SUNDAY SCHOOL DAY
January ni 15 Pathianni hi UPC North East India ni pawimawh Sunday School Day a ni a, Kummin 2023 hi a vawi 43 na a ni.
He ni hian Tualchhung Kohhran tinah Sunday School pualin Programme te saima hun hman thin niin, Sunday School Day thuchahte chhiar chhuah thin a ni bawk. General Sunday School Department hian kumpuan thupui atan “Kan fate i chhanhim ang u.” tih chu a hmang mek a ni.
———-
UPC NORTH EAST INDIA KOHHRAN OFFICE HAWN A NI
January ni 6, Zirtawpni khan UPC North East India General Headquarters Office, Mualpui Salem veng chu kum 2023 a tan hawn tan leh a ni. He mirual hian UPC North East India hnuaia District hrang hrang Office leh Book Stall te pawh Kohhran mipui te dawr theih tur a hawn a ni bawk.
General Headquarters Office hawnni hian Committee room ah Inkhawm tawi General Secretary Rev. Zohmingthanzama kaihhruaina in neih a ni a, Rev. VL Tluanga Sinate chuan hunserh hmang in, Hruaitute hnen atangin fuihna leh thuchah te ngaih thlak a nih bakah staff ten Krismas leh kumthar hman dan report an pe bawk.
———-
UPC NORTH EAST INDIA HNUAIA DEPARTMENT HRANG HRANG TEN CHARGE INHLAN:
January ni 10, 2023 Thawhlehni khan UPC North East India hnuaia Department hrang hrangte leh Compassion Center, Kolasib khuangpuilam Project Director-te charge inhlanna General Headquarter Committee Room, Mualpui Salem vengah neih a ni.
Charge inhlanna hi General Official-te kaihhruaina hnuaiah neih niin, Kum 2023 atanga 2024 chhung a UPC North East India, Department hrang hrang hruaitu a tan a ruat tharte chu:
GENERAL MISSIONS DEPARTMENT HRUAITUTE:
1. Gen. Missions Director, Rev. R. Laichhingpuia
2. Gen. Missions Secretary, Rev. R. Vanlalawia
3. Gen. Missions Treasurer, Evan. F. Lalsangliana
GENERAL SUNDAY SCHOOL DEPARTMENT HRUAITUTE:
1. Gen. S.S Director, Rev. Biaksangzuala
2. Gen. S.S Secretary, Rev. JH. Zahluna
3. Gen. S.S Treasurer, Evan. R. Lalbiakfela
GENERAL PYD HRUAITUTE:
1. Gen. PYD President, Rev. C. Lalthantluanga
2. Gen. PYD Secretary, Evan. R. Vanlalpeka
3. Gen. PYD Treasurer, Evan. C. Lalruatsanga
GENERAL LAD HRUAITUTE:
1. Gen LAD President, Sis. Lalramthangi B/W
2. Gen LAD Secretary, Sis. Lalramlawmi B/W
3. Gen. LAD Treasurer, Sis. Krawschhuanawmi B/W
Compassion Center, Kolasib khuangpuilam Project Director, Rev. K. Vanlalhruaia, Lunglei District te an ni.
———-
GENERAL HRUAITUTE PROGRAMME:
General Superintendent, Rev. R. Lalrinsanga chuan January ni 14 leh 15 chhung hian South East Nagaland District Conference, New Thewati a neih chu hman puiin rawngbawlna a nei ang. Tin, January ni 17 Thawhleh ni hian Churachandpur District Board ah a telpui bawk ang.
General Treasurer Rev. Lalmalsawma Sailo chuan January ni 15 Sunday School Day ni hian Mualpui Kohhranah Thusawi rawngbawlna a nei ang.
General Missions Director Rev. R. Laichhingpuia chuan January ni 13 Zirtawpni khan DimapurField, Rotanpur Biak In hawnna a nei a, January ni 15 leh 17 hian Arunachal Missions Field, Along ah leh Manigaon ah Worker Seminar a neih pui bawk ang.
General Sunday School Director Rev. Biaksangzuala chuan N. Vanlaiphai Bial chhung Kohhran hrang hrang tlawh in rawngbawlna a nei a, January ni 15 Pathianni chawhnu hian Sunday School Zirtirtu te puala Seminar neih ah resource person atang bawk ang.
———-
———-
LUNGLEI DISTRICT
OFFICE HAWNG LEH TA:
United Pentecostal Church NEI Lunglei District Office chu January ni 9 Thawhtanni khan Kohhran mipuite dawr theih turin hawn a ni.
Office hawnna inkhawm tawi buatsaih a ni a, he hun hi District Superintendent Rev.C.Vanlalena chuan a kaihruaia, Staff ten Krismas leh Kum thar an hman dan report tawi an pek theuh hnuah Pathian hnena lawmthu sawina leh inhlan tharna hun an nei a ni.
———-
MI THAR:
January ni 7 Pathianni khan Sesawm Vengthlang Local-ah bialtu Pastor Lalengzauva chuan mi 4 Isua hminga Baptisma a chantir a, Pukpui Kohhran ah pawh bialtu Pastor Rev.H.Rothuama chuan mi thar 1 Kohhranah a lawmlut bawk.
———-
———-
NORTH MIZORAM DISTRICT
DISTRICT HRUAITUTE PROGRAMME:
DISTRICT SUPERINTENDENT:
Jan ni 14 leh 15 Inrinni leh Pathianni hmang hian Chawlhhmun Biak in thar hawnna Programme-ah telin Inrinniah Biak in hawnna a nei ang.
DISTRICT SECRETARY:
Rev K. Lalduhsanga chuan S.E Nagaland District Conference Jan ni 14 – 15 hmanga neih turah Conference a hmanpui.
DISTRICT TREASURER:
Janni 12 tlaiah kohhran tihtur tul tiin Kolasibah riak thlain Jan I3-ah Saiphai leh Vairengte IOB Biak in sak te a en anga, Jan ni 14 zanah Gen PYD President a nihna angin Gen Office Mualpuiah Meeting a neih pui ang. Jan ni 15 Pathianni zanah Hqrs. Bial Tuikual S-ah rawngbawlna a nei ang.
DISTRICT MISSIONS DIRECTOR:
Dist. Missions Director Rev. C. Lalramthanga chuan Jan ni 14 Inrinni zanah Chawlhhmun kohhran Biak in hawn programme Pathian thuchah a sawi ang.
———-
OFFICE HAWN NIAH PATHIAN HNENA INHLAN THARNA NEIH A NI:
UPC-NEI North Mizoram District te chuan Jan ni 6 Zirtawpni khan Kum 2023 atana Kohhran mipui leh a duh apiangte tana dawr theihin Office an hawng. Office hawnni hian DIst. Supdt. Rev. Chhiarpuia’n hun kaihruaiin, Office thawktute’n Krismas leh Kumthar hman dan report te an pek bakah Pathian hnena inhlan tharna hun an hmang.
———-
PG Managing Board thu:
Janaury ni 10 thawhlehni chawhma dar 11:00 khan UPC North Mizoram District enkawl PG Higher Secondary School Managing Board thutkhawm a ni a, Meeting Dist. Supt Rev. Chhiarpuia’n kaihruaiin – Kum 2023 chhunga hmasawn lehzuala zirna kalpui dan tur bakah School Building sak mek leh an thlenchin te sawiin, hna kalpui zel dan tur te an sawi ho a ni.
———-
BUILDING COMMITTEE THUKHAWM:
Jan ni 11 Nilaini khan North Mizoram District Building Committee chu NMD Committee room-ah thukhawmin NMD huam chhunga Biak ln leh Quarters sak chungchanga hmalakna kal mek te sawihona neiin; Biak in leh quarters sak thenkhat a hmuna hna kal dan hotute’n enpui tha an tih thu te an sawi.
———-
KUM 2022 KRISMAS LEH KUMTHAR 2023 HLIM TAKIN HMANG:
UPC NMD chhunga Kohhran 180 te chuan Kum kalta Krismass leh 2023 kumthar chu harsatna leh buaina lutuk awm lovin hlim takin an hmang thei a, Krismas leh kumthar hman chhung hian Mithar engemaw zat neiin; Kohhran hrang hrangah Pathian chawimawina te neih a nib awk.
———-
KOHHRAN UPA LEH DEPARTMENT RUAT THAR:
North Mizoram District chhunga Bial 31 leh Kohhran hrang hrangah te chuan January thla chhung hian rawngbawltu Upa leh Department hruaitu inruat tharna an nei mek. Bial Deptt hruaitute hi Bial Board khawih niin; Kohhran tin Upa leh hruaitu dang ruat hna hi Pastor kut a nit hung. Kohhran rawngbawltu ruat hna hi January thla chhunga tih zawh tur a ni.
———-
Ramlak rawngbawlna:
North Mizoram District Missions Department hnuaia Field 31 zinga Field thenkhat report atangin kum 2023 kum bul hman chhohah mithar 56 neih a ni. Mithar neih dan hetiang hi a ni.
Damdiai ah mi -7
K.Sarali -3
Marpara -1
Bawngva -21
Tupuibari N -2
Lungthir -11
Tumpanglui -2
Bajirung -5
———-
Missionary Campaign neiin fehchhuak:
North Mizoram District Missions Department OB meeting ruahman angin Kum 2023 Jan. Ni 8 Pathianni chhun leh zan hmang khan Kum 2023 chhunga Missioanry chawm theih leh support turte zawngin Campaigner an fehchhuak.
Campaign thawhkhatnaah hian Bial 25 chhunga kohhran engemaw zat tuamin Missionary chawm leh support tu thahnem tak an hmu a, Jan ni 15 hian a thawhhnihna an fehchhuak leh dawn a ni…
———-
———-
AIZAWL EAST DISTRICT
District Office hawn a ni:
January 6, Zirtawpni khan Kum 2023 atan Aizawl East District Office chu mipuite dawr theih turin hawn leh a ni. District Office hawnna hunserh tawi District Office-ah hman niin Rev R.Laltlankima, District Secretary chuan a kaihruai a ni. He hunah hian fuihna thu Rev KVL.Hmangaihkima, District Superintendent leh Rev H.Lalropuia, District Treasurer te chuan sawiin Office staff te chu thahnemngai taka an hna thawk turin an fuih a ni. District Office hawnnaah hian Krismas leh Kumthar hman dan hrang hrang Staff te hnen atangin report tawi ngaihthlak a ni bawk.
Kum 2023 atana Office hawnna hun tawi hi Rev VL.Hnemtuanga, District Missions Director chuan malsawm tawngtaiin a titawp a ni. He hunah hian Office Staff te an telkim thawkhat a ni.
———-
Pension in chhuak:
Bethlehem Bialtu Pastor, Rev.Rohmingliana, District S.S Director ni bawk chu vawiin Dec.31.2022 hian Pension in a chhuak ta.
Rev.Rohmingliana hi Kum 1992 khan Bialtu Pastor atan lak niin a pension thleng hian Kum 30 a service hman a, Bialtu Pastor a nih bakah hian Office-ah hun engemaw chen a thawk hman bawk a ni.
Pastor hna a thawh chhunga a Bial vawn tawhte:—
1. Sakawrdai Bial
2. Zemabawk Bial
3. Upper Republic Bial
4. Rabung Bial
5. Saitual Bial
6. Thingsulthliah Bial
7. Bazar Bial i/c
8. Bethlehem Bial
Kohhrana mawhphurhna hrang hrang alo chelh tawh thenkhatte:
1. Secretary/Treasurer, District Sunday School Department (NMD) : (1984-1989)
2. Secretary/Treasurer, District Missions Department (NMD) : (1990-1992)
3. Secretary/Treasurer, District Sunday School Department (AED) : (1995)
4. Treasurer, District Missions Department : (1996)
5. Director, District Sunday School Department : (2000-2004, 2021-2022)
6. Executive Board Member, UPC-NEI : (2000-2001, 2021-2022)
Rev.Rohmingliana hi December 28, Nilai zan khan Bethlehem Biak In-ah Bethlehem Bial te chuan thlahna hun an lo hmang tawh a, hetah hian District pawhin thlahna thilpek a pe nghal bawk a ni.
Rev Rohmingliana te hi tunah hian a nupui fanau te nen Thuampui-a anmahni In-ah an khawsa mek a ni.
———-
Charge inhlan:
December 31.2022-a Pension-a a chhuah tak avangin Rev.Rohmingliana, Bethlehem Bialtu Pastor leh District S.S Director ni bawk chuan January 6.2023, Zirtawpni khan District Board ruahmanna angin District S.S Director mawhphurhna chu District Superintendent Rev.KVL.Hmangaihkima hnenah charge a hlan a, Bethlehem Bial lo enkawl rih turin Rev.C.Lalengliana, Upper Republic Bialtu Pastor hnenah Bethlehem Bial Pastor mawhphurhna a hlan bawk. Charge inhlanna hi District Office hawn Prog.tawi neiahah neih nghal a ni.
———-
Work Camp cum Krismas hmanpui turin kal:
Aizawl East District PYD zaipawl, Pentecostal Choir te chuan December 22 khan Work Camp cum Krismas hmanpui turin Darjeeling an pana, dam takin December 30 khan Aizawl an rawn let leh. He hunah hian zaipawl member bakah District PYD OB atangin Evan C.Lalropuia, Fin.Secretary te kalin an vaiin member 18 an kal thei a ni.
AED PYD te hian North Bengal & Sikkim Missions Field hnuaia Darjeeling-Alubari Kohhran Biakin sak hna an thawk mek a, he Biakin sak work camp nei turin leh Alubari Kohhran te Krismas hmanpui turin Pentecostal Choir te hi an kal a ni. North Bengal & Sikkim Missions Field hnuaia Kohhran hrang hrangah inkhawm kualin hun hlimawm tak an hmang a ni.
———-
Zirlai tithate chawimawi:
Kum danga an lo tih thin angin January 9, Thawhtan zan khan Thuampui Biak In-ah Aizawl East District PYD Education Sub-Committee te chuan District chhunga zirlai tithate chawimawina hun an hmang. He hun hi Bro. Johny Lalthafamkima, Chairman chuan kaihruaiin Sis R.Lalmalsawmi’n hunserh a hmang a ni. He hunah hian fuihna thu Evan R.Vanlalpeka chuan sawiin Bro.Vanlalrinchhana, Secretary kaihhruaiin zirlai tithate chawimawina hun neih a ni. Sis Lalramliani Sailo leh Bro Lalruatdika ten zaia rawngbawlna an nei bawk a ni. He hunah hian zirlai kawng hrang hranga titha mi 12 te hnenah chawimawina hlan an ni a, Aizawl khawpui chhung bial hrang hrang atangin PYD member an tel thei a ni. Zirlai titha chawimawina hi District Kohhranpui hruaitute pawhin an telpui bawk a ni.
———-
District PYD Inkhawmpui atan inbuatsaihna neih mek a ni:
Kumin February 17 atanga 19 chhunga Zemabawk Bial ten District PYD Conference- Zemabawk Vengpui Biak Ina an thlen tur atan inbuatsaih neih mek a ni a, January 9, Thawhtanni khan a hmasaber atan hnatlang neih tan a ni a, January 14, Inrinni khan a thawh hnihna atan hnatlang an nei leh bawk a ni. Hnatlang hmasa berah hian member 50 vel thawkchhuakin Biak In thlang lam leh chhak lama pandal zar theih turin structure siam hna an thawk a ni.
District PYD Conference hi ruahmanna ang chuan Thingsulthliah Bial-ah neih tur a ni a, Thingsulthliah Bial te an remchan leh tak loh avangin December 2022-a District PYD Board neih chuan Zemabawk Bial-ah neih ni se tiin alo passed tawh a ni.
———-
District Missions Evangelist tirchhuahna neih a ni:
January 11, Nilaini khan Kum 2023 chhunga Aizawl East District Missions Department hnuai a Evangelist te chu tirhchhuahna neih a ni. Evangelist tirchhuahna District Committee Room ah neih a ni a, Seminar neih chhunzawm nghal a ni bawk.
Missions Evangelist tirhchhuahna hi Rev H Lalropuian a nei a, Rev K VL Hmangaihkima, Rev R Laltlankima leh Rev VL Hnemtluanga te Paper buatsaih chu zir hona an nei a ni.
Kum 2023 chhunga Missions Evangelist te Veng leh an awmna tur hmunte :
1. Evan Lalhmingmawia, Armed Veng – Khawbung Bial
2. Evan Philip VL Hmuchhuaka, Kawlkulh – Keifang Bial
3. Evan R Lallawmzuala, N Vanlaiphai – Thuampui Bial
4. Evan F Vanlalruata, Sailulak – Chhingchhip Bial
5. Evan Vanlalchhawrzela, Khawlailung – Kahrawt Bial
6. Bro. Lalzuisanga, Riangtlei – Kawlkulh Bial
7. T Upa Ramchhuanawma, Phullen – Khawlian
8. Evan Thangneihsanga, Tuirial – Zemabawk Bial
9.Bro Joseph VL Hmangaihzuala, N Vanlaiphai – Suangpuilawn Bial
10.Evan Lalhunthara, Sakawrdai – Zokhawthar
11.Bro Nanny Vanlalhriata, Sakawrdai — Zohmun Bial
12.Bro Lalvenhima, Serchhip —- Bethel Bial
———-
E.LUNGDAR BIAL REPORT
SAILULAK : Dt 7.12.22 atang khan Evan H Lalremhlua chuan Sailulakah rawng a bawla, Pathian thuthlung nasa taka sawiin kohhran pawhin an hlut hle a, thuthlung sawi ngai theilo deuh apiang luh khungin a um zui thin a, Kohhranho ten an thlamuanpui hle. Zaithiam Thartei Hnahlan chuẩn a tawiawm thin bawk a ni. Sailulakah hian Pathian chawimawina vawi 3 a awm tawh a ni.
LENG KOHHRAN : Rev K Malsawmtluanga, Principal CBC Shillong leh a nấu 4 CBC kal mekte chuan Dt 22-28th.Dec’ 22 thlengin Leng Kohhran ah Crusade neiin rawng an bawl a, an in pekna a ropuiin Pathianin mal a sawm hle, Speaker Rev K Malsawmtluanga phei chu tawng chhuak thei lo khawpin a aw a phui vek a, heti chung hian In tinah lengin tawngtaina an nei thin bawk a, Kohhran họ tên an hlut tak zet zet a ni. Tin an rawngbawl chhung hian chawimawina vawikhat awmin, Thlarau.thianghlim Baptisma chang thar mi 24 an awm a, Isua hminga Baptisma changthar mi 6 an awm bawk a ni. Tin Zuk leh hmuam nghei hlei thei lo ten theih tawp chhuaha tan lak an tum thu an sawi bawk ani.
———-
RABUNG BIAL KRISMAS & KUMTHAR REPORT.- Mithar 2 neih a ni:
Bial chhung Kohhran hoten hlim taka Krismas leh kumthar hmangin Chawimawina vawi 5 neih a ni a, January 6, khan Murlenah T Upa Luna te chhungkua chuan Sial in an chawimawi leh bawk.
Aiduzawlah Dt 17-28.12.2022 chhungin Evan Jh Lalhminghlua ,Dist Revival Team Speaker chuan rawngbawlna a nei a,a thusawi a tha in Kohhran hoten an hlawk pui hle a, a rawngbawlna ah hian Chawimawina te a awm bawk.
Pamchungah Evan Lalramthara, Bethlehem a mi chuan rawngbawlna a nei a, Krismas leh kumthar hlim taka hmangin chawimawina te a awm bawk a,Kohhran hoten an kham lo takzet a ni.
Dt 1.1.2023 Sunday Kumthar ni ah Hliappui ah nau 5 hlan a ni a, Dt 2.1.2023 Monday zanah Presbyterian atangin Member 2, Nula leh tlangval Bialtu Pastor in sengluhna a nei bawk a ni.
———-
Mithar leh baptisma chang thar:
December 24.2022, Inrinni zan khan District Missions Evangelist Evan Philip VL Hmuchhuaka rawngbawlna, Chehrep Kohhranah Chhungkaw Khat member Panga(5) chu Kohhranah senguh an ni. Sengluhna hi Evan.Philip VL Hmuchhuaka chuan a nei a ni. December 25 khan member 3 chu sengluhna Bialtu Pastor J.Lalhmingsanga chuan nei leh bawkin nau pathum hlan an ni bawk.
Khawruhlian bial Kepranah December 25, Christmas Ni tak khan mi thar 2 (nu fa) kohhranah sengluh an ni.
Mi thar hi Evan R.Lallawmzuala, Dist Missions Evangelist in Baptisma a chantir a, naute hi hlan nghal a ni bawk. Bialtu Pastor Hmingchungnunga Ralte chuan kohhranah a senglut nghal a ni.
December 25, Christmas Ni tak khan CTI Kohhran, Thingsulthliah Bial-ah chhungkaw khat member 5 chu Kohhranah sengluhna neih a ni.
CTI ah hian Healing Ministry ten rawngbawlna an nei a, member lawmluhna hi, District Revival Speaker Rev. H. Vanlalchhanan a nei a ni.
January 8, Pathianni khan Champhai Bethel Bial Hqrs Kohhrana lawi turin member thar 4 sengluhna neih a ni a. Nau1 hlanna neih a ni bawk.
Member sengluhna leh nauhlan rawngbawlna hi Evan. C. Lalpiangthara an a nei a ni.
January 8, vek khan Zembawk Kohhran a lawi tur in Member pakhat sengluh a ni bawk.
Member sengluhna hi Evan H. Malsawmthanga’n a nei a ni.
———-
Tuirial kohhrana
Rev H Vanlalchhana, Healing Ministry Team Rawngbawlna kal zel ah January 8, Pathianni khan Baptisma Rawngbawlna neih niin, Mi 10 in Baptisma chang in, an zing ah hian mithar 3 an tel a ni.
Jan.8, Pathianni chawhnu khan Thingsulthliah bial, Tlangnuam Kohhranah thuthlung rawngbawlna neih a ni a, mi pathumin sual ngaihdamna Baptisma an chang.
Baptisma rawngbawlna hi Bialtu Pastor V.Lalnienga’n a nei a ni.
8th.January,2023 Pathianni chawhma inkhawmah member thar Champhai Bethel Bial, Zion Kohhranah mi 10, sengluh an ni. Bethel Hqrs. Kohhranah hian Chawhnu inkhawm banah Thuthlung rawngbawlna neih nghal niin, mi pahnihin sual ngaihdamna Baptisma Bialtu Pastor, Rev. E. Vanlalpeka Zote kutah an chang a ni.
January 8, Pathianni vek hian Khawruhlian hmunah mithar 2 Kohhranah sengluh an ni bawk.
January 8, Pathianni zan inkhawm ah, Keifang Bial Chehrep Preaching Point a lawi turin Evan Philip Vl Hmuchhuaka rawngbawlna kal tlangin, Bial Pastor, Pastor J Lalhmingsanga chuan mi 5, Chhungkaw khat sengluhna a nei.
January 8, Pathianni Chawhma inkhawmah khan Mualpui Kohhran a lawi turin Member 16 sengluh an ni. Heng zinga Mi 5 te hi Member thar an ni
Chawhma inkhawmah vek hian Nau Pakhat hlan a ni bawk. Nauhlan rawngbawlna hi Bialtu Rev C Mawizualan a nei a ni.
January 8, Pathianni vek khan Saitual Bialah mithar 3 sengluh an ni. Mi 5 in Baptisma an chang a ni.
Saitual hmunah mithar 1 in Evan Benjamina kutah Baptisma a chang bawk Phullen hmunah Dist Evangelist Bro.Sawmtea te leh Dist Missions Evangelist T.Upa Ramchhuanawma Phullen te thawhdunna atangin mithar 2 leh Member nisa 2 ten Baptisma an chang a. Phullen amite hi Bialtu Pastorin lawmlutin a Baptist ani. Saitual ami hi Upa Lalthakima Bial Treasurer in a lawmlut thung ani.
January 8, Pathianni zan ah Kawlkulh Vengthar a lawi turin mithar 1 Bialtu Pastor in sengluhna a nei.
8.1.2023, Pathianni khan Serchhip Chanmari a lawi turin mi 2, nufa chu Evan Lalthankima’n sengluhna a nei a, Nu zawk hi Baptisma chantirna a nei nghal bawk.
Dt 8.1.2023, Pathianni zan khan Serchhip Ramthar a lawi turin member pakhat, Baptist kohhran a mi chu Bialtu Pastor Rev.C.Laldintluanga’n sengluhna a nei.
January 11, Nilaini khan Khawzawl Lungvar kohhran te chuan Baptisma Rawngbawlna Tuichang hmun ah an nei a, Mi 6 in Baptisma changin an zinga Mi 3 hi Mithar an ni.
Lungvar kohhran ah hian District Evangelist Evan H Lalhlimpuia’n Rawngbawlna nei in, Baptisma Rawngbawlna pawh hi a hmang a ni.
———-
———-
CHHIMTUIPUI DISTRICT NEWS
## BIAL HRANG HRANG KRISMAS LEH KUMTHAR HMAN DAN TLANGPUI :
1. SIAHA BIAL:
Siaha bial ah hian Local 3 leh preaching station 1 a awm a, Bialtu Pastor hi Rev K.Kawngkharmawia a ni. Krismas leh Kumthar Pathian awmpuina hnuaiah hlim taka hman ani.
SIAHATLA LOCAL:
Krismas hi Upa. H. Dopianga, Local Secretary in a thleng a, Bawng pa leh Vawk pa lian tawk tak maiin tisa ruai a buatsaih a,ni hnih ruai theh a ni. Zaikhawmna hi remchan zawkna avang in Biak In hman ani.
Kumthar hi kohhranho te thawh khawm atangin siam ani a, Kumthar ruai atan Vawkpa 50inch alian leh broiler, engemaw zat hman ani a, nihnihna ruai tur atan Upa. H. Dopiangan Rs.10000 a hma hruai leh in, mi thahnemngai te thawhkhawm atangin vawkpa 47inch lei leh ani a, hun hman chhunzawm a ni. Zai boruak a kang chho zel a Ni 8.1.2023 thleng kumthar prog. hman ani a, kumthar hi Rev. K. Kawngkharmawia Bialtu Pastor in a hmanpui a, hunpui hman chhung hian Thlarau baptisma chang thar 3 leh Tui baptisma chang 8 an nei ani.
COLLEGE VAIH LOCAL:
Krismas hi Upa. L. Mahu Local Treasurer in a thleng a, Bawngpa lian tak leh vawk pa lian tawk tak leh broiler te nen a thleng a, kohhran ho ten nihnih ruai an theh a ni. Krismas hi Rev. K. Kawngkharmawia Bialtu Pastor in a hmanpui a ni.
Kumthar hi kohhrante thawhkhawm atanga siam ani a, Vawk, broiler, Sangha hring leh arep leh vegetable hrang hrang te nen ruai siam ani.
Kohhranho ten Pathian awmpuina hnuaiah hlim takin hun an hmang a, thu leh hla lam a tla tha thei hle mai.
COLLEGE VAIH II LOCAL:
Krismas hi Upa. C. Zathata Local chairman ten an siam a, vawkpa lian tawk tak leh broiler te nen ruai siam ani. Kumthar hi Kohhranho thawhkhawm atanga siam niin nihnih ruai siam ani. Hunpui hman chhung hian kohhranho ten malsawmna tam tak an dawng a, naupangte zingah harhna athleng nasa hle a, kohhranho te an lawm hle a ni.
EPHETHA PREACHING STATION:
Krismas leh Kumthar hi kohhranho thawhkhawm atanga siam ani a, member tlemte mah nise Pathian awmpuina hnuaiah hlim takin hun an hmang a ni. Ephatha preaching station hi Home missionary Evan. Lalnunziran a enkawl mek a ni.
———-
2. SANGAU BIAL:
Sangau Bial ah hian Local 5 awmin Bialtu Pastor hi Pastor V.Lalhlimpuia a ni a. Krismas leh Kumthar hunpui hman chhung khan malsawmna nasa tak bial chhung Local hrang hrang a thleng a ni.
Tui Baptisma changthar mi 32
Hunpui chhungin Tui Baptisma sual tlenfaina tui khur Isua Krista hming in Sangau II Local ah vawi hnih hawn a ni a,mi 20(sawmhnih) in Baptisma an chang.Tin,Sangau Bethel Local ah vawi khat hawn a ni a,mi 12 in Baptisma an chang bawk.
Thlarau Thianghlim Baptisma chang thar mi 16
Hunpui chhungin Sangau Bial chhungah malsawmna ropui tak mai thlengin Sangau II Local ah thlarau Thianghlim dawng thar mi 13(sawm leh pathum) awm in,Sangau Bethel Local ah mi 3 (pathum) in Thlarau Thianghlim an dawng thar bawk.
Mithar 2 (Pahnih) lawm lut
Dt.9.1.2023(Monday) khan Pastor V.Lalhlimpuia Sangau bialtu Pastor in Sangau Bethel Local a lawi lut tur in mithar 2 (Pahnih) Isua Krista hming in a lawm lut.
Kum 2022 Christmas, Sangau Bial Kohhran min thlen sak tu te
1. Sangau I Local- Bro.K.Lalthathanga.
2. Sangau II Local- Bro.JB.Thanchhungliana.
3. Sangau Bethel Local-Upa.Zamhleia.
4. Pangkhua Local- Upa.Tluanglianthanga.
5. Sentetfiang Local- Upa.Kilkama.
Kum 2023 Christmas min thlen sak tu tur te
1)Sangau II Local-Upa Ls.Lalhmingthanga.
2)Bethel Local- Upa C.Duhthanga.
3)Pangkhua- Bro.Ronghaka.
———-
3. TUIPANG BIAL:
Tuipang Bial ah hian Local Church 4 leh Preaching Station 2 a awm a. Bialtu Pastor hi Pastor Robert B.Lalnunsiama T. a ni. Krismas leh Kumthar hunpui hman chhungin Local hrang hrangah malsawmna nasa tak a thleng a, tui baptisma chang thar te leh thlarau baptisma chang thar mi engemaw zat an awm bawk a ni.
TUIPANG V LOCAL:
Krismas leh Kumthar hunpui Pathian awmpuina hnuaiah hun hlimawm tak an hmang a. Kohhran ten tisa leh thlarau lam ruai hlim takin an kil thin a, Thlarau thianghlim dawng thar pawh mi 2 lai an awm a ni.
TUIPANG L LOCAL:
Hunpui hi Unaupa Lalzuithanga te inah hman a ni. Thlarau boruak a tla thain tisa leh thlarau lam malsawmna tam tak an dawng a, Thlarau boruak a thlen thar zel avangin Ni 6-8.1.2023 khan Chawimawina neih a ni a. Pastor Robert B.Lalnunsiama T. Bialtu Pastor chu Speaker a hman niin mi 2 in tui baptisma an chang a, mi 3 in Thlarau thianghlim baptisma an chang thar bawk a ni.
PHURA LOCAL:
Rbt.R.Lalengmawia te inah hun hman a ni a. Krismas leh Kumthar hunpui hman chhungin tisa leh thlarau lam malsawmna tam tak Kohhran te zingah a thleng a ni.
LAKI LOCAL:
Hunpui hi Unaupa Beihra te inah hman a ni a. Kohhran Thlarau boruak nuam tak hnuaiah hun an hmang a ni. Rev.Dr.C.Sihmo District Director Missions Dept in Krismas a hmanpui a, Kohhran te an lawm hle.
VAHIA PREACHING STATION:
Kohhran member tlemte an ni nain Home Missionary Evan.Khaching Aineh thahnem a ngaiin a tang hle a, Krismas leh Kumthar ah Kohhran ten hlim taka an hman nan tiin Vawk lian tawk tak pakhat ve ve a talh a. Kohhran dang atanga chhimtu pawh an thahnem hle a ni.
NEW LATY PREACHING STATION:
New Laty ah hian chhungkaw hnih chauh Kohhran kan nei a. Home Missionary Evan.P.Lalrintluangan Krismas leh Kumthar hunpui hi a thleng a. Pawn lam atanga chhimtute nen tisa leh thlarau ruai an kilho thin a ni.
———-
4. SOUTH LUNGPHER BIAL
South Lungpher Bial ah hian Local Church 4 awmin Bialtu Pastor hi Pastor L.Nghakliana a ni a. Krismas leh Kumthar hlim takin an hmang a ni.
CHEURAL LOCAL :
Rbt.Laltankima Lahnim te chhungkua in krismas an thlenga, member 251 vel an ni a, Krismas carol ah ₹36000(singthum sangruk) lai an hmu. Kohhran hote an hlim hle. Thlarau Thianghlim dawng thar panga lai an awm a, kohhran hote an lawm hle. Krismas leh kumthar ruai nawn ani a, kumhlui thlah zanah special programme siam ani a, kohhran hote an hlimin an phur hle. Bethel/peniel na hunte hmangin PYD (thalaite) pawh an phur hle.
LUNGTIAN LOCAL :
Lungtian Local ah hian Upa Kapthanga te chhungkua in krismas an thlenga , zaikhawm boruak a thain kohhran hote an hlim hle. Krismas & kumthar ruai nawn ani. Kum 2023 atan sadar hi Bro Thanthawngan a la bawk. Kohhran boruak a tha in malsawmna an dawng hle.
TUIPUI V (VARTEKKAI):
Home Missionary Evan.H.Lalhruaitluanga te chhungkua in an thutchilh a, Cheural local Mi 6, Siaha atang mi pakhat in an hmanpui bawk a. Zaikhawm boruak a thain an hlim hle. Kumthar ah hian Tarpho atangin mi pathum in an hmanpui bawk a. Kumthar ruai hi an nawn bawk a ni. Lalpa malsawmna an dawng hle.
S. LUNGPHER LOCAL :
Upa Thangphunga te chhungkua in krismas hi an thlenga, kohhran hote an hlim hle. Krismas inbuatsaih nan chawnghei tawngtaite neiin nasa taka in buatsaih ani. Krismas ah hian vawk pathum an talh a, a nawnna vawk pakhat nen vawk pali lai an chhungkua hian an thawh ani.
Krismas leh kumthar inkarah Thalaite tan Thuthlung inzirtirna hun kohhranpui buatsaih in neih ani a. A hlawkthlak tak zet ani.
Kumtharah vawk pahnih an talh a, ruai an nawn bawk. Zaikhawm boruak atha in kohhran hote an hlim hle. Kum 2023 atan sadar hi Bro Hunliana te chhungkua in an la bawk.
South Lungpher bial kohhran tin te boruak a tha a. Hmasawnna tam tak Lalpa zarah a thleng zel e.
———-
5.NIAWHTLANG BIAL :
Niawhtlang Bial ah hian Local 5 a awm mek a, Bialtu Pastor hi Rev.Lalhnehchunga a ni. Local tin ten Krismas leh Kumthar hlim takin an hmang a. Mi thahnemngai ten Sial leh Vawk te thawh in tun thleng hian chawimawina an la nei chhunzawm zel a ni.
NIAWHTLANG LOCAL:
Krismas leh Kumthar ah Kohhran ten malsawmna an dawng nasa hle a,baptisms khur hawn a ni a ,thlarau baptisma dawng thar an awm bawk.
SIATA LOCAL :
Krismas hlim taka hman niin kumthar phei chu hlimna a thleng nasa tharau baptisma dawng thar engemaw zat an awm a,Mi thahnemngai ten Sial, Bawng leh Vawk te thawhin tun thleng hian chawimawina neih chhunzawm zel ala ni.
SIATA BETHLEHEM LOCAL :
Thlarau boruak nuam tak hnuaiah hlim takin an hmang a,tisa leh thlarau malsawmna an dawng hle a ni.
AINAK LOCAL :
Krismas leh Kumthar hunpui hmannaah Malsawmna tam tak dawngin an hlim hle a. Crusade an nei chhunzawm nghal a, speakerah Unaupa H.Lalrinfela an hmang a ni.
NIAWHTLANG III:
An hlim hle a,tisa leh thlarau ruai thehin Kohhran ten boruak nuam tak hnuaiah hun an hmang a ni.
Ni 14.1.2023 (Inrinni)hian mi thahnemngai ten Sial,Bawng leh Vawk te thawhin heng Local Ainak, Siata leh Niawhtlang III ah te hian Chawimawina neih chhunzawm a ni dawn bawk a ni.
———-
6. BUALPUI NG BIAL:
Bualpui Ng Bial ah hian Local 4 a awm a, Bialtu Pastor hi Rev.MH Robin Lalthanmawia a ni. Hunpui ah malsawmna nasa tak an dawng a. Local hrang hrang in hunpui an hman dan.
BUALPUI ‘NG’ LOCAL:
Kum 2022 Krismas chu Upa K. Lalfela Local Chairman te chhungkua in an thleng a, ni 2 ruai siamin tisa leh thlarau lam malsawmna nen hlim takin hun an hmang a ni.
Upa K. Lalfela te chhungkua in Kum 2023 Krismas sadar an la leh bawk a ni.
CRUSADE NEIH A NI –
Krismas leh Kumthar inkarah Bualpui Ng Local chuan Chhandamna Crusade an buatsaih a, Rev. MH. Robin Lalthanmmawia Bialtu Pastor chu Speaker atan an hmang a, kohhranho te an hlimin malsawmna an dawng hle a ni. Crusade hun chhung hian Bethel hun hman a ni a, kohhranhote an chhuak tha in Pathian awmpuina an chang nasa hle a ni.
Tin, Baptisma khur hawn a ni a, mi 17 in sual ngaihdamna baptisma an chang a, mi 8 in thlarau thianghlim baptisma an chang bawk a ni.
VAWMBUK LOCAL:
Kum 2022 Krismas chu Upa Hmunnawla Local Chairman te chhungkua in an thleng a, tisa ruai vawi 1 siam a ni a, thlarau lam malsawmna nen hun an hmang a ni. Kumthar 2023 chu Unaupa Sangduna te chhungkua in an thleng a, ni 2 ruai nen hun an hmang a, malsawmna an dawng nasa hle a, Dt. 8. 1. 2023 zanah zaikhawmna hun an khar a ni.
Sr. Upa K. Hrechina te chhungkua in Kum 2023 Krismas leh 2024 kumthar sadar an la a ni.
ARCHHUANG LOCAL:
Kum 2022 Krismas chu Unaupa Thawngliana te chhungkua in an thleng a. Ni 2 pogramme an hmang a, tisa lam ruai vawi 1 an buatsaih a, kohranhoten thlarau lam malsawmna nen hun an hmang a ni.
Kum 2023 kum thar chu Upa T. Lalengzuala te chhungkua in an thleng a.Thlarau lam malsawmna nen hun an hmang a, Dt. 4.1.2023 ah kumthar thlengtu chhungkua leh kohhranho inthawhkhawmin tisa lam ruai an buatsaih leh a ni.
Rbt. Lalzawmpuia te chhungkua in Kum 2023 Krismas sadar an la a, Unaupa Engliana te chhungkua in Kum 2024 Kumthar sadar an la a ni.
TIALDAWNGLUNG LOCAL :
Kum 2022 leh 2023 Krismas leh Kumthar chu mimal in siam lovin Kohhranho in an thleng a, tisa lam ruai vawi 1 ve siamin thlarau lam malsawmna nen hun hlim takin an hmang a ni.
———-
7. SIAHA WEST BIAL:
Siaha West Bial ah hian Local 4 Preaching Station 1a awm mek a. Bialtu Pastor hi Pastor C Lalchhuanthanga a ni. Krismas leh Kumthar hunpui hman chhungin Kohhran ten malsawmna nasa tak an dawng a, Mi tharte lawm lutin Pathian hnathawh ropui tak tak a thleng bawk a, a lawmawm tak zet a ni.
HEADQUARTERS LOCAL:
Upa Zoramsanga te chhungkua in Krismas hi an thleng a, kumthar erawh chu kohhran in a tum a thung. Pathian malsawmna tam tak an dawng a, tisa ruai hi ni hnih zel theh ani bawk. tisa leh thlarau ah malsawm na tam tak an dawng a ni.
MEISATLA LOCAL:
Unaupa Ruatfela te chhungkua in krismas an thleng a, an ni chhung hian chawimawina an nei chhunzawm nghal bawk. Kumthar chu kohhran in an tum thung a, kumthar chhunzawm nan unaupa Thomas Beizilai te chhungin chawimawina an nei a, tin, Unaupa K Lalmuanawma’n Rs singthum a bul tanin thawh khawm leh a ni a, chawimawina neih zui ani bawk. He hunpui chhung hian Baptisma khur tum li hawn a ni a, mi 22 in Isua hmingin Baptisma an chang a, mithar 4 chhungkaw khat kohhran ah seng luh anni bawk. Chawimawina neih hun chhung hian Evan.K.Vl Tanmawia chu Speaker ah hman thin ani. Tin, Baptisma khur hawn anih chhung hian, Baptisma khur a chawi kuh ngai, Baptisma chan zawh a, mahni a in lam pan a kal thei ta mai te, Baptisma chan na tui in hnawih a ruh leh tha na dam nghal te an awm a, tin, thlarau Baptisma dang thar engemaw zat an awm bawk a, Pathian hnathawh ropui tak tak a thleng thin a ni.
COUNCIL VENG LOCAL :
Upa R Lalkunga te chhungkua in krismas hi an thleng a, kumthar erawh chu kohhran in an tum thung. Thlarau lam malsawmna nen hlim tak in hun an hmang a ni.
RIASIKAH LOCAL:
Unaupa Lalzawma chhungkua in krismas hi an thleng a kumthar erawh chu kohhran in an thleng ve thung. Kohhran member tlem te an ni nain Thlarau boruak nuam tak hnuaiah hun an hmang a ni.
AMOBYU VAITHIE P/S:
Unaupa Enga te chhungkua in Krismas an thleng a, kumthar erawh kohhran in an tum a, Sist.Nukhuangi te chhung in an thleng thung a, hlim takin an hmang ani. Krismas leh Kumthar hunpui hman chhung hian Home Missionary Evan.LS Lalhmingmuana te chhungkua in Kohhran te an thut chilh tlat bawk a, tisa leh thlarau lam boruak nuam tak hnuaiah hun an hmang a ni.
———-
ANNUAL AUDIT NEI MEK ZEL:
Kum a lo thar a, 2022 a Kohhran ten kan sum leh pai dinhmun endikna Local hrang hrang leh Bial hrang hrang ten an nei mek zel a. 2022 kum ah khan Chhimtuipui District Kohhran te Lalpan kawng hrang hrangin malsawmna nasa tak min dawn tir a, a lawmawm hle a ni.
———-
KOHHRAN OFFICE HAWNNA LEH INHLAN THARNA HUN HMAN A NI:
Krismas leh Kumthar hunpui avanga Office khar anih hnuin a duh apiang te dawr theih turin Ni 6.1.2023 (Zirtawpni) khan Office hawn leh a ni ta. Office hun ni hian District Official te leh Staff ten inhlan tharna hun an hmang bawk a ni.
———-
MALSAWMNA DAWNG TURIN DUHSAKNA HLAN:
Rev.Joseph L.Thlauhthang District Superintendent chuan UPCNEI Chhimtuipui District Kohhran member zawng zawng te leh Local tinte 2023 ah hian tisa leh thlarau lam malsawmna tam tak dawng turin duhsakna a hlan a. Thlarau leh tih tak zeta Lalpa rawngbawl turin Kohhran te a ngen bawk a ni( John 4:24).
Facebook