MISSIONS DEPARTMENT RISING DAY
February ni 25 Pathianni hi UPC North East India Kohhran ni pawimawh General Missions Department Rising day Vawi 2-na a ni a, November ni 26, 2022-a General Missions Department Conference rorelnain a pass ang leh General Executive Board 2022-in a pawmpui angin, Kummin 2023 a tang khan hman tan a ni.
He ni pual a General Missions Director Rev. R. Laichhingpuia Thuchah ziah chu Tualchhung Kohhran tina chhiar tur a thawn chhuah a ni.
———-
GENERAL HRUAITUTE PROGRAMME:
General Superintendent Rev. R. Lalrinsanga chuan February ni 24-25 chhung hian Tripura District Conference, Darchawi hmuna neih ah telpuiin rawngbawlna a nei ang.
General Treasurer Rev. Lalmalsawma Sailo chuan February 25 Pathianni zan hian Chawnpui Kohhran, North Mizoram District ah Thusawi rawngbawlna a nei ang.
General Missions Director Rev. R. Laichhingpuia chuan February ni 25 Pathianni hian Mualpui Kohhran ah hun a hmang ang.
General Sunday School Director, Rev. Biaksangzuala chuan February ni 24 Inrinni ah Kolkata Missions Field Sunday School Committee a neihpui.
———-
———-
LUNGLEI DISTRICT
BIAL PARIAT IN INKHAWMPUI AN HMANG :
Lunglei District chhunga bial hrang hrang 12 ten bial inkhawmpui an hmang zo tawh hnu ah, February ni 16-18 chhung khan bial pariat, Sertlangpui bial, Thingsai bial, Pukpui bial, Theiriat bial, Thenhlum bial, Haulawng bial, Pangzawl bial leh Rahsiveng bial te chuan inkhawmpui hi an hmang a, bial hrang hrangte hian bial inrelbawlna tur leh District-a thlen tur thu pawimawh tak tak an ngaihtuah a, hetiang hi an hun hman dan leh rorel tlangpuite a ni.
1. SERTLANGPUI BIAL : Sertlangpui bial inkhawmpui vawi 47-na hi Sertlangpui Local-ah neih a ni a, District Superintendent Rev.C.Vanlalena chuan a hmanpui a, kohhranpui rorel tlangpuite:
– Bial chhung local tinah Accountancy training neih nise.
– Bial chhunga Licence neite serh leh sang ti a an chhuahin TA leh DA in pek ve tawh nise.
– Bial inkhawmpui hun February 3rd Sunday a kan hman thin chu 2nd feb. ah hman tawh nise, 2025 bial inkhawmpuina hmun atan Buarpui Local a ni ang.
2. THINGSAI BIAL : Thingsai bial inkhawmpui vawi 34-na hi Thingsai Local-ah neih a ni a, District Missions Director Rev.C.Lalhriatpuia chuan a hmanpui, kohhranpui rorel tlangpuite:
– Nakkum 2025 bial Conf.- na hmun atan Bualpui H Local ruat a ni.
– Bial Thianghlimna Committee in hmalak nise.
– Bial chhung Local tinah Bial hruaituten Financial Campaign neih nise.
3. PUKPUI BIAL : Pukpui bial inkhawmpui vawi 39-na hi College veng Local-ah neih a ni a, Luangmual bialtu Pastor Rev.Lalbiakdika Chawhte chuan a hmanpui, bial kohhranpui rorel pawimawh zualte:
– Pastor Quarter ah Kichen Cabinet siam nise.
– Rawngbawltu inralna Rs.6000 ni ṭhin chu Rs.10000 ni tawh se
– Pastor Visitor Note, bial in siam nise Local tina kawl tur in.
– Kum 2025 bial inkhawmpuina hmun atan Venglai Local nise a hun atan February Sunday vawi 3-na ruat a ni.
4. THEIRIAT BIAL : Theiriat bial inkhawmpui vawi 34-na hi Emmanuel Local, Zobawk-ah neih a ni a, Headquarters bialtu Pastor Rev.LH.Lalchhandama chuan a hmanpui a, hengte hi an thurel pawimawh zualte a ni.
– Bial kohhranpui huapin (Department telin) Seminar buatsaih nise.
– Bial huap Crusade Lungpuizawl Local-ah neih nise.
– Preaching Point Sairep-a kan Biak In repair leh kohhran mamawh lei kawngah a tul anga hmalak nise.
5. THENHLUM BIAL : Thenhlum bial inkhawmpui vawi 34-na hi Lungchem Local-ah neih a ni a, Hnahthial bialtu Pastor Rev.VL Hmuaka chuan a hmanpui, bial kohhranpui thurel pawimawh zualte:
– Nakkum 2025 bial inkhawmpuina hmun atan Thenhlum Local ruat a ni.
– Lungchem leh Changpui kar kawng chhe zual lai hnatlanga siam nise.
– Pastor Quarters kawt PCC paving a siam.
– Pastor Quarters panna ah gate siam.
– Bial chhung upa leh rawngbawltute tan seminar neih nise.
6. HAULAWNG BIAL : Haulawng bial inkhawmpui vawi 60-na hi Lamthuamthum Local-ah neih a ni a, Tawipui bialtu Pastor Rev.R.Vanlalenga chuan a hmanpui. Bial kohhranpui thurel pawimawh zualte:
– Nakkum bial inkhawmpui neihna hmun atan S Phaileng Local ruat a ni.
– Financial Campaign neih nise
7. PANGZAWL BIAL : Pangzawl bial inkhawmpui vawi 39-na hi Rawpui Local-ah neih a ni a, District Treasurer Rev.PC.Lalfakawma chuan a hmanpui a, thu pawimawh tak tak an ngaihtuahte:
– Rammut beihpui thlak leh nise
– Nakkum bial inkhawmpui neihna hmun atan Khuanghlum Local an ruat bawk.
8. RAHSIVENG BIAL : Rahsiveng bial inkhawmpui vawi 39-na hi Rahsiveng Local-ah neih a ni a, District Secretary Rev.C.Lalrintluangan a hmanpui a, an thurel pawimawh zualte:
– Bial inkhawmpui palai fee Rs.200 ni thin chu Rs.500 ni tawh se.
– Nakkum bial inkhawmpui neihna hmun atan Runtung Local an ruat bawk.
———-
MI THAR :
February ni 18 Pathianni zing inkhawm ah khan District Missions Field Vaisam Local-ah mi thar pakhat Vaisam Home Missionary Evan.R.Lalthlamuana chuan a lawmlut.
———-
———-
AIZAWL EAST DISTRICT
District Conference atan inbuatsaihna peih thawkhat a ni:
March 7 atanga 10 chhunga Saitual Bial ten, N. Lungpher Biakina District Conference vawi 30-na an thlen tur atan inbuatsaihna chak taka kalpui mek zel a ni. District Conference hi March 7, Ninga zan atangin hman tan tur niin inkhawmpui tan zan atang hian Revival inkhawma hun hman nghal a ni dawn a ni. Kumin Aizawl East District Conference-ah hian District PYD leh Sunday School Department te bet tel ve in March 8, Zirtawpni chawhma Dar 10:30-ah rorelna hetiang hian an nei dawn a ni. District PYD: YMA Hall, N. Lungpher; District Sunday School: N. Lungpher Biakin. Kohhranpui rorel hi March 9, Inrinni chawhma Dar 10-ah tan Conference neihna hmun N. Lungpher Biakinah hian neih a ni dawn a ni.
Conference thlengtu tur N. Vanlaiphai Bial te pawh nasa taka inbuatsaih tawhin N. Vanlaiphai khaw chhunga Kohhran chhung tinte mikhual thleng thei turin an inbuatsaih hlawm a ni.
———-
Mithar:
February 18, Pathianni khan Keifang Bial, Keifang Kohhranah Bro. Malsawmdawngliana rawngbawlna atangin member 4 chu Evan K.Laltlanmawia (District Evangelist) chuan a lawmlut. Mithar nupa te hian Baptisma an chang nghal a, an fate Pathian hnenah hlan nghal an ni bawk
February 18, Pathianni vek khan Thuampui Bial, Muthi Kohhranah Mithar 2 chu Bialtu Rev C.Laldintluanga’n a lawmlut bawk.
February 21, Nilai zan khan Thuampui kohhran a lawi turin member 9 chhungkaw 2 chu Rev. C Laldintluanga Bialtu Pastor in a lawmlut.
———-
Hruaitute programme:
Rev. KVL. Hmangaihkima, District Superintendent chuan February 24, Inrinni khan Serchhip P&E Veng Kohhran ten Biakin thar an sak chu hawnna a nei a, Pathianni thleng rawngbawlna a nei chhunzawm a ni.
Rev. H. Lalropuia, District Treasurer chuan Pathianni hmang hian Saitual Bial tualchhung Kohhran hrang hrangah Missionary support zawngin rawngbawlna a nei ang.
Rev VL. Hnemtluanga, Missions Director chuan Pathianni hmang hian Serchhip Bial-ah Missionary support zawngin rawngbawlna a nei ang.
———-
———-
NORTH MIZORAM DISTRICT
DISTRICT HRUAITUTE PROGRAMME:
Superintendent: Dist. Supdt. Rev. Chhiarpuia chuan Feb ni 24 Inrinni Dar 11:00 Am khan Kol. Venglai Bial chhunga Hebron Biak in sak thar a hawng.
District Secretary: Rev. K. Lalduhsanga Dist. Secretary chuan hun engemaw chhung atana Bial a vawn Dinthar Bialah Programme siamin Bial fan programme a hmang ang.
District Missions Director: NMD Missions Director Rev. C. Lalramthanga chuan Feb ni 25 Inrinni hian, W. Phaileng Bial chhunga Missions Field West phulpui chu Kohhranpui-a hlankai a nihna tura Programme hmangin a zin. Hun a neih dan a zirin thawhtan lamah Buk vannei MF a rawn tlawh haw bawk ang.
———-
Sihthiang Missions Field Biak in sak bul tan a ni:
Februay ni 22 Ningani khan UPC, North Mizoram District Missions Dept. Enkawl Sihthiang Missions Field Rengdil Bial chhunga awm chu chu Rengdil Bialte leh Sihthiang kohhranhote’n Biak in sak bul tanin ban hnatlangin Ban khur an lai a, Biak in sak bul tan ni hian Kohhranho thahnem tak thawk chhuakin Bialtu Pastor Rev. C. Laltlanchhuaha hovin hna hi an thawk a ni.
Hnatlangte eiin in mitlawmngai heng :- Upa Rokhawma Secretary sihthiang. T upa J Lalhmingthanga, Bial Tresurer, Rev. C Laltlanchhuaha bialtu pastor te hian sa 2kg theuh tumin Sist Darthahniangi Shillong chuan Rs. 1000 a thawh bakah, Sihthiang Headquarters Bial Missions Department (Tuikhuahtlang) atangin Rs 2000 dawn a ni bawk.
———-
Hebron Biak in hawn a ni:
UPC, NEI North Mizoram District, Kolasib Venglai Bial chhunga kohhran la naupang tak Hebron Kohhran (PP)-a Biak in sak thar chu Feb ni 24 chawhma dar 11:00 Am khan hawn a ni.
Biak in hawn Programme hi Dar 11:00Am-ah tan niin Kol. Venglai Bialtu Pastor Rev. R. Lalnithanga’n hun a kaihruai a, Biak in hawnna North Mizoram District Supdt. Rev. Chhiarpuia’n a nei a ni.
Biak in chhung Programme Bialtu Pastor – Rev. R. Lalnithanga’n kaihruaiin, Tech. Report – Evan. Vanlalhruaitluanga, Hebron Tirhkoh chuan a pe a, Financial Report – Upa Lalremliana, Bial Treasurer in a pek bakah Pathian thuchah Rev. Chhiarpuia, District Superintendent-chuan a sawi bawk.
———-
W. Phulpui MF Biak in hawn leh Kohhranpuia hlankai Programme hman a ni dawn:
North Mizoram District Missions Field W. Phulpui Biak in hawn leh Kohhranpuia hlankai programme chu Feb ni 25, Pathianni hian hman a ni dawn.
Biak in hawn leh kohhranpuia hlan programme hi Feb ni 24 Inrinni zanah tan tur niin; hemi zan hian Missionary tanglai Evan. H. Lalnunzira’n inkhawm a kaihruai ang a, Home Missionary Evan. RS Lalnunmawia’n Pathian thuchah a sawi ang.
A tuk Feb ni 25 Pathanni inrinni chawhma dar 10:30-ah Biak in hawnna Dist. Missions Director-in neiin; Biak in chhung Programme-ah NMD Missions Dept ten an field enkawllai chu District Kohhranpuia hlan Programme hman a ni ang a, a hlanna programme hi Dist. Missions Director Rev. C. Lalramthanga’n a nei ang. He hun hi Bialtu Pastor K. Ainawna’n a kaihruai thung ang.
Zan lamah inkhawm nei chhunzawmin Evan H. Lalnunzira’n inkhawm kaihruaiin, Bialtu Pastor K. Ainawna’n Pathian thuchah a sawi thung dawn a ni.
———-
North Mizoram District inkhawmpui hman ani dawn:
UPC (NEI) North Mizoram District chuan kar thar Dated 29th Feb -3rd March hmang hian District Conference vawi 74-na an hmang dawn.
District Conference hi Hqrs. Bial Tuikhuahtlangah neih tur niin: Conference thupui atan “Lalpan thil ropui min tih saka” tih hman tur a ni ang a, Feb ni 29 Ningani zanah inkhawm tan tur niin; March ni 2 zingah Disgtrict hruaitu thlanna neih a nih bakah, Inriini chhunah District huap Pathian chawimawina neih a ni bawk ang. Conference hi March ni 3 zanah a tiak dawn a ni.
———-
BIAL INKHAWMPUI FOLLOWUP NEI: BIAL INKHAWMPUI FOLLOW UP A ṬIAK
Revival Crusade-in chhunzawm zel dawn
Kawnpui Bial Inkhawmpui Vawi 73na Kawnpui Venglai biak ina hmanna kal zel chu nizan (18.02.2024) khan kham lo takin a ṭiak ta.
———-
Speaker rawngbawlna a nung :
Chhuah tawh angin, Kawnpui Bial Inkhawmpuiah hian Evan. PC Lalramchhuanmawia, Rehoboth Revival Team chu speaker a ni a. Pathianin a awmpui a, kohhran hote tan rawngbawlna nung tak a neihsak ṭhin a, a ni têlin inkhawm an pung a ni ber. Inkhawmpui zawh ni tuk Thawhṭanni February 12, 2024 zan aṭang khan Nilaini zan thlenga revival programme-a hman chhunzawm turin ruahman a ni a. Amaherawhchu, thlarau ṭulna lo thleng zelin, revival programme hi Ni 18.02.2024 Pathianni zan thlengin pawhsei leh a ni. Ni 17.02.2024 Inrinni khan kohhran hoten an neih sum thawhkhawmin Pathian Chawimawina ruai buatsaih a ni a. Chawimawina atan hian local dang aṭangin sum engemaw zat thawhtu an awm bawk.
Bial Inkhawmpui aṭanga a chhunzawmna programme hman chhung zawngin THUTHLUNG SERMON hlirin kohhran hote nung takin Speakerin a chawm a tih theih a; thuthlung rawngbawlna hian kohhran hote a huikhawm ṭha hle. Ṭhalai ṭhenkhat Thlarau Thianghlim dawng lo ten, Thlarau Thianghlim baptisma an chang a; thlarau lama harhna thar a thleng nasa hle bawk.
———-
Revival chhunzawm dawn :
Ni 10 chhung Kawnpui Venglai Biak Inah revival hman anih hnuah, Kawnpui Banglaveng Localah revival chhunzawm tura ruahman a ni a. Zanin (Thawhṭanni 19.02.2024) aṭangin Kawnpui Banglaveng Biak Inah chhunzawm a ni ang.
———-
CHALTLANG BIAL INKHAWMPUI VAWI 52-NA RAMHLUN KOHHRANAH HMAN A NI A, CHAWIMAWINA TUM 4 NEIH CHHUNZAWM A NI.
Chaltlang Bial inkhawmpui (conference) vawi 52-na chu ni 9th-11th, February, 2024 khan Ramhlun Kohhran-ah hman a ni a, Speaker-ah Evan. T.Vanlalruata (Valte) Apostolic Revival Speaker, NMD te hman niin Pathian thlarau awmpuina hnuaiah hun hlimawm leh nuam tak hman a ni a, khawmpui hlawhtling tak neih a ni.
Inkhawm kaihhruai hna bial hruaituten inthawh chhawkin Rev P Chunga, Former Gen Supdt in Conference hawnna a nei a, thlaraulam hla te nen bul tan a ni. Pathianni zingah Chaltlang Bial chhunga kum 2023 chhunga kan hmangaih kal ta mi 8-te pualin sunna hun Rev P Vanlalfela, Bialtu Pastor-in a nei bawk.
Ni 10th February, 2024 Inrinni-ah rorel neih a ni a, mi 47 rorel palai kalin Dist Conf. a thlen tur agenda 5 kan nei a, thurel tlangpui te :
1. 2025 Bial inkhawmpui (conference) neih lehna hmun tur Chaltlang Kohhran a ni ang.
2. Thuleh awm hma chu Home Missionary-2 chawm chhunzawm.
3. Bial hmingin Home Mission Field-ah Missionary Quarter sak.
4. Bial huapin Revival Crusade neih.
5. Kum 2024 chhungin Bial chhunga Church Board Committee Member chin tan training/Seminar buatsaih
Conference chhung hian Speaker hnen atangin Pathian thu ropui leh țha tak tak ngaihthlak a ni a, zaithiam bial chhung leh pawn bakah Bial PYD zaipawl te atangin fakna hla mawi tak tak ngaihthlak thin a ni.
Speaker leh a team te rawngbawlna Lalpan mal a sawm hle mai a, thlarau lam boruak harhtharna nasa tak thlengin bial Inkhawmpui hi Chawimawina țum 4-in chhunzawm a ni. Pathian hnena lawmthusawi chawimawina petu te hi Upa Vanlalduata, Ramhlun, Kohhran Chairman te chhung, T.Upa Vanlalliana, Chanmari te chhung, Bro. C Relliana, Ramhlun te chhung, hming thup leh Sist. Lalnunziri, Jahau, Chanmari te an ni.
Chawimawi țum 4-na hi ni 18.2.2024 Pathianniah Ramhlun biak in-ah nei chhunzawm tura kan inruahman laiin kan member min boralsan an awm tak avangin Chanmari Biak in lamah in sawn leh a ni a, kham lo tak chungin ni 18.2.2024 Pathianni zanah Chaltlang Bial inkhawmpui chu kan țiak ta a ni.
———-
AIBAWK BIAL THUTHAR
18 February, 2024
SATEEK KOHHRAN AH MI 5 IN BAPTISMA AN CHANG
Dt. 18th Feb, 2024 (Sun) zan hian Sateek Kohhran-ah Pastor Bial fan programme neih a ni a, inkhawm banah Baptisma rawngbawlna neih niin mi 5 in Bialtu Pastor, Pastor PC Lalrokima kutah sual ngaihdamna Baptisma an chang. Baptisma chang zinga mi 4 te hi Presbyterian Kohhran atanga rawn lutte an ni a, pakhat hi Kohhran mi nisa a ni.
Baptisma Rawngbawlna nei
Vawiin ni 18th February, 2024 hian State Veng, Vairengte ah Baptisma khur hawn niin, member pakhat in Lal Isua hmingin sual ngaihdamna Baptisma a chang a ni. State Veng ah hian District Kohhranpui hnuaiah Evan. Vanrammawia rawngbawlin a awm mek a ni.
United Church of North East India,
North Mizoram District Ladies Auxiliary Department hruaitu ten Kawnpui bial tlawh.
Dt.17.2. 2024 hian North Mizoram District LAD hruaitu pathum
Sis. K.Lalhmachhuani President
Sis. Kroschhuanawmi Secretary
Sis. Lalchhuankungi Treasurer te chuan 2024 a District Conference an hman na tur Kawnpui bial tlawhin an zin chhuak a ni.
Dt. 17.02. 2024 hian Organising Committee te nen meeting an nei a, Conference thleng tu tur Kawnpui bial te hmalakna hrang hrang ngaihthlak a ni a, an inbuatsaihna alawmawm hle a ni.
North Mizoram District LAD Conference na hmun atan hian Bualpui North Hmarveng field ah pandal sak nise tih a ni a, chuvang chuan dt. 18.02.2024 (Pathianni) hian Bialtu pastor Rev. PC.Laltlankima kaihhruainain Bualpui North Hmarveng leh Venglaiah hun an hmanga, Inkhawmna duhawm tak neih ani.
Hmar vengah hian, President Sis.K.Lalhmachhuani BW. chuan thusawiin, “Lalpaa kan lawmna chu kan chakna,” tih leh “Thuthlung malsawmna,” tih thu hmangin thu ṭha tak a sawia, Inkhawmpui in buatsaihna kawnga fuihna thu ṭha tak tak ngaihthlak a ni.
Dt. 18.02.2024 hian Kawnpui bial khaw tinah Dist. LAD Conf. an thlen tur pualin appeal neih a ni a, Hmarvengah hian Bialtu Pastor Rev.PC.Laltlankima’n hun a hmang a ni.
Chawhnuah hian Bualpui ‘N’ Venglai Biak In-ah inkhawm leh a ni a, Sis. Lalchhuankungi Treasurer chuan Pathian thu sawiin, “Lungawina nena Lalpa rawngbawl” tih hmangin Pathian thu a ṭha tak sawia, mi lungawi tlat te hi setanan a ngam lova, milungawi lo te hi setana hian a chenchilh duh bika, lawm lohna tur hi an hre zung zung zel ṭhin a, chuvangchuan Kohhran ho te hian lungawi hi i zir zel ang u, tiin thu ṭha tak ngaihthlak a ni. Inkhawm ban hian Dist.LAD Conf. na hmun atan hmun remchang a awm em tiin in hmun hma an en kual a, chumi hnuah kohhran mi dam lo te tlawhin, kohhran mite In ṭhen ṭhen te tlawh kualin hun an hmang a ni.
Zanah Bualpui ‘N’ Venglaiah Inkhawmna buatsaih leh a ni a, Sis. KrosChhuanawmi Dist. LAD Secretary chuan Pathian thu, Isaia 62: 6,7 , Rom 12:4 Thup. 3: 1 chhiarin, Mihringte hian Pathian lakah hian chhuan tur engmah kan nei lo, inchhuang tur kan awm lo, kohhhran hi taksa pakhat in peng tan ṭheuh kan ni a, Pathian in min hmang duh veka, kan taksa peng kan ti na duh lo ang hian Thlaraua kan taksa peng kan member pui te hi kan ti na tur a ni lo, in hmangaih tlang taka awm tur kan ni tiin, Kawnpui bial ten Dist. LAD Inkhawmpui lian thleng tura kan inbuatsaihna kawngah thil ti theiah in ruat ila, thil ti thei lo emaw in ti loin, kan theih tawk ṭheuhin theihtawp chhuah ang u, tiin thu ropui tak ngaihthlak a ni. Inkhawm ban hian Thingpui ruai kil ho a ni.
Facebook