GENERAL HRUAITUTE PROGRAMME:
General Superintendent Rev. R. Lalrinsanga chuan ni 16-18 chhung hian Thingsai Bial, Lunglei district Conference hmanpuiin Speaker-ah a tang a, February ni 19 Thawhtanni hian Rawngbawltute seminar a neihpui bawk ang.
General Missions Treasurer Evan. F. Lalsangliana chuan February ni 17-18 chhunga Upper Assam Missions Field Conference neih chu a hmanpui a, he mi rual hian Upper Assam Missions Field Director leh Arunachal Field Director-te Induction Service a neih sak ang.
———-
MISSIONARY LAK THAR THU
General Missions Department Interview Board chuan February ni 14, 2024 khan UPC North East India General Missions Department hnuaia Field hrang hranga thawk tur Missionary 4 a la thar, Chungte chu:
1. Evan Peter Lalawmpuia – Boro Arkap (Siaha)
2. Evan Lunminlal Gangte – Imphal (Rengtekawn, Kolasib)
3. Bro. A Denis-a – Vairengte, Hqrs. Local
4. Evan Lalnunmawia Hnamte – Dinthar, Aizawl (Silchar)
Heng bakah hian Panel list-ah heng mi te hi a thlang bawk:
1. Bro PC Laldingliana – Mualthuam N, Electric Local.
2. Bro Hopeson Gangte – Tulsipara (Churachandpur)
3. Sis Laltlanmawii – Chhawrtui, Kawlkulh bial.
Missionary lak thar-te hian March ni 1, 2024 ah General Director hnenah Joining report an pe ang.
———-
FIRST MISSIONARY ARRIVAL DAY:
February 18, Pathianni ni hi UPC- North East India Kohhran Missionary hmasa ber Rev. Ellis Luther Scism a’n Mizoram a lo luh ni a ni a, he ni Executive Board rorel no. 1, date 9 – 12, 1999 chuan kohhran din niah pawmin he ni hian Kohhran office te khar thin a ni.
Rev. Ellis Luther Scism-hian Pathian hnen atangin, India rama Missionary tura kohna dawng in kum 1948 khan India ram a rawn lut a, Adoor, Kerela-ah Bible School- dinin bul a tan a. Mizorama mi hlim hote nena rawngbawlmek R.A Dover-i-te nen , inbe chhovin Dt.18.2.1950 (Inrinni)-ah khan Mizoram a rawn thleng a, hmun hrang hranga thlarau thianghlim hnathawh avanga tihduhdah leh nekchepna tuar te awm khawm nan UPC kohhran hi din a ni ta a ni.
He kohhrana Baptisma chang hmasa ber leh Pastor atana lak hmasa ber chu Pu Zakamlova a ni.
Kohhran din tirha member record hmasa ber kum 1950 ah member 3,000 niin tun dinhmunah, North East India huamchhungah hian member Nuai khat chuang an awm tawh a ni. Kum 2023 General Conference Report bua a lan danin N.E India UPC huamchhungah hian District 12 ah Kohhran member 1,15,526 an awm mek a. Tualchhung Kohhran 922 leh Preaching Point 205 a awm mek bawk.
North East India UPC hian India hmarchhak State hrang hrang bakah Odisha, Delhi, Kolkata, Andaman & Nicobar Island , Bhutan ramah Missionary tirin rawngbawlna hna a thawk mek a ni.
———-
———-
CHHIMTUIPUI DISTRICT
BIAL CONFERENCE HMANG DAWN :
February Ni 15-18.2024 chhung hian Siaha West Bial chuan Meisatla Local ah Conference V-2 na an hmang dawn a. Speaker atan Evan.C.Lalruatsanga NMD chu hmangin, Thupui atan “I ram lo thleng rawh se” tih hman a ni dawn a ni.
Bualpui Ng Bial te pawh in February Ni 15-18.2024 chhung hian Archhuang Local ah Conference an hmang a. Speaker atan Rev KVL Hmangaihkima District Superintendent AED chu hman niin, thupui atan “Thuthlung kha rawn pawisa ang che” tih chu hman a ni.
3. Niawhtlang Bial:
February Ni 16-18.2024 chhung hian Niawhtlang Bial te chuan Iana (Ainak) Local ah conference an hmang dawn a. speaker atan Evan.N.Thanghnuna District Evangelist chu hman a ni ang.
———-
INKHAWMPUI HLAWHTLING TAK IN HMANG:
1. Siaha Bial:
Ni 8-11.2.2024 khan Siahatla Local ah Bial Conference tluang tak leh hlawhtling taka hman a ni. Inkhawmpui hi Rev.Joseph L.Thlauhthang District Superintendent in a hmanpui a, speaker ruat bik ten rawngbawlna nung tak an nei thin bawk a ni. Bial department leh Kohhranpui rorelna tluang taka neih a ni a. Siahatla Local ten mikhual palai te pual hian ruai vawi hnih an siam a ni.
2. Sangau Bial:
Ni 8-11.2.2024 hmang khan Sangau Bial Conference Vawi 49 na chu hlawhtling tak neih a ni. Rev.Lalhnehchunga District Missions Director leh Sist.T.T Duhtinthluaii Secretary District LAD ten an hmanpui a, Conference ah hian Thupui,”Thuthlung kha rawn Pawisa ang che” (Sam 74:20)hmang in Rev.R.Sangthanga Speaker hnen atangin rawngbawlna nung tak ngaihthlak thin a ni a. Khawmpui chhung hian Sangau Bial tualchhung mi zaithiam pathum Bro.Lalhumliana, Sist.Dawtthasangi leh Sist Ramdinthari ten rawngbawlna nung tak an nei thin bawk.Tin,LAD Sangau I,LAD Sangau II,LAD Sangau Bethel leh PYD Sangau II te hnen atang in Zaipawl rawngbawlna nung tak ngaihthlak thin a ni. Conference thlengtu Bethel Local ten Rorel palai te tan ruai vawi 2 buatsaih sakin zo leh hneh tak in min thleng a, Conference palai te an lawm tlang hle.
3. Tuipang Bial:
Ni 9-11.2.2024 khan Phura Local ah Bial Conference tluang tak leh hlim taka hman a ni. Evan.P.Lalrintlunga speaker hnen atangin rawngbawlna nung tak ngaihthlak thin a ni a, Kohhran ten a rawngbawlna an tuipui hle a ni. Mikhual an thleng tha a, Rev.Kholy Hlychho District Treasurer leh Sist. Ngilneii President District LAD ten an hmanpui bawk a ni. Inkhawmpui lai hian Kohhran dang atangin chhungkaw khat member 5 Kohhran ah lawm luh an ni.
4. South Lungpher Bial:
Ni 8-11.2024 khan Cheural Local ah Conference tluang taka hman a ni. Speaker Evan.H.Lalrinawman Pathian thu tha tak taka sawi mai bakah zai lam rawngbawlna a nei bawk a, a rawngbawlna an hlut hle a ni. Mikhual an thleng tha a, Rev.W.L Thanghre District Secretary leh Sist.L.Nitei Treasurer District LAD ten an hmanpui bawk a ni.
———-
———-
LUNGLEI DISTRICT
BIAL PARIATIN INKHAWMPUI AN HMANG:
February ni 9-11 chhung khan bial pariat Headquarters bial, Luangmual bial, Hnahthial bial, Chhipphir bial, S.Vanlaiphai bial, Tawipui bial, Cherhlun bial leh Zawlpui bialten inkhawmpui hi an hmang a, hetiang hi bial inkhawmpui hmangte hun hman leh rorel tlangpui a ni.
1) LUANGMUAL BIAL : Luangmual bial inkhawmpui vawi 25-na leh Silver Jubilee lawmna hi Luangmual Local Biak Inah neih a ni a, District Treasurer Rev.PC.Lalfakawma chuan a hmanpui, kohhranpui rorelte:
– Pastor Quarters thar sak dilna District ah thlen nise tha tih a ni.
– Bial inkhawmpui palai fee Rs.200 ni thin chu Rs.500 ni tawh se tha tih a ni.
– Conference dawltu tanpuina Rs.7000 ni thin chu Rs.10000 ni ve tawh se tha tih a ni.
– Kum 2025 bial inkhawmpui chu Lunglawn Zaia vengah nghah a ni.
– District Board-a thlen tur thu pakhat an rel bawk.
2) HEADQUARTERS BIAL : Headquarters bial inkhawmpui vawi 44-na hi Farm veng Local-ah hman a ni a, Pangzawl bialtu Pastor Rev.R. Lalsangzuala chuan a hmanpui, bial kohhranpui rorel langsar zualte:
– Bial inkhawmpui dawltu puihna Rs. 30000-ah tihsan.
– Bial chhung Rawngbawltu Inralna Rs. 10000/- ni tawh se.
– Headquarters Bial chhung bik ah, District huap Department Conference a awm a, Biak In khar thin hi, khar tawhloh ni se.
– Kum 2025 bial inkhawmpuina tur atan Ramthar Local tha tih a ni.
– Heng bakah hian District-a thlen tur thu pawimawh tak tak an rel bawk.
3) TAWIPUI BIAL : Tawipui bial inkhawmpui vawi 66-na hi Thualthu Local ah neih a ni a, Sertlangpui bialtu Pastor Rev.R.Lalramhluna chuan a hmanpui. Kohhranpui thurel pawimawh zualte:
– Tawipui S Local chhawm nun dan tur bial OB ten lo ngaihtuah se tha tih a ni.
– Bial chhung Local tinin Rawngbawltu Ni hman theuh nise.
– Bial huap Revival Inkhawmpui buatsaih leh nise.
– Tawipui Bial chhung Kohhran chhiarpui neih nise.
– Kum 2025 inkhawmpui neihna tur atan Tawipui N-II ruat a ni.
4) S.VANLAIPHAI BIAL : Muallianpui Local-a neih S.Vanlaiphai bial inkhawmpui vawi 9-na hi Theiriat bialtu Pastor Rev.K.Lalchhuansanga chuan a hmanpui a, kohhranpui thurel pawimawhte:
– Pastor Quarters-ah Gas Connection dah nise.
– Pastor Quarters hnuai block khat siam chhunzawm leh nise.
– Kum 2025 bial inkhawmpuina hmun atan S.Vanlaiphai Local ruat a ni.
5) HNAHTHIAL BIAL : Hnahthial bial inkhawmpui vawi 54-na hi Hnahthial Chanmari Local-ah neih a ni a, Rahsiveng bialtu Pastor Rev.B.Kamliana chuan a hmanpui, bial kohhranpui rorelte:
– PIM hi bial chhunga support-tu an tam leh zual theih nan campaign neih nise tih a ni.
– Pastor Quarter-a hmalak chhunzawm nan Rs 20000 dah a ni.
– In hmun neihna tur a hmalak chhunzawm nan Rs. 80000 dah rem tih a ni.
– Kum 2025 bial inkhawmpuina hmun atan Thiltlang ruat a ni.
– District-a thu thlen tur rel an nei bawk.
6) CHERHLUN BIAL : S.Chawngtui Local-ah Cherhlun bial inkhawmpui vawi 48-na hi neih a ni a, Pukpui bialtu Pastor Rev.H.Rothuama chuan a hmanpui. Kohhranpui rorelte:
– Bial huap upa leh rawngbawltu seminar neih nise.
– Bial hruaituten bial chhung Local tlawh chhuah nise.
– Pastor Quarters new building atan budget dah chhunzawm leh a ni.
– Kum 2026 hi Bial Golden Jubilee a ni a, hemi pual hian a lawmna tur budget dah chhunzawm a ni.
– Kum 2025 inkhawmpuina hmun atan Khawhri ruat a ni.
7) CHHIPPHIR BIAL : Sekhum Local-ah Chhipphir bial inkhawmpui vawi 40-na hi neih a ni a, District PYD President Evan.C.Lalremchhunga chuan a hmanpui. Kohhranpui rorel langsar zualte:
– Pastor Quarters Sofa Set chei that nise.
– Pastor Quarters bualin do that nise.
– Bial Revival Conference Chhipphir ah inkhawmpui neih nise
– 2025 a bial inkhawmpuina hmun atan Chhipphir Local ruat a ni.
– District-a thu thlen tur ngaihtuah a ni.
8) ZAWLPUI BIAL : Zawlpui bial inkhawmpui vawi 10-na hi Putlungasih Local-ten an dawl a, District Sunday School Director Evan.PC.Zosangliana chuan a hmanpui. Kohhranpui rorel pawimawh zualte:
– Pastor Quarters Compound Fencing chhun zawm zel.
– Financial cum accountancy campaign neih
– Rammut beihpui thlak.
———-
BIAL PARIAT TEN INKHAWMPUI AN HMANG DAWN :
Lunglei District chhunga bial hrang hrang 12 te chuan inkhawmpui an hmang zo tawh a, February ni 16-18 chhung hian bial 8, Sertlangpui bial, Thingsai bial, Pukpui bial, Theiriat bial, Thenhlum bial, Haulawng bial, Pangzawl bial leh Rahsiveng bial te chuan inkhawmpui hi an hmang leh ang.
1) Sertlangpui bial inkhawmpui vawi 47-na hi Sertlangpui Local-ah neih a ni ang a, District Superintendent Rev.C.Vanlalena chuan a hmanpui ang.
2) Thingsai bial inkhawmpui vawi 34-na hi Thingsai Local-ah neih a ni ang a, District Missions Director Rev.C.Lalhriatpuia chuan a hmanpui ang.
3) Pukpui bial inkhawmpui vawi 39-na hi College veng Local-ah neih a ni ang a, Luangmual bialtu Pastor Rev.Lalbiakdika Chawhte chuan a hmanpui ang.
4) Theiriat bial inkhawmpui vawi 34-na hi Emmanuel Local, Zobawk-ah neih a ni ang a, Headquarters bialtu Pastor Rev.LH.Lalchhandama chuan a hmanpui ang.
5) Thenhlum bial inkhawmpui vawi 34-na hi Lungchem Local-ah neih a ni ang a, Hnahthial bialtu Pastor Rev.VL Hmuaka chuan a hmanpui ang.
6) Haulawng bial inkhawmpui vawi 60-na hi Lamthuamthum Local-ah neih a ni ang a, Tawipui bialtu Pastor Rev.R.Vanlalenga chuan a hmanpui ang.
7) Pangzawl bial inkhawmpui vawi 39-na hi Rawpui Local-ah neih a ni ang a, District Treasurer Rev.PC.Lalfakawma chuan a hmanpui ang.
8) Rahsiveng bial inkhawmpui vawi 39-na hi Rahsiveng Local-ah neih a ni ang a, District Secretary Rev.C.Lalrintluangan a hmanpui ang.
Heng bial pariat ten inkhawmpui an hman zawh hian Lunglei District chhunga bial zawng zawngin inkhawmpui hi an hmang zo dawn a ni.
———-
CERTIFICATE LEH FELLOWSHIP CARD HLANNA NEI:
February ni 12, 2024 Thawhtanni hian Dist.Superintendent room-ah Lunglei District atanga Licence dil, General Executive board-in a pek te hnenah Certificate leh Fellowship card hlanna neih a ni a, fuihna leh tawngtaisakna Dist.Superintendent, Rev.C.Vanlalena, Secretary Rev.C.Lalrintluanga, Treasurer Rev.PC.Lalfakawma bakah Missions Director Rev.C.Lalhriatpuia ten an nei a ni.
Certificate leh Fellowship card hlan thar te:
1. Evan. Saithangpuia (Local Licence) Ramthar Local, Lunglei
2. Evan. H.Lalhmingmawia, (Local Licence) Ramthar Local
3. Evan. R.Lalsanglura (Local Licence) Electric Local, Lunglei
Tin, February ni 13 Thawhlehni khan Evan.Vanlalfaka Sailo (Local Licence) Vanhne Local, Lunglei hnenah Licence hi hlan a ni leh bawk.
———-
MI THAR :
February ni 11 Pathianni khan Chengpui Home Missions Field-ah mi thar 4 lawm luh an ni. Mi pahnihin Baptisma an chang a, nau pakhat hlan a ni bawk. He rawngbawlna hi, Home Missionary Evan. K. Lalhlupuia’n a nei a ni.
February ni 11 Pathianni khan Putlungasih Field, Putlungasih Local-ah Pastor R. Lalremsiama’n mi thar pakhat a lawm lut a. Baptisma khur hawn nghal niin mi pahnihin Baptisma an chang a, Home Missionary Evan. Lalhriatmawia chuan Baptisma hi a chan tîr a ni.
———-
———-
AIZAWL EAST DISTRICT
Bial Inkhawmpui:
Aizawl East District chhunga Bial hrang hrangah February 9, Zirtawp zan atanga February 11, Pathianni zan thlenga Bial inkhawmpui hman chu Pathian Thlarau chenchilhna hnuaiah hlim taka hman zawh a ni. Inkhawmpui tan zan khan Local hrang hrang te hnen atangin report ngaihthlak a ni a, bial thenkhat chuan Revival inkhawmin hun an hmang nghal a ni. Inrinni nileng khan Bial chhung inawpna leh District-a lut tur ngaihtuahin rorelna hun neih a ni. Bial inkhawmpui-ah hian Speaker hranpa leh Thupui nei an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung a, Bialtu Pastor Speaker-a hmang an awm bawk a ni. Pathianni Chawhnu Inkhawm-ah khan Lalpa Zanriah Sacrament kil hona neih niin Bial chhunga kohhran member boral sunna hun inkhawmpui chhung hian bial hrang hrangte hian an hmang bawk a ni. Bial thenkhatah chuan Inkhawmpui hun remchangah Thlarau Thianghlim la dawnglo te pualin hun hman a ni a, hetah hian Thlarau Thianghlim dawngthar mi engemaw zat awmin siamtharlehna chang engemaw zat an awm bawk a ni.
Aizawl East District chhungah hian Bial 31 awm mek in Bial inkhawmpui hi District Hruaitute’n hmun hrang hrang-ah hetiang hian an hmanpui a ni.
District Superintendent Rev KVL Hmangaihkima chuan Chhingchhip Bial-ah a hmang a,
District Secretary Rev R.Laltlankima chuan Khawlian Bialah hmanpuiin
District Treasurer Rev H.Lalropuia chuan Darlawn Bial-ah a hmanpui bawk a ni.
———-
Licence la tharte pualin hun hmang:
February 13, Thawhlehni khan District Committee room-ah Kumin 2024-a Licence la tharte pualin hun hman a ni. Rev. R. Laltlankima, District Secretary chuan hun kaihruaiin Rev. KVL. Hmangaihkima, District Superintendent hnen atangin fuihna thu tha tak tak ngaihthlak a ni a, Fellowship Card leh Certificate hlanna hun a nei bawk a ni. He hunah hian Licence la tharte an kalkim thawkhata, hun hlimawm tak an hmang a ni.
Aizawl East District te hian hun engemaw chen atang khan Licence la tharte pual hian hun an lo hmang tawh thin a, hetah hian rawngbawlna kawnga hriattur hrang hrangte inhrilh hriatna leh fuihna thute ngaihthlak thin a ni.
Kuminah hian Aizawl East District chhungah hian General leh Local Licence la thar mi 13 awmin chungte chu:
1. Jerry Lalrinsanga – Dist. Hqrs.
2. Lalrammawia – Zemabawk
3. Lalthansanga – Kepran
4. Obadia Vanlalzuia – Zemabawk ‘N’
5. Jonathan Lalzuimawia- Zuangtui
6. K. Vanlalremruatfela – Serchhip
7. Lalvenhima – Maite
8. H. Lalrinfela – Ramthar
9. Lalzuisanga – Riangtlei
10. Joseph VLH Zuala – N. Vanlaiphai
11. Lalmuanpuia Varte – Armed Veng ‘S’
12. H. Laltlanzela – Maite
13. Laldinsanga – Bawngkawn
———-
Mithar:
Kawlkulh Bial Inkhawmpui February 9 atanga 11 chhunga Vankal hmuna hmanah mithar pakhat Kohhranah sengluh a ni. Sengluhna hi Bialtu Pastor R. Lalfamkima chuan a nei a ni.
February 14, Nilai zan khan Thuampui Kohhranah member 4 chu Bialtu Pastor, Rev. C. Laldintluanga chuan sengluhna a nei bawk.
———-
Hruaitute Programme:
Rev KVL. Hmangaihkima, District Superintendent chuan Chhimtuipui District, Archhuang hmuna Bial inkhawmpui hman mekah Speaker-ah tangin rawngbawlna a nei a, ruahmanna ang chuan February 20-ah Aizawl a let leh ang.
Rev. H. Lalropuia, District Treasurer chuan District Building Committee ruahmanna angin February 14, Nilaini khan Zokhawthar Building sak meka tul leh pawimawh te enpuiin District Building Committee member thenkhatte nen an kal a, Pathianni hian N. Vanlaiphai Bial-ah Missionary support zawngin rawngbawlna a nei leh ang.
———-
———-
NORTH MIZORAM DISTRICT
NMD HUAM CHHUNG BIAL TEN CONFERENCE AN HMANG:
North Mizoram District Pastor Bial hrang hrangte chuan Feb ni 9-11 chhung khan Bial conference an hmang.
Bial Confe hmang te hian Pathian Thlarau Thianghlim awmpuinain hlim takin hun an hmang a, Zirtawp zan atanga Programme tanin, Bial thenkhatte chuan zirtawp zan hian Pathian thu hriatna kawnga hmasawnna tur inelna Bible Quiz, Lengkhawm zai tihte a hman niin; Bial tam zawkte erawh chuan Conference Speaker ruatte hnen atangin thuhrilh rawngbawlna ngaihthlak a ni bawk.
Feb ni 10 Inrinniah Conf rorel neiin; Local, Bial, Dist leh General thlenga hmansawnna tur hrang hrang te ngaihtuahin Bial chhung hmasawnna leh rawngbawlna hmachhawp tur an ruahman bakah Dist. Level hmasawnna tur thilte ngaihtuahin Dist. Confe Agenda atana lut chho tur te an ngaihtuahte bawk.
———-
TAILORING CENTRE TAN THILPEK PE
Feb ni 14 Nilaini chawhma khan NMD LAD hnuaia puanṭhui zirna LAT’C Chuan thilpek steel no (cup) 2 dozens a dawng.
He thilpek hlu tak hi Tlangnuam Local LAD tena an pek niin Tlangnuam Local LAD hruaitu pahnih Secretary Sist.Lalremsiami leh Fin. Secy Sist. Lalremsiami ten an pe a, Dist LAD President Sist K.Lalhmachhuanin a dawng a, Dist LAD aiawhin lawm thu a sawi bawk.
Tlangnuam Local LAD hruaitute hian Dt. 14.02.24 a Zirlaite thingpui inna tur Rs 500 an mimal sum an pe tel bawk.
———-
Mithar lawm lut:
Feb ni 14 .2024 ( Nilai zan) khan, Pangbalkawn Kohhranah Mi thar -1 sengluh a ni a, Rev. C. Lalthlengliana, Bialtu Pastor-in Lalpa Isua hmingin a lawm lut, Bialtu Pastor hi Upa T. Liana Bial Missions Director-in a ṭawiawm a ni. Pathianin ropuina chang rawh se.
Facebook