GENERAL HRUAITUTE PROGRAMME:
General Superintendent Rev. R. Lalrinsanga chuan March ni 15 – 17, 2024 chhung hian Chhimtuipui District Conference, Bualpui NG a neih chu telpuiin Speaker ah a tang ang.
General Missions Director Rev. R. Laichhingpuia chuan March ni 15, 2024 Zirtawp ni khan N. Bengal and Sikkim Missions Field, Siliguri hmunah Kohhran Building Lungphum a phum a ni.
General Missions Treasurer Evan. F. Lalsangliana chuan March ni 15 – 17, 2024 chhung hian Dimapur Missions Field Conference hmanpuiin Speakerah a tang a, Khatkhati Pastor Quarters leh Manza Biak In hawnna a neih pui nghal ang.
———-
GENERAL OFFICE TLAWH
March ni 14, 2024 Ningani khan Thenzawl Vengpui Kohhran Church Board member ten General Headquarters Office leh CBC New Building hmunhmate an tlawh.
Thenzawl Vengpui Kohhran Church Board member te hi Bialtu Pastor, Rev. C. Lalrammuana,n hovin Member 10 an thawk chhuak thei a, General Office-ah hian General Hruaitu ten lo dawng sawngin Thingpui in hona te neih a ni. Thenzawl Vengpui Church Board te hian General Headquarters Office Library a dah turin Mizo Study Bible tha tak an hlan bawk.
Thenzawl Bial ah hian Local Church 8 leh Preaching Point 1 awmin Thenzawl Vengpui Kohhran hi Bial Headquarters a ni.
———-
———-
LUNGLEI DISTRICT
DISTRICT BOARD VAWI 212-NA TLUANG TAKA NEIH A NI:
Ni li awh Lunglei District Board vawi 212-na chu March 4-7 chhungin neih a ni a, he Board hi Rev C. Vanlalena, Dist Superintendent-in a kaihruai, rorel langsar zualte:
1. Calvary Bible College kal dilte, hengte hi Dist Board recommend-te an ni.
– Lalramthabeiseia (B. Th) -Pukpui
– Lalhmachhuana (B. Th) – Chawngte L
– Rohluzuala (BD) – Rangte
– Lalruatfela (BD) – Lungsen
2. General License dil heng mite hi General Executive Board ah recommend tur an ni.
– C. Lalramhluna – General- Venghlun
– C. Zodinpuia – General – Pukpui
– Lalthlamuanawma – General – Zobawk
– K. Lalchhantluanga – General – Mualthuam N
– Pc. Laldingliana – General – Mualthuam N
3. 4th Grade M.R atan Lalthianghlima, Cherhlun lak a ni.
4. LDC. M.R atan Rachel K. Lalhmangaihzuali, Rahsiveng lak a ni.
5. Tlabung Dinthar ah Evangelist kum 2024 atan rawih nise tha tih a ni.
6. Pastor Lalrinmawia, Thenhlum bialtu chu a Probation period a zo a, April ni 1, 2024 atangin Regularize a ni ang.
7. Kum 2025 hi District conference vawi-60 a ni a, celebration Committee hruaitu ruat an ni.
8. Biakin sak tanpuina kan dan dinglai angin heng Local-te hnenah hian pek a ni.
– Tawipui N- 1 Local
– Thangte Local
– Mualthuam ‘S’ Local
– Dinthar, Lungrang Local
– Venghlun Local
– Ramrikawn Pangzawl Local
9. NEI Executive Board member Dist aiawh tur:
– Dist. Kohhranpui OB bakah Rev C. Vanlalena ruat a ni.
10. Zobawk bial thar:
– Bial chhung Local : (Zobawk Local, Emmanuel Local, Zobawk Vengthar Local, Dawn Local, Ralvawng Local) – Bial hawn ni: 7.April.2024
11. Dist. Revival Committee Secretary atan Upa C. Lalramhluna ruat a ni.
12. Pastor Transfer and posting
– Zobawk Bial – Rev C. Vanlalena
– Luangmual Bial – Rev VL. Hmuaka
– Hnahthial Bial – Rev K. Lalchhuansanga
– Theiriat Bial – Rev R. Lalsangzuala
– Pangzawl Bial – Rev. Lalbiakdika Chawhte
– Cherhlun Bial – Pastor Rochungnunga Renthlai
– S. Vanlaiphai Bial – Pastor K. Lalnunpuia
———-
LAD LUNGLEI DISTRICT INKHAWMPUI NEIH MEK A NI:
March ni 15 Zirtawp zan atang khan Ladies Auxiliary Department, Lunglei District inkhawmpui vawi 55-na chu Haulawng Lamthuamthum Local Biak Inah neih tan a ni a, inkhawmpui thupui ah hian Taimakna tih chu hman a ni.
March ni 15 Inkhawmpui tan zan khan Sist. C.Lalhmunsangi B/w District LAD Vice President chuan inkhawm a kaihruai a, Haulawng bialtu Pastor Lallawmsanga chuan Conference hawngin palai lawmna thu a sawi bawk.
March ni 16 Inrinni ah rorel inkhawm neih a ni ang a, March ni 17 Pathianni zan thlengin inkhawmpui hi hman a ni ang. Inkhawmpui neih chhung hian District Superintendent Rev.C.Lalrintluanga, Secretary Rev.PC.Lalfakawma, Treasurer Pastor K.Vanlalhruaia, Former District Superintendent Rev.C.Vanlalena leh Chuisu Thuvuril, President LAD South East Nagaland ten Pathian thuchah an sawi thin ang a, Lunglei District UPC Choir te bakah LAD Local zaipawl hrang hrangte an zai bawk ang.
———-
LAD TAWIPUI N-II LOCAL TEN GOLDEN JUBILEE AN LAWM:
March ni 9, Inrinni khan LAD Tawipui N-II te chuan an Local Golden Jubilee hlim takin an hmang.
Jubilee inkhawm tan hmain bialtu Pastor Rev.R.Vanlalenga chuan Jubilee lung a hawng a, Jubilee dar vuak chhunzawm a ni.
He Golden Jubilee lawmna inkhawm hi Upa C.Rohmingthanga, Church Board Chairman Tawipui N-II chuan a kaihruai a, bialtu Pastor Rev.R.Vanlalenga chuan Souvenir tlangzarhin, Sist.HS.Lalchhanchhuahi leh Jubilee zaipawl te hnen atangin zai mawi tak ngaihthlak a ni a, General LAD Secretary Sist.Lalramlawmi Sailo B.w hnen atangin Pathian thuchah ngaihthlak niin, tlai lamah Jubilee lawmna ruai kilho a ni.
LAD Tawipui N-II Golden Jubilee programme hi March ni 8, Zirtawp zan atangin hman tan a ni a, March ni 10, Pathianni zan thlengin hman a ni.
Jubilee Programme hman chhung hian District LAD President Sist.PC.Lalrinthangi B.w leh District LAD Secretary Sist.R.Lalramchhani leh District LAD Vice President Sist.C.Lalhmunsangi B.w te hnen atangin thuchah ngaihthlak a ni.
Tun dinhmunah Tawipui N-II ah hian LAD member 90 vel an awm mek a ni.
———-
MI THAR:
– March ni 10 Pathianni khan Thualthu Local-ah mi thar 7 Local Chairman Upa B.Lalropuian a lawmlut.
– March ni 10 Pathianni khan Electric Local, Lunglei ah Baptisma khur hawn a ni a, mi 15 ten Baptisma changin an zinga pakhat hi mi thar a ni.
———-
———-
AIZAWL EAST DISTRICT
Aizawl East District hnuaia Inkhawmpui lian ber, District Conference vawi 30-na Saitual Bial, N. Lungphera hman chu March 10, Pathianni zan khan a tiak.
Conference hi March 7, Ninga zan atang khan hman tan niin Rev.KVL.Hmangaihkima, District Superintendent chuan a kaihruai a, palai lawmna Bialtu Pastor B.Lalengzauva chuan neiin Rev.R. Lalthanzuala’n Conference hlanna a nei thung a ni.
Kumin Aizawl East District Conference-ah hian thupui hranpa nei lovin mi hrang hrang ten thusawi rawngbawlna an nei thin a, Ninga zan khan Evan Lalhmangaiha Chawngthu, Serchhip chuan thusawi rawngbawlna neiin, Zirtawp zanah- Rev. Rev C. Lalmalsawma, District PYD President chuan thusawina nei lehin Inrinni zanah R. Lalhawia, Pathianni chawhma-ah Rev R. Lalrinsanga, General Superintendent, Pathianni chawhnu-ah Sacrament rawngbawlna Rev KVL. Hmangaihkima, District Superintendent chuan neiin Pathianni zanah Rev.KVL. Hmangaihkima, District Superintendent chu Pension-a a chhuah dawn avangin a puala inkhawmna neih a ni a, thusawi rawngbawlna a nei nghal bawk a ni.
Kumin-ah hian District PYD leh Sunday School te chuan a hrana conference an neih loh avangin Zirtawpni khan rorelna hun an hmang a, Sunday School hian North Lungpher Biakinah Rev.R. Malsawma, Director kaihhruaiin rorelna neiin rorel palai mi 200 chuang an ni. An rorel thu passed te:
1. Thlarau Thianghlim dawng tura beihpuithlakna chungchang chu ngaihtuah niin hmalakna tur awm zawng zawng chu District Board in a tul angin lo ngaihtuah se tih a ni.
2. Naupang chawhnu zirlaibu hi a lian pawl leh a te pawl a hrana siam tawh lovin bu khata siam tura tih a ni.
3. Sunday School Day thawhlawm chu danbu in a changtu tur a sawi chian chiah loh avangin Conference hian a changtu tur tih fiah mai nise tih niin kum 2025 atangin Tualchhungin chang tawh se tih chu an nemnghet a ni.
Report bu atanga a lan danin tunah hian Puitling leh Naupangah S.S hming ziak mi 22,464 awmin Puitling hming ziak hi 13,918 an awm a, naupang lamah hming ziak mi 8546 an awm mek a ni. Kum 2023 khan Thlarau thianghlim dawng thar mi 281 leh Baptisma chang thar mi 388 an awm a ani.
PYD te hian N. Lungpher Community Hall-ah Rev C. Lalmalsawma, President kaihhruaiin rorelna an nei thung a, an thu passed langsar zualte:
1. Member teah lehkha tara Inneih hlutna nasa zawk a in zirtirna neih ni se tih a ni.
2. Thalai ruihhlo ngaite puala District huap chaw nghei tawngtai neih nise, ruihhlo ngai thalaite dahna home pualin thawhlawm vawikhat khawn bawk nise tih a ni.
3. Zuk leh Hmuam leh Ruihhlo dona kawngah nasa leh zuala hmalak tura tih a ni.
Heng bakah hian General-a thlen tur engemaw zat an rel bawk a ni.
Report bu atanga a lan danin Aizawl East District Bial 31-ah hian PYD hi khaw 143-ah dingin member 8049 an awm mek a, zuk leh hmuam nghei thar mi 205 an awm a ni. Kum 2023 chhung khan rawngbawlna atangin member thar 10 Kohhranah sengluh an ni bawk.
Sunday School leh PYD te hian Zirtawp zan inkhawmah khan lawmman sem tur an neih hrang hrang leh chawimawina hlan tur an neihte hlanna hun an hmang bawk a, District S.S hian Kum 25 chawl lova Sunday School zirtirna hna thawkte leh Budget tlak hmasa te hnenah semin, District PYD hian Budget tlak hmasa te hnenah lawmman an sem bawk a ni.
March 9, Inrinni nileng khan District Kohhranpuiin Inkhawmpui neihna hmunah rorel inkhawm Rev KVL. Hmangaihkima, District Superintendent kaihhruaiin an nei a, hetah hian Bial atanga agenda lut engemaw zat awmin Kum 2026 District Conference chu Mualpui Bialah nghah niin ruatsa angin Kum 2025-ah Serchhip Bial-ah inkhawmpui hi hman leh tur a ni ang. District Capital tinah Crusade buatsaih tura tih a nih bakah Ramlak beihpui thlak ni se tih a ni a, Eibar zawnna kawnga ngialnghet zawka memberte an awm theih nan District chhungah a theih ang kawng kawngah hma lakna kalpui ni se tih niin Bial Joint Revival hman thin chu tih tawp tura tih a ni bawk. Aizawl East District Inkhawmpui hian Thingsulthliah Bial chu then a remti bawk a ni.
Tun dinhmunah Aizawl East District chungah hian Bial 31 awm mekin report atanga a lan danin Kum 2023 chhung khan Bial hrang hrangah zuk leh hmuam nghei thar mi 321 awmin District chhungah hian zuk leh hmuam nghei mi sangriat zasarih chuang an awm mek a, Kohhran hi khaw 186-ah din niin Kohhran chhungkua 6152-ah member 28086 an awm mek a, Preaching point 17 a awm mek bawk a ni.
Inrinni zan inkhawmah vek hian District Kohhranpui chuan Mimal sawma pakhat pe tha bakah Tualchhung Sawma pakhat member wise-a a pe tam hnenah lawmthusawina hlanin Pathianni chawhma inkhawmah Upa leh Licence Holder kum 25 chawl lo te chawimawina hlan ni bawkin Pathianni chawhnu-ah Rev Rotluanga kaihhruaiin rawngbawltu boral te sunna hun hman a ni bawk. Pathianni zanah Kohhranpui hian Bial sawma pakhat target khum bakah mimal buhfai tham tha te hnenah lawmthusawina a hlan leh bawk a ni.
Kumin Aizawl East District Conference-ah hian inkhawm apiangin mal zai bakah Pentecostal Choir leh General Choir te zai ngaihthlak thin niin Bial hrang hrang atangin conference palai an kalkim thei a ni.
Pathianni chawhma inkhawmah khan Pastor nemnghehna neih niin Pastor 4 te chu nemngheh an ni bawk. He inkhawmpuiah hian Kum 2024 atanga 2025 chhunga hruaitu thar thlanna neih a ni a, Superintendent-ah Rev. R. Laltlankima, Secretary-ah Rev. H. Lalropuia leh Treasurer-ah Rev. VL. Hnemtluanga te thlan chhuah niin Pathianni chawhma inkhawmah khan hruaitu thlan tharte Pathian hnena hlanna Rev R. Lalrinsanga General Superintendent chuan a nei bawk a ni.
PYD te hian rorel inkhawm an neih hun chhungah hian Sub- Committee hrang hrang ten lawmman sem tur an neih angte semin Kum 2024-a Kumpuan thupui zir tur an buatsaih chu Rev. KVL. Hmangaihkima, District Superintendent chuan tlangzarhna a nei bawk a, Inrinni zan khan Pentecostal Choir te Music Video Album chu District Superintendent hian tlangzarhna a nei bawk a ni.
Pathianni zan inkhawmah khan May 30-a Pension a chhuak tur, Rev KVL. Hmangaihkima, District Superintendent thlahna programme hman niin hetah hian District Kohhranpui bakah District Department hrang hrangte leh Bial leh mimal atangin thlahna thilpek hlan a ni bawk a ni.
———-
District Board:
Aizawl East District hnuaia rorelna sang District Board chu nikhat N. Lungpher hmuna neih a nih hnuah March 12 khan District Committee room-ah neih chhunzawm leh a ni. District Board hi Rev KVL. Hmangaihkima, District Superintendent chuan kaihruaiin Bial atanga leh Official atanga agenda lut hrang hrang leh District Conference in bawhzui atana a dah te an rel a ni. District Board-ah hian CBC kal dilte, Licence la thar turte bakah Pastor Written-a tling te interview an nei bawk a ni. District Board hi March 14, Ningani khan tluang takin an zo fel thei a, he thu buatsaih lai hian an thu pass kan hre hman lova, karleh lamah tihchhuah tum a ni ang. District Board-ah hian Board member an telkim thei a ni.
———-
District Conference centre sakna tur lungphum phum a ni:
March 13, Nilaini chawhnu khan Aizawl Chite hmuna District Kohhranpuiin ram a lei chu Conference centre sakna tur atan Rev KVL. Hmangaihkima, District Superintendent chuan lungphum phumna a nei. He hunah hian District Board member bakah Office Staff te leh District hnuaia Department hrang hrang hruaitute an tel thei a ni.
Rev. KVL. Hmangaihkima, District Superintendent chuan Aizawl East District in hun harsa tak lo tawk thin mahse Pathian malsawmna nasa tak a dawng a, sum leh pai malsawmna bakah mithar duhawm tak tak Kohhranah sengluh an ni thin thu sawiin tun hunah hetiang ang ram tha leh rem Kohhran in a nei thei ta hi a lawmthu a sawi a, Pathian malsawmna vang chauh a nih thu a sawi a ni.
Lungphum phumna neih a nih zawh hian tawngtai rualna neiin he hmun hi hlan a ni.
Aizawl East District in Conference centre tur a lei hi Aizawl, Chite Lei bul maia awm niin District Building Committee ruahmanna angin a hmun chelbawl hna hi thawh chhunzawm tur a ni dawn a ni.
———-
Mithar leh Baptisma chang thar:
March 6, Nilai zan khan E.Lungdar bial, Leng kohhran a lawi turin Upa.R.Lalzawmliana, Church Board Chiarman chuan mi pathum chu Kohhranah sengluhna a nei a, tawngtaisakna hun a nei nghal a ni.
Evan MH Laldingngheta rawngbawlna Kawlkulh bial, Chhawrtui kohhran March 6, Nilai zan vek khan member thar 6 sengluh an ni bawk.
March 3, Pathianni khan Thuampui Bial, Muthi ah Baptisma rawngbawlna neih a ni a. Bialtu, Rev. C Laldintluanga kutah mi pali in Baptisma an chang, an zingah Pahnih hi Hindu Sakhua atanga rawn lut, Kohhran a lawmluh tawh an ni.
March 3, Pathianni khan Rabung Bial Khualen ah Member 1 chu Evan Lalbiaksiama Khiangte chuan Kohhranah sengluhna a nei.
March 3, Pathianni vek khan Zemabawk Bial, Airfield Kohhranah Member 5 chu Bialtu Rev R Malsawma’n a senglut bawk.
March 2, Inrinni zan khan Kawlkulh Bial, Vanchengpui-ah Evan. MH. Laldingngheta rawngbawlna kaltlangin mithar 7 Kohhranah Bialtu Pastor R. Lalfamkima chuan sengluhna a nei bawk
———-
———-
NORTH MIZORAM DISTRICT
District Office hruaitute Programme:
Dist. Superintendent: Dist. Supdt. Rev. Chhiarpuia chuan tun Pathianni hmanga NMD huam chhung Bial 31 ten Bial LAD conference an hman turah Aibawk Bialte hmanpuiin speaker hna a thawk ang.
Dist. Secretary: Dist. Secy. Rev. K. Lalduhsanga chuan Bial LAD Conference-ah Dinthar Bial hmuitu a nih angin Dinthar Bialah hun a hmang ang.
Dist. Treasurer: Dist. Treasrer Rev. C. Lalthantluanga chuan Chhimtuipui district Conference March ni 15-17 Pathianni hmanga Bualpui NG-a neih tur a hmanpui ang a, March ni 14-ah Aizawl a chhuah san ang.
District. Missions Director: Dist. Missions Director Rev. C. Lalramthanga chuan kar kal ta March ni 9 zirtawpni atang khan Missions Field hrang hrang tlawhin a fehchhuak a, March ni 11 khan Sihthiang Biak in sak lungphum phumnaah telin Biak in sak bul a tanpui bakah remchang angin field hrang hrang a tlawh kual bawk.
———-
NORTH MIZORAM DISTRICT HUAM CHHUNG PASTOR BIAL 31-AH LAD CONFERENCE A RUALIN HMANG DAWN:
UPC (NEI) NMD huam chhung Bial 31 te chuan March ni 15-17 hmang hian Bial LAD Conference a rualin an hmang dawn.
Bial LaD Conference a ruala hman turah hian District LAD hruaitute bakah District kohhranpui hruaitute’n Bial LAD conference an hmanpui dan tur hetiang hian an ruahman bawk:-
Rev.Chhiarpuia Dist Supt – Aibawk bial
Sist. K.Lalhmachhuani B/W Dist LAD President – Kolasib Venglai bial
Sist. Kroschhuanawmi B/W. Dist LAD Secretary – Kolasib Rengtekawn bial.
Sist. Lalchhuankungi B/W Dist Trea. – Phainuam bial
Sist. Lalramthangi B/W Gen LAD President – Reiek bial.
Heng hruaitute hian Bial an hmanpuina theuhah Speaker hna an thawk dawn a ni.
Bial LAD Conference hmanna tur Bial zingah Bial 20 ten Speaker bik (Main speker) neiin hun an hmang a nga, Bial 11 dangah chuan Bial hruaitute’n hun an in chansem dawn ani.a dang zawngin hun in semin an hmang dawn a ni. NMD huam chhunga Bial LAD conference hmanah hian March ni 15 Zirtawp zanah tanin March ni 16 Inrinni-ah Conference rorel neih a ni ang a, Inrinni zan atanga Pathainni zan thleng revival programme in hun an hmang dawn a ni. (BIAL LAD CONFE)
———-
NMD Conference vawi 74-na rorel leh District Board rorel pawimawh te:
UPC (NEI) NMD District Conference vawi 74-na District Hqrs. Biak in Tuikhuahtlanga hman zawh takah District hruaitu thar thlan kum a nih angin heng mite hi thlan chhuah an ni a, heng hruaitu thar te hian kum 2024 leh 2025 chhung hruaina hna an thawk dawn ani.
Superintendent : Rev. K. Lalduhsanga
Secretary : Rev. C. Lalthantluanga
Treasurer : Rev. C. Lalmuanpuia
March ni 1 Zirtawpni khan Conference rorel nei bawkin an rorel thu passed te:
*Kum 2028 thleng Confe thlenna tur ruahmanna hetiang hian siam a ni.
Kum 2025 – Bilkawhthlir Bial
Kum 2026 – Dinthar Bial
Kum 2027 – Kolasib Diakkawn Bial
Kum 2028 – Chaltlang Bial
*Kum 2024 chhung hian Ram lak beihpui thlak ni se.
*Chhiat that ni khua a rawngbawlna nei turin Lengpui Airport-ah Chaplain dah nise.
*North Mizoram District huam chhunga Bial Joint revival neih thinah Pathian ni zing thawhlawm hi Bial Missions Dept pual ni tawh se. Tih te rel a ni.
Conference Report bu in a tarlan danin North Mizoram District dinhmun tlangpui te:-
Bial awm zat : 31
Kohhran member zat : 29950
Kohhran in awm zat : 6966
Biak in awm zat : 192
Kum 2023 chhunga member punna:1365
Kum 2023 chhunga member boral: 22
Thlarau thianghlim dawng tawh zawng zawng: 11989
Thlarau Thianghlim dawng thar zar: 512
Sual ngaihdamna Baptisma chang thar zat mi:862 (Pic: 74th NMD Conference)
———-
North Mizoram District Board tluang taka neih a ni:
NMD District Board March ni 3 leh ni 5 chhunga NMD Committee room-a neih chu tluang takin an zo. District Board hi District Sudpt. Rev. Chhiarpuia’n kaihruaiin District Department level hruaitute Committee peng hrang hrang hruaitute an ruat thar a. Pastor thar atan Pastor C. Lalruatsanga lak thar niin; ani hian Bial hmasa ber atan Mamit a bial dawn a ni.
District Board ni khat niah kum 2024 chhung atana Pentecostal School of Ministry-a kal dil te, Kohhranpui Missionary leh Revival Speaker dil te, Gen. Licence, Local Licence, Bible women leh CBC kal dil te interview neih hmasak niin; PSM kal dil zingah mi 11 PSM kal tura tih an ni a, hei bakah hian District Missionary atan mi 21 lak thar an ni: hetiangin
a) Evan. Vanlalhausaa – Bungthuama
b) Evan. Hosana Lalfakzuala – Tuidam
c) Evan. VL MS Dawngkima – Behliangchhip
d) Evan. Vanlalhruaitluanga -Hebron
e) Evan. H.Vanlalhmudika – Dapchhuah
f) Evan. Lalramthara Sailo – W.Phaileng.Electrict veng
g) Evan. F. Lalnunhlua – N.Chaltlang Vengthlang
h) Evan. C.Lalnunhlua – Luimawi
i) T. Upa Pachhunga – Bawngthah
j) Evan. R. Lalchhanchhuaha – Khamrang, Kawnpui Bial
k) Evan. K. Lalrindika – Gosen
l) Evan. ZD. Lalhmangaihzuala – Kawrthah
m) Evan. C. Lalthlamuana – Zawlpui
n) Evan. Ramchanmawia – Thinghlun
o) Evan. Lalsangpuia – Lungphun
p) Evan. Lalliankima – Serkhan
q) Evan. Lalramnunsanga sailo – Muallungthu
r) Evan. Vanlalhluta – Nisapui
s) Evan. Vanrammawia – State veng
t) Evan. Lianthangvunga – Darlak
u) Evan. K. Tlangthanmawia – BSUP Edenthar hi Rs.10,000/- hlawh in kumkhat atan lo enkawl se tha tih a ni.
**District Building Committee-in Biak in sak tanpuina dil Kohhran 22 District Board approved tura a thlen te chu approved an ni a, kohhhran 22-a sum sen tur zat hi cheng nuai 78 a ni.
** DISTRICT REVIVAL SPEAKER atan heng mite hi lak an ni.:
a) Evan. T.Vanlalruata
b) Evan. PC. Lalramchhuanmawia
c) Evan. Isak Lalhmingliana
d) Evan. Lalramhluna Hmar
e) Evan. Lalngaihawma
f) Evan. H. Zoramsanga
g) Evan. Vanlalzemawia Fanai
** GENERAL EXECUTIVE MEMBER ATAN HENG MITE HI RUAT AN NI:
a) Rev. K. Lalduhsanga
b) Rev. C. Lalmuanpuia
c) Rev. Chhiarpuia
d) Rev. C. Lalramthanga
e) Rev. H. Zabiaka
f) Rev. Lalremtluanga
** ELECTORAL BODY RUAT CHUNG CHANG: Electoral body atan hengte hi ruat an ni.
a) Rev. Lalpianthanga
b) Rev. C. Lalthlengliana
c) Rev. Lalhmuakliana Hnamte
d) Pastor Vanlalruata
e) Pastor Jacob Lalremsanga
District Level Department Hruitute hetiang hian ruat thar an ni bawk
Missions Department
Director : Rev. C. Lalramthanga
Secretary: Evan. R. Lalthangchhuana
Treasurer: Evan. JH Malsawmdawngliana
Sunday School Department
Director : Pastor Lalruatkima Fanai
Secretary: Evan. Challiana
Treasurer: Evan MS Dawngliana
Ladies Auxilliary Department
President : Sist. F. Rohlupuii B.w
Secretary: Sist. Doris Lalrinsangi B.w
Treasurer: Sist. Lalzuiliani B.w
Pentecostal Youth Department
President : Rev. B. Vanlalruata
Secretary: Evan. K. Rotluanga
Treasurer: Evan. Lalmuanawma
Pastor Transfer & Posting khawih hun a nih angin hetiang hian transfer and posting siam a ni:
Dinthar Bial – Rev.Chhiarpuia
Chawlhhmun Bial – Rev.K. Vanlaldika
Tlangnuam Bial – Pastor Vanlalruata
Maubawk Bial – Rev.HF.Malsawma
Kol.Diakkawn Bial – Rev.PC.Laltlankima
Sialsuk Bial – Pastor H.Lalrinpuia
Sumsuih Bial – Pastor Lalramthanga Kawlni
Mamit Bial – Pastor C.Lalruatsanga
Kawnpui Bial – Rev.Lalruatkima Fanai
Bukpui Bial- Rev.R.Lalhmangaiha
Charge in hlan hun Dt.25.3.2024 Mon.
Transfer hun hi Dt.26.3.2024 tih a ni a, a rem chan dan angin kan Hotuten an rawn ruahman bawk ang.
Facebook