GENERAL HRUAITUTE PROGRAMME:
General Superintendent Rev. Zohmingthanzama chuan June ni 14, 2024 zan hian, Salem Kohhran, Aizawl East Distric Biak In ah General Choir (2024-2026) Term Induction service-ah telpuiin Choir Member tharte lawmluhna leh Thusawi rawngbawlna a nei ang.
General Secretary Rev. Lalmalsawma Sailo chuan June ni 14, 2024 zan hian, General Choir Induction service, Salem Kohhran, Aizawl East District a neihah telpuiin General Choir (2023-2024) term in Music Video an buatsaih chu tlangzarhna a nei ang.
General Treasurer Rev. R. Laichhingpuia chuan July ni 14, 2024 Pathianni hian Central District PYD ten Golden Jubilee an lawmnaah tel puiin Thusawi rawngbawlna a nei ang.
———-
SUNDAY SCHOOL SEMINAR
July ni 14, Pathianni hmang hian UPC North East India General Sunday School Department leh National Tobacco Control Programme (NTCP) te tangkawp chuan Zuk leh hmuam that lohna tih thupui hmangin, Thenzawl, North Mizoram District-ah Trainers Training an buatsaih.
He hun hi Thenzawl Field Veng Biak ah hman niin Pathianni zing ah leh chawhnu ah te Trainning hi neih a ni a, General Sunday School Secretary Rev. JH. Zahluna leh General Sunday School Treasurer Evan. R. Lalbiakfela te bakah NTCP Serchhip District a tangte in zirtirna hi an pe a ni.
———-
———-
CHHUMTUIPUI DISTRICT
BIAK IN HAWNG:
Ni 6.7.2024 (Inrinni) khan Siaha College Vaih II Local Biak In thar chu Rev.Kholy Hlychho District Superintendent in Isua hmingin hawnna a nei.
He Biak In hawnna hunah hian sawm an nih angin District Official te pawn an tel pui a, he Biak In hawn nan hian Rbt.Valpuia te chhungkua in vawk an thawh a, ruai tui hnai tak kilho a ni.
College Vaih II ah hian member 112 vel an lawi mek a. Biak In sak nan hian 1300000 (Nuai sawm pathum) chuang an hmang tawh a. Vawiin Biak In hawn hi Hall atan a ruahman a ni zawk mah a, hemi chungah hian Biak In tak zawk chu sak leh an tum a ni.
———-
APOSTOLIC BIBLE SCHOOL IN GRADUATION DAY HMANG:
July Ni 7.2024 tlai lam Dar 2:00 khan Headquarters Biak In ah Apostolic Bible School in Graduation Day hman a ni.
He hun hi Rev.Joseph L.Thlauhthang Registrar in a kaihruai a, Rev.W.L Thanghre ABS zirtirtu chuan tawngtaina neiin Rev.Kholy Hlychho Principal in Graduated mi paruk hnenah C.Th degree hlanna a nei a, Rev.Lalhnehchungan Graduated te tan tawngtai sakna a nei ve leh a ni. ABS Graduation Day a Speaker a sawm Pastor LS Lalhruaisanga Chaplain CBC chuan thusawina a neih hnuin ABS zirlai te aiawh in Unaupa C.Lalhminglianan lawmthu sawina a nei bawk a ni.
Vawiin ABS Graduation Day ah hian Sist.H.Lalhlunsangi leh Sist.Cindy Ramhlimpuii ten zai a rawngbawlna an nei a, Saiha khawpui chhung a Local hrang hrang atangin kohhran ten an tel pui bawk a, hlim tak leh hlawhtling taka hun hman a ni.
———-
ABS ZIRLAI TE LUANG CHHUAK:
2024 a Apostolic Bible School zirlai te chuan nitin an Chapel service hmanna ah thawhlawm la khawmin chu thawhlawm tling khawm chu District Missionary support nan hmangin Rev.Lalhnehchunga District Missions Director hnenah an hlan a ni. Hei bakah hian 2024 zirlai te hian ABS Library a hman a tan lehkhabu engemaw zat an donate bawk a ni.
———-
CHAWIMAWI CHHUNZAWM DAWN
1. College Vaih Local :
Siaha College Vaih Local ah Pathian hnathawh ropui tak a thleng mek zel a, chawimawi chhawng -5 na hman zawh tawh niin he chawimawi atang hian mi engemaw zatin malsawmna dawngin Thlarau Thianghlim an dawng tawh a, Thlarau Thianghlim dawng tawh mi engemaw zatin siamtharlehna an chang tawh a ni. Ni. 7.7.2024 (Pathianni) khan Baptisma khûr hawn niin mi 6 in sual ngaihdam nan Isua Krista hmingin Baptisma an chang a, Evan G. Lalnunzira, Ephatha Home Mission field a thawk laiin Baptisma rawngbawlna hi a nei a ni.
Ni 12.7.2024 (Zirtawp) zan atanga tan turin Upa L. Mahu te chhungkua chuan sual thupha chawina leh then thianghlimna maicham an buatsaih leh dawn a, Ni 13.7.2024 (Inrinni) khian Chawimawi ruai buatsaih a ni ang. Tin, Rbt M.Chiadung te chhungkua pawhin Pathian hnen atanga malsawmna an dawn avanga lawmthu sawi chawimawina an hlan ve leh dawn a, a hun tur erawh Church Board in a la ngaihtuah tha leh dawn a ni.
He chawimawi hun hman mekah hian Upa Hc. Hmingtinthanga chu Speaker atan hman a ni a, a Team te nen Home Visit te neiin rawngbawlna an nei thin a, an rawngbawlna kaltlangin Kohhran hoten malsawmna tam tak an dawng mek a ni.
2. Siahatla Local:
Ni 15th June, 2024 atanga Siahatla Local Church a Revival Crusade neih chu Lalpa malsawmna ropui tak thleng zelin, programme chhunzawm zel ala ni a, chawimawina vawi 2 nei tawhin mi 28 in Thlarau Thianghlim baptisma an dawng thar tawh a, mi engemaw zatin siamthar lehna an chang tawh bawk a ni. Bro.Patinga te chhungkua kal tlangin Pathian chawimawina Ni 12-14.7.2024 hian neih leh tur a a, ruai ni atan Ni 13.7.2024 Inrinni hman a ni anga Speaker pangngai Evan.N.Thanghnuna District Evangelist chu Speaker ala ni chhunzawm dawn bawk a ni.
———-
KUM CHANVE AUDIT NEI MEK:
Ni 10.7.2024 khan District Committee Room ah Chhimtuipui District kum chan ve audit neih a ni. Ni 11.7.2024 khan neih chhunzawm leh niin, auditor a ruat te Upa H.Ramhluna, Evan.John VT Hniehu leh Rev.V.Lalhlimpuia ten District Department hrang hrang account leh Kohhran pui account te an endik a. Kohhran ten thilpek hrang hrang ah malsawmna nasa tak kan dawng mek zel a ni.
———-
———-
LUNGLEI DISTRICT
PENTECOSTAL BIBLE SCHOOL IN GRADUATION DAY AN HMANG:
July ni 7, Pathianni khan Headquarters Local UPC Biak Inah Lunglei District-in Pathian thu zirna a neih Pentecostal Bible School (PBS) chuan Graduation Day an hmang, he hun hi Calvary Bible College (CBC) Registrar Rev.K.Lalthazuala chuan a hmanpui. Kuminah hian PBS atang hian mi 4 te an Graduate a ni.
Graduation Day programme hi chawhma dar 11-ah tan a ni a, PBS Principal Rev.C.Lalrintluanga chuan inkhawm a kaihruai a, Rev.R.Lalramhluna, Teacher PBS chuan tawngtaina neiin Rev.K.Lalthazuala, Registrar, Calvary Bible College (CBC) chuan thu sawiin Graduate student mi 4 te hnenah Certificate in Theology (C.Th) degree hlanna a nei bawk. Pastor Lallawmsanga, Teacher PBS kaihhruainain Result puan leh lawmman sem a ni a, Graduate Student kum 2022-2024 (kum 3) chhunga zirlai ti tha ber Bro.C.Lalhmangaihropuia, Ramrikawn Pangzawl hnenah Rev.Zalawma Award hlan a ni a, kumin 2024-a zirlai 28 zinga ti tha ber Bro.C.Lalhmangaihropuia, Ramrikawn Pangzawl hnenah Upa R.Sapchhawna Award hlan a ni bawk.
He hunah hian UPC Lunglei District Choir leh PBS Choir ten zaiin rawngbawlna an nei a, Graduate Student-te aiawhin Bro.C.Lalhmangaihropuia chuan thu a sawi a, PBS Dean Rev.PC.Lalfakawman lawmthu a sawi hnuin Rev C.Lalhriatpuia Lunglei District Missions Department chuan tawngtainain he hun hi a titawp a ni.
Kumin 2024-a PBS atanga Graduate-te:
1. C.Lalhmangaihropuia, Ramrikawn Pangzawl
2. Lalramdintluanga, Bualpui V
3. Lallawmzuali Sailo, Hauruang
4. F. Lalnunzira, Theiriat
Lawmman hrang hrang sem a ni a, hengte hi lawmman dawngtute an ni.
– Student of the Year: Bro.C.Lalhmangaihropuia, 3rd Year
– Most Promising Student : Bro.C.Lalhmangaihropuia, 3rd Year
– Best Character Student : Bro. H.Ramdinthara, 2nd Year.
———-
AUDIT NEI MEK :
July ni 11 Ningani atang khan Lunglei District kohhranpui, CEC School, Offset press, Department leh Sub Committee peng hrang hrangte sum kum chanve Audit District Office ah neih a ni a, he Audit ah hian Kohhranpui, CEC School leh Offset Press account-te Evan.C.Lalremchhunga, Evan. Laldinpuia Sailo, Upa C. Lalhmangaiha ten Audit in, Department leh Sub committee te Rev.PC.Lalfakawma leh Pastor Jerry Lalmuanawma ten an Audit bawk. Audit hi July ni 16 Thawhlehni thleng neih a ni ang.
———-
———-
AIZAWL EAST DISTRICT
District Board:
Aizawl East District hnuaia rorelna sang, kum chanve District Board, nihnih awh chu tluang takin July 10, Nilaini khan zawhfel a ni. District Board hi July 9, Thawhlehni khan District Committee room-ah Rev. R. Laltlankima, District Superintendent kaihhruaiin neih a ni a, Rev. Zohmingthanzama, General Superintendent pawhin a telpui a ni. Aizawl East District Board-ah hian Board member an kalkim thei a ni. An thu passed langsar zualte:
1. Biak In leh Sunday School Hall thiah leh sak that dilna lo lutte atangin hetiang hian ruahmanna siam a ni. hengte hi phalsak an ni-
1) Ngopa Bial, N.E.Khawdungsei Biak In,
2) Chhingchhip Bial , Chhiahtlang Vengpui Biak In,
3) Khawhai Bial, Biate kohhran Biak In,
4) N.Vanlaiphai Bial, Khawlailung Bunghmun SS Hall,
Heng te hi hruaituten lo enpuiin hma lo la se an ti-
1) Khawbung Bial, Buang Kohhran Biak In,
2) Zohmun Bial, Upper Sakawrdai Biak In,
2. Pastor Quarters sakna sum sanction hi kum 2025 atang chuan kum khatah pahnih (2) sakna tur Budget-ah dah ni se tih chu hruaituten a kawng lo zawng se, thlir ho leh nise tih a ni.
3. Pastor te tan Councelling neihpui dan zirhona, Trainers Training buatsaih ni se tih a ni.
4. Elpida Rehabilitation Centre din phalna pe tur leh inenkawlna Dan approve tura District PYD atanga ngenna lo lut chu remtih a ni a, inenkawlna dan pawh pawm a ni.
5. Sawleng Biak In chu thliin a tih chhiat avangin thiah fel a lo ni tawh a, engtia kalpui chhunzawm tur nge tih ngaihtuah niin sak that leh ngei nise, a sak leh dan tur chu hruaituten lo enpuiin hma lo la se tih a ni.
6. December 10, Thawhlehni hian Pastor Nupuite pualin Seminar neih tura tih niin a hmun leh resource person chu hruaituten lo ngaihtuah se tih a ni.
7. Suangpuilawn bial District Superintendent in a hmui mek chu District Secretary in hmui tawh se tih niin remchang hmasa berah District Supdt. nen charge chu lo in hlan mai se tih a ni.
8. Rammut thla, August 2024 hman dan tur thlir ho a ni a, Bial tin ten theihtawp chhuahin mahni Bial theuhah a hlawk thei ang ber tura an hriatin ruahmanna siam theuh se tih a ni.
9. Kum chanve Audit hun leh Board neih hun hetiang hian tihdanglam a ni. Kum chanve Audit hun atan July 2nd week nise, July 3rd week-ah District Board neih nise tih a ni.
Aizawl East District Board hian General Executive Board in Barak District Area-a awm, Zokhawthiang te Aizawl East District-ah awm tura a tihah lawmthu sawiin a rang lama lawmluhna neih ni se tih a ni.
———-
District Missions Board:
July 4, Ningani khan District Missions Board chu Rev. C. Lalmalsawma, Director kaihhruaiin tluang takin District Committee room-ah neih a ni. District Missions Board hi District Kohhranpui hruaitute leh General Missions Director, Rev. C. Vanlalena pawhin telpuiin Bial atangin Board member an kal tha hle a ni. An thu passed langsar zualte:
1. District Missions Department Conference a hrana neih loh kumah chuan Rorel inkhawmpui neih nise tih niin District Missions Department Conference agenda atan dah a ni.
2. District Missions Department Conference -ah General Missions field a thawktu chahchhuah nise tih niin Kumin District Conference thupui atan Juda 23 “mei ata la chhuak ula, chhandam rawh u” tih thu hman nise tha tih a ni.
3. Kulikawn East ah kohhran din tura hmalak nise tha tih a ni.
4. Kum 2024 rammut thla chu theihtawp chhuaha Bial in hmalak nise, District Missions Department OB te pawh in ruahmanna lo siam ve bawk se tha tih a ni.
5. Recreation center hmun leh hma lei nan Rs 20,00,000/- man bawr vel beisei nise, Serchhip lama Kohhran in ram a neih tha tak pawh Kohhranpui te nen tang kawpin District Missions Department OB ten lo en se tha tih a ni.
6. Kohhran calendar a chuang turin District Missions Department Board hun nghet neih nise tha tih a ni bawk.
———-
District PYD Board:
July 5, Zirtawpni khan District PYD Board chu Pastor J. Lalhmingsanga, President kaihhruaiin tluang takin District Committee room-ah neih a ni. District Missions Board hi District Kohhranpui hruaitute pawhin telpuiin Bial atangin Board member an kal tha hle a ni. An thu passed langsar zualte:
1. Kumin 2024 chhung hian Thuthlung lam hawi talk show neih ni se tha tih niin District PYD Executive Board lamin a tul angin lo bawhzui se tih a ni.
2. Elpida Rehabilitaion Centre pualin kum 2025 atang chuan budget head hran siam ve tawh ni se tih a ni.
3. District PYD Music School hi Music and “Choir Committee hnuaiah awm tawh lovin kum thar (2025) atang chuan District PYD enkawlna hnuaiah awm tawh se tih a ni.
4. District PYD Archive Committee tih chu Archive and Documentation Committee tia
thlak a ni.
5. Kum 2025 District PYD Conference thupui atan Amosa 4:12 “I Pathian tawk turin inpeih “rawh tih chu hman ni se tih niin theme song pawh neih ngei nise hma lo la turin District PYD OB te kutah dah a ni. (2025 District PYD Conference hi N.Vanlaiphai Bial ten an thleng dawn a ni).
———-
OTS Graduation Day:
June 7, Pathianni chawhnu khan Mualpui Bial, Salem Veng Biakinah Kum 2024 Session atan Oneness Theological Seminary chuan zirlai pass chhuakte tan Graduation Day an hmang. He hun hi Rev. R. Laltlankima, Principal chuan kaihruaiin Rev. H. Lalropuia, District Secretary chuan hunserh a hmang a ni. Result puanna, Pastor Laltlanhlua Hnamte, Secretary, TEB chuan neiin Graduate Confering Rev K. Malsawmtluanga, Principal, CBC chuan a nei bawk a ni. He hunah hian fuihna thu Rev. C. Laldintluanga hnen atangin ngaihthlak a ni a, District hnuaia Department hrang hrang aiawhte hnen atangin thusawi tawi ngaihthlak a nih bakah Zirlai pass chhuakte hnenah thilpek pekna an nei bawk a ni. Rev Lalduhsanga, NMD Superintendent chuan thusawi tawi nei bawkin zirlai aiawhin Upa Isak Lalnunfela hnen atangin thusawi ngaihthlak a ni a, Sis. Lalchhandami leh Sis. Lalmuansangi ten zaia rawngbawlna an nei bawk. Thilpek hlanna Rev. VL. Hnemtluanga kaihhruaiin neih a ni bawk.
Kumin 2024 Session-ah hian zirlai mi 7 ten zirchhuakin Certificate in Theology (CTh.) hlan an ni. OTS te hian June thla chhung khan District Building-ah Class kalin July 2 atanga 4 chhung khan Exam an nei a ni. Kumin-a zirlai passed chhuak te:
1. Evan. Vanlalthlamuanpuia, Hnahlan.
2 Bro. Franky Lalpianfela, Khanpui.
3 Bro. Joshua Lalnunsanga, Armed Veng ‘S’
4 Bro. Lalfakzuala, Bethlehem
5 Bro. Lalnunmawia, Bethlehem
6 Bro. Nangliandawnga, Muanna Veng
7 Upa Isak Lalnunfela, Champhai Venglai
———-
District PYD OB te fehchhuak:
District PYD OB ten ruahmanna an siam angin July 8 Thawhtanni khan Bawngkawn Bial tlawhin hlim takin hun an hmang a, Bawngkawn Bial te hian Peniel Kohhranah an lo thleng a ni. Inkhawm hi Bro. Lalchhuansanga Bial PYD President chuan a kaihruai a, Evan. Lawmsangkima, District PYD Asst. Secretary chuan thusawi rawngbawlna a nei thung a ni. He hunah hian Bawngkawn Bial PYD Secretary Bro. Pc. Lalbiakdika chuan inhmelhriattirna leh report pe in Pastor J. Lalhmingsanga, District PYD President hnen atangin thusawi tawi ngaihthlak a ni bawk. Bawngkawn bial atang hian Duet ngaihthlak a nih bakah Bialtu Pastor Rev. Vanlalfela Ramtiam chuan Bawngkawn Bial Zaipawl Music Video tlangzarhna neiin Music Video thlirhona neih nghal a ni.
District PYD te hian kumin chhung hian Aizawl khawpui chhung Bial hrang hrangte tlawhchhuak turin ruahmanna an siam a, May 20 khan Zemabawk Bial-ah hun hmang tawhin June 3, khan Zemabawk North Bial-ah hun an hmang leh July 24, khan Thuampui Bial tlawhin Bazar Bial -ah July 15, Bethlehem Bial -ah August 5, August 19-ah Upper Republic Bial bakah Mualpui Bial -August 26 te ruahmanna an siam a ni.
———-
Mithar leh Baptisma chang thar:
July 5, Zirtawp zan khan Zemabawk bial, Tuirial Kohhranah Evan H Lalrinfela rawngbawlna atangin mi thar, Chhungkaw khat, Member 6 chu Kohhranah sengluh an ni.
Tuirial ah vek hian July 7, Pathianni khan Baptisma rawngbawlna neih a ni a, mi 7 in sula ngaihdamna baptisma changin an zinga 2 hi mithar an ni.
July 7, Pathianni zan khan Bungbangla kohhran, Zemabawk biala lawi turin member 2 chu Kohhranah sengluh an ni bawk.
July 7, Pathianni zan vek khan Zemabawk North Bial, Dinthar Local-ah mi thar 2 chu Kohhranah sengluh an ni bawk.
Facebook