GENERAL HRUAITUTE PROGRAMME:
General Superintendent, Rev. R. Lalrinsanga chuan December ni 16 atanga ni 18 chhung hian Kolkatta Field Silver Jubilee leh Field Conference hman puiin rawngbawlna a nei ang. Kolkatta Field Conference hmang tur hian North Mizoram District OB 3 te leh Lunglei District Superentendent te an kal bawk a ni.
General Superintendent hian kumin 2022 Krismas ni hian Mualpui Kohhran ah rawngbawlna a nei bawk ang.
General Secretary Rev. Zohmingthanzama chuan December ni 18 Pathianni zan hian Bazar Kohhran-ah thusawi rawngbawlna a nei anga, December ni 25 Krismas ni chu a lawina kohhran North Mizoram District Headquarters, Tuikhuahtlang ah a hmang ang.
General Treasurer Rev. Lalmalsawma Sailo chuan December ni 17 inrinni zan atanga hian Pathianni thleng Aibawk Kohhranah rawngbawlna a nei ang. Krismas ni hian LPS Vision kal tlangin Krismas thuchah a sawi bawk ang.
General Sunday School Director Rev. R. Laichhingpuia chuan December ni 18 Pathianni hian Bazar Kohhran Aizawl East District ah rawngbawlna a nei ang. December ni 25 Krismas ni ah a lawina Mualpui kohhran ah Thusawi rawngbawlna a nei bawk ang.
General Missions Director Rev. Biaksangzuala chuan December ni 16 atnga ni 18 chhunga Assam Missions Field Conference vawi 25-na leh Silver Jubilee lawmna ah hun a hmanpui anga, Itanagar, Arunachal Missions Field ah Work Camp neih chhun zawmin, Krismas pawh Itanagar ah hian a hmang nghal ang.
———-
PENNET ADVANCE CHRISTMAS
December ni 13 Thawhlehni zan khan General Headquarters Office tual ah UPC North East India Media cell PENNET buatsaihin TV Programme a chhuah tur Advance Christmas 2022 hman a ni a, He hun hmang tur hian District hrang hrang a zaimi te sawm niin Christmas thuchah te ngaihthlak a ni bawk. He Programme hi Kohhran mipui te en theih turin Pennet Youtube Chanel dah a ni.
———-
GENERAL HEADQUARTERS OFFICE:
UPC North East India General Headquarters Office, Mualpui Salem veng, Aizawl chu December ni 20 Thawhleh ni hian kum 2022 chhung a tan khar rih a ni dawn a, Kum 2023 January ni 6-ah mipuite dawr theiha hawn leh a ni ang.
———-
———-
CHURACHANPUR DISTRICT NEWS:
Churachandpur District Superintendent, REV. PAOSEI chuan Dec. ni 9-12 chhung khan Parbung Section tlawh in a zin chhuak a, Bial Board leh Senvon Local Church Board meeting neihpuiin Senvawn Local Sunday School Hall sakna tur Dist. Sanction Rs. 60,000/-a hlan nghal a ni.
DS Programme:-
1. Dec. 16th Friday zan hian Singngat Section Missions Conference 1-na Phaikhothang Local ah a honna leh hlanna a nei ang.
2. Dec.17th Saturday hian Mongnelphai Biak in hawnnaah rawngbawlna a nei ang
3. Dec.18th hian S. Buolkho ah rawngbawlna a nei ang a, zanah Tuibong Local ah rawngbawlna a nei leh ang.
REV. LALZAWM Dist. Secretary in Dist. Hq.inkhawm a ṭawiawm ang.
REV. B. LALZAMLUAIA Dist. Treasurer in Dec.13-18,2022 Lehlang Camp speaker ni mek in Moreh Local, Imphal Dist. ah rawngbawlna a nei mek bawk.
———-
———-
LAWNGTLAI WEST DISTRICT
District Hruaitute Programme:
District Superintendent, Rev.F.Lalbiakthuama chuan Dec. ni 18 Pathianni ah chandmary kohhranah Nauhlan rawngbawlna a nei ang.
District secretary,Rev.Lalsawmliana Sailo chuan Dec.17 inrinni zanah Bethel Local church-ah sacrament rawngbawlna a nei anga, Dec. 18 Pathianni zanah Chandmary Local Church ah Sacrament rawngbawlna a nei bawk ang.
———-
TOUR PROGRAMME OF DISTRICT MISSIONS SECRETARY_
Dist.Mission Secretary Evan GB Lalawmpuia chuan District chhungah Missionary support zawnna a neia tiang hian Programme a siam a ni.
Date.11/12/2022(Sun) – Lunghauka. Director nen Kohhran thar Form-na ah.
Date.14/12/2022(Wed) – Vathuampui.
Date.15/12/2022(Thu) – Damdep.
Date.16/12/2022(Fri) – Vaseikai.
Date.17/12/2022(Sat) – Chamdurtlang – Mautlang.
Date.18/12/2022(Sun) – Vathuampui.
Date.18/12/2022(Sun-Zan) – Chamdur ‘P’.
Date.19/12/2022(Mon) – Chikhurlui – M.Kawnpui – Lawngtlai.
———-
MITHAR LAWMLUH LEH BAPTISTMA RAWNGBAWLNA
December ni 11 Pathianni khan Bungtlang South bial Lunghauka hmunah mithar chhungkaw riat(8) member sawmthum(30)awmna chu Rev.F.Lalbiakthuama Dist.Supdt chuan UPC North East India Kohhran ah a lawmlut. Lawmluh tak te hi bialtu Pastor K.Lalzawmsangan chuan Isua Krista hmingin baptistma a chantir nghal a ni.
December ni 11 Pathianni khan Tuidangchhuah field ah Evan Laineihtluanga chuan chhungkaw khat(1) member pathum(3) awmna chu Lalpa Isua hmingin Kohhran-ah lawmluhna a nei.
———-
NAUHLAN RAWNBAWLNA NEI
December ni 11 Pathianni khan Lawngtlai AOC Local church ah Rev.TV.Mawngchina Dist.Sunday Sikul Director chuan nauhlanna a nei a ni.
———-
———-
CHHIMTUIPUI DISTRICT
DISTRICT BOARD COMMITTEE NEI:
December ni 14 leh 15 chhung khan Chhimtuipui District Board vawi 179 na District Committee room ah neih a ni. District board hi Rev.Joseph L.Thlauhthang District Superintendent chuan kaihruaiin, board member te an kal kim thei a ni.
December ni 14 tlai khan District board member ten pension a chhuak mai tur, Rev.Dr.C.Sihmo District Missions Director pual a chawhlui buatsaih an kilho nghal a ni.
———-
THILPEK HLAN:
Chhimtuipui District Hqrs Local New siaha ten Krismas pualin Damlo te thilpek an hlan:
Chhimtuipui Dist LAD conf vawi 46-na Bualpui ‘NG’ hmun a neih chuan kumin chhung hian LAD ten vangtlang tan a tangkai turin nikhat hlan ve nise tia a lo rel chu bawhzuiin December ni 10 inrinni khan District hqrs Local New Siaha chuan District Hospital Siaha a damlo te krismas thilpek an hlan.
Thilpek hlanna ah hian District Hospital a staff ten lo dawng sawngin ruahmanna fel tak an lo siamsak a a ni.
———-
———-
AIZAWL EAST DISTRICT
District Board tluang taka neih zawh a ni:
Aizawl East District hnuaia rorelna sang, Kumtawp District Board chu December 6 atanga 8 chhung khan tluang taka neih zawh a ni. District Board hi December 6, Thawhlehni khan Rev. KVL. Hmangaihkima, District Superintendent kaihhruaiin Committee room-ah neih tan a ni a, December 8, Ningani zan khan tluang takin an nei zo a ni. Tun tum District Board-ah hian Board member an kalkim thei a ni. He Board-ah hian bial atang leh Official atangin agenda lut engemaw zat a awm a, an thu passed langsar zualte:
1. Ngentiang leh a chhehvel Tirhkoh Bial neia siam nise tih niin District Missions Department kutah awmin Ngentiang, Rullam, Lungpho, Thinglian leh Hmunzawl te huam se tih a ni.
2. Book Stall neih mek chu tih changtlun ni se tih a ni a, hetiang hian Managing Board din a ni.
Chairman: Rev.Rosanga Kawlni
Secretary: Pastor Laltlanhlua Hnamte
Treasurer: District Treasurer
Ex-Officio: District Superintendent & District Secretary
3. Hun reiloteah Office hmun hmain min zawh dawn loh avangin hmun remchang zawn ni se tih a ni.
4. Pentecostal Choir Support nan Kum 2023-ah Budget-ah dah ni se tih a ni.
5. District Missions Department inkaihhruaina dan (Service and Conduct Rules) approve a ni.
6. Tripura District Missionary dilna chu remtih niin Kum 2023 atan Missionary rawih tha tih a ni.
7. Dec.31.2022-ah Rev Rohmingliana a pension dawn avangin District S.S Director chu District Supdt.in lo hmui rih se, Bethlehem Bial Rev.C.Lalengliana, Upper Republic Bial in hmui se tih a ni bawk. NEI Executive Board member a nihna chu Rev.H.Lalropuia, District Treasurer in chelh chhunzawm se tih a ni bawk. January 6.2023-ah District Office-ah Charge inhlan se tih a ni.
8. Dec.5, Thawhtan zana Rev K.Ropara te chhungkua in chhiat an tawhah District Board member ten sum thawhkhawmin tawrhpuina pek ve ni se tih a ni.
———-
District Office kharna hun hmang dawn:
Kum 2022 atan Aizawl East District Office chu December 20, Thawhlehni hian khar a ni dawn. Office kharna hun tawi District Office-ah hman tum niin kum 2023 atan January 6-ah mipuite dawr theih turin hawn leh a ni dawn a ni.
———-
District Missions Evangelist la thar:
December ni 14.12.2022 khan District Missions Department chuan, Missions Evangelist Kum 2023 chhung athawk tur lakna District Committee Room-ah a nei a. Diltu mi engemawzat te’n interview-na an nei a ni.
Kum 2023-chhung atan Mi 12- lak phawt an ni a, tul leh pawimawh dan azir in lakbelh leh theih tur a ruahmanna siam a ni.
Kum 2023-chhunga District Missons Evangelist lak thar leh an awmna tur Post hetiang hian siam nghal a ni
1.Evan Lalhmingmawia (Armed Veng South) – Khawbung Bial
2. Evan Philip VL Hmuchhuaka (Kawlkulh) – Keifang Bial
3. Evan R Lallawmzuala (N Vanlaiphai) – Thuampui Bial
4. Evan F Vanlalruata (Sailulak) – Chhingchhip Bial
5. Evan Vanlalchhawrzela (Khawlailung) – Kahrawt Bial
6. Bro Lalzuisanga (Riangtlei) – Kawlkulh Bial
7. T.Upa Ramchhuanawma (Phullen) – Khawlian Bial
8. Evan Thangneihsanga (Tuirial) – Zemabawk Bial
9. Bro. Joseph VL Hmangaihzuala (N Vanlaiphai) – Suangpuilawn Bial
10.Evan Lalhunthara (Sakawrdai) – Zokhawthar(Bethel Bial)
11.Bro. Nany Vanlalhriata (Sakawrdai) – Zohmun Bial
12.Bro.Lalvenhima (Serchhip) – Bethel Bial
Sis.Sangkhumi B/W chu Kum 15 chuan lo thawk tawh in, Kum 66 lai mai alo ni tawh a, Missions Evangelist atanga hahchawlh tir a ni a. Cheng 100000 (Nuaihkhat) in Missions Department in thlahna thilpek a hlan ang.
———-
ASC Home-ah thilpek pe:
Ex-Pentecostal Choir, Aizawl East District te chuan Kolasib hmuna ASC Home Chapel a hman tur Audio Mixer 6-Channel chu December 10,2022 chhun dar 1:30 khan an hlan. Thilpek hlanna ah hian memberte kalin a hmunah hlanna an nei a ni.
Ex Pentecostal Choir memberte hian ASC Home tanpuinan hian Sum thawhkhawm in Mixer bakah hian Naupangte mamawh tur leh eiturte an hlan tel bawk a ni.
———-
Mithar leh Baptisma chang thar:
December 11, Pathianni khan Champhai Bethel bial, Melbuk Kohhranah Evan MH.Laldingngheta rawngbawlna kaltlangin mithar 2 Kohhranah sengluh an ni.
———-
Chehrep Preaching Point tlawh:
December 10 leh 11 hmang khan District Superintendent,Rev KVL Hmangaihkima leh District Missions Director,Rev VL Hnemtluanga te chuan Keifang Bial, Chehrep Preaching Point tlawh in hun an hmang.
Preaching Point ah leh Keifang Kohhran Biakin ah Thuthlung puanna an nei a, Kohhran ten an hlawkpui tak zet a ni. Kohhran dang atangin tawiawmtu an awm reng a, Keifang Bial te an lawm hle a ni.
———-
Camping nei, mithar senglut:
Sakawrdai Bial Missions te hmalakna in Sakawrdai Vengpuiah December 5 atanga 10 chhung khan Siamthar lehna Camping buatsaih a ni a, Rawngbawl turin Bro.H.Vanlalhruaia leh a team te chah luh an ni.
He Camping hi Thlarau lam malsawmna tam tak nen hun hman a ni a. Mi 11 in Isua hmingin baptisma an changa, an zinga mi 1 hi mithar a ni, mi eng emaw zatin Thlarau Baptisma an dawng bawk a ni.
———-
———-
NORTH MIZORAM DISTRICT
HRUAITUTE PROGRAMME:
DISTRICT SUPERINTENDENT: District Supdt. Rev Chhiarpuia chuan Kolkota Field ten Dec. ni 16 – 20 chhunga Silver Jubilee an hmanna tura sawm a nih angin a hmanpui ang a, Dec. ni 21-ah Zawlnuam Bial Tuidam kohhran Krismass hmanpui turin a fechchuak leh nghal ang.
DISTRICT SECRETARY: Dist. Secretary Rev. K. Lalduhsanga hian Dec. ni 16 – 20 chhunga Kolkota Field ten Silver Jubilee an hman turah Programme a neih angin a hmanpui ang.
DISTRICT TREASURER: NMD Treasurer Rev. C. Lalthantluanga chuan Dec. ni 9-15 chhung khan Odhissa Mission Field-ah rawngbawlna neiin; Dec ni 16-20 hian Kolkatta Missions Field Confe a hmanpui leh a, Krismass hi Tlangsang Kohhrante’n hmang tura an sawm angin Dec. ni 23-28 chhung Tlangsang Kohhranah rawngbawlna a nei dawn a ni.
———-
NMD DISTRICT MISSIONS BOARD NEI:
NMD Mission Deptarrtment Board chu Dec ni 1 Ningani khan North Mizoram District Missions Dept chuan Board thutkhawm neiin; Dist. Missions Director Rev. C. Lalramthanga’n meeting a kaihruai a, an rorel pawimawh zingah Kum 2023 atan Budget ruahmanna neiin Rs. 187,93,000 an passed.
Missionary lak thar, Probation Period hmang mekte MR Bill theih dan te, District Home Missions Field enkawl dan ennawn te an rel bakah Home Missions Field a Sunday School zirtur an mahni tawng ngeia Zirlaibu siamsak an passed a, Missionary te thla bi hlawh lak thin Pay revise neih a nib awk.
Missionary Transfer and Posting khawihin; Office-a awm mek Sist. Lalhriatkim chu Bukvanneiah PP-ah awmin, Bajerung Missionary Evan. RS Lalnunmawia chu Office lamah Account Assistant turin kum 1 chhung atan lak a ni bawk.
———-
NORTH MIZORAM DISTRICT PYD CONFE VAWI 55 NA CONF ROREL NEI:
Dec. ni 2 khan North Mizoram District PYD Confe rorel vawi 55-na Evan. Jeno Vanlalruata NMD PYD President kaihhruaiin Hqrs. Biak In Tuikhuahtlangah neih a ni.
Confe rorel hian hetiang hian Confe thlenna tur hmun a ruahman
a. 2023 – Bairabi Bial
b. 2024 – Headquarters Bial (Rorel inkhawm)
c. 2025 – Rengdil Bial
d. 2026 – Headquarers Bial (Rorel inkhawm)
e. 2027 – Thenzawl Bial.
2. Dist. PYD hian kum khatah vawi 1 emaw vawi 2 tal PYD member te competitive exam an hmachhawnna kawngah hmasawn zual theih nan leh coaching kalna tur nei lo te tan free coaching hi buatsaih thin ni se tih chu passed a ni bawk.
NMD PYD Confe Report bu-in a tarlan danin atangin hetiang hi NM. Distrct PYD dinhmun a ni:-
1. PYD Members = 7232
2. Kum hmasa aia punna = 263
3. PYD Dinna = 148
4. Lehkha tara innei = Tuak 40
5. Zukhmuam ti lo = 2018
6. Zukhmuam nghei thar = 101
———-
NORTH MIZORAM DISTRICT OFFICE BUILDING CHUNGA COMMITTEE ROOM SAK THAR HAWN A NI:
Dec. ni 06 thawhlehni chhun Dar 12:00 khan North Mizoram District Office Building chunga Committee Room sak thar chu Rev. Chhiarpuia Dist. Supdt. chuan Lalpa Isua hmingin a hawng.
Committee Room inkhawm hunserh Rev. K. Lalduhsanga, NMD Secretary-in kaihruaiin District Committee room sak chhoh dan report tlangpui a pe a, Committee room hlan tawngtai District District Board member ten an nei a, Dist. Supdt. Rev. Chhiarpuia’n kumk 2023 Nilai THupui zirtur a tlang zarh bawk.
———-
NMD MISSIONS LEADERS AND DIRECTORS TEN DIMAPUR FIELD AN TLAWH:
NMD Board-in a passed angin District Missions Board members Bial Director 9 leh District Missions hruaitu 3 te chuan Dec 9 – 13 chhung khan NEI UPC General Missions Field zinga Dimapur Missions Field kohhran hrang hrang an tlawh. Field visit hi Dist. Missions Director Rev. C. Lalramthanga leh OB dang pahnih hovin an chhuak a, Dimapur Missions Field 24 zingah Kohhran 17 tlawh hmanin, heng Kohhran hrang hrang zingah hian vawngkethem kohhran Biak in siam that ngai siamthat nan Rs. 50000 an pek bakah Guest Room pualin Rs. 3000 an hlan a, Hei bakah hian Chumukedima Pastor quarters tui pump leinan Rs. 13000 te, Torte-Apum kohhran Biak in wiring nan Rs. 3000 an pe bawk.
———-
QUARTERS THAR HAWNG:
Dec. ni 14 Nilaini chhun dar 12:00 khan Hunthar bial pastor quarters sak thar chu Rev. Chhiarpuia Superintendent North Mizoram District chuan Lalpa Isua hmingin a hawng.
Qtrs. Hawn inkhawmah hian Rev. K.Lalduhsanga Secy. NMD chuan ṭawngṭaina a hmang a, Quarters chhung hunserh hman chhunzawm nghal niin Hunthar Bialtu Pastor Rev. H. Zabiaka Kaihhruaiin
Technical report Evan. K.Tlangthanmawia bial Secy. chuan a pebawk. Hunthar bial Quarters hi Sept. 2021 ah sak ṭan niin; fits 45×31 a lian a ni a, Room 6 a awm bawk a ni.
———-
———-
LUNGLEI DISTRICT
DISTRICT BOARD VAWI 207-NA :
December ni 7-8 chhung khan District Board vawi 207-na chu District UPC Conference Hall-ah Superintendent Rev.C.Vanlalena kaihhruainain neih a ni a, an rorel tlangpuite:
1. 2023 Project atan Master plan chhunzawm zel nise, Kohhran ram khawpui chhungah lei turin hmalak nise tih te a tel.
2. Pastor Quarters sak leh Maintain-na tur hengte hi pek an ni ang.
– Rahsiveng Quarters
– Hnahthial Quarters
– Headquarters Quarters
– Chawngte Quarters – New Construction
3. Biak in tan a dilna pekte
– Haulawng Lamthuamthum
– S. Vanlaiphai
– Dinthar, Tlabung
– Lalnutui
– Emmanuel (Zobawk)
4. Dist. Music Committee in inenkawlna dan an siam approved a ni. (zaipawl enkawlna leh Sound/ instrument enkawl dan)
5. Press Board dilna:
– Perfect Binding Machine lei turin Project ah neih nise. – Lalchhawnmawii, Press lama casual worker chu kum -2 atan MR ah lak a ni.
6. Driver Post nghet -1 la turin Advertisement chhuah nise.
7. Biakin sa te tanpuina rate ennawn a ni a, tih pun a ni.
8. District Revival Committee din nise tha tih a ni. 9. CPCC Project Director, Kolasib a deputation kal turin Pastor K. Vanlalhruaia ruat a ni.
2023 District Department hruaitute:
MISSIONS DEPARTMENT:
Director – Rev C. Lalhriatpuia
Secretary – Evan V. Lalduhawma
Treasurer – Sist. R. Khawngaihzuali
SUNDAY SCHOOL DEPARTMENT:
Director : Evan PC. Zosangliana
Secretary : Evan R. Ropianga
Treasurer : Evan Remruatpuia Fanai
DISTRICT LAD :
President : Sist. Pc. Lalrinthangi B/W
Vice President : Sist. Lalhmunsangi B/W
Secretary : Sist. R. Lalramchhani
Asst Secretary : Sist. C. Lalremsiami
Treasurer : Sist. R. Lalramchhani
DISTRICT PYD:
President – Evan C. Lalremchhunga
Vice President – Upa C. Malsawmkima
Secretary – Evan Lalringzuala Pachuau
Asst. Secretary – Rbt. C. Lalrosanga
Treasurer – Evan Laldinpuia Sailo
Fin secy – Rbt. R. Lalsanglura
DISTRICT PCD:
President :Rbt C. Lalramluahpuia
Secretary : Bro. Jacob Ramengmawia
Treasurer : Bro. Pc. Vanlaltluanga
Transfer/ Posting:
-Tawipui Bial ah – Rev R. Vanlalenga
– Pastor K. Vanlalhruaia – CCPC Kolasib (Deputation)
– Rahsiveng Bial – Dist Treasurer in charge a la rih ang.
10. District kohhranpui hnuaia Sub Committee hruaitu atana ruatte:
1. LITERATURE:
Chairman : Evan. F. Lalhmangaiha
Secretary : Rbt. P. Samson Vanlalfela
Treasurer : Rbt. K. Lalrintluanga
2. BUILDING COMMITTEE:
Chairman : Upa TH Lalropuia
Secretary : Upa Lallawmawma
Treasurer : District Treasurer
Member :
– Superintendent
– Secretary
– Missions Director
– PYD President
3. PSM COMMITTEE:
Chairman : Rev.PC. Lalfakawma
Secretary : Upa C. Lalhmangaiha
Treasurer : Rbt. K. Lalrintluanga
Member :
– District Official
4. CEC SCHOOL:
Chairman : District Superintendent
Secretary/Treasurer : Principal CEC
Ex.Officio : Dist.Secretary & Treasurer
Member :
– Missions Director
– Rahsiveng bial Pastor
– Theiriat bial Pastor
– Evan.C.Lalremchhunga
– Upa C. Lalhmangaiha
5. OFFSET PRESS:
Chairman : District Secretary
Secretary : Manager Offset Press
Treasurer : District Treasurer
Ex.Officio : Dist.Superintendent
Member :
– Pukpui bial Pastor
– Headquarters bial Pastor
6. PENNET BOARD:
Chairman : Rev.C.Lalrintluanga
Secretary : Editor Pennet
Treasurer : Sist. R.Khawngaihzuali
Ex.Officio : Dist. Official
Member :
– Evan.Remruatpuia Fanai
– Luangmual bial Pastor
7. THIANGHLIMNA COMMITTEE:
Chairman : Rev. H. Rothuama
Secretary : Evan. V. Lalduhawma
Treasurer : Sist. Lalramlawmi Sailo B.w.
8. CEC VICE PRINCIPAL
Evan.R.Lalnunthara
9. PBS BOARD:
Chairman : Dist.Superintendent
Secretary : Dist.Secretary
Treasurer : Dist.Treasurer
10.MUSIC COMMITTEE :
Chairman : Rev. C. Lalhriatpuia
Secretary : Rbt. Lalruatkima Hrahsel
Treasurer : Dist.Treasurer
11. REVIVAL COMMITTEE:
Chairman : Dist.Superintendent
Secretary : Evan. T. Lalzawmsanga
Treasurer : Sist. Lalramkungi Pachuau
Ex Officio :
– Dist. Secretary
– Dist. Treasuser
———-
QUIZ COMPETITION:
December ni 6-9 chhung khan Education Committee, PYD Lunglei District buatsaih Quiz Competition chu Headquarters Local Sunday School Hall-ah neih a ni.
He Quiz Competition ah hian Local 11 an tel a, inelna hi zan thum neih a ni a, First Round zan khatna a Local 5 in lan zingah Venghlun leh Luangmual Local ten Final Round an lut a, zan hnihna hi December ni 8 (Thu) zanah neih chhunzawm a ni a, hetah hian Rahsiveng leh Mualthuam N E;ectric Local ten final round an lut ve leh bawk. Tin, first round zan khatna leh zan hnihna a 3-na zinga point hmu sang zawk Electric veng Local-te chuan Final round hi an lut ve bawk.
Quiz Final Round hi December ni 8 (Fri) zan khan neih a ni a, hetiang hi an nihna lak dan a ni.
1-na : Rahsiveng Local
2-na : Electric veng Local
3-na : Venghlun Local
4-na : Luangmual Local
5-na : Mualthuam N Electric Local
1-na atanga 3-na te hian pawisa leh Momento an dawng theuh a, 4-na leh 5-na hian pawisa an dawng bawk.
Rahsiveng Local PYD aiawh hian Bro.Lalmuanpuia Sailo leh Sist.Rachel K.Lalhmangaihzuali te an tel a ni.
He quiz Competition ah hian Bible (Matthaia, Marka, Luka, Johana) General Knowledge, Church History, Audio and Visual Round hmangin intihsiakna hi buatsaih a ni.
Facebook