UPC kohhran thutharte hi khawngaiha minlo tih chhuahsak leh turin ka ngen a che.
———————————————-
———-
PYD DAY
March ni 21, 2023 Thawhleh ni hi kha North East India UPC Kohhran thalai pawl Pentecostal Youth Department din champha phak, PYD Day vawi 54-na a ni a, India hmarchhak pum huapa hman a ni.
He ni hi UPC North East India chhunga Section leh Local hrang hrang te chuan urhsun tak a hmang in, Sorkar leh khawtlang hmun hma tih fai te, Damdawi in a damlote tan eitur sem nan te, Mamawh te tan a Thisen pek na hun a tan te hman thin a ni.
Kummin 2023 March ni 21 hi PYD Day vawi 54 na he mi ni pual hian Section leh Local tam zawk te chuan Programme siamin hun hlim tak in an hmang a, zan lam thleng a hun hmang an awm a ni. UPC North East India General PYD President, Rev. C. Lalthantluanga Day thuchah ziah chu Local hrang hrang ah chhiar chhuah na neih a ni bawk.
———-
GENERAL HRUAITUTE PROGRAMME:
General Treasurer Rev. Lalmalsawma Sailo chuan March ni 24 – 26 chhung a Bawngkawm Bial LAD Conference, Bawngkawn Kohhran a neih ah Speaker ah tangin rawngbawlna a nei.
General Missions Director, Rev. R. Laichhingpuia chuan March ni 24 atanga 26 chhung hian Dimapur Missions Field Conference, Athibung a neih chu hmanpuiin rawngbawlna a nei ang.
General Sunday School Department hruaitu te, General Sunday School Director, Rev. Biaksangzuala leh General Sunday School Treasurer Evan. R. Lalbiakfela te chuan March ni 26 Pathianni hmang hian Damparengpui leh Tuipuibari ah te Seminar an neih pui ang.
———-
———-
LAWNGTLAI WEST DISTRICT
BIAKIN HAWNG
March ni 18, 2023 Inrinni khan Lawngtlai Chandmari biak in chu hawngna neih a ni.
Rev.Lalsawmliana Sailo bialtu Pastor chuan Inkhawm kaihruaiin, Rev.Lalmalsawma Sailo Gen.Treasurer chuan ropui takin a hawng a ni.
Lawngtlai Chandmari biak in hi hun engemaw chen a tang khan sak bul tan tawh a ni a, hripui avang te a chawlh lai lawk a nih hnu ah hawn theih a sak zawh a lo ni ta hi bialtu Pastor chuan lawm awm a tih thu a sawi bawk.
Lawngtlai Chandmari biak in hawn lawm nan hian Sial chal pakhat leh vawk pahnih leh ar enge mawzat talhin ruai ropui tak kil ho a ni.
———-
DISTRICT OFFICE HMUN TUR LAI TAN
March ni 20 Thawntanni zing khan Lawngtlai West District office hmun tur chu laih tan niin hemi pual hian inkhawm tawi neih a ni a, Rev.F.Lalbiakthuama Dist.Supdt chuan kai hruaiin Rev.Lalmalsawma Sailo Gen.Treasuer chuan Lawngtlai West District office hmun tur ah kut thawh hmasaber in Rev.F.Lalbiakthuama Dist. Supdt, Rev.Lalsawmliana Sailo Dist. Secretary, Evan GB.Lalawmpuia Dist. Mission Secretary leh Sr.Upa te leh rawngbawltu ten kut an thlak bawk a ni.
———-
Diltlang Bialah Sunday School Seminar neih a ni
March ni 19 Pathianni khan Diltlang Bial huap Sunday School Seminar chu Diltlang UPC (NEI) Biak In-ah neih a ni.
He Seminar ah hian, Rev.JH Zahluna, Secretary, General Sunday School Department chu resource Person niin, Paper Presentation a nei a, Kohhran mipuiten hlawk hlawk tak in hun an hmang a ni.
Rev. JH Zahluna hi Pastor S. Vanlallunghnema, Treasurer, District Sunday School Deparrment chuan a tawiawm bawk.
———-
PYD DAY
March 21.2023 PYD Day chu Lawngtlai West District chhung a Local leh bial hrang hrang te chuan urhsun takin an hmanga Lawngtlai khawchhunga Local thenkhat chuan Dist. Hospitala thawktu te leh damlo tan eitur te semin poor fund an chhung lut bawk a ni.
Mother less home tlawhin tanpuina te hlan a ni bawk, PYD Day ni hian Chawnghei tawngtai leh fellowship te a hun hmang an awm bawk a ni.
———-
———-
LUNGLEI DISTRICT
GOLDEN JUBILEE LEH BIAK IN HAWN PROGRAMME HMANG:
March ni 23 Ningani khan Ramthar Local, Lunglei District te chuan an Local kum 50 tlinna Golden Jubilee lawmna leh biak in hawnna hun an hmang.
He hun hi chawhma dar 10:45 ah biak in tualzawlah hman tan a ni a, Jubilee dar ruatbik mi 50 ten an vuak hnuah Jubilee lungphun hawnna bialtu Pastor Rev.C.Hmingthanfala chuan a nei a, District Superintendent Rev.C.Vanlalena chuan biak in a hawng chhungzawm bawk.
Biak in hawn anih hnu hian biak in chhungah inkhawm neih chhunzawm a ni a, he hun hi Upa KH Laldinliana, Treasurer Ramthar Local chuan a kaihruai a, District Superintendent Rev.C.Vanlalena chuan thuchah puan chhuahna neiin Upa Saithangpuia, Secretary Ramthar Local leh Bro.V.Laldinpuia, Chairman Jubilee Organising Committee chuan Report an pe.
Jubilee leh biak in hawn programme ah hian Sist.PC.Lalthansangi, Lunglei District UPC Choir, Headquarters bial PYD Zaipawl leh Ramthar Local LAD ten zaiin rawngbawlna an nei a, District Treasurer Rev.PC.Lalfakawma chuan Souvenir a tlangzarh bawk.
Ramthar Local biak in hawn tak hi feet 35 leh 70 a zau a ni a, tunah hian Member 428 an lawi mek a ni.
Tlai lamah Jubilee lawmna leh biak in thar lawmna ruai ropui taka theh a ni.
Zan lam ah District Secretary Rev.C.Lalrintluanga chuan Pathian thu puan chhuahna neiin hun an hmang chhunzawm ang a, March ni 24 Zirtawp zan atang khan Cherhlun bialtu Pastor K.Lalnunpuia Speaker ah hmangin Crusade neih chhunzawm a ni..
———-
PUANTHUI ZIR TUR MI 10 LA DAWN
March ni 24 Zirtawpni khan Conference Hall-ah Lunglei District UPC hnuaia Pentecostal Social Ministry (PSM) Tailoring Centre-a puanthui zir tur mi 10 te interview kaltlangin lak a ni.
PSM Tailoring Centre hi nikum 2022 atang khan buatsaih tan a ni a, mi 7 ten thla 6 chhungin tha takin puanthui hi an zir chhuak tawh a ni.
Kumin 2nd Batch zir tur hian mi 10 lak an ni a, April – September chhungin class hi kal a ni ang. PSM hnuaia puanthui zirte hi thla tin Stipend Rs 500 pek thin an ni bawk.
———-
———-
NORTH MIZORAM DISTRICT
DISTRICT HRUAITUTE PROGRAMME:
District Secreatry Rev. K. lalduhsanga chuan Bial LAD Confe hman zawh takah Kanghmun Bial LAD Confe a hmanpuiin Speaker-ah a tang.
March ni 23 Ningani khan District Committee pawimawh pahnih Thianghlimna committee leh Building Committee-ah telin, a tuk march ni 24 Zirtawpniah General Missions Field-a Milita Biak in, NMD ten an sak sak chu hawngtu tur a nih angina Aizawl an chhuah san. Biak in hi March ni 26 Pathiannia hawn tura ruahman a ni.
NMD Treasurer Rev. C. Lalthantluanga chuan Bial LAD Conference Kolasib Venglai Bial hmanpuin Speaker-ah a tang a. March ni 23 Ningani zan atanga tanin Hnahlanah Bial LAD Conference a hmanpui ang. Rev. C. lalthantluanga hian Speaker hna thawkin March ni 26 pathianni zan thleng rawngbawlna a nei dawn a ni.
NMD Missions Director Rev. C. Lalramthanga chuan kar kal ta thawhtanni March ni 13 atang khan, District Missions Executive Board rorel bawhzuiin NMD huam chhung Field tlawh ngai te tlawhin, a tulna hmun Bawngva khua leh W Mualthuamah te Quarters leh Biak in sain workcamp in hna a thawk bawk a, March ni 22 Nilaini khan Sailut khua Biak in sak thar hawngin rawngbawlna a nei bawk.
———-
DISTRCT BUILDING COMMITTEE NEI:
March ni 23 Ningani khan NMD Building Committee chu District Office Committee Room-ah Meeting neiin; Rev. Chhiarpuia Dist. Supdt. in meeting a kaihruai. Meeting-ah hian District huam chhunga Pastor Quarters leh District in Building a neih te repair dan tur thlirin, hma lak tur awm ang ang te a rang lama bawhzui relin, a tul anga estimate siam leh a hmuna thlithlai ngai awm te pawh ruahmanna an siam nghal bawk.
———-
LAD CONFERENCE TLUANG TAKIN HMANG:
North Mizoram District huam chhunga pastor Bial 31 te chuan kar kal ta March ni 17-19, Zirtawp zan atanga pathianni zan thleng khan Bial LAD Conference a rualin an hmang.
Bial Confe. Hi District LAD hruaitute bakah District pui hruaitute’n hetiang hian an hmanpui a ni:-
Dist. LAD President Sist. K. Lalhmachhuani B/W in Thenzawl Bial a hmanpui a,
Dist. LAD Secretary: Sist. Kroschhuanmawii B/W in Kawnpui Bial a hmanpui a,
Dist. LAD Treasurer : Sist. Chhuankungi B/W in Rengdil Bial a hmanpui bakah District Kohhranpui hruaitu Dist. Secretary Rev. K. Lalduhsanga’n Kanhmun Bial hmanpuiin; Dist Treasurer Rev. C. Lalthantluanga’n Kolasib Venglai Bial a hmanpui thung a ni.
District LAD hruaitu leh Dist. Pui hruaitute’na an hmanpui lohna Bial dang dang te pawhin Bial LAD Confe an hmanah hian Main Speaker neiin Conference hlimawm tak an hmang a, Confe hi March ni 17 Zirtawp zanah conference tanin a tuk Inrinniah kum 2023 chhunga Bial huapa rawngbawl dan tur leh ke pen dan tur relin nilengin confe rorel an nei. An rorelah hian Bial leh Dist bakah General LAD thlenga hmasawnna tur agenda te relin, Bial hrang hrang report atanga a lan danin Missionary 25 chuang lai chawm tura thu passed hriat tur a awm bawk a ni.
———-
PG Higher seconday school Building extend:
North Mizoram District enkawlna hnuaia awm, PG Higher Secondary School chu Naupang an len tak loh avangin District Board rorel angin Building tihlen a ni.
PG Building tihlen hna thawk tur hian District hruaitute’n ruahmanna siamin khawpui chhung Bial hrang hrang ten hnathawh dan tur ruahmanna awmsa milin hnatlangin an inthawhchhawk a, Assam type-a sak niin; Ni 8 chhungin khawpui chhung heng Bial 8 ie. Hqrs., Chatlang, Durtlang, Tlangnuam, Hunthar, Chawlhhmun, Dinthar, Maubawk Bialte’n an zo fel a ni.
———-
Director work camp:
Misions Executive ruahman angin March ni 13 – 18 chhung khan Dist. Missions Director leh Staff T.Upa H. Thantluang te chuan Field chhunga hnathawh tur awm Bawngva khua leh Mualthuam west, Dist. Missions Dept in Casual worker daha rawngbawlna a neihna hmunah work camp in hna an thawk. Bawngvaah hian Tirhkoh quarter awmna hmun tur ruahmanin Skirting thleng Cement work an khawih a, Mualthuam West-ah Biak in sak hnathawkin workcamp an nei bawk a ni.
Director leh a thawhpui te hian March ni 16 zingah New Eden leh Tumpanglui tlawhin thawktu awmna quarters ceiling siam dan tur an ruahman.
———-
SAILUT BIAK IN SAK THAR HAWNG:
March ni 22 Pathianni khan Tlangsang Bial chhunga Sailut I kohhran Biak in sak thar chu NMD Secretary Rev. K. Lalduhsanga’n a hawng. Biak in hawn programme hi Biak in pawn lamah Rev. C. Lalramthanga Dist. Missions Director kaihhruaiin hun hmasa hman a ni a, Biak in hawn hnuah Biak in chhung Programme hman chhunzawmin Rev. C. Lalramthanga Dist. Missions Directorin inkhawm kaihruaiin; Tlangsang Bialtu Pastor Zoramthar’n Technical report pein, Pathian thuchah ropui tak, NMD Secretary Rev. K. Lalduhsanga chuan a sawi.
Biak in hawn Programme-ah hian kohhranhote an kokim hle a, tlai lamah Biak in thar lawmna ruai an kilho bawk a ni. Sailut I Kohhranah hian rawngbawltu Dist. Missions tirhin Bro. Lalremruata awm mekin, tunah hian kohhran member 40 an awm mek a ni.
———-
———-
AIZAWL EAST DISTRICT
Ni li awh, Aizawl East District Board chu tluang takin March 16, Ningani khan zawhfel a ni.
District Board hi March 9, Ningani-a N. Vanlaiphai hmuna an neih hnuah March 14 atanga 16 chhung khan District Committee room-ah neih chhunzawm leh a ni. Rev KVL. Hmangaihkima, District Superintendent chuan kaihruaiin Board member an telkim thei a ni. District Board-ah hian agenda lut engemaw zat awmin chuta an thu passed langsar zualte:
1. Bialtu Pastor atana lak tharte:
Evan C.Lalchhuanga, Thuampui
Evan V. Kamneihthanga, Dist. Hqrs.
Evan C.Lalropuia, Mualpui
2. Office Duftry atana lak thar:
Evan C.Lalthlamuana, Bazar Bial
3. District PYD Fin. Secretary, Evan C.Lalropuia, Pastor atana lak thar a nih tak avang leh V. President ni lai, Upa F.Lalthlangliana vanduaina tawka, natna khirh tak a tawh avangin District PYD V. President atan Evan H.Lalhlimpuia, Bethlehem Bial leh Fin. Secretary atan Bro C.Zamawia, Upper Republic Bial te ruat thar an ni.
4. District S.S Director atana ruat thar: Rev R.Malsawma, Zemabawk Bialtu Pastor
5. District Missions Treasurer, Evan C.Lalchhuanga Pastor atana lak a nih tak avangin District Missions Treasurer atan Evan H.Lalsiamliana, Bawngkawn Bial ruat thar a ni.
6. Pastor Transfer & Posting hetiang hian siam a ni
Rev C.Lalengliana, Upper Republic Bial atangin Thingsulthliah Bial-ah
Pastor K.Lalhmingmawia, E. Lungdar Bial atangin Serchhip Dinthar Bial-ah
Rev C Laldintluanga, Serchhip Dinthar Bial atangin Thuampui Bial-ah
Pastor K. Vanlalhlimpuia, Ngopa Bial atangin Khawlian Bial-ah
Pastor V. Lalnienga, Thingsulthliah Bial atangin Suangpuilawn Bial-ah
Pastor Laltlanhlua Hnamte, Suangpuilawn Bial atangin Upper Republic Bial-ah
Rev T. Lalbiakliana, Saitual Bial atangin Bethlehem Bial-ah
Rev B Lalengzauva, Serchhip Bial atangin Saitual Bial-ah
Pastor C.Lalchhuanga, Serchhip Bial-ah
Pastor V. Kamneihthanga, E. Lungdar Bial-ah
Pastor C.Lalropuia, Ngopa Bial-ah
Pastor atana lak tharte hian March 31-ah an awmna hmun thleng vekin April 2, Pathianni-ah Induction neih tur a ni dawn a ni.
———-
Bial LAD Inkhawmpui:
Aizawl East District chhunga bial hrang hrangte chuan March 24, Zirtawp zan atang khan Bial LAD Inkhawmpui an hmang mek a, Pathianni zan hian a tiak ang. Bial LAD Inkhawmpui-ah hian Inrinni nileng khan Bial chhung in awpna leh District LAD-a lut tur ngaihtuahin rorel Inkhawm neih a ni a, zan atangin Revival Inkhawm-a hun hman nghal a ni. Bial LAD Inkhawmpui-ah hian Bial thenkhat chuan Speaker leh Thupui hranpa nei an awm laiin Bial thenkhat erawh chuan Thupui hranpa nei lovin Bial hruaitute bakah Bialtu Pastor ten thusawina an nei thin a ni, Bial thenkhatah intihsiaka hun hmang an awm bawk a ni. Bial LAD Inkhawmpui hi District LAD Hruaitute chuan hmun hrang hrangah hetiang hian an hmanpui a ni:
President, Sis Zionparmawii B/W leh Sis Laldinpuii, Fin. Secretary te chuan Ngopa Bial an hmanpui a,
V.President, Sis Lalramliani Sailo leh Sis Lalbiakkimi, Treasurer te chuan Suangpuilawn Bi8al-ah an hmang a,
Secretary Sis Lalramsiami B/W in Bazar Bial hmanpuiin
Asst.Secretary, Sis Saimawii B/W in Rabung Bial a hmanpui bawk a ni.
District Kohhranpui hruaitute: Rev KVL. Hmangaihkima, Superintendent chuan E.Lungdar Bial-ah Speaker-ah tangin rawngbawlna a nei a,
Rev R.Laltlankima, District Secretary chuan a bial hmui mek, Thuampui Bial-ah a hmang a,
Rev VL Hnemtluanga, Missions Director chuan Sakawrdai Bial-a hmanpui bawk a,
Rev H. Lalropuia, District Treasurer chuan Kawlkulh Bial a hmanpui bawk a ni.
———-
PYD Day:
March 21, Thawhlehni khan North East India PYD Day a nih angin Aizawl East District chhunga Bial leh Tualchhung hrang hrangte pawhin urhsun takin an hmang hlawm a, Bial anga hmang an awm laiin Tualchhung anga hmang an awm bawk a ni.
PYD Day hi Rev C.Lalmalsawma, District PYD President chuan Mualpui Bial ten Seminar an neihah resource person-ah tangin hun a hmang a ni. PYD Day hi Bial leh Tualchhung hrang hrangte hian nileng a hmang an awm laiin zan hun chauha hmang an awm a, vantlang tana thil tha tihna hun atana hmang engemaw zat an awm bawk a ni. Bawngkawn Bial te chuan Civil Hospital, Aizawl-ah thisen unit 25 an pe a, Kahrawt Bial, Champhai te pawhin Civil Hospital, Champhai tan thisen unit 24 an pe bawk a, Bethel Bial, Champhai te pawhin Civil Hospital, Champhai tan thisen unit 26 an pe bawk a ni. Bethel Bial te hian Hospital-a dah tur thutthleng pali an pe bawk a ni. Zemabawk North Bial te chuan veng chhung bawlhhlawh thenfai hna thawkin Mualpui Bial te chuan Biakin nungchang leh Social media tih thupuia hmangin seminar an nei a ni. Serchhip Bial te chuan Praise & Worship-a hun hmangin Upper Republic Bial te chuan Enterpreneurship training an buatsaih a ni. Zemabawk Bial te chuan March 18, Inrinni khan PYD Day denchhen hian Tuirial YMA Hall-ah a thlawna in entirna, Free Clinic an buatsaih a, hetah hian mi 195 ten an inentir a, dam lote hi Dt Jacob KT Laibu, Mizoram State Cancer Institute-a Medical Officer chuan a en thin a ni.He hunah hian Damdawi a thlawnin Cheng 70000 man vel sem niin, Damdawi te hi Bro. K. Lalrammawia, Zemabawk Vengpui PYD Secretary chuan a Donate a, Tin, Book mark Thluthlung lam hawi in ziahna engemaw zat sem a ni bawk.
———-
Mithar leh baptisma chang thar:
March 18, Inrinni zan khan Evan Lalhlimmawia rawngbawlna kaltlangin Khanpui ah Mithar pakhat lawmluh a ni. Khanpui ah hian Evan Lalhlimmawia (District Evangelist) hian rawngbawlna a nei a, member thar lawmluhna pawh hi a nei nghal a ni.
Keifang Bial Chehrep ah Evan Philip VL Hmuchhuaka rawngbawlna kaltlangin March 18, Inrinni zan vek khan mithar 2 lawmluh an ni bawk. Member thar te hi Bialtu Pastor J Lalhmingsanga’n a lawmlut a ni.
March 19, Pathianni khan N. Vanlaiphai Bial, Khawlailung Bunghmun Kohhranah Baptisma khur hawn a ni a, Mi pakhatin Sual ngaihdamna Baptisma Evan C Lalropuia kutah a chang a ni. Ani hi kumina kohhrana lawmluh thar a ni.
March 19, Pathianni vek khan Ramthar Kohhran, Serchhip Dinthar Biala lawi turin nupa, member 2 Bialtu Pastor in a lawmlut bawk a ni.
Facebook