.
Hei bakah hian Bial Conference inbuatsaihna leh Siaha Bial hmasawnna tur engemawzat rel a ni bawk.
kum 2022 Kohhranpui leh Department hrang hrang Budget pawm (pass) taka hi ₹ 10,74,800 (Cheng Nuai sawm, singsarih sangli leh zariat) chiah a ni.
Bial Board ah hian member an chhuak tha hle a, Siahatla Local in hneh taka thlengin Board member kalkhawmte tan zanriah tui tak an buatsaih a, lawm taka kilho a ni.
———-
RUSADE HUN CHHUNG PAWTSEI
District Hqrs Local,PYD in an buatsaih mek CRUSADE chu Pathian awmpuina leh malsawmna an dawng nasa em em mai a, Members ten an kham lo lutuk avang leh an phulo Thlarau awmpuina an dawn avangin Dt 15/12/21(Nilai zan) Thleng Crusade hun hi pawhsei ani tih kan in hriattir e.
Siaha Bial chhunga kan Nu leh Pa,PYD members te a tam thei ang bera min telpui turin kan sawm tak zet zet a che u.
He crusade ah hian Siaha bialtu Pastor C Lalchhuanthanga chu speaker niin, Thuthlung tih thupui hmangin Pathian thu ṭha tak tak ngaihthlak ani. Thuthlung expert leh thuthlung champion pui ṭhiau Rawngbawltu kan nei hi PYD te an lawm hle.
———-
RAWNGBAWLTU LA THAR
Dt.12.12.2021 zan khan, Dist Hqrs local ah Bro C VanLalhmudika S/o C Raltawna chu UPC NEI rawngbawltu niturin Pastor C Lalchhuanthanga Siaha bialtu chuan Kohhran aiawh in lakluhna a nei.
———-
———-
LUNGLEI DISTRICT UPC BOARD VAWI 204-NA NEIH A NI:
Ni hnih awh Lunglei District UPC Board vawi 204-na chu December ni 14-15 chhung khan Superintendent Rev.C.Vanlalena kaihhruainain District UPC Conference Hall-ah neih a ni.
An rorel langsar zualte:
1. District UPC Office-a IV Grade MR thawk turin Bro.R. Lalremsanga S/o R.Vanlalmuana Pukpui Local chu lak a ni.
2. Master plan building sak chhunzawm zel ṭha tih a ni.
3. Kum 2022 atan Pastor Quarters pakhat sak belh nise ṭha tih niin,
4. Ruihhlo ngai te enkawl na tur PSM in siam an dil na chu rem tih sak a ni.
5. Printing Press a hman tur Cutting Machine lei nise ṭha tih a ni a
6. Biakin sak tanpui na Khuanghlum Local hnenah pek ni se.
7. Tripura Dist Headquarters sak ṭanpui nan Rs 400,000/- pek ni se tih a ni bawk.
8. Athibung Biakin sak tanpui nan Rs 300,000/- pek nise.
9. Driver MR lak ni se ṭha tih anih bakah
10.Pastor thar la tur a Advertisement chhuah nise ṭha tih a ni bawk.
———-
LUNGLEI DISTRICT P.Y.D. BOARD VAWI 97-NA NEIH A NI.
December ni 10 Zirtawpni khan Lunglei District P.Y.D. Board vawi 97-na chu District U.P.C. Conference Hall-ah President Evan.C.Lalremchhunga kaihhruainain neih a ni a, an rorel tlangpuite:
1. Lunglei District P.Y.D. in Missionary sawm a chawm mek chu nakum 2022 atan chawm chhunzawm leh nise ṭha tih a ni a, District PYD Conference ah pawmpui tura thlen a ni ang.
2. Kum 2022-a Bial P.Y.D Conference a hranga nei tur ten February Last Sunday ( 27th February) hmangin nei se ṭha tih a ni.
3. Inkaihhruaina dan siam ṭhat ngai rawtna lo lut te ngaihtuah a ni a, siam ṭhat ngai te siam ṭhat a ni a, District PYD Conference ah pawmpui tura thlen a ni ang.
4. Calvary Bible School (CBC) tan lehkhabu ‘The New Interpreters Bible Commentary’ Volume kim bakah Lunglei District P.Y.D. tih chhuah Khawtlang nun rahbi tih chu pek nise ṭha tih a ni.
5. Nakum 2022 Budget atan Rs.1,225,500 chu pawm a ni.
Lunglei District PYD hnuaiah hian Local 94 ah Members 5481 an awm a, kumin chhung hian Lunglei Civil Hospital tan thisen Unit 257 an pe tawh a ni.
———-
ṬHANGPUI AH MI THAR
December ni 12 Pathianni khan Vaisam Home Missionary Evan.R.Lalthlamuana chuan Thangpui khua ah mi thar 5 (chhungkaw khat, Mipa 2 leh Hmeichhia 3) a lawm lut.
Tun dinhmunah Ṭhangpui khua ah hian kan kohhran a la ding lo a, Evan.R.Lalthlamuana hian rawngbawlna ngawrh taka neiin mi thar hi a nei ta a ni.
Mi thar lawm luhna hun hmang hian Luangmual bialtu Pastor Rev.Lalbiakdika Chawhte bakah bial Missions hruaitute Ṭhangpui hmunah hian an kal a ni.
———-
———-
NORTH MIZORAM DISTRICT
North Mizoram District Mission Field fan thawhhnihna nei:
District Mission Field fan thawhhnihna chu Dec ni 13th – 19th chhung khan neih a ni. Missions Field fan thawhhnihnaah hian Tumpanglui Home Missions Field, Bajerung Home Missions Field, Zomuantlang Home Missions Field te bakah Persang Home Missions Field te tlawh a ni a, Heng Mission Field-ah te hian District Missions Dept kaltlanga Krismas thilpek North Mizoram District LAD tena Rs. 64000 an pek te, Chaltlang Bial LAD tena thawmhnaw chi hrang hrang an pek te, Hqrs. Local Missions Dept tena sum pai an pek te Missions Field hrang hrangah hian semkual a ni.
Missions Field bakah hian District Missions Department leh mimal leh Bial tena District Missions Deptt. Kaltlanga rawngbawla an rawih Casual workers Sist. Vanlalpeki awmna Tlangsang Bial chhunga Sailut One leh Two-a kohhran member te, Evan. C. Sangliana awmna Vitor Kalagang hmuna Kohhhran member te bakah Bro Vanlalruata awmna Tuipuibari Centre-a Kohhranhote’n Krismas an hmanna turin Sum leh paite hlan an ni a, an mamawh dan a zirin thawmhnaw bag te pawh pek an ni.
District Missions Field leh Casual worker te thilpek pe leh semkual hian District Missions Treasurer Evan. MS Dawngliana leh District Missions Staff T.Upa H. THantluanga te chu an fehchhuak a ni.
Bial News:
———-
Rengdil BIal:
Dec ni 15 Nilaini khan Rengdil Kohhranah , Mi -3 in Bialtu Pastor C.Lalthlengliana kutah Sual ngaihdamna baptisma Lalpa Isua hmingin an chang a, an zinga mi -1 chu Mi thar a ni.
Dec NI 13 khan thawhtanni khan Sist Laltlanthangi ( Sist Tlani) Bilkhawthlir a awm chuan a Pa Upa K.Lianthangpuia chatuan ram pan ta hriatreng nan, Book self ṭha tak Rengdil kohhranho tan a pe a, kohhranhote an lawm hle. (Bookself pe)
Rengdil Kohhranah hian hmalakna hrang hrang nei tharin, Kohhranpuiin Biak In compound-ah Zun In leh Toilet siamin, Project atana Generator ₹ 300,000 man an neih chu, lei turin hma an la mek bawk.
Rengdil P.M.F ten Biak In compound hung chhunzawm hna leh Biak In panna step siam thar a ni bawk a, Rengdil kohhranpui leh Rengdil Local L.A.D ten sum ke nghet atan huan an siam thar bawk a, Rengdil local P.Y.D ten Sum ke nghet tur huan siamin, Thir leihlawn -2 leiin Kohhranah an hlan bawk a ni. Rengdil Kohhran hi Kum 1956 a din niin, Tunah hian member 425 an awm mek a ni.
———-
Tlangsang bial Behliangchhip Biak in tan thil fehchhuak:
Dec ni 14 thawhlehni khan Upa Vanlalsiama Hunthar Kohhran Upa chuan Tlangsang Bial chhunga Behliang chip kohhran Biak in sak mekah Electric Wiring na tur bungrua zawng zawng a tum bakah, wiring leh fitting hna thawk turin Behliang khua hi a pan a, Dec ni 14 atang khan Electric Wiring hna hi an thawk tan a ni.
———-
West Phulpui Krismas hmanna tur pe:
N. Mizoram District chhunga Home Missions Field West Phulpui Mision Field member ten kum 2021 Krismas ruai nena hlim taka an hmanna turin W. Phulpui kohhrana lawm T.Upa chuan an vawk vulh lai kohhrana a pe a, hemi bakah hian buhfai bag 1 kohhranah a hlan bawk.
W. Phulpui Mission Field te hian District Missions Dept atanga tanpuina an hmuh hmangin Biak in sak hna hi ngawrh takin an kalpui mek a, kumin 2021 Krismas hma hian a bang pinphui hman an inbeisei a ni.
———-
Maubawk Bial:
Maubawk Bial LAD te chuan ruahmanna an neih angin, vawiin Dec. ni 16 ningani khan, Maubawk Bial Pastor Quarters-a dah turin Sofa set thar mawi tak an dah a, Bial hruitute an lawm hle.
———-
———-
District Board:
Ni li awh, Aizawl East District kumtawp Board chu tluang takin December 7 atanga 10 chhung khan District Committee room-ah neih a ni. He hun hi Rev Biaksangzuala, District Superintendent chuan kaihruaiin Rev R.Lalrinsanga, General Superintendent pawhin a telpui a ni.
District Board-ah hian thu pawimawh tak tak ngaihtuah niin an thu passed langsar zualte:
1. Chiahpui leh Riangtlei Kohhran ten Biakin thiah leh sak that an dilna chu remtihsak a ni.
2. Champhai Bethel Kohhran tih thin chu “United Pentecostal Church Bethel Hqrs. Kohhran” tia thlak a ni.
3. Kohhran member zingah thlarau thianghlim la dawng loten an dawn theihna tura beihpui thlak rawtna chu Revival Committee kutah a tul anga hma lo la tura dah a ni.
4. District Board hian Pastor 4 la in chungte chu:
1. Evan Albert Chanchinmawia, Zemabawk
2. Evan HMS Dawngkima, Thingsulthliah
3. Evan H.Lalbiakzauva, Rabung
4. Evan Vanlalrosiama, N.Vanlaiphai
Pastor atana lak tharte hian January 1.2022-ah District Superintendent hnenah Joining report pe tura tih an ni.
5. Hetiang hian Pastor Transfer & Posting siam a ni.
1. Thuampui bial- Rev.KVL.Hmangaihkima (hmui)
2. Khawbung bial- Evan.H.Lalbiakzauva
3. Sakawrdai bial- Evan Vanlalrosiama
4. Rabung bial- Evan HMS Dawngkima
5. Hnahlan bial- Evan Albert Chanchinmawia
6. Khawhai bial- Pastor K.Lalmuanpuia
7. Bazar bial – Rev.C.Lalmalsawma
8. Keifang bial-Pastor J.Lalhmingsanga
9. Bethel bial- Pastor E.Vanlalpeka Zote
10. Zemabawk bial- Pastor R.Malsawma
11. Khawzawl bial – Pastor Lalhmangaihawma Parte
12. Chhingchhip bial- Pastor HP.Ramfangzauva
13. Kawlkulh- Pastor R.Lalfamkima
14. Khawlian- District Superintendent
Pastor Transfer te hi January 7.2022-ah an bialah awm tura tih niin January 9, Pathianni-ah induction service neih a ni ang.
———-
Bawngkawn bial Pastor Qrts.hawn a ni:
Dec 12, Pathianni Chawhnu Dar 1 khan AED, Bawngkawn Bial Pastor Qrts. sak thar chu Rev.Vanlalfela Ramtiam, District Secretary chuan hawnna a nei. Qrts.tualah hun hman hmasak niin Bialtu Pastor Rev.C.Mawizuala a kaihruai a ni.
Qrts.chhungah a lawmna hun tawi hman chhunzawm leh niin Bial Building Secretary leh Treasurer ten report an pe a, Rev.Vanlalfela Ramtiam bakah Upa.HK.Lalnunsanga bakah mi thenkhatten thusawina an hmang bawk.
Bawngkawn Bial te hian Bial din tirh ata Pastor Qrts.nei lova an awm hnuah Kum 2017 atang khan Bial Building Committee dinin Pastor Qrts.atan hian hmalak nghal a ni a. Bawngkawn Biakin Compound chhungah Dec.21,2017 khan Qrts.sakna tur Rev.Rosanga Kawlni, khatih laia Dist.Supdt.chuan phumin a sak hna bul tan nghal a ni. Hun engemaw chen hnatlangte neia sak a nih hnuah Dec.12.2021, Pathianni khan hawn alo ni ta a ni.
Bawngkawn Bial Pastor Qrts.sak nan hian District atanga tanpuina bakah mimal thahnemngai leh Budget atanga sum hmuh hmangin sak a ni a, cheng nuai 22 chuang senral niin 1342 sq.ft a zau a ni.
Pastor Qrts.hawnnaah hian Bial chhung atangin Dept.OB, Church Board member bakah Bial chhung Tirhkoh te sawm an nih angin mi tlemte an tel a ni.
———-
Champhai Bethel Biakin hawn a ni:
December 12, Pathianni khan Champhai Bethel Kohhran Biak In chu District Superintendent Rev Biaksangzuala chuan a hawnna a nei.
Bethel Bial Headquarters Biak In hi November 12, 2011 khan Rev R Lalhawia’n lungphumna anei a, Biak insak hnatlang hi neih chhunzawm nghal a ni. Biak In hi a dung 70 ft leh a vang ft30 asak a ni a, a sakna atan hian cheng nuai sawmsarih pakhat chuang sen a ni.
Hawnna inkhawm hi Bialtu Pastor Lalhmangaihawma Parte chuan a kaihruai a, Rev Biaksangzuala’n hawnna leh thusawina a nei bawk. Bialtu Pastor lo ni tawh zingah Rev R.Lalhawia leh Rev Rosanga Kawlni ten an hmanpui a, an hnen atang hian thu ropui tak ngaihthlak a ni bawk. Tunah hian Bethel Kohhran ah hian member 345 an lawi mek a ni.
———-
Thianghlimna Campaign:
December 12, Pathianni khan Zembawk bial Thianghlimna Committee te chuan Bial chhungah Campaign hna an thawk leh a, Zemabawk Vengpui leh Airfield ah te Campaign hi an nei a, heti hian Bial chhungah Campaign hi an nei chhuak ta a ni. Zembawk Vengpui ah hian Puitling lamah Evan HK Lalhmangaiha leh Naupang lamah Bro Lalrammawia te’n hun an hmang a ni. Airfield lamah Evan Thangneihsanga’n Puitling lamah hun a hmang a, Naupang lamah Bro Lalropuia ten hun an hmang a ni.
———-
Rev Biaksangzuala thlahna hun hmang:
December 14, Thawhlehni khan District Office-ah Rev Biaksangzuala, General Missions Director-a chhuak tur thlahna hun hman a ni. He hun hi Rev Vanlalfela Ramtiam chuan kaihruaiin hunserh Evan Hr.Lalrindika’n a hmang a ni. District aiawha Thlahna thusawi leh thilpek hlanna Rev VL Hnemtluanga chuan neiin Rev KVL Hmangaihkima, Missions Director leh Bro R.Lalengliana, Staff Welfare Chairman ten thusawi tawi an hmang bawk. He hunah hian Pastor K.Lalawmpuia chuan Rev Biaksangzuala chanchin tawi sawina hun a hmang bawk. Rev Biaksangzuala thlahna hunah hian District Department bakah mimal hnen atangin thlahna thilpek hlan a ni bawk.
———-
Charge inhlan:
December 15, Nilaini khan Aizawl East District hruaitu Charge inhlanna neih a ni. District Superintedent Rev Biaksangzuala chu Gen.Missions Director ah a awm tak avangin General Executive Board in Rev Vanlalfela Ramtiam chu Aizawl East District Superintendent atan a ruat nghal a. Aizawl East District Board chuan District Secretary atan Rev VL Hnemtluanga leh District Treasurer atan Rev R Laltlankima te a ruat a ni. Hruaitu hlui leh tharte hian December 15, Nilaini khan District Office-ah charge inhlanna hun an hmang a ni.
———-
Mithar:
December.12, Pathianni khan Zemabawk bial Zemabawk East Preaching Point ah member thar 7, Bialtu Pastor, Rev.R.Laltlankima chuan sengluhna a nei. Heng member tharte hian Rev R.Laltlankima kutah sual ngaihdamna baptisma an chang nghal a ni.
———-
District LAD Board:
December 15, Nilaini khan District Committee room-ah District LAD Kumtawp board tluang taka neih zawh a ni. He hun hi Sis Zionparmawii B/W, President chuan kaihruaiin General LAD President bakah District Kohhranpui hruaituten an telpui bawk a ni. District LAD Board-ah hian Bial atang leh Official atanga agenda lutte an ngaihtuah a, an thu passed langsar zualte:
1. January 23,2022, Pathianni tlai-ah Bial tin ten Chawnghei tawngtai neih tura tih niin tawngtai thupui tur pawh an siam fel nghal a ni.
2. Kum 2022 atan District Missions Evangelist pakhat rawih tura tih a ni.
3. Chhungkaw maicham leh buhfaitham thupui hmanga Bial tin te Seminar neih tura tih hrileng avanga neih mumal theih loh chu Bial tin ten a theih ang anga hma laa Seminar neih ngei ni se an ti.
4. Kum 2022 Budget atan Rs 23,67,000/- chu an pawm bawk a ni.
———-
ASC Home tan thilpek pe:
Bawngkawn Bial PYD te chuan December 11, Inrinni khan Charity ride neih pahin ASC Home, Kolasib-ah tanpuina an hlan. Bawngkawn Bial PYD te hi mi 12 kalin ASC Home enkawltuten an lo dawng sawng a, tanpuina atan hian Rs 20,000 an pe a ni.
———-
District Office kharna hun hman a ni:
Kum 2021 atan Aizawl East District Office chu December 17, Zirtawpni khan khar a ni. Office kharna hun Programme tawi hi District Office-ah chawhma Dar 11 khan tan niin Evan Hr.Lalrindika chuan a kaihruai a ni. Hunserh Sis. H.Lallianzaui chuan hmangin Rev Vanlalfela Ramtiam, Rev VL Hnemtluanga leh Rev R.Laltlankima bakah Rev KVL Hmangaihkima te hnen atangin thusawi ngaihthlak a ni. Office kharna hun hi a hlimawm zawnga hman niin Gift Exchange te pawh neih a ni bawk. Aizawl East District Office hi Kum 2022 January 6-ah mipuite dawr theiha hawn leh a ni ang.
Facebook