UPC NEI EXECUTIVE BOARD BUDGET SESSION:
UPC North East India Executive Board Budget Session 2023 chu February ni 1 Nilai ni khan General Headquarters Office, Mualpui, Aizawl ah neih a ni.
Executive Board hi General Superintendent Rev. R. Lalrinsanga’n kai hruaiin UPC North East India Administration hnuaia District leh Department hrang hrangte, sub Committee peng hrang hrang te budget ruahmanna te thlir ho a ni a, kum 2023 UPC North East India budget a tan Rs.580982146/- chu pass a ni. Executive Board hian Kolkata Missions Fiel, Battanagar hmun ah Kohhran Building tur lei ni se tiin an pass bawk.
———-
PENTECOSTAL ENGLISH SCHOOL MANIGONG MANAGING BOARD MEETING:
February ni 2, 2023 Ninga ni khan Pentecostal English School Manigong Managing board chu General Headquarters Committee Room, Mualpui Aizawl ah neih a ni.
Meeting hi Rev. R. Laichhingpuia, General Missions Director leh Pentecostal English School Manigong Managing board Chairman ni bawk chuan a kai hruai a, an thu rel then khat te:
1. Pentecostal English School Manigong Managing board hnuaiah Sub-Committee din niin, a hming ah Pentecostal English school Sub- Committee tih a ni. (He Sub Committee hian school mamawh chi hrang hrangah Managing board in tih tur an pekte an bawhzui thin ang.)
PES Sub Committee member te:
Chairman – Manigong bialtu Pastor.
Secretary – PES Principal.
Members:
i) Teachers ai awh – Mi 2.
ii) Local church ai awh – Local chairman apiang
iii) Ex-Officio – Field Director, Field Secretary, General Director.
2. Pentecostal English School Manigong Managing ah Zirtirtu an in daih loh a vangin Zirtirtu 2 Advertisment chhuah a lak nise tih a ni.
———-
GENERAL CHOIR 2023-2024 TERM INDUCTION SERVICE NEIH A NI.
January ni 30, 2023 zan khan UPC North East India General Choir (2023-2024 term) member ruat thar te Induction Service neih a ni.
He Inkhawm hi Zemabawk Vengpui Biak In, Aizawl East District ah neih a ni a, Rev. C. Lalthantluanga, General PYD President leh Music & Choir Committee Chairman chuan kaihruaiin kum 2023 leh 2024 chhunga General Choir member ruat thar te chu UPC North East India General Superintendent, Rev. R. Lalrinsanga chuan Lalpa Isua hmingin Lakluhna a nei a ni.
He mi rual hian General Choir member kal chhuak tur te thlahna hun hman nghal a ni a, General PYD Secretary, Evan Dr. R. Vanlalpeka chuan thlahna thuchah sawiin member kal chhuakte Ngaihhruina Citation General PYD Treasurer, Evan. C.Lalruatsanga’n hlanna a nei bawk.
General Choir (2023-2024) Memberte:
Conductor : Bro. Lalrammawia, Dist. Headquarters Local, Bazar Bial, AED
Asst. Conductor: Bro. Lalmuanawma, Zonuam kohhran, chawlhhmun Bial, NMD
1. Sis. Vanlalruatfeli, Chanmari kohhran, Chaltlang Bial, NMD
2. Sis. Biaksangzuali, Zemabawk Vengpui Kohhranpui, Zembawk Bial , AED
3. Sis. Miriam Ramchanchinthai, Sangau II, Chhimtuipui District
4. Sis. Lallawmzuali Fanai, Dinthar, Dinthar Bial,NMD
5. Sis. Vanlalhmangaihkimi, Dinthar, Dinthar Bial,NMD
6. Sis. Lalbiakmawii, Tlangnuam kohhran, Tlangnuam Bial, NMD
7. Sis. Lalropari Renthlei, District Headquarters Local,Bazar Bial, AED
8. Sis. RK. Lalremruati, Zemabawk West, Zemabawk North Bial, AED
9. Sis. Angela Malsawmtluangi, Headquarters Kohhran, Headquarters Bial, NMD
10. Sis. Esther Lalmuanpuii, Ramhlun Vengthar Kohhran, Bawngkawn Bial, AED
11. Sis. Lalruatsangi, College Kohhran, Upper Republic Bial, AED
12. Sis. Zodinsangi, Ramthar Kohhran, Bazar Bial, AED
13. Bro. Lalrintluanga, Zemabawk Kohhran, Zembawk North Bial , AED
14. Bro. Aldrin Laldinsanga, Zemabawk Vengpui Kohhranpui, Zembawk Bial , AED
15. Bro. Andrew Lalruatsanga, Dinthar Kohhran, Dinthar Bial,NMD
16. Bro. Lalhmachhuana, Hunthar Kohhran, Hunthar Bial, NMD
17. Bro. Samuel Hmar, Dinthar Kohhran, Dinthar Bial,NMD
18. Bro. C. Lalthianghlima, Bazar kohhran, Bazar Bial, AED
19. Bro. C. Lalrinmawia, Upper Republic kohhran, Upper Republic Bial, AED
20. Bro. Lalramchuana, Dinthar Kohhran, Dinthar Bial, NMD
21. Bro. Johny Lalthafamkima, District Headquarters Local,Bazar Bial, AED
22. Bro. B. Malsawmdawngliana,Nursery Kohhran, Headquarters Bial, NMD
23. Bro. Obeda Lalawmawia, Bethlehem Kohhran, Bethlehem Bial, AED
24. Bro. Timothy Lalchhuansanga, Bethlehem Kohhran, Bethlehem Bial, AED
General Choir hi General PYD Music & Choir Committee enkawlna hnuai a awm a ni a, Committee chuan Zaipawl member la tur hian Search Committee dinin an ni kaltlang hian member te lak thin a ni.
———-
———-
LUNGLEI DISTRICT
DISTRICT BOARD VAWI -208 TLUANG TAKA NEIH A NI.:
January ni 27 Thawhtanni khan Lunglei District Board vawi -208 na chu Conference Hall-ah District Superintendent Rev.C.Vanlalena kaihhruainain neih a ni a, kum 2023 District Budget tur an rel a, an rorel langsar zualte:
i) District Thianghlimna Committee Secretary atan Evan F. Lalsanglura thlan a ni.
ii) District Music Committee Treasurer atan Rbt. H. Lalpianfela thlan a ni.
iii) Kum 2023 budget atan, Rs 71166000/- pass a ni.
iv) Kum 2023 atangin Pastor Quarters thar sakna tih pun a ni bawk.
———-
LUNGLEI DISTRICT MISSIONS CONFERENCE TLUANG TAKA NEIH A NI:
Missions Department, Lunglei District Conference vawi 48-na chu Pukpui Local Biak Inah ‘Nitin a chhandamna thu chu hriattir rawh u’ Sam 96:2 tih thupui ah hmangin January ni 27-29 chhung khan neih a ni a, District Superintendent Rev.C.Vanlalena chuan he inkhawmpui hi a hawng a ni.
January ni 28 Inrinni khan rorel inkhawm Missions Director Rev.C.Lalhriatpuia kaihhruainain neih a ni a, an rorel langsar zingah Home Missions Field 7 hawn leh nise tha tih a ni a, Lunglei District chhunga kohhran la din lohna ah kohhran din tura hmalakna beihpui neih tha tih a nih bakah kum 2025-a inkhawmpuina hmun atan Chawngte phar thluk a ni.
Report bu ah a lan danin Lunglei District Missions Department hnuaiah hian Home Missions Field 7 awmin Missionary 7 rawih mek a ni a, kum 2022 chhung khan Home Missionary te hian mi thar 28 an senglut a ni. Crusade fund Local 13 hnenah an pek bakah Lunglei District Missions Department hmalakna a sak General Missions Field-a Hatisar biak in chu sak zawh niin hawn a ni a, Lunglei District Missionsn Department hian General Missions-a Target a neih te a pek kim bakah Buhfaitham target a neih chu a khum bawk a ni.
He inkhawmpui hi January ni 30 Pathianni zan thleng hman a ni dawn a, inkhawmpui chhung hian General Missions Director Rev.R.Laichhingpuia, Pastor C.Thandawla Director Bihar Missions Field, Rev.R.Vanlalenga Former District Missions Director bakah Evan.Lalhriatmawia, Home Missionary Thiltlang Missions Field chuan Pathian thuchah puanchhuahna an nei ang.
———-
DISTRICT MISSIONS BOARD AN THUKHAWM:
District Mission Board Vawi 134 na chu January ni 30 Thawhtanni khan Director Rev.C.Lalhriatpuia kaihhruainain Conference Hall-ah neih a ni a, an rorelte:
1.Missions Dept.Driver atan Bro.Joseph Hmingdailova of Rahsiveng lak a ni.
2. Home Missionary atana lak thar leh an thawhna hmun tur;
– Evan.K.Lalhlupuia Chengpui ah.
– Evan.T.Biaklala Thiltlang ah.
– Evan.R.Lalthlamuana Vaisam ah.
– Evan.Lalhriatmawia Putlungasih ah.
-Evan.Lalrokhawma Zehtet ah.
– Evan.T.Laltlawmlova Bungtlang W ah.
– Evan.C.Lalrinzuala Bualpui V ah.
Hna thar atana lakte hian 1st.feb.23 ah joining report Director hnenah pek tur a ni. Transfer tepawh Dt.15th.feb/23 ral hmain charge an in hlan tur a ni.
2. Buknuam a casual worker rawih chungchangah leh Bru zinga skill development kalpui chung chang chu zirchian phawt nise tih a ni.
3.Thiltlang qrs.repair dilna chu Dist.hruaituten lo enpuiin a țul anga pek tha tih a ni.
4. Crusade fund hman dan hi mumal deuha kalpui nise, Bial hruaitute kal tlanga dil țhin nise,dil chhan leh dilna hmun tarlan ni bawk se, Tin, missions lam hawi atan hman ni thei se țha tih a ni.
5. Pangzawl bialin Crusade fund an dil a, a hmun leh hunte hriat a nih hunah a țul anga pek nise țha tih a ni.
———-
PUANTHUI ZIR CHHUAKTE CERTIFICATE HLANNA NEI:
January ni 30 Thawhtan zan khan Conference Hall-ah Pentecostal Social Ministry (PSM) Lunglei District hnuaia thla ruk Course Puanthui zir chhuak mi 7 te hnenah Certificate hlanna hun hman a ni.
He hun hi PSM Chairman Rev.PC.Lalfakawma chuan a kaihruaia, Rev.C Lalhriatpuia, Director Missions Department chuan hunserh hmangin PSM Secretary Upa C.Lalhmangaiha chuan Tailoring Centre din chhoh anih dan leh hmalakna hrang hrang Report a pe a, Sist.C. Lalhmunsangi Instructress chuan Puanthui a zirtir dan leh an hun hman dang hrang hrangte Report ngaihnawm takin a pe bawk.
District Superintendent Rev.C.Vanlalena leh PSM Treasurer kalchhuakta Rev.R.Vanlalenga ten thusawina an neih bakah Sist.B.Vanlalropeki chuan zaiin kalkhawmte a awi a. Rbt.K.Lalrintluanga, PSM Treasurer chuan Result puan leh lawmman semna nei zuiin, Rev.C.Lalrintluanga, District Secretary chuan Puanthui zirchhuakte Certificate a hlan bakah thusawina a nei a, Rev.C.Hmingthanfala, Headquarters bialtu Pastor chuan tawngtainain hun tawp a khar a ni.
Certificate hlan programme ah hian sawm an nih angin District Board Members, PSM Committee members bakah Distirct Department OB te an kal tha hle.
PSM Tailoring Centre-a Puanthui zirchhuak 1st Batch te:
1) Remnalaldampuii, Chhipphir
2) Julie Lalhmingliani, S.Phaileng
3) Malsawmsangi, New Ngharchhip
4) Lalzawmpuii, Zotuitlang
5) Laltleipuii, Sekhum
6) Linda Lalzamliani, Thenhlum
7) R.Lalruatfeli, Mualthuam N
———-
———-
AIZAWL EAST DISTRICT
District Board:
Ni hnih awh, Aizawl East District hnuaia rorelna sang, District Board Budget Session chu tluang takin January 25, Nilaini khan zawh fel a ni. District Board hi January 24, Thawhlehni khan Rev. KVL.Hmangaihkima, Superintendent kaihhruaiin neih a ni a, Board member an telkim thei a ni. Aizawl East District Board-ah hian Kumin 2023-a District Kohhranpui leh Department hrang hrang Budget ruahman te chu pawm niin Biak In sak tanpuina te, Pastor Quarters sak tanpuina leh Budget in a kaihhnawih tur hrang hrang an rel a ni. Kohhranpui Budget-ah cheng nuai sangkhat sawm panga singthum leh sangli chu pawm niin LAD-ah nuai sawmhnih pali sangriat zaruk bakah PYD-ah nuai sawmpanga singhnih sangnga zali chu pawm a ni a, Missions Department-ah nuai za sawmthum pathum singhnih sangnga leh S.S-ah nuai sawm pathuam singli sangkhat te chu pawm a ni.
———-
Bial PYD Inkhawmpui hmang:
Aizawl East District chhunga Bial hrang hrangte chuan January 27 atanga 29 chhung khan Bial PYD Inkhawmpui hlim takin an hmang hlawm. Bial PYD Inkhawmpui-ah hian Zirtawp Zan atang khan Bial thenkhat chuan Revival Inkhawma hun hmang nghalin Bial thenkhat chuan Variety Programme-in hun an hmang thung a, Tualchhung report ngaihthlak na hun atana hmang an awm bawk a ni. January 28, Inrinni nileng khan Bial chhung in awpna leh District-a lut tur bakah Kum 2023 chhunga Bial kalphung turte ngaihtuahin rorel Inkhawm an nei hlawm a ni. Hetah hian Bial engemaw zat chuan Sheaves for Christ lam hawiin Missionary chawm turin ruahmanna an siam hlawm a ni. Inkhawmpui-ah hian Speaker hranpa leh Thupui nei an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung a, Bialtu Pastor Speaker-a hmang an awm bawk a ni.
Bial PYD Inkhawmpui hi District PYD hruaitute chuan hmun hrang hrang-ah hetiang hian an hmang a ni.
1) Bazar Bial – Rev C Lalmalsawma, President
2) Zemabawk North Bial – Evan R Vanlalpeka, Secretary
3) Khawhai Bial – Evan Lawmsangkima, Asst. Secretary
4) Bethlehem leh Thingsulthliah Bial – Evan K.Lalbiaknunga, Treasurer
5) N. Vanlaiphai Bial – Evan C Lalropuia, Fin,. Secretary AED PYD
Aizawl East District PYD te hian Kumin February 17 atanga 19 chhung hian Zemabawk Vengpui Biak In-ah District Conference hmang turin ruahmanna chak taka kalpui mek a ni a, a thlengtu tur Zemabawk Bial te pawh nasa taka inbuatsaihin tunah hian inkhawmpui thlenna tur pawh peih thawkhat a ni tawh a ni. Kumin District PYD Conference-ah hian Thupui-ah “Chak takin awm rawh u” I Kor. 16: 13 thu hman tur niin thupui thensawm hmangin mi hrang hrang ten thusawi rawngbawlna an nei thin dawn a ni.
———-
Audit:
Aizawl East District hnuaia Kohhranpui leh Department hrang hrangte sum chu January 31, Thawhlehni atang khan endikna, Audit neih a ni a, February 3, Zirtawpni khan audit hi zawh fel a ni. Heng sum te hi District Board in alo ruat tawh angin Rev Rosanga Kawlni, Rev C.Lalmalsawma bakah Rev E.Vanlalpeka Zote leh Upa Jimmy L.Renthlei te chuan endikna, Audit hna an thawk a, audit atanga a lan danin Kohhranpui leh Department te hian kum hmasa lam aiin sum leh paiah hmasawnna a hmu a ni.
———-
NORTH MIZORAM DISTRICT
———-
Mithar leh Baptisma chang thar:
Khawruhlian Bial, Khanpui Kohhranah January 25, Nilai zan khan Mithar 2 sengluh an ni Khanpui ah hian Evan H Lalhlimmawia’n rawngbawlna neiin mithar te hi sengluhna a nei a ni.
Evan R Lallawmzuala rawngbawlna kaltlangin January 29, Pathianni khan Muthi Kohhranah Member 2 sengluh an ni. Member thar te hi nufa niin naute hi Evan R.Lallawmzuala’n Pathian hnenah a hlan nghal a ni.
January 29, Pathianni vek khan Zemabawk Bial, Lungbial Kohhranah Chhungkaw khat, Member 3 chu Kohhranah sengluh an ni.
Saitual Bial PYD ten N.Lungpher hmuna Bial Inkhawmpui an hmanah January 29, Pathianni zan khan mithar pakhar sengluh a ni. Bial PYD Inkhawmpui-ah hian Speaker-ah Evan Ramnghahmawia hman a ni.
Hruaitute Programme:
Rev KVL.Hmangaihkima, District Superintendent chuan Pathianni hmang hian Lawngtlai West District, Diltlang hmunah Bial Inkhawmpui hman mekah Speaker-ah tangin rawngbawlna a nei a ni. Ruahmanna ang chuan January 7, Thawhlehni-ah Aizawl a let leh ang.
Rev R.Laltlankima, District Secretary chuan Pathianni hian a Bial vawn mek Thuampui Bial-ah rawngbawlna neiin hun a hmang ang.
Rev H.Lalropuia, District Treasurer chuan Pathianni hmang hian Zohmun Bial-ah District Missions Department ruahmanna angin Missionary Support zawngin rawngbawlna a nei ang.
Rev VL.Hnemtluanga, Missions Director chuan Dimapur-ah Field Director induction neiin hun a hmang a, chumi hnuah Gauhati -ah Field Audit an nei chhunzawm leh dawn a ni.
———-
———-
LAWNGTLAI WEST DISTRICT
DISTRICT EVANGELIST LA THAR
January ni 30 thawhtan khan Lawngtlai West District Missions Department ruahman angin District Evangelist lak thar a ni. District official kal tlanga interview neih a nih hnu ah Evan. Lalduhkima Lawngtlai chandmary Local church a lawi chu lak a ni a, February ni 1 ah joining report District Missions Director hnenah a pe a ni.
———-
Missionary induction nei:
February ni 1 Nilaini khan Vaseikai Field Home Missionary Induction Service neih a ni. He Induction Service hi Pastor.B.Lalbiakchhunga, Vathuampui Bialtu Pastor chuan kaihruaiin Evan. GB. Lalawmpuia, Dist. Missions Secretary chuan Vaseikai Field Home Missionary tur in Evan. C. Lalhmangaiha chu a la lut a ni.
———-
MITHAR LAWMLUT
January ni 29 Pathianni khan khawmawi local church ah mithar chhungkaw khat(1)member(5) panga awmna chu local chairman Upa HC Roparsanga’n Kohhran ah a lawmlut ani.
———-
CRUSADE NEI
January ni 20 -22, 2023 chhung khan Bethel Local Church ah Bialtu Pastor Rev.Lalsawmliana Sailo speaker a hmangin Bethel Local LAD leh PYD joint crusade neih a ni. He crusade ah hian mi pathum(3) in sual ngaihdam nan Isua hmingin Baptisma an chang a ni.
———-
À MA KUT NGEI ZIAK BIBLE
Lawngtlai West District, Chandmary Local a lawi Sis. F. Tlangpari w/o Upa MC. Lalmawikima chuan, Holy Bible a kut ngeiin a ziak chhuak a, alawm nan District Secretary Rev. Làlsawmliana Sailo çhuan January ni 28, 2023 khan Holly Bible a present a ni.
Facebook