GENERAL HRUAITUTE PROGRAMME:
General Superintendent Rev. R. Lalrinsanga chuan August ni 1-4 chhung khan Calvari Bible College CBC in Spiritual Emphasis Week an neihah telpuiin rawngbawlna a nei.
General Treasurer Rev. Lalmalsawma Sailo chuan August ni 6 Pathianni hian Champhai Bethel Bial ah Seminar neiin hun a hmang ang
General Missions Director Rev. R. Laichhingpuia chuan August ni 6 Pathianni hian Mualpui Kohhran ah Sunday School zirtirna a nei ang.
———-
MANIPUR BUAINA PUALA TAWNGTAI RUALNA:
United Pentecostal Church of North East India Executive Board July 2003 a neih chuan Manipur buaina puala tawngtai rualna India Hmar Chhak huapa nei tur a a rel angin, UPC North East India hnuai a Tualchhung Kohhran zawng zawngin August 6, 2023 Pathianni zan inkhawmah a ruala tawngtaina neih tur a ni.
Tawngtaina thupui:
1. Manipur ram chhungah remna leh muanna a awm theihna tura Pathian rorelna lo thleng turin.
2. Manipur sorkarin indona a tih tawp a, mi tinin mahni in leh lo rauhsan tawhte an luah leh theihna turin
3. Indona avanga nunna chantu chhungkua ten Pathian Thlamuanna an chan theih nan.
4. Indona avanga hliam tuarte an lo that leh thuai theina turin
5. In leh lo chanta zawng zawngten chhungkaw khawsak kawngah harsatna an tawh chhunzawm loh nan.
6. Kohhranho zawng zawngin rawngbawlna tha tak an neih leh thuai theihna turin.
———-
CBC SPIRITUAL EMPHASIS WEEK:
August ni 1 atang a ni 4, 2023 chhung khan UPC North East India Pathianthu zirna Calvari Bible College CBC chuan an Campus, Shillong-ah kumtina neih thin angin Spiritual Emphasis Week vawi 11 na an hmang a, General Superintendent Rev. R. Lalrinsanga chuan he hun hi hman puiin Speaker-ah atang a ni.
———-
UPC NEI BEIHRUAL THUPUI BU 2023 TLANGZARH:
August ni 4, 2023 Zirtawpni khan UPC North East India Literature and Publication Board buatsaih Kum 2023 Beihrual thupui zirtur, Ramthim rawngbawlna” tih chu UPC North East India General Secretary & Literature and Publication Board Chairman Rev. Zohmingthanzama’n a tlangzarh.
Tlangzarh Inkhawm hi General Headquarters Committee Room, Mualpui Salem veng, Aizawl ah neih a ni a, Literature and Publication Board Secretary, Rev. JH. Zahluna’n kaihruaiin, lehkha bu ziaktu Rev. K. Satinvela hnen a tangin report ngaih thlak a ni bawk.
Beihrual thupui bu, “Ramthim rawngbawlna” hi 10000 copies chhut niin, Kohhran mipuite lei theih turin chhawpchhuah a hmalak nghal a ni a, General Office Aizawl ah te, Pentecostal Book Store leh District office hrang hrang ah te Rs.60/- a lei theih a ni ang.
———-
LIVE CRUSADE:
UPC North East India General PYD Kumpuan Committee buatsaihin August ni 4 zirtawp zan atanga ni 6 Pathianni chhung hian Bethlehem Biak In, Aizawl ah LIVE Crusade neih a ni.
He Crusade ah hian Evan. Lalchhuanmawia Sailo, N. Mizoram District chu Speaker ah hman niin Zaipawl leh Mal zai atangin Pathian fakhla ngaihthlak thin a ni bawk. General PYD Kumpuan Committee hian kumpuan thupuiah “Thuthlung puan uar” tih chu hmang mek a ni.
He LIVE Crusade Programme hi UPC General Media Cell PENNET chuana duh apiangte en theih turin Pennet Youtube Channel-ah Live in a pe chhuak thin a ni.
———-
———-
AIZAWL EAST DISTRICT
Pastor induction:
August 6, Pathianni hian Khawzawl Bialtu Pastor lakluhna, induction neih a ni dawn. Lakluhna, induction hi Bial Hqrs.-ah neih tura ruahman niin Rev. H. Lalropuia, District Treasurer chuan lakluhna a nei dawn a ni. Kumin kum chanve District Board khan Khawzawl bialtu Pastor, Rev. Lalhmangaihawma Parte chu Calvary Bible College-a BD zira a kal avanga District Treasurer Rev.H.Lalropuia’n Khawzawl bial alo hmui mek chu hmui tawh lovin Khawlian Bialtu Pastor K. Vanlalhlimpuia chu Khawzawl Bialtu Pastor atan dah a ni a, Khawlian Bial hi Rev R. Laltlankima, District Secretary chuan lo hmui se tih a ni. Darlawn Bial pawh Rev VL. Hnemtluanga, District Missions Director chuan hmui rih se tiin alo rel tawh a ni.
———-
District Missions Executive meeting neih a ni:
August 1, Thawhlehni khan Director room-ah District Missions Executive meeting neih a ni a, an thu passed langsar zualte:
1. Missions Evangelist atan Bro. Lalrinnunga, Riangtlei chu lak a ni a,Zuangtui Vengthar ah rawngbawlna a nei ang
2. Evan Vanlalchhawrzela, Chehrep a rawngbawl mek chu Lungchhuan hmunah sawn a ni
3. Zokhawthar Evangelist Quarters sakna tur atan Building Committee din ani a, 17. August.2023 hian Building sak tan tura ruahman a ni
4. Menchuka Building sak tur Design turin Evan Lalhmachhuana Varte ngen nise
5. Pennet AED YouTube Channel a dah turin Isua Pathianna leh Baptisma chungchangte tihchhuah tur a record nise, Speaker atan Rev K VL Hmangaihkima ruat a ni
7. Selingah Ni 15-17. September.2023 hian Crusade neih tura tih a ni.
———-
Vaihlo Dona Seminar hlawhtling takin neih a ni:
July 30, 2023 Pathianni chawhnu khan Serchhip Dinthar Biak inah Vaihlo Dona Seminar (Trainer’s Training) hlawhtling taka neih a ni. General SS hruaitu pathum Rev. H Biaksangzuala, Director; Rev. Jh Zahluna, Secretary leh Evan. R Lalbiakfela, Treasurer ten he hun hi an hmanpui a, Serchhip bial leh Serchhip Dinthar bial chhunga Sunday School hruaitu leh zirtirtute bakah Thianghlimna Committee-a hruaitu chinte an tel a ni.
Seminar hi Rev. Jh Zahluna, Secretary-in a kaihruai a, hun hnihah thenin, hun khatnaah K. Hmingthansangi, District Consultant hnen atangin vaihlo leh a kaihnawih chungchang ngaihthlak a ni a, hun hnihnaah Rev. Biaksangzuala, Director-in Sunday School pawimawhna a sawi bawk. Sis. Lalhmingsangi leh Sis. Vanlaltluangi ten fakna hla an sa bawk a ni.
General Sunday School hian nasa takin hma a la mek a, National Health Mission (NHM) hnuaia National Tobacco Control Programme (NTCP) nen thawh hona thuthlung ziakin Serchhip District-ah hma an la hmasa ber a, District hrang hrangah nei turin ruahmanna siam a ni bawk.
———-
Practical Training nei:
August 1, Thawhlehni khan N.Vanlaiphai Bial chhunga church board member chin te tan; N.Vanlaiphai Headquarters Biak inah serh leh sang rawngbawl dan zirhona, practical training neih a ni.
Church board member te an kal tha hle a, serh leh sang practical training hi Pastor B.Lalhmingliana, Bialtu Pastor in a kaihruai a. Sacrament sem dan te, hriak thih rawngbawlna neih dan te, kesil rawngbawlna neih dan te, mitthi vuinaa hun hman dan leh rawngbawlnaa church board member te hriat tur pawimawh tak tak inzirtirna hun an hmang a ni. Tlai lamah zanriah kil hona hlimawm tak neih a ni a, hun hmang tuten hlawkthlak an ti hle.
———-
Mithar leh baptisma chang thar:
July 30, Pathianni khan Sis Vanlalpari rawngbawlna atangin Keifang Kohhranah mithar 1 sengluh a ni. Member thar hi Kohhran Chairman Upa Joseph Malsawma’n sengluhna a nei a ni.
July 30, Pathianni vek khan Darlawn Kohhranah mi 3 in Baptisma an changa an zinga pakhat hi mithar a ni a, Kohhranah sengluh nghal a ni. Ratu Melkawn-ah July 31, Thawhtan zan khan Upa Lalrokima, District Evangelist rawngbawlna atangin mithar 4 sengluh an ni a, mi 2 in Baptisma an chang a, Baptisma rawngbawlna hi Evan R Vanchhunga(Pastor i/c) chuan neiin nau pahnih a hlan bawk a ni.
July 30, Pathianni khan Hnahlan Bial, N.Diltlang hmunah Evan H.Lalremhlua rawngbawlna kaltlangin kohhran mi ni sa mi 10 ten sual ngaihdamna baptisma an chang thar.
July 30, Pathianni zan khan Bethel Bial, Zokhawthar kohhrana member ni turin chhungkaw khat, member-2 te chu Upa Dosianmunga’n sengluhna a nei. Bethel Bialtu Pastor Rev. E. Vanlalpeka Zote chuan July 29 atanga 31 chhung khan Ngur Kohhranah bial fan progarmme hmangin July 30, Pathianni Chawhnu inkhawmah member 6 te chuan Lalpa Isua hmingin baptisma changin an zingah hian mithar 2 an tel a ni.
July 29, Inrinni khan Kawlkulh Bial, Chhawrtui Kohhranah Upa Lallawmzauva te chhungkua in lawm thusawina (Chawimawina) an pe a, Speaker ah Evan Lalhmachhuana Varte hman a ni. Kohhran hoten malsawmna dawngin, Speaker hnen atangin Pathian thu ropui tak tak ngaihthlak thin a ni. Chawimawina Program hman chhung hian mithar 6 chu Kohhranah sengluh an ni a, mi thar pakhatin Isua hmingin baptisma a chang bawk a ni. Kohhrana sengluhna leh nauhlan rawngbawlna hi Bialtu Pastor R Lalfamkima’n a nei a ni. Chhawrtui ah hian Evan Ramhuapliana (District Evangelist) chuan rawngbawlna a nei mek a, a rawngbawlna Lalpan mal a sawm hle a ni.
July 30, Pathianni khan Zemabawk Bial, Lungbial Kohhranah mithar 5 Kohhranah sengluh an ni.
July 30, Pathianni vek khan Thuampui Kohhrana lawi turin Evan Vanlaltluanga’n mithar 3 Kohhranah a senglut a, Rev Rohmingliana kutah mi 2 te hian Baptisma an chang nghal bawk a ni.
July 29, Inrinni khan E.Lungdar bial, Sailulak ah N.P.S.S hmalakna in Lang camp neih a ni a, Bro. Ramdintluanga, District Evangelist chu Speaker-ah hman a ni. He hunah hian thlarau thianghlim dawng mi eng emaw zat awmin July 30, Pathianni khan mi sawmpahnih (12)-ten, Pastor V. Kamneihthanga kutah sual ngaihdamna baptisma an chang a ni.
Hliappui Local-ah pawh July 29, Inrinni khan NPSS pualin lang camp neih a ni a, Speaker-ah Evan Philip VL.Hmuchhuaka hman a ni. July 30, Pathianni khan Baptisma khur hawn ani a, mi pasarih (7) in Baptisma changin, rawngbawlna hi Evan.Philip VL Hmuchhuakan a nei nghal a ni.
July 30, Pathianni chawhma inkhawmah khan Bethlehem Kohhranah mithar 2 sengluh an ni. Pakhat hi Mosolman Sakhua zawmtu a ni.
———-
N.Vanlaiphai bial chanchin:
N.Vanlaiphai Bial a Bro. H.Vanlalhruaia (Mahruaia) rawngbawlna 26.5.2023 atangin chhunzawm zel ala ni a, July 29, Inrinni khan T.Upa R.Lalremsiama te chhungkua, Rawlkhang Local Church Board Secretary- te chuan Pathian chawimawina an nei a, Bial chhung Local tin atangin he hun hmang hian an kal tha hle a ni. Speaker rawngbawlna Lalpan mal a sawmin thlarau malsawmna tam tak nen hun an hmang a ni. N.Vanlaiphai Bialah Lalpan hna a thawk nasa hle a, chawimawina hi vawi 9 awm tawh in, Kohhran member nisa leh member thar te nen mi 20 chuangin Isua hmingin baptisma an chang tawh a ni.
———-
Camping hlawhtling takin nei:
July 26 atanga 29 chhung khan Evan. HK. Lalhmangaiha leh a Team te chuan Bethlehem Vengthlang Kohhranah Camping buatsaihin mi 21 lutin hlawhtling takin camp hi neih a ni. Pathianni khan Followup programme hmang chhunzawmin mi 13 in sual ngaihdamna Baptisma an chang a ni.
Evan. HK. Lalhmangaiha leh a Team te hian August 2, Nilai zan atang khan Bawngkawn Bial Missions Department buatsaihin Bawngkawn Biakinah Revival Crusade hmangin rawngbawlna an nei leh mek a ni.
———-
Hruaitute Programme:
Rev. R. Laltlankima, District Secretary chuan District Board rorel anga Khawlian Bial a hmui tur charge la in Pathianni thleng Bial chhungah rawngbawlna a nei anga ruahmanna ang chuan Thawhtanni-ah Aizawl a let leh ang.
Rev. H. Lalropuia, District Treasurer chuan Khawzawl Bial-ah hun hmang mekin Pathianni hian Bialtu Pastor thar, Pastor K. Vanlalhlimpuia lakluhna a nei anga, ruahmanna ang chuan Thawhtanni-ah Aizawl a let leh ang.
Rev VL. Hnemtluanga, District Missions Director chuan District Board rorel anga Darlawn Bial a hmui tur charge la in Pathianni hmang hian Bial chhungah rawngbawlna a nei anga ruahmanna ang chuan August 10 hian Aizawl a thleng leh ang.
———-
———-
NORTH MIZORAM DISTRICT
DISTRICT HRUAITUTE PROGRAMME (OFFICE)
Secretary: Rev. K. Lalduhsanga Dist, Secretary chuan Tun Pathian lo awm tur Aug ni 6 hian District Board in Dinthar Bial hmui tura a tih angin Dinthar Bial lamah hun a hmang ang.
———-
NORTH MIZORAM DISTRICT BOARD ROREL NEIH A NI:
July ni 25 leh 26 khan North Mizoram District Board thukhawm neiin; Rev. Chhiarpuia’n Meeting a kaihruai a, Gen. Supdt. Rev. R. Lalrinsanga’n a ho bawk. An rorel tlangpui pawimawhzual te:
1.Biak in hmun zauhna hetiang hian pek remtih a ni 1) Samlukhai Rs. 3,50,000 2) Lengte Rs. 3,00,000
2.General Conference Kolasib a NMD in a thlen turah Budget Rs 15,00,000/-chu pass a ni.
3.Kohhran te kum 27 chuang zet harsatna avanga thubuai neiin kana wm a, Pathian khawngaihnaa chinfel saka kana wm lawmna neih tha tih a ni a, a hun atan March ni 2024 (Monday) ni se tha tih a ni.
4.Nalbari 2 Upper Assam Missions Field Biak in NMD sak sak chu, a sak zawhna tur Rs. 78,000/- chu pek nise kan ti.
5.General PYD Choir te Youth Conference Philipines hmun a an zinna turah sum/senso tumpui tura an rawn dil a Rs. 3,00,000/- pek tha tih a ni.
6.Rev. Laltluanga Executive Board Member chu a pension tak avangin, Executive Board member thar turin Rev. H. Zabiaka chu ruat a ni.
7.District chhunga Bial hming inkoh dan tih chian ni se Executive Board resolution no. 30-na September ni 2014 in a lo pass tawh angin Pastor Bial tih ni lovin, a khaw hming in, Bial hming hi koh tur a ni ang
8.General Conference Lunglei a lo awm turah Bus pakhat hman ni se, Mahni lirthei a kal tur te chu Sumo rate angin Travelling Allowance pek an ni ang.
9. District Headquaters hmun Master Plan neih tha kan ti a, hruaitu ten hma se. Pentecostal Gateway Higher Secondary School ah hian School Naupang an len tawh loh avangin leh School Building a hlui tawh avangin Kawlthei huan hmunah School thar sa tura hmalak nise.
10.North Mizoram District in Evangelist a rawih mek te hi intuaitharna turin training neih nise
———-
DISTRICT MISSIONS BOARD NEIH A NI:
Aug ni 1 thawhlehni chawhma dar 11:00 Am khan ruahman lawk angin North Mizoram District Missions Department chuan Board kohvin District Committee Room-ah Board meeting an nei: Board meeting hi District Missions Director Rev. C. Lalramthanga’n kaihruaiin District hruaitu 2 Rev. Chhiarpuia Supdt. Leh Rev. C. Lalthantluanga, Treasurer ten an hova, District Secreatry Rev. K. Lalduhsanga erawh a bial hmui mek Dinthar bialah mithi an neih a vui avangin a tel thei ta lo.
Rorel tan hmain Meeting chairman Rev.C. Lalramthanga’n Board member te chibai bukin fuihna thu piah lamah District Missions tana theihtawp an chhuah kawngah fakin District hmalakna hrang hrang pawimawh zualte report a pe a, Dist. Supdt. Rev. Chhiarpuia thusawi tura sawmin ani pawhin Missions hmalakna a zauh chhoh tawh dan te, Mission hmalakna reng reng buaipui tham tak a nih tawh thu te sawiin; hruaitute thawhhona chungchangah lawmthu a sawi bawk.
Rorel tlangpui te: Missionary transfer chungchang leh Office-a Missionary attached-a dah te term chungchang: Missionary/Casual Workers te transfer hun January thlaa ngaihtuah thin chu School calendar thlirin March thlaah ngaihtuah thin a ni tawh se.
Missionary Office-a attached-a awm te term hi kum hnih (2) ni tawh turin lungrual takin kan passed a ni a, he rorel hi tun atanga hman nghal tur a ni ang.
i)Casual Workers enkawl zel dan tur chungchang : Casual Workers enkawl dan tur siam tha tih a ni a, Drafting Committee din a ni.
ii)Vawngawnzo Field enkawl tur Casual workers dah chungchang: Vawngawnzo Missions Field-a thawktu dah chungchang sawiin Casual Worker dah passed a ni. thawktu tur hi District Missions Executive Committee-in a rang thei angin lo ngaihtuah se tih a ni.
iv)Missionary & Casual workers Tour Policy chungchang: Missionary leh Casual worker te hun thawl neia fehchhuah hun remchang siam sak tha tih a ni a, Missionary leh Casual workers te thlatin an lawman atanga Rs. 300 khawlsakin District puihna nen Tour Policy siam tha tih a ni a, Fehchhuah hun leh ruahmanna chu Dist Board kut a ni ang.
vii) Missions Department Inkaihhruaina Dan: District Missions Board hmasain Missions Dept inkaihhruaina dan siam tura Drafting Committee a siam tena an rawn duan tawh Board in ngun taka a zir leh hnuah Dist. Missions Dept inkaihhruaina dan chu pawma nemnghet a ni a, Dan pawh hman tan nghal a ni.
———-
NORTH MIZORAM DISTRICT SUPERINTENDENT IN A QUARTER A LUAH LUT, QUARTERS HLANNA INKHAWM HMAN A NI:
UPC-NEI, North Mizoram District Superintendent Rev. Chhiarpuia chuan vawiin Aug ni 1 khan District Board ruahman angin a quarters thar a luah lut.
Superintendent quarters luah luh thar hi kum 27 chhung zet harsatna avanga NEI-UPC ten an luah tawh loh niin; buaina leh harsatna chinfel a nih a, NEI-UPC in a ta ngai nei let tura Supreme court in harsatna a sutkian sak tak avangin, Building thar (Unau lehlam tena an lo luah hawh chu) NMD Supt Quarters atana ruahman a nih angin Aug ni 1 khan luah luh a ni a, hemi ni vek chawhnu dar 3:00 Pm khan building hlan tawngtai inkhawm quarters luahluh tharah hian neih nghal a ni.
Inkhawm Rev. C. Lalthantluanga, Dist. Treasurer in a kaihruai a, Dist. Supt Rev. Chhiarpuia leh Dist. Secretary Rev. K. Lalduhsanga ten thu an sawi a, hemi bakah hian a duh apiang tana thusawi hun hawnah Rev. C. Lalramthanga, Dist. Missions Director, Rev. Lalremtluanga, Hqrs. Bial Pastor, Rev. R. Lalhmangaiha, Maubawk Bial pastor te atangin thusawi ngaihnawm tak tak ngaihthlak a ni bawk. Thusawi zawh hian rawngbawltu leh mipui pungkhawmte’n Supdt. Quarters luahluh thar building chu hlanin uluk takin tawngtaina an hmang a, Tawngtai zawhah Rev. P. Vanlalfela Chaltlang Bialtu Pastor chuan Malsawm tawngtai neiin; quarters hlan inkhawm chu a tin ta a ni.
———-
MISSIONARY CHALLENGE NEI:
Kawnpui Bial Missions Department buatsaihin July Ni 29 – 30, 2023 khan Kawnpui Venglai Biak Inah Missionary Challenge tluang taka neih a ni. He hunah hian Rev. Lalmuanpuia, Director Assam Missions Field chu speaker niin, Missions rawngbawlna kawnga kohhran mawhphurhna leh ramthim rawngbawlna-in kohhran tan malsawmna tam tak a kentel dante leh field report ngaihnawm tak tak, ani hnen aṭang hian ngaihthlak ṭhin a ni.
Programme hman chhungin speaker pual hian thawhlawm khawn ṭhin a nih bakah Assam field-a thawktute pualin inverter leina tur appeal neih a ni bawk. Speaker puala thawhlawm khawn tlingkhawm hi ₹ 10,685/- a ni a; inverter leina tur pual appeal tlingkhawm hi ₹ 62,900/- a ni bawk.
Hun engemaw chen aṭang khan Missionary Challenge programme hi Kawnpui bial hian alo nei tawh ṭhin a, kohhran hoten an hlawkpui ṭhin hle.
———-
PANGBALKAWN KOHHRAN :
KOLASIB RENGTEKAWN BIAL:
July ni 30 Pathianni zan khan Rev C.Lalthlengliana bialtu pastor chuan Pangbalkawn Kohhranah bial fan programme hmangin , Nau – 2 hlanin Pastor kutah hian Mi -2 in sual ngaihdamna baptisma Lalpa Isua hmingin an chang nghal a , Baptisma chang mi 2 zinga pakhat hi Mi thar a ni.
July ni 30 Pathianni zing khan Rev C.Lathlengliana chuan Pangbalkawn Bethlehem ah bial fan programme a nei a, Nau -2 hlan a ni, Pangbalkawn Bethlehem Local hian Bial kohhranpui Budget an lo pe tlàk bawk a, kohhran hote inkhawm an ṭha hle, bialtu Pastor hi Bro Lalropuia : Rengtekawn leh Bro Lunminlala ( Bawihpu-a ) ten an ṭawiawm a ni.
———-
CRUSADE NEI:
Headquarers Bial kohhranpui buatsaih Crusade chu Aug ni 4-6 chhung hian Nursery Veng kohhranah hman a ni dawn. He Crusade-ah hian District Ramtlan Evan. C. Lalruatsanga hman tur niin; Hqrs. Bial te hian Thlarauva tuihal te leh Pathian thlarau thianghlim awmna chang duh apiang he crusade chhim tur hian an sawm a ni.
Hetih rual hian Chawhnu hunah Pangbalkawn Bethlehem Kohhran ding tharah hian Church Board chin tan Seminar neih nghal a ni a, Resource person-ah Rev C.Lalthlengliana bialtu Pastor chu hman a ni a , Seminar thupui ah ‘Church Administration’ leh Chiatni ṭhatni a Church Board te mawhphurhna tih chu hman a ni a, zawngchhangthlak an ti hle
———-
Member thar 2 nei
July Ni 29 inrin zan khan Rengdil Bial Kawrthah hmunah member thar 2 Evan. ZD Lalhmangaihzuala’n Isua hming in a lawm lut. Member thar te hi Presbyterian kohran leh Salvation Army atang in an rawn lut a ni. Nau 1 hlan ani a, Baptisma rawngbawlna neih nghal niin mi 1-in baptisma a chang bawk.
UPC-NEI, NORTH MIZORAM DISTRICT HEADEQUARTERS KOHHRANIN PATHIAN CHAWIMAWINA NEI:
UPC (NEI) North Mizoram District Hqrs. Kohhrante chuan Inrinni kal ta July ni 29 khan Pathian chawimawina an nei.
Hqrs. Kohhran tena Pathian chawimawina Programme an neih hi July ni 28 (Zirtawp zan) atanga Programme tanin hetiang hian hun an hmang:
28th July (Zirtawp zan) Thusawitu: Rev. C. Lalramthanga, District Missions Director
29th July (Inrinni chhun) Thusawitu: Rev. R. Lalrinsanga, General Supt. UPC(NEI)
29th July (Inrinni zan) Thusawitu: Rev. Chhiarpuia, Supdt, UPC, NMD
He Chawimawi Programme kohhrantena an buatsaihah hian mipui pawh an insawm zau a, District khawpui chhung leh pawn atang pawhin rawngbawltu pawimawh tak tak an tel a, hei bakah hian Kohhran mipui Bial chhung leh pawn atangin thlarau mite’n he chawimawina hi an chhim bawk a ni.
———-
———-
LUNGLEI DISTRICT
JOINING REPORT PE :
Lunglei District UPC Board vawi 210-na in Pastor atana a lak thar Evan.F.Lalsanglura chuan August ni 1, Thawhlehni khan District Superintendent hnenah Joining Report a pe a, District hruaituten Pathian hnenah tawngtaina an neih sak bawk.
August ni 10, Ningani hian a bial tur Bunghmun ah a chhuk thla ang.
———-
MUSIC FESTIVAL ORGANISING COMMITTEE AN THUKHAWM:
July ni 30, Pathianni chawhnu khan Conference Hall-ah District Music Committee leh District PYD ten an buatsaih tur Music Festival neih tur chungchang ngaihtuahin Organising Committee-te an thukhawm, An rorel pawimawh zualte:
1. Music Festival neih hun atan hian Dt.28.10.2023 (Inrinni) Zan. Dt.29.10.2023 (Pathianni) Chhun leh Zan te ruahman a ni a, A hmun atan Electric Veng Local UPC Biak In, tha tih a ni. Programme Committee members atan heng mite hi ruat an ni-
i) Evan.Lalringzuala Pachuau – Chairman
ii) Rbt.R.Lalsanglura
iii)Rbt.Lalrindika
iv) Bro.PC.Lalchhanchhuaha
v) Bro.Lalnunmawia Fanai ( Anni hian Chanvo nei turte leh programme inchherchhuan zawng zawng ruahmanna an siam ang. Tin, Sound System ngaihtuah pawh an kutah dah nghal a ni. )
Tin, Decoration Committee Members atan heng mite hi ruat an ni-
i) Rbt.H.Lalpianfela
ii) Sist.Vanlalpari Ralte
iii)Sist.K.Lalrinkimi
2. Audio / Visual Editing: PENNET Lunglei te ruat nise tha tih a ni a. Anni pui turin Rbt.Lalrindika leh Bro.Lalnunmawia Fanai te ruat an ni. Tin, FLYER (Video & Photo) mawihnai tak lo buatsaih se tha tih a ni bawk.
3. TA/DA : Khawpui pawn atanga Zaipawl lo kalte – an kawng kal man chanve (one- way) tumsak nise tha tih a ni a.Chanvo neitu dangte TA/DA erawh chu a tul anga ngaihtuah that ni se tha tih a ni bawk.
4. ZAIPAWL BEISEITE: i) Lunglei District UPC Choir ii) Headquarters Bial PYD Zaipawl iii) Pukpui Bial PYD Zaipawl iv) Luangmual Bial PYD Zaipawl v) Rahsiveng Bial PYD Zaipawl vi) Hnahthial Bial Zaipawl vii) Haulawng Bial PYD Zaipawl
———-
CRUSADE :
July 28-31, 2023 chhung khan Zotuitlang Local-ah Crusade leh Chawimawina neih a ni a, hlim takin hun an hmang. Bialtu Pastor Lallawmsanga kutah mi 11 in Baptisma an chang a, Thlarau thianghlim Baptisma chang pawh mi engemawzat an awm bawk.
– July 20-30, 2023 chhung khan Zion Revival Team-te chuan District Missions Field Thiltlang Local-ah Crusade an nei a, hlim takin hun an hmang.
———-
LANG CAMP :
July ni 29-30, 2023 chhung khan Rangte N Local-ah PCD-te pualin Lang Camp buatsaih a ni a, Speaker atan bialtu Pastor PC.Zion Rammawia chu hman niin, Thlarau dawng thar mi engemawzat an awm a, hlim takin hun an hmang. (Pic. PCD Lang Camp)
———-
MI THAR :
July ni 30, 2023 Pathianni khan New Ngharchhip Local-ah member thar pakhat bialtu Pastor K.Lalnunpuia chuan a lawmlut.
———-
RAHSIVENG BIAL PYD TEN THISEN UNIT 33 AN PE:
July ni 29, 2023 Inrinni khan Rahsiveng bial PYD ten amamawh apiangte hman turin thisen Unit 33 Civil Hospital, Lunglei tan an pe.
Thisen pek hma hian hunserh tawi hman a ni a, he hun hi Rbt. R. Lalrochama bial PYD Vice President in a kaihruaia, member kalkhawm chungah lawmthu sawiin a tawngtaia, Evan Laldinpuia Sailo Dist. PYD Treasurer in thu tawi sawiin Thisen pek kawnga PYD sulhnu neih tawh te a tarlang.
Hemi hnu hian Dr. Malsawma Blood Bank Officer in thutawi sawiin Thisen pek hlutna leh uar deuh deuh turin kalkhawmte a fuih a, chumi hnuah Rbt. H.Lalrinmawian tawngtaina hun hmangin thisen pek hi chhunzawm a ni.
Thisen petu mi 33 zing ah hian mipa 30 awmin hmeichhia 3 an ni a, Civil Hospital Blood Bank ah kal chilhin thisen hi pek niin, thisen pe tur hian Rahsiveng bial chhunga Local hrang hrang atangin Member 60 chuang an kalkhawm a ni. (Pic. Thisen pek)
———-
———-
CHHIMTUIPUI DISTRICT
HMANGAIH THILPEK HLAN:
Sist.Miriami D/O Rintluangi (Nurini) of Vawmbuk Local a lawi, Siaha Nursing Home a nau nei chu District hruaitute remruatna angin tanpuina pek an ni. Naute hi a zai a zai chhuah a ni a,Nursing Home a an in enkawlna bill hi a sang ang reng a, District hruaitute hian remruatna siam sakin Siaha Bialtu Pastor Rev.K.Kawngkharmawia leh Siaha West Bialtu Pastor Pastor C.Lalchhuanthanga te pawn an bial ve veah hma an la bawk a, Local hrang hrang leh Department hrang hrang mai bakah mimal tlawmngaite sum an thawh khawm tling khawm hi Rs.65000 lai a ni. Ni 1.8.2023 khan Sist.Nurini (Miriami Nu) hnenah District hruaitute hian an hlan nghal a ni. Naute leh a nu hi an tha a, damdawi in an awmna Nursing Home atang hian hlim takin an chhuak ve nghal a ni.
———-
KOHHRAN KAN IN ZIN CHHUAK:
Ni 30.7.2023 Pathian Ni hmang khan Rev.Joseph L. Thlauhthang District Superintendent chuan Cheural Kohhran tlawhin rawngbawlna a nei. Rev.Joseph L. Thlauhthang hi Evan.C. Vanlalhmudika leh Bro.Eden Lalnunthara ten an tawiawm a. Ni 29.7.2023 Inrinni khan Upa leh rawngbawltu bakah kohhran member ten Biak Inah lo hmuakin Inrinni zan atangin rawngbawlna nung tak an nei nghal a, an rawngbawlna Kohhran ten an kham lo hle a ni. An cham chhung hian Kohhran te inkhawm an thain Thlarau boruak nuam tak hnuaiah hun hman thin a ni a. Cheural Local Church board committee member ten Superintendent leh a thiante pual hian Ni 30.7.2023 Pathian Ni tlai khan chawhlui an buatsaih sak bawk. Cheural kohhran District Superintendent in a tlawh hi Kohhran te an lawm hle a ni.
———-
CONFERENCE THLENGTU TUR TLAWH:
Ni 30.7.2023 (Pathianni) khan District Missions hruaitu ten District Missions Conference thlengtu tur Council Vaih Local te an tlawh. Rev.H Lalhnehchunga District Missions Director, Evan. John VT Hniehu District mission secretary,Rev.WL Thanghre District mission Treasurer te bakah Pastor C. Lalchhuanthanga Bialtu Pastor in a tawiawm bawk a ni. Chawhma inkhawmah Rev. Lalhnehchunga’n hun hmangin kohhran ten an hlawpui hle a. Chhawhnu lamah Upa leh rawngbawltute nen Conference in buatsaihna leh hmachhawp te sawihona hun hman a ni bawk. Conference chhinchhiah thlak tak hman anih theih nana in puih tawna tangho zel turin thu thlamuan thlak tak tak an sawiho a, kohhrante an thlamuang hle a ni. Tlai lamah rawngbawltu leh upate nen chawhlui an kilho nghal a ni.
———-
MITHAR LAWMLUT:
Ni 30.7.2023 Pathian Ni khan Ephatha Preaching station ah mi thar chhungkhaw khat member pali chu Isua hmingin Kohhran ah Evan.G.Lalnunzira Home Missionary in a lawm lut.
———-
RAWNGBAWLTU RETREAT NEI:
1. Ni 30.7.2023 (Pathian Ni) chawhnu lam khan District rorel bawhzuiin College Vaih Local ah Rev.C.Valy Senior Pastor in Rawngbawltu retreat hlawhtling takin a neihpui a, retreat a tel an thain an phur hle a, LAD ten retreat a tel te eiin tur tuihnai tak an siam sak bawk a ni.
2. Ni 30.7.2023 (Pathianni) khan Rev.Dr.C.Sihmo Senior Pastor chuan Meisatla Local ah rawngbawltu retreat a nei.Kohhran ten an hlawkpui hle a ni.
———-
ARCHHUANG LOCAL AH RAWNGBAWLNA NEI:
Ni 30.7.2023 (Pathianni) hmang khan Archhuang Local ah Evan.N. Thanghnuna District evangelist leh athian ten rawngbawlna an nei. An rawngbawlna Kohhran ten an hlut hle a, thlarau malsawmna hnuaiah hun an hmang a ni.
Facebook