—
——-
Archive Cell :
Archive Cell Committee te chuan ruahmanna an siam angin Aug ni 31, Inrinni khan North Lungleng khuaah kalin Isua hminga Baptisma chantirna hmun hmasa tlawhin hun an hmang.
Archive Cell atang hian Chairman Rev. R. Vanlalawia, Secretary Rev. H. Lalngailiana, Ex-Officio Rev. Zohmingthanzama, General Treasurer leh Bro. R. Lalbiakfela te an kal a. Baptisma chantirna Lungsum leh a chhehvela Kohhran Document pawimawh tur hrang hrang an buaipui a ni.
——-
Member pung zel :
Khawvel pum huapa United Pentecosal Church Kohhran rawngbawlna chuan hma a sawn chak hle a, kum 2018 report ah khan maktaduai 4.92 niin, tuna report thar berah maktaduai 5 a chuang ta.
Sept ni 24 atanga ni 27 chhung hian Khawvel huap inkhawmpui lian General Conference, Indianapolis,Indiana Convention Center USA-ah neih a ni dawn a, report kimchang zawka hriat theih a ni ang.
General Conference atana inbuatsaihna pawh peihfel tawh niin conference details programme pawh an phochhuak tawh a ni.
Conference speaker tur te :
September 24, Thawhleh zanah
North American Missions Service – Speaker: Wayne Huntley
September 25, Nilai zanah
Global Missions Service – Global Missions hruaitute
September 26, Ninga zanah
General Superintendent’s Message – David K. Bernard
September 27, Zirtawp zanah
General Conference Service – Speaker: Victor Jackson
——
General Hruaitute Programme :
General Suptd Rev. Lalmalsawma Sailo chuan Aug ni 28 atanga 31 chhung khan Kohhran rawngbawlna tul buaipuiin Delhi hun a hmang a, Sept 1, Pathianni hian General Pay Commission thutkhawmah telin hun a hmang ang.
General Secretary Rev. R. Lalrinsanga leh General Treasurer Rev. Zohmingthanzama te pawh General Pay Commission meeting ah hian an tel dawn a ni.
——
District hrang hrang rawngbawlna chanchin
Aizawl East District :
Missions Department Executive meeting :
August 22, Ningani khan Aizawl East District Missions Department Executive meeting, Rev R.Lianzama, Director kaihhruaiin neih a ni.
Meetingah hian Kumin October 25 atanga 27 chhunga Thingsulthliah Bial-a District Missions Inkhawmpui hman tura programme tlangpui dung felin Home Missionary rawih lai mekte post thenkhat hetiang hian siamrem a ni.
1. Evan Thangneihsanga, Zemabawk Bial-a awm mek chu E.Lungdar Bial-ah dah a ni
2. Bro RK Lalnunsanga, Suangpuilawn Bial, Saichal hmuna awm chu Lamherh-ah dah a ni
3. Evan Lalduhawmsanga, E.Lungdar Bial-a awm chu Keifang Bial, Lenchim-ah dah a ni.
4. Evan HK Lalhmangaiha, Keifang bial, Ruallung hmuna awm chu Champhai Bial, Dinthar hmunah dah a ni.
Heng bakah hian Khawbung ah revival Crusade neih tura tih niin Speaker-ah Evan R.Vanchhunga, District Fulltime Evangelist a ni anga, Deputy Speaker-ah Evan HMS Dawngkima, District Revival Speaker chu ruat niin Crusade nei tur hian October 1-ah Khawbung pan tura tih a ni a, Champhai Bial leh Champhai Bethel Bial bakah Serchhip Bial zaipawl te Crusade chhunga tawiawm thei tura beisei ni se an ti bawk a ni.
District Missions hruaitute hian August 27, Thawhlehni khan kumin Inkhawmpui thlenna hmun tur Thingsulthliah-ah tul leh pawimawh te bakah inbuatsaihna hrang hrangte en in an kal bawk a ni.
——–
Bial Sunday School Conf :
Aizawl East District chhunga Bial hrang hrangte chuan September 6 atanga 8 chhung hian Bial Sunday School Inkhawmpui an hmang dawn. He inkhawmpui-ah hian Naupang leh Puitling lamin intihsiakna te neiin Bial thenkhat chuan meet angin an hmang bawk ang. Bial tam zawk chuan September 7, Inrinni hian rorelna an nei dawn a ni. Bial Sunday School Inkhawmpui hi District Sunday School hruaitute chuan hetiang hian an hmanpui dawn a ni:
Director- Rev C.Mawizuala- Bawngkawn Bial
Secretary- Evan Hr.Lalrindika, Mualpui Bial
Treasurer- Upa Rodailova Zote, Sakawrdai Bial
——–
Souvenir tlangzarh dawn :
September 2, Thawhtanni Chawhnu hian Aizawl East District Kum 25-na tlin, Silver Jubilee Souvenir chu tlangzarhna neih a ni dawn.
Souvenir tlangzarhna hi District Hqrs. Biakin-ah neih tur niin Evan Lalramzauva, Souvenir Convener chuan a kaihruai anga, Upa Lalthawhmawia hnen atangin report ngaihthlak tur niin Rev Lalmalsawma Sailo, General Superintendent chuan tlangzarhna a nei ang. He hunah hian Aizawl khawpui chhunga Bialtu Pastor leh District Department hrang hrang hruaitute chu tel tura beisei an ni.
——-
Seminar buatsaih :
Upper Republic Bial Sunday School Department te buatsaihin August 25, Pathianni chawhnu khan Republic Vengthlang Biakin-ah bial huapin Sunday School Seminar an buatsaih.
He hunah hian Resource person-ah Evan Hr.Lalrindika, District Sunday School Secretary chu hman niin Sunday School Zirtirtute mawhphurhna leh Zirtirna pek dan tih thupui hmanga resource peron paper present chu zirhona neih niin Sunday School chu Kohhran tha leh Missionary chherchhuahna hmun a nih thute bakah Zirtirtute mawhphurhna hrang hrangte Zirtir tura inbuatsaih dan te bakah zirtirna pek dan chi hrang hrangte zirho niin sawihona hun tha tak neih a ni bawk. He hunah hian Bial chhung atangin Puitling leh Naupang Sunday School zirtir mi 50 vel kalkhawmin hlawkthlak an ti hle a ni.
——–
Jubilee lawm :
Saitual Bial, North Lungpher Kohhran te chuan August 23 atanga 25 chhung khan an Kohhran Kum 60 tlin, Diamond Jubilee an lawm.
Jubilee lawmna hi August 23, Zirtawp zan khan tan niin Inkhawm Upa R.Lalhmingliana’n a kaihruai a, Bialtu Pastor, Rev PC.Lalnghakliana’n Jubilee hawnna a nei a, Rev C.Mawizuala, District Sunday School Director hnen atangin thuchah ngaihthlak a ni. Jubilee lawmna puiber hi August 24, Inrinni nileng khan hman niin Rev Rosanga Kawlni, District Superintendent chuan Jubilee lungphun hawnna zingkarah khan a nei a ni. Jubilee lawmna inkhawm neih chhunzawm niin Chawhma-ah Rev Rohmingliana leh Rev F.Lalchhanhima te hnen atangin thuchah ngaihthlak a ni a, chawhnu-ah Rev R.Lianzama, District Missions Director chuan thuchah sawina nei lehin tlai-ah Kohhran hoten Jubilee ruai hlim takin an kilho a ni, Inrinni zan hian Pastor E.Vanlalpeka Zote chuan thusawina an nei bawk. August 25, Pathianni khan ruat bik ten Jubilee dat vuakna an neih hnuah Biakin-ah Jubilee lawmna hman chhunzawm a ni a, hetah hian Rev Rosanga Kawlni, District Superintendent hnen atangin thuchah ngaihthlak a ni. Pathianni chawhnu-ah Rev C.Lalengliana leh Pastor K.Lalawmpuia ten thusawina neiin Pathianni zan hian Bialtu Pastor, Rev Pc.Lalnghakliana’n hnen atangin thuchah ngaihthlak a nih bakah T.Upa RL Thansanga, Organising Committee hnen atangin report ngaihthlak a ni bawk.
North Lungpher Kohhran ten an Kohhran Kum 60-na, Diamond Jubilee an lawmnaah hian Bialtu Pastor lo ni tawhte bakah he Kohhrana lo lawi tawhte sawm an nih angin mi engemaw zatin an telpui a, Bial chhung atang pawhin Kohhran member thahnem tak an kalkhawm bawk.
North Lungpher Kohhran-ah hian Pi Vawmi, Mualvum khuaa mi chuan Kum 1959 August thla khan tawngtaiin rawngbawlna bul tan a ni a, Lailak khuaa Pu Saithanchhunga leh a thiante chu rawngbawl tura sawmin rawngbawlna nung tak an nei a, tichuan August 25, 1959 khan Kaphleia chuan Pastor Laltura kutah Isua hmingin Baptisma a chang a, tichuan Kohhran din chhoh tan a ni a, Kohhran dintirh a nih lai hian mi 30 vel chauh niin tunah chuan member hi 300 chuang an awm tawh a ni. North Lungpher Kohhran hian rawngbawltu engemaw zat chherchhuak tawhin Thlarau Training Sikul te hawn alo ni tawh thin a ni. North Lungpher khua atang hian rawngbawltu Pastor pawh mi panga lai an chherchhuak tawh a ni.
——
Lawmthusawi chawimawina ;
August 26, Thawhtanni khan Saitual Bial, North Lungpher Kohhran ten an Kohhran Kum 60-na, Diamond Jubilee an lawmna kal zelah Upa Krosthanga te chhungkua chuan Pathian chawimawina an nei a, Kohhran ten hlim takin hun an hmang a ni. He hunah hian Speaker-ah Rev Rosanga Kawlni, District Superintendent chu hman a ni.
August 31, Inrinni pawh hian Thuampui Bial, Muanna Veng Kohhrana lawi Upa K Vanlalchhuanga te chhungkua chuan Pathian chawimawina an nei bawk. Speaker-ah Evan K Vanlaldika chu hman a ni. Muanna Vengah hian Crusade hun rei tak atang tawh khan neih chhoh a ni tawh a ni.
August 24, Inrinni pawh khan Rammut programme kal zelah Khawzawl Vengthar Kohhrana lawi SIs Rohmingliana te chhungkua Pathian chawimawina an nei a, Kohhran ten hlim takin hun an hmang a ni. Speaker-ah Evan Lalbiakmuana hman a ni. Evan Lalbiakmuana leh Team member te hian Khawzawl Bial-ah hian rawngbawlna an nei mek a ni.
——-
Member thar :
Khawlian bial, Chiahpuiah Bialtu Pastor Robert Lalrinsanga chuan rammut programme hmangin Chiahpui Kohhrana lawi turin chhungkaw khat, member pahnih Kohhranah a senglut.
Hnahlan Bial, Saron Kohhranah pawh August 24, Inrinni zan khan Bialtu Pastor R.Lalfamkima chuan mi pakhat Kohhranah sengluhna neiin Pathianni khan sual ngaihdamna baptisma a chang a ni.
August 25, Pathianni pawh khan Khawruhlian Bial, Khanpui hmunah mithar pahnih Kohhranah sengluh an ni bawk.
August 26, Thawhtanni pawh khan N.Vanlaiphai Bial, Lungchhuan ah chhungkaw khat member 3 te chu Bialtu Pastor H.Lalropuia’n Kohhranah sengluhna a nei a, sual ngaihdamna baptisma, Rev H Vanlalchhana kutah an chang nghal a ni.N Vanlaiphai bial-ah hian Rev H Vanlalchhana hian rawngbawlna a nei mek a ni.
——–
Lang Camp :
E.Lungdar Bial, Lengah August 24, Inrinni khan naupang pual lang camp buatsaih a ni.
He hunah hian Speaker-ah Evan HMS Dawngkima chu hman niin mi 23 in Thlarau thianghlim baptisma an dawng thar a, Kohhran ten hlim takin hun an hmang a . Leng ah hian Evan HMS Dawngkima te hian rawngbawlna an nei kal mek a ni.
—–
Inkantawn prog :
Serchhip Biakinpui PYD leh Electrict PYD, Lunglei te chuan August 23 atanga 25 chhung khan intlawhtawn hun Serchhip Biakinpuiah an nei.
August 23, Zirtawp zan atang khan Programme hman nghal niin Inkhawm banah Sunday School Hall-ah inhmelhriat tawnna programme hlim takin an hmang a, Inrinni nileng khan Sport Item chi hrang hrang hmangin intihhlimna an nei bawk a ni. Intlawhtawn Programme inkhawm hi Serchhip Biakinpui PYD ten kaihruain thinin Lunglei Electrict PYD te hnen atangin thuchah ngaihthlak thin a ni thung a ni. Pathianni chawhnu khan fellowship hun hlimawm tak an hmang bawk a ni. Lunglei Electrict PYD atang hian member engemaw zat kalin hun hlimawm tak an hmang a ni.
—–
Inkutsuih tha :
August 26, Thawhtanni khan Hnahlan bial, Saron Kohhran ah Hnahlan Bialtu Pastor, R.Lalfamkima chuan nupa tuak 6 Isua hmingin a rualin a inkutsuih tir.
Heng Nupa tuak ruk te hi la inkutsuih ngailo niin Bialtu Pastor hian a rualin inneihtirna a nei ta a ni. He hunah hian lawmpuitu engemaw zat an tel a ni
——-
District Hruaitute Programme:
District Superintendent Rev Rosanga Kawlni, chuan Pathianni hmang hian a bial hmui mek, Mualpui bial-ah rawngbawlna a nei ang.
District Secretary Rev Biaksangzuala, chuan Pathianni zan hian District Hqrs. Kohhranah thusaiw rawngbawlna a nei ang.
Rev R.Lianzama, Missions Director chuan Pathianni hmang hian Serchhip Bial chhunga Home Missionary te rawngbawlna tlawhin rawngbawlna a nei ang.
———
Lunglei district :
Lungphum phum :
Aug.26 thawhtanni khan Sertlangpui bial a awm, Buarpui Local-te biak in sak tur lungphum chu District Superintendent Rev.C.Vanlalena chuan a phum. Biak in hi a dung 42ft. a vang 22ft.a sak tur a ni a, an biak in 6 na tur a ni.
Tunah hian Buarpui Local-ah hian members 54 an lawi mek a ni. (Pic. Lungphum phum lai)
—–
Aug.25 Pathianni khan Luangmual bial PYD hmalaknain Luangmual Local SS Hall-ah HIV/AIDS Awarness Campaign neih a ni a, members 70 chuang an kal khawm a, Resource Person atan Luangmual bial atanga Trainers Rbt.B.Lalrozama chu hman a ni. Hemi rual hian bial PYD Project Laptop leina tur pualin sumtuak fehchhuahna neih nghal a ni.
—-
Member thar :
Aug.25 Pathianni khan Rawpui Local-ah Pastor R.Lalramhluna chuan mi thar 1 Kohhranah a senglut a.
Aug.25 Pathianni khan Haulawng lamthuamthum Local-ah mi thar 1 Kohhranah sengluh a ni bawk.
——
Fehchhuak :
1. Aug.24-25 chhung khan Chhipphir Local LAD te chuan Bualpui V Missions Field-ah rawngbawlna an nei a, members 16 kalin Senior Adviser Upa Lalrinliana leh bialtu Pastor LH.Lalchhandama ten an tawiawm a, hlim takin hun an hmang a, Bualpui V Missions Field hnenah hian thilpek an hlan bawk.
2. Aug.25 Pathianni khan Haulawng Lamthuamthum Local PCD te chuan Chengpui Local-ah rawngbawlna an nei.
He rawngbawlna ah hian members 60 chuang an kal a, Pathianni zing inkhawmah bialtu Pastor Rev.R.Vanlalenga chuan thusawina neiin, Group zai, Solo, Recitation ngaihnawm tak tak ngaihthlak a ni a, chawhnu lamah fellowship-a hun hman chhunzawm leh niin worship dance, Solo, Action recitation ngaihnawm leh hmuhnawm tak tak te ngaihthlak leh a ni. Haulawng Lamthuamthum Local PCD te hian Chengpui Local hnenah hian Sana lian an present bawk.
3. Aug.23-25 chhung khan Lunglei Electric Local PYD te chu Serchhip biakin puiah rawngbawlin an fehchhuak a, members 42 an kal thei a, Aug.24 inrinniah Sport hlim taka neih a ni. Rawngbawlna an neih chhung hian Thlarau lam hla nen hlim takin hun an hmang thin a ni.
—–
Campaign :
Sept.1 Pathianni hian Lunglei District Thianghlimna Committee-te chuan Campaign an neih chhunzawm leh dawn. Campaign hi Muallianpui Local-ah neih a ni dawn a, Rev.PC.Lalfakawma leh Evan.V.Lalduhawma ten hun an hmang ang a, Sist.HC.Lalengzami chuan zaiin rawngbawlna a nei ang.
——-
Org Comtt thukhawm :
Aug.25 Pathianni khan kum 2020-a United Pentecostal church (NEI) General Conference dawltu tur Lunglei Farm veng Local Organising Committee-te chu an thukhawm a, hetah hian thu pawimawh tak tak ngaihtuahin General Conference an dawlna tur atan hian Budget-ah Rs.1000000 (Nuai sawm) an ruahman a , Sub.Committee pakua (9) siamin an budget turte an ruahman sak nghal bawk. He committee-ah hian hmalak zel dan tur leh ruahmanna hrang hrangte siam a ni bawk.
Farm veng Local-te hian General Conference an dawlna tur pual hian an biak in kawt chu concrete-in an chhung tawh bawk.
——-
Seminar :
1. Aug.31 inrinni hian Pentecostal Children Department (PCD) Luangmual Local buatsaihin Seminar neih a ni dawn a, resource person atan District PCD President Rbt.K.Lalrintluanga leh Secretary Bro.C.Lalramluahpuia te hman an ni ang. Seminar thupui atan hian Zuk leh hmuam leh ruihtheih thil tih leh Sex Education tih chu hman a ni ang.
2. Aug.31 inrinni hian Thuampui Local LAD leh PYD hruaitute pualin Seminar neih a ni dawn a, thupui atan hruaitu mawhphurhna tih chu hman a ni ang a, resource person atan bialtu Pastor T.Zahmingliana chu hman a ni ang.
———
North Mizoram District :
Thianghlimna Committe :
August 22, Ningani khan North Mizoram District Thianghlimna Committee te chuan District Office Supdt. Chamber-ah Rev. laltluanga Dist. Thianghlimna Committee chairman kaihruaiin meeting an nei.
Meetingah hian Thianghlimna Sub-Committee din lo bial la awm te kum 2019 chhunga din tura ngenna siam te leh Thianghlimna Campaign chung Chang an rel. Thianghlimna Campaign thawhkhatna hi Bial 4-ah neih hmasak nise tih a ni a, hetiang hian a neih dan tur ruahman a ni
(a) Vairengte Bialah Kal hun tur: Date: 01.09.19 (Sunday)
1. Rev. Chhiarpuia : Vairengte Headquarters leh Chhimveng Local
2. Evan. KL Dawla : Vairengte Field Veng Local
3. Evan. Pahnuna : Vairengte IOC Veng Local
(b) Bukpui Bialah Kal hun tur: Date: 15.09.2019 (Sunday)
1. Rev. K. Lalduhsanga : North Hlimen leh Thingthelh
2. Evan. RC Lalrinchhana : North Chaltlang-ah
3. Sist. PC Lalromawii B/W: Lungmuat-ah
(c) Kolasib Venglai Bialah Kal hun tur: Date: 15.09.2019 (Sunday)
1. Rev. C. Lalthantluanga : Kolasib Venglai Local leh Rengtekawn Local
2. Upa. RC Hriatpuia : Tuithaveng Local
3. Rev. Lalchuailova : Tumpui Local
4. Pastor Lalhmuakliana Hmante : Pangbalkawn Local
(d) Kolasib Diakkawn Bial:
1. Rev. Laltluanga : Diakkawn Local leh New Builum Local
2. Evan. Challiana : Thingdawl Venglai Local
3. Evan. Vanrammawia : Thingdawl Vengthar Local leh Tlangnuam Local
4. Sist. Lalchangliani B/W : Khuangpuilam Local
——
Literature & Publication Board :
North Mizoram Disrtrict Literature & Publication Board Committee chu Aug ni 27 Thawhlehni chawhnu dar 1 khan North Mizoram District Supdt. Chamber-ah neih a ni.
Meeting Rev. Chhiarpuia Lit. & Pub. Board Chairman-in a kaihruai a, Kum 2020 Nilai Thupui tur edit dan tur chungchang sawihovin Board member ten a huhova Edit hna thawh chu tha tih a ni a, Edit thawhkhatna chu Sept. ni 10-ah neih nise tih a ni. Hei bakah hian Lehkhabu chhuah kawnga hma thar lak chu tha tih tlan niin; kum 2020 Literature budget pawh dah sang tura thuneitute hnena thlen te leh Inkhawm kaihhruaina bu siam ni se tih District Board in a lo rel tawh leh Literature Board kuta a dah chu lo ziak turin Pastor Lalruatkima Fanai kutah dah a ni bawk.
——-
Fehchhuak :
Aug. Ni 23th – 26th hmang khan Dist. Suptt.Rev.Laltluanga chuan Vairengte Pastor Quarters hnuai Mikhual room extend dan tur enin a kal a, hetihrual hian Dist. Suptt. chuan Bilkhawthlir Bial chhung kohhrannhrang hrang tlawh nghalin, Inrini zanah Jubilee Kohhran (Bilkhawthlir Tuithaveng) -ah rawngbawlna a nei a, Kohhran ho ten an lo lawm hle.
Aug 25 Pathianni zing inkhawm khan Bial Hqrs. ah inkhawmin, rawngbawlna hlawhtling tak a nei a bawk. Dist. Supdt. chuan Bilkhawthlir Bial Hqrs.Biak In sak mek leh an hmalak danah lawmthu sawiin bial chhung hmalak dan te lawmawm a tih thute sawiin rawngbawlna a nei nghal bawk a ni.
Pathian ni Chawhnu inkhawm chu Kharzawl kohhranah neiin, kohhran ho ten an lo dawngsawng tha hle a, Kharzawl kohhran te an nhlimin an zinga inkhawm a nuam hle. Bial chhung upa leh Bialtu Pastor Pastor Lalpianthanga ten an tawiawm tha hle a ni.
Pathianni zan hian Buhchangphai kohhran tlawh leh in, Upa R.Laldingliana’n zanriah lo buatsaih sakin, zanah inkhawm hlimawm tak neih nghal a ni bawk. Kohhran hote an lo hlim hle a, Inkhawm banah Bilkhawthlir lamah haw chhoh leh a ni.
——-
Quarters hawng :
Aug 25, Pathianni khan Damparengpui Bial Persang Missionary Quarter thar chu District Missions Director Rev.C.Lalthatluanga chuan Pathian hnenah hlanin a hawng.
Missionary Quarter hawn ni hian District Missions Director vek hian mithar 13 a lawmlut nghal a, mi 2 in Isua hmingin Sual ngaihdamna Baptisma an chang bawk.
Tlaiah Quarters thar lawmna Ruai tui tak an kil ho nghal bawk a. Persang Missionary Quarters hi Headquarters Bial Kohhranpuite’n work camp-a an sak niin; Quarters sakna chák hi District Missions Deptt nen tangkawpin an lei a, Quarters hi an pum thei ta a ni.
——-
Missionary Challege Programme :
Kawnpui Bial Missions Department buatsaihin Aug ni 24 Inrinni zan atang khan Kawnpui Banglaveng Biak Inah Missionary Challenge programme an hmang.
He Programme-ah hian Speaker atan Rev. James Lawrence, Director Dimapur Missions Field chu hman a ni a. Ruahman lawk dan chuan programme Aug ni 25 Pathianni zan thlenga hman tura duan a ni a; amaherawhchu, speaker rawngbawlna boruak atanga kohhran mipuiteah mamawhna a san avangin programme pawhsei leh a ni a, Aug ni 26 Thawhtan zanah pawh inkhawm chhunzawm zel a ni.
He programme hmang tur hian bial chhung local hrang hrang atangin member thahnem tak an fuankhawm a, hun hlimawm tak an hmang a ni. Rawngbawltu Rev. James Lawrence thusawi a ropuiin, kohhran hote rilru a khawih thin hle a; field report nena kaikawpin sermon ropui tak tak ngaihthlak thin a ni a, a tawnhriat hrang hrang te atanga Pathian thu ngaihnawm tak tak lo chhuak chuan kohhran ho te rilru a khawih thin hle.
Pathianni zan inkhawmah hian Bial Missions Department ruahmanna angin Dimapur Missions Field pualin puan pawtpharha thawhlawm dawh a ni a, Rs. 8860/- chuang zet a tlingkhawm a ni. Hemi bakah hian Dimapur Missions Field hnuaia local pakhat Lokhonhonse biak in thuthleng siamna turin mimal thahnemngai te leh Bualpui Venglai Missions Department ten Rs. 8600/- chuang an thawhkhawm bawk.
Speaker hian a tul angin, a mamawh te tan tawngtai rawngbawlna te leh hriakthih rawngbawlna te a nei pah reng bawk.
——
Fehchhuak :
Maubawk Local PMF te chuan kar kalta Pathianni Aug 25 hmang khan Thenzawl Field Veng Local tlawhin an fehchhuak a, PMF fehchhuak a kal te hi Tirhkoh 3 in hovin an vaiin mi 29 an kal.
Maubawk Local PMF fehchhuah inkhawm hi Evan. H.Lalrinawma (Marina) pawh in a tawiawm a, a zai pawh an hlut hle a ni. Aug 26 thawhtanni zing khan Maubawk Local PMF te hian Thenzawl chu dam takin an rawn hawsan a ni. Maubawk Local PMF te hian Field veng Local Biak ina tar tur Sana Lian 2 an present bawk a ni.
———
Lawmthusawi chawimawina :
Durtlang Bial Muanna veng kohhranah August ni 10, Inrinni zan atanga rawngbawlna neih chuan rah duhawm tak chhuahin Pathian chawimawina vawi hnih neih ni tawh.
Muanna Venga Kohhranah hian Jehova Jire Team ten rawngbawlna neiin Bro. Laltanpuia Chawlhhmun chu Speaker atan hman a ni. Pathian chawimawina hi T. Upa Biaksiama te chhung leh Upa TS Zarliana te chhungin an nei a, Thlarau boruak kal zelah Crusade hi chhunzawm zelin August ni 31 Inrinni hian Bro. Lalropuia te chhungin Pathian chawimawina an nei leh dawn a ni.
Rawngbawltute rawngbawlna kaltlangin Muanna veng kohhranah hian thlarau thianghlim dawng thar engemaw zat an awm tawh a, August ni 25 Pathianni khan Sual Ngaihdamna Baptisma chang mi paruk (6) lai an awm bawk a ni.
———
Revival Team Jehova Rapha Revival Team Speaker Evan. Lalduhsaka Saza leh a rawngbawlpui te chuan Aug. Ni 23 Zirtawp zan atangin Hriphaw Kohhranah Revival Crusade neiin hun an hmang a, an ruahman dan chuan Sept. ni 2 thawhtanni thleng Hriphawah hian rawngbawlna an nei ang.
Jehova Rapha Revival team te hian Aug. Ni 22 khan an Team hmingin Aizawl Civil Hospital-ah a mamawh apiangte’n an hman a atan thisen Unit 3 an pe bawk. (Pic. Jehova Rapha Revival)
——-
North Mizoram District chhunga Rammut report hrang hrang ngaihthlak chhunzawm ila :
1. North Mizoram District Missions Director Rev. C. Lalthantluanga chuan Aug Ni 21 Nilaini aatanga Aug 25 Pathianni thleng khan Damparengpui Bial Persang kohhranah Rammut Programme hmangin Rammut Programme an hman chhung hian an rawngbawlna Pathianin hriatk a thih a, an rawngbawlna kaltlanga mithar neih 4 chu Bialtu Pastor R. Thanglura’n Kohhranah a senglut a, Nau 2 Lal Isua hnenah a hlan a, mi thar 2 in sual ngaihdamna baptisma an chang bawk. (Pic. Persang Rammutna)
2. Sist. J.Lalmuankimi leh a rawngbawlpui te’n Kohhran la dinlohna Tumpanglui khuaa rammut Programme an hman kal zelah Pathianni kalta Aug 25 khan Mithar -18 (Chhungkaw -3) Pentecost kohhranah an senglut a, Mithar seng luhna hi Bialtu Pastor C.Lalthlengliana’n neiin, Mi -6 in sual ngaihdamna baptisma Lalpa Isua hmingin an chang nghal a, nau -10 Lal Isua hnenah hlan nghal a ni bawk.
Bialtu Pastor C.Lalthlengliana’n Adhoc in kohhran Form-na a nei nghal a. Hemi ni ah vek hian tlaiah Mual inkhawm neih a ni a, Speaker ah bialtu Pastor C.Lalthlengliana niin, Sist Saizikpuii Rengdil leh Sist.V.L Hmangaihtharzeli Parte Hnahlan leh Sist.Ramthianghlimi,Thenzawl te chuan zaia rawngbawlna an nei a, Rengdil Local P.Y.D member -30 chuangin motor hmangin an rawn tawiawm bawk a, Kawrthah P.P leh New Eden kohhran atangin Evangelist te leh member engemaw zatin an rawn tawiawm bawk a ni.
Programme hman chhung hian Naupang damlo Pakhat chuan Bialtu Pastor.C.Lalthlengliana rawngbawlna kal tlangin Pathian tihdamna a chang a ni.
Sist. J. Lalmuankimi leh a rawngbawlpuite rawngbawlna kal tlang a Tumpanglui khuaa mithar neih zawng zawng chu mi 84 an tling ta a ni.
3. Aug 22 Ninga zan atang khan Tlangsang bial kohhranpui ruahmannain Zomuantlang ah rammut programme neih a ni a. Ni 23 Zirtawpni dar 10am atangin tihdam rawngbawlna Rev C. Lalhmingthanga’n a nei bawk.
He tihdamna inkhawmah hian Mi 32 tawngtaina neihsakin, chawp leh chilh a Pathian tihdamna chang 15 awmin thlarau damna chang 1 a awm bawk. Damna chang zingah taksa na hre lo, thosi seh leh sih pawh a na hre thei tawh lo te, mahni pawh a ban phar thei lo, kut leh ke zawi leh rilrua thu awm sawi chhuak mai thei lo te, khup na, lu hai, taksa thak thin te, Ashma leh natna dang dang nei ten Pathian tihdamna an chang nghal a. Pathian hnathawh a ropui hle a ni.
Tlangval pakhat a pum a nat em avanga rawngbawltu pan pawhin chawp leh chilhin damna a chang a, a thlarau sual pai Isua hmingin hnawh chhuah sak a ni bawk. He rawngbawlna hian Sept ni 1 Pathianni thleng awh tura ruahman niin; a tul dan a zirin kalpui zel tur a ni dawn a ni. (Pic. Tlangsang Bial rawngbawlna)
4. Dinthar Bial PYD ten Sialsuk Bial Chawilung hmuna Rammut Programme an hmanah Aug ni 25 Pathianni khan member pahnih kohhranah sengluh an ni.
Member sengluhna hi Evan. Vanrammawia’n neiin; Member thar lawmluh ni hian Dinthar bial PYD member engemawzat leh bial PYD zaipawl ten hun an hmanpui a, mual inkhawm leh damna inkhawm te pawh buatsaih a ni bawk. Rammut rawngbawlna hi an ruahman dan chuan Sept 1, Pathianni thleng nei turin ruahmanna an siam a ni.
Dinthar Bial PYD ten Chawilunga rawngbawlna an neih mek lai hian Dinthar bial Missions Department te chuan Darlung hmuna rammut programme an hman pawh tluang takin an chhunzawm ve mek zel bawk a ni. (Pic. Dinthar Bial PYD Rammut)
5. Chawlhhmun Local Church board te ruahmanna siam angin August thla Rammut hla chhung hian Kohhran upa te group 3 ah inthenin Rammuin rawngbawlna an nei a, an rawngbawlna kaltlanga Pathian thuthlung hmu thar mi 7 awmin Pathianni kal ta Aug. ni 25 khan an mi thar lakluh te chu Bialtu pastor Rev. Lalramthanga chuan lawmluhna hun a hmang. (Chawlhhmuna mithar 7)
6. Mamit High School Veng Kohhranin kumin 2019 Rammut thla denchhena Chhandamna Crusade Aug 21 Nilaini zana tan chu Pathianni kal ta Aug. ni 25 khan khar a ni.
He Crusade neih chhung hian Speaker atan bialtu Pastor Vanlalruata chu hman a ni a, a ni hnen atang hian Pathian chhandamna thu ngaihthlak thin a ni.
Speaker rawngbawlna Lalpan mal a sawmin Kohhran hoten an hlut hle a, Bial chhunga Local hrang hrang atang pawhin chhimtu an tha thei hle a ni.
7. Apostolic Revival Team Speaker Evan. T. Vanlalruata leh a rawngbawlpui te chuan Hunthar Bial Edenthar kohhrana an Rawngbawlna hi Aug 19 atanga Aug ni 25 Pathianni thleng ruahman a ni a, chanchin hriat chinah an Rawngbawlna neih chhung hian Rawngbawltute kaltlangin Mithar patling 2 in Sual ngaihdamna Baptisma an chang a. Ram thar beisei tur a awm zel avangin Crusade hi Sep ni 1 Pathianni thleng neih leh turin ruahmanna siam a ni.
Facebook