GENERAL HRUAITUTE PROGRAMME:
General Superintendent Rev. R. Lalrinsanga chuan February 1- 4, 2024 chhung hian Barak District ten Diamond Jubilee an hman mek chu telpuiin February ni 4 Pathianni hian Lungphum hawnna a nei a, Zan ah thusawi rawngbawlna a nei bawk ang.
General Secretary Rev. Zohmingthanzama chuan Barak District ten Diamond Jubilee hmanpuiin February ni 4 Pathianni in khawm ah thusawi rawngbawlna a nei ang.
General Missions Director Rev. R. Laichhingpuia chuan February ni 4 Pathianni hian Assam Missions Field, Kachugaun Biak In sak thar hawnna a nei ang.
———-
Theological Education Board:
January ni 30, 2024 Thawhleh ni khan Theological Education Board chu Chairman Rev. R. Lalrinsanga kaihhrauiin General Headquarters Office, Mualpui salem veng, Aizawl-ah neih a ni. An thurel then khat te:
1. CBC Shillong a mi chu March ni 27, 2024 hmain Aizawl-ah sawn fel ni se.
2. CBC new building, Mualpuia a mi chu April ni 24 zing dar 11, 2024 ah hawn ni se. tih te an ni.
———-
Executive Board Budget session:
January ni 31 Nilai ni khan UPC North East India Executive Board Budget session chu General Headquarters Committee room, Mualpui Salemveng Aizawl ah neih a ni.
Executive Board Budget Session ah hian General Kohhranpui Budget leh General Headquarters Administration hnuaia Department hrang hrang leh District hrang hrang budget, Mizoram chhung leh pawna zirna in leh Committee peng hrang hrang budget thlir ho a ni a, kum 2024 a UPC North East India Budget atan cheng Vaibelchhe zaruk sawmli vel pawm a ni.
———-
———-
CHHIMTUIPUI DISTRICT
HRUAITUTE PROGRAMME
District Superintendent Rev. Joseph L. Thlauhthang leh District Secretary Rev. W.L Thanghre te chu January ni 30.2024 khan UPC NEI Executive board, General Office, Mualpui Aizawl a neih ah telin hun an hmang.
February ni 4. 2024 Pathianni hian District Secretary Rev. W.L Thanghre leh Rev.Lalhnehchunga District Missions Director te chuan Assam Missions Field, Kachugaon Biak In hawn na ah hun an hmang bawk ang.
———-
BIAK IN HMUN TUR LEI FEL A NI:
January ni 29.2024 thawhtan ni khan Thiahra (Phalhrang) Kohhran ding thar Biak In hmun tur Pu Lalthanpuia In hmun chu Rs.300000 (Nuai thum) a lei niin, District Superintendent room ah sum in hlanna leh tih fel ngai te tih fel a ni.
———-
TANPUINA THILPEK HLAN:
Niawhtlang Bial PYD te chuan kum 2024 kum bul ṭan nan Kohhran tan luangchhuk in hengah te hian thilpek an hlan:
1. Kolosib Hnuchham tanpuina pualin Rs.10000/-
2. Siaha Disrict Hospital ah Rs.5000/-
3. Riasika Home Mission Field ah Rs.5000/-
Heng tanpuina thilpek te hi Bial PYD aiawhin Rbt.Lalrinawma chuan hlanna a nei a ni.
———-
MI THAR LAWM LUT:
January ni28.2024 khan Evan. LC Khailawng Home Missionary chuan Niawhtlang III (Km 10) Local ah ECM kohhran atangin mi thar 4 Kohhran ah a lawm lut.
———-
———-
LUNGLEI DISTRICT
LUNGLEI DISTRICT MISSIONS CONFERENCE TLUANG TAKA NEIH A NI:
January ni 26-28 chhung khan Missions Department, Lunglei District Conference vawi 49-na chu Rahsiveng Local UPC Biak Inah neih a ni a, inkhawmpui thupui ah hian ‘Krista hmangaihna chuan min tir lui a ni’ II Kor.5:14 chu hman a ni.
January ni 27 Inrinni chawhma dar 10:30 khan Director Rev.C.Lalhriatpuia kaihhruainain rorel inkhawm neih a ni a, an thurel langsar zingah District Missions Department-in Free Evangelist rawih nise tih te, Missions Department Designation plate inang tlang veka siam te an rel a, 2026 inkhawmpui neihna hmun atan Farm veng Local a ni ang.
Report bu a alan danin Lunglei District Missions Department hnuaiah hian Missions Field 7 hnuaiah Home Missionary 7 rawih mek an ni a, Zote S ah Casual Worker 1 ruai mek bawk. Nikum 2023 chhung khan Crusade fund hmun 9 ah Rs.10000 theuhin a pe a, Ngharchhip ah thla 2 chhung rawngbawltu a rawih bakah Bungtlang W field a hawng thar a, Dimapur General Missions Field-a Khatkhati Quarters repair-na atan Rs 150000 a pe bawk.
Inkhawmpui chhung hian Evan.T.Biaklala, Thiltlang Home Missionary bakah Rev.R.Laichhingpuia, Gen.Director, Evan.H.Israela, Odhisa Field Director Incharge, Rev.C.Vanlalena, Dist.Superintendent ten thusawi rawngbawlna an nei a, Lunglei District UPC Choir, Luangmual bial PYD Zaipawl, Rahsiveng bial PYD Zaipawl, Pukpui bial PYD Zaipawl, Headquarters bial PYD Zaipawl, Bro.Gupteswar Digal (Odhisa) Sist.PC.Lalthansangi, Sist.V.Lalnuchhungi, Sist.B.Vanlalropeki, Sist.F.Lalrinhlui leh Sist.Lalromawii ten inkhawmpui chhung hian fak hla sain rawngbawlna an nei a, Tlabung Dinthar Local ten Special Item hmuhnawm tak an entir bawk.
January ni 28 Pathianni inkhawmah khan Odhisa Missions Field-a Sundargada Biak In sakna tur chu appeal in tuak a ni a, Nuaithum chuang hmuh a ni.
———-
LUNGLEI DISTRICT MISSIONS BOARD AN THUKHAWM :
Lunglei Dist.Missions Board vawi 137-na chu January ni 29 Thawhtanni khan District Board Room-ah Director Rev.C.Lalhriatpuia kaihhruainain neih a ni a, an thurel langsar zualte:
1. Bungtlang field chu kalpui chhunzawm zel tur a tih a ni.
2. Zote ‘S’ rawngbawlna chhunzawm leh tur a ni anga, hmalak chhunzawm dan tur chu executive kuta dah a ni.
3. Bru zinga Revival cum Retreat neihpui chungchangah Bru Area-a awm bialtu Pastor, bial Director leh Home Missionary-te nen Programme leh ruahmanna lo siam se tih a ni.
4. Home Missionary-te lawmman chu tuna an pay hmanlai bakah interim relief angin Rs.3000/- theuh February atanga pek nise.
5. Designation Plate Colour leh Design in ang tlanga hman tur Design duhte tan rawtna neih theih a ni a, Dist.ob-te hnenah Design sa thawn theih a ni ang.
6. Home Missionary-te Term chu kohhran in Term hmanlai kan neih kum 2 chu hman chhunzawm tur a ni ang.
7. Free Evangelist kumin atan 1 rawih a ni anga, dil duhte tan Advertisement chhuah a ni ang.
8. Zehtet Quarters Repair chhunzawm nan Rs.30000/- pek rem tih a ni.
9. Bualpui V field tan 2000ltrs tuizem lei sak tha tih a ni a.
10. Sound (Combo) lei tha tih a ni bawk.
11. Home Missions field kum 10 kalpui tawh chu mi thar beiseiawm an awm loh chuan khar/tih tawp a ni ang a, kum 10 hma pawhin a boruak a zira khar theih a ni ang.
———
RAHSIVENG BIAL PASTOR QUARTERS HAWN A NI:
January ni 25, Ningani chawhnu dar 2:30 khan Rahsiveng bial Pastor Quarters sak thar chu District Secretary Rev.C.Lalrintluangan a hawng.
Quarters hawn anih hnu hian In chhungah inkhawm tawi buatsaih a ni a, he hun hi Rahsiveng bialtu Pastor Rev.B.Kamliana chuan a kaihruai a, Upa PC.Lalnunmawia Rahsiveng bial Treasurer chuan Pastor Quarters an sak dan report tlangpui a pe a, quarters sak nan hian nuai sawmhnih panga chuang an hman thu te, April ni 11, 2023-ah a sak hna an tan thu leh bial chhung Local leh Department hrang hrangten an tha tam tak an sen thu te ngaihthlak a ni.
He hunah hian Rev.PC. Lalfakawma District Treasurer, Rev.C. Lalhriatpuia District Missions Director, Upa C.Lalhmangaiha Secretary Rahsiveng bial, Evan.MC. Vanlalhuma leh Upa C.Vanlalduha Chairman Rahsiveng Local ten thu an sawi a, Rev.C.Lalhriatpuia District Missions Director chuan tawngtaina neiin he hun hi a titawp a ni.
Quarters thar lawmna chawhlui an kilho nghal bawk.
———
BIAL PALI IN INKHAWMPUI AN NEI MEK:
February ni 2 Zirtawpni atang khan Lunglei District chhunga bial pali (Bunghmun, Chawngte, Tlabung leh Lungsen) te chuan inkhawmpui an hmang mek a, February ni 4 Pathianni zan thlengin hun an hmang ang. Hetiang hi an hun hman dan tlangpui a ni.
1) BUNGHMUN BIAL : Bunghmun bial inkhawmpui vawi 44-na hi Sesawm Vengchhak Local-ah neih a ni a, he inkhawmpui hi District Secretary Rev.C.Lalrintluangan a hmanpui. February ni 3-ah kohhranpui chuan rorelin February ni 4 Pathianni chawhnu hian Sunday School Department chuan ro an rel ang.
2) CHAWNGTE BIAL : Chawngte bial inkhawmpui vawi 45-na hi Chawngte Local-ah neih a ni a, District Missions Director Rev.C.Lalhriatpuia chuan a hmanpui. February ni 2 Zirtawpni khan Missions Department-in ro an rel a, February ni 3-ah kohhranpui chuan rorelin February ni 4 Pathianni chawhnu hian Seminar an nei ang a, Resource Person-ah Rev.Ralkapkunga Khiangte chu hman a ni ang a, thupui ah ‘Sunday School pawimawhna, zirtirtu mawhphurhna’ tih hman a ni ang.
3) TLABUNG BIAL : Tlabung bial inkhawmpui vawi 19-na hi Tlabung Local-ah neih a ni a, District Superintendent Rev.C.Vanlalenan a hmanpui.
4) LUNGSEN BIAL : Rangte S Local-a neih Lungsen bial inkhawmpui vawi 54-na hi District Treasurer Rev.PC.Lalfakawma chuan a hmanpui a, February ni 2 Zirtawpni khan Sunday School Department-in ro an rel a, February ni 3 Inrinniah kohhranpuiin ro an rel bawk.
———
CHAWNGTE BIAL PYD TEN THISEN PE:
Lunglei District PYD: UPC (NEI) Conference in a mamawhtute tan thisen pek nise tia a lo rel bawhzuiin, January ni 27, Inrinni khan Chawngte Bial PYD:UPC(NEI)-te chuan Lunglei Civil Hospital Blood Bank-ah a mamawh apiangte hman turin Thisen Unit 32 an pe. Thisen pe tute hi Mipa 27 leh Hmeichhia 5 an ni.
Thisen hi Chawngte bial TKP te nen BCM Centenary Hall Chawngte L ah an pe a, Civil Hospital Blood Bank-a thawktuten a hmun ah an kalchilh a ni.
———-
———-
AIZAWL EAST DISTRICT
District Board:
Ni thum awh, Aizawl East District hnuaia rorelna sang, District Board Budget Session chu tluang takin January 25, Ningani khan zawh fel a ni.
District Board hi January 23, Thawhlehni khan Rev. KVL.Hmangaihkima, Superintendent kaihhruaiin neih a ni a, Board member an telkim thei a ni. Aizawl East District Board-ah hian Kumin 2024-a District Kohhranpui leh Department hrang hrang Budget ruahman te chu pawm niin Biak In sak tanpuina te, Pastor Quarters sak tanpuina leh Budget in a kaihhnawih tur hrang hrang an rel a ni. Kohhranpui Budget-ah cheng nuai sangkhat za sawmsarih pasarih singhnih sangriat zathum chu pawm niin LAD-ah nuai sawmhnih panga singkua sangnga bakah PYD-ah nuai sawmparuk singthum chu pawm a ni a, Missions Department-ah nuai za sawmruk pakua singruk sangriat zaruk sawmnga leh S.S-ah nuai sawm paruk singkhat sangnga zanga te chu pawm a ni.
———-
Audit:
Aizawl East District hnuaia Kohhranpui leh Department hrang hrangte sum chu February 6, Thawhlehni atang hian endikna, Audit neih a ni anga, February 9, Zirtawpni hian audit hi zawh fel tum a ni ang. Heng sum te hi District Board in alo ruat tawh angin Rev Rosanga Kawlni, Rev C.Lalmalsawma bakah Rev E.Vanlalpeka Zote leh Upa Jimmy L.Renthlei te chuan endikna, Audit hna an thawk dawn a ni.
———-
Bial PYD Inkhawmpui:
Aizawl East District chhungah January 26 atanga 28 chhung khan Bial hrang hrangah Bial PYD Inkhawmpui hlawhtling taka hman a ni. Bial PYD Inkhawmpui-ah hian Bial engemaw zat chuan Speaker bik neiin hun an hmang a, Bial thenkhatah chuan Bial hruaitute leh Bialtu Pastor hnen atangin thuchah an ngaithla thin a ni. January 27, Inrinni nileng khan Bial chhung inawpna leh District-a lut tur ngaihtuahin rorel inkhawm an nei hlawm a ni.
Bial PYD Inkhawmpuiah hian Bial thenkhatah chuan District PYD rorel angin Thlarau Thianghlim la dawng lote pualin hun hman a ni a, hetah hian Thlarau thianghlim dawngthar mi engemaw zat an awm a ni.
Bial PYD inkhawmpui hi District PYD hruaitute chuan hetiang hian an hmanpui a ni:
President Rev C.Lalmalsawma chuan Kawlkulh Bial-ah a hmanpui a, Evan. H. Lalhlimpuia, V. President in Chhingchhip Bial hmanpuiin Evan R.Vanlalpeka, Secretary chuan General PYD Secretary angin Hunthar Bial, NMD-ah hmangin Asst.Secretary Evan Lawmsangkima’n Zemabawk North Bial a hmanpui a, Evan K.Lalbiaknunga, Treasurer-in Bawngkawn bial leh Fin.Secretary T. Upa C. Zamawia’n Upper republic Bial an hmanpui bawk a ni.
Aizawl East District chhungah hian Bial 31 awm mekin Kum 2023 District Conference report bu-a a lan danin PYD member hi 7881 awmin Mipa 4853 leh Hmeichhia 3028 an awm mek a ni.
———-
Mithar leh baptisma chang thar:
January 31, Nilai zan inkhawmah Mualpui Bial, ITI Kohhranah Mithar 3 chu Bialtu Rev C Mawizuala’n Kohhranah a lawmlut.
Thingsulthliah Bial chuan Sesawng Vengthar ah Bial PYD inkhawmpui an nei a, Speaker atan Evan JH Lalhminghlua an hmang. Bial PYD inkhawmpui ah hian mithar 2 chu Bialtu Rev C Lalengliana’n a lawmlut a ni.
January 27, Inrinni zan khan Champhai Bethel Bial, Zote Kohhran a lawi turin Member 4 (Chhungkaw khat) chu lawmluh a ni. Bethel Bial ah hian PYD inkhawmpui Headquarters Kohhranah neih niin hetah hian lawmluhna hi neih a ni.
———-
———-
NORTH MIZORAM DISTRICT
District Kohhranpui leh Dept hruaitute Programme:
DISTRICT KOHHRANPUI HRUAITUTE: Feb ni 31 & Jan ni 1 Khan Gen. Executive Board neiin; District hruaitute 3 chuan Gen. Office-ah Meeting an nei
District Treasurer: NMD Treasurer Rev. C. Lalthantluanga Jan ni 30 thawhlehni khan Reiek Bial Pastor Quarters sak thar a hawng a, Feb ni 4-12 kar hian Bangladesh khawpui Dhaka hmunah Apostolic Conference a hmanpui bawk ang.
District Missions Programme: North Mizoram District Mission Dept. chuan Missionary campaign thawh 2-na Feb ni 4 Pathianni leh zan hmang hian a nei le h ang a, campaign thawh 1-naa an kalna bak zawng an kal leh ang.
District Missions Director Rev. C. Lalramthanga chuan Building Committee ruahman angin Feb ni 1 Ningani khan Rengdil Pastor Quarters sak dan tur ruahmanin a hmunah a enpui a, hetih rual hian Missions Field Quarters thenkhaT cheibawl ngai te tlawhin hun a hmang nghal ang.
Gen Missions Dept-in Feb ni 11 Pathianni hmanga Andaman & Nicobar Island Missions Field-a Conference hman turah sawm an nih angin District Missions Executive Committee-in a ruat angin District Missions Director leh Treasurer te an kal ang.
———-
QUARTERS THAR HAWNG:
United Pentecostal Church(NEI) Reiek bial, N. Mizoram Dist. Pastor Quarters sak thar chu, N. Mizoram Dist. Treasurer Rev. C. Lalthantluanga’n Jan ni 30 thawhlehni khan a hawng. Quarter hawn inkhawmah hian Bial chhunga Rawngbawltu pawimawh engemaw zat fuankhawmin inkhawm tawi buatsaih chu Reiek Bial Secretary Upa Lalchungnunga’n a kaihruai a, Quaters hlan tawngtai rual te neiin; Report Rev. Lalchuailova, Bialtu Pastor in a nei bawk a ni.
District Treasurer Rev. C. Lalthantluanga hnen atangin thuchah ngaihnawm tak ngaihthlak niin; Upa Laldinliana, Reiek Bial Treasurer in lawmthu sawina a nei a, hunserh hman zawhah thingpui tuihnai tak Quarters thar lawm nan in ho a ni.
Reiek Bial Pastor Quarters hi May ni 23, 2022 ah ban khur laia sak tan a ni a, Jan ni 30, 2024-ah luah lutin hawn a nit a a ni. Quarters sakna hian Rs. 3,219,226/- sum hman ral niin; Feet 48×38 a liana sak a ni.
———-
LADIES AUXILLIARY TAILORING CENTRE 4TH BATCH TAN A NI:
NMD LAD enkawlna hnuaia Puanthui zirna Ladies Auxilliary Tailoring Centre (LATC) Batch 4-na chu vawiin Feb ni 1 chawhma dar 11:00 khan Tailoring Centre, Tuikhuahtlangah zirna bul an tan.
Kum 2024 atanga Pawnthui zir bultanah hian inkhawm tawi buatsaihin District LAD President Sist. K. Lalhmachhuani B/w chuan kaihhruai hna thawkin, Kumin atana pawnthui zir tur zirlai 11 te an kim a, Tailoring Managing Board member thente pawhin an telpui bawk.
District LAD President hian Zirlaite hriattur pawimawh sawi hmasain chumi hnuah Tailoring Board-in Zirlaite lawmlut tura an sawm Rev. P Vanlalfela Chaltlang Bialtu Pastor dingin Pathian thu chhiarin Zirlaite chu Kohhran zirnaa Pawnthui zir an nih inhria a, an zirnaah taimak chhuah a, hlawhtlin tum leh Kohhran timawitu leh tihming tha tur turin a fuih a, thuchah tha tak a sawi hnuah Zirlai 11 te chu Lal Isua hmingin lawmluhna a nei ta a ni.
He mi hnu hian District LAD Treasurer Sist. Chhuankungi BW leh Managing Board Member Sist. Mahliri ten zirlaite fuihna thuchah hlawkthlak tak tak an sawi bawk. Inkhawm tawi hman zawh hian thingpui in hona neih niin; zirlai an tan a ni.
———-
Bial PYD Conference tluang taka hmanzawh a ni:
NMD huam chhung Pastor Bial 31 ten Jan ni 26-28 hmanga a rualin Bial PYD Conference an hman chu tluang taka hman zawh a ni.
Conference hi Jan ni 26 Zirtawpni zan atanga tanin Jan ni 27 Inrinni nilengin rorel inkhawm neih a ni a. Jan ni 27 zan atangin Revival Programme-a hun kalpui a ni.
Conference hi District hruaitute pawhin ruahmanna an siam ang leh sawm an nih angin heng bialte hi an hmanpui bawk a ni.
1. Evan.Jeno Vanlalruata, Distict PYD President Kol Venglai Bial
2. Evan. C. Lalruatsanga, Distict PYD Secretary Thenzawl Bial
3. Evan. K. Rotluanga, Distict PYD Treasurer, Kol Rengtekawn Bial
Bial hrang hrang PYD te hian kum 2024 chhunga rawngbawlna kawnga ke an pen dan tur Bial Confe-ah hian relin: an rorel tlangpuiah Missions rawngbawlna an kalpui dan tur te, Bial huapa thawhhona tha nei tur leh hmasawnna kawng hrang hrang an rel bawk a ni.
———-
CALVARY BIBLE COLLEGE LIBRARY PUALIN NORTH MIZORAM DISTRICT LAD TEN TANPUINA SUM AN PE:
Jan ni 29 Thawhtanni chawhma dar 11:00 Am khan NMD LAD ten Calvary Bible College Library tihchangtlunna tura thawhlawm an lo lakkhawm chu CBC Principal Rev. K. Malsawmtluanga kutah an hlan.
Thilpek hlan inkhawm tawi buatsaihin NMD LAD President Sist. K. Lalhmachhuani B/w chuan CBC Library puala thawhlawm an khawn dan phung te sawifiahin, NMD LAD Treasurer Sist. Chhuankungi B/W chuan Rev. K. Malsawmtluanga hnenah hian CBC tanpuina hi a hlan a ni.
Thilpek hlanna hi NMD Supdt. Room-ah neiin; Rev. Chhiarpuia pawhin thutawi sawiin; CBC thanlen zelna tura a duhsak thu te leh Bible zirnain hma a sawn zel theihna tura theih tawpa inzirtirna kalpui tul a tih thu te a sawi a, tawngtaina hun a hmang bawk. North Mizoram District LAD ten CBC Library tihchangtlunna tur puala an sum pek hi Rs. 92100/- a ni.
———-
LADIES AUXILIARY TAILORING CENTRE 4th BATCH ZIRLAI LEH ZIRTIRTU LAK A NI:
UPC, NEI-North Mizoram District LAD hnuaia din, Ladies Auxilliarty Tailoring Center (LATC) chuan Jan ni 23 thawhlehni chawhma dar 11:00 khan LATC Managing Board thuin kumin 2024 atan Puanthui zirtirtu tur leh zirlai tur Board kaltlangin an la thar.
Kum 2024 Batch atana Puanthui zir dil hi an vaiin mi 19 niin, chung zinga Seat awm zat mi 11 heng te hi puanthui zir tura lak an ni:-
1. Lalruatkimi,D/o Lalruatsaka Maubawk
2. Lalremtluangpuii,D/o Lallianpuia,Reiek
3. Damsuotling,D/oUpa Darlalthang, Boro-Arkap
4.Lalramdinpuii,D/oThangzuala(L),Aibok
5.Lalthakimi,D/o Lalawmpuia (L)Aibok
6.Zodinsangi,D/oTlangkhuma Zote, Bilkhawthlir
7.Lalmuanawmi,D/o Lalramnuama,Chaltlang
8.Lalmuansangi,D/oVanhlunpuia,Hmuncheng
9.Lalramsiammawii,D/o Lalhmachhuana, Hmuncheng
10.Vanlalruati,D/o C.Lalthantluanga, Tlangnuam
11.Lalrinnungi,D/o Hmingthanzuala,Tuikhuahtlang
Ladies Auxilliarty Tailoring Centre-ah hian zirtirtu hna hawn thar ni bawkin mi 3 in an dil a, chung zingah chan Sist. Lalrinzuali D/o Lalbiakzuala, Zonuam chuan zirtirtu hna hi a thawk dawn bawk.
Interview Board hi Dist. Supt Rev. Chhiarpuia leh Rev. K. Lalduhsanga ten hovin thu tha tak tak sawiin hun an hmanpui bawk.
Kum 2024 a zirlaite hi Batch li-na ni tawhin, Feb ni 1 Ningani atangin bul an tan dawn a ni.
Facebook