Editing Board :
General Sunday School Editing Board chuan Aug ni 8, Ningani khan General Hqrs Office ah kum thar 2020 Puitling zirlai tur edit hna an thawk.
Kum 2020 a Naupang Sunday School Department hrang hrang thuzir bute pawh revise tur a ruahman niin mawhphurtuten hma an la mek a ni.
Kum 2020 hian Puitling Sunday School chuan Leveticus hrilhfiahna bu an zir dawn a, zirlai bu hi General Sunday School Secretary Rev. R. Vanlalawia ziah a ni.
——
General Hruaitute Programme :
General sunday school Director Rev. R. Laichhingpuia chuan Aug 9 atanga ni 11 chhung hian Luangpawl Kohhran hoten lawmthusawi chawimawina an neihah Speaker ah tangin rawngbawlna a nei dawn a, Aug ni 10, Inrinni khan Luangpawl Kohhran hoten Sunday School Hall an sak thar hawnna leh Pathian hnena hlanna a nei nghal bawk.
General hruaitu dangte chu zinchhuak lovin, an lawina tualchhung Kohhranah hun an hmang dawn a ni.
——-
North Mizoram District :
Home Missions Field :
North Mizoram District Conference chuan Ram lak beihpui thlak kal lai chawl lova kal zel tura a tih angin, N.Mizoram District a Home Missions Field te leh Kohhranpui leh Department leh bialin Missionary a rawih lai mek te, speaker leh tirhkoh ramtlan te rawngbawltu leh an hnathawhna hmun te tar lang ila:-
District rawih te:
1. Evan H.Lalrinzuala – Zawlpui
2. Evan.Lalhmudika – Vanghmun
3. Evan.H. Zoramsanga – Sailam
4. K.Lalrindika – K.Sarali
5. Evan.Lalliansawta – Kawrthah
6. Evan.C.Lalthlamuana – N.Chhimluang
7. Evan. Lalbiaktluanga – Darlung
8. Evan H Lalramhluna – Muallungthu
9. Evan Rawngbawlzela – S.Chhimluang
10. Vanlalsiama – New Eden
11. Evan. ZD Lalhmangaihzuala – Sihhmui / sairang
12. Evan.H. Lalnunmawia – Bungthuam
13. Evan R Lalrinchhana – Phunchawng
14. Evan. Lalramthara Sailo – Thinglian
15. Evan. Lalhrechianga – Sihthiang.
16. Evan.Vanlalzemawia Fanai – Mamit, Luangpawl
17. Evan. Ramnunsanga Royte – Kanaan Thar
18. Evan.VLMS Dawngkima – Serkhan
19. Evan.R.Lalchhanchhuaha – Bukvannei
20. Bro. Lalrinmawia – Dampa Tlangnuam
21. Evan.H.Laldawla – Kawnpui Kanaan
22. Evan Lallianmawia Pachuau – Neihloh
23. Evan Pc Lalramchhuanmawia – Luimawi –
24. Evan. C.Lalnunhlua – Phuldungsei:
25. Evan Vanlalawia – Marpara Missions Field
26. Evan Isak Lalrohlua – Persang Missions Field
27. Evan.Hrangchhankhuma – Rasdali Missions Field
28. Sist. F.Lalsiamliani – Zomuantlang Missions Field
29. Sist. Esther Lalrawngbawli BW – Bajirung Missions Field
30. Sist. Khawlliani BW – Kolalian Missions Field
31. Evan. Lalrampana – Damdiai Missions Field
32. Evan RS Lalnunmawia – Vawngawnzo Missions Field
33. Evan. H. Lalnunzira – Dilzawl Missions Field
34. Sist. K.Lalbiakzuali – West Phulpui Missions Field
35. K.Pazawna – Phaizau
36. Evan Lalthianghlima – Home Missionary Speaker
37. Evan.Zoramthara – Tirhkoh Ramtlan
38. Evan C.Lalruatsanga – Revival Speaker – Pentecost Revival Team
39. Evan Lalduhsaka Saza- Revival Speaker – Jehova Rapha Revival Team
40. Evan T.Vanlalruata Revival Speaker – Apostolic Revival Team
41. T.Upa R.Lalhmangaihzuala – Dapchhuah
42. Evan.K. Malsawmkima – Thinghlun
43. Evan. Vanlalhluta – Chuhvel
—–
Pastor Quarters hmun lei :
July ni 31 Nialini khan North Mizoram District chuan Chawlhhmun Bial Pastor Quarters hmun tur cheng Nuai sawmli Pakuain a lei.
Quarter tura lei hmun hmaah hian Assam type in chhawng 4 dingin, kawng chung leh a hnuai lamah kawngpui a an ve ve a ni. Quarters hmun tur lei hian District hruaitute Rev. Laltluanga Dist. Supdt., Rev. Chhiarpuia Dist. Secretary leh District Treasurer Rev. K. Lalduhsanga te chuan a hmunah kalin Sum pai hi an hlan a ni.
——
Rawngbawltu thlahna :
Aug 1, Ningani zan khan Tlangsang kohhrante chuan Evan C. Lalthlamuana, Vanghmun khuaa District in a rawih mek N. Chhimluang, Vairengte biala sawn a nih tak avangin bial kohhranpui hmalaknain thlahna Tlangsang kohhran ah neih a ni.
He thlahna inkhawm hi Pastor K. Ainawna, bialtu pastor in a kaihruai a. Upa Lalfakawma bial Secretary chuan bial aiawh in thlahna thu leh Citation hlanna a nei a. Mimal ang leh Kohhran ang te in thlahna thu leh thilpek hlu tak tak an pe hlawm a ni. Evan C. Lalthlamuana te chungkaw aiawhin Upa C. Dawngvela’n thusawina neiin. Evan C. Lalthlamuana pawhin thuchah hnuhnung lawmthu sawina leh fuihna thu ropui tak a sawi bawk. Rawngbawltu thlahna inkhawmah hian Sis Ramdanmawii leh Angela Hminghlupuii ten fak hla an sa a, Rev C. Lalhmingthanga’n tihdam rawngbawlna hun a hmang tel bawk a ni.
——
Lawmthusawi Chawimawina boruak :
Durtlang Mualveng kohhrana lawi Bro. Vanramnghaka te chhungin thla kal ta July 20 inrinni-a Pathian chawimawina an neih thlarau boruak kal zelah Dutlang Mual veng kohhranah harhna leh hlimna a thleng chhunzawm zel a, Pathianni kalta Aug ni 4 thleng khan Pathian chawimawina neih a ni.
Bro. Vanramnghaka te chhungin Pathian chawimawina an neih hian rah tha leh duhawm tak chhuahin Rawngbawltu Evan Zoramthara Dist. Tirhkoh Ramtlan Speaker-ah hman a ni a. Rawngbawltute rawngbawlna kaltlangin Thlarau thiaghlim la dawng lo ten thlarau thianghlim an dawng a. Siam thar na chang mi eng e maw zat an awm thar bawk. July ni 22 Thawhtanniah Sr.Upa H.Lalchhawna ten Pathian chawimawina nei chhunzawmin zantin inkhawm Kohhranhote’n an nei chho va, July 28 2019 Pathianniah Bro Jacob Ngursangkhuma’n te chungin Pathian chawimawina hi an nei ve leh a ni. Pathian chawimawina nei te Thlarau boruak kal chho zelah Aug ni 4 Pathianni khan Bro. K. Ramhlunsanga te chhung chuan Pathian hriakthih hnuaiah Chawimawina an nei bawk.
Dutlang Mualveng Kohhrana Pathian chawimawina neih hian rah duhawm tak chhuahin rawngbawltute leh Kohhranhote inpekna kaltlang Mi thar duhawm takin Pathian thuthlung hmuin Sual ngaihdamna baptisma a chang bawk. Missionary 2 chawmtu neih thar a ni bawk a ni.
Durtlang mual veng a rawngbawl a lut te..
1. Evan. C. Zoramthara speaker
2. Evan. Lalnghilhlova vairengte.
3. Evan. Vanrammawia Dinthar.
4. Sist. Juliet Lalremruati Vairengte
5. Bro. Zomuansanga Bilkhawthlir
——
Mi hlate tana rawngbawlna :
North Mizoram District, Headqaurters Bial Missions Department te chuan Confe. rorel bawhzuiin Bial chhunga Member chaklo leh mi hla te koh hawn rawngbawlna an nei.
He rawngbawlnaah hian Hqrs. Kohhrana a mi Sist. JH Saizikpuii chu rawngbawla ruaiin Hqrs. Bial chhunga Kohhran panga Headquarters, Mission Vengthlang, Nursery, Tuikual North leh Khatla South ah te rawngbawlna a nei a, Pulpit rawngbawlna piah lamah a tul anga lengin tawngtai rawngbawlna a nei a, a rawngbawlna Pathianin mal a sawm a, Kohhrantinah harhna thar duhawm tak thleng zelin Mission Vengthlang ah pawh Sist. Thangchhingi te chhung kaltlangin Pathian chawimawina neih a ni. Rawngbawltu Sist. JH Saizikpuii hi kum 60 tling trep tawh niin; in lama a pasal hrisel loh tak lung leh thil dang danga natna nei chu kohhran ram tulna avangin a fehchhuah san thin a, a rawngbawlnain hlut a hlawh hle a ni.
—-
Lang Camp :
North Mizoram District-in Revival Team a neih zingah Pentecost Revival Team te chuan July 24 Nilaini-ah Sumsuih Bial Lamchhipah rawngbawla lutin Nilai zan atangin Crusade an tan a, July 26-ah Naupang Sunday School pualin Lang camp neiin, July 27 -ah PYD bultumin Lang camp buatsaih leh a ni bawk ni.
July ni 29 thawhtanniah Kohhranpui buatsaihin kohhran member zawng zawng pualin lang camp buatsaih leh a ni a, July 30 thawhlehniah Lamchhip kohhran Department hrang hrang sum thawhkhawmin Pathian chawimawina buatsaih a ni. July 31-ah Baptisma khur hawngin hemi ni hian nilengin zaikhawm neih a ni a, tlaiah ruai an buatsaih bawk a ni.
Pentecost Revival Team te rawngbawlna hian kohhranah rah duhawm tak chhuahin Baptisma chang: 13, Thlarau Thianghlim dawngthar 15 bakah Lal Isua hnena Nauhlan 1 a awm bawk.
Pentecost Revival Teamah hian Evan C Lalruatsanga, Headquarters kohhrana lawi chu Speaker niin,
team member te chu
1. T.upa Vanlalhmangaihsanga. Zamuang Rengdil Bial
2. Rodingliana, Melthum Tlangnuam Bial, #
3. Lalbuatsaiha, Sateek Aibawk Bial,
4. Zion Lalramngaia, Bawngkawn/ Brigade Chaltlang Bial ten an ni
—–
Missions Conf inbuatsaihna :
North Mizoram District Missions Conference vawi 39-na, October, 2019 Pathianni hnuhng ber Oct 25-27,chhunga neih tur chungchang thlirlawkin Aug 6, chawhma dar 11:00 khan District Missions Executive Meeting neih a ni.
Meeting hi District Missions Director Rev. C. Lalthlantluanga Chamber-ah neiin Meeting-ah hian North Mizoram District Missions Conference October 25-27-a neih turah Programme hetiang hian an ruahman:-
Inkhawm hun hi zing lamah dar 10:00-ah tan a ni anga, Zan lamah Dar 7:00-ah tan niin Rorel inkhawm hi Inrinniah Dar 10:30 – dar 3 thleng neih tur a ni ang.
Conference Hawngtu: Rev.K.Lalduhsanga, District Treasurer
Opening Song : Headquarters Bial PYD
Welcome Speech: Rev.C.Lianchama, Headquarters Bialtu Pastor
Conference-ah hian Thupui Chanchin tha hi hril rawh u (Marka 16:15) tih hmangin thupui te hetiang hian thensawm a ni a, thupui sawitu tur nen tarlang ila,
i) Engtin nge kan hrilh ang : Speaker : Pastor SR Lalhualhima, Field Treasurer, Arunachal Missions Field
ii) Tute nge hril ang : Speaker : Rev. K.Malsawmtluanga, District Sunday School Director
iii) Tute hnenah nge kan hrilh ang: Speaker : Rev.Laltluanga, Superintendent, UPC N.Mizoram District
iv) Thil pekin : Evan. RK Vanlalngaia, District Secretary
v) Chanchin tha hi hril rawh u: Rev. C. Lalthantluanga, Director, Mission Dept. UPC N. Mizoram Dist.
Conference neih chhung hian: Zaipawl- North Mizoram Disrtrict Zaipawl, General PYD Choir, Hqrs. Bial PYD te bakah Mal zaia fak hla sa turin – Sist. Lalhlupuii, Bawngkawn. Bro. Thanchungnunga, Nursery, Sist Lalrinmawii Maubawk, Sist. F.Lalhriatchhungi, Sist. Ramtharzuali, leh Bro. Lalruatdika, Dinthar te beisei an ni bawk.
Meeting chuan North Mizoram Disrtrict Bial tin atanga District Missions Confe. Report Bu-a lang tur Sum leh Pai leh tul dang te, Bial hruaitute’n October Ni 10 hmain District ah thehluh theuh ni se tih te relin, District Missions Board Conference tiak tuk Aug ni 28 Chawhma Dar 10:00-ah Hqrs. Kohhran Biak in, Tuikhuahtlangah neih neih tur a ni bawk a ni.
—–
Mi thar :
Aug 1 leh ni 2 chhung khan N. Mizoram District Missionary Evan. Lalrampana hnathawhna hmun Damdiai Missions Field-ah Hindu sakhua atangin Pathian thuthlung hmuin mithar 5 in sual ngaihdamna Baptisma an chang a, Pentecost kohhranah sengluh an ni.
Baptisma hi Missionary Evan. C. Lalrampana hian chantirin; Pathianin a awmpui hle, Missionary hian Damdiai thalaite huikhawmin PYD Night te a hmanpui a, Items hlimawm hrang hrang bakah Zai leh lam tein Pathian chawimawina a neihpui a, kohhranhote an phur hle a ni.
——
Golden Jubilee :
North Mizoram District, Rengdil Bial Rengdil Kohhran Thalai PYD te chuan an din atanga kum 50 tlin lawmna Golden Jubilee ni sawm chhung an lawm.
Golden Jubilee lawmna hi July 29 atanga Programme tanin Aug 7 thleng a awh ang. Rengdil PYD te hi Kum 1969 Aug ni 5 khan din niin; Nimin Aug., 5 thawhtanni khan Jubilee lawmna pui ber an hmang.
Jubilee lawmna pui ber hi Aug., 5 thawhtanni chawhma dar 10:00 ah Programme tanin, Jubilee lungphun Bialtu Pastor C. Lalthlenglianan a hawng a, Bialtu Pastor C. Lalthlengliana’n Inkhawm kaihruai nghalin Upa James Lianmawia, Jubilee Orgn Secy in report a pe a, North Mizoram Dist PYD President Evan. F. Lalngaihawma’n Jubilee hriatrengna Lehkhabu a Tlangzarh bawk.
Jubilee lawm Inkhawmah hian Jubilee Choir leh LAD Zaipawlten fak hla an sa a, Rev. R. Lalthanzuala’n, Aizawl East District Former Supdt. Chuan Pathian thuchah a sawi a, Tlaiah Jubilee lawmna ruai an theh bawk.
Jubilee hman chhung hian Rev. R. Lalthanzuala, Rev. R. Lalhmangaiha, Pastor C. Lalthlengliana, Pastor Lalhmuakliana Hnamte, Evan. Lalduhsaka Saza, Evan. F. Lalngaihawma, Upa C. Vanlalngheta, leh Sister J. Lalmuankimi ten Pathian thuchah an sawi a ni.
Jubilee lawm Pathianin mal a sawm a, Programme-a duan lawk awm lovin Aug ni 6 thawhlehni khan Sist. J. Lalmuankimi, Rengdil Bial Missions Treasurer te chhung chuan Pathian chawimawina an nei a, Kohhranhote’n Thlarauvah hlawkna nasa tak an chhar a ni.
——-
Rawngbawltu thlahna :
Aug. 4 Pathianni zing khan Sihphir Bial ten Serkhan khuaah Evan. Lalchhanchhuaha District in rawngbawl tura a dah chu a awmna hmun sawn a ngaih tak avangin Bial Kohhranpuiin thlahna hun an buatsaih.
He thlahna inkhawmah hian Bial Secretary Upa R. Lalsawmlianan inkhawm kai hruaiin Bialtu Pastor Rev.C.Lalrammuana’n fuihna leh thlahna thu sawi in Bial Treasurer inngaihhruina thilpek hlanin Bial Dept. tin ten thil pek thahnem takin an thlahliam ve bawk a ni.
Aug ni 4 zanah Serkhan Tualchhung kohhran ten hun hmang ve leh in kohhran Secretary in inkhawm a kai hruai a Tirhkoh an thlah mek Evan.Lalchhanchhuaha’n hun hmangin Kohhran aiawhin Upa.vanlalauva’n thlahna thu sawina hun a hmang a. Kohhranpui aiawhin Kohhran treasurer-in thil pek te hlanin L.A.D. lam ten thil pek hlu tak an hlan tel bawk. Rawngbawltu thlah mek Evan. Lalchhanchhuaha hi Kohhran member chauh nilo khawtlang a mi engemaw zat in a thlahna hun hi an hmanpui a ni. Rawngbawltu Tirhkoh awm chhung hian Biak In thar sak niin Sunday school Hall sak mek a ni bawk.
——
Member thar :
Aug 4, Pathianni khan Kawnpui Bialtu Pastor P.C Laltlankima chuan an Bial chhunga awm Missions Field Rashdali tlawhin Missionary Evan Hrangchhankhuma rawngbawlna kal tlanga Pathian thuthlung hmua Pentecost kohhran zawm thar Mi thar nupa tuak leh an fate Pentecost kohhrana senglutin Lalpa Isua hmingin Sual ngaihdamna Baptisma a chantir.
Mithar chhungkuaah hian member 5 awmin Naupang pathum te chu Lal Isua hnenah hlan nghal a ni. Mithar chhungkua te Kohhranhote’n an lawm hle a ni.
—–
District Pennet Meeting :
North Mizoram District hnuaia Media rawngbawlna PenNet Comittee chuan Aug 2, 2019 Zirtawpni tlai khan NMD Office Supdt. Chamber ah Comt neiin, Meeting hi PenNet Chairman leh Dist Treasurer ni bawk Rev. K. Lalduhsangan a kaihruai.
Meeting-ah hian kumin October thlaa Gen LAD Golden Jubilee Conference Kol Diakkawna neih tur leh October thla veka Dist. Missions conf neih tur chungchang thlirlawkna neih a ni a, he hunah hian Media hmalak dan tur an ngaihtuahin Committee chuan General LAD Conference lo thleng tur chu General lam PenNet kutah innghah ni se. Conference Document tur erawh chu a theih anga Video leh Still-a Cover ve zel tha tih a ni.
District Missions Conference Oct. Pathianni hnuhnung bera hman tur chungchang leh a thlengtu tur Hqrs. Bial ten Media hnathawh dan tura duh dan an neih te, ngaihtuah niin; a tul anga hruaitute hnena inberawn a, hma lak chu tha tih a ni bawk.
Meeting-ah hian thawktu indaihlohna avang leh Media work load a san em avanga Video editing lam pawh a tul anga midang khawih tira lawmman inpek ve pawh tha tih a ni a, Hei bakah hian hmanraw lei ngai tul zual Still Camera, Handy Cam, Color Printer te pawh remchang hmasa bera lei tha tih a ni bawk.
Commiittee chuan NMD hmalakna leh hmasawnna hrang hrang chungchangah Dist Supdt kawmna neih nise tih te a passed bakah hun remchang hmasa berah Pennet-a chhuak turin Kohhran remchangah fehchhuah a, Hla thlan Programme buatsaih tha a ti bawk.
—–
Lunglei District
PCD Campaign :
Aug.3-4 chhung khan Hnahthial bial chhung Local pangaah Lunglei District PCD hruaitute chuan Campaign an nei a, bial chhunga PCD zirtirtute pualin Seminar an neih pui bawk.
Aug.3 inrinni khan Hnahthial bial chhunga Local hrang hrang PCD zirtirtute pualin Venglai biak inah Seminar neih a ni a, District PCD Senior Adviser Rev.PC.Lalfakawma chuan ‘Naupang enkawl dan’ tih thupui hmangin paper a present-a, District PCD President Rbt.K.Lalrintluanga chuan ‘Zirtirtu mawhphurhna’ tih thupui hmangin paper a present bawk. Zan lamah District hruaitute hi hmun hnihah in thenin Tupui D leh Leite Local-ah te Campaign hi an nei a, Leite Local-ah hian District PCD Senior Adviser Rev.PC.Lalfakawma chuan thusawiin, Tuipui D Local-ah hian Rbt.PC.Ramngaihzuala chuan thu a sawi bawk.
Aug.4 Pathianniah Hnahthial khawpui chhung Local pathumah District hruaitute hian Campaign hi an neih chhunzawm leh a, Venglai Local-ah District PCD V.President Evan.Remruatkima chuan thusawiin, Chanmari Local-ah District PCD Treasurer Bro.Jacob Ramengmawia chuan thusawina a nei a, Electric Local-ah Rahsiveng bial PCD President Rbt.C.Lalawmpuia chuan PCD Campaign hi a nei bawk.
Aug.4 Pathianni chawhnu hian Hnahthial bial chhunga Local pathumte nen Venglai biak inah a huhoa Fellowship a ni a, hetah hian District PCD Secretary Bro.C.Lalramluahpuia chuan projector hmangin thusawina a nei bawk. Zan lamah pawh Venglai Local biak inah vek hian a huhoa inkhawmna neih leh a ni a, hetah hian District PCD Senior Adviser Rev.PC.Lalfakawma chuan thusawina a nei a ni.
——
Thianghlimna Committee :
Lunglei District Thianghlimna Committee-te chuan chak takin hma an la mek a, Aug.11 Pathianni hian Rawpui Local-ah Campaign an nei leh ang. Rawpui Local-ah hian District Missions Director, Rev.R.Vanlalenga leh District Thianghlimna Committee Treasurer Sist.Lalramlawmi Sailo B/w te chuan hun an hmang dawn a, Sist.H. Lalengzami chuan zaiin rawngbawlna a nei bawk ang.
Aug.4 Pathianni pawh khan Thianghlimna Campaign hi Ramthar Local leh Thaizawl Local-ah te neih a ni a, Ramthar Local-ah hian Upa R.Lalrumliana leh Evan.C.Lallawmsiama ten Campaign hi neiin Sist.B.Vanlalropeki chuan zaiin rawngbawlna a nei a, Thaizawl Local-ah hian Evan.PC.Zosangliana leh Upa Vanlalnghaka ten Campaign an nei bawk.
—–
Crusade :
Tawipui bial hmalakna a Tawipui S hmuna Crusade neih chuan ni 18 chhung zet Evan.F.Lalsanglura Speaker hmanga neih a nih hnuin Aug.5 khan khar fel a ni.
Crusade neih chhung hian Pathian hnena lawmthusawi chawimawina vawi 2 neih a ni a, kohhran hote an hlim hle.
——
Chawimawina :
Aug.10 inrinni khan Thenhlum Local-ah Bro.Lalmalsawma te bul tumin Pathian chawimawina neih a ni. He chawimawi programme hi Aug. 9 inrinni zan atang khan hman tan a ni a, bialtu Pastor, Upa leh rawngbawltuten hun in hman chhawkin, hlim takin hun an hmang. Aug.11 Pathianni zan thleng hun an hmang ang.
——-
Lang Camp :
Dawn Local PCD te buatsaihin Aug.10 inrinni khan Lang Camp Dawn Local UPC biak inah neih a ni a, Speaker atan District Superintendent Rev.C.Vanlalena chu hman a ni. Aug.10 inrinni zan atang in Crusade neih chhunzawm a ni a, Aug.11 Pathianni chawhnuah Praise & Worship-a hun hman a ni bawk ang.
—–
Bial Missions Board :
Aug.4 Pathianni khan Tlabung bial Missions Board neih a ni a, hetah hian thu pawimawh tak tak an ngaihtuah a, bial Missions Conference chu Nov.8-10 chhungin Tlabung Local-ah neih nise an ti a, Oct.12-20 chhungin bial hmalaknain Crusade Chawnpui Local-ah neih nise an tih bakah Nov.15-17 chhung hian Zehtet Home Missions Field-ah rawngbawlna neih nise an ti a, Speaker atan bialtu Pastor R.Lalremsiama chu hman nise an ti bawk.
——
Campaign :
Pangzawl bial Missions Department hmalaknain bial chhung Local hrang hrangah Financial Campaign neih mek a ni. Financial Campaign nei tur hian Team pasarih ah in then a ni a, Team khat zel hi Local khat zel ah kal tura tih an ni a, tun dinhmunah Team 3 in Campaign hi an nei tawh a, Aug.thla ral hma hian Campaign hi Local hrang hrangah neih chhuah vek a ni ang.
——
Member thar :
Aug.4 Pathianni khan Thingsai Local-ah bialtu Pastor H.Lallawmsanga chuan mi thar 1 kohhranah a seng lut.
——-
Bial SS Conference :
Lawngtlai West District chhung, Lawngtlai North Bial Sunday School Department chuan Aug 9, Zirtawp zan atanga tanin Bial Conference an hmang mek a, Speaker atan District PYD President Pastor S. Lallunghnema an ruai.
Bial SS inkhawmpuiah hian Items hrang hrang – Changvawn sawi rual, Group singing, Thu inchhang, Zawhna leh Chhanna, Recitation, hmang tein inelna an buatsaih a, Bial chhung kohhran ten an hlut hle. Bial SS Conference hi AOC Kohhran biak inah neih niin Pathianni zan thleng hun an hmang dawn a ni.
——-
Aizawl East District
Thianghlimna Committee :
August 6, Thawhlehni khan District Office-ah Aizawl East District Thianghlimna Committee meeting neih a ni.
He hun hi Rev C.Lalengliana, Chairman chuan kaihruaiin member an telkim thei a ni. District Thianghlimna Committee-ah hian thu pawimawh tak tak ngaihtuah niin heng Bial-ah te hian Thianghlimna Campaign neih ni se an ti a, Campaigner tur pawh an ruat nghal a ni.
Sakawrdai Bial- Campaigner-ah Evan H.Lalrinawma, Upper Republic bial
Hnahlan Bial- Campaigner-ah District thianghlimna Committee hruaitute
Darlawn Bial- Campaigner-ah Upa H.Thanhlira, Upper Republic bial
Suangpuilawn Bial – Campaigner-ah Evan Lalramthara, Bethlehem
Heng bakah hian Kohhran tinah Thianghlimna chungchang circular chhuah ni se an ti a, Social media kaltlanga Thianghlimna Campaign zau zawka neih dan tur ngaihtuah a ni a, Video Clip siam ni se hruaituten lo bawhzui se an ti a ni.
Aizawl East District Thianghlimna Committee te hian District chhungah chak taka hma la chho zelin kumin chhung hian hmun hrang hrangah Thianghlimna Campaign neih alo ni tawh a, heng campaign atang hian zuk leh hmuam nghei pawh engemaw zat awm tawhin a hlawhtlinna hmun chho mek zel a ni.
—–
Education Campaign :
August 5, Thawhtan zan khan Aizawl East District PYD Education Sub-Committee te chuan ruahmanna angin Bawngkawn Bial PYD-ah Education Campaign an nei.
Bawngkawn bial te hian Ramhlun Vengthar Biakin-ah lo thlengin hlawhtling taka hun hman a ni. He hun hi Bro R.Lalsanglura, Bawngkawn bial Education Sub-Committee chairman chuan kaihruaiin T.Upa Hmingchungnunga, Bial PYD President chuan thutawi sawiin Bro R.Vanlalpeka, District PYD Education Sub-Committee Chairman hnen atangin thusawi ngaihthlak a ni. He hunah hian Bial Education bakah Bial PYD leh District Education Sub-Committee te hnen atangin report ngaihthlak a ni a, Bial zaipawl bakah Bawngkawn Bial chhunga Tualchhung tin PYD zaipawl ngaihthlak a ni bawk. District PYD Education Sub-Committee te hian District chhung hmun hrang hrangah Education Campaign hi hlawhtling takin an lo nei tawh a, tunah hian hmabak engemaw zat an la nei bawk a ni.
Serchhip Bial PYD hnuaia Education Sub-Committee te pawhin August 4, Pathianni zan khan Serchhip Biakinpui-ah Education Campaign hi hlawhtling takin an nei bawk a, hetah hian Bial Education Sub-Committee hruaitute hnen atangin thusawi ngaihthlak a ni. Serchhip Bial PYD Education Sub-Committee te hian Bial chhung hmun hrang hrangah campaign hi an lo nei tawh a ni.
——
Lang Camp :
Bawngkawn Bial Sunday School Department te buatsaihin August 3, Inrinni nileng khan Peniel Biakiah Bial huiap naupang pual lang camp buatsaih a ni a, Thlarau thianghlim dawng thar mi 19 an awm.
Lang camp-ah hian Speaker-ah Evan HMS Dawngkima, District Revival Speaker- Ebenezer Team te hman niin Speaker hi Team member engemaw zatin an tawiawm a ni. Lang Camp neihah hian Bial chhung atangin Naupang bakah zirtirtu mi 100 vel kalkhawmin Thlarau Thianghlim chenchilhna hnuaiah hun hlimawm tak an hmang a ni. Inrinni zan, Pathianni chawhnu leh zanah khan Followup programme Peniel Biakiah tho hian hman chhunzawm niin Speaker hnen atangin thuchah ngaihthlak thin a ni a, Pathian Thlarau Thianghlim awmpuina hnuaiah hlim taka hun hman niin he lang camp-ah hian siamtharlehna chang mi engemaw zat an awm bawk a, Inkhawm apiangin Team member te atangin mai zai ngaihthlak thin a nih bakah Pathianni zan khan Bawngkawn bial zaipawl te hnen atangin fak hla ngaihthlak a ni bawk.
Upper Republic Bial Sunday School Departrment te buatsaihin August 3, Inrinni vek khan College Veng Biakin-ah Bial huap naupang pual lang camp hi hlawhtling taka neih a ni bawk a, Speaker-ah Evan H.Lalhlimpuia, District Revival Speaker chu an hmang a ni. He hunah hian Bial chhung atangin mi 90 vel kalkhawmin Speaker hi Team member ten an tawiawm bawk a ni. Followup Programme Pathianni zan thleng khan hman chhunzawm a ni a, siamtharlehna chang engemaw zat awmin thlarau thianghlim mi 15 in an dawng thar a ni.
——-
Revival Crusade :
August 10, Inrinni hian Thuampui Bial, Muanna Veng Kohhranah Sr Upa VL Siama te chhungkua chuan Pathian hnena lawmthusawi chawimawina neiin Kohhran ten hlim takin hun an hmang. Speaker-ah Evan K.Vanlaldika chu hman niin Revival Crusade an nei chho mek zel a ni.
Thuampui Vengthar Kohhranah pawh Upa HC Sangluaia te chhungkua chuan Pathian chawimawina hi an nei bawk a, Speaker-ah Rev R.Lianzama, District Missions Director hman niin Pathian thlarau thianghlim chenchilhna hnuaiah hlim takin hun an hmang a ni.
Zemabawk Bial, Zemabawk Vengpuiah pawh Sis Zorampari te chhungkua chuan August 10, Inrinni hian Pathianni chawimawina an nei a, hlim takin Kohhran ten hun an hmang a ni. Zemabawk Vengpui Kohhranah hian August 7, Nilain zan atang khan Revival Crusade neih chhunzawm leh niin Speaker-ah Evan H.Lalhlimpuia an hmang a ni.
——-
Revival Crusade :
Thuampui Bial, Thuampui Kohhranah August 12, Thawhtan zan atanga 18, Pathianni zan thleng hian Revival Crusade neih a ni dawn a, Speaker-ah Bialtu Pastor, Rev KVL Hmangaihkima an hmang dawn a ni.
Bawngkawn Bial PYD te buatsaihin August 15, Ninga zan atanga Pathianni zan thleng hian Peniel Biakinah Revival Crusade hi neih a ni dawn bawk a, Speaker-ah Sis.Lalhmangaihzuali B/W, Maubawk an hmang dawn a ni.
Bawngkawn Bial chhunga Preaching Point, Ramhlun Sport Complex Vengthar hmunah August 4, Pathianni khan chhungkaw khat member 4 te chu Kohhranah sengluhna neih a ni.
——–
Work Camp :
Ngopa Bial PYD te chu kum chanve Bial Board in ruahmanna alo siam tawh angin August 1 atanga 5 chhung khan Teikhang Biakin sak hna thawkin work camp an nei. He hunah hian member engemaw zat thawkchhuakin Bialtu Pastor K.Vanlalhlimpuia pawhin a telpui bawk a ni. Teikhang Biakin sak hna hi chhunzawm zel tura ruahman a ni.
—–
Retreat :
July 27, Inrinni khan Thingsulthliah Bial SS buatsaihin Tlangnuam Biak In-ah Retreat hlawhtling taka neih a ni a, Resource Person-ah Sis. Lalramliani Sailo B/W, District LAD Treasurer leh Bialtu Pastor Rev. Rohmingliana te hman an ni. Retreat Thupuiah hian Gen. Sunday School Kumpuan, “Kan fate i chhanhim ang u” tih chu hman a ni a, bial chhung naupang sunday school bakah Sunday School zirtirtute tana buatsaih niin Resource Person te rawngbawlna an hlawkpuiin zawngchhang thlak an ti hle a ni.
August 1, Ningani khan Thingsulthliah Kohhranah Naupang lâng Camp hlawhtling taka neih a ni bawk a, Speaker-ah Evan. Vanlalruatsaka hman a ni. Lâng camp-ah hian mi sawmli(40) lutin, Thlarau thianghlim dawng thar mi pasarih (7) an awm a ni. Thingsulthliah-ah hian Evan. Vanlalruatsaka leh a thian ten rawngbawlna annei mek a, Home Crusade hmang tein rawngbawlna kalpui mek niin, kohhran ho ten an hlimpuiin, an hlawkpui hle a ni.
——-
Aizawl East District Hruaitute Programme:
District Treasurer Rev Vanlalfela Ramtiam, chuan Pathianni hmang hian Hnahlan bial, Khuangphah-ah rawngbawlna neiin hun a hmang ang.
Missions Director Rev R.Lianzama, chuan August 4, Pathianni hmang khan District Missions Secretary Evan Lalramzauva nen District chhunga Home Missions field hrang hrang tlawhin rawngbawlna an nei a, August 10, Inrinni-a Upa HC Sangluaia te chhungkua, Thuampui Vengthar Kohhran ten Pathian chawimawina an neih-ah Speaker-ah tangin rawngbawlna a nei ang. Rev R.Lianzama hian August 12 atanga 16 chhung hian Biate ah Rammut programme a hmang chhunzawm dawn a ni.
Rev C.Mawizuala, District Sunday School Director chuan Hnahlan Venglai Kohhran Sunday School Hall hmun hman enin Pathianni hian hun a hmang anga, rawngbawlna a nei nghal ang.
——-
Thilpek pe :
Aizawl East District LAD Board-in 2019 General LAD Conference Golden Jubilee hriatrengna atan Orphanage Hone-ah thilpek pek ni se an tih angin Orphanage Home in an mamawh tak, Water Filter chu August 7, Nilai zingkar khan District Office-ah an hlan a, Project Director, Rev JH Zahluna’n Home aiawhin a dawng a ni. Aizawl East District LAD te hian General Hqrs. Office-a LAD Room-ah pawh Golden Jubilee hriatrengna atan hian thilpek an pe dawn bawk a ni.
Facebook